Француските власти спречија три терористички напади за време на Олимписките (ОИ) и Параолимписките игри (ПОИ) во Париз и другите градови домаќини на натпреварите, изјави денеска државниот обвинител за антитероризам Оливие Кристен.

Кристен рече дека заговорите вклучуваат планови за напад на „израелските институции и израелските претставници во Париз“ за време на Олимпијадата во Париз од 26 јули до 11 август.

Тој истакна дека „израелскиот спортски тим не бил конкретно цел“, но не даде дополнителни детали.

Вкупно пет лица, вклучително и едно малолетно, биле уапсени под сомнение дека се вмешани во трите осуетени заговори против Олимписките игри, кои се одржаа во екот на војната меѓу Израел и Хамас и меѓу Русија и Украина.

Осомничените се во истражен затвор и се соочуваат со различни обвиненија за тероризам.

The post Спречени три терористички напади за време на ОИ и ПОИ во Париз appeared first on Република.

Mедалите кои ги добија спортистите почнаа да се распаѓаат.Еден од освојувачите на Инстаграм објави видео од медалот дека е лошо изработен.

МОК воведе норма според која шест грама чисто злато влегуваат во златниот медал на Олимписките игри. Останатите 523 грама употребени за златниот медал се од сребро со минимална чистота од 92,5 проценти.

The post „Фушерајски“ изработени: Медалите почнаа да се распаѓаат appeared first on Република.

Репрезентацијата на Шпанија вчеравечер го победи Мароко во полуфиналето на фудбалскиот турнир на Олимпијадата 2024 година со резултат 2:1.

Шпанската репрезентација го повтори рекордот на Бразил за пласман во финалето на Олимписките игри - пет пати.

„Фуријата“ играше во натпреварите за златен медал во Антверпен 1920, Барселона 1992, Сиднеј 2000, Токио 2020 и сега во Париз.

Финалето меѓу Франција и Шпанија ќе се одигра на 9 август

The post Шпанија во финалето на олимпискиот фудбалски турнир appeared first on Република.

Тенисерката од Кина Кинвен Женг одигра моќно во големото финале на ОИ во женска конкуренција.

Уште при првиот гем на сервис на Векиќ направи брејк, кој потоа го потврди и поведе со 3-0. Векиќ, која што пред само неколку месеци беше на раб да ја заврши кариерата успеа да се соземе по почетниот шок и ги освои следните два гема на свој сервис, но не и третиот, откако Женг со нов брејк стигна до 6-2 и водство во сетови од 1-0.

Во вториот сет се играше нешто поизрамнето. Женг одново направи експресен брејк, но Векиќ возврати со ри-брејк за 2-1.

Следуваше на сигурна игра на двете тенисерки на свои сервиси, но тенисерката од Хрватска повторно потфрли во осмиот гем и Женг со уште еден брејк влезе во нова предност која потоа ја потврди за историски успех и златен медал за Кина.

The post Кинеската тенисерка Кинвен Женг го освои златниот медал на ОИ appeared first on Република.

Австралијците Метју Ебден и Џон Пирс ја освоија титулата во машки двојки на тенискиот турнир на Олимпијадата во Париз.

Ебден и Пирс ги победија четвртите носители Ражев Рам и Остин Крајчек (САД) во финалето со 6:7(6), 7:6(1), 10:8 за нешто повеќе од два часа на теренот.

Ова е само второ олимписко злато на Австралија за мажи во двојки, откако Тод Вудбриџ и Марк Вудфорд победија во Атланта 1996 година.

Пирс го додаде златото на бронзата во мешани двојки што ја освои со Ешли Барти на Игрите во Токио.

Ебден се искачи на врвот на светската ранг-листа во двојки во февруари, откако ја освои титулата на Австралија опен со Рохан Бопана, и моментално е третопласиран.

The post Метју Ебден и Џон Пирс станаа шампиони во машки двојки на Игрите во Париз appeared first on Република.

Доналд Трамп ја нарече церемонијата на отворањето на Олимпијадата во Париз „срамота“, откако нејзините креатори беа на удар на критики затоа што, како што некои рекоа, шоуто отишло предалеку.

„Јас сум многу отворен ум, но мислев дека тоа што го направија е срамота“, изјави Трамп за Фокс њуз.

Неговите коментари уследија по осудата од католичките групи и француските бискупи за сцената на церемонијата во која учествуваа танчери, драг кралици и диџеј во пози што се чини дека потсетуваат на приказите на Тајната вечера, иако креаторите рекоа дека таа не била наменета да го претставува религиозниот амбиент, јавија американски медиуми. Секвенцата наиде на меѓународна критика од христијанските групи и екстремно десничарските политичари на социјалните мрежи.

На прашањето на водителката што би направил доколку биде реизбран за претседател навреме за Олимпијадата во Лос Анџелес во 2028 година, Трамп одговори: „Нема да имаме ‘Тајна вечера’ прикажана на начинот на кој тие ја прикажаа“.

