Шефот на Вишото јавно обвинителство, Мустафа Хајрулахи поднел претставка поради ненавремено постапување по кривичните пријави против двајцата обвинители Фатиме Фетаи и Сашо Рајчев. Претставката е поднесне до Советот на Јавни обвинители. Претставката е поднесена и до Јавното обвинителство на Република Македонија, како и до вишиот јавен обвинител на Вишото обвинителство Битола.

[caption id="attachment_579994" align="alignnone" width="711"] Шеф на Вишото јавно обвинителство, Мустафа Хајрулахи[/caption]

Како што изјави Хајрулахи претставката е поднесена поради обидот да се застари делото.

Очигледна е намерата да се чува кривичната пријава за делото да застари. Претставката за непостапување е веќе поднесена. Кривичната пријава за злоупотреба на службена положба и овластување и злоупотреба на лични податоци против Фетаи и Рајчев е поднесена уште во мај 2008 година, а до јуни годинава не беше преземено ништо. Очигледна е намерата да се има контрола врз предметот и да се доведе до застарување. Релативната застареност за ова дело е 2 години и токму тоа е интенцијата. И да се донесе одлука по истата, по поднесена жалба делото ќе застари – коментира обвинителот, кој додава дека се водат и дисциплински постапки против двајцата обвинители, но како што вели, веројатно под притисок на одредени моќници во обвинителскиот систем се одолговлекува постапката - вели Хајрулахи.

[caption id="attachment_798258" align="alignleft" width="400"] Шеф на битолското обвинителство, Оливера Нечаковска[/caption]

Пред десетина дена Хајрулахи за „Република“ изјави дека откако во мај 2023 година ги поднел кривичната пријава за злоупотреба на службена положба и овластување и злоупотреба на лични податоци до јуни никој не побарал да биде сослушан по наводите од истата. Затоа во јуни годинава тој инсистирал кај битолската обвинителка која го води предметот, Оливера Нечаковска, да даде изјава за пријавата која ја поднел.

– На 13 јуни 2024 година по мое инсистирање сум сослушан од страна на обвинителката Нечаковска. Ги потенцирав наводите по кривичната пријава и доставив копија од пресудата на Граѓанскиот суд за објавените текстови на сопственикот на порталот Доказ кај што тој признава дека објавува текстови по нарачка на обвинителите. Освен копија од пресудата доставив и писмени изјави дадени од сопственикот на порталот Доказ, Марјан Стаменковски – ни изјави шефот на скопското вишо обвинителство, кој нема сознанија дали после неговото сослушување е постапено по пријавата.

Од мај 2023, кога е поднесена пријавата во Јавното обвинителство на Република Македонија, кога државен обвинител беше Љубомир Јовески, до декември, до неговото заминуање, не е постапено по кривичната пријава. Била доделена на обвинителката Соња Симовска, која во декември беше избрана за в.д. државен обвинител, токму на местото на Јовески. Таа требало да одлучи кое јавно обвинителство ќе постапува по пријавата, со оглед дека двајцата обвинители против кои е пријавата доаѓаат од скопското вишо обвинителство, под чија надлежност е ОЈО Скопје. По „некоја случајност“ како што коментира обвинителот, предметот се доставува до ОЈО Битола и токму кај битолската обвинителка Оливера Нечаковска.

[caption id="attachment_148577" align="alignnone" width="800"] Љубомир Јовески, поранешен државен обвинител[/caption]

Тогашниот јавен обвинител Јовески се обидел да издејствува Хајрулахи воопшто да не поднесе кривична пријава против Фетаи и Рајчев. Според вишиот обвинител кога ги доставил кривичните кај Јовески имал притисок да ги повлече не само пријавите туку и дисциплинската постапка.

-Бев и сѐ уште сум на став дека ако дозволуваме во самото обвинителство, чија цел е да гони кривични дела и криминал, да се става во одбрана на кривични дела, тогаш јавно обвинителство не треба да постои како орган на правосудниот систем. Самиот чин на користење на туѓи лични податоци е кривично дело, а ЈО ги злоупотребува за лични потреби. Зошто да гониме други, ако тоа го дозволуваме внатре во самото обвинителство?! Дозволуваме внатре,а гониме други, каде степенот на одговорност е далеку помал. Но ставот на Јовески беше дека и ние обвинителите грешиме, се огрешиле, но тоа да се реши без кривични пријави и дисциплински постапки – ни изјави пред десетина дена вишиот обвинител.

https://republika.mk/vesti/makedonija/joveski-i-nechakovska-gi-spasuvaat-fetai-i-rajchev-se-chuvaat-vo-fioka-krivichnite-prijavi-protiv-dvajtsata-obviniteli/

The post Вишиот обвинител Хајрулахи поднесе претставка поради ненавремено постапување по кривичната пријава против Фетаи и Рајчев appeared first on Република.

Што се случува со кривичната пријава поднесена од шефот на Вишото јавно обвинителство, Мустафа Хајрулахи, против двајцата обвинители Фатиме Фетаи и Сашо Рајчев во мај 2023 година? По повеќе од една година по поднесувањето на кривичната пријава за злоупотреба на службена положба и овластување и злоупотреба на лични податоци сѐ уште нема обвинение против двајцата обвинители.

Хајрулахи во мај 2023 година поднесол известување во форма на кривична пријава до Јавниот обвинител, во тоа време Љубомир Јовески, се со цел да се определи друго ОЈО надвор од надлежноста на Вишото јавно обвинителство.

– За едниот јавен обвинител поднесов кривична пријава за можно сторено кривично дело „злоупотреба на службена положба и овластување“ и „злоупотреба на личните податоци“. А за другиот јавен обвинител поднесов кривична пријава за „злоупотреба на личните податоци“, изјави Хајрулахи во август 2023 година.

Оттогаш молк за кривичните пријави кои во Јавното обвинителство се поднесени во време кога државен обвинител беше Јовески. Според информации на „Република“ до декември 2023 година, односно до заминувањето на Јовески овие кривични пријави стојат во фиока во ЈОРМ и не се распределени на ниту едно Обвинителство. Извори од фелата велат дека токму првиот човек на обвинителството, Јовески е тој кој ги чувал кривичните пријави во фиока. Во декември, непосредно пред заминувањето на Јовески од финкцијата, се носи одлука битолското јавно обвинителство да го води овој случај. Во јануари годинава кривичните пријави пристигаат во битолското обвинителство. Но и битолското обвинителство, слуачјно или не, не е ажурно кога се во прашање кривичните пријави против Фетаи и Рајчев. И таму со месеци нема никаков исход од постапката.

