Аргентинскиот фудбалер Лионел Меси одговори на прашањето кого го смета за најголемиот спортист во историјата.

Има многу врвни спортисти, кои би можеле да се најдат на тоа место, но Меси има свој фаворит.

-Кога станува збор за спортот, мислам дека најголем е Мајкл Џордан. Откако ја гледав серијата „Последниот танц“ се инспирирав и дознав повеќе за тоа кој е тој и што има постигнато, изјави Лионел Меси, пренесува СПОРФ.

Меси додаде дека со задоволство би се сликал со Џордан.

-Толку луѓе ме побараа за фотографија, зошто да не побарам јас од него? Би било навистина убаво, истакна тој.

Мајкл Џордан е меѓу најголемите спортисти на сите времиња. Славниот кошаркар е двократен олимписки победник и шесткратен шампион во НБА. За време на неговата професионална кошаркарска кариера, тој играше двапати за Чикаго Булс (1984–1993, 1995–1998) и за Вашингтон Визардс (2001–2003)

The post Сите сакаат слика со Меси, а тој сака со големиот Џордан appeared first on Република.

Фудбалерот на Интер Мајами, Лионел Меси ќе се врати на терените во септември, објави новинарот Хернан Клаус.

Триесет и седумгодишниот Аргентинец, закрепнува од повредата на скочниот зглоб и наскоро ќе се врати на тренинзите со тимот.

Се очекува напаѓачот да може да се појави на теренот на натпреварот од американската лига – МЛС, против Филаделфија, кој е закажан за 14 септември. Истовремено, постои можност фудбалерот да има време да заздрави од повредата навреме за натпреварот против Чикаго кој ќе се одигра на 1 септември.

Меси игра за Интер Мајами од јули 2023 година. Во тековната сезона во МЛС, тој на 12 натпревари постигна 12 гола и креира девет асистенции.

The post „Кралот“ Меси следниот месец се враќа appeared first on Република.

Селекторот на Аргентина, Лионел Скалони сѐ уште се сомнева во учеството на капитенот на тимот Лионел Меси во четвртфиналниот натпревар на Копа Америка против Еквадор.

Ќе почекаме неколку часа и ќе донесеме одлука врз основа на неговата состојба. Ќе се обидеме да го натераме да игра, но доколку тоа не се случи, ќе го бараме најдоброто решение за тимот. Денеска ќе разговарам со него. Мислам дека е фер тој да одвои време и да тренира колку што може, изјави Скалони за „Ројтерс“.

Триесет и седумгодишниот Меси кој се здоби со повреда на десната тетива против Чиле, не играше на последниот натпревар од групната фаза против Перу.

Натпреварот меѓу Аргентина и Еквадор ќе се одигра утре, 5 јули, во 3 часот по македонско време.

The post Неизвесно учеството на Меси во четврт-финалето на Копа Америка appeared first on Република.

Селекторот на аргентинската фудбалска репрезентација, Лионел Скалони, го објави конечниот список со 26 играчи за Копа Америка.

Светскиот шампион Аргентина повторно ќе биде предводен од Лионел Меси и Анхел Ди Марија, кој најави дека ќе се повлече од националниот тим по турнирот, кој почнува во САД на 20 јуни.

Во аргентинскиот состав од прелиминарниот проширен список ги нема Анхел Кореа, Валентин Барко и Леонардо Балерди.

Репрезентацијата на Аргентина е во групата „А“ заедно со Канада, со која ќе игра на отворањето во Аталанта, потоа Чиле во Њу Џерси и Перу во Мајами.

The post Меси ќе ја предводи Аргентина на Копа Америка appeared first on Република.

Антонела Меси, сопругата на аргентинската фудбалска ѕвезда, Лионел Меси, имаше изненадувачки провокативно појавување во јавноста.

Атрактивната Антонела со супер секси издание се појави на роденденот на помладата сестра на сопругот Лео.

Иако претходните неколку дена беше објавено дека најдобриот светски фудбалер ја изневерил сопругата Антонела со позната новинарка, сепак, според последните фотографии, изгледа дека Лео и неговата поубава половина не се заинтересирани воопшто за новинарските шпекулации и уживаат во Мајами.

