Како што деновите стануваат сè пократки и постудени во другите делови на светот, грчкиот остров Кос останува засолниште преплавено со сонце, што нуди совршено есенско бегство.Сместен во Егејското Море како дел од живописните Додеканески острови, Кос е познат по своите прекрасни плажи, пријатното време и богатото историско наследство.

Во октомври, овој шармантен остров има просечна дневна температура од 26 степени, а морето сè уште е топло, што го прави идеална дестинација за одмор во подоцнежната сезона.

Со приближно осум часа сонце секој ден, слаб ветер и обично сув октомври, посетителите можат да уживаат во пријатно време. Облачноста постепено се зголемува како што напредува месецот, но почетокот на октомври сепак нуди непрекинато сонце и идеални услови за на плажа.

Гужвата од туристи е намалена, што овозможува порелаксирано искуство на популарните атракции и плажи. Тоа е фантастично време за истражување на шармантните градови на островот, како што е градот Кос со своите живописни улички и пазари.

Ноќевање во пристојни хотели на Кос во октомври може да најдете и за 27 евра за две лица, а летовите дотаму се доста поевтини отколку во летната сезона.

Извор: Б92 патувања

The post Морето е топло, хотели има и за 27 евра: Грчки остров идеален за летување во октомври appeared first on Република.

Еден член на групата „Грчка инфо“ го постави прашањето „Дали може да се помине денот на море со 10 евра?“ и доби голем број потврдни одговори.

Секако дека може. Донесете си храна од дома, наполнете го фрижидерот, купувајте по пазари. Некои денови одете на лежалки, некои не, секогаш имате гиро за богат а евтин ручек. Доволно е ако знаете да уживате. Море, сонце и сенка. Во моето семејство сме петмина, во просек се доволни 10 евра по човек, т.е. 50 евра дневно, напишал еден корисник.

Други потенцираа дека е многу важно да се пазари во маркет и да се подготвува храна во апартманот, а други додаваат дека голема заштеда е ако ги избегнувате лежалките и бич баровите. Има и такви кои веруваат дека најдобар начин да заштедите е навечер да не излегувате по кафулиња, туку да пиете на тераса.

Шампион на штедење пензионерката Љубица, која тврди дека само 10 евра дневно и се доволни за целиот одмор, поточно 11 дена на море.

Секако дека е можно. Јас и мојата пријателка ставаме 10 евра во заеднички паричник и тоа е тоа секој ден. Доволно е за 11 дена. Пиеме кафе во апартман, не јадеме леб, не пиеме сокови или други пијалоци, купуваме кисело млеко, зеленчук и овошје, а од дома носиме сувомеснато и готвиме нешто набрзинка. Верувале или не, никогаш повеќе не сме потрошиле. Но, сепак, ние сме пензионерки, а младите сигурно имаат поинакви потреби, вели таа.

The post Може ли да се летува во Грција со 10 евра на ден? appeared first on Република.

Во рамките на фејсбук-групата „Летување во Албанија - Албанија.рс“, Владимир објави дека никогаш повеќе не би летувал во Шенѓин, Албанија, а во коментарите, покрај истомислениците, имаше и корисници кои ги споделија своите убави искуства на ова туристичко место.

Главната забелешка на Владимир се гнасните плажи и немањето паркинг.

Моментално сме во градот Шенѓин, искрено сега и никогаш повеќе, во цело место има само две јавни плажи на кои може да се стави своја крпа. Две лежалки и чадор се осум евра или повеќе, плажите се прилично валкани, што секако зависи од луѓето кои ги користат! Rana e Hedhun е поубава плажа, но возењето 20 минути секој ден на оваа жештина, за едвај да се најде паркинг е бесмислено! Можеби ќе посетам некое друго место во Албанија во иднина, откако ќе го избришам овој одмор од сеќавањата, напиша Владимир.

Под неговата објава се најдоа различни коментари.

Каде и да одите и сакате да изнајмите лежалки, ќе платите повеќе отколку во Албанија... Албанија уште се развива туристички. Има многу луѓе и сè треба да се уреди и исчисти...Сум билa во Ксамил и Саранда и јас сум презадоволна, напиша една госпоѓа.

