Според Службата за климатски промени Коперник, летото 2024 година било најтопло на Земјата досега.

Исто така, беше најтопло низ Европа со 1,54 Целзиусови степени над долгорочниот просек 1991-2020 година, надминувајќи го претходниот рекорд од 2022 година.

Август беше, исто така, 13-тиот месец во 14-месечен период каде просечната температура на светот надмина 1,5 Целзиусови степени над прединдустриските нивоа.

Од 2009 година, летните месеци се постојано потопли од просекот.

Досега оваа година глобалната просечна температура беше 0,7 Целзиусови степени над просекот од 1991 до 2020 година, што е највисока досега.

Затоа, сè поверојатно е дека 2024 година ќе биде најтоплата година досега на глобално ниво, според Коперник, надворешна климатска служба на ЕУ.

Дури и минатата година глобалните просечни температури достигнаа рекордно високо ниво. Низ целиот свет видовме топлотни бранови и екстремни временски влијанија.

Заменик-директорката на Коперник, Саманта Бурџис, рече: „Екстремните настани поврзани со температурата на кои сведочевме ова лето само ќе станат поинтензивни“.

Низ Европа, температурните рекорди беа срушени во текот на летото. Австрија го имаше најтоплото лето досега. Шпанија го имаше најтоплиот август, Финска најтопло лето, а Швајцарија втор најтопол август.

Додека топлината низ Европа беше насочена кон јужните и источните области, беше посвежо низ Република Ирска, Британија, западните делови на Португалија, Исланд и јужна Норвешка.

Додека човечките активности се најзначајната причина за глобалниот пораст на температурата, рекордната топлина во 2023 година и во 2024 година е зголемена од природниот климатски модел на Ел Нињо.

Ел Нињо – природно затоплување на температурите на морската површина во источниот дел на Пацификот – беше забележан од јуни 2023 година до мај 2024 година. Во тоа време, повисоките температури на морската површина додадоа повеќе топлина во атмосферата. Иако сега е завршен, неговиот удел во зголемувањето на глобалната температура ќе има влијание врз целата 2024 година.

Научниците од Австралиското биро за метеорологија веруваат дека Пацификот ќе влезе во постудената фаза на Ла Ниња во наредните месеци, објави Би-Би-Си.

The post Летото 2024 е најжешко досега appeared first on Република.

Предупредување за влошување на временските услови им стигна на сите кои во моментот се во северна Грција. Метеоролозите алармираат дека во текот на утрешниот ден од раните утрински часови се очекуваат неповолни временски услови, пороен дожд, невреме, грмежи...

Се советува да не излегувате надвор освен ако не е е апсолутно неопходно.

Ве советуваме да не ги паркирате автомобилите на угорници, бидејќи ваквите улици најчесто се претвораат во порои кои носат се пред себе директно во морето. Паркирајте ги автомобилите на попречни улици. Се очекува невремето да трае до пладне, а веќе од петок температурите повторно да бидат високи, а времето да биде сончево.

 

View this post on Instagram

 

A post shared by Nikana.gr🔹Letovanje u Grčkoj (@nikana.gr)

The post Стигна предупредување до сите кои летуваат на Халкидики, Тасос, Солунско, Олимписка ривиера… appeared first on Република.

Сезоната во Црна Гора само што започна, а оние кои веќе се таму уживаат бидејќи нема гужви, а морето е невообичаено топло за ова време од годината

Морето е навистина изненадувачки топло и е вистинско задоволство бидејќи нема многу туристи. Мирно е и не налетувате на никого, како да не сте во Црна Гора, споделува туристка за „92travel“, која во моментов е во Тиват.

Сепак, за да уживате под чадор и на лежалки, секако, треба да потрошите пари.

Во Тиват моментално комплет лежалки и чадор ви требаат 15 евра, додека на плажите надвор од градот за комплет бараат и 20 евра, споделува таа.

Што се однесува до другите цени, за фрапе на плажа треба да потрошите 2,5 евра, а за парче пица од три до три и пол евра.

The post Морето во Црна Гора е потопло од обично, ни цените не се страшни, велат првите туристи appeared first on Република.

Многу астролози веруваат дека претстојното лето во 2024 година ќе биде особено среќно за овие 3 хороскопски знаци:

Овен

Летото за Овенот може да биде време на интензивни активности и личен раст. Потоплите денови им ја зголемуваат самодовербата и храброста, што може да ги поттикне да бидат уште повеќе посветени на своите цели.

