Сериозен удар за Ливерпул ќе биде отсуството на централниот дефанзивец Ибрахима Конате. Дефанзивецот на социјалните мрежи објави порака во која потврди дека е повреден.

Неговата повреда е на коленото и настанала по контакт со играчот на Реал Мадрид, Ендрик.

Многу е фрустрирачки да се повредите на крајот од одличен натпревар во средата навечер. Сега го започнуваме процесот на опоравување, но едно нешто што можам да ветам е дека ќе се вратам и повторно ќе бидам најдобар. Ви благодарам за уникатната поддршка на „Енфилд“, стои во дел од пораката на Ибрахима Конате.

Очекувањата се дека дефанзивецот ќе отсуствува цел месец декември, а првичната прогноза е помеѓу 5 и 8 недели.

The post Ливерпул во проблеми: Конате се повреди и ќе отсуствува помеѓу 5 и 8 недели appeared first on Република.

Тренерот Арне Слот беспрекорно го зазеде местото на Јирген Клоп на „Енфилд“, а Ливерпул буквално „лета“ во сите натпреварувања. Еве доказ - „црвените“ се на чело на Лигата на шампионите и во Премиер лигата.

Замена на долгогодишен менаџер никогаш не е лесно, како што на своја кожа почувствуваа Манчестер јунајтед и Арсенал по заминувањето на Сер Алекс фергусон и Арсен Венгер, соодветно.

Но што точно прави Арне Слот толку добро и зошто транзицијата од Клоп беше толку лесна?

Цврстината на одбраната

Ливерпул има изобилство на напаѓачки таленти, но можеби одбраната е таа што ги заслужува сите пофалби во моментов. Тимот прими само шест гола во воведните 11 кола во Премиер лигата и ја задржаа мрежата чиста шест пати - повеќе од кој било друг тим.

Капитенот Вирџил ван Дајк и Ибрахима Конате формираа страшно партнерство во центарот на одбраната и им го олеснија животот на своите голмани, без разлика дали тоа беше Алисон или Каомин Келехер. „Црвените“ исто така дозволија најмалку прецизни удари кон голот (36) од која било екипа во Премиер лигата. Така, Ливерпул импресионираше понатаму, но нивниот ран успех беше изграден на цврста дефанзивна основа.

Елиминирање на панични изјави 

Додека многу тимови би почнале да паничат кога би знаеле дека на нивните тројца најдобри играчи им истекува договорот на крајот од сезоната, Ливерпул не го стори тоа. И во очите на јавноста и на теренот, „црвените“ не покажуваат знаци на загриженост за можноста да ги загубат Ван Дајк, Салах и Александер-Арнолд на лето. Слот продолжува да го извлекува најдоброто од Вирџил и „кралот на Египет“, додека неодамнешната повреда и неконзистентната форма на Трент, кој има само една асистенција во лигата, може да се смета за единствена грижа. Недостигот на хистерија околу клубот е заслуга на Слот.
-Би било чудно да немам информации. Мислам дека не треба јавно да зборувам за тоа. На оваа тема разговарам со спортскиот директор Ричард Хјуз, изјави Слот неодамна.

Одличните формации

Колку и да е импресивен Слот во справувањето со медиумите, неговото управување со играта може да се истакне во раните фази од неговото време на „Енфилд“. Без разлика дали се работи за мотивациони зборови на паузата или големи промени за вториот дел, како што се случи во пресвртот од 2:1 против Брајтон, Холанѓанецот ги идентификува проблемите во својот тим и без двоумење ги решава.

„Црвените“ постигнаа 23 гола и примија само пет во вторите полувремиња од нивните натпревари во сите натпреварувања. И тоа покажува дека Ливерпул е се посилен како одминува времето во нивните натпревари.

