Цела недела Град Скопје е во тотален колапс поради неспособноста на ВМРО-ДПМНЕ и нивните кадри во градската власт, обвини координаторката на советничката група на СДСМ и коалицијата во Град Скопје, Љубица Јанчева.

Рече дека цела недела приватните автобуски превозници не возат и блокираат важни сообраќајници поради тоа што Град Скопје и градоначалничката Арсовска не им ги исплаќаат долговите.

Јавниот превоз крахира, ЈСП нема доволно капацитети да ги опслужува сите линии комплетно, па скопјани со часови чекаат автобус на постојките и се возат во преполни автобуси, Во исто време, ЈСП кое тоне во долгови, случува договор за набавка на дизел гориво по цена од 118 денари за литар дизел, во период кога ова гориво чини 86,5 денари за литар. Катастрофална е ситуацијата и во други градски јавни претпријатија како „Дрисла“ и „Водовод и канализација“. Но, градската власт на ВМРО-ДПМНЕ и градоначалничката Арсовска ги игнорираат сите овие проблеми и продолжуваат меѓусебно да се обвинуваат за криминал. Во меѓувреме, градот стагнира, нема ниту еден нов проект, ниту пак се продолжуваат проектите наследени од претходната градска власт предводена од СДСМ“, изјави Јанчева.

The post Јанчева: Скопје заглавено поради неспособноста на ВМРО-ДПМНЕ appeared first on Република.

Советникот Филип Јаневски, на денешната шеста седница на Советот на Град Скопје, од говорницата изнесе остри критики за работењето на мнозинството во градскиот совет во претходниот состав.

– Сакам да се осврнам на вашето фалење, како сте се грижеле за животната средина, колку паркови биле направени, колку садници биле засадени. Тоа го видовме и на претходните седници кога дискутиравме за извршување на Буџетот – Дигитализација на парк-шума Водно – 0 денари реализирани, изработка на план за управување со заштитен предел Водно – 0 денари, заштита на локалитет Кањон Матка, изработка на план – 0 денари, рековте сте засадиле 11.000 садници за заштита од ерозија, Изработка на техничка документација за определување ерозивни подрачја и подрачја загрозени од ерозија за скопски регион со специфицирање на мерки за заштита – реализација 0 денари. Не знам на што сте горди и како се грижите за животната средина кога таму каде што најмногу сте требале да обрнете внимание не сте обрнале внимание – категоричен беше Јаневски.

Тој се осврна и на Извештајот за реализација на капиталните инвестиции во Град Скопје.

– Цела година вашите капитални инвестиции ги собира на половина страна, 13 на број. Едната од нив е набавка на садници и подигнување на јавното зеленило на магистрални улици и паркови за што се потрошени три милиони евра. Ова не се случило, нигде нема резултати од вашиве инвестиции. Ја спомнавте и Универзална сала, која била почната од вас, патем, три години ја почнувате. Од минатата година за реконструкција на Универзална сала сте успеале да потрошите 42 милиони денари како капитална инвестиција во Град Скопје и уште не е завршена. Бидете убедени дека ние ќе ја завршиме побезбедна и подобра од тоа што вие било кога би можеле да ја направите. Јас не знам со кој образ излегувате овде и кажувате што сте постигнале, а ние не сме сакале да слушаме. Да, ние не сакаме да слушаме затоа што ги видовме резултатите од вашето работење, односно неработење. Дел од овие 13 големи капитални проекти се Изградба, реконструкција и одржување на партерно уредување на кеј на реката Вардар, за што се потрошени фантастични 107 милиони денари; набавка на урбана опрема; фазна реализација на булевар АСНОМ – 262 милиони денари; изградба и реконструкција на булевар Босна и Херцеговина – 179 милиони денари. Значи, само за овие две улици вие имате потрошено над 400 милиони денари. Овде сте заборавиле да напоменете, сте требале да побарате од службите да се стави во овој извештај, дека имате најмногу изедени бифтеци по глава на советник во било кој од претходните мандати. За тоа има пари, а не сте успеале да ја завршите Универзална сала која што ви беше толку важна, потенцираше Јаневски.

