Светослав Славков загина во битката во Купјанск – најсеверната точка на активната линија на фронтот во моментот во војната во Украина. Светослав имаше 31 година. Беше  доброволец во 40-от посебен стрелачки баталјон „КОДАК“.

Светљо, како што го нарекуваат неговите пријатели, во бугарските ултрас кругови е познат како радикален  навивач на фудбалскиот тим „Левски“ од Софија.

The post Навивач на Левски загина на фронтот во Украина appeared first on Република.

На граничниот премин Ќафасан, денеска околу 08.20 часот при влез во РСМ, лишен е од слобода А.Д. (21) од Скопје.

Како што информираа од МВР, тој бил баран со потерница поради основи на сомнение за сторено кривично дело насилство  на 27.07.2023 извршено на ул.„Цветан Димов" во Скопје врз навивачи на ФК Левски од Софија.

По целосно документирање на случајот до ОЈО Скопје  ќе биде поднесен соодветен поднесок.

The post Се сеќавате на мечот Шкупи-Левски: Дури денеска е приведен еден навивач appeared first on Република.

Драгомир Андонов, навивач на Левски во интервју за бугарските медиуми раскажа како си поминал во Чаир каде беше повреден од навивачи на Шкупи.Тој вели дека навигацијата ги однела во населбата каде имало многу муслимани.

„Имавме пуштено GPS. Тој го избира најкраткиот пат и почнавме да влегуваме во населба во која имаше доста луѓе по улиците, муслимани. Решивме да продолжиме, но не знаевме каде се наоѓаме, немаше полиција. Се движевме бавно, а сите бевме облечени во сино. Апсолутно никакви провокации не правевме. Сообраќајот стана поинтензивен, имаше семафор. Стоевме и чекавме. Јас седев позади и видов момче на околу 25-30 години како дојде до прозорецот и почна да ме тегне. Шалот ми беше на врат и тој се обиде да го земе. Кога почнав да се тргам, тој ми удри бокс во окото и продолжи да влече. Ја отворив вратата, и другите решија да излезат, а почнаа да се собираат луѓе зад момчето, еден од нив извади штица со која ме удри по главата, имам три конци на главата-вели навивачот на Левски.

Драгомир во прв момент не ни знаел дека е прободен со нож.

„Почнаа да доаѓаат уште луѓе. Целата ситуација траеше помалку од 2 минути. Се фрлаа секакви работи по нашиот и другиот автомобил, ни беше скршен задниот прозорец. Страшен шок. Главата ми крвавеше, од адреналинот не сфатив дека сум прободен. Заставаме да видиме какви се штетите и видов дека целата маица ми е мокра и од сина станала кафеава. Видов дека има многу крв и прободна рана од задната страна. Едното момче кое беше со нас е лекар. Тој ми даде прва помош. Баравме полиција. Пред болницата сум загубил свест“,

The post Прободениот навивач на Левски раскажа како си поминал во Скопје: Навигацијата нѐ однесе во Чаир каде имаше многу муслимани appeared first on Република.

Навивачите на Левски сигурно ги чека казна поголема од 40.000 за навредите кон Македонија и Македонците на мечот против Шкупи колку што добија за нередите во Скопје.

Прво го присвоија Илинденското востание, па имаа „1903“ на трибините, па го  цитираа Тодор Александров, а истакнаа и парола Македонија без „Бугарија огин да ја гори“.

Што е многу многу е, УЕФА е на потег!

https://republika.mk/sport/fudbal/transparent-na-fanovite-na-levski-ako-nekoj-mi-kazhe-deka-ne-sum-makedonets-ke-mu-go-otsecham-jazikot-ako-mi-kazhe-deka-ne-sum-bugar-glavata/

The post „Македонија без Бугарија оган да ја гори“: Дали УЕФА ги прочита транспарентите против Македонија и Македонците? appeared first on Република.

Навивачите на Левски целиот меч против Шкупи го посветија на Македонија и Македонците. Вадеа транспаренти за Илинденското востание, за Тодор Александров, навредуваа...

Но, пред крајот на мечот почнаа да се тепаат меѓу себе па мораше да ги раздвојува обезбедувањето и полицијата.