 

Бев таму пред две години, нaсекаде кажував колку е уредна плажата... очигледно ја расипале, напиша еден господин.

 

И јас никогаш повеќе. Бев во Драч и за среќен пат добив скршен прозорец на колата. Кога и да го објавам ова тука, администраторот не ми го одобрува статусот за објава. Топла препорака до сите - не одете на одмор во Албанија, има многу поубави места на други дестинации за истите пари, а сепак не сте на непријателска територија, заклучи тој.

The post „Сега и никогаш повеќе“ вели Владимир за летувањето во Албанија appeared first on Република.

Патниците од Србија кои планираат одмор со автобус повеќе нема да можат да носат неколку куфери и торби. Според новите правила, тие се ограничени на еден куфер до 23 килограми и еден рачен багаж. Многу Срби се навикнати да носат храна во еден куфер, гардероба во друг и дополнителен замрзнувач, столчиња за плажа, чадори...

Доколку превозникот може да смести дополнителен багаж, патникот ќе треба да плати 30 евра по куфер.

Туристичките агенции велат дека ова се прави поради безбедноста на туристите и прекумерната тежина во автобусите.

The post Лошо време за патлиџан туристите: На летување со автобус смее само еден куфер, другиот ќе се плаќа 30 евра appeared first on Република.

Пред почетокот на главната туристичка сезона во Албанија, а имајќи го предвид фактот дека голем број македонски граѓани летуваат на тамошното крајбрежје, Македонската амбасада во Тирана информира за телефонските броеви, на кои може да се јават во случај на потреба.

И оваа сезона потсетуваме на важните телефонски броеви на кои македонските државјани кои ќе летуваат во земјата ќе може да се јават доколку имаат потреба. Дежурен телефон за итни случаи на македонската амбасада во Тирана: (Global Sos): +355 6890 19198 (+Viber+Whatsapp) амбуланта 127, полиција 129, итна служба 112, се наведува во соопштението на македонската амбасада во Тирана, објавено на Фејсбук страницата на амбасадата.

Македонските туристи се меѓу најбројните, по косовските, кои летните одмори ги минуваат на албанското крајбрежје, пред сè во Валона, Драч и Шенѓин.

Во просек годишно, главно во летната сезона одмараат над 300 илјади македонски граѓани.

The post Отворен број за итни случаи за македонските граѓани кои ќе летуваат во Албанија appeared first on Република.

Покрај цената на сместувањето, патувањето, храната, има уште една ставка која претрпе поскапување.

Пари за сместување, патување, екскурзии, дневни трошоци и – за такса за чистење. Оваа последна ставка не треба да се заборави кога станува збор за резервација на одмор.

И иако не е новост дека оваа такса за уредување ја бара и личноста од која земате приватно сместување, сепак многумина беа изненадени од моменталните цени, пишува Nova.rs.

Искуството покажува дека оваа такса во претходните години, особено на AirBnb беше 10, максимум 15 евра.

Сопственикот на сместувањето на тој начин се осигура дека апартманот после вас ќе биде уреден како што бил кога сте влегле и подготвен за нови гости.

Сега, еден конкретен случај од Ровињ, како што изјави корисникот на социјалната мрежа Х, покажува дека може да достигне и до 35 евра.

Gledam apartmane na moru, pošaljem poruku, odgovori gospođa i doda na kraju, još 35 e završno čišćenje.Nije da me nije iznenadilo.Pitam otkud to, kaže to već par godina praktikuju.

— Dragana (@Dragana03882361) March 13, 2024

А ако ја прочешлате понудата на AirBnb за хрватското крајбрежје, ќе видите дека просечната такса за чистење сега е нешто повеќе од 20 евра, но има и многу кои бараат повеќе од 30 евра. Во Црна Гора тие цени се движат од 10 до над 50 евра.

За некои станови оваа ставка воопшто не постои, но немојте да се чудите доколку сопственикот ве извести за тоа подоцна, при резервација.

И додека некои посочуваат дека во сѐ има логика бидејќи луѓето знаат да остават прилично хаос кога ќе излезат од сместувањето, мнозинството се непријатно изненадени бидејќи, како што велат, тоа веќе не е симболичен дополнителен трошок за летување.

