Надвор од функција е големиот лифт во старата зграда на хируршки клиники, а од страна на службените лица на ТОАРИЛУЦ има пријава дека истиот бил демолиран.

Од Клиниката за ТОАРИЛУЦ добивме потврда дека овој лифт е надвор од функција.

Од Клиниката додаваат дека во функција е малиот лифт кон истите клиники и дека известени се надлежните установи за натамошно постапување и санација на лифтот.

The post Надвор од функција големиот лифт во старата зграда на хируршки клиники- бил демолиран appeared first on Република.

Од Центарот за управување со кризи (ЦУК)  информираат дека екипата на Брзата помош која беше заглавена во лифт во скопската населба Кисела Вода е извлечена и има повреди.

Во лифтот била само медицинската екипа, немало пациент, според ЦУК екипата била на констатација на смрт.

Денеска на бројот 112 во ЦУК стигнала пријава за заглавена екипа на Итната медицинска помош од Скопје, во лифт во подрумски дел од зграда на ул. „Христо Татарчев“ бр.47, Кисела Вода, Скопје.

Лифтот паднал од приземје во подрум. Имало најмалку 4 лица биле во лифтот во моментот на падот.

The post Извлечена е екипата на Брза помош што се заглави во лифт во Кисела Вода, има повредени appeared first on Република.

Едно лице загина а друго се бори за живот во Клиничката болница- Штип од повреди добиени во несреќа, што според првичните информации се случила попладнево о лифт во угостителски објект во Штип, потврди штипската полиција.

Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори.

Според првичните информации починатото лице и неговиот колега извршувале работна задача во моментот на несреќата.

The post Едно лице почина, друго се бори за живот по повреди добиени во лифт во угостителски објект во Штип appeared first on Република.

Пет лица загинаа во несреќа вчера кога монтажен лифт на градилиште во Шведска падна од височина од 20 метри во Сандбиберг, предградие на Стокхолм.

Работите на градилиштето се прекинати, а причината за несреќата се уште не е позната.

Вишиот надлежен обвинител Гунар Јонасон потврди дека во тек е прелиминарна истрага во која учествува и Националната комисија за сообраќајни несреќи поради сомнение за „нарушување на работната средина што предизвикало смрт на друго лице“.

- Ова е сериозен инцидент што сега го истражуваме - рече тој и додаде дека надлежните го утврдуваат идентитетот на починатите и контактираат со нивните семејства.

Портпаролот на компанијата што го произведува лифтот за таблоидот Афтонбладет вчера изјави дека овој тип на лифт се користи ширум светот повеќе од 20 години и дека никогаш немало сличен инцидент.

The post Трагедија во Стокхолм: Лифт падна 20 метри, пет лица загинаа appeared first on Република.

На 04.11.2023 година во 00.00 часот во СВР Скопје, Ш.А.(39) од Скопје пријавила дека на 03.11.2023 околу 11.00 часот на подрачјето на Бит Пазар, по претходна расправија околу должничко-доверителски односи, И.М. упатила закани кон семејството и ѝ го скршила телефонот.

Според пријавеното, таа претходно со тврд предмет оштетила и стакло од лифт од станбена зграда. Се преземаат мерки за расчистување на случајот.

The post Скопјанка скршила стакло од лифт, а потоа и телефон поради долг appeared first on Република.

Вработен во Народното собрание на Република Србија Н.К.(45) загина денеска во зградата на Собранието додека се обидувал да го поправи лифтот.

Како што објавуваат српските медиуми, лифтот ненадејно тргнал и му ја откинал главата на работникот кој вообичаено бил задолжен за одржување на водоводот.

Вработените веднаш повикале Итна помош, која можела само да констатира смрт.

The post Лифт му откинал глава на работник во собранието – ужасна несреќа во Белград appeared first on Република.

Почна поставувањето лифт во кумановската гимназија „Гоце Делчев“, информираат од училиштето.

Почна монтажата на лифт во нашата гимназија, а кој ќе биде наменет пред сè за учениците со физичка попреченост. Овој проект веќе некое време чекаше на својата реализација, еве и тоа се случи и полека се заокружува целокупниот проект за реконструкција и модернизација на гимназијата. За оваа намена одвоени се околу 2, 5 милиони денари, вели директорката Марија Тодоровска.

Привршува и реконструкцијата на подрумските прострии во училиштето, кои ќе се пренаменат во финтес центар и теретана.

Претходно, заврши реконструкција на подови на 30 училници во гимназијата. Набавени се и клупи и столчиња за сите училници, поставени се сончеви завеси, набавени се професионални машини за чистење на подовите.

Претходното лето, пак, заврши обемната реконструкција на „Гоце Делчев“ во кој целосно беше реконструирана фасадата на училиштето, беше саниран одвоениот објект, училишната спортска сала.