Причина, некој фан фрлил бакља а останатите му се нафрлиле поради стравот од високите казни од УЕФА.Левски веќе плати 42.000 евра за инцидентите во Скопје.

https://republika.mk/sport/fudbal/transparent-na-fanovite-na-levski-ako-nekoj-mi-kazhe-deka-ne-sum-makedonets-ke-mu-go-otsecham-jazikot-ako-mi-kazhe-deka-ne-sum-bugar-glavata/

The post Навивачите на Левски на мечот со Шкупи се испотепале меѓу себе appeared first on Република.

Навивачите на Левски на мечот против Шкупи имаа политички транспаренти и навредливи слогани.

Најпрво истакнаа транспарент дека за нив „Илинденското востание е Велигден“ за потоа да цитираат мисла на Тодор Александров дека „ако некој му каже дека не е Македонец ќе му го отсече јазикот а ако му каже дека не е Бугар - главата“.

https://republika.mk/sport/fudbal/nova-provokatsija-na-navivachite-na-levski-ilinden-majko-ilinden-za-bugarite-veligden/

The post Транспарент на фановите на Левски: Ако некој ми каже дека не сум Македонец ќе му го отсечам јазикот, ако ми каже дека не сум Бугар – главата! appeared first on Република.

Шкупи повторно е поразен од Левски. На реваншот во Софија прими гол во 101 минута во меч со многу тензии и политика. Гостите од Чаир играа добро, одолеваа на нападите но сепак се поразени.

Навивачите на Левски целиот меч ги навредуваа Македонците а на трибинте се најде и Илинденското востание.

https://republika.mk/sport/fudbal/nova-provokatsija-na-navivachite-na-levski-ilinden-majko-ilinden-za-bugarite-veligden/

The post Шкупи прими гол во 101-та минута appeared first on Република.

Teнзична е атмосферата на мечот Левски-Шкупи. Последните случувања со Илинденското востание се пренесоа и на трибините.

Па така, навивачите на Левски истакнаа транспарент на кој пишуваше:

„Илинден мајко Илинден, за Бугарите Велигден“

The post Нова провокација на навивачите на Левски: Илинден мајко, Илинден, за Бугарите Велигден appeared first on Република.

Управата на Левски ги моли своите навивачи на натпреварот против Шкупи утре да не ги навредуваат гостите поради високите казни од УЕФА. Левски е веќе казнет со 40.000 евра за инцидентите во Скопје.

„Апелираме до навивачите да го поддржат тимот на реваншот против Шкупи во Софија на 3 август без никакви акти на агресија, насилство, расизам, ксенофобија и политички пораки зашто може да добиеме тешки казни од УЕФА“, соопшти Левски.

The post Управата на Левски ги моли своите навивачи да не ги навредуваат гостите од Скопје appeared first on Република.

Бугарскиот Левски е казнет со 40.000 евра од УЕФА за дискриминаторско однесување, вклучително и етнички скандирања и политички слогани, како и за инцидентите во гостинскиот сектор на првиот натпревар од 2. квалификациско коло од Конференциската лига против Шкупи во Скопје.

Информацијата за казната ја сподели клубот.

The post За ширење расизам и ксенофобија: 40 илјади евра казна за Левски од УЕФА appeared first on Република.

Македонскиот претставник во Конференциската лига Шкупи објави дека нема да организира навивачкиот карван на реваншот во Софија против Левски и воедно ги повика своите приврзаници во никој случај да не патуваат самоиницијативно в четврток на дуелот во Бугарија.

Одлуката, како што е соопштено доаѓа по денешниот состанок во Скопје меѓу претставници на македонското Министерство за внатрешни работи, УЕФА и клубот Шкупи.

На состанокот беше потврдено дека нема да биде дозволено присуство на наши навивачи. Ниту еден навивач од нашата држава нема да може да влезе на стадионот, дури и да има билет за натпреварот, се наведува во клупското соопштение.

Македонскиот клуб посочи дека за оваа одлука се известени и водачите на навивачката група „Шверцери“.

Нема да биде определен простор за гостински навивачи и секој што ќе сака да влезе на натпреварот, ќе мора да приложи документ за идентификација. Оваа информација ја споделивме и со навивачката група „Шверцери“, кои се свесни дека патувањето во Софија е невозможно. Шкупи апелира никој да не патува во Бугарија на натпреварот против Левски од Софија, соопшти Шкупи.