The post Јаневски до Јанчева: Имате најмногу изедени бифтеци по глава на советник appeared first on Република.

Од Град Скопје реагираат на изјавата на поранешната претседателка на скопскиот совет Љубица Јанчева од СДСМ за празната каса на Градот.

Како Град Скопје сакаме да реагираме на изјавата на госпоѓата Љубица Јанчева од СДСМ за празната каса на град Скопје. Госпоѓата Јанчева најдобро знае зошто е испразнета буџетската каса на Град Скопје. Ја повикуваме Јанчева ако навистина се грижи за градскиот буџет да ги врати сите средства потрошени на име угостителски услуги што таа лично ги потрошила на сметка на град Скопје. Од Градот веќе е поднесена една кривична пријава за Јанчева за злоупотреба на градскиот буџет за оваа намена и очекуваме државните органи соодветно да постапат по истата. Град Скопје и оваа градска администрација работат исклучиво за потребите и барањата на граѓаните, а дополнително се кратат сите непродуктивни трошења со цел обезбедување на што е можно повеќе средства за нови проекти за Скопје и скопјани, велат од Град Скопје.

The post Град Скопје: Јанчева да ги врати сите пари од градската каса што ги потрошила за кафеани appeared first on Република.

Во врска со реконструкцијата на Универзалната сала советничката од СДСМ, Љубица Јанчева во Советот на Град Скопје на денешната седница на Советот призна јавно дека претходниот градоначалник на Градот Скопје Петре Шилегов и градското раководство знаело за техничките проблеми и пропусти во проектот и истите за жал биле констатирани.

Откривме дека има недостатоци во проектот, кога претходното раководство тоа го констатирало, тоа не е ништо ново, лошо е тоа што е така, меѓутоа тоа не е ништо ново кога се во прашање ваков тип на реконструкции, а и самиот изведувач си го видел тоа и го констатирал, сето тоа е записнички евидентирано уште во текот на летото тоа се тие фамозни записници кои ги споменува градоначалничката Арсовска, признава Јанчева.

Советничката вели дека проектот бил стопиран од претходниот градоначалник за да биде безбеден проектот.

Да потсетиме дека градоначалничката Данела Арсовска пред некој ден одржа прес конференција на која ги презентираше сите факти и записници кои се поврзани со Универзалната сала, на кој истакна дека претходниот градоначалник знаел за небезбедноста и пропустите, истото кое го призна Јанчева денеска.

Сепак пропусти имало и грешки во техничката документација во ваквото признавање на советничката на СДСМ, кое претходното градско раководство не ги отстранило и продолжиле да спроведуваат небезбеден објект.

The post Јанчева призна дека Универзална сала е небезбеден објект и дека Шилегов знаел appeared first on Република.

ВМРО-ДПМНЕ измислува непостоечки афери, поднесува пријави со една цел – да се обиде да го прикрие неработењето на градоначалничката Данела Арсовска, реагира СДСМ откако од Град Скопје соопштија дека поднеле кривична пријава против ексградоначалникот Петре Шилегов и поранешната претседателка на Советот, Љубица Јанчева.

Три месеци од мандатот потроши Арсовска и не спроведе ниту еден единствен свој проект, освен што нивелираше некоја шахта и што ја партизираше градската администрација. Тоа го гледаат и граѓаните, тоа им е јасно на сите, затоа ВМРО-ДПМНЕ и Христијан Мицкоски ја правдаат Арсовска и преку конструкции и измислици се обидуваат да го прикријат нејзиното неработење и дејствување на штета на градот и граѓаните, велат од СДСМ.