Овните се познати по својата страствена природа, па овој период би можел да биде идеален за започнување на нови проекти или активности кои ги исполнуваат. Во текот на летото, тие ќе бидат особено инспирирани да преземат иницијатива во животот и да направат позитивни промени.

Јарец

Во текот на летото, Јарците ќе уживаат во интроспективна рефлексија и поставување на темелите за иднината. Преку интроспекција и самоевалуација, Јарците можат да откријат нови начини за постигнување на своите долгорочни цели.

Овој период може да биде поволен за развој на стратегии и планови кои ќе им помогнат да ги остварат своите амбиции. Јарците се познати по својата способност, дисциплина и посветеност, па летните месеци би можеле да бидат време кога енергијата ја насочуваат кон активности кои се во согласност со нивните долгорочни визии и цели.

Водолија

Водолиите можат да доживеат среќа во текот на летото преку нивната способност да се поврзат со другите на подлабоко нивоа и да ја изразат својата креативност на различни начини. Овој период ќе им даде можност да истражуваат нови идеи, да запознаат инспиративни луѓе и да се вклучат во проекти кои ја одразуваат нивната автентичност и оригиналност.

The post Лето за паметење е пред овие хороскопски знаци appeared first on Република.

Граѓаните кои планираат да го поминат летувањето покрај црногорското приморје, ќе мора во буџетот да ги планираат и дневните наплати за паркинг место, без разлика што ќе престојуваат во хотел. Истото важи и за плаќањето на лежалки и чадори на плажа, без разлика што таа припаѓа на хотелот. За двете ставки треба да одвоите од 10 до 15 евра дневно, пренесува „Новости“.

За жал, ваквата практика на хотелиерите не е нова, а според директорот на Националната асоцијација на туристички агенции (ЈУТА), Александар Сеничиќ, не се ни крие.

Црна Гора има голем проблем со недостигот на паркинг места во текот на сезоната. Конкретно, на Словенска плажа во Будва одамна е актуелно плаќањето паркинг место, бидејќи има 400 соби, а хотелите користат дел од јавниот паркинг. Тие закупуваат само по дваесетина места за гостите, објаснува тој.

Според Сеничиќ, тоа е пракса секаде во светот, иако туристите сметаат дека паркингот на повеќе места е вклучен во цената.

Патниците често се изненадени, но во општите услови хотелот наведува што е вклучено во цената. Како одговорен купувач, туристот треба да ја прочита програмата пред да склучи договор со агенцијата, смета Сеничиќ.

Кога станува збор за користењето на лежалки и чадори, хотелиерите повторно мораат да изнајмат дел од плажата поради пребукирање. А, според Сеничиќ, за да ги вратат вложените пари - ќе ги бараат од туристите.

За 110 евра дневно колку што го плаќам хотелот, очекував барем бесплатно и да не го носам паричникот на плажа за да платам лежалки, се пожали Маја С, жителка на Белград.

Таа непријатно се изненадила кога сфатила дека и покрај „ол инклузив“ пакетот во еден од луксузните хотели во Будва, во него не е вклучен паркингот или бесплатно користење на лежалки на плажа.

The post „На 110 евра дневно и за ова ли треба да плаќам?“: Туристите во Црна Гора се жалат на скапотијата appeared first on Република.

Британскиот „Which?“ спроведе истражување анализирајќи повеќе од 4.500 аранжмани кои сè уште се достапни за резервација ова лето преку нивните туристички агенции. За нив трите најевтини дестинации за одмор во Грција се островите Калимнос, Тасос и Лефкада.

Просечната цена на најевтиниот пакет аранжман во Калимнос е околу 927 евра по лице за 7 ноќевања.

На второ место е Тасос со 1006 евра по лице и Лефкада со околу 1091 евро по лице.

Овие аранжамни за британските туристи вклучуваат превоз и престој.

За македонските граѓани, пак, пакет-аранжманите во агенциите за Тасос и Лефкада, кои се едни од омилените дестинации во Грција, се со далеку попристапни цени поради нивната близина до Македонија.

Калимнос за нас е помалку познато одморалиште, најмногу поради неговата далечина. Овој мал остров е еден од најважните во групата Додеканези во источна Грција и е полн со затскриени заливи, сафирно море, планини и шармантни гратчиња. До Калимнос се стига со 40-минутно возење со брод од Кос, најблискиот грчки остров на кој има аеродром.