Изненадувачката форма на Гравенберх

Никој не очекуваше дека Ливерпул оваа сезона ќе биде предизвикувач за трофеи и тоа не беше само поради смената на менаџерот. Грузискиот голман Џорџи Мамардашвили и италијанскиот крилен напаѓач Федерико Киеза беа единствените нови засилувања на „црвените“. Сето ова значеше дека Ватару Ендо остана единствениот одбранбен играч за врска во тимот оваа сезона. Или така мислеа „експертите“.
Сепак, холандскиот играч за врска Рајан Гравенберх е пријатното изненадување. Тој е незаменлив стартер и со еден натпревар повеќе ќе го израмни својот резултат за цела минатата сезона. Дваесет и двегодишниот играч од средниот ред имаше корист од соработката со својот сонародник, кој брзо сфати дека Гравенберх може да напредува како бр.6 со оглед на неговите квалитети. И благодарение на него не се бараа нови подобрувања во оваа област.

Тешка серија на натпревари

Не беше лесен стартот на сезоната за Ливерпул, но се очекува притисокот да се зголеми во наредните недели. Слот и неговиот тим ќе ги тестираат своите способности додека се подготвуваат да се соочат со Реал Мадрид, Манчестер сити, Њукасл и Евертон во следните пет натпревари. Екипата излезе неприкосновена од натпреварите против Јунајтед, Арсенал и Челси, но ќе треба да го покажат најдоброто од себе ако сакаат да го задржат својот импресивен почеток.

Претстојната серија на дуели ќе биде најголемиот тест за Слот досега.

The post На „Енфилд“ веќе сонуваат за титулата appeared first on Република.

Ливерпул ги шокираше своите навивачи откако на домашен терен загуби со 0-1 од Нотингем во 4.коло од Премиер лигата.

Победата беше прва за Форест на „Енфилд“ по 55 години, а со тоа тимот собра 8 бода од првите 4 натпревари, додека „црвените“ остануваат со 9.

Севкупно, домаќините не беа толку доминантни во нападот како на претходните натпревари, се мачеа против добро поставениот противник, кој дефинитивно покажа раст во однос на минатата сезона.

Менаџерот на Ливерпул, Арне Слот беше очекувано незадоволен од настапот на неговиот тим на домашен терен против Нотингем Форест.

„Црвените“ не успеаја да победат на „Енфилд“, но во исто време го примија првиот гол од почетокот на сезоната, што воедно значеше и прв пораз под водство на Холанѓанецот.

-Резултатот е најразочарувачки. Не можеме да бидеме задоволни од тоа како се одвиваше натпреварот. Тешко создававме шанси. Мораме да се погледнеме себеси, мораме да бидеме подобри. Пречесто ја губевме топката околу нивниот шеснаесетник. Мораме да бидеме многу добри со топката. Одлуките што ги носевме не беа добри. Се браневме прилично добро во целина, но тие доведоа двајца брзи играчи кои ни отежнаа. Презедовме многу ризици и на крајот тие постигнаа убав гол, изјави Слот по натпреварот.

The post Резил- Ливерпул загуби дома, новиот менаџер разочаран appeared first on Република.

Ливерпул е позрел тим од Манчестер Јунајтед и има предност на сплотен тим на етаблирани играчи, изјави менаџерот на Јунајтед, Ерик тен Хаг, пред денешниот натпревар во Премиер лигата меѓу големите ривали на „Олд Трафорд“.

-Ливерпул е во нова фаза на развој. Тие се зрел тим со играчи кои играат заедно долго време и се многу искусни. Допрва треба да изградиме нов тим, изјави Тен Хаг.

Јунајтед не го победил Ливерпул по успехот со 2-1 на „Олд Трафорд“ во август 2022 година, иако избраниците на Тен Хаг го победија тимот на поранешниот менаџер на Ливерпул, Јирген Клоп со 4-3, за подоцна да го освојат ФА Купот по победата над Сити во финалето.

Ливерпул минатата сезона заврши на третото место во лигата, пет места и 22 бода пред Јунајтед, но Тен Хаг рече дека неговиот тим може да земе инспирација од нивното финале во Купот.

-Секогаш можеме да победиме, минатата година го освоивме ФА Купот во втората половина од сезоната, додаде менаџерот на Јунајтед.

Слот и Тен Хаг се соочија во минатото во холандското првенство.

Двајцата менаџери имаат две победи еден против друг во Еридивизи, а неделниот натпревар на „Олд Трафорд“ е нивен прв директен состанок од март 2022 година.

The post Денеска не пропуштајте: Maнчестер Јунајтед-Ливерпул appeared first on Република.