Брачната двојка се појави во ресторанот „Секси фиш“ каде поминале два часа на вечера за 30-тиот роденден на Марија, помладата сестра на Меси.

Антонела на роденденот изгледаше попровокативно од кога било во жешко издание со црн краток мини фустан со шлиц.

The post Сопругата на Меси се појави во најпровокативното издание досега appeared first on Република.

Напаѓачот на Интер Мајами, Лионел Меси и неговата сопруга Антонела Рокузо доживуваат криза во нивната врска, пренесува бразилското издание „Terra“, повикувајќи се на шпански извори.

Изданието тврди дека фудбалерот имал афера со аргентинската новинарка Софија Мартинез, поради што бракот на двојката е на работ на колапс.

На оваа информација одговори сопругата на поранешниот играч на Барселона, Францеск Фабрегас, Даниела Семаан, која е блиска до семејството Меси.

Каква вест е ова? Глупости, каде што нема ништо вистина. Имајте на ум дека шпанските извори на кои се повикува бразилското издание не се именувани, што фрла сомнеж врз оваа информација, напиша сопругата на Фабрегас на социјалните мрежи.

Меси и Рокузо се во врска од 2008 година, а парот се венча во 2017 година. Триесет и шестгодишниот Аргентинец игра за Интер Мајами од јули 2023 година. Во текот на кариерата играше и за Барселона и ПСЖ. Меси е сопственик на осум Златни топки.

The post Меси ја изневерил сопругата со аргентинска новинарка appeared first on Република.

Интер Мајами загуби од Синсинати со 0:1 во натпревар од регуларниот дел од сезоната во американската МЛС лига, со што ги загуби шансите за пласман во плејофот.

Тимот чија најголема ѕвезда е Лионел Меси, со 33 освоени бодови е на 14. место во Источната конференција. За пласман во плејофот Интер треба да стигне до 9. место, но на два меча пред крајот на регуларниот дел тоа е невозможна мисија, со оглед на тоа што заостанува недостижни седум бодоци.

На натпреварот против Синсинати се одигра во Форт Лодердејл, а Меси влезе во второто полувреме како замена од клупата. Триесет и шестгодишниот Аргентинец отсуствуваше од 21 септември поради повреда.

The post Џабе им беше Меси: Интер Мајами ги загуби шансите за пласман во плејофот на МЛС лигата appeared first on Република.

Помошникот на тренерот на Интер Мајами, Хавиер Моралес, соопшти дека напаѓачот Лионел Меси почнал со целосни тренинзи.

Меси тренираше изминатите два дена. Секој ден неговата состојба се подобрува, изјави Моралес за „ЕСПН“.

Интер Мајами го навести и учеството на играчот во натпреварот од регуларниот дел од МЛС сезоната против ФК Синсинати објавувајќи фотографија од Меси со натпис „Се гледаме утре“.

https://republika.mk/sport/fudbal/navivachite-vo-sad-ne-veruvaat-deka-mesi-e-povreden/

На 21 септември, на натпреварот против Торонто, 36-годишниот Аргентинец беше заменет во 37. минута од натпреварот поради повреда. По ова Меси пропушти четири тимски натпревари по ред.

Натпреварот од регуларната сезона во МЛС помеѓу Интер Мајами и Синсинати ќе се одигра на 8 август со почеток во 1:30 часот по македонско време.

The post Меси се врати на тренинг appeared first on Република.

Еден од најдобрите фудбалери на сите времиња, 36-годишниот Лионел Меси сè уште не ја исклучува можноста да ја брани титулата светски првак со Аргентина на Мундијалот кој во 2026 година ќе се одржи во САД, Канада и Мексико.

Меси во интервју за аргентинските медиуми изјави дека, кога е во прашање репрезентацијата,  во преден план му е настапот на Копа Америка.

Сакам на следното издание на Копа Америка да дојдам во добра состојба и форма и во согласност со тоа ќе ги носам натамошните одлуки“, изјави Меси.

Одговарајќи на новинарско прашање дали размислува да настапи на Мундијалот 2026, Меси рече дека сè уште е рано за конечна одлука.