The post Трите најевтини грчки острови летово, два се достапни за нас appeared first on Република.

Црногорските капалишта ќе бидат подготвени за новата туристичката сезона на 1 мај, соопштуваат оттаму.

Планираниот тендер за давање на плажите под закуп ќе се одложи за третиот квартал, најавија претставници на ресорните министерства на седницата на Управниот одбор на Здружението за туризам и угостителство при Стопанската комора на Црна Гора.

Тиа значи дека досегашните концесионери веќе работат под полна пареа за да ги подготват плажите по највисоки стандарди.

Првомајските празници ни се многу важни оваа сезона, бидејќи се совпаѓаат со Велигден. Ние, закупците, кои сме околу 600,700, сме спремни да вложиме огромна сума на пари само за капалиштата да бидат готови до 1 мај, вели угостителот Никола Перишиќ.

Хотелите и рестораните веќе ги обучуваат новите сезонски работници.

Црна Гора годинава очекува повеќе туристи од обично од Македонија, каде граѓаните може да патуваат со лична карта, особено доколку не успеале да добијат пасош со придавка.

The post Ако не успеавте да земете нов пасош – плажите на Црна Гора се реновирани и отвораат на 1 мај appeared first on Република.

Се чини дека Грција ќе биде дестинација за многу граѓани за време на велигденските празници, па затоа репортерите на српски „Блиц“ го споделуваат своето искуство од место во близина на Солун. Она што го забележавме, велат, е дека приватните станови поскапеа, што значи дека повеќе вреди да се престојува во хотел.

Растот на цените, речиси највисок во последните две децении, покрај на сместувањето и на патарините, се одрази и на храната.

Па така, на пример, во ова некогаш мало рибарско село, кое сега е топ дестинација поради близината до Солун, гирото е веќе 4 евра, но доколку ви го послужат како оброк (послужено во чинија, со прилози и без пита-леб), ќе ве чини 7 евра.

„Аперол“ на плажа чини 8,5 евра, додека шолја „фредо капучино“ чини 5 евра. Пивото е 4,5 евра (мало), додека цените на пецивата, горе долу, останаа исти.

Со текот на времето, многу домашни гости сфатија дека не вреди да се изнајмуваат станови, особено затоа што тие се претворија во бизнис за поединци, а никогаш не сте сигурни што добивате од тоа, пишува „Блиц“. Нивната потрага по смештај покажала дека цените за изнајмување на студио/апартмани се и над 1.000 евра. Во За 10 дена на почетокот на јули треба да одвоите 920 евра, додека следниот термин е веќе 1.040 евра.

Бев шокиран од понудата кога барав станови во Грција, за семеен одмор во моја режија. Постојат различни видови на сместување по сите цени. Но, најголем впечаток ми остави огласениот стан во подрум кој чини - 1.300 евра!, се жали корисник на социјалните мрежи.

На специјализираната страница на Фејсбук „Грчка инфо“ можете да најдете бројни примери на измами кои се случиле во текот на изминатите месеци, како и корисни совети како да се заштитите. За жал, измамниците ретко се соочуваат со правни последици, поради што е важно да преземете дополнителни чекори за да се заштитите од измами.

Еден од клучните совети е да не резервирате сместување преку непроверени Фејсбук групи, Вибер или Инстаграм профили. Наместо тоа, се препорачува да резервирате сместување преку сигурни туристички агенции или безбедни платформи за резервации за сместување.

Не организирајте одмор преку Viber или Whatsapp. Доколку сепак го сакате, особено внимавајте кому му верувате, предупредуваат тие.

За да се заштитите од измама, секогаш проверувајте дали лицето што ви нуди сместување има официјална веб-страница или е понудено од една од платформите за резервации за сместување што ја гарантира легитимноста на понудата. Можете исто така да побарате да ви се покаже документ со грчки даночен број, кој мора да го има секој што купил имот во Грција.

The post Првите туристи се жалат: Гирото е веќе 4 евра, а наплаќаат и чинија, апартманите во подрум и до 1.300! appeared first on Република.

„Кои места во Грција треба да се избегнуваат за одмор и зошто?“, праша еден член на фејсбук-групите каде туристите од Балканот разменуваат впечатоци, совети и искуства за летувањето во Грција. Мислам дека со одговорите на ова прашање ќе добиеме најквалитетни информации, бидејќи вакви места има многу помалку од оние што се за уживање, додаде таа.

