Владата на СДС и ДУИ преку МЗШВ, конкретно Љупчо Дон Николовски работела со голем број нерегуларности, сомнежи за криминал и надвор од закон. Постои основано сомневање дека во 2021 година е пуштено во промет брашно во вредност од над 2 милиони евра без за истото уредно да биле платени контролните марки во МЗШВ, обвинува Бране Петрушевски, пратеник на ВМРО-ДПМНЕ.

-Според Извештајот на ДЗР за МЗШВ за 2021 година, изготвен во 2023 година јасно се нотира МЗШВ, со кое раководел Љупчо Дон Николовски не воспоставило евиденција на набавените и издадените контролни марки за ставање во промет на брашното, ниту пак контроли во тој процес. Постои основан сомнеж дека Љупчо Дон Николовски и владата на СДС и ДУИ дозволиле во промет да циркулира брашно кое имало контролни марки кои не биле уредно платени во МЗШВ, вели тој.

Имено, посочи дека Ревизорот констатирал дека за 2021 година МЗШВ набавило контролни марки во вкупна вредност од 3 милиона 305 илјади денари, а издало контролни марки во вредност од 2 милиона 242 илјади денари.

-Разликата во вредност која се јавува, и не е евидентирана во МЗШВ дали се работи за издадени контролни марки без да се наплатат изнесува 1 милион 63 илјади денари, односно тоа се 5 милиони 315 илјади контролни марки. Дали Љупчо Дон Николовски дозволил пуштање на промет на брашно во вредност од над 2 милион евра без да има уредно наплатени контролни марки? Кому му дал Љупчо Дон Николовски контролни марки за увоз на брашно без истите да ги платат? Што презело ЈО по однос на ова прашање и зошто повеќе од година дена се молчи? – рече пратеникот.

The post Петрушевски: Дали Љупчо Дон Николовски дозволил пуштање во промет на брашно од над 2 милиони евра без уредно платени контролни марки? appeared first on Република.

Владата на СДС и ДУИ во целост работела незаконски и криминално. Ова не го кажува само ВМРО-ДПМНЕ ова го кажува и Државниот завод за ревизија, и тоа во извештај изготвен во време на СДС и ДУИ, а по кој ЈО не постапило, истакна Миле Лефков, пратеник и член на ИК на ВМРО-ДПМНЕ.

Извештајот од Ревизијата на ДЗР за МЗШВ изразува сомнеж за вистинитоста и објективноста на финансиските трансакции со релевантната законска регулатива.

Имено според Извештајот на ДЗР постои неусогласеност на потребните вработувања во Планот за вработување и ангажираните лица, како и недостиг на стручен кадар од областите во делокруг на Министерството.

Ова е показател дека Љупчо Дон Николовски го партизирал министерството, и наместо преку конкурс да се бираат најстручните кадри и од струките од кои има потреба министерството, е вршена тешка партизација и полнење на МЗШВ со партиски послушници.

МЗШВ како министерство кое треба да извршува стручни анализи, да креира политики и носи мерки од областа на земјоделството, производство на храна, грижа за водите и шумите, очигледно најмалку имало стручни лица од овие области.

Се поставува прашањето што правело ЈО по однос на овој Извештај, особено ако се земе предвид дека истиот е изготвен и доставен до Владата уште во 2023 година. Зошто една цела година ЈО молчи и не постапува? До кога молк? Исто времено мора да напоменеме дека неспособноста завршува со СДС. Ние работиме 100% одговорно за твојата иднина, додава Лефков.

The post Лефков: ДЗР со сомнеж за објективноста на финансиските трансакции во МЗШВ во време на СДС И ДУИ и вработувања на нестручен кадар appeared first on Република.

За 100 дена, Владата на Христијан Мицкоски и коалицијата, не презентираше ниту една конкретна мерка за поддршка на земјоделството. За 100 дена видовме само тотална безидејност, непрофесионалност и незаинтересираност за секторот, вели Љупчо Николовски.

Ресорниот министер е претворен во партиски мегафон. Се занимава со реваншизам кон вработените и секојднево пласира лаги за да ја задскире својата неспособност.

Мицкоски се фали со исплатени заостанати долгови, повисоки субвенции и откупни цени, но очигледно е неинформиран за фактичкита состојба.

Да ве потсетам дека со ребалансот ги намаливте средствата за најголем дел од програмите.

Закочена ви е исплатата на субвенциите. Ресорниот министер лаже дека има 1 милијарда денари заостанати долгови. Но, да повторам,  СДСМ остави чиста сметка, со нула долгови. Тоа што треба да се досиплати за што и обезбедија пари со ребалансот, се субвенциите за тековната програма, за 2023 година. Зошто и по два месеци од ребалансот, се уште земјоделците немаат субвенции?

Јас ќе бев среќен ако во 2017 година затекнав состојба на нула денари долг, но наместо тоа, тогаш СДСМ за 100 дена ги расчисти и долговите на  ВМРО ДПМНЕ од 2012, 2013, 2014, 2015 и 2016 година.

100 дена ВМРО ДПМНЕ не објави ниту еден јавен повик за ниту една мерка од ниту една програма. Но, нивната безидејност оди до таму, што укинуваат мерки кои се во интерс на земјоделците, како што е авансната исплата на субвенциите. Во 2023 година, Владата на СДСМ, воведе предвремена аванска исплата на субвенциите, за која актулната власт најави укинување на овој модел.

Тоа што го знае ВМРО ДПМНЕ е да се фали со туѓи перја.Ги критикуваа огласите и повиците за доделување земјоделско земјиште но денес ги склучуваат договорите, ги критикуваа ИПАРД програмите, но денес се фалат со први договори склучени за ИПАРД 3, но без при тоа да погледнат на интернет дека уште во март заедно со делегацијата на ЕУ сме ги склучиле првите договори на ИПАРД 3 како земја којашто е лидер, ја критикуваа мерката за зелена нафта денес, но делат картички.

Велат се зголемила откупната цена на грозјето. Да така е , а ама не поради ВМРО ДПМНЕ, туку тоа е резултат на новиот Закон за вино, кој го донесе Владата на СДСМ, затоа што ние го слушавме гласот на сите земјоделци. Мицкоски вели ги зголемил субвенциите за јачмен. Да ве потсетам дека мерката е донесена лани, а годинава откупната цена на пченицата е многу пониска. Што е со откупните цени на оризот, црвената пиперка и другите земјоделски производи, зошто нема гарантирани откупни цени, зошто нема дијалог со земјоделците ?Како ќе им помогнете?