Одлуката да се игра без гостински навивачи на реваншот меѓу Левски и Шкупи во рамки на второто коло во Конференциската лига доаѓа по инцидентите што се случија на првиот натпревар во Скопје на кој допатуваа околу 900 навивачи на бугарскиот клуб.

Македонската полиција приведе 21 лице, од кои 19 бугарски навивачи, за нарушување на јавниот ред и мир, а еден навивач на Левски беше прободен со нож во инцидент во Чаир.

Повредениот бугарски државјанин сè уште е хоспитализиран во Скопје и е надвор од животна опасност.

The post Шкупи апелира: Ниту еден наш навивач да не патува во Софија appeared first on Република.

Се појави досега необјавено видео од навивачите на Левски при влегувањето на стадионот пред мечот со Шкупи.На видето јасно се гледа дивеењето на бугарските навивачи и како ја маваат македонската полиција со што стигнат, најмногу со шипки и шишиња кока кола.

Видеото погледнете го тука

https://www.youtube.com/watch?v=stej-4Z23Kc&t=5s

The post Ја тепаат полицијата со шипки: Досега необјавено видео од дивеењето на бугарските навивачи на „Градски“ appeared first on Република.

Бугарскиот кошаркар Николај Вангелов кој беше дел од навивачката група на Левски која беше на мечот со Шкупи раскажа како си поминал во Скопје.Овој кошаркар кој е голем фан на фудбалот и на Левски вели дека македонската полиција кон нив се однесувала грубо, ги мавала и оти има голема нетрпеливост кон Бугарија и Бугарите во Македонија.

Благодарам на навивачите за поддршката Полицијата беше крајно агресивна. Јас бев најпогоден, можеби затоа што сум најголем. Ме тепаа по очи. Ми ставаа лисици, палки, ме клоцаа…,Ништо не направивме, само многу сме омразени кај Македонците, овде никој нема да ви помогне.изјави Вангелов за БТВ.

https://republika.mk/sport/fudbal/navivachite-na-levski-raskazhaa-kako-si-pominale-vo-skopje-ni-baraa-po-300-evra-za-da-ne-oslobodat-n-ostavija-bez-voda/

The post Бугарски кошаркар кој беше со навивачите на Левски раскажува: Maкедонската полиција ме маваше по очи appeared first on Република.

Екипата на Бугарската национална телевизија успеа да разговара со 29-годишниот Драгомир кој неделава беше избоден пред натпреварот помеѓу фудбалските клубови „Шкупи“ и „Левски“ во Скопје.

Момчето е сместен на Одделот за интензивна нега на хирургија во болницата „Свети Наум Охридски“ во Скопје, од каде што им се заблагодари на лекарите кои му го спасиле животот.

Неговата здравствена состојба по оперативниот зафат е тешка, но стабилна. Нема опасност по неговиот живот. За „БТВ“ раскажа дека уште е во шок од она што му се случило.

Лекарите кои се грижат за Драгомир објаснија дека не е препорачливо тој да биде префрлен во болница во Софија пред да му се подобри состојбата, а неговата мајка во петокот пристигнала во Скопје.

Драгомир има тешка убодна рана во пределот на стомакот. Неговиот напаѓач е идентификуван од страна на полиција, но по него се’ уште се трага.

The post Прободениот бугарски навивач им се заблагодари на лекарите кои му го спасиле животот appeared first on Република.

Европратениците од ГЕРБ-СДС Андреј Ковачев, Андреј Новаков, Ева Мајдел, Асим Адемов, Емил Радев и Александар Јорданов побараа остра реакција од челниците на европските институции по претепувањето на бугарските граѓани во Скопје пред фудбалскиот натпревар меѓу „Левски“ и „Шкупи“, соопштија од прес центарот на ГЕРБ.

Во отвореното писмо упатено до претседателката на Европскиот парламент (ЕП) Роберта Мецола, на Европската комисија Урсула фон дер Лајен, до европскиот комесар за проширување Оливер Вархеји и до претседателите на парламентарните комисии во ЕП, европратениците изложуваат факти околу случајот во Скопје, нагласувајќи дека станува збор за сериозни прекршувања на човековите права предизвикани од омраза и го осудуваат агресивниот однос кон Бугарите.

