Ученикот А.И. (16), кој денеска беше претепан пред Хемиското училиште во Лесковац, им подлегнал на повредите, потврдија во лесковачката општа болница, јави дописникот на МИА од Белград.

Донесен е без свест, со широки зеници, бледа кожа и слузокожа, без пулс и немерлив притисок, изјави директорот на Општата болница Лесковац, Небојша Димитријевиќ, додавајќи дека реанимацијата била веднаш почната, но за жал неуспешно.

Тој кажа дека точната причина за смртта ќе ја утврди обдукцијата.

Како што објавија српските медиуми, А.И. бил ученик во трета година во Текстилното училиште. Враќајќи се дома, бил нападнат со метални прачки од две млади момчиња на скутер кои по тепањето избегале.

Поради истрагата која е во тек, полицијата се уште нема излезено со детали.

Според директорот на Центарот за социјална работа, Предраг Момчиловиќ, шеснаесетгодишното момче А.И. десет години било во згрижувачко семејство во Лесковац, а инаку е од околината на Лесковац.

The post Почина момчето претепано кај Хемиското училиште во Лесковац appeared first on Република.

46-годишен маж од Лесковац е исклучен од сообраќај кога било утврдено дека имал дури 4,05 промили алкохол во телото додека седел зад воланот на „пежо“.

Од полицијата во Лесковац наведуваат дека со тестирање му го утврдиле нивото на алкохол во крвта и затоа го исклучиле 46-годишникот од сообраќај, пренесуваат „Јужне вести“.

Возачот бил приведен и против него ќе биде поднесена соодветна прекршочна пријава.

The post Маж од Лесковац возел со 4,05 промили алкохол во крвта appeared first on Република.

Проектите на ЕУ за прекугранична соработка меѓу Србија и Македонија ја подобрија туристичката понуда на Лесковац и Крива Паланка, а проектот на Лесковац со Албиз и Алка од Скопје го зајакнаа вработувањето кај младите, јави дописникот на МИА од Белград.

Во Ниш во рамки на „Европската недела на можностите“ беа доделени сертификати на девет добитници на грантови на вториот повик за Програмата за прекугранична соработка Србија - Македонија 2016-2020 година, вредна два милиони евра.

Меѓу нив се и проектите за подобрување на туристичкиот потенцијал на Лесковац и Крива Паланка, преку проектот „Земја на легендите“ со кои двете места добија нови туристички капацитети што го спроведуваат Едукативниот центар од Лесковац во соработка со уште две организации од Македонија.

Со инвестирање во инфраструктурата преку проектот „Земја на легендите“, кој е продолжение на проектот „Поврзување на бисерите“, проект менаџерот и претставник на Крива Паланка од Македонија, Мартин Николовски, очекува континуиран развој на туризмот во тие региони.

-ЕУ го финансираше проектот со 200.000 евра и тие пари ќе ги поделиме. Планот е во Крива Паланка, на локалитетот Градец, да направиме партерно уредување со урбана опрема, додека во Лесковац, во месноста Соколац, да се гради видиковец. Верувам дека ќе успееме да постигнеме добробит за граѓаните на Крива Паланка и Лесковац, како и на целиот прекуграничен регион, изјави Николовски за „Јужне вести“ од Ниш.

Со проектот „Поврзување на бисерите“ обележани се пешачки патеки во двата региона, изградени се детски игралишта и летниковци, поставени се клупи, соларни светилки и информативни табли на над 40 туристички места.

Уште еден проект финансиран од Европската Унија – „Вработување и зајакнување на претприемништвото“ е  реализиран во Лесковац со Македонија, на Едукативниот центар од овој град во соработка со уште две организации од Македонија – Албиз и Алка од Скопје.

Според извршниот директор на Едукативниот центар, Игор Стајиќ, над 200 лесковчани поминале различни обуки за помош при вработување.