За 100 дена дозволивте да има рекорден број на пожари во кои изгоре 9 % од вкупната површина под шума или изгоре повеќе шума од сите 12 години претходно заедно.

Грижата за земјоделците не е само за избори. СДСМ за 100 дена донесе мерки колку што вие веројатно нема да успееет за цел мандат. За прв пат воведовме нов модел и ги зголемивме субвенциите на турунопроизводителите по класи и за прв пат ја зголемивме премијата од 60 на 80 денари, 300% повисоки субвенции за ориз, зелена нафта, враќање на персонален данок, 20.000 евра за млади земјоделци, успешно започна ИПАРД 2, се решија неисплатените долгови кон лизарите и друго. Ова се конкретни мерки и грижа за земјоделците, и тоа само за 100 дена мандат.

Земјоделството е еден од двигателите на македонската економија и СДСМ нема да дозволи земјоделците да бидат оставени на цедило и ќе ги искористиме сите механизми како опозиција во нивни интереси. За успешна земјоделска политика потребна е конкретна стратегија и мерки, а не празни зборови.

The post Николовски ги критикува првите сто дена на владата во земјоделството appeared first on Република.

Владата нема за цел да ја внесе државата во ЕУ, ги влошува односите со соседите и повторно се враќаме назад. Додека нашите соседи напредуваат, ги слушаме послендите информации за Албанија, рече пратеникот на СДСМ, Љупчо Николовски во емисијата „Објектив“ на националната телевизија МТВ.

-Додека земјите од регионот одат кон ЕУ, нас никој нема да не чека да си зборуваме за фрустрациите. После НАТО, членството во ЕУ е наша стратешка цел и друга алтернатива немаме. На младите генерации им е преку глава од национализам и политикантство. Тие очекуваат реформи, пристап до отворениот пазар на ЕУ и до фондовите како и брзо остварување на стратешката цел за членство, а со тоа и враќање на довербата во системот и европски квалитет на живот за да останат дома. Пример е секторот земјоделството и храна каде со многу работа остваривме силен напредок, ги спроведовме реформите и сме лидери во искористеноста на европските фондови. За жал, оваа Влада не враќа назад и после успешниот скрининг не прави ништо на овој план додека земјите од регионот одат напред и се одвојуваат од нас, рече Николовски.

Клучното ветување во кампањата на ДПМНЕ беше дека ќе ја менуваат преговарачката рамка, ајде сега нека обезбеди промена на преговарачката рамка со одложено дејство на уставните измени, со две раце тоа ќе го поддржиме, нека ги убедат сите земји членки во тоа ние ќе го поздравиме, но знаат дека тоа не е можно, додаде Николовски.

-Да не се лажеме, оваа Влада нема цел да ја внесе земјата во ЕУ, рече пратеникот на СДСМ Љупчо Николовски, во дебатната емисијата „Објектив“, на МТВ кој додаде дека со ДПМНЕ, денес сите сме понижени од само една средба во Софија од влада која нема капацитет да ја однесе земјата во полноправно членство во ЕУ.

The post Николовски: Владата нема цел да ја внесе земјата во ЕУ appeared first on Република.

Љупчо Дон Николовски, очигледно, кога станува збор за народни пари не памети колку каде дал, секако сеедно му е, реагираат од ВМРО-ДПМНЕ.

Лага e тврдењето на Дон Николовски дека хотелите во САД во кои престојувал биле евтини. Хотелите во САД се платени неколку стотина евра од вечер, потврда за тоа се и документите кои самиот Дон Николовски ги доставил во сметководството на МЗШВ.

 

Дон Николовски ништо не го вади од одговорноста, дека додека земјоделците тука мака мачеле со откуп и пласман, тој ноќевал по скапи хотели платени неколку стотина евра.

 

Дон Николовски раскалашено се однесувал со народните пари. Дон Николовски е лицемерен, никој повеќе не му верува, се вели во реакцијата на ВМРО-ДПМНЕ.

The post ВМРО-ДПМНЕ: Николовски спиел во хотели каде ноќевање е стотина евра, тој лаже кога вели дека платил поефтино appeared first on Република.

Бројките изнесени од пратеникот на ВМРО-ДПМНЕ се неточни и со истите манипулираат, како само еден пример ќе кажам дека цената на хотелското сместување во Вермонт беше препорачано од тамошните власти и не изнесуваше повеќе од 150 долари по вечер, тврди поранешниот министер за земјоделство Љупчо Николовски, по низата обвинувања од пратеникот Бране Петрушевски дека за време на министерскиот мандат честопати знаел да се луксузира со изборот на хотел, па некогаш плаќал и до 500 евра за една ноќ.

Ние повторно сме сведоци на небулозни и смешни обвинувања од ВМРО-ДПМНЕ, кои во рекордно време успеаја да ги влошат односите со сите соседи и да ги расипат напорите за изградба на соработки во последните седум години. Овие напори резултираа со зголемен извоз на вино и земјоделски производи, учество на врвни саеми и промоција на нашите производи. На пример, за прв пат во историјата, Македонија беше претставена на престижниот саем Белавита во Чикаго, што е причина за гордост. Понатаму, посетата во Вермонт вклучуваше највисоки претставници, меѓу кои и Секретарот за земјоделство на Вермонт, комесарот за шумарство и генералот на војската, кој е голем пријател на Македонија. Посетата на Италија, беше заедно со Претседателот на Република Србија со кои заеднички се претставивме на уште еден престижен саем. Во врска со цените на хотелските соби, сите се во согласност со нашите правилници, а хотелите се препорачани од нашите амбасади и претставништва во странство. Никогаш не сум одлучувал јас дирекно за моето сместување. Дополнително, ВМРО-ДПМНЕ не се способни да се претстават на ниту еден саем во странство нити да ги промовираат нашите производи, доказ за тоа е испуштеното учество на саемот АГРА во Република Словенија, патем за кој актуелниот Министер ги купил авионските карти меѓутоа не бил присутен а тоа е поради нивната неспособност да организираат достојно претставување на нашите производи во странство – тврди Николовски.

https://republika.mk/vesti/makedonija/petrushevski-dodeka-vladata-na-sds-dolzhela-50-milioni-za-subventsii-na-zemjodeltsite-don-nikolovski-plakal-hotelski-sobi-od-nekolku-stotina-evra/

The post Никогаш директно не одлучував за сместувањето, вели Николовски по обвинувањата дека плаќал и по 500 евра спиење во хотел appeared first on Република.

