Без оглед на забраната за поставување опрема за кампување на недозволени места, диви кампери повторно го запоседнаа просторот во близина на автокампот „Љубаништа“.

Ниту забраната ниту мандатните казни ниту соодветните пријави како да не ги заплашуваат дивите кампери да поставуваат шатори на недозволени места.

Пред само неколку дена, надлежните служби спроведоа акција за дислоцирање на дивите кампери од плажата кај локалитетот наречен „Рајце“ и оневозможување на повторно поставување опрема за кампување на тоа место.

Тогаш на лице место беа затекнати дваесетина диви кампери, како и неколку несоодветно направени септички јами.

Сега повторно во неспоредна близина се поставени шатори.

Локалитетот наречен „Рајце“ што се граничи со атарот на Националниот парк е предвиден како слободен простор, без соодветни услови за кампување односно нема тоалети и контејнери за отпад, така што покрај узурпирањето на просторот, се загадува животната средина и воедно една од најубавите плажи на источното крајбрежје на Охридското Езеро.

Години наназад тој простор непосредно до Автокампот „Љубаништа“ кон Свети Наум се злоупотребува за кампување, без да се води сметка за одржување на хигиената на просторот.

The post Забраните и казните не помагаат: Диви кампери пак поставија шатори кај автокампот „Љубаништа“ appeared first on Република.

Од синоќа во 22 часот сообраќајот на регионалниот пат Охрид – Свети Наум, кај с.Љубаниште се одвива со наизменично пропуштање на возилата поради одрон на патот, информира АМСМ.

Сообраќајот на останатите патишта се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Патот од Љубаниште кон Охрид делумно прооден, сообраќајот се одвива наизменично appeared first on Република.

Порталот Охрид 24 сподели видео на кое се гледа страшно невреме кое го зафати Љубаништа.

The post Невидено невреме во Љубаништа appeared first on Република.

Популарната турска актерка Ебру Шахин која неодамна го кажа своето судбоносно „да“ на турскиот кошаркар по потекло од Македонија, Џеди Осман, на социјалните мрежи објави неколку фотографии од своето патување во Македонија. Ебру и Џеди во Охрид ја направија венчавката, а сега таа објави фотографии на кои позира во костим за капење, а кои се направени на прекрасната плажа во Љубаништа.

Интересно е тоа што во Турција медиумите помислија дека фотографиите се направени во Малдивите, каде што парот замина на меден месец, откако по венчавката во Охрид, направија и свадба во Турција.

glamur.mk

The post Турската актерка Ебру Шахин по венчавката позираше во Љубаништа, турските медиуми помисија дека е на Малдиви appeared first on Република.

Три лица од охридското село Љубаништа добија кривични пријави поради илегален лов на риба од Охридското Езеро.

Лицата Б.С., С.Н. и М.С. во текот на вчерашниот ден биле затекнати при вршење незаконит риболов на локалитетот „Ќоше“ кај автокампот „Љубаништа“ од страна на полициски службеници на Станицата за граничен надзор „Охридско Езеро“.

 

Кај нив биле пронајдени и одземени шест рибарски мрежи со вкупна должина од 360 метри со улов на риба и пловен објект - информираат од МВР.

Лицата се лишени од слобода и изведени пред Јавен обвинител, а против нив ќе биде поднесена кривична пријава за незаконит риболов по членот 229 од Кривичниот законик.

The post Фатени на лице место со мрежи полни риба: Тројца жители на Љубаништа приведени за криволов во Охридското Езеро appeared first on Република.