Некогаш славниот холандски фудбалер, а денес тренер, Руд Ван Нилстерој ќе го преземе Лестер Сити, дознава британскиот весник „Телеграф“.

„Лисиците“ неодамна се разделија со Стив Купер по поразот од Челси во 12. коло во Премиер лигата.

Ван Нилстерој ја заврши својата богата играчка кариера во 2012 година, а со голем успех настапуваше за Херенвен, ПСВ, Манчестер Јунајтед, Реал Мадрид, Хамбургер и Малага.

За холандската репрезентација, 48-годишниот играч одигра 70 натпревари и постигна 35 гола.

Ван Нистелрој ја почна својата независна тренерска кариера во март 2022 година, заменувајќи го отпуштениот Роџер Шмит на клупата на ПСВ.

Претходно работеше во младинската академија на клубот од Ајндховен, а во првата сезона во сениорскиот фудбал ги освои Јохан Кројф Шилд (Суперкуп) и Купот на Холандија.

Коло пред крајот на Ередивизи поднесе оставка, наведувајќи како причина недостаток на поддршка во клубот.

Претходната сезона беше без ангажман, пред летото да дојде повикот на Ерик Тен Хаг, а тој му се придружи како асистент во Манчестер Јунајтед. Кога поранешниот тренер на Ајакс беше разрешен од должностите на „Олд Трафорд“, Ван Нистелрој беше привремено решение, само за 4 меча подоцна новиот менаџер Рубен Аморим да одлучи да не го вклучи во својот тренерски штаб.

Лестер е непоразен во последните пет натпревари во сите натпреварувања.

„Лисиците“ го заземаат 16. место на табелата во Премиер лигата, а Ван Нилстерој ќе има задача да го спречи поранешниот шампион на Англија да се врати во Чемпионшип.

Лестер во следното коло гостува кај Брентфорд. Таа средба е закажана за сабота во 16 часот.

The post Ван Нистелрој нов предводник на Лестер appeared first on Република.

Лестер ја освои титулата во Чемпионшип на едно коло пред крајот на регуларниот дел од сезоната, откако синоќа го совлада Престон со 3:0 на гостински терен.

„Лисиците“ сега имаат недостижни седум бода предност пред Лидс и Ипсвич.

Лестер официјално ќе го добие трофејот в сабота на гостувањето кај Блекбурн. Доколку Лестер победи и на овој натпревар, тимот ќе заврши со импресивни 100 бода. Со ваквиот развој на настаните, Лестер ќе го израмни и рекордот стар 104 години кој го постави Тотенхем во сезоната 1919/20 за најмногу победи во една сезона во второто по квалитет фудбалско натпреварување во Англија.

Лестер, исто така, може да стане првиот клуб кој двапати собрал 100 или повеќе бодови на првото место во Чемпионшип.

Интересно е да се напомене дека втора сезона по ред шампионската титула ја освојува екипа предводена од ученик на Хосеп Гвардиола. Пред една година ова го направи Винсент Компани со Барнли, а сега Енцо Мареска го постигна истиот успех со Лестер.

Триесет и седумгодишниот Џејми Варди веќе има 20 гола оваа сезона во сите натпреварувања

The post Лестер се врати во Премиер лигата appeared first on Република.

Лестер во натпреварот од 7. коло на шампионатот на Англија загуби од Тотенхем со 2:6.

По седум кола од Премиер лигата, лисиците освоија само еден бод од можни 21.

Лестер стана 10-от тим кој не освоил повеќе од еден бод во првите седум натпревари во Премиер лигата.

Четири екипи во оваа фаза од првенството беа без бодови: Саутемптон (1998/99), Њукасл (1999/2000), Сандерленд (2013/14) и Кристал Палас (2017/18)

The post Лестер не знае што е тоа победа во Премиер лигата appeared first on Република.