Од ВМРО-ДПМНЕ реагираат за неоправданите трошења на народни пари од страна на Љупчо Николовски, додека беше дел од власта.

Љупчо Дон Николовски со народни пари плаќал 500 евра за една вечер во хотел.

СДС раскалашено се однесувале со народните пари.

На патување во САД, во Њу Јорк Дон Николовски изнајмил хотел, каде од вечер платил 500 евра, а во Чикаго 450 евра.

Дон Николовски не гледал како да помине по скромно, туку не штедел како парите да ги берел од дрво, заборавајќи дека всушност тоа се народни пари.

Во Рим Дон Николовски платил 300 евра хотелско сместување, а со Виена две вечери за 670 евра.

Дон Николовски живеел на висока нога со народни пари.

СДС наместо да работи за народот 7 години се луксузирале со нивните пари, се вели во реакцијата на ВМРО-ДПМНЕ.

The post ВМРО-ДПМНЕ: Љупчо Дон Николовски со народни пари плаќал 500 евра за една вечер во хотел appeared first on Република.

Љупчо Дон Николовски наместо за земјоделците се борел за себе. Наместо да планира како да ги подобри условите во земјоделието, да најде пласман и да помогне на 100.000 земјоделци, тој мислел како и каде следно да патува, и колку поскап хотел да плати, рече на денешната прес-конференција пратеникот Бране Петрушевски.

Љупчо Дон Николовски кога престојувал во странство, веројатно сакал да престојува и патува со стил. Со народни пари плаќал скапи хотели и по неколку стотина евра од вечер. Се е полесно кога си министер од СДС, пред камери зборуваш за народот и социјална правда, а зад камери јадеш скапи јадења со државни пари и спиеш по хотели со пет звезди кои чинат неколку стотина евра за вечер. Љупчо Дон Николовски за 6 ноќевања во САД потрошил 2850 евра само за хотели. Љупчо Дон Николовски плаќал хотелска соба по 500 евра во Њу Јорк и Вермонт, а 450 евра во Чикаго. Во Италија во Рим Дон Николовски плаќал 300 евра за хотел од вечер. По примерот на Бисера Антоанета и Дон Николовски се луксузирал во Виена, за две ноќевања со државни пари се платени 670 евра. И кога патувал во соседството, како во Бугарија, Дон Николовски исто патувал луксузно, за хотел во Софија за една ноќ платил 150 евра - истакна Петрушевски.

Ова се министрите од СДС. Ова е Дон Николовски кој имаше десетици милиони неисплатени субвенции. Заради ова велиме дека државата е ограбена, додава Петрушевски.

The post Петрушевски: Љупчо Дон Николовски плаќал и по 500 евра за хотел од вечер, додека земјоделците чекале на него да ги подобри работите appeared first on Република.

Љупчо Дон Николовски освен што неосновано делел субвенции, поточно се расфрлал со народни пари и ги давал на фирми блиски до СДС, пари трошел и за лични потреби, обвинуваат од ВМРО ДПМНЕ.

Љупчо Дон Николовски за помалку од четири години колку што бил министер за земјоделие потрошил 976.199 денари или скоро милион денари за во кафеани и ресторани.

Или милион евра поделени на 42 месеци колку што бил министер се 24 илјади денари, односно значи дека месечно трошел околу 24 илјади денари за ресторани. Или една плата со која живее семејство.

Првата година од своето министерување Дон Николовски потрошил 294.780 денари или скоро 500 илјади денари народни пари на кафеани и ресторани, а последната предизборната 2023 година 377.700 денари или скоро 400 илјади денари.

Дон Николовски јадел телешки мускул, чаден лосос, ракчиња и разни морски плодови, а пиел и скапи вина или шише од по 3.500 денари.

Расипничкото однесување е карактеристика за функционерите од СДС.

Продолжуваме со објавување детали за расфрлањето со народните пари од страна на Дон Николовски, најавија од владејачката партија.

The post ВМРО-ДПМНЕ: Николовски додека бил министер за земјоделство потрошил скоро милион денари во кафани appeared first on Република.

Денес и во наредните неколку дена ќе обелодениме како Љупчо Дон Николовски покрај тоа што исплаќал милионски субвенции на фирми блиски до СДС без основ, и раскалашено трошел народни пари на лични задоволства и нему блиски луѓе, вели Бране Петрушевски, пратеник на ВМРО-ДПМНЕ.

Љупчо Дон Николовски за три ипол години колку што бил министер за земјоделство потрошил 976.199 денари во кафеани и ресторани. Раскалашеноста е заштитен знак на СДС. 976.199 денари кога ќе го поделиме на 42 месеци, доаѓаме до сума од 23.400 денари, пари кои Дон Николовски ги трошел на кафеани. Ова го презентираме вака за и самиот Дон Николовски да сфати дека месечно во кафеани трошел по една плата, со која во државава живеат цели семејства - вели тој.

Понатаму посочува: Првата година од своето министерување Дон Николовски потрошил 294.780 денари народни пари на кафеани и ресторани, а последната предизборната 2023 година цели 377.700 денари. На масата на Дон Николовски често се наоѓале јадења како телешки мускул, чаден лосос, ракчиња и разни морски плодови, а се пиеле и скапи вина како Алшар од по 3500 денари шише“.

Дон Николовски се однесувал како Бисера Антоанета и без пардон трошел народни пари на кафанско седенки, додека од друга страна лицемерно зборувале дека работат за народот. Ова е таа раскалашеност и лицемерие на СДС. Утре и во наредните неколку дена целосно ќе го разоткриеме Дон Николовски и неговиот раскошен начин на живеење и патување - рече Петрушевски.