Според европратениците, ваквиот однос не е резултат на фудбалски емоции и страсти, кои не се исклучок за време на спортски натпревари, а главна причина за агресијата е постојаното наметнување непријателски однос кон Бугарија од страна на политичарите во Република Македонија, од медиумите и од академските кругови таму.

Ние констатираме дека политиката на омраза кон Бугарија, која со години ја водат политичарите во Република Македонија, веќе погоди многу граѓани“, се вели во писмото.

Европратениците потсетуваат на редица напади врз бугарски културни клубови во Македонија, напади врз граѓани со бугарска самосвест, одбивање да се дозволи бугарска делегација – вклучувајќи го и д-р Андреј Ковачев – да влезе во земјата.

БТА потсетува дека на 27 јули бугарски фудбалски навивачи беа нападнати неколку минути пред почетокот на фудбалскиот натпревар од Лигата на конференции меѓу фудбалските клубови „Шкупи“ и „Левски“ – Софија на стадионот „Тодор Проески“, при што еден од нив беше примен во болница со убодна рана во пределот на стомакот. Министерот за внатрешни работи на Република Македонија, Оливер Спасовски, соопшти дека идентитетот на напаѓачите е расчистен и се трага по нив. За агресивно однесување и нарушување на мирот уапсени се вкупно 21 фудбалски навивачи, од кои 19 се Бугари.

The post Бугарски европратеници бараат европските институции да реагираат за претепувањето на бугарските навивачи во Скопје appeared first on Република.

Осомниченото лице кое го прободе Бугаринот во моментов е во бегство и полицијата трага по него,/

Лицето за кое постои сомнение дека е директно одговорно за нанесување на тешката телесна повреда на бугарскиот државјанин е идентификувано, но се уште не е лишено од слобода и по него се трага. Обвинителството продолжува да презема дејствија за обезбедување докази со цел целосно расчистување на настанот“, информираа од Јавното обвинителство.

Оттаму посочуваат дека навивачите по вербална расправија со минувачи, навивачите излегле од автомобил при што дошло и до физичка пресметка.

„На 27 јули 2023 околу 18:30 часот на улица Цветан Димов, додека навивачите на ФК Левски се движеле со возила „хонда“ и „фолксваген пасат“ со развиорени навивачки знамиња и други навивачки реквизити, дошло до вербална расправија, по што тие излегле од возилата и настанала физичка пресметка, а еден од навивачите на ФК Левски откако се вратил во автомобилот, во движење бил повреден со остар предмет. Веднаш по настанот, од страна на полициски службеници од СВР Скопје во координација со обвинителството, беа преземени мерки и активности за утврдување на идентитетот на сторителите на кривичното дело насилство. Извршени се службени разговори со повеќе лица, а по документирање на доказите, на 28 јули лишени се од слобода А.Џ. (30), Н.С.(28), Б.Б.(32) и К.И.(28), кои се задржани во полициска станица. По извршена координација со ОЈО Скопје, денеска против овие лица е поднесена кривична пријава по брза постапка за кривично дело насилство и тие ќе бидат изнесени пред судија на претходна постапка“, информираат од МВР.

Обвинителството се сомнева дека уапсените на возраст од 28 до 32 години учествувале во физичка пресметка со навивачи на бугарскиот клуб Левски со што сториле кривично дело, „насилство“.

https://republika.mk/vesti/crna-hronika/odzemane-pasoshi-i-zabrana-za-prisustvo-na-sportski-natprevari-jo-bara-merki-za-privedenite-za-intsidentot-so-levski/

The post Во бегство е осомничениот за прободување на навивачот во Чаир appeared first on Република.

29-годишниот Драгомир е момчето кое беше повредено, прободено со нож, при инцидент меѓу навивачите на Левски и лица од Скопје. Тој е на одделението за интензивна нега. Вчера беше опериран. Неговата состојба е стабилна, но сериозна.

Во Скопје пристигнала и неговата мајка. За медиумите раскажа во каква состојба е, и дали ќе биде пренесен во Бугарија.

„Ѓаволчето е живо, можеше и полошо“, рекла загрижената мајка.

Лекарите не препорачуваат младото момче да биде транспортирано во наредните денови, бидејќи неговата состојба не го дозволува тоа.