Во гимназијата последната учебна година настава следеа 950 ученици

The post Почна поставувањето лифт во кумановската гимназија „Гоце Делчев“ appeared first on Република.

На 26.07.2023 во 12.00 часот во СВР Тетово, 45-годишен жител на гостиварско село пријавил дека бил измамен од лице од Скопје за сума од 14.000 евра.

Според пријавеното, во текот на 2022 година тој се договорил со лицето, претставник на фирма од Скопје, да монтира лифт во неговата зграда, по што на 02.07.2022 склучиле и договор. Како што е пријавено, до денот на пријавување тој на лицето со потврда му платил 14.000 евра за да почне со извршување на работите, додека другиот дел по завршување на работите, но лицето одбивало да ги изврши договорените работи.

Се преземаат сите мерки и активности за расчистување на случајот.

The post Платил 14.000 евра за да му монтираат лифт во зградата: Останал без парите, а лифт не видел appeared first on Република.

36-годишна скопјанка била физички нападната од поранешниот љубовник на подрачје на Аеродром.

-На 09.07.2023 во 19.00 часот 36-годишна жена пријавила дека околу 16.30 часот во лифт од зграда на подрачјето на Аеродром, по претходни недоразбирања, била физички нападната од А.И.(42) од скопско, со кого порано биле во љубовна врска, соопшти МВР.

Се преземаат мерки за расчистување на случајот.

The post Скопјанка нападната во лифт од поранешниот љубовник appeared first on Република.

23-годишното момче кое беше најдено мртво во фирма на булеварот „Србија” во Скопје починало како последица од пад на лифт за транспорт на роба, пишува порталот МКД.мк.

Според информациите на порталот за сега случајот се води како несреќа.

Од Обвинителството во врска со настанот за МКД.мк одговориле дека издадени се повеќе наредби за утврдување на причините за, како што велат од таму, несреќата. На местото на настанот бил повикан и Државниот инспекторат за труд кој треба да ја провери исправноста на лифтот.

Надлежен јавен обвинител веднаш по настанот издаде повеќе наредби за утврдување на причините за несреќата. Освен издадената наредба за обдукција на починатиот, повикан е Државниот инспекторат за труд да изврши детална контрола на работењето на фирмата, како и техничка инспекција да ја провери исправноста на лифтот. Доколку при проверките од соодветните институции биде утврдена кривична одговорност, тие своите извештаи ќе ги достават на надлежно постапување на јавното обвинителство, стои во одговорот од Обвинителството до МКД.мк.

Обвинителството, според доказите кои се чекаат од издадените наредби за вештачења треба да утврди дали овој случај ќе биде затворен како несреќа или ќе има кривична одговорност.

The post Лифт го убил 23-годишното момче пронајдено мртво во фирма во Скопје appeared first on Република.

Во галеријата „Метаноја“ во Скопје вечерва во 20 часот ќе биде доделена стрип наградата „Лифт“ која ја доделува издавачката куќа „Темплум“.

На петтиот конкурс за стрип наградата пристигнале 16 стрипови од 18 автори, информираат од „Темплум“. Тројцата најдобро оценети автори ќе бидат наградени со книги и стрипови од книгоиздателствата „Темплум“ и „Бункер“ во вредност од 500 евра – 250 евра за првата награда, 150 евра за втората и 100 евра за третата награда.

Жирито на наградата „Лифт“ го сочинуваат: Никола Гелевски, Јана Јакимовска и Владимир Трајановски.

Вечерва може да се погледне и изложбата на најдобрите стрип табли, како и да се проследи промоцијата на зборникот „Стрип награда Лифт #5“. Доделувањето на наградите ќе се одржи во рамки на Малиот новогодишен саем на книги на „Темплум“ кој ќе се одржува од денеска до 6 декември во Метаноја.

The post Доделување на стрип наградата „Лифт“ на „Темплум“ appeared first on Република.

Претседателот на РКЕ, Марко Бислимовски на денешната прес-конференција рече дека и во оваа државна институција се почитуваат владините мерки за штедење кои полнуваат од денеска, па тој во зградата на РКЕ до работното место наместо со лифт дошол по скали.

Како што гледате, јас денеска дојдов по скали на работа. Имам проблеми со тежината и планирам да ја намалам. Осветлувањето е ограничено, немаме пуштено ладење и сите мерки кои се за штедење ќе ги превземеме. Целата јавност треба посериозно да се однесува кон мерките за штедење бидејќи во услови на цени од 700-800 евра за мегават-час на слободен пазар – рече Бислимовски.

РКЕ ќе треба да ја намали сметката за септември за 15% во однос на сметката од лани за истиот период.

The post Бислимовски штеди во РКЕ, оди пеш по скали, наместо да користи лифт, сака и да ослабне appeared first on Република.