The post Ракчиња, телешки мускул, чаден лосос: Љупчо Дон Николовски потрошил 976.199 денари во кафеани како министер за земјоделие, обвини Петрушевски appeared first on Република.

Пратеникот од редовите на ВМРО-ДПМНЕ, Бране Петрушевски денеска на прес конференција обвини дека Љупчо Дон Николовски, наместо како министер во влада, додека бил на позиција се однесувал како мафијашки дон.

Како што вели, за Дон Николовски не важеле законите, туку партиската припадност.

„Љупчо Дон Николовски ја злоупотребил својата позиција континуирано во период од неколку години и на фирма блиска до СДС исплаќал милионски субвенции без основ. Имено Љупчо Дон Николовски склучил низа договори со фирмата Арекспорт од Струмица за давање под закуп на државно земјоделско земјиште со површина од 1.416 хектари. Да, 1.416 хектари за фирма од Струмица, зад истата таа фирма стои Митра Лазарова, мајка на Кирил Лазаров, газда на НИКОБ, главен тендераџија на СДС, од ЕВН, преку град Скопје и до Влада до приватни лаборатории во време на Ковид пандемијата кои ги отвори во време на Венко Филипче“, вели Петрушевски.

Тој додава дека семејството Лазарови се најблиски пријатели со Зоран Заев и Венко Филипче односно главни стожери на СДС.

„Тоа било доволна причина за Љупчо Дон Николовски да испумпува милиони на сметката на Арекспорт без никаков основ, но да почнеме со ред. Фирмата Арекспорт склучила долгогодишен договор за закуп со МЗШВ под превезот дека земјиштето ќе го насади со лозов насад. Наместо лозов насад стотици хектари се користеле за сеење на едногодишни култури, спротивно на договорот за закуп, а уште толку се давале на други лица да ги работат, односно не биле обработувани од фирмата закупец. Неискористувањето на земјиштето за намената за која што е склучен договорот е основ за раскинување, но до тоа не дошло затоа што наместо по закон Дон Николовски работел по партискиот кодекс“, порача Петрушевски

Како што вели, фирмата на семејството газди на НИКОБ заради тоа што Дон Николовски не им го раскинал договорот, иако за тоа бил должен да го направи, инкасирале 485.000 евра за субвенции, кои немале право да ги земаат.

„485.000 евра воопшто не требало да бидат исплатени затоа што фирмата на семејството газди на НИКОБ не само што не го испочитувале договорот во делот на насадот кој се обврзале да го засадат, туку и не платиле закупнина за земјиштето 2 години по ред. Арескпорт не платиле закупнина во висина од 30.000 евра, за 2022 и 2023 година. Љупчо Дон Николовски, и покрај тоа што неплаќањето на закупнина е основ за раскинување на договорот, тоа не го направил и со тоа овозможил нелегална исплата на субвенции. Презентиравме два основа според кои Љупчо Дон Николовски имал право и обврска да го раскине договорот, и тоа не го направил. Зошто Дон Николовски не го раскинал договорот и дали и каков интерес имал? Дон Николовски е фатен инфлагранти во криминал. Дон Николовски треба да одговара“, вели Петрушевски.

Тој најавува нови докази за во текот на утрешниот ден, а се однесувааѕ на тоа дека Дон Николовски можел да го раскине договорот со фирмата на семејството газди на НИКОБ и тоа не го сторил, а овозможил исплата на субвенции и го оштетил буџетот.

The post Љупчо Николовски овозможил незаконска исплата од 485.000 евра на мајката на газдата на НИКОБ! appeared first on Република.

Пратеникот и поранешен министер за земјоделство, Љупчо Николовски, ги демантира наводите на министерот за земјоделие, Цветан Трипуновски.

Притоа Николовски вели:

-Во нашата држава точно се знае кој каква улога има, вклучително и функцијата министер за земјоделство, шумарство и водостопанство, за која Трипуновски по не знам кој пат покажува дека е недостоен да ја држи. Го упатувам министерот прво да се запознае со постапките и надлежностите на органите во неговиот состав, пред да се расфрла со празни обвинувања кон мене, во обид да направи театар пред јавноста и да ја прикрие безидејноста и неспособноста на владата од која е дел.

Ги повикувам надлежните институции да постапат согласно сите искажани точки од денешната прес-конференција. Мојот министерски мандат е познат како еден од најтранспарентните, што се потврдува со фактот дека под моето раководство МЗШВ беше прогласена за најтранспарентна институција и една од институциите со највисок интегритет. Јас како министер ги имам дадено сите потребни задолженија на службите да работат согласно законите.

Во МЗШВ има повеќе од 11.000 договори за закуп на земјиште, и никој министер не може да знае што се случува со секој поединечен договор, па затоа постојат организациони единици задолжени за управување со тие договори. Доколку се утврди дека одреден субјект неправилно се стекнал со субвенции ги повикувам институциите да започнат постапка за поврат на исплатените средства и да покренат постапка пред надлежните органи како и доколку МЗШВ има утврдено недоследности во почитување на договорни обврски за земјиште, тоа е основ за раскинување на истите и очекувам завршница во тој правец..

Дополнително, очекувам дека во недостатокот на идеи, мерки како и неспособност за реализација на мерките кои ние ги поставивме овие конструкциите и лаги насочени кон мене да продолжат.

Граѓаните не сакаат театри и конструкции. Производителите од вас очекуваат достоинствени цени за нивните земјоделски производи а купувачите очекуваат да ги зауздате трговците и цените на прехранбените производи кои ги рушат сите рекорди.

https://republika.mk/vesti/ekonomija/tripunovski-mzshv-ne-postapilo-soglasno-zakonskite-odredbi-so-shto-ovozmozhilo-protivpravno-dve-firmi-da-zemat-subventsii-od-iljadnitsi-evra-jo-vednash-da-istrazhi/

The post Николовски демантира: Празни обвинувања и театар од Трипуновски appeared first on Република.

Наша обврска и понатаму останува вложувањето во развој и унапредување на земјоделството за да обезбедиме подобри услови и да ги задржиме младите овде, наместо да заминуваат во европските земји. Во изминатите години ние покажавме и докажавме дека главни приоритети ни се младинските политики во делот на земјоделството, а така ќе продолжиме и во наредниот период, истакна на прес-конференција во Кочани кандидатот за пратеник и коносител на листата од СДСМ во Третата изборна единица, Љупчо Николовски.