На прашањето дали неговите напаѓачи се идентификувани, таа вели:

„Да им оставиме на дипломатските власти. Официјалните власти нека ги тераат работите, како мајка дојдов да го видам. Откако го видов, веќе сум добро, покрај него сум“.

Според неа, само прашање на време е кога ќе се транспортира назад во Бугарија.

Инцидентите меѓу навивачите ги осудија и двете држави.

„Очекуваме надлежните органи во Република Македонија да ги преземат неопходните активности за ефикасна истрага и спроведување на правдата во врска со сериозниот инцидент“, велат од Министерството за надворешни работи на Бугарија.

Шефот на македонската дипломатија Бујар Османи пак повика односите меѓу фудбалските фанови да не се врзуваат за односите меѓу Бугарија и Македонија. Тој потсети дека Министерството за надворешни работи на Македонија веќе ги осуди инцидентите и побара сторителите да одговараат.

The post Мајката на 29-годишниот прободен бугарски навивач: Ѓаволчето е живо, можеше и полошо appeared first on Република.

Основното јавно обвинителство Скопје до Основниот кривичен суд Скопје денеска поднесе Предлог за определување мерки на претпазливост против четири лица за кои е поведена постапка за учество во инцидентот кај трговскиот центар „Чаирчанка“ во кој беше повреден еден бугарски државјанин.

Постои основано сомнение дека лицата на возраст од 28 до 32 години учествувале во физичка пресметка со навивачи на бугарскиот фудбалски клуб „Левски“ со што сториле кривично дело – Насилство согласно член 386 став 4 во врска со став 3 и став 1 од Кривичниот законик. Имајќи ги предвид сите околности на настанот, кој беше предизвикан кога бугарските навивачи со две возила се движеле во близина на трговскиот центар “Чаирчанка” и најпрвин влегле во вербална расправија со случајни минувачи и граѓани, а потоа ги запреле возилата и излегле од нив, по што вербалната расправија преминала во физичка пресметка со група граѓани кои излегле од околните објекти, јавниот обвинител за осомничените предложи неколку мерки на претпазливост: обврска да се јавуваат повремено на определено службено лице во Основниот кривичен суд Скопје, привремено одземање на патните исправи, како и забрана за посетување на определено место – спортски натпревари. Лицето за кое постои сомнение дека е директно одговорно за нанесување на тешката телесна повреда на бугарскиот државјанин е идентификувано, но се уште не е лишено од слобода и по него се трага. Обвинителството продолжува да презема дејствија за обезбедување докази со цел целосно расчистување на настанот, велат од Јавното обвинителство.

The post Одземање пасоши и забрана за присуство на спортски натпревари – ЈО бара мерки за приведените за инцидентот со Левски appeared first on Република.

Полициски службеници од Единицата за насилен криминал при СВР Скопје вчера приведоа четири лица поради насилство извршено врз навивачи на бугарскиот фудбалски клуб Левски на улицата Цветан Димов во скопската населба Чаир, кои самоволно се издвоиле од рутата обезбедена од полицијата и се движеле кон стадионот „Тоше Проески“ во Скопје со цел да присуствуваат на фудбалскиот натпревар ФК „Шкупи“- ФК „Левски“.

„Имено, на 27.07.2023 околу 18.30 часот на ул. Цветан Димов, додека навивачите на ФК Левски се движеле со возила „хонда“ и „фолксваген пасат“ со развиорени навивачки знамиња и други навивачки реквизити, дошло до вербална расправија, по што тие излегле од возилата и настанала физичка пресметка, а еден од навивачите на ФК Левски откако се вратил во автомобилот, во движење бил повреден со остар предмет“, велат од МВР.

Веднаш по настанот, од страна на полициски службеници од СВР Скопје во координација со обвинителството, беа преземени мерки и активности за утврдување на идентитетот на сторителите на кривичното дело насилство. Извршени се службени разговори со повеќе лица, а по документирање на доказите, на 28.07.2023 лишени се од слобода А.Џ. (30), Н.С.(28), Б.Б.(32) и К.И.(28), кои се задржани во полициска станица.

По извршена координација со ОЈО Скопје, денеска (29.07.2023) против овие лица е поднесена кривична пријава по брза постапка за кривично дело „насилство“.