Од Град Скопје претходно соопштија дека кривичната ја поднеле за злоупотреба на службената положба и овластувања во врска со организирање предновогодишна прослава во 2019. Оттаму тврдат дека за прославата не бил склучен договор за јавна набавка, како и дека во тој период Градот веќе имал склучено договори со други фирми за угостителски услуги, меѓу кои не била и кафеаната каде била организирана прославата.

https://republika.mk/vesti/skopje/grad-skopje-podnese-krivichna-prijava-protiv-shilegov-i-jancheva-za-prednovogodishnite-bifteci-na-puter/

The post СДСМ за кривичната за Шилегов: ВМРО-ДПМНЕ измислува непостоечки афери appeared first on Република.

Град Скопје, согласно одредбите од Законот за кривичната постапка, денес поднесе кривична пријава против Љубица Јанчева, поранешен Претседател на Советот на Град Скопје и Петре Шилегов, поранешен Градоначалник на Град Скопје. Станува збор за кривична пријава поради основано сомневање дека сториле кривично дело „Злоупотреба на службената положба и овластување“ од член 353 ст.5 вв со ст.1 од Кривичниот Законик.

Љубица Јанчева во својство на Претседател на Советот на Град Скопје, искористувајќи ја својата службена положба, од средства од буџетот на Град Скопје искористила средства за прослава во ресторан во Скопје, спротивно на законските прописи за извршени набавки на стоки и услуги и спротивно на Законот за јавни набавки, додека Петре Шилегов како Градоначалник на Град Скопје, искористувајќи ја својата службена положба и овластување, а со пречекорување на границите на своето службено овластување без да постои склучен договор, спротивно на Законот за јавни набавки, дозволил да се искористат и исплатат средства од буџетот на Град Скопје, на кој начин пријавените прибавиле имотна корист и нанеле штета на буџетот на Град Скопје. Имено, Љубица Јанчева во својство на Претседател на Советот на Град организирала предновогодишна забава во ресторан во Скопје, и за тоа своерачно потпишала и посебен интерен образец со кој потврдува дека ги искористила наведените средства и во прилог кон истиот доставила фактура, со што ги потврдува издатоците за реализирани средства за репрезентација, информираше на денешната прес-конференција Данијел Апостолоски, советник за односи со јавност во Град Скопје.

За незаконитостите алармирал и Секторот за финансиски прашања при Град Скопје кој во Службена белешка укажал дека се работи за услуги спротивно на законот, каде е наведено дека доставената фактура се однесува за извршени услуги за кои Градот со предметниот правен субјект нема склучен договор со постапка за јавна набавка во 2019 година. И покрај тоа што било укажано од надлежните служби дека се работи за извршени услуги за кои нема склучен договор за јавна набавка, Петре Шилегов како Градоначалник на Град Скопје во тој период, го игнорирал ваквото укажување и свесно дозволил на незаконски начин да се искористат средствата од Буџетот на Град Скопје, кои се средства на граѓаните.

Во конкретниов случај, станува збор за произволно, незаконско и несовесно трошење на парите на граѓаните од страна на Шилегов и Јанчева, кои за свои потреби, а спротивно на закон, искористиле средства од Буџетот на Град Скопје, ни помалку ни повеќе за организирање на предновогодишна забава во кафеана. Особено укажуваме дека Градот Скопје во наведениот период за 2019 година, веќе имал спроведено постапка и доделено договор за јавна набавка на други правни субјекти за угостителски услуги, во кои не спаѓа правниот субјект каде се правеле забави на сметка на граѓаните. Оттука, јасно произлегува дека Петре Шилегов и Љубица Јанчева искористиле средства од Буџетот на Град Скопје надвор од законски пропишаната процедура, на кој начин го оштетиле Буџетот на Градот Скопје, додаде Апостолоски.

The post Град Скопје поднесе кривична пријава против Шилегов и Јанчева за предновогодишните бифтеци на путер appeared first on Република.

Јанчева и Шилегов трошеле десетици илјади денари по кафеани, а плаќале по фактури без тендер, велат од ВМРО-ДПМНЕ по обелоденувањето дека поранешната претседателска на скопскиот совет заедно со скопскиот градоначалник трошеле без усул од парите на скопјани по кафани.