Ливерпул е позрел тим од Манчестер Јунајтед и има предност на сплотен тим на етаблирани играчи, изјави менаџерот на Јунајтед, Ерик тен Хаг, пред неделниот натпревар во Премиер лигата меѓу големите ривали на „Олд Трафорд“.

-Ливерпул е во нова фаза на развој. Тие се зрел тим со играчи кои играат заедно долго време и се многу искусни. Допрва треба да изградиме нов тим, изјави Тен Хаг.

Јунајтед не го победил Ливерпул по успехот со 2-1 на „Олд Трафорд“ во август 2022 година, иако избраниците на Тен Хаг го победија тимот на поранешниот менаџер на Ливерпул, Јирген Клоп со 4-3, за подоцна да го освојат ФА Купот по победата над Сити во финалето.

Ливерпул минатата сезона заврши на третото место во лигата, пет места и 22 бода пред Јунајтед, но Тен Хаг рече дека неговиот тим може да земе инспирација од нивното финале во Купот.

-Секогаш можеме да победиме, минатата година го освоивме ФА Купот во втората половина од сезоната, додаде менаџерот на Јунајтед.

Слот и Тен Хаг се соочија во минатото во холандското првенство.

Двајцата менаџери имаат две победи еден против друг во Еридивизи, а неделниот натпревар на „Олд Трафорд“ е нивен прв директен состанок од март 2022 година.

Ливерпул направи солиден почеток на сезоната под водство на Слот, кој стана нивниот прв менаџер по Греам Сонес во 1991 година кој ги победил двата први првенствени натпревари.

Јунајтед, од друга страна, ги испушти своите први бодови во кампањата кога минатата сабота беа поразени со 2-1 кај Брајтон.

-Една од причините поради кои дојдов овде е тоа што претходно знаев дека ќе биде најтешкото нешто што можам да го направам во мојот живот, да влезам во клуб со многу проблеми. Наследив историја од шест години и без трофеј. Сè уште сме во транзиција. Имаме млади играчи, играчи од академијата и сега треба да изградиме тим за иднината, додаде Тен Хаг, кој го презеде Јунајтед во април 2022

The post Утре супер меч : Манчестер јунајтед го предизвикува Ливерпул appeared first on Република.

Во првиот натпревар од 35. коло на англиската Премиер лига немаше победник, во Лондон Вест Хем и Ливерпул одиграа 2-2.

Мохамед Салах во игра влезе дури во 79. минута од натпреварот. Непосредно пред да влезе на теренот, египетскиот фудбалер влезе во вербална расправија со тренерот Јирген Клоп, веројатно незадоволен што доби шанса на крајот за да го „спаси денот“.

На последните четири првенствени натпревари Ливерпул забележа само една победа, со едно реми и два порази и е сè подалеку од шампионската титула,

Арсенал води на табелата со 77 бодови од 34 натпревари, пред Манчестер сити со бод помалку и натпревар помалку. Ливерпул остана третопласиран со 75 бодови од 35 натпревари

The post Ливерпул тешко ќе стигне до титулата appeared first on Република.

Тренерот на Ливерпул, Јирген Клоп изрази задоволство од настапите на неговиот тим изминатите седум дена.

„Црвените“ синоќа го победија Саутемптон (3:0) во осминафиналето на ФА купот.

- Тоа беше посебна недела за сите нас. Долго време работам како тренер, но вакви недели не се случуваат често. Беше тежок натпревар против Саутемптон во страшно тешка ситуација за нас. Мора да донесеме одлуки и да видиме кого можеме да го ставиме на теренот. Во првите 15 минути притисокот беше страшен. Имавме проблеми. Нашиот голман не спаси со своите одлични одбрани. Фудбалот не е лесен и ако имаш моментум треба да го задржиш. Го отворивме резултатот и постигнавме два одлични гола во вториот дел. Оваа игра беше задоволство да се гледа. Заслуживме да се пласираме во четвртфиналето, тоа беше одличен резултат, изјави Клоп за „Би-би-си“.

Тимот на Јирген Клоп во четвртфиналето ќе се соочи со Манчестер јунајтед

The post Каква недела за Ливерпул appeared first on Република.