Не размислувам сè уште за тоа. Годините минуваат и морам од ден за ден да видам како ќе се чувствувам“, рече Меси.

Аргентинскиот фудбалер сезонава настапува за Интер од Мајами и во воведните четири натпревари во МЛС лигата постигна еден гол и додаде две асистенции.

The post Меси резервиран за настапот на Светското првенство во 2026 година appeared first on Република.

Аргентинската фудбалска ѕвезда Лионел Меси го постигна дебитантскиот гол во дресот на Интер Мајами, запишувајќи се во листата на стрелци во 94 минута од слободен удар за триумф на својот нов клуб.

Во Форт Лодердејл, во Флорида, Интер синоќа со 2-1 го победи мексикански Круз Азул во натпревар од тамошниот Лига куп, новоформирано натпреварување во кое учествуваат екипи од американската МЛС и од мексиканската лига.

Меси пред овој натпревар имаше само три тренинзи во својот нов клуб, а дебитантскиот настап го почна влегувајќи на теренот од клупата за резерви во 54 минута.

Повторно имам страст и желба за фудбал. Сакам со сите сили да му помогнам на мојот клуб на патот кон успесите, рече 36-годишниот Меси, кого на овој натпревар дојдоа да го гледаат бројни американски спортски ѕвезди.

На трибините, меѓу другите, беа Леброн Џејмс и Серена Вилијамс.

The post Делириум во Мајами, Меси го постигна првиот гол за Интер во 94 минута appeared first on Република.

Лионел Меси е снимен зад воланот на својот луксузен теренец во моментот кога поминува на црвено светло на семафор. При правење сообраќаен прекршок бил придружуван од полиција со запалени ротирачки светла, но за малку ќе се судрил со друго возило.

Се се случи во Форт Лодердејл, на 45-ина километри од Мајами, за чиј тим од МЛС Меси следната сезона ќе настапува.

На снимката на социјалните мрежи се гледа како Меси се приближува до семафорите кога навивач му пришол на автомобилот за да го сними. Меси придружуван од полициска придружба продолжил да вози, а потоа поминал на црвено светло и влегол на раскрсница.

Во таа прилика можеше да дојде до судир, велат на социјалните мрежи, бидејќи по патот до кој се приклучил Меси доаѓал друг автомобил. Сепак, несреќата била избегната.

https://twitter.com/miamifutbolmls/status/1679940085108596736?ref_src=twsrc%5Etfw%7Ctwcamp%5Etweetembed%7Ctwterm%5E1679940085108596736%7Ctwgr%5E95d3fc26c379cfc86822c49b4d1f8101bf926211%7Ctwcon%5Es1_&ref_url=https%3A%2F%2Fsportm.mk%2Fvideo-mesi-pomina-na-tsrveno-svetlo-za-malku-ke-predizvikashe-soobrakajka%2F

Извор: Спортм.мк

The post Меси помина на црвено светло, за малку ќе предизвикаше сообраќајка appeared first on Република.

Аргентинскиот фудбалер, Лионел Меси, првпат се испроба и во актерството, но не во Холивуд.

Станува збор за аргентинската серија „Los Protectores“, во која Меси се глуми себеси во текот на петминутна сцена.

Главните ликови од серијата му подаруваат деловна соработка, која тој бесно ја одбива.

The post Меси стана актер во аргентинска серија appeared first on Република.

Лионел Меси веројатно ќе ја продолжи кариерата во Саудиска Арабија, пишува „Спорт.ес“.

Според шпанската публикација, за 35-годишниот Аргентинец сериозно е заинтересиран Ал-Хихал. Се известува дека клубот може да го објави трансферот на Меси на 6 јуни.

Претходно, од Франција стигна објавата дека Меси летово ќе го напушти ПСЖ.

Во сезоната 2022/23, Аргентинецот одигра 41 натпревар, во кои постигна 21 гол и направи 20 асистенции, со што стана најдобар асистент на францускиот фудбалски шампионат.

The post Следната недела би можело да биде објавен потписот на Меси за Ал Хилал appeared first on Република.

Фудбалерот на Пари Сен-Жермен, Лионел Меси побарал Барселона да договори негово враќање на „Камп ноу“ пред крајот на оваа сезона, објави шпанскиот новинар, Жерар Ромеро.