На неколку дена пред Нова Година Љубица Јанчева како претседател на Совет од СДСМ и Петре Шилегов како градоначалник на Град Скопје од СДСМ потрошиле над 90.000 денари за гоштевање во кафеана. Тие фактурата ја доставиле за плаќање до секторот за финансии во Градот, иако им е укажано дека не можат да доставуваат фактури за сметки од угостителски објекти со кои претходно Градот нема склучено договор. Јанчева и Шилегов буквално без тендер исплатиле 90.000 денари кон кафеана за флаши виски кои ги пиеле и за бифтеци на путер. Јанчева и Шилегов пиеле виски старо 12 години додека половина милион луѓе едвај врзуваат крај со крај. Општините и Градот Скопје се донесени во незавидна положба од кадрите на СДСМ, а од СДСМ сега во страв напаѓаат зошто се свесни дека на виделина ќе излегуваат сите нивни криминали, велат од ВМРО-ДПМНЕ.

The post Кафанските фактури на Шилегов и Јанчева се плаќале без тендер appeared first on Република.

Јанчева и Шилегов трошеле десетици илјади денари по кафеани, а плаќале по фактури без тендер, се вели во партиското соопштение на ВМРО-ДПМНЕ.

На неколку дена пред Нова Година Љубица Јанчева како претседател на Совет од СДСМ и Петре Шилегов како градоначалник на Град Скопје од СДСМ потрошиле над 90.000 денари за гоштевање во кафеана. Тие фактурата ја доставиле за плаќање до секторот за финансии во Градот, иако им е укажано дека не можат да доставуваат фактури за сметки од угостителски објекти со кои претходно Градот нема склучено договор. Јанчева и Шилегов буквално без тендер исплатиле 90.000 денари кон кафеана за флаши виски кои ги пиеле и за бифтеци на путер. Јанчева и Шилегов пиеле виски старо 12 години додека половина милион луѓе едвај врзуваат крај со крај, истакнуваат од партијата.

Општините и Градот Скопје се донесени во незавидна положба од кадрите на СДСМ, а од СДСМ сега во страв напаѓаат зошто се свесни дека на виделина ќе излегуваат сите нивни криминали, додаваат од таму.

The post Јанчева и Шилегов трошеле десетици илјади денари по кафеани, а плаќале по фактури без тендер appeared first on Република.

Забавите и гоштевањата на поранешниот градоначалник Петре Шилегов и на тогашната претседателка на Советот на Град Скопје Љубица Јанчева граѓаните ги чинат илјадници евра. Наместо пари за проекти за скопјани, Шилегов се расфрлал со пари за гоштевање и скапи пијалоци, соопшти ВМРО-ДПМНЕ.

Стари пијалаци и скапи вискија биле на менито на забавата на Шилегов и Јанчева. На оваа прослава, како и што „личи“, Шилегов си имал свое посебно мени, како главно јадење било бифтек на путер, тврди партијата.

„Луксузирања и трошење пари на граѓаните за гоштевање се заштитен знак за СДСМ и нивните функционери. Од документите јасно се гледа дека и покрај луксузирањето Шилегов и Јанчева не ги почитуваат и законите и владеењето на правото во државата“, се вели во соопштението.

И покрај забелешките од секторот за финансии на Град Скопје до поранешниот градоначалник Шилегов, дека фактурата за скапата прослава се однесувала за услуги за кои нема склучено договор во 2019 година, при што јасно се укажува дека сето тоа е спротивно на Законот за внатрешна финансиска контрола, се доставува фактура со архивски датум од претходна година. И покрај забелешките, тогашната претседателка на Совет на Град Скопје ја потпишала фактурата од 91.560 денари.

„Ниедно бледо соопштение на СДСМ нема да ја сокрие вистината за тоа како се трошеле парите на скопјани. За секој потрошен денар на граѓаните на скапи пијалоци, гоштевања, забави и криминал ќе има одговорност“, најавува ВМРО-ДПМНЕ.