Иако меѓу одговорите имаше такви што велат дека одговорот на ова прашање е субјективен и дека битно е како ќе го доживееш тоа место, сепак имаше доста одговори со кои многу корисници се согласија.

Ова се одговорите кои добија најмногу поддршка: 

„Од Неи Пори ни остана најлошиот можен спомен, лошо време, плажа и море како во Црна Гора, толку многу комарци што за само една ноќ детето ни доби 24 убоди од каснувања само на едната нога“

„Јас имам лошо искуство од Полихорно, плажата е камчеста, освен една каде се влегува во морето преку вреќи со песок. Друга причина е пти немавме топла вода во апартманот, па си топлевме вода во шишиња на соцне сите 15 денови“

„Офринио (местото е после Аспровалта во правец кон Кавала). Убаво место, одлично сместување, но треви во морето. Страшно, не се плива, децата не можат да си играат во плиткото... Иста приказна секој ден“.

„За мене сите места се убави на свој начин, само Паралија не ми одговара поради гужвите, прилично е валкана и се чувствувам како дома, а не во Грциј

„Крф - Кавос. Ужас! Валкано место, плажата никаква полна со крвожедни комарци во неверојатни количини".

„Ја обожавам Грција и сè ми одговара освен едно место каде што не би се вратилa дури и да ми платат. Некои сè уште го обожаваат тоа место. Тоа е Пефки на Евија. Никогаш повеќе!“

„Не би се вратил во Лептокарија. Ова е моето искуство - несредени улици, валкана плажа, секое утро морето носи трева и ѓубре, медузи... Од друга страна, дружељубиви луѓе, пар убави излети во околините места“

„Олимпик Бич, водата е полна со трева“.

„Јас лично би го избегнал олимпискиот регион - Паралија, Лептокарија... Гужва е, особено во Паралија, во Лептокарија треба да се оди на плажа под пруга, вилите се далеку од плажата, песок како глина, има и медузи“

„Од толку многу наши туристи и музиката што се пушта по кафулињата се добива впечаток дека не сте во Грција, туку во Јагодина. Евтино е, да, но... Можеби би ја одвоил само Платамонa како подобра опција“.

The post Туристите одговорија: Ова се најлошите места кои агенциите ги нудат за летување во Грција appeared first on Република.

Единствената морска дестинација во Босна и Херцеговина годинава може да биде место за летување и за македонските туристи. Според последната спогодба меѓу двете земји, во БиХ може да се влезе и со македонска лична карта, но со новото име.

Дестинацијата не е атрактивна како Грција, Турција или Египет, но нуди поволни цени и чисто море.

По должината на брегот на Неум има уредени плажи, кои најчесто се со ситни камчиња. Има доста хотели со приватни плажи.

Доколку сакате да престојувате во хотел со четири ѕвезди, полупансион по лице во јуни и септември е од 40 до 65 евра.

Во јули и август овие цени се од 50 до 80 евра.

Што се однесува до апартманите, на „Букинг“ може да најдете за цена од 35 евра од ден, во зависност од локацијата и опремата.

The post Таму патуваме и со лична карта – ова се цените во Неум, единственото место на море во БиХ appeared first on Република.

Оваа година Грција очекува рекордна бројка од 35 милиони туристи од целиот свет.

Како што е познато, светската економска клима не беше поволна за туристичкиот сектор. Инфлацијата остави белег на сè, вклучувајќи ги и трошоците за одмор.

Цените на туристичките аранжмани за Грција, според шефот на грчката управа за туризам Милтиадис Николау, годинава се за 20-30 отсто повисоки во споредба со претходните години. Сепак, интересот не стивнува, што говори за неспорниот квалитет и убавина што ги нуди оваа земја.

„За оние кои планираат патување на Халкидики, важно е да се напомене дека, според проценките, за едно четиричлено семејство дневните трошоци за живот ќе бидат околу 40 до 50 евра“, рече шефот на грчката управа за туризам Милтиадис Николау за B92.net.

Иако цените на пакетите се повисоки поради глобалната инфлација, очекувањата се големи и се укажува на уште една успешна туристичка сезона во Грција.

The post Цените на аранжманите во Грција повисоки за 30 отсто оваа година appeared first on Република.