Според новинарот, 35-годишниот аргентински фудбалер ќе остане во францускиот клуб доколку Барселона не преземе одлучни чекори за да го договори неговиот трансфер во каталонскиот тим.

Договорот на Меси со ПСЖ е со важност до крајот на јуни 2023 година. Напаѓачот оваа сезона одигра 36 настапи за Париз, постигнувајќи 20 гола и 19 асистенции.

Порталот „Трансфермаркт“ ја проценува вредноста на играчот на 45 милиони евра.

The post Меси побарал од Барселона да договори трансфер за негово враќање во клубот appeared first on Република.

Барселона има за цел да го врати напаѓачот на Пари Сен Жермен, Лионел Меси на „Камп Ноу“, објави новинарот Жерар Ромеро на социјалните мрежи.

Според Ромеро, каталонската страна почнала да работи на договори со големи спонзори кои би можеле да помогнат да се врати Аргентинецот во Барселона.

Актуелниот договор на напаѓачот со ПСЖ е до крајот на оваа сезона.

Претходно беше објавено дека Меси е подготвен да се врати во тимот и чека понуда од каталонскиот клуб.

Триесет и петгодишниот напаѓач играше за Барселона од 2005 до 2021 година. Како дел од каталонскиот тим одигра 778 натпревари, постигна 672 гола и оствари 303 асистенции.

Оваа сезона Меси има 32 настапи за клубот од Париз во сите натпреварувања, постигнувајќи 18 голови и 17 асистенции

The post Барселона собирa пари од спонзори да го врати Меси appeared first on Република.

Ноќта полна солзи, смеа и најубави емоции е нешто што фудбалерите и стручниот штаб на репрезентацијата на Аргентина ќе го паметат додека се живи! Предводникот на светските шампиони, Лионел Меси не можеше а да не заплаче, но солзи им течеа и на неговите соиграчи, навивачите, тренерот и луѓето на клупата.

Причините за радост на Аргентинците се многу, но кулминацијата е 800 гол во кариерата на Меси, постигнат во 89 минута пред неговите најверни поддржувачи.

Во нивниот прв натпревар пред домашните навивачи по освојувањето на Светското првенство во декември, Аргентина ја победи Панама на пријателскиот натпревар со 2-0 со головите на Тиаго Алмада и Меси.

https://youtube.com/watch?v=4MwYpjlGKhs&feature=shares

Забавата започна по последниот судиски свиреж, а членовите на семејството и децата им се придружија на Меси и неговите соиграчи од Аргентина на теренот со огномет што експлодираше во позадина.

Отсекогаш сонував за овој момент, да славам со вас. Да си дојдам во мојата земја и да го подигнам трофејот на Копа Америка, и најголемиот од сите трофеи, тој од Светското првенство. Знам дека ова е наш ден да славиме, но не сакам да се заборават и сите соиграчи кои беа тука претходно, кои исто така дадоа сè на теренот за да го постигнеме ова. Сите го заслужуваат ова признание. И аргентинските навивачи, бидејќи секогаш го даваа својот максимум за овие бои, ѝ порача емотивниот Меси на публиката.

По Меси, и Скалони со солзи во очите додаде дека вечно ќе им е благодарен на овие играчи.

Фудбалот им припаѓа нив и без нив немаше да го освоиме Светското првенство. Секој што го носи овој дрес дава се од себе и понекогаш резултатите не доаѓаат. Но, овој пат го добивме и тоа е неверојатно, рече тој.

https://youtube.com/watch?v=KFeGq7Cuwjc&feature=shares

The post „Отсекогаш сонував за овој момент“: Плаче Меси, плачат соиграчите, а 80.000 луѓе пеат за најдобриот appeared first on Република.

Стана познат условот под кој напаѓачот на ПСЖ, Лионел Меси може да замине во шампионатот на Саудиска Арабија. Според новинарот на „El Chiringuito“, Хаиме Астраин, аргентинскиот напаѓач би можел да му се приклучи на саудиски клуб доколку заработи повеќе од играчот на Ал-Наср, Кристијано Роналдо.