[caption id="attachment_148577" align="alignnone" width="800"] Љубомир Јовески, поранешен државен обвинител[/caption]

Годинаипол обвинителите ги проверуваат наводите против своите колеги и нема никаква одлука по долгата проверка. Сите досегашни активности околу овие постапки, и во Државното јавно обвинителство, тогаш предводено од Јовески, и во битолското јавно обвинителство, каде шеф е Оливера Нечаковска, одат во прилог на застарување на делото за кое се теретат Фетаи и Рајчев. Се бара ли начин да се заташкаат пријавите и против обвинителите да нема никакво обвинение ниту судска постапка. Се заинтересирал ли наследникот на Јовески, Љупчо Коцевски, што се случува со кривичните против неговите колеги? Тоа впрочем зборува и за ажурноста и ефикасноста на обвинителскиот систем во државата. А оценката за независноста, ажурноста и ефикасноста ефикасноста и на обвинитеството и на судството е на најниско можно ниво што е нотирано во секој извештај од сите релевантни европски институции. Довербата во јавноста е едвај 2 отсто што е еднакво на нула.

Барањата за одговорност од Фетаи и Рајчев дојдоа откако Марјан Стаменковски од ДоказМ кажа дека соработувал со обвинителот Рајчев и уште една обвинителка. За Рајчев посочи соработувал со него на дел од предметите за кои што му се суди, односно му испраќал информации. Сопственикот на порталот ,,Доказ-М” веќе е осуден за две дела, пиратерија и уцена. Наспротив ова  сѐ уште нема ниту одлука за кривичната пријава, а уште помалку д асе започне постапка против, како што тврди Стаменковски, неговите соработници Фетаи и Рајчев.

[caption id="attachment_798258" align="alignleft" width="400"] Шеф на битолското обвинителство, Оливера Нечаковска[/caption]

Што се случува со кривичните пријави против двајцата обвинители? Се обидува ли некој да ги зачува во фиока за истите да застарат? Разговаравме со Оливера Нечаковска, шеф на битолското обвинителство. По кусиот телефонски разговор испративме прашања на меил адрсата на Обвинителството, но наместо одговор на истите, согласно договорот со Нечаковска, бевме прератени на адреса на прес-службата на Јавното обвинителство на Република Македонија. Оттаму добивме краток одговор во кој ја нема суштината на она кое го баравме, туку општ одговор дури и на прашањата кои се однесуваат директно на битолската обвинителка.

Нечаковска ја прашавме:
1.Дали кривичната пријава поднесена од шефот на Вишото јавно обвинителство, Мустафа Хајрулахи, против Фатиме Фетаи и Сашо Рајчев е доставена до Основното јавно обвинителство Битола и кога ?
2. Доколку е кај вас, која е причината што е префрлена во ОЈО Битола?
3. Дали се постапува по истата? Дали е прераспределена кај обвинител, кај кој обвинител и до каде е постапката?
4. Со последните измени на кривичниот закон делото злоупотреба на службена положба застарува побрзо. Ќе дозволи ли ОЈО Битола овој предмет да застари?
5. Прашање за обвинителката Оливера Нечаковска - Дали има надворешни влијание и директен притисок врз вас кривичната пријава да застари и да не се постапува по истата?

Но наместо од Нечаковска, одговор добивме од Јавното обвинителство од каде потврдуваат дека Кривичната пријава против Фетаи и Рајчев е доставена до Основното јавно обвинителство Битола во јануари годинава и според нивното тврдење, по неа се постапува за да се проверат наводите.

Пријавата беше дадена на надлежно постапување на ОЈО Битола, по донесено решение за изземање за да се избегнат околности кои би предизвикале евентуално сомневање во непристрасноста во одлучувањето, имајќи предвид дека и подносителот и пријавените се виши обвинители во Вишото јавно обвинителство Скопје во чие подрачје спаѓа Основното јавно обвинителство Скопје - велат од Јавното обвинителство.

Која е причината што на Државното јавно обвинителството му требало седум месеци за да го префрли предметот во Битола? Што се случувало со предметот толку месеци? Што се случува со кривичната постапка овие 7 месеци, откако истата е примена во битолското обвинителство? Конкретен одговор од Нечаковска не добивме. Добивме одговор од прес-службата на Јавното обвинителство дека „по неа се постапува за да се проверат наводите“.

Нема конкретен одговор ниту на прашањето дали ОЈО Битола ќе дозволи овој предмет да застари. Со последните измени на кривичниот законик во септември 2023 година, по предлог на тогаш актуелната власт, предводена од СДСМ и ДУИ, се намали казната затвор за злоупотреба на службена положба со што се отвори можноста за порано да застарат овие дела.

Нечаковска сметаше дека и прашањето упатено конкретно за неа - Дали има надворешни влијание и директен притисок врз вас кривичната пријава да застари и да не се постапува по истата?, не е прашање кое треба таа да го одговори. Иако во прашањето е нагласено дека ова се однесува конкретно за притисок врз неа како шеф на битолското обвинителство, одговор од Нечаковска не добивме. Добивме одговор од прес-службата на Јавното обвинителство на Република Македонија:

Јавното обвинителство не подлегнува на никакви притисоци и постапува единствено согласно закон.

Но дали има притисок врз Нечаковска? Одговор на ова прашање нема. Според информации на Република се врши директен притисок врз Нечаковска кривичната пријава против Фатиме Фетаи и Сашо Рајчев да остане во фиока за делото да застари. Нашите извори посочуваат дека лица од фелата блиски до СДСМ  ДУИ, како и до обвинителот Јовески, се залагаат со притисок врз Нечаковска да издејствуваат застарување на делото. Нечаковска ниту ја потврди, ниту ја демантираше ваквата информација. Едноставно го премолчи одговорот, и покрај нашето настојување таа да одговори на прашањата кои се однесуваат за битолското обвинителство и лично за неа. Но таа наместо одговор, се погрижи да ги препрати прашањата во прес-службата на Јавното обвинителство на Република Македонија.

Ваквите случаи се причина за недвербата на граѓаните во правосудниот систем и лошите оценки од ЕУ. Мисијата на ОБСЕ во април годинава ја потенцираше состојбата во правосудството, односно како проблем беа посочени крајно политизираните одлуки со недоволна транспарентност и квалитет. Македонското правосудство треба да ја врати довербата кај граѓаните, но со ваквите постапки сме далеку од остварување на оваа цел.

„Република“ и понатака ќе го следи овој случај кој е во интерес на јавноста и ќе информира за сите нови сознанија и случувања околу поднесената кривична пријава против двајцата обвинители Фатиме Фетаи и Сашо Рајчев.