Ima logike jer znam čoveka koji izdaje app na moru i svaki put ga iznenadi činjenica koliko narod može da bude štrokav

— BG (@beogradjanka00) March 14, 2024

The post Непријатно изненадување за туристите, дополнителниот трошок за сместување на море не е веќе само симболичен appeared first on Република.

Многумина сметаат дека септември во Грција, кога гужвите и жештините стивнуваат, е најдобро време за вистински одмор и уживање. Оние што редовно го одбираат овој месец за летување, како најдобар избор ја издвојуваат Лефкада. Еве зошто:

Морето на Лефкада е најтопло во септември

Иако првата грижа поврзана со одморот во овој период е температурата на морето, водата на островот е всушност потопла во септември отколку во јули и во август. Обично е околу 28 степени. Ова значи дека, ако и онака планирате одмор надвор од главната сезона, септември е многу подобра опција од јуни. Според искуствата на туристите споделени со „Грчка инфо“, морето може да биде прилично студено во јуни.

Пријатно време

Температурата на воздухот во текот на септември во Лефкада се движи од 25 до 30 степени, што е идеално за многумина. Сè уште можете да пливате, да се сончате и да уживате во сите летни и морски активности, но без жештината што ја носи шпицот на сезоната. Исто така, ноќите се посвежи, па спиењето е многу попријатно.

Пријатното време дополнително го олеснува и истражувањето на Лефкада и нејзините плажи, особено што некои од најубавите плажи на островот имаат малку потежок пристап. Благодарение на пониските температури можете цел ден да го помините на плажа, што е голема предност во Лефкада.

Помалку туристи - помалку гужви

Гужвите знаат да бидат неподносливи и да го расипат патувачкото искуство и уживањето на плажите и атракциите, но од друга страна и летување во целосна пустелија не е најдобро.

Лефкада во септември има совршен баланс - има помалку туристи отколку во јули и август, што многумина ги радува и им го подобрува престојот, но островот е сè уште жив и посетен. Кога сакате да бидете малку осамени и да имате целосна приватност, има бројни заштитени плажи и заливи каде никој нема да ви пречи.

Полесно движење околу островот

Потребно е возило за да се доживее Лефкада во полн сјај. Неговите најубави плажи и атракции се расфрлани низ островот, па повеќето луѓе поминуваат дел од денот возејќи. Секако, со помал број на туристи, има и помалку возила во оптек, така што полесно и побрзо се доаѓа до вашата дестинација и поминувате помалку време во автомобилот.

Не треба да се занемари ниту патот до Лефкада од Македонија, па без гужви на патиштата и на границите многу полесно ќе се помине.

Пониски цени

Една од важните предности на летувањето во вонсезона се попристапните цени за сместување и сите други содржини. Искуството покажало дека дури и цените во продавниците, сувенирниците и другите продавници наменети за туристи се значително поевтини.

Сместување

Со пониски цени полесно е да се избере и добра сместувачка база во септември. Иако во нашите туристички понуди предничат аранжманите за Нидри, токму поради поповолното сместување во однос на другите одморалишта на Лефкада, сепак, туристите кои биле таму главно се согласуваат дека Нидри не е најдобриот избор, пред сè затоа што се наоѓа на помалку атрактивната источна страна на островот, каде и морето и околината се полоши.

Со пониски цени, местата како Василики и Агиос Никитас и други кои се поблиску до западната страна, каде што можете да најдете речиси сè за што доаѓате во Лефкада се попристапни.

The post Со најтопло море и најниски цени ова е најдобро место за одмор во септември во Грција appeared first on Република.

Собирајќи ги минималните дневни трошоци на едно четиричлено семејство, на одмор на црногорското приморје - за сите три оброци, сладоледи, две кафиња, лежалки, чадор, педалинка - потребни се меѓу 70 и 100 евра на ден.

По 17 часот, гостите можат бесплатно да користат лежалки и чадори на плажите на будванската ривиера, освен ако, се разбира, не му припаѓаат на некој хотел. Сепак, за оние кои се седум или 10 дена на море и кои целиот ден го минуваат на плажа, ваквото задоволство чини 15 - 40 евра зависно од плажата. Секако, има и ексклузивни места, како „Свети Стефан“ или „Кралските плажи“, каде што оваа привилегија чини и до 200 евра.

На градската плажа во Будва, еден „обичен ден“ чини минимум 70 евра. Ако децата сакаат да се возат на педалинка или да скокаат на трамболина еден час на вода, тоа е по 20 евра повеќе. Секако, тука е и Забавниот парк близу „Словенска плажа“, крофни коишто мирисаат на чоколадо, кафулиња што нудат оброк и освежување, примамливи сувенири - сѐ тоа може да значи потрошен денар повеќе.

The post Ден одмор во Црна Гора чини 70 – 100 евра, во просек appeared first on Република.

1.30 часот е по полноќ, а кај Дрво декор стотици граѓани чекаат на тесниот тротоар за вратите од петте паркирани автобуси да се отворат. Пристигнуваат автомобили со нови патници, такси возила, други пак пеш со ранец доаѓаат од кеј. Се носат чадори, фрижидерчиња, сламени простирки. Други се наоружале само со шешир и очила, подготвени да се борат за лежалки.

Ваква е сликата секој викенд пред паркингот кај „Холидеј ин“ каде и годинава се собираат оние кои уплатиле еднодневно капење на грчките плажи. Најмалку два автобуса ќе се упатат кон првиот крак, еден со поблиска дестинација - Неа Каликратија или Неа Флогита, друг кон Паралија, а возило има и за Албанија, за плажата во Шенѓин.

Се тргнува во 2 часот, во случај гужвата кај „Богородица“ да се собрала уште рано рано. Ама, затоа, пак, во 8 часот по грчко време, автобусот те остава на плажа. Имаш најмалку 10 часа да ги поминеш покрај море, да се сончаш или да се криеш под сенка, да пливаш или само да го дишиш морскиот воздух. За појадок сендвич или кроасан од дома, за ручек - никогаш доста од гиро. Едно кафе или цеден портокал, многу вода...

За многумина оваа еднодневна екскурзија е единствениот излет кој можат да си го дозволат, а да се на море. Некои не ги добиваат слободните денови кои им следуваат. Причините се различни, ама автобусите, како и претходните години - се полни.

И јас и сопругот работиме за приватници, па лани не успеавме да се поклопиме во деновите за одмор. Решивме да ги испробаме овие понуди, како најисплатливи за нас. Наместо тој да вози и да се грижиме за гужвите и колоните на граница, и двајцата спиеме на седиште, се будиме на плажа, уживаме, па до 23 часот сме дома. Можеби е малтретирање, но и патот и парите се подобри од одење во Охрид, вели патничка. 

 

Самохрана мајка сум и ова ми е единствен начин да го одведам детето на море, утре да не мора да се срами пред другарите кои летуваат во Грчка и тоа по два пати, вели друга жена.

 

Три другарки сме, никоја не вози, па овие опции ни се топ, вели патничка. 

Меѓу најчестите поплаки на патниците се лошите услови кои некогаш ги пречекуваат во овие автобуси. Расипано столче, пресилна клима, никаква клима, луѓе што заборавиле дека не се возат сами...Но, и следниот викенд се бара место повеќе.

Во коментарите под огласите за ваквите излети на „Фејсбук“, пак, секогаш има некој што вели дека еден ден е само малтретирање, пат кој не се исплати, зошто им се полнат џебовите на Грците...

Она што им е заедничко и на едните и на другите, е што постојано се бара овие тури да се организираат со една или две ноќи преспивање, но од туристичките агенции кои ги нудат овие ексурзии велат дека тоа е невозможно.

Кој ќе изнајми соби за 50 души само за една ноќ и тоа сред сезона?, велат од една туристичка агенција.

 

Гледаме да организираме викенд екскурзии кога има продолжен викенд или при крај на сезона, но и тоа знае да биде прескапа опција за граѓаните и да останат празни места, велат од другата агенција.

Годинава цените од Скопје за Грција за еднодневна ексурзија се движат од 1100 до 1300 денари, во зависност од крајната дестинација. За деца се плаќа некоја стотка поевтино. Граѓаните кои на своја рака организираат викенд со преноќување, односно да одат со автобусот во сабота а да се враќаат со оној во недела, плаќаат две карти.

The post Еднодневно капење во Грција: Убав излет или малтретирање? appeared first on Република.

Летувањето наместо одмор од соништата лесно може да се претвори во пекол, меѓу другото, доколку не внимавате кога резервирате сместување. Измамници има насекаде, особено на „Фејсбук“, предупредувааат од големата група со информации „Грчкаинфо“, во која се споделуваат искуства околу летувањето во Грција од корисници од целиот Балкан.

Таму, еден оштетен корисник се пожали на газда на апартмани во Грција:

Би сакал да предупредам за Е.М. која нуди станови во Неа Каликратија. Апартманите се многу валкани, пола работи не функционираат, затнати одводи во бањата, постелнини со флеки. Тој е од Србија. Платив однапред. Сместувањето го добив, тоа не е спорно. Но, ужасно е валкано и нефункционално. Ви испраќам фотографии да ги видите, напиша оштетениот А.Ѓ..

Затоа администраторите на групата испратија важно предупредување.

Не можам да разберам зошто сè уште резервирате одмори во Грција преку фејсбук-групи, огласи за сè и сешто и слични непроверени места кои се жаришта на измамници. Ова е трет или четврти пат во последните два месеци корисници да нè информираат дека добиле сместување кое не е употребливо за престој. За среќа, речиси никој не пријави дека повторно бил измамен за пари, како што имаше случаи лани. 

Напоменуваат дека сега повеќе лица им се пожалиле на едно исто сместување.

Имам име и презиме, го знам градот во кој живее во Србија и имам фотографии од тоа негово запуштено и валкано место што им го издава на наши луѓе во друга група. Но, мислам дека е сосема доволно, наместо да ги објавам тие информации, повторно да ве предупредам сите да не резервирате одмор во Грција од личност која не ја познавате, која никој не ви ја препорачува, која не сака да ве покаже договорот дека тој е  сопственик на местото за издавање и избегнува видео повик од вас, пишува администраторот на „Грчкаинфо“.

Администраторите повторно апелираа и строго да внимавате кому праќате пари.

Проверете сè што можете, побарајте договор, побарајте пасош за проверка (и сопствениците ви бараат вас, па можете и вие нив како физички лица), побарајте да се чуете преку видео повик... 

The post Непријатни измами со aпартманите во Грција, на кои паѓаат многу наши туристи appeared first on Република.

За многумина, септември го означува крајот на сезоната за патување, но за некои, тој нуди одлична можност да се спакуваат и да заминат на одмор.

Еве зошто е одлично да одите на одмор во септември:

1. Поголема заштеда

Бидејќи е сезона за одење во училиште, многумина не го избираат септември како месец за патување. Токму поради тоа, цените на трошоците за превоз и сместување може значително да опаднат. Дополнително е тоа што во овој месец неретко можете да сретнете и одредени попусти. Доколку и вие сте од оние коишто завршиле со училишните и факултетски обврски, септември е одличен месец да ја пронајдете вашата дестинација за одмор.

2. Избегнување гужви

Ова е дополнителен поттик за патување во септември, особено за оние коишто сакаат да ги избегнат гужвите и сообраќајниот метеж. На некои луѓе ова им пречи и им ја исцрпува енергијата, но овој месец е период којшто нуди посмирени посети на омилените дестинации.

3. Пониски цени за сместување

Луксузните дестинации честопати ги рекламираат своите најголеми попусти на крајот на летото и за време на раната есен. Во септември можете да пронајдете големи попусти дури и на местата каде што отсекогаш сте посакувале да одите. Искористете го овој период и пружете си себеси и на вашите најмили одмор од соништата.

4. Времето е пријатно

Иако септември веќе ја најавува есента, времето може да биде навистина прекрасно. За сите оние коишто сакаат да ги избегнат летните горештини и сакаат да се опуштат во умерено и пријатно време, септември го нуди сето тоа.

5. Имате можност за вонсезонски активности

Додека пропуштате некои сезонски активности, секогаш постојат нови можности коишто ви ги нуди токму септември. Во зависност од вашата посакувана дестинација, ќе имате можност да искусите многу вонсезонски активности коишто ќе ви ги збогатат вашите спомени.

6. Поголеми попусти на потребните работи

Доколку отпатувате во септември, ќе имате можност да ги купите потребните работи, а притоа да заштедите. На пример, ќе можете да купите костум за капење по доста пониска цена, производите за сончање ќе ве чинат помалку, а исто така ќе заштедите и ќе имате средства да си дозволите да купите и други работи во коишто би уживале.

The post Од крем на попуст до плажи без пискави деца – зошто да одберете одмор во септември? appeared first on Република.

Ако одите на одмор на море со вашите деца, треба да бидете внимателни при влегување во водата.

Иако на рв поглед тоа не може да се забележи, морето крие многу морски струи, кои може да бидат смртоносни, доколку не изреагирате на вистински начин доколку бидете зафатени од некоја таква струја.

Една од најголемите опасности претставува таканаречената РИП струја, за која е карактеристично дека е толку поопасна колку што се обидувате да и се спротивставите и да „ја победите“.

РИП СТРУЈА (Rip currents):

Ако видите празен и тивок простор помеѓу брановите (како на сликите), не дозволувајте да влезете вие или особено вашите деца во водата.

Просторот помеѓу двете стрелки е всушност повратна сила на струење на водата. Ова е многу силна струја која нема да ви дозволи да се вратите на брегот, туку ќе ве одвлече далеку во морето.

За да излезете од неа, не треба да се спротивставувате, туку следете едноставно правило кое може да ви помогне да излезете од прегратките на водата и повторно да стапнете на суво.

Идејата е дека не мора да паничите и да се борите со струјата. Таа „работи“ на околу 100 метри од брегот - тоа е растојанието на коешто обично може да ве однесе.

Откако ќе почувствувате дека силата на струјата се намалува, почнете да пливате паралелно со брегот. Во моментот кога ќе можете да го правите тоа, а водата не ве турка назад, тргнете директно кон плажата користејќи ги брановите за помош.

The post Ако во морето забележите вакво нешто НИКАКО не влегувајте во вода, морската струја може да ве одвлече без да може да ви се помогне appeared first on Република.

Порталот „Пари“ ги разгледа цените на охридското и струшкото крајбрежје, како и сместувањата во Дојран, но чепна и по планинскиот туризам во Маврово, Берово и во Крушево.

Како параметар ја зедоа понудата за едно четиричлено семејство со две деца – едно 5 години, а едно 14 години. Пребарува колку чини сместување во последната недела на јули и колку во првата недела од август.

Охрид

Пребарувачот на платформата Booking даде исти резултати за една недела престој, било да е тоа последната недела од јули (од 25 до 31 јули), или пак првата недела од август, од 1 до 7 август. Најнискиот износ, за двата термина, што го „исфрли“ Booking за 6 ноќевања за 4 лица е 12.927 денари за простор од 50 квадратни метри – со две спални и кујна, во реновирана гаража, како што навел самиот газда, лоцирана на 2,6 километри од плажата Сараиште. Највисокиот износ пак, го понуди „Вила Бела“ – 182.081 денар за 6 ноќи. Всушност, станува збор за наем на два апартмана (вилата нема класично сместување за 4 лица), при што едниот е делукс сместување за двајца за 6 ноќи по цена од 73.128 денари, а другиот апартман е сместување наменето за 3 лица со вкупна цена од 108.953 денари. Во аранжманот е вклучен и доручекот. Вилата се наоѓа меѓу Лагадин и Елшани. Со исто име „Вила Бела“ се нуди уште еден сместувачки објект, но тој е во Стариот град во Охрид и цена за 6 ноќи за четиричлено смејство е 53.553 денари.

Интересен податок е што според Booking 92 отсто од пријавените капацитети на оваа платформа, веќе не се слободни за последната недела од јули, додека за првата недела од август веќе се резервирани 93 отсто од капцитетите.

Но, ако се разгледаат огласите по рекламните веб страници може да се видат и понуди за апартманско сместување (со сопствено купатило и со кујна) од по 450 денари по човек. Тоа значи дека ако не се наплати спиење за дете до 5 години, во овој случај една ноќ чини 1.350 денари, но ако се наплати и кревет и за 5-годишното дете, тогаш пресметките покажуваат 1.800 денари за ноќ.

Целото истражување на Пари

The post 2.000 денари од ноќ во реновирана гаража во Охрид, во Дојран веќе нема место appeared first on Република.

Грција се стреми, како што се приближува летниот период, така постепено да ги укинува рестриктивните мерки наметнати од пандемијата, а до Велигден, според најавите од министерот за здравство, се очекува да се олабават низа рестрикции, јави дописничката на МИА од Атина.

Сепак, Плеврис, но и грчките епидемиолози паралелно потенцираат дека пандемијата не е завршена, станува збор за динамична ситуација и конечните одлуки лесно можат да се променат.

Во секој случај, пораките се дека било која мерка што се укинува, од септември можеби да биде потребно одново да се разгледа и евентуално повторно да се воведе.

Минатава седмица беше соопштено укинување на неколку мерки што се однесуваат на казните за невакцинираните граѓани над 60-годишна возраст, на задолжителните селф тестовите, односно тестовите за домашна употреба за учениците и просветните работници и на исполнетоста на стадионите.

Од 15 април привремено ќе се укине административната месечна казна од 100 евра за невакцинираните граѓани кои се над 60-годишна возраст, а мерката, што беше воведена на средината на јануари, одново ќе се разгледа во септември.

Стадионите ќе функционираат со целосна исполнетост, а учениците и вакцинираните просветни работници ќе прават само еден селф тест седмично.

Претходно пак, на почетокот на месецов се укина задолжителната маска на отворено, а од пред десет ден, повеќе не е потребно пополнување на ПЛФ формуларот за патување во Грција.

Ова, засега останува и единствената промена во однос на туристите. Правилата за влез во Грција остануваат непроменети, потребен е документ за Ковид-19, кој исто така важи и за пристап во речиси сите објекти во земјата, без разлика дали се продавници, кафулиња, ресторани, таверни, музеи, археолошки локалитети, кина, театри, спортски објекти итн.

Сепак, како што веќе неколку пати има објавено МИА, сертификатите за вакцинација и прележана болест имаат различно времетраење за патување во земјата и различно за влез во просторите во внатрешноста на Грција.

За патување, сертификатот за вакцинација е со важност од девет месеци по втората доза и без ограничувања по примена бустер доза, потврдата за прележана болест трае 180 дена, а доколку се патува со негативен тест, треба да биде направен 72 или 24 часа претходно, во зависност од тоа дали е ПЦР или рапид.

Во внатрешноста на Грција, сертификатите имаат помало времетраење,  па така, иако за влез во земјата европскиот сертификат за вакцинација и прележана болест важат девет месеци по втората доза и шест месеци по првиот позитивен тест, за влез во затворените објекти во земјата, валидноста е помала, односно седум месеци за сертификатот за вакцинација и 90 дена за потврдата за прележан Ковид-19.

За оние кои примиле бустер доза нема никакви ограничувања.

Документот поврзан со Ковид-19, речиси секаде во Грција, при влез во објектите, се скенира со специјална апликација, потребен е и документ за лична идентификација, а исклучок се супермаркетите, аптеките, продавниците за храна,бензинските пумпи.

Невакцинираните и понатаму не можат да влезат во затворените простори, а за надворешните делови на угостителските објекти потребно е да имаат негативен тест.

Маската, и понатаму е задолжителна во затворените простори, а постои силна препорака за употреба и на отвоорено доколку постои гужва.

Во изминатиот период, во Грција има зголемување на бројот на нови случаи на Ковид-19, што веројатно се должи на брзото ширење на подваријантата на Омикрон, меѓутоа и според епидемиолозите и според министерот за здравство, овој пораст не носи притисок врз здравствениот систем.

Доколку се анализираат официјалните податоци на Националната организација за јавно здравје на Грција, во изминатите 15 дена, во просек дневно имало по 21.100 новозаразени и по 48 смртни случаи од Ковид-19.

Од почетокот на пандемијата во Грција потврдени се 2.900.334 случаи на Ковид-19 и починаа вкупно 27.160 лица.

The post Летување на раат: Грција планира до лето да се укинат сите рестриктивни мерки appeared first on Република.