The post Шилегов признавал само бифтек на путер, стари пијалаци и скапи вискија – фактурата 91.560 денари appeared first on Република.

Портпаролката на ВМРО-ДПМНЕ, Марија Митева, истканува дека СДСМ нема граница во нивните лаги, а нема граница ни во злоупотребата на јавните функции.

Реакцијата на митева ја пренесуваме во целост.

Денес уште еднаш ќе ја објавиме вистината која Шилегов и Јанчева се обидуваат да ја премолчат пред јавноста. Во предновогодишна забава организирана од Јанчева и Шилегов се потрошиле 91.560 денари.

 

Таа фактура е потпишана од Јанчева, а платена од Град Скопје, од парите на скопјани. И додека СДСМ се обидуваат да ја сокријат вистината преку несоодветни соопштенија, ова се документи, кои ја потврдуваат веродостојноста на тоа што го говорам.

 

Прво, во овој документ, тоа е службена белешка испратена од секторот за финансии на Град Скопје на 03.02.2020 година до тогашниот градоначалник Шилегов и тогашниот секретар на градот, Викторија Аврамовска Мандиќ и јасно е наведено дека доставената фактура со број 76/19 се однесува за извршени услуги за кои нема склучен договор во 2019 година. Притоа, секторот на финансии укажува дека тоа е спротивно на Законот за внатрешна финансиска контрола, да се доставува фактура со архивска дата од претходна година.

 

Ова е начинот на кои работеле СДСМ, без почитување на Законите кое претставува основа за непочитување на владеењето на правото.

 

Второ, во овој документ, тоа е Образец за реализирани средства за репрезентација од 31.01.2020 година и јасно се гледа дека Љубица Јанчева,како претседател на Советот на Град Скопје искористила средства за репрезентација по повод предновогодишна забава во вкупен износ од 91.560 денари.

 

И трето, почитувани граѓани, ова е фискалната сметка од каде се гледа со што се частело друштвото кое било присутно и за да биде уште посрамно, се гледа дека Шилегов тогаш имал посебна сметка на која пишува, цитирам – „специјална нарачка за градоначалник г-дин Шилегов“. Скапи јадења, бифтеци на путер и алкохолни пијалоци барикирани 12 години.

 

Од ова јасно се гледа на што се трошеле градските пари.

 

Залудно се труди СДСМ преку бледи соопштенија да ја сокрие вистината и да ја одбегне одговорноста.

 

ВМРО-ДПМНЕ транспарентно ги објави документите кои се доказ за ова, па ги повикуваме СДСМ, Шилегов и Јанчева да ѝ објаснат на јавноста дали ова бил нивниот начин на работење, прослави и забави на сметка на скопјани - вели Митева.

https://www.youtube.com/watch?v=UkdGmWq_PFQ

The post Митева: Шилегов и Јанчева да и одговорат на јавноста дали начинот на работење бил преку прослави на сметка на скопјани appeared first on Република.

Петре Шилегов и Љубица Јанчева за кафеана потрошиле над 90 илјади денари, при што нарачувале скапи вискија и бифтеци, реагираат од ВМРО-ДПМНЕ.

Јанчева и Шилегов пиеле виски старо 12 години. Се пиел „Џони Вокер“, „Џејмисон“, „Чивас Ригал“.

 

Шилегов и Јанчева трошеле на специјални јадења од кујна.

 

Шилегов и Јанчева се гоштевале на сметка на скопјани.

 

Од СДСМ се нервозни затоа што нивните кадри не можат веќе да се гоштеваат со пари на граѓаните по кафеани. Затоа е целата паника и страв - се вели во реакцијата на ВМРО-ДПМНЕ.

The post ВМРО-ДПМНЕ: Шилегов и Јанчева за кафеана потрошиле над 90 илјади денари, нарачувале скапи вискија и бифтеци appeared first on Република.