The post Јовески и Нечаковска ги спасуваат Фетаи и Рајчев?! Се чуваат во фиока кривичните пријави против двајцата обвинители appeared first on Република.

Поранешниот министер и политички аналитичар Џевдет Хајредини смета дека Љубимир Јовески заслужува кривично да одговора бидејќи не се расчисти најголемиот корупциски скандал со Маѓар телеком.

Повлечен предлогот Љубомир Јовески да биде избран за судија во Уставен суд.
Само поради тоа што и после 12 поминати години и 59 одржани судски рочишта, не се расчисти најголемиот корупциски скандал со Маѓар Телеком, Јовески заслужува кривично да одговара, пишува Хајредини на фејсбук.

The post Хајредини: Јовевски заслужува да одговара кривично затоа што не се расчисти најголемиот корупциски скандал appeared first on Република.

Поранешниот државен јавен обвинител кој беше кандидат за избор на уставен судија, Љубомир Јовески, за кого денеска од Собранието информираа дека е повлечен предлогот, во изјава за МИА вели дека е изненаден дека предлогот беше повлечен без да се наведат основни причини за тоа.

Изненадувачки, вулгарно беше тоа дека предлогот е повлечен без да се наведат основни причини за тоа. Пристојно е да се дадат два три збора. Нанесена ми е штета, ако не сметале дека може процесот до крај да го водат, не требало да ме предлагаат, бидејќи бев изложен на непотребни напади - вели Јовески.

Тој рече дека сметал дека процесот е завршен, бидејќи веќе година и половина не се покренувало ништо.

Бидејќи таа работа година и пол не се покренуваше пред Комисијата за избор и именување сметав дека е завршено, односно дека нема ништо од предлогот за уставен судија, затоа што тие ако сакаа да го завршат тоа имаа време и можности - рече тој.

Јовески вели дека е изненаден како тоа денеска беше изведено, односно, дека претседателката на Комисијата на денешното 25 продолжение на 13. Седница на Комисијата за избор и именување само соопшти дека предлогот е повлечен без да каже повеќе детали.

Воопшто во оваа година и пол со никого не комуницирав во врска со предлогот, а врз основа на моето досегашно искуство сметав дека нема потреба со некого да комуницирам, ниту некого околу тој дел да прашувам што станува со предлогот - рече Јовески.

Тој дополни дека е горд што е еден од двајцата обвинители кој го завршил шестгодишниот мандат и, како што рече, во моментов е посветен на прашања од неговата професија.

The post Јовески: Предлогот за уставен судија е повлечен, без да се наведат основни причини за тоа appeared first on Република.

Главниот политички егзекутор, слепиот послушник и најревносниот заштитник на криминалот на власта во изминативе 6 години, Љубомир Јовески, денес СДСМ го „пушти низ вода“, објави предмалку координаторот на пратеничката група на ВМРО-ДПМНЕ Никола Мицевски, додавајќи дека по 2 и пол години и 25 продолженија на матичната Комисија во Собранието, по еклатантно кршење и газење на Деловникот, власта сега се откажува од Јовески.

Но да не се лажеме, СДСМ преку ноќ не се претвори во добра вила, туку СДСМ се откажува од него само поради тоа што повеќе не им е потребен. Тој својата задача за која што го поставија, очигледно си ја заврши. Тој веќе не е подобен да биде уставен судија бидејќи повеќе не е јавен обвинител и нема да може да им ги крие предметите за нивните криминали и да ги штити криминалците во власта.
Имено, ние како пратеници од ВМРО-ДПМНЕ веќе 6 години во сите свои јавни настапи и дискусии во Собранието кажувавме дека овој човек е канцерот на македонското судство, во чиј мандат довербата во судството ја достигна нулата. Неговиот мандат беше проследен со многу скандали, безброј непокренати обвиненија, скриени предмети, смешни пресуди, ослободување на криминалци и уште многу скандали и срамни одлуки.
Сепак, власта дури сега го пушта низ вода Јовески, исто како што ги пушти низ вода и Катица Јанева, но и Вилма Русковска, во оној момент кога таа повеќе не им беше потребна. Така СДСМ функционира, и со луѓето и со институциите. Така било во минатото, така е и сега.
Полека но сигурно, се гледа крајот на оваа лакрдија.
Доаѓа време на ревизии, на преиспитување на некои одлуки и решенија, но и на одговорност за сите злодела и криминали кои што се случија во изминативе 6 години. Одговорност и за оние кои што тие криминали ги правеле, но и за оние кои што тие криминали ги штителе.
Никакви повлекувања и никакви премислувања како ова денес, нема да ги спасат од одговорност сите кои 6 години мислеа дека се недопирливи, порача Мицевски.

Јовески беше еден од тројцата кандидати предложени од СДСМ за работа во Уставниот суд.

The post Власта го пушти Јовески низ вода, повлечена кандидатурата за уставен судија appeared first on Република.

Јавниот обвинител од ЈО на РМ, Љупчо Коцески го пројде филтерот на Советот на јавни обвинители и доби позитивна оценка за можна замена на Љубомир Јовески.

Членовите на Советот едногласно дадоа позитивно мислење за Коцевски. Сметат дека тој има големо искуство и ги познава состојбите во Обвинителството.

Се работи за најсериозен кандидат кој треба да добие апсолутна поддршка од Советот и треба да добие позитивно мислење. Посакувам тој да биде избран. Убеден сум дека ќе може да се носи со функцијата, рече членот Изет Меџити.

Инаку Коцевски е дел и од Управниот одбор на Академијата за судии и обвинители, како и член на дисциплинската комисија во Јавното обвинителство. Кариерата ја почнал како адвокат, па потоа бил дел од Вишото ЈО во Гостивар, а од пред извесно време е дел од републичкото ЈО.

The post Републичкиот обвинител Љупчо Коцевски единствен кандидат за замена на Јовески appeared first on Република.

Советот на јавни обвинители во петок треба да избере вршител на должноста кој ќе го замени актуелниот републички јавен обвинител Љубомир Јовески на кого во понеделник му истекува мандатот.

Вршителот на должност ќе се избере од редот на републичките обвинители и тој ќе биде на оваа функција до изборот на нов републички јавен обвинител за кого постапката е во тек. На огласот пријавени се тројца кандидати - Лидија Раичевиќ, Фатиме Фетаи и Љупчо Коцевски.

Инаку, на денешната седница на Советот на јавни обвинители обвинителката од ОЈО ГОКК Лиле Стефанова е избрана за обвинител во Републичкото обвинителство. Покрај Стефанова, избран е и Наум Пановски од скопското Вишо обвинителство.