Обезбедивме грант поддршка за младите од 10 и од 20 илјади евра за почнување или за преземање бизнис во земјоделските стопанства. Денес имаме над 15.500 млади како регистрирани земјоделци во нашиот регистар, а над 2.600 од нив искористија околу 30 милиони евра неповратна поддршка за набавка на комбајни, трактори, сушари за ориз, опрема за тутун, силоси, мандри за добиток или преку мерката млад земјоделец. Со европските средства, пак, во што сме лидери во целиот регион, преку ИПАРД2 програмата се гордееме со фактот што над половина од сите договори коишто се склучени се со млади луѓе, односно откупно 2.300 договори над 1.212 се склучени и потпишани и реализирани токму од млади земјоделци и тука се инвестирани над 130 милиони евра за инвестиции и модернизација на земјоделските стопанства токму од младите луѓе, истакна Николовски.

Тој најави дека новата влада ќе „продолжи со напорите за обезбедување повеќе средства од европските фондови, коишто во моментот преку ИПАРД програмата изнесуваат 100 милиони евра“.

Со влезот и членството во Европската Унија оваа програма за поддршка на руралниот развој ќе изнесува 1,1 милијарда евра и најголем дел од нив повторно ќе бидат искористени за младите луѓе. Во нашата нова програма за 50 отсто ја зголемуваме поддршката на младите земјоделци, односно грантот го зголемуваме на 15 илјади евра, а дополнителната поддршка од директните плаќања за младите земјоделци ја зголемуваме за 100 проценти. За 40 отсто ја зголемуваме поддршката на стипендиите, коишто за првпат ги воведовме за сите студенти од земјоделските, ветеринарните и шумарските науки. Таа ќе изнесува 25 илјади денари и ќе се исплаќа девет месеци во годината, додаде Николовски.

Во обраќањето Николовски побара поддршка на претстојните парламентарни избори за „да продолжи реализацијата на мерките со коишто се обезбедува европската иднина на младите, особено во земјоделството“.

The post Николовски: Ќе продолжиме со вложување во домашното земјоделство appeared first on Република.

Како Влада овие седум години со конркетни мерки и политики, со дела докажавме дека може поинаку, дека може подобро. Докажавме дека водиме искрена грижа за секој еден граѓанин. За нас граѓанинот е на прво место. Граѓаните знаат дека со нас дадениот збор се исполнува, дека за нас зборот даден пред граѓаните важи.

Докажавме дека платите можат да растат, да растат пензиите, да има зголемени и навремени субвенции за земјоделците. Денес минималната плата изнаесува 22.500 денари, а просечната плата, 40.000 денари. Растат и пензиите, па денес минималната пензија изнесува 13.900 денари, а просечната пензија 20.195 денари, рече министерот за земјоделство, шумарство и водостопанство, Љупчо Николовски на денешната средба со пензионерите од Крива Паланка.

На средбата говореше за тоа дека со донесената нова методологија се гарантира постојан раст на пензиите.

-Сите 330.000 пензионери два пати годишно имаат гарантирано усогласување на пензиите, следејќи ги растот на трошоците за живот и порастот на просечната плата. Ова значи дека пензионерите веќе не зависат од нечија добра волја дали ќе имаат или не зголемување на пензијата, туку имаат гарантирано зголемување на пензиите како растат трошоците и како се зголеува просечната плата.  Ваквата методологија гаранитра стабилен пензински фонд и сигурна пензија до секој еден пензионер. Заедно со мојата колешка министерката за труд и социјална политка Јована Тренчевска, се грижиме и за жената земјоделка, подобрувајќи ја нејзината позиција во општеството. Руралната жена ја поддржуваме со грант поддршка од 6.000 евра, а обезбедиме и 100.000 денари како поддршка за мајчинство на жените земјоделки, решавајќи еден децениски пробелм кои го имаа жените земјоделки. Посветено работиме во интерес на сите граѓани. Докажавме дека можеме, а заедно можеме уште повеќе да направиме. Не се откажаувме и заедно продолжуваме понатаму, во нови мерки и нови резултати за сите граѓани, порача Николовски.

Дополнителната министерка за труд и социјална политика, Јованка Тренчевска, пред кривопаланчани рече дека ветеното во програмата досега, за највозрасните, за пензионерите, е исполнето. Најави дека МТСП ќе гради 12 домови за стари лица во државата, а методологијата за усогласување на пензиите два пати годишно,рече, е начин да можат спокојно и мирно да живеат највозрасните граѓани.

Градоначалникот на Општина Крива Паланка, Сашко Митовски, говореше за она што е направено во областа на социјала, нега и грижа за квалитетот на живот на највозрасните жители.

- Три години работи „Нега Центар" преку кој во партнерство со МТСП и Црвениот крст, 98 корисници, стари и изнемоштени, осамени лица добиваат нега и грижа во домот од 32 негуватели, од август 2023 во Крива Паланка имаме "Дневен центар за стари лица со активно стареење", еден од само четири во државата кој и во третата доба им овозможува активно учество во секојдневниот општествен живот на возрасните. Дом за стари лица со реконструиран и адаптиран дел од објектот на ученички дом "Боро Менков" наскоро во градот. Проектна документација е изготвена, МТСП ги предвиде средствата со годишната програма за 2024, а вредноста на проектот е 42.000.000 денари со ДДВ, рече Митовски.

Нагласи и дека во соработка со соседна Општина Ранковце се работи на изнаоѓање правен модел за воведување бесплатен меѓуопштински превоз

The post Николовски: Докажавме дека платите и пензиите може да растат appeared first on Република.

Министерот за земјоделство, шумарство и водостопанство Љупчо Николовски и заменик министерот Трајан Димковски денеска беа во посета на Делчево каде имаа средби со млади земјоделци корисници на меркиет на поддршка од овој ресор, како и со производители на градскиот пазар.

По посетата на погонот за призводство на макарони во село Град, кој е отворен од страна на млади земјоделци повратници, Николовски изјави дека како Министерство се води искрена грижа за секој земјоделец, давајќи фер шанса за секој и оти со конкретни мерки се нуди иднина на младите во својата држава.