Тренерот на Ливерпул, Јирген Клоп го пофали својот тим по синоќешната победа над Челзи (4:1) во натпреварот од 22. коло на англискиот шампионат.

Германецот смета дека Ливерпул можеше да постигне и поубедлива победа доколку искористеше уште некоја шанса.

https://www.youtube.com/watch?v=1k1BGzED3uA

- Морате да играте одлично против тим како Челзи за да постигнете успех. Ова е супер талентиран тим. Начинот на кој Ливерпул го започна натпреварот беше навистина силен. Можевме да постигнеме уште еден или два гола. Играта на Конор Бредли? Неверојатна. Тој лета по теренот. Работи напорно и е добар фудбалер. Поради сите повреди што ги имаме, нема да можеме да постигнеме резултати доколку не се појават такви млади играчи, изјави Клоп за „BBC“.

Ливерпул со 51 бод е лидер во премиерлигашкиот поредок. Челзи е на 10. место со 31 бод

The post Многу пропуштивте: Дали го гледавте вчерашниот меч Ливерпул-Челзи? appeared first on Република.

Ливерпул е заинтересиран да го назначи Французинот Зинедин Зидан за главен тренер на тимот, објави TodoFichajes“.

Управата на англискиот клуб водела преговори со застапниците на 51-годишниот фудбалски стручњак за да дознаат за неговиот интерес за работа во Премиер лигата. Ливерпул е подготвен да му дозволи на Зидан да повика кој било играч во тимот.

„Црвените“ моментално се предводени од Јирген Клоп. На 26 јануари 56-годишниот Германец објави дека ќе го напушти клубот по завршувањето на сезоната 2023/24.

Претходно беше објавено дека Зидан сака да се вработи во француската репрезентација и е подготвен да чека додека не се испразни местото селектор во националниот тим.

Последното место на работа на францускиот стручњак беше Реал Мадрид, кој го напушти летото 2021 година

The post Дали Зидан ќе го замени Клоп во Ливерпул? appeared first on Република.

Екипата на Ливерпул ќе игра во финалето на англискиот Лига куп.

„Црвените“ синоќа на гостувањето во Лондон против Фулам одиграа 1:1 во реванш-полуфиналето и со вкупни 3:2 одат во финалето.

Во 11. минута Луис Дијаз го доведе Ливерпул во водство, домаќините израмнија преку Иса Диол во 77. Минута.

Ливерпул во финалето ќе игра против Челзи. Натпреварот ќе се одигра на 25 февруари.

The post Ливерпул во финалето на Лига купот appeared first on Република.

Тренерот на Ливерпул, Јирген Клоп изјави дека не се смета себеси за генијалец и проговори за неговиот тим.

- Јас не сум гениј. Не можам да кажам што ќе се случи за четири месеци. Само се трудам да ги најдам најдобрите решенија и идеи. Понекогаш тоа функционира, понекогаш работите се менуваат. Но, брзо добив добро чувство за сегашниот тим. Ајде да видиме дали сето ова функционира. Треба да се движиме во вистинската насока. Луѓето мислат дека ова значи дека можеме да станеме шампиони. Сè уште не е така, но имаме тим против кој никој не сака да игра. Имаме уште големи чекори да направиме, но се оди во вистинска насока, изјави менаџерот на Ливерпул.

На табелата во Премиер лигата води Ливерпул со два бода повеќе од Манчестер сити. Два бода зад тимот на Клоп заостануваат и Арсенал и Астон Вила кои имаат одиграно натпревар повеќе

The post Клоп: Никој не сака да игра против Ливерпул appeared first on Република.

Тренерот на Ливерпул, Јирген Клоп е задоволен од изданието на неговите избраници на синоќешниот натпревар од со Њукасл во 20. коло на англискиот фудбалски шампионат.

Ливерпул победи со 4:2, херој на мечот беше Мохамед Салах со два гола и една асистенција.

- Тоа беше сензационален настап на мојот тим. Почнавме многу активно. Супер игра. Ми се допаднаа многу аспекти. Неверојатен натпревар и атмосфера. Транзициите беа пример за фудбалските школи. Сè беше добро. Шоуто мора да продолжи. Сега имаме пет-шест дена, одмор. Ова е многу важно во однос на свежината, изјави Клоп, за „BBC Sport“.