Стефанова беше дел од тимот на СЈО, а во моментот единствен активен предмет кој го води е „Титаник“.

The post Во петок треба да се избере наследник на Љубомир Јовески appeared first on Република.

Три кандидатури пристигнале до Собранието за главната обвинителска фотеља до последниот ден на огласот- обвинителките Фатиме Фетаи од Вишото скопско обвинителство и Лидија Раичевиќ од Основното обвнителство и обвинителот Љупчо Коцевски од републичкото.

Ќе се чека уште неколку денови во случај да пристигнат и кандидатури преку пошта. За мотивацијата и програмата Фетаи најави дека ќе се произнесе во наредиот период. Таа е обвинителка од 2011 во ОЈО скопје. На пошироката јавноста и стана позната откако беше избрана во СЈО. Од април 2021 е во скопското Вишо обвинителство. Лани се пријави и за шеф на ова обвинителсто, но во последен момент се повлече.

Раичевиќ е обвинителка во ОЈО Скопје од 2003 а еден мандат гонеше и организиран криминал и корупција. Меѓу предметите познати на јавност се за екс директорот на Онкологија Нино Васев, за убиството на Пино Секондо, случајот Ровер против Љубе Бошковски и предметот Еразмус. Таа ни посочи двата клучни мотиви поради кои се пријавила. Првиот е зголемување на довербата на јавнообвинителската функција и начинот на функционирање

Мојата амбиција е јавните обвинители да се препознаваат како луѓе и функционери на кои не само што им се верува туку и длабоко се почитуваат. Вториот мотив е корупцијата која е наречена епидемија а доктори за лечење на таа епидемија се јавните обивнители. Тие можат и знаат борба против корупција да ја направат видлива и со резултати, изјави Лидија Раичевиќ, обвинителка во ОЈО Скопје

Коцевски бил во адвокатурта 16 години од каде во 2008 е избран за обвинител во Вишо обивнителство Гостивар. Во јануари 2022 е унапреден во републичкото. Во телефонски разговор ни најави дека ќе биде отворен за медиумите и во наредниот период ќе ги презатнира своите ставови

Со оглед дека имам доволно искуство и знаење, ги знам состојбите во јавното обвинителство, ценам дека можам да одговорам на предизвикот и да бидам јавен обивнител на РСМ и обвинителството да го ужива угледот што го заслужува, изјави Љупчо Коцевски, обвинител во Републичко јавно обвинителство.

Огласот за нов државен обвинител Собранието го распиша на 27 ноември на еден месец пред да му истече мандатот на Љубомир Јовески иако тој уште во септември го извести Собранието дека мандатот му завршува на крајот на декември.

Законот за јавно обивнителство ограничи кој може да стане државен обвинител. За разлика од претходно кога се пријавуваа и адвокати, професори и правобранители сега може да биде именуван само обвинител или судија кривичар со 10 години непрекинат стаж.

Пријавените кандидати следно треба да го поминат филтерот на Советот на јавните обивнители кој на барање од Владата во рок од 15 дена треба да даде позитивно или негативно мислење за сите кандидати . Потоа Владата до Собранието предлага еден од кандидатите кој добил позитивно мислење.

The post Фатиме Фетаи сака да седне на местото на Јовески appeared first on Република.

Огласот за нов државен јавен обвинител, Собранието го објави денеска во Службен весник и во два дневни весника, откако во понеделникот пратениците ја изгласаа одлуката за именување нов јавен обвинител. На актуелниот државен јавен обвинител Љубомир Јовески мандатот му истекува следниот месец.

Според Законот за јавно обвинителство се предвидува рокот за пријавување на кандидатите да е 15 дена од денот на објавувањето во „Службен весник“. За јавен обвинител на Република Македонија може да биде именувано лице кое има непрекинат работен стаж од најмалку десет години како јавен обвинител или како судија од областа на кривичното право.

Јавниот обвинител се именува од Собранието, по предлог на Владата со мандат од шест години и право на повторно именување. За својата работа и работата на Јавното обвинителство одговара пред Собранието.

Листата со кандидати се доставува до Советот на јавни обвинители, којшто во рок од 15 дена од денот на приемот на барањето треба да достави до Владата образложено позитивно или негативно мислење во писмена форма за сите пријавени кандидати на огласот што ги исполнуваат условите согласно со закон. Потоа, Владата до Собранието доставува предлог за именување на јавен обвинител од пријавените кандидати за кои Советот на јавни обвинители дал позитивно мислење. За кандидатот што ќе го предложи Владата за јавен обвинител, кон предлогот се доставува и мислењето од Советот на јавни обвинители.

Ако Советот на јавни обвинители од оправдани причини во рокот не достави мислење до Владата тој (рокот) се продолжува уште за 15 дена. Ако и во овој рок, Советот на јавни обвинители не достави мислење, се смета дека мислењето е позитивно.

Доколку Советот на јавни обвинители не даде позитивно мислење за ниту еден од пријавените кандидати, Владата на Република Македонија не може да утврди предлог за именување на јавен обвинител и ќе му предложи на Собранието да го повтори огласот.

Јавниот обвинител Љубомир Јовески вчера добил закана по неговиот живот поради конкретен кривичен предмет по кој постапката е завршена во декември 2021 година.

Актуелниот државен обвинител, Јовевски, беше именуван на 25 декември 2017 година, а го наследи Марко Зврлевски, кој беше разрешен во август истата година.

Во меѓувреме, во Собранието пратениците од албанскиот опозициски блок поднесоа интерпелација за Јовески со клучна забелешка во однос на истрагата за пожарот во модуларната ковид-болница во Тетово што се случи во септември 2021 годдина, во кој загинаа 14 пациенти.

The post На Јовески му истекува мандатот идниот месец: Почнува постапката за избор на нов државен јавен обвинител appeared first on Република.

На денешната 129. собраниска седница, меѓу точките на дневниот ред се Предлогот за интерпелација за работата на државниот обвинител Љубомир Јовески, поднесен од пратеници од опозицијата, како и Предлогот за избор на член на Државната изборна комисија

Интерпелацијата на Јовески е ставена како 13-та точка на дневниот ред на седницата.

Предлагачите на интерпелацијата објавена на собраниската веб страна - Африм Гаши, Изет Меџити, Кастриот Реџепи, Мерита Колчи Коџаџику, Сафије Садики Шаини, Фадил Зендели и Хусни Исмаили посочуваат дека таа се засновува на сериозните тврдења дека од страна на Обвинителството се сокриле факти и информации во текот на целата постапка, се покренува обвинение за трети лица наместо да се утврдат главните виновници, со цел, како што велат, да бидат заштитени одредени политичари и припадници на бизнис елитите, кои што биле вклучени во изградбата на модуларните болници за време на пандемијата.