-Уште од самиот почеток креиравме две нови мерки со поддршка од 10.000 и 20.000 евра за младите земјоделци, како мотив да започнат и активно да се вклучат во земјоделството. Досега вкупно 838 млади земјоделци успешно ја реализирале поддршката преку двете мерки за поддршка. Од нив 576 со грант поддршка од 10.000 евра и 262 со грант поддршка од 20.000 евра, рече Николовски.

Низ сите овие години, од 2017 до денеска преку сите мерки што ги имаат земјоделците на располагање, како што додаде Министерството има поддржано 2.689 млади земјоделци, со поддршка вредна 1,5 милијарди денари. Ја напомена поддршката во мерките за млад земјоделец, мерката за набавка на педигриран добиток, набавка на трактори, комбајни за жито, сушари и комбајни за ориз, системи капка по капка, силоси, мандри, опрема за тутун, поддршка за пчелни семејства, подигнување на лозови и овошни насади.

- Само минатата 2023 година, преку мерките за поддршка на малите винарии, малите дестилерии и малите производители на храна, сме поддржале 49 млади земјоделци, кои успешно аплицирале ги реализиарале овие мерки, поддршка вредна 27,7 милиони денари, додаде министерот.

Младите, како што потенцираше, добиваат можност за поддршка и преку ИПАРД програмата, во чија реализација сме земја лидер. Со ИПАРД 2 програмата Министерството, според него, има поддржано 1.212 млади лица, кои успешно реализирале инвестиции вредни над осум милијарди денари. Младите според министерот имаат предност и поголем процент на кофинасирање со ИПАРД програмата, а со новата ИПАРД 3 програма тие имаат и нова можност за авансна исплата од 50 проценти на одобрената поддршка веднаш по потпишувањето, за сите апликанти.

- Имавме визија и покажавме дека можеме и затоа планираме уште поголема поддршка за младите земјоделци. За 50 проценти, од 10.000 на 15.000 евра, го зголемуваме грантот за поддршка на младите земјоделци, кои сакаат да започнат со земјоделска дејност и дополнително обезбедуваме 40% авансна исплата. Младите земјоделци во првите 5 години од кога го превземаат земјоделското стопанство и се запишуваат во Единствениот регистар на земјоделски стопанства (ЕРЗС) добиваат 100 проценти пораст на дополнителните субвенции, додаде Николовски.

Тој најави продолжување на активностите за формирање Сојуз на млади земјоделци, како и посебна подсекторска група за млади, со кој во иднина, ќе се креираат уште повеќе мерки за поддршка на младиот земјоделец.

The post Николовски: Досега 838 млади земјоделци успешно ја реализирале поддршката со мерките на МЗШВ appeared first on Република.

Покажавме дека може поинаку, дека можеме подобро. Преку конкретни мерки и политики, што заедно со земјоделците ги креиравме овие години, докажавме дека водиме искрена грижа за секој еден земјоделец, истакна министерот за земјоделство, шумарство и водостопанство, Љупчо Николовски на денешната средба со земјоделците во Свети Николе.

„Секојдневно на терен меѓу вас земјоделците. Директно од вас ги слушаме предлозите и проблемите и заедно со секој еден земјоделец ги креираме решенијата. Така креираните мерки, секогаш докажано даваат резултати“, истакна министерот Николовски.

Тој посочи дека заедно со земјоделците креирале нов модел за субвенционирање, во овие четири години исплатени биле 560 милиони евра субвенции, за над 75.000 полјоделци, тутунари, лозари, градинари, овоштари, сточари, пчелари и органски производители.

-Земјоделците веќе навикнаа и знаат, со нас, дека секоја година креираме нови мерки, развивајќи го се повеќе македонското земјоделство. Нема еден сектор, една култура во земјоделството, каде не се зголемени субвенциите, каде не сме креирале нови мерки, истакна министерот Николовски.

The post Николовски од Свети Николе си ги пофали политиките во земјоделството appeared first on Република.

Откако правилникот за штетни материи во тутунските производи беше вон сила и никој не вршеше надзор, конечно е донесен нов правилник. Акредидтираните лаборатории во областа на тутунот обвинува дека Љупчо Николовски со неблаговремено носење на нов правилник дирекно одговорен за јавното здравје поради не вршење должен надзор во тутунот и производите од тутун на штетните материи од загадувачки контаминенти и тешки метали. Но еден месец по укинувањето на правилникот велат почнале да работат и да ја обавуваат основната дејност на испитување на земени мостри од тутун за констатирање на штетните материи во тутунот и токсичните состојки во тутунските производи.

Република објави дека „Правилникот за видот на штетните материи, како и начинот и методите за земање на примероци за утврдување на штетните материи и другите загадувачки контаминенти (физички, хемиски, и биолшки) во обработениот тутун и производите од тутун е ставен вон сила уште од 14 февруари 2024 година, односно е укинат со Одлука на Уставниот суд и дека воопшто не се врши инспекциска контрола од страна на Државниот Инспекторат за земјоделство. Министерот за земјоделие, Љупчо Николовски после еден месец донесе нов правилник, но без образолжение зошто правилникот се носи толку доцна и кои се последиците од непостапувањето особено врз консументите на тутун.

Повеќе од јасно е дека неблаговременото постапување за донесување на нов правилник особено во време на откуп на суровиот тутун во лист, покажува несериозност на Владата на Република Македонија претставувана преку Љупчо Николовски бидејќи во изминатиов период директно беа повредени и кршени протоколите и одредбите на меѓународниот потпишан договор преку Закон за ратификација на Рамковната конвенција за контрола на тутунот на Светската Трговска организација објавен на 23 мај во 2006 година во службен весник број 68 или на мегународната организација во која членуваме од 2006 година. Останува нејасно за јавноста зошто во изминатиов месец дена Љупчо Николовски свесно знаејќи ги труеше корисниците на тутун, со невршење на контрола на присуство на тешки метали кадмиум, олово, жива, арсен, хром, никел кој беа предвидени за контрола со поблискиот пропис кој беше укинат преку земање на мостри, но и за контрола на резидиуми од активни супстанции. Откупот на тутунот е завршен, останува нејасно за јавноста зошто не се земаа мостри од страна на Државниот инспекторат за земјоделство при обработката на тутунот и прометот, на производите од тутун и сродните производи во однос на нивниот кавалитет, при увозот и звозот, за утврдување на штетните материи во обработката и прометот на необработениот и обработениот тутун. Молкот на Љупчо Николовски како ресорен министер, зборува многу. Дали се тоа ЕУ стандардите за кој се залага Владата на Република Македонија? - коментира нашиот соговорник, познавач на состојбите во земјоделието.