Таткото на фудбалерот Хорхе Меси побарал договор од Ал-Хилал со плата од 600 милиони евра за две години. Блиските до Меси сметаат дека поголемата плата во целост ја оправдува фактот што Аргентинецот е две години помлад од Португалецот.

Вкупниот приход на Роналдо во Ал Наср е 200 милиони евра годишно.

Претходно беше објавено дека играчот на ПСЖ не планира да ја промени клупската регистрација во летниот преоден рок.

Актуелниот договор на 35-годишниот Аргентинец со парискиот тим е со важност до летото 2023 година. Оваа сезона има 31 настап за ПСЖ во сите натпреварувања, постигнувајќи 18 гола и 17 асистенции.

The post Meси би одел во Саудиска Арабија само ако зема повеќе пари од Роналдо appeared first on Република.

Иако Меси игра во Франција, потекнува од Аргентина, се чини дека негова омилена земја е Шпанија каде долги години играше.

Лео планира по завршувањето на кариерата да живее во Шпанија па затоа си направи супер луксузна куќа во облика на неговата омилена топка.

Додека структурата на самата куќа е тркалезна, останатиот дел изгледа како фудбалско игралиште поделено на два дела! Со структурата пред главната зграда, од воздух оваа куќа изгледа како бројот 10, кој го претставува бројот на дресот на Меси.

The post Фудбалски терен и на средина топка: Погледнете ја куќата на Меси во Шпанија appeared first on Република.

Аргентинскиот фудбалер Лионел Меси и неговата шпанска колешка Алексија Путелас се прогласени за најдобри спортисти на годината во светот, а аргентинската фудбалска репрезентација за најдобар тим, по избор на Меѓународната асоцијација на спортски новинари (AIPS).

Гласаа вкупно 420 спортски новинари од 113 земји.Во машка конкуренција победи Меси со 962 поени, пред светскиот рекордер во скок со стап, Швеѓанецот Арман Дуплантис (373) и францускиот фудбалер Килијан Мбапе (366). Во Топ 5 се и францускиот фудбалер Карим Бензема (298) и унгарскиот пливач Кристоф Милак (189).

Во женска конкуренција за најдобра е прогласена шпанската фудбалска ѕвезда Алексија Путелас со 452 поени. Второто место го зазеде американската пливачка Кети Ледеки (295), а третата светска рекордерка во трискок Венецуелецот Јулимар Рохас (243).

Меѓу првите пет се уште двајца спортисти, Американката Сидни Меклафлин (238) и Јамајканката Шели-Ен Фрејзер-Прајс (217).

Во изборот за тим на годината, новиот светски фудбалски шампион Аргентина славеше со 1.399 гласови. Второто место го зазеде фудбалската репрезентација на Мароко со 381 глас, додека трета фудбалската репрезентација на Франција со 252 гласа.

The post Спортските новинари ги избраа Меси и Путелас за најдобри спортисти во 2022 година appeared first on Република.

Аргентинските фудбалери допатуваа во Буенос Аирес од Катар, по што во отворен автобус продефилираа низ улиците на градот. Еуфоријата и радоста на сите присутни беше на највисоко ниво, но, за малку, големата фешта можеше да се претвори во трагедија.

Лионел Меси и уште четворица фудбалери можеа да настрадаат од кабли надвиснати над улицата, откако седеа на највисокиот дел од платформата на автобусот.

https://twitter.com/ESPNArgentina/status/1605083248832307200?ref_src=twsrc%5Etfw%7Ctwcamp%5Etweetembed%7Ctwterm%5E1605083248832307200%7Ctwgr%5Eab3a37d6273047646984ac2ab4d25359f4002f1f%7Ctwcon%5Es1_&ref_url=https%3A%2F%2Fa1on.mk%2Fsport1%2Fizbegnata-tragedija-mesi-kje-nastradashe-samo-shto-pristigna-vo-buenos-aires%2F

За среќа, во последен момент ги забележаа каблите и ги наведнаа главите со што избегнаа евентуална непријатна ситуација и можни повреди.

The post Трагедија избегната за влакно: Меси ќе настрадаше само што пристигна во Буенос Аирес appeared first on Република.