The post Tрамп: Отворањето на Олимпијадата беше срамота appeared first on Република.

Шпанскиот тенисер Карлос Алкараз го сподели своето мислење за правилата на Олимписките игри во Париз.

-Комплицирани правила. Има многу играчи кои заслужуваат да бидат тука и да играат на Олимпијадата. Би требало да биде поинаку бидејќи следниот сингл играч на рангирањето заслужува да биде тука доколку некој се повлече од турнирот, изјави Алкараз, за „ABC News“.

Претходно Србинот Новак Ѓоковиќ искажа критики што повлечениот Енди Мареј во сингл беше заменет со Метју Ебден играч од турнирот во двојки. Ѓоковиќ на убедлив начин го совлада Ебден.

Рафаел Надал и Алкараз ги победија Аргентинците Максимо Гонзалес и Андрес Молтени во првото коло на турнирот во парови на Олимпијадата во Париз со 7:6 и 6:4

The post Чудни правила во тенисот на Олимпијадата appeared first on Република.

Олимписките игри вечерва свечено ќе бидат отворени во Париз, а домаќинот и организаторот, како и цела Франција, особено нејзиниот главен град, се борат против бројни напади и проблеми.

[caption id="attachment_800423" align="alignnone" width="585"] фото Курир.рс[/caption]

Властите соопштија дека во текот на вчерашниот ден била спроведена координирана акција за подметнување пожари со цел да се прекине железничкиот сообраќај во и околу Париз. Државниот железнички оператор објави дека цел на напаѓачите биле инсталации долж бројните линии што го поврзуваат Париз на запад, исток и север.

[caption id="attachment_800424" align="alignnone" width="640"] фото Курир.рс[/caption]

Се додава дека поради овие напади се очекуваат големи проблеми во сообраќајот, како на денот на свеченото отворање, така и за време на викендот.

„Нападот на Олимписките игри е напад врз Франција“, изјави кратко француската министерка за спорт Амели Оудеа-Кастер.

The post Пиле не смее да прелета: Вака се обезбедува Париз на неколку часа пред свеченото отворање на ЛОИ appeared first on Република.

 Претседателот на Аргентинската фудбалска асоцијација (АФА) Клаудио Тапија потврди дека организацијата поднела жалба до дисциплинската комисија на ФИФА по поразот од Мароко со 2:1 на Олимписките игри во 2024 година.

https://republika.mk/sport/fudbal/fudbalot-na-olimpijadata-e-zhiva-smeshka-se-igra-dodeka-ne-pobedi-argentina/

- Она што ние Аргентинците моравме да го издржиме денес во Сент Етјен е за жалење. Речиси два часа чекање во соблекувалната, по што нашите играчи мораа повторно да излезат за да го продолжат натпреварот, кој мораше да биде прекинат од судијата по инвазијата на мароканските гледачи на теренот и насилството што го претрпе аргентинската делегација, е навистина бесмислено и спротивно на правилата на натпреварот.

Дополнително, не беа слушнати мислењата на капитените на двата тима, кои сметаа дека средбата не требало да се рестартира. Од аргентинската фудбалска асоцијација веќе поднесовме жалба до Дисциплинската комисија на ФИФА за да може да се преземат соодветни регулаторни мерки и да се воведат санкции за одговорните, изјави Тапија за „Mundo Albiceleste“.

Натпреварот на стадионот „Жефрој-Гишар“ во Сент Етјен по пауза од два часа заврши без публика. Поради немири предизвикани од навивачите на Мароко кои трчаа на теренот, натпреварот беше прекинат од судијата во 16. минута од судиското надополнување при резултат 2:2. За време на паузата, судиите го прегледаа израмнувачкиот гол на Кристијан Медина и го поништија голот поради офсајд. Како резултат на тоа, средбата заврши со резултат 2:1 во корист на Мароканците

The post Театар комедија на ОИ: Сега и Аргентина се жали appeared first on Република.

- Нерешено 2:2 одиграа селекциите на Аргентина и Мароко во првиот натпревар од групата „Б“ на олимпискиот фудбалски турнир.

„Гаучосите“ заостануваа со 2:0 на средината на вториот дел кога Софијане Рахими го отвори резултатот на „Жофроа Гишар“ во судиското надополнување на првото полувреме, пред да постигне гол од белата точка во 51. минута.

Замената Џулијано Симеоне врати еден гол за тимот предводен од Хавиер Маскерано во 68. минута.

Судијата пак досуди 15 минути дополнително во вториот дел, а Аргентинците израмнија во 106. минута преку Кристијан Медина.

Пред да ја испрати топката во мрежата, таа двапати ја погоди стативата.

Скандал на првиот натпревар на олимпискиот фудбалски турнир меѓу Аргентина и Мароко.

Иако, првично, натпреварот заврши 2:2, со гол на аргентинецот Медина во 90+16. минута, по постигнувањето на голот, судиите не означија крај на натпреварот бидејќи на теренот истрчаа гневните марокански навивачи, а следеше бркотница со обезбедување.