По 20 кола, Ливерпул води во Премиер лигата со 45 бода. Њукасл е на 9. место во поредокот со 29 бодови.

https://www.youtube.com/watch?v=kNUi50OXcyU

The post Кој пропушти ќе жали: Kaков меч на првиот ден во новата година appeared first on Република.

Фудбалерите на Ливерпул и Арсенал одиграа пеколно дерби на „Енфилд“ во рамките на 18. коло од Премиер лигата.

Битката за челната позиција во Премиер лигата апсолутно ги оправда очекувањата, двете екипи дадоа се од себе и на крајот го поделија пленот, 1:1.

Така, Арсенал ја задржа бод предност на врвот на табелата, но традицијата продолжи бидејќи на „Енфилд“ нема победа од 2012 година.

Гледавме жесток, напаѓачки фудбал, без калкулации, тоа беше отворена гардска борба и кога се ќе се собере, реми е некако најправеден исход иако и двата тима ќе жалат за приликите.

The post Пеколното дерби на „Енфлилд“ без победник appeared first on Република.

Суспензија од два натпревари им е изречена на англиските судии кои од ВАР собата со погрешна одлука придонесоа за поразот на Ливерпул од Тотенхем (1-2) во саботното дерби во Премиер лигата.

Тотенхем победи со гол во судиското продолжение, а судиите претходно во првото полувреме погрешно му поништија гол на Ливерпул кој го постигна Луис Дијаз.

Судиското тело подоцна призна дека одлуката за поништување на голот на Дијаз била погрешна, тврдејќи дека станува збор за човечка грешка и оти погодокот требало да биде потврден пред ВАР интервенција,

„Судијата Дарен Ингланд и неговиот помошник Дан Кук, кои беа во ВАР собата на дуелот меѓу Тотенхем и Ливерпул се заменети за денешниот натпревар меѓу Нотингем Форест и Брентфорд и утрешниот меѓу Фулам и Челзи“, соопшти Судиското тело.

The post Санкционирани ВАР судиите кои го оштетија Ливерпул appeared first on Република.

Ливерпул е заинтересиран да го добие на позајмица напаѓачот на ПСЖ, Килијан Мбапе, објави „Мирор“.

„Црвените“ се подготвени да понудат едногодишна позајмица за 24-годишниот Французин, што ќе му овозможи на ПСЖ да капитализира од заминувањето на играчот, а не само да го загуби бесплатно следната година.

Англиските новинари забележуваат дека мајката на Килијан, Фаиза Ломари, која ги застапува неговите интереси, е навивачка на Ливерпул.

Претходно беше објавено дека Мбапе ја одбил понудата на саудискиот Ал-Хилал, кој на напаѓачот му понудил плата од 700 милиони евра годишно.

Мбапе е во ПСЖ од 2018 година. Неговиот договор со тимот истекува следното лето.

Порталот „Трансфермаркт“ ја проценува вредноста на напаѓачот на 180 милиони евра.

The post „Мирор“: Ливерпул преговара за позајмица на Мбапе appeared first on Република.

Премиерлигашот Ливерпул ги разгледува понудите кои на неговата адреса пристигнаа од саудискиот прволигаш Ал Итифак за услугите на Џордан Хендерсон и Фабињо, јавија англиските медиуми.

Според тие извори, саудискиот клуб понудил 40 милиони фунти за услугите на англискиот репрезентативец Хендерсон, додека, засега, нема детали колку би чинел евентуалниот трансфер на Бразилецот Фабињо.

Хендерсон и Фабињо во моментов се надвор од тимот на Ливерпул и не отпатуваа со екипата на стартот на подготовките за новата сезона во Германија.

Ал Итифак ова лето веќе направи сензационален трансфер засилувајќи ги своите редови со Французинот Карим Бензема од Реал Мадрид.

The post Две ѕвезди на Ливерпул пред трансфер во Саудиска Арабија appeared first on Република.

Англискиот фудбалски прволигаш Ливерпул го назначи денеска 59-годишниот Германец Јорг Шмадтке за нов спортски директор.