Доколку јавниот обвинител не го докаже спротивното, дека не се сокриени факти и дека не е извршено влијание врз постапка за политички и лични цели, тогаш овие сериозни нарушувања сносат одговорности, се вели во предложената интерпелација за работата на државниот обвинител Љубомир Јовески.

На истата седница како 15-та точка е ставена и Предлог одлуката за огласување избор на член на Државната изборна комисија. По именувањето на Кренар Лога за министер за правда се испразни едно место во ДИК кое треба да биде пополнето со претставник од опозицијата.

Пратениците ќе расправаат и за Предлог одлуката за објавување на јавен оглас за избор на претседател и членови на Антикорупциската комисија, чиј мандат истекува во февруари.

На дневен ред на денешната седница се и Предлог на одлуката за именување член на Комисијата на Агенцијата за пошти, Предлог на одлуката за разрешување и именување на претседател и членови на Советот за статистика на Република Македонија, Предлог на одлуката за именување на претседател и член на Управниот одбор на Агенцијата за цивилно воздухопловство, Предлог на одлуката за именување на член на Државната комисија за жалби по јавни набавки, Предлог на одлуката за именување на претседател и членови на Републичкиот совет за безбедност на сообраќајот на патиштата, Предлог на одлуката за разрешување член на Комисијата за прашања на изборите и именувањата на Собранието на Република  Македонија, Предлог на одлуката за објавување на јавен оглас за именување на директор на Агенцијата за квалитет во високото образование, Предлог на одлуката за објавување јавен оглас за именување членови на Комисијата на Агенцијата за електронски комуникации,...и други предлог-одлуки.

На оваа седница пратениците ќе расправаат и за предлог одлуките за именување на претседател и членови на одборите за доделување на државните награди „Мајка Тереза", „Св. Климент Охридски", „Мито Хаџи Василев Јасмин", „22 Ноември", „Мето Јовановски", како и на државната награда „23 Октомври".

The post Интерпелацијата на Јовески и предлогот за избор на член на ДИК на пленарна седница appeared first on Република.

Ислам Абази и Љубомир Јовевски молчат за скандалот со  изнајмувањето на простор од страна на државната Лотарија од компанија ХЕЈ, формирана пред неколку месеци, под крајно сомнителни услови. Оваа компанија  е тесно поврзана со Артан Груби и кланот Зајас.

Причината за молкот на првите луѓе на институциите на прогонот е јасна, на едниот на глава му се качени пола раководство на ДУИ, а другиот е седнат во скутот на власта, велат во ВМРО-ДПМНЕ.

Затоа при очи се прават слепи пред школскиот пример за корупција и криминал. Државната лотарија која е предводена од поранешниот шеф на кабинетот на Артан Груби, Прпарим Бајрами, изнајмила деловен простор по 21 илјада евра месечно или за десет години 2,6 милиони евра од компанија каде еден од членовите на УО на Државна Лотарија е ангажиран. Зад компанијата ХЕЈ којашто за 6 месеци се основа, купи имот и фати милионски тендер, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас.

Груби и ДУИ се извор на коруптивни скандали. Но најстрашно од се е што органите на прогонот воопшто не ги ни истражуваат, а уште помалку ги санкционираат. Ниту премиерот има храброст да го истражи овој милионски скандал. Ковачевски, како и Абази и Јовески, има слика, тон нема. Ова мора да престане. Оваа корумпирана власт која се богати со народните пари мора да си замине, а потоа да одговара за секој проневерен денар, обвинува партијата.

The post Joвески, Aбази се слушаме? Скандалот од 2,6 милиони евра со Лотарија кој е школски пример за корупција appeared first on Република.

Ислам Абази и Љубомир Јовевски молчат за скандалот со изнајмувањето на простор од страна на државната Лотарија од компанија ХЕЈ, формирана пред неколку месеци, под крајно сомнителни услови. Оваа компанија е тесно поврзана со Артан Груби и кланот Зајас. Причината за молкот на првите луѓе на институциите на прогонот е јасна, на едниот на глава му се качени пола раководство на ДУИ, а другиот е седнат во скутот на власта, обвинуваат од ВМРО-ДПМНЕ.

Затоа при очи се прават слепи пред школскиот пример за корупција и криминал. Државната лотарија која е предводена од поранешниот шеф на кабинетот на Артан Груби, Прпарим Бајрами, изнајмила деловен простор по 21 илјада евра месечно или за десет години 2,6 милиони евра од компанија каде еден од членовите на УО на Државна Лотарија е ангажиран. Зад компанијата ХЕЈ којашто за 6 месеци се основа, купи имот и фати милионски тендер, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас.

Груби и ДУИ се извор на коруптивни скандали. Но најстрашно од се е што органите на прогонот воопшто не ги ни истражуваат, а уште помалку ги санкционираат. Ниту премиерот има храброст да го истражи овој милионски скандал. Ковачевски, како и Абази и Јовески, има слика, тон нема. Ова мора да престане. Оваа корумпирана власт која се богати со народните пари мора да си замине, а потоа да одговара за секој проневерен денар“ – посочуваат од партијата.

The post Абази, Јовески и Ковачевски слика имаат, тон немаат, молчат за скандалот од 2,6 милиони евра со Лотарија кој е школски пример за корупција appeared first on Република.

Државниот обвинител Љубомир Јовески може да биде разрешен само неколку недели пред истекот на неговиот мандат, бидејќи Интерпелацијата против него иницирана од албанската опозициска партија Беса, Алтернатива и Демократско Движење е ставена на дневен ред во Собранието, објави Алсат.

Работата и одговорноста на Јовески за недејствување врз основа на неговите обврски во случајот Модуларна болница ќе биде разгледана на следната собраниска седница закажана за 2 ноември, но ставена како 13-та точка на дневен ред.

„Оваа интерпелација има за цел во собраниската јавна расправа да ги покрене наводите дека Јавното обвинителство во текот на целата постапка криела факти и информации за заштита на политиката и припадниците на бизнис елитите кои биле вклучени во изградбата на модуларните болници“, кажаа од опозицијата при доставување на интерпелацијата

Иницијативата ќе биде поддржана и од пратениците на ВМРО-ДПМНЕ. Но, мандатот на Јовески како државен обвинител истекува во декември и тој досега не доби доволно поддршка за да стане судија во Уставниот суд. Иако го предложи, по јавната кавга со Јовески, власта сега е воздржана во поддршката за него. Неговата кариера би можела да заврши тука, со негово пензионирање на 70-годишна возраст.