-Проектот имаше за цел да ги поддржи младите кои се надвор од образовниот систем, не се вработени и без каква било обука што би им помогнала да го решат својот социјален статус на позитивен начин. Во случајот на Србија, најголем дел од корисниците беа од ромската популација, изјави Стајиќ.

Соработката меѓу Лесковац и Скопје, како што истакна тој, била полна со разбирање поради сличниот културолошки простор, а соработката меѓу невладините организации е корисна бидејќи пристапите се поблиски, за разлика од земјите кои на проблемите гледаат поинаку.

The post Преку ЕУ проекти Лесковац, Крива Паланка и Скопје ја зајакнуваат туристичката понуда и вработувањето appeared first on Република.

На 34-от фестивал на скарата „Роштилијада“ во Лесковац, Србија, е направена плескавица тешка 86,4 килограми месо на скара. Тоа е нов рекорд за најголема плескавица во светот, а последнава „закуска“ е шест килограми потешка од ланскиот рекорд, исто така поставен на овој настан.

Дијаметарот на плескавицата по печењето беше 210 сантиметри, а дебелината два сантиметри.

Мајстори за најголема плескавица беа Предраг Лазаревиќ, Ивица Здравковиќ, Љубиша Ѓорѓевиќ, Стефан и Бојан Цветковиќ од лесковачките ресторани „Два пријатели“ и „Колиба“. Тие по осми пат поставуваат нов рекорд на скараџискиот фестивал.

https://www.youtube.com/watch?v=9z7kh7-LywM&embeds_referring_euri=https%3A%2F%2Fplusinfo.mk%2Fnova-na-golema-pleskavica-vo-svetot-leskovac-go-srushi-sopstveniot-rekord-od-lani%2F&source_ve_path=MjM4NTE

The post Во Лесковац направена плескавица тешка 86,4 килограми – тоа е нов рекорд за најголема плескавица во светот appeared first on Република.

Стравична сообраќајка се случила кај Лесковац во Србија.Се работи за македонско семејство кое се враќало од одмор во Словенија. Спред информациите на 192.рс, во возилото се наоѓале сопруг и сопруга со двете деца и една постара жена. Сопругата наводно го изгубила животот откако возилото ја пробило заштитната ограда.

 

View this post on Instagram

 

A post shared by 192.RS (@192_rs)

The post Возило со македонска фамилија ја проби заштитната ограда кај Лесковац, се враќале од одмор од Словенија appeared first on Република.

Лесковац утринава повторно го погоди земјотрес, втор ден по ред. Во 8 часот утрото тлото се затресе, а благ земјотрес со јачина од 1,7 степени според Рихтеровата скала е измерен на длабочина од седум километри.

Лесковац се стресе и вчера околу 11:30 часот, кога е измерен малку посилен земјотрес. Како што е објавено на сајтот на Сеизмолошкиот завод на Србија, бил со јачина од два степени според Рихтеровата скала, на длабочина од осум километри.

Во последните седум дена земјотреси во Србија се забележани во Косјериќ, Крушевац и Чачак, Зајечар…

The post Земјотрес во Лесковац appeared first on Република.

Претседателот на ВМРО-ДПМНЕ Христијан Мицкоски денеска е во посета на општина Лесковац во Република Србија на средба со македонската заедница која живее таму.

Мицкоски на средбата посочи дека ВМРО-ДПМНЕ е политичка партија која се грижи за македонското национално единство и води грижа за сите Македонци без разлика каде и да живеат.

Овој ден е многу значаен бидејќи ние како политичка партија ВМРО-ДПМНЕ сме партија која се грижи за македонското национално единство. Така и се вика нашата партија. Така што ние како партија водиме грижа за сите Македонци секаде во светот. Тоа е фини луѓе и домаќини кои ги почитуваат државите во кои живеат, а нивната држава Македонија и ВМРО-ДПМНЕ како партија, секогаш се грижела, се грижи и ќе се грижи во иднина - посочи тој.

За Мицкоски е чест што тамошните деца можат да учат на македонