По апсењето на Илир Мета реагираше и лидерот на албанските евроатлантски демократи, Љуљзим Башa кој на Фејсбук напиша дека „камбаните бијат за Еди Рама, бидејќи  Бермудскиот триаголник се распаѓа" (Бериша-Мета-Рама).

Тој додава  дека „почетокот на крајот на неказнивоста го означува почетокот на крајот на транзицијата".

- Камбаните бијат за Еди Рама, страните на Бермудскиот триаголник не можат да издржат една без друга. Крајот на неказнивоста го означува почетокот на крајот на транзицијата. Албанија заслужува повеќе, напиша тој.

Во периодот кога на власт беа демократите, во владите на Сали Бериша, Баша раководеше со важни ресори, беше министер за внатрешни, за надворешни работи, за транспорт.

По поразот на парламентарните избори во 2013, кога Бериша се повлече, по негов предлог тој стана лидер на Демократската партија.

Односите им се заладија откако Бериша беше прогласен за непожелен во САД во мај 2022 година. По барање на тогашната американска амбасадорка Јури Ким, Баша го исклучи од партијата, по што почна расколот во партиските редови и тие од најблиски соработници, станаа најлути противници.

Сепак, Бериша го привлече поголемиот број од членството. Судот со одлуката од неодамна го призна за лидер Бериша и правото на печатот и логото

The post Лидерот на албанската опозиција тврди:  Бермудскиот триаголник на Рама се распаѓа appeared first on Република.

По неделните делумни предвремени избори во шест општини во Албанија, нови градоначалници во пет од нив се кандидатите на владејачката Социјалистичка партија, додека во една кандидатот на крилото на демократската партија, предводено од Сали Бериша, кој настапи под слоганот на коалицијата „Дом на слободата“.

Нови градоначалници се социјалистите Рахим Спахиу во Пешкопеја, Емириана Спахо во Драч, Ериселда Сефа во Љушња, Едисон Мемола во Рогожина и Блерим Шера во Вора и Бард Спахиа, од крилото на Бериша, во Скадар.

Нивниот градоначалнички мандат ќе трае нешто повеќе од една година, односно до редовните избори во јуни следната година.

По овие избори од 61 општина социјалистите се на чеко на 59 општини, една(Скадар) е на крилото на Бериша и една (Финиќ) на партијата на грчкото малцинство, МЕГА.

По неуспехот на изборите разочарувањето во редовите на демократите е големо и се погласно се бара оставка од лидерот Љуљзим Баша.

На седница со парламентарната група на партијата, дел од членовите побарале итна оставка на Баша, по шестиот, како што го оценуваат, последователен изборен пораз, од кога тој е лидер на партијата.

Агрон Ѓекмаркај си поднесол оставка од функцијата потпретседател на партија и најавил дека во парламентот ќе делува како независен кандидат а тоа го најавиле и други доколку „не се смени актуелната состојба во партијата“.

Дел од челновите на пратеничката група побарале да се стори се за надминува на недоразбирањата во партијата и да се врати единството.

Баша од своја страна изјавил дека не чувствува морална одговорност за да поднесе оставка, туку сите порази, па и овој ги препишува на „кражба на гласови“. За попладнево тој закажа средба со претседателите на општински ограноци на партијата.

Тој на чело на партијата е од 2013 година, кога по поразот на парламентарните избори се повлече Бериша.

The post Социјалистите добија пет, Бериша еден градоначалник, од Баша се бара оставка appeared first on Република.

Суд во Тирана стави крај на дилемата за тоа кој е претседател на опозициската Демократска партија(ПД), по тврдењата на поранешниот лидер Сали Бериша и неговите приврзаници, дека токму тие се оние кои имаат право да предложат кандидати за делумните предвремени избори за градоначалник во шест општини.

Во потврдата од судот стои дека во регистарот на партии како претседател на Демократската партија, која е запишана во регистарот на 19 декември 1990 година, е запишано лицето Љуљзим Баша.

До ЦИК партијата освен потврдата доставила и барање за запишување како избирачки субјект, како и список на лица кои ги пријавува за членови на општинските изборни комисии и избирачки одбори, во шесте општини, Скадар, Пешкопеја, Драч, Вора, Рогожина и Лушња.

Дополнителните предвремени избори ќе се одржат на 6 март а изборната кампања почнува на 19 февруари. Партиите од 6 до 9 февруари треба да поднесат предлози и соодветни документи за кандидатите со кои ќе учествуваат во трката за градоначалници

The post За судот во Албанија Љуљзим Баша е претседатал на Демократската партија appeared first on Република.