Шматдке, кој официјално ќе стапи на должноста на 1 јуни, потпиша краткорочен договор со Ливерпул со можност за продолжување на соработката.

Новиот спортски директор на Ливерпул доаѓа на местото на Џулијан Ворд кој повеќе од една деценија извршуваше разни функции во англискиот гигант.

„На Џулијан и неговото младо семејство му посакуваме сè најдобро во иднина и му благодариме на сè што направи за Ливерпул во текот на изминатите 11 години“, се наведува во клупското соопштение.

Ливерпул, кој од клупата го води сонародникот на Шмадтке, Јирген Клоп, оваа сезона ја заврши на петтото место во Премиер лигата.

The post Ливерпул назначи Германец за спортски директор appeared first on Република.

Тренерот на Ливерпул, Јирген Клоп смета дека играта на Ливерпул со Лестер (3:0) била блиску до идеална и дека тимот речиси да обезбеди настап во евро-куповите и следната сезона.

- Имавме околу 15 минути да сфатиме како да изградиме натпревар. И ми се допаѓа она што почнавме да го правиме после тоа. Постигнавме неверојатни голови. Имавме речиси совршен натпревар. Победата беше се што можевме да направиме. Мислам дека пласман во топ 4 е тешко достижен со оглед на нивото на конкуренција. Но, би било штета ако некој од нив да се сопне, а ние да не го искористиме ова. Значи мора да си ја завршиме нашата работата и да чекаме шанса. Мислам дека веќе обезбедивме пласман во европските натпреварувања, а пред шест недели тоа не се ни гледаше на хоризонтот. Тогаш ретко кој ќе поверуваше дека можеме да се бориме за Лигата на шампионите. Сега треба да се подготвиме за следниот натпревар. Унаи Емери прави пеколна работа со Астон Вила, изјави менаџерот на Ливерпул.

Ливерпул во моментов е на 5.место во Премиер лигата со 65 освоени бодови од 36 натпревари. Пред него се Манчестер јунајтед и Њукасл со 66 бода од 35 натпревари, Арсенал со 81 и Манчестер сити со 85 бода.

The post Ливерпул доцна се разигра appeared first on Република.

Англискиот фудбалски тим Ливерпул ја продолжи одличната низа на резултати и врза шеста победа по ред во Премиер лигата, но истата беше одбележана и од чин кој брзо стана доста коментиран во англиската јавност.

На денот кога се крунисуваше кралот Чарлс Трети во кралското семејство, навивачите на Ливерпул јасно го искажаа своето незадоволство кон традиционалната хиерархија, па почетокот на натпреварот против Брентфорд беше навистина бурен.

Поради специјалниот чин во Вестминстерската Опатија, беше најавено дека на „Енфилд Роуд“ ќе биде интонирана англиската химна, но оваа епизода мина навистина непријатно.

Навивачите на Ливерпул се погрижија воопшто да не се слуша химната во која е опеана и кралското семејество, а имаше и жестоки транспаренти за крунисувањето на Чарлс Трети.

Couldn’t even hear the anthem. Best thing Anfield’s ever done👊🏻👊🏻 pic.twitter.com/d0ILoQlpJf

— All Everton (@AIlEverton) May 6, 2023

The post На денот кога се крунисувањеше кралот Чарлс Трети, навивачите на Ливерпул ја исвиркаа англиската химна appeared first on Република.

Здружението на професионални фудбалски судии во Премиер лигата го суспендираше денеска помошникот арбитер Константин Хацидакис, кој за време на вчерашниот натпревар во Премиер лигата меѓу Ливерпул и Арсенал со лакт го удри играчот на домашната екипа Ендру Робертсон.

На снимките објавени на социјалните мрежи се гледа моментот кога Хацидакис со лакт го удира Робертсон во пределот на вратот додека играчите од двете екипи, како и судиите се движат кон соблекувалните на „Енфилд Роуд“.

Хацидакис нема да биде делегиран за натпреварите во организација на англиската Федерација додека не заврши истрагата во целост.

Дербито меѓу Ливерпул и Арсенал заврши нерешено 2-2.

The post Суспендиран помошникот судија кој удри фудбалер на Ливерпул appeared first on Република.