Дури 14 тендери успеала да добие фирмата ДАКА сервис со лажни ИСОсертификати - обкави ТВ 24. Информацијата ја потврдил сопственикот Димче Поповски, кој вели дека во ниту еден од овие тендери не знаел дека аплицира со лажен сертификат. Поповски вели дека е оштетен и бара расветлување на случајот.

„Од вкупно 14 тендери, 7 ги добивме во 2019 а додека останатите 7 во 2020. последен пат од оваа фирма извадив во 2019 година и тој трае 2 до 3 години и со истиот аплицирав на тендерот во градската болница 8ми септември.

Еуроцент дооел е фирмата која издавала лажни сертификати, со седиште во скопски Аеродром, објави ТВ 24. На адресата на која е регистрирана фирмата наместо сопственикот ја затекнавме неговата мајка. Еуроцент доел според официјалните документи со одлука престанува да работи на 25.06.2021 година.

ТВ 24 ја пронајде фирмата која издавала лажни ИСО сертификати, се наоѓа во станбената зграда зад мене, а на адресата каде била регистрирана живеат родителите на сопственикот.

Откако антикорупционерите ја откриваат аферата со лажни сертификати, сопственикот на фирмата Еуроцент која ги издавала, му испратила на Поповски емаил со извинување и парите му биле вратени.

ТВ 24 се обидела да го исконтактира директорот на болницата 8 септември, Христијан Костов, со прашањата кога откриле дека станува збор за лажен сертификат и дали некаде пријавиле, но одговор не добиле. Премиерот Димитар Ковачевски пак, ги повика сите надлежни институции да ги препознаат, но и казнат сите видови на корупција во земјава.

Од опозициската ВМРО-ДМПНЕ пак прашуваат кој од власта дозволил фирма со фалсификувана лиценца да издава лажни сертификати за безбедност на лифтови на државни институции. Од ДКСК во текот на утрешниот ден велат дека ќе ја достават иницијативата за кривична одговорност до ОЈО.

Според информациите на ТВ 24 се чешлаат сите јавни набавки досега на кои стои потпис од фирмата Еуроцент.

The post Една од фирмите која работи со лифтови добила дури 14 тендери со лажни сертификати appeared first on Република.

Целта е функционална, на почетокот беше само механичка, а потоа психолошка.

1. Илузијата на брзината

Како што станбените и деловните згради стануваа се повеќе и повеќе, така што качувањето по скали стануваше сè понапорно, инсталацијата на лифтови стана императив. Сепак, и покрај ваквиот напредок, луѓето избегнуваа да се качат со лифтот, и поради страв и делумно поради тоа што изгледаше премногу бавно. Многумина се пожалија, а испадна дека „забрзувањето“ со кое лифтот се движи нагоре-надолу ќе чини многу, па производителите смислија генијален трик – да стават огледало во него. Патниците сега имаа друго хоби, па не обрнуваа внимание на времето поминато во возење. Дури пријавиле дека навистина се движат побрзо, иако дизајнот и брзината воопшто не се промениле.

2. Клаустрофобија

Клаустрофобијата од лифтот е многу чест проблем. Мал простор, недостаток на воздух, неможност да се разбере како функционира овој „сокол“, страв од височина и други фобии ги вознемируваа луѓето и предизвикуваа вознемиреност. Присуството на огледало во лифтот помага да се решат овие проблеми: ја намалува анксиозноста и создава чувство на повеќе простор. Покрај тоа, патникот во лифтот на потсвесно ниво не се чувствува сам, како во стапица, бидејќи го гледа својот одраз во огледалото.

3. Безбедност

Огледалото создава чувство на сигурност кога во кабината возат луѓе кои не се познаваат. Ви овозможува беспрекорно да ги следите движењата на другите. Психолозите тврдат дека присуството на огледала позитивно влијае на патниците и придонесува за почитување на општоприфатените норми на однесување. Се покажа дека случаите на вандализам се многу ретки во лифтовите со огледала. Кога човек ќе се види во одразот, тој почнува да се однесува „пристојно“, дури и кога е сосема сам во кабината. Значи, огледалото во лифтот не е само прашање на дизајн, туку еден вид мерка на психолошко влијание врз патникот.

4. Досада

Не е невообичаено на човек кој се вози на мансарда да му здодее, а огледалото е таму „премногу кратко“. Подобро е да го погледнете вашиот одраз отколку во празен ѕид или под. Така, повеќето луѓе често ја „убиваат“ досадата со фотографирање во лифт, што можете да го забележите на социјалните мрежи. ретко кој човек нема селфи од лифт…

5. Помош на лицата со попреченост

Огледалото му помага на лице во инвалидска количка да се качи на лифт без да мора да се сврти во него. Димензиите на лифтот не секогаш ви дозволуваат да се свртите во него во инвалидска количка, во овој случај огледалото помага, гледајќи го одразот, можете безбедно да влезете и излезете од кабината наназад без да се вртите.

The post Не се само за селфија: Огледалата во лифтовите имаат друга „мисија“ appeared first on Република.