The post Приведени четири лица поради нападот врз навивачите на Левски во Чаир appeared first on Република.

Најважно е да не се ставаат односите меѓу навивачите во корелација со односите меѓу државите или било кои етнички групи или народи, бидејќи тоа е посебен свет кај навивачите и доколку дозволиме така лесно да се направи корелација и прелевање, само ќе направиме штета на односите. Сите оние кои ќе се обидат ова што се случи помеѓу навивачите да го стават во контекст на односите меѓу државите, немаат добри намери кон тие односи.

Ова е пораката од министерот за надворешни работи Бујар Османи, искажана на прес-конференција на која одговараше на новинарски прашање во врска со случувањата поврзани со натпреварот на фудбалските клубови Шкупи – Левски во Скопје.

На прашање од бугарските новинари да ги коментира изјавите од некои бугарски политичари дека со овие инциденти, Македонија се оддалечува од Европа, Османи одговори дека „тоа е жално и некоректно“. Тој повтори дека сите што ќе се обидат да извлечат политички анализи од тензии помеѓу навивачи, тоа го прават злонамерно и не мислат добро на односите меѓу двете држави.

Ставот на МНР на Република Бугарија беше коректен и тоа јас го ценам како однос на бугарската држава. Политичките партии коишто се обидуваат да добијат политички поени на основа на тензии меѓу навивачите, не и мислат добро ниту на Бугарија, ниту на Македонија, ниту на односите помеѓу двете држави, уште помалку на основа на тензии меѓу навивачи да ја процениме европската подготвеност на Македонија, изјави Османи.

https://republika.mk/vesti/makedonija/bugarskoto-mnr-bara-efikasna-istraga-i-pravda-za-povredeniot-navivach-na-levski/

Османи потсети дека МНР веќе ги осудило и побара од надлежните органи да ги преземат сите мерки за да се идентификуваат сторителите и да се изведат пред лицето на правдата.

Тој информира дека и пред натпреварот е комуницирано на ниво на Влада и дека натпреварот е квалификувале како натпревар од висок ризик, а полицијата и МНР ги презеле сите мерки за да не дојде до насилство меѓу навивачите.

Порано во Македонија често имаше вакви инциденти од различни етнички групи и заедници, секогаш ми бил ставот дека не може преку навивачите да се донесат заклучоци во однос на одностие што ги имаат различните етнички групи, а во овој случај навивачите. Тоа е посебен свет во кој навивачите имаат посебен однос и никогаш не треба ваквите случувања помеѓу клубовите, помеѓу навивачите од било кои групи да се ставаат во контекст на политичките односи внатре или помеѓу државите, изјави министерот за надворешни работи.

https://republika.mk/sport/fudbal/bugarskite-ultrasi-se-pofalija-kako-se-sudrile-so-makedonskata-politsija-objaveno-novo-video-od-navivachite-na-levski-na-gradski/

Османи информираше дека повредениот бугарски државјанин е во добра здравствена состојба и е во комуникација со Амбасадата на Р. Бугарија и нашите здравствени власти се однесуваат најпрофесионално за да излезат во пресрет на потребата за згрижување.

https://republika.mk/sport/fudbal/navivachite-na-levski-raskazhaa-kako-si-pominale-vo-skopje-ni-baraa-po-300-evra-za-da-ne-oslobodat-n-ostavija-bez-voda/

Прашан за тоа што вчера имаше песна на бугарска телевизија со тешка содржина во смисла на говор на омраза и навреди кон нас, министерот Османи информира дека веднаш штом кога го добил видеото преку воспоставниот канал за комуникација за пријавување говор на омраза, пријавиле во МНР во Бугарија.

Секогаш ќе има злонамерници и од двете страни, најважно е ние како институции да не дозволиме нарушување на односите и да не дозволиме тие да ни ја диктираат агендата, изјави Османи.

Тој додаде дека има многу стереотипи, многу недоверба, но затоа, подвлече, ќе мора да има барем некој што размислува поинаку и ги анализира, пријавува, презема мерки и се обидува да наметне конструктивна агенда во односите и да се врати довербата помеѓу двете држави.

The post Османи: Oдносите меѓу навивачите да не се ставаат во корелација со односите меѓу државите appeared first on Република.