Аргентинците побегнаа во соблекувалната, судијата Глен Ниберг од Шведска по протокол го прекина мечот, а Мароко поднесе жалба против голот на ривалот, бидејќи беше постигнат по офсајд позиција. По 90 минути циркус, судиите со помош на ВАР собата утврдија дека Мароканците се во право.

Екипите повторно излегоа на теренот, Аргентинците не успеаја да постигнат гол во тие три минути, па Мароко победи со 2:1.

Селекторот на олимписката репрезентација на Аргентина Хавиер Маскерано беше, во најмала рака, бесен по случувањата.

-Ова е најголемиот циркус што сум го видел во мојот живот. Денес седум пати влегуваа на теренот, ни фрлаа петарди. Ни кажаа дека заврши 2:2. Дури и Мароко не сакаше да игра, изјави Маскерано.

А потоа откри дека вчера крадци упаднале во соблекувалната на Аргентина.

-Вчера упаднаа во нашите простории, на Алмада му ги украдоа работите! Бараат да бидеме акредитирани за се, а потоа се случуваат такви работи, додаде легендарниот халф на Барселона.

The post Фудбалот на Олимпијадата е жива смешка-се игра додека не победи Аргентина appeared first on Република.

Спортистите се жалат на недостиг на храна во Олимпиското село во Париз, пишува „L'Equipe“.

Според францускиот спортски весник, имало ограничувања за јајцата за време на појадокот во средата. Спортистите се жалат и на брзината на обновување на храната.

Од компанијата која организира угостителство во Олимпиското село признаа дека има проблем и активно работи на негово решавање.

Претходно се дозна дека климатизерите ќе бидат поставена во Олимпиското село во Париз пред самиот почеток на Игрите.

Олимписките игри 2024 година ќе се одржат во Париз од 26 јули до 11 авгус

The post Французите како да се Балканци: Во Олимпиското село нема доволно храна, а допрва ќе местат и клими appeared first on Република.

Генералниот секретар на Обединетите нации (ОН), Антонио Гутереш, повика на олимписко примирје и положување на оружјето ширум светот за време на Олимписките игри во Париз.

Гутереш повика на мир во видеопорака која ќе биде емитувана и в петок, за време на церемонијата на отворање на Игрите во француската престолнина.

„Светот се собира во Париз за да ги обедини луѓето и да промовира меѓусебно почитување. Тоа се и идеалите на Обединетите нации. Во духот на олимпиското примирје, ги повикувам сите да го положат оружјето и да ја поттикнат солидарноста и сите заедно да се стремиме кон конечната цел, а тоа е мир за сите“, нагласи Гутереш.

„Олимпискиот оган нека му го осветли патот на целиот свет кон мирот и хармонијата“, додаде првиот човек на ОН.

Олимписките игри во Париз ќе траат од 26 јули до 11 август, додека Параолимписките игри се одржуваат од 28 август до 8 септември.

The post Дали Олимписките игри ќе ги запрат војните, барем накратко? appeared first on Република.

Антисексуалните кревети пристигнаа во Олимпиското село во Париз, на кои спортистите ќе спијат за време на Олимписките игри закажани од 26 јули до 11 август.

Овие 18.000 кревети се долги 2,1 метар и можат да носат до 200 килограми. Тие се направени од рециклиран картон, душеците се од полиетилен, а по Олимписките игри ќе се користат за производство на пластика.

Одлуката е во согласност со еколошките стандарди кои претходно ги поставија организаторите на Олимписките игри.

Секој кревет ќе има по три перници, а секој спортист ќе може да ги избере перниците според своите потреби во посебна апликација.

Овие кревети се нарекуваат кревети против секс бидејќи се премногу слаби за секаков вид на интимни односи. Ова е утврдено врз основа на искуството од Олимписките игри во Токио во 2021 година, кога тие беа користени за прв пат.

The post Ова се антисекс кревети за спортистите на Олимпиијадата во Париз appeared first on Република.

Десетици илјади влезници за атлетската програма на летните Олимписки игри 2024 во Париз ќе бидат пуштени во продажба од идниот понеделник, објавија денеска организаторите на Игрите.

„Неколку десетина илјади влезници ќе бидат пуштени во продажба во рамки на акцијата Athletics Special. Ова е еден од низата промотивни настани кои ги организира Париз 2024 во текот на следните неколку недели пред почетокот на Игрите“, соопштија организаторите.

Атлетските натпревари ќе се одржат на „Стад де Франс“ од 2 до 10 август.

Најевтините влезници за утринските термини ќе чинат 24 евра, додека цените за вечерните термини почнуваат од 85 евра.

Повеќе од осум милиони од вкупно 10 милиони влезници за Олимписките игри од 26 јули до 11 август во Париз веќе се продадени.

The post Влезниците за атлетика на летните Олимписки игри во продажба од понеделник, најефтините ќе чинат 24 евра appeared first on Република.