The post Дали ќе заврши мандатот на Јовески пред време? appeared first on Република.

На собраниската седница закажана за 2 ноември ќе се расправа по Предлогот за интерпелација на државниот обвинител Љубомир Јовески, поднесен од пратеници од опозицијата.

Интерпелацијата е ставена како 13 точка на дневен ред на пленарната седница.

Пратениците ќе расправаат и за Предлог одлуката за објавување на јавен оглас за избор на претседател и членови на Антикорупциската комисија, чиј мандат истекува во февруари.

На истата седница како 15 точка е ставена и Предлог одлуката за огласување избор на член на Државната изборна комисија. По именувањето на Кренар Лога за министер за правда се испразни едно место во ДИК кое треба да биде пополнето со претставник од опозицијата.

The post Интерпелацијата на Јовески пред пратениците на 2 ноември appeared first on Република.

Обвинувањата на опозицијата дека АА го штити Јавниот обвинител се неосновани и само докажуваат колку се неинформирани за постапките и за конкретниот случај. Опозицијата со последните дејствија изигрува комичен театар, поднесувајќи интерпелација за главен обвинител на кој сега му истекува мандатот, додека министерот за правда Кренар Лога испратил информација до Владата, со која и официјално го започна процесот за избор на новиот главен обвинител, реагираат од Алијанса за Албанците.

Од партијата ја пренесуваат постапката и роковите за избор на Јавен обвинител според законските одредби кои мора да се почитуваат:

„Постапката за именување на Јавниот обвинител на Република Македонија е уредена во член 64 од Законот за јавното обвинителство. Во член 63 ставот 1 од наведениот закон е пропишано дека Јавниот обвинител на Република Македонија, по предлог на Владата на Република Македонија, го именува Собранието на Република Македонија за време од шест години со право на повторно именување.

Постапката за именување на Јавен обвинител на Република Македонија започнува со огласувањето на именувањето. Имено, во членот 64 во ставот 1 е пропишано дека Собранието на Република Македонија на предлог на Владата на Република Македонија го огласува именувањето на Jавниот обвинител на Република Македонија во „Службен весник на Република Македонија“ и во најмалку два дневни весника од кои еден од весниците што се издава на јазикот што го зборуваат најмалку 20% од граѓаните кои зборуваат службен јазик различен од македонскиот јазик, најдоцна два месеца пред истекот на мандатот или веднаш по упразнувањето на местото. Јавниот обвинител на Република Македонија е должен да ја извести Владата на Република Македонија за истекот на мандатот најдоцна во рок од три месеци пред истекот на истиот.

Рокот за поднесување на пријавите е 15 дена од денот на објавувањето во „Службен весник на Република Македонија“.

Во ставот 3 е пропишано дека Советот на јавни обвинители на Република Македонија, на барање на Владата на Република Македонија во рок од 15 дена од денот на приемот на барањето до Владата на Република Македонија доставува образложено позитивно или негативно мислење во писмена форма за сите пријавени кандидати на огласот што ги исполнуваат условите согласно со закон.

Ставот 4 уредува дека Владата на Република Македонија до Собранието на Република Македонија доставува предлог за именување на Jавен обвинител на Република Македонија од пријавените кандидати за кои Советот на јавни обвинители на Република Македонија дал позитивно мислење. За кандидатот што ќе го предложи Владата за Jавен обвинител на Република Македонија, кон предлогот се доставува и мислењето од Советот на јавни обвинители на Република Македонија.

Доколку Советот на јавни обвинители став 5 од оправдани причини во рокот од ставот (3) на овој член не достави мислење до Владата на Република Македонија, рокот од ставот (3) на овој член се продолжува уште за 15 дена. Ако и во овој рок Советот на јавни обвинители на Република Македонија не достави мислење, се смета дека мислењето е позитивно.

Исто така, ако Советот на јавни обвинители на Република Македонија не даде позитивно мислење за ниту еден од пријавените кандидати Владата на Република Македонија не може да утврди предлог за именување на Jавен обвинител на Република Македонија и ќе му предложи на Собранието да го повтори огласот од ставот (1) на овој член.

Согласно наведеното, а врз основа на член 64 од Закон за јавното обвинителство, потребно е по добивањето на известувањето од Јавниот обвинител на Република Македонија за истекот на неговиот мандат, Владата на Република Македонија до Собранието да достави предлог за огласување на именување на Јавен обвинител на Република Македонија“, информираат од Алијанса за Албанците.

The post АА: Обвинувањата на опозицијата дека го штитиме јавниот обвинител се комичен театар appeared first on Република.

Јавниот обвинител Љубомир Јовески до Собранието по пошта го испратил одговорот за интерпелацијата што за неговото работење во случајот со пожарот во Модулараната болница во Тетово во кој загинаа 14 лица ја поднесоа пратеници од опозициските партии на Албанците - Беса, Алтернатива и Демократско движење. Јовески во дописот, како што наведува, најодговорно изјавува дека никогаш во ниту еден момент во текот на постапката за овој случај немало обид за влијание и притисоци.

Во одговорот на барањето за интерпелација, јавниот обвинител наведува дека за овој трагичен настан, за дејствијата што ги преземаше Јавното обвинителство, јавноста во континуитет била известувана без да се наруши текот на постапката, која во еден дел веќе завршила со осудителна пресуда.

-Меѓутоа, поднесената интерпелација за овој предмет уште еднаш потврди дека „Институцијата со која раководам постојано е изложена на неосновани напади и обиди за дискредитација, кои во крајна линија се една од основните причини за ниска јавна доверба во правосудните органи воопшто. Повод за оваа интерпелација се непроверени и неиздржани, наводи во новинарски текст, кој неодговорно манипулира со чувствата на засегнатите од оваа трагедија и кај пошироката јавност, но очигледно и кај дел од пратениците, креира погрешни перцепции за текот на овој предмет, пишува во одговорот од јавниот обвинител.

Како што вели, во интерес на вистината, уште еднаш, детално и целосно ја објаснува постапката која од самиот почеток се водела „одговорно, непристрасно и согласно сите законски прописи“.

Јовески наведува дека од самиот почеток, веднаш по настанот, цел обвинителски тим составен од сите јавни обвинители во Основното јавно обвинителство Тетово и двајца јавни обвинители од Основното јавно обвинителство Скопје кои биле дежурни во моментот на несреќата биле задолжени да извршат увид и да ги преземат сите дејствија неопходни за утврдување на причините.

