За помалку од две недели песната „Ти си ми све“, која нашата Лина Пејовска ја пее заедно со Дадо Полумента има 250 илјади прегледи на „Јутјуб“ и е најслушата песна од новиот албум на српскиот пејач. Лина вели дека соработката со Дадо дојде сосема спонтано, на предлог на композиторот Дарко Димитров.

Музиката и текстот се на самиот Дадо, а аранжманот е на Димитров, и снимена е во студиото на Idjvideos, за кои Лина потенцира дека се едни од ретките професионалци во својата бранша.

Песната има одличен одзив кај публиката и тоа ме радува, одлични коментари и се надевам публиката тоа го очекување од мене. Не се за занемарување 250.000 илјади прегледи со оглед на тоа што песната излезе во склоп на албумот на Дадо и е една од најслушаните песни од албумот. Целиот проект се заврши многу брзо, зошто генерално со искусен пејач како Дадо се одеше едноставно, вели Лина.

Лина, која македонската публика ја запозна на шоуто „Пинкови ѕвездички“, а потоа со задоволство ја гледаше како расти на музички план, вели дека следен проект за неа мора да биде соло песна, по неколкуте дуети како овој со Дадо и „Неваљала“ со Таско, кој има над 16 милиони прегледи.

Подолг временски период немам извадено соло песна, и тоа ми е следно што би сакала најмногу, но не по секоја цена и било каква песна. Знаете во денешницата се популарни малку поинакви музички трендови од она по што сум јас препознатлива, кога е во прашање песна, па често се размислувам ДА или НЕ. Но секако нова соло песна сигурно, вели Лина.

Според Лина, иако е најголем пазар на Балканот, не мора да значи дека српскиот музички пазар е најдобар.

Српскиот пазар не е најдобар, и нашиот не е за занемарување. И ние имаме пејачи, но за жал не знам од која причина не си го цениме нашето. Единствено само знаеме плукаме, и затоа некои од пејачите пробуваат и надвор, а нормално тука е српскиот пазар кој е најголем на Балканот. Јас секогаш сум расположена за соработка со пеачи од целиот регион. За мене музиката нема граници, па така да ако испадне некоја понуда нормално прифатлива за мене и со други пејачи од Балканот би прифатила, вели младата пејачка.

На прашањето за македонската публика, пак, вели е најдобра, зошто Македонците знаат да уживаат во секоја музика и не знаат за граници.

Македонската публика, мојата публика ја сакам најмногу и таа ме одржува во ова време-невреме на политики, завидливости, омрази, непочитување. Македонската публика сака се да слуша од забавно до народно до турбо фолк...како што реков таа не знае за граници ужива во музиката, вели Лина.

Во очекување на следните проекти од македонското девојче, слушнете го и вие дуетот „Ти си ми све“:

https://youtu.be/yWqNiBGxub0?si=bREV-bmdPvYGT1Dt

The post Лина Пејовска: И ние имаме пејачи, но за жал не знам од која причина не си го цениме нашето appeared first on Република.

Како и самиот филм, така и песната „Полноќ“ од „Тома“ е вистински хит во Македонија. Таа не е вистинска песна од Тома Здравковиќ, туку е новокомпонирана од српскиот музичар Жељко Јоксимовиќ, кој ја напишал со помош на легендарниот Предраг Живковиќ Тозовац, кој навистина пишуваше и за Силвана Арменулиќ во минатото. Желбата на тимот беше песната да биде „народна, од тоа време“, т.е. да звучи што поавтентично и пред се да ја покаже блискоста меѓу Силвана и Тома, иако во вистинскиот живот тие никогаш не биле заедно, ниту пак снимиле песна.

https://youtu.be/tHlJAPa55E0

Понесени од емоциите и на песната и на филмот, дел од македонските пејачки ја препеаја „Полноќ“. Eве како звучат Антониа Гиговска и Лина Пејовска:

 

View this post on Instagram

 

A post shared by ANTONIA GIGOVSKA (@antoniagigovskaa)

 

View this post on Instagram

 

A post shared by Lina (@pejovskalina)

The post Македонските пејачки полудеа по „Полноќ“, ова се нивните верзии на песната од „Тома“ appeared first on Република.