The post По реакциите конечно донесен правилникот за штетни материи во тутунските производи appeared first on Република.

Пратеникот Љупчо Димовски, претседател на Социјалистичката партија на Македонија обвинува дека незаконска распределба на земјоделско земјиште. Тој во фејсбук статус обвинува:

Решение во временски период од 15 дена, во 4 чекори за решавање на проблемот наметнат од Љупчо Николовски за договорите за закуп на земјоделското земјиште во Свети Николе:

Крајно несериозен и неприфатлив е односот на ресорниот министер Николовски за Договорите за закуп на земјоделското земјиште во Свети Николе, особено со второто Соопштение до собраниската Комисијата за земјоделство, шумарство и водостопанство, очигледен пример како надвор од законот Извршната власт се меша и врши притисок врз Законодавната власт. Кога министер директно се обраќа до пратеник и претседател на собраниска комисија, прескокнувајќи го премиерот и претседателот на Собранието.

Во случајов се работи за 84 и повеќе корисници на земјоделско земјиште во Свети Николе, на кои по сила на закон им истекол Договорот за закуп. Тие во рокот на важење на договорите уредно и благовремено, согласно член 39 став 5, а во врска со член 1 од Закон за Земјоделско земјиште доставиле Барање за продолжување на договорите, со што е започната управна постапка, а површините ги засадиле - посеале во производната 2023 година и очекуваат род во реколта 2024 година.

Не е јасно што правел Николовски до 14 февруари 2024 година, зошто не постапил согласно овластувањата од член 39 став 1. Тоа е денот кога се распишани Изборите и кога во сила стапува Изборниот законик за доследна примена на член 8а и Законот за изменување и дополнување на Законот за Влада објавен во Службен весник број 140 во 2018 година.

Со непостапувањето на ресорниот министер до денес, јасно е дека „молчењето е одобрување од Управата“, односно министерот е должен да си ја заврши работата според Закон.

Во однос на Соопштението од министерот до собраниската Комисија за земјоделство, шумарство и водостопанство во кое е наведено дека корисниците на закуп ќе бидат избришани од ЕРЗС и дека наводно нема да добијат субвенции, повеќе од јасно е дека ресорниот министерот не разбира дека „предходно површините се посеани во 2023 година, а родот се чека во 2024 година“, а уште повеќе и за фактот дека не станува збор за раскинати договори за закуп со Изјави за раскинување заради непочитување на договорните обврски, туку за престанување по сила на закон во однос на рокот на важење, како и за фактот дека тие повеќе од уредно и благовремено поднеле барање за продолжување, но МЗШВ затаило или неодговорило со постапувањето, односно продолжувањето со што тие неможат да бидат избришани од евиденцијата на Агенцијата за катастар на недвижности.

За појаснување на ресорниот министер и тие што го советуваат, за сè што не е уредено со одредбите од договорите за закуп важат одредбите од Закон за облигациони односи. На закупците не им е одземено владението, тие и понатаму го владетат и го користат, а според Законот за сопственост и други стварни права член 126 и член 127, каде е уредено дека посеани или засадени растенија кои пуштиле корен се сопственост на оној кој ги посеал/засадил согласно и облигационото право, стануваат и сопственици на плодот/реколтата, што значи на корисниците на закуп им следуваат субвенциите.

Во прилог на ова и како пример, токму на барање на Владата на Република Македонија и тогаш предводена од СДСМ и ДУИ, Државната комисија за спречување на корупција во 2017 година кога биле распишани Избори за градоначалници и за совети на општините, со писмен акт Мислење за повеќе прашања, заведено под број 44/4620/2 од 17.08.2017 година, ја известува за тоа што е дозволено и како да се постапува во време на избори...
Така во точка 53 повеќе од јасно се има произнесено дека од аспект на одредбите од Законот за спречување на корупција во услови на распишани избори „Постои законска пречка до Собранието да се доставуваат текстови на предлог закони и нивни измени“ ...
Во точка 66, од аспект на одредбите од Законот за спречување на корупција во услови на распишани избори, јасно се има произнесено дека „Не постои законска пречка во однос на законот за земјоделско земјиште да се склучуваат договори со непосредна спогодба“.
Вакво мислење има и во 2015 година...

Кој е начинот како да се реши проблемот:

Согласно Законот за Влада, ресорниот министер и дополнителниот заменик министер заеднички со врзан потпис потребно е да достават Допис до Државната комисија за спречување на корупција со итност во постапувањето за добивање на позитивно мислење;
Согласно Законот за Влада, ресорниот министер и дополнителниот заменик министер заеднички со врзан потпис, согласно член 39 став1 од Законот за земјоделско земјиште, да достават Допис и до Државното правобранителство, за добивање на позитивно мислење;
Со овие две позитивни мислења, согласно Законот за Влада ресорниот министер и дополнителниот заменик министер заеднички со врзан потпис да достават Информација до Владата на Република Македонија со предлог за секој поединечен корисник од тие 85 корисници, а ќе бидат повеќе, да се донесе Одлука за склучување на Анекс на Договор за закуп;
По донесената Одлука за секој поединечно да се изврши објавување во Службен весникна РМ;
По објавата во Службен весник на РМ, согласно Законот за Влада ресорниот министер и дополнителниот заменик министер потребно е заеднички со врзан потпис да ги потпишат сите Анекси на договорите.

На овој начин и според овие чекори, не случајно создадениот проблем, се решава не за 2 месеци, како што несериозно и паушално кажува Николовски, туку во рок од 15 дена.

The post Димовски: Четири чекори за решавање на проблемот со земјоделското земјиште во Свети Николе, наметнат од Николовски appeared first on Република.

Министерот за земјоделство, Љупчо Николовски доделувал државни пасишта на користење спротивно на законот, без јавен оглас, тврдат сточари и пчелари. Тие реагираат дека во период од 2016 до денес, откако на власт се СДСМ и ДУИ нема објавено ниту еден јавен оглас за доделување на пасиштата, но затоа се дозволува масовно склучување на договори со непосредна спогодба.