По спроведената претходна постапка, во рамки на која биле преземени многу истражни дејствија, Основното јавно обвинителство Тетово, како што пишува Јовевски, поднесело обвинение против три лица, од кои двајцата директори на болницата кои се товарат дека „иако биле должни да имаат соодветни уреди и инсталации за заштита од пожари и експлозии, друга противпожарна опрема, средства за гаснење на пожари и противпожарни апарати, на денот на пуштање во употреба на Модуларната болница во Тетово, па се до денот на настанување на пожарот во Модуларната болница, не поставиле соодветни уреди за заштита од пожар со што сториле „тешки дела против општата сигурност“ по чл.292 ст.4 в.в. со чл.288 ст.4 в.в. со ст.2 од Кривичниот законик, додека третообвинетиот како одговорно лице дозволил влез на членови на семејствата на болните од Ковид 19 со што се товари за кривично дело - непостапување според здравствените прописи за време на епидемија по чл.206 ст.1 од Кривичниот законик. Обвинението, потсетува Јовески, го опфаќаше и правното лице Клиничка болница Тетово.

Јовески наведува дека обвинението се темели на обезбедените докази и извршени вештачења, кои вклучуваат - вешт наод на Одделот за криминалистичко-технички испитувања и вештачења при Министерството за внатрешни работи, Службена експертиза од Форензичкиот институт при Сојузната криминалистичка служба и лабораторија од Германија, вешт наод на стручно лице електроинжинер, вештачењето на Технолошко-металуршкиот факултет кој ја испитуваше брзината на согорување на сите материјали употребени за болницата, како и вештачење на Електротехничкиот Факултет Скопје во поглед на усогласеноста на изведената инсталација со законските прописи за ваков тип градби.

Сите овие докази и вештачења се комплементарни, не се спротивставуваат и јасно ја утврдуваат причината за настанување на пожарот, но и одговорноста на службените лица, се вели во писмото.

-По вака поднесеното обвинение, врз основа на сите презентирани докази, Основниот суд во Тетово донесе осудителна пресуда за двајцата директори, изрекувајќи условна осуда, додека за третиот обвинет е донесена ослободителна пресуда. Основното јавно обвинителство Тетово ја обжали пресудата и по основ на одредената санкција за двајцата обвинети и по основ на ослободителната пресуда за еден од обвинетите. Свои жалби вложија и осудените. Во тек е жалбена постапка. За тендерот за набавка на сите модуларни болници, во Основното јавно обвинителство за гонење на организиран криминал и корупција се води уште еден предмет, кој е во предистражна постапка и во кој интензивно се преземаат дејствија на проверки, се наведува во одговорот од јавниот обвинител.

Во однос на прашањата за интерпелацијата за тоа кои се неправилностите во тендерската постапка за градење на модуларните болници и дали и зошто Обвинителството не ги смета како релевантни овие околности во самото обвинение, Јовески одговара дека „евентуалните неправилности во тендерската постапка се испитуваат во предметот во кој во предистражна постапка постапува Основното јавно обвинителство за гонење на организиран криминал корупција“.

-И документацијата побарана и обезбедена во овој предмет е обемна и е поврзана со јавна набавка за изведба на повеќе објекти, под надзор и во рамките на посебен проект финансиран од Светската банка. Од тие причини, потребно е време за анализа на сите тие документи и утврдување на евентуални неправилности. Во рамки на постапката на Основното јавно обвинителство Тетово, која директно ги испитуваше причините за пожарот, тие причини беа недвосмислено утврдени со неколку вештачења и на ниту еден начин не беа поврзани со тендерски документи, посочува Јовевски.

За тоа зошто е занемарен извештајот и наодите од германскиот тим од форензичари, кои го утврдиле главниот причинител на пожарот и другите причини за толкав интензитет на пожар, јавниот обвинител одговара дека „ова прашање е најдобра илустрација за дезинформациите и лажните наводи изнесени во новинарскиот текст, кои се повод за ваквата интерпелација“.

-Имено, апсолутно невистинити се наводите дека вештачењето од германските експерти воопшто не било изложено како доказ во судската постапка, тврди Јовески.

Нагласува дека од самиот почеток на истрагата, Обвинителството преку меѓународна правна соработка побарало правна помош од германските експерти кои ги истражуваа причините за пожарот.

-Службената експертиза од Форензичкиот институт при Сојузната криминалистичка служба и лабораторија од Германија е составен дел од доказниот материјал. Тој уредно беше доставен до странките во постапката, приложен заедно со обвинението и во текот на судењето јавно беше изведен како доказ пред Судот. Судските рочишта за овој предмет беа отворени за јавноста, па оттаму изнесувањето на вакви невистини е целосно тенденциозно, пишува Јовески.

Според него, неосновани се и информациите за наводна спротивставеност на вештачењата.

-Имено, и вештиот наод на Одделот за криминалистичко- технички испитувања и вештачења при Министерството за внатрешни работи и она на германските експерти прецизно ги наведуваат истите причини за настанување и за ширење на пожарот. Врз основа на вака неспротивставени вештачења беше донесена првостепената пресуда на Основниот суд во Тетово. Дополнително, во емисијата воопшто не се наведени заклучоците од вештачењето на Технолошко-металуршкиот факултет кој ја испитуваше брзината на согорување на сите материјали употребени за болницата и со кое исто така јасно се посочува дека основна причина за брзото горење на модуларната болница е големата концентрација на кислород во објектот, наведува Јовески.

За ваквата груба манипулација, потсетува тој, Јавното обвинителство уште веднаш по емисијата ја информираше целата јавност.

-За да се спречи ширењето на невистини за овој трагичен настан, Јавниот обвинител на Република Македонија им наложи на надлежните јавни обвинители во овој предмет да поднесат барање до Апелациониот суд за одржување на јавна седница по жалбите на која уште еднаш пред целата јавност ќе бидат изложени сите докази од првостепената постапка, пишува Јовески.

На прашањето зошто обвинител кој ја води постапката за модуларните болници се иззема од таа функција и кои се наодите од постапката која е реализирана, Јовески тврди дека ниту еден јавен обвинител кој ја водел постапката не се изземал од функцијата туку наведува дека „една од јавните обвинителки во ОЈО Тетово кои во почетокот биле вклучени во овој предмет, била разрешена од функцијата со одлука на дисциплинската комисија на Јавното обвинителство, потврдена од Советот на јавните обвинители“.