Цели осум години државните пасишта се даваат се доделуваат на користење на симпатизери и членови на владеачката коалиција, спротивно на законот без јавен оглас. Никој досега не покренал ништо против тоа, иако сите знаат. Еве го повикуваме Јавното Обвинителство по допрен глас и постоење на јавен интерес, поради основано сомнение да го истражи случајов и да превземе мерки согласно закон - велат наште соговорници.

Тие тврдат дека Николовски треба да одговара поради не вршење на должен надзор дирекно одговорен за масовнo склучување на стотици договори со непосредна спогодба за користење на пасишта и пасишта за паша на пчелни семејства без јавен оглас. Пасиштата се добро од општ интерес согласно Уставот на Република Македонија и имаат посебна заштита. Тие се користат под услови и на начин согласно Закон за пасиштата, во кој закон надзор над спроведување на одредбите врши МЗШВ, а работите на инспекциски надзор го врши Државниот инспекторат за земјоделство. За доследно почитување на одредбите од законот и отстранување на утврдените неправилности државните инспектори за земјоделство се овластени да донесат решение, а жалбата против решението се изјавува до министерот на МЗШВ или да превземаат други мерки согласно закон. Согласно одредбите од законот, за стопанисување со пасиштата во државна сопственост Владата основа Јавно претпријатие за пасишта кое стопанисува со пасиштата, а работите на управување, унапредување и користење на пасиштата се од јавен интерес.

Оттука е јасно дека Љупчо Николовски имал обврска да врши должен надзор и над работата на ЈП за пасишта дали постапува согласно одредбите од законот, но не е јасно зошто не спречил и со тоа дозволил масовно без јавен оглас да се склучуваат стотици договори за користење на пасишта за пасење на ситен и крупен добиток, но и да се склучуваат договори за пасишта за паша на пчелни семејства исто така со непосредна спогодба со поставување на времени објекти, по принципот прв дојден прв услужен само врз основа на писмено барање поднесено до подружниците на ЈП за пасишта за договори кој биле истечени во 2022 година и кој истекувале во 2023 година со продолжување на една година, односно и за оние сточари/ пчелари кој воопшто немале договор за користење со ЈП за пасишта.

Законот за пасиштата е повеќе од јасен, ЈП за пасишта ги дава пасиштата на користење на правни и физички лица, по пат на јавен оглас, во зависност од капацитетот на пасиштата. Постапката како се доделуваат пасиштата е јасно е уредена. Според неа директорот на ЈП за пасишта донесува одлука за распишување на јавен оглас, по предходно одобрение од Владата на Република Македонија, постапката ја спроведува Комисија формирана од Владата, се објавува јавен оглас, рокот за поднесување понуди е 30 дена, се врши рангирање на најповолниот понудувач и по доставениот предлог Владата донесува одлука за избор, а понудувачот кој не е задоволен од извршениот избор дека може да покрене тужба пред надлежниот Управен суд. Но спротивно на ова, Управниот Одбор на ЈП за пасишта на 85-тата седница одржана на ден 22.12.2022 година носи три Одлуки со кој пасиштата ги издава на користење со непосредна спогодба, за оние кој немаат воопшто договори за користење на пасишта, како и за договорите кој истекуваат во 2022 и 2023 година само врз основа на писмено поднесено барање преку составување на записник на лице место за плаќање на надомест - пашарина годишно, со напомена дека 3-те одлуки стапуваат во сила со денот на нивното донесување, а дека ќе се применуваат до денот на донесувањето на Законот за изменување и дополнување на Законот за пасиштата кој наводно е во постапка на донесување или најдоцна до 31.12.2023 година. До денес таков Предлог на Закон за изменување и дополнување на Закон за пасиштата не е донесен, но и да бил донесен законот не можел да има ретроактивно дејство.
Управниот Одбор на ЈП за пасишта на ден 22.12.2022 година носи 3 Oдлуки и тоа : Одлука под број 02-373 /4 и Одлука под број 02-373 /5 за утврдување на начинот на привремено користење на пасиштата во државна сопственост на правни и физички лица дека сопствениците на стока кој користат пасишта, а немаат воопшто договори за користење или им се истечени договори во 2022 година или за договорите кои истекуваат во 2023 година, дека правото на привремено користење на пасиштата ќе го остварат само со поднесено писмено барање до ЈП за пасишта и дека со барањето се наведува и можноста за поставување на времени објекти (бачила,трла,поила и.т.н) и. Одлука под број 02-373/6 за пасишта за поставување на пчелни семејства од страна на правни и физички лица со најмалку 10 пчелни семејства, кои немаат воопшто договор или имаат истечени договори во 2022 година или договорите им истекуваат во 2023 година, дека правото ќе го остварат само со поднесување на писмено барање до подружниците и дека кон барањето може да ја наведат и потребата од поставување на помошни објекти не поголеми од 20м2.
Со Одлука под број 02-373/6 за поставување на пчелни семејства, ЈП за пасишта доделува и пасишта за паша на пчелни семејства, но согласно законот ЈП за пасишта нема воопшто таква надлежност или во законот едноставно нема одредба која регулира прашање за поставување за пчелни семејства, но ЈП за пасишта издава пасишта за оваа намена и за поставување на помошни објекти, по информациите кој ги добивме тоа го прави повеќе од 6 години - вели нашиот соговорник кој приложи и документи со кои го поткрепува своето тврдење.

Тој нагласува дека Николовски должи одговори пред јавноста. Го повикува да каже дали ова сето вистина, дали од 2016 година до денес не е објавен ниту еден јавен оглас, колкав е вкупниот број на вакви склучени договори од ЈП за пасишта и дали тие сѐ уште се во важност, а Јане Станкоски како Директор на Државниот инспекторат за земјоделство да одговори зошто до сега не превзел мерки и дали воопшто мисли да превземе.

The post Државните пасишта доделувани на користење спротивно на закон – без јавен оглас дадени на партиски членови и симпатизери?! appeared first on Република.

The post Maсовен поткуп пред избори: Љупчо Николовски распишал оглас за вработување еден ден откако владата си поднесе оставка appeared first on Република.