-Причината беше нестручно и несовесно работење, но во сосема друг предмет, односно повеќе други предмети, кои на ниту еден начин не беа поврзани со постапката за модуларната болница. Меѓутоа, новинарите на ИРЛ свесно одбегнуваат да и го презентираат на јавноста овој факт кој сериозно ја доведува во прашање кредибилноста на нивниот соговорник, и дозволуваат поранешната јавна обвинителка да дава неоснована и со ништо непоткрепена правна оценка за оваа тешка трагедија, иако по нејзиното разрешување таа нема никакви сознанија за предметот. Не може човек да не реагира кога со леснотија се изнесуваат оценки дека станува збор за убиство, истакнати и во самиот наслов на новинарскиот прилог, без притоа и најмалку да се покаже грижа за болката која со тоа се предизвикува кај семејствата на жртвите на оваа трагедија, пишува Јовески.

Тврди дека во ниту еден момент немало обид за влијание и притисоци.

-Најодговорно изјавувам дека никогаш во ниту еден момент во текот на оваа постапка немало обид за влијание и притисоци. Имајте предвид дека во текот на глобалната светска здравствена криза, во која на тест беа ставени здравствените системи на сите држави во светот, десетици вакви слични или потешки катастрофални несреќи со човечки жртви, од речиси идентични причини, се случија во повеќе европски и други земји. До овој момент, Република Македонија е една од ретките земји, ако не и единствена, каде што за ваквиот настан беше поведена кривична постапка која веќе резултираше со првостепена осудителна пресуда. Тоа јасно ја покажува решеноста на јавното обвинителство за кривичен прогон, посочува Јовески.

Зад секоја одлука во овој предмет стои тим од јавни обвинители, кои и покрај својата посветена работа,како што наведува, по објавата на наведениот новинарски текст, се директно изложени на напади и неосновани критики.

Обраќајќи се до пратениците, Јовески тој бара тие со своето општествено и политичко влијание да поттикнат создавање клима во која јавните обвинители ќе можат непристрасно и одговорно да ja извршуваат својата должност.

-Јавнообвинителската работа, па и работата на другите правосудни органи, е јавна и постојано оценувана од повеќе домашни и странски фактори, меѓутоа таа не смее да биде злоупотребувана за политички калкулации и пресметки. Секое обвинување за наводни пропусти и злоупотреби мора да биде поткрепено со сериозни докази, а не паушално и неиздржано. Во спротивно, и онака кревката доверба на јавноста во правосудниот сектор дополнително неосновано се нарушува, а тоа може да има несогледливи последици за целото општество, пишува Јовески.

Во исто време, тој апелира на „внимателност со оглед на тоа што поставување на интерпелација за предмет во кој се води активна судска и предистражна постапка, отвора можност за нарушување на начелата на поделба на власта и независност на правосудните институции, но и за директно загрозување на постапки кои се во тек“.

The post Јовески тврди дека немало влијание и притисоци за случајот со пожарот во Модуларната болница во Тетово appeared first on Република.

На првата нова пленарна седница ќе биде ставена на дневен ред интерпелацијата за јавниот обвинител Љубомир Јовески поднесена од пратениците на Беса, Демократско движење и Алтернатива.

Од Кабинетот на претседателот на Собранието Талат Џафери информираат дека одговорот на Јовески пристигнал до законодавниот дом во рокот даден во Деловникот односно вчера попладне по пошта, така што тој денеска се дистрибуира до пратениците, а интерпелацијата ќе се најде на дневен ред на првата наредна нова седница

The post За интерпелацијата на Јовески ќе се расправа на првата нова седница, кога не се знае appeared first on Република.

Албанските опозициски партии од Алтернатива, Движењето БЕСА и Демократското движење доставија интерпелација за работата на Јавниот обвинител, Љубомир Јовески.

Причина за интерпелацијата е кулминацијата на неговата неконзистентна, нетранспарентна, контроверзна работа и губењето на јавната доверба кон институцијата Јавно обвинителство што се случи со судскиот предмет за пожарот на модуларната болница во Тетово, каде трагично загинаа 14 лица.

Ние сметаме дека улогата на јавниот обвинител, Љубомир Јовески, во овој случај стана предмет на сомнеж и за тоа е потребна одговорност и јавно објаснување. Оваа интерпелација има за цел во јавна собраниска расправа да ги покрене сериозните сомнежи дека Јавното обвинителство криел факти и информации во текот на целата постапка за да заштити на тој начин некои политичари и членови на бизнис елитите, кои биле вклучени во изградбата на модуларните болници кои беа предмет на оваа трагедија, велат од трите партии.

The post Албанската опозиција поднесе интерпелација за Јовески appeared first on Република.

Албанските опозициски партии од  Алтернатива, Движењето БЕСА и Демократското движење доставија интерпелација за работата на Јавниот обвинител, Љубомир Јовески.

Причина за интерпелацијата е кулминацијата на неговата неконзистентна, нетранспарентна, контроверзна работа и губењето на јавната доверба кон институцијата Јавно обвинителство што се случи со судскиот предмет за пожарот на модуларната болница во Тетово, каде трагично загинаа 14 лица.

The post Албанската опозиција му стокми интерпелација на Јовески appeared first on Република.

Јавниот обвинител Љубомир Јовески испратил писмено барање до Судскиот совет во кое итно бара детални информации за тоа во кои предмети судските рочишта биле одложувани повеќе пати заради отсутво на јавен обвинител, а во врска со информациите од 452-та седница на Судскиот совет, на која беше разгледан и усвоен извештај од работна посета на Основен кривичен суд Скопје.

Согласно Правилникот за оценување на јавните обвинители, ажурноста и ефикасноста се еден од основните принципи за оценување, и за таа цел се бараат детални информации од Судскиот совет, за тоа:

• Во кои предмети судските рочишта биле одложувани повеќе пати заради отсуство на јавен обвинител од Основното јавно обвинителство за гонење на организиран криминал и корупција или од Основното јавно обвинителство Скопје?
• На кои датуми биле закажни одложените рочишта во секој предмет поединечно и со какво образложение го оправдале отсуството надлежните јавни обвинители?

Ваквата информација, се вели во барањето од ЈОРМ, е со цел да се овозможи законската обврска за надзор над законитото и навремено извршување на јавнообвинителската функција согласно принципот на хиерархија и субординација на Јавното обвинителство.

Во исто време, Јавниот обвинител ќе побара од основните јавни обвинители на Основното јавно обвинителство за гонење на организиран криминал и корупција и на Основното јавно обвинителство Скопје да одржат итни колегиуми на кои уште еднаш ќе им укажат на останатите јавни обвинители во соодветните јавни обвинителства дека повеќекратното отсуство од судски рочишта ќе биде основ за поведување итни дисциплински постапки против јавните обвинители за кои ќе се утврди дека неоправдано отсуствувале од рочиштата, се вели во барањето од ЈОРМ.

The post Јовески бара Судски совет итно да му одговори поради кои обвинители се одложувале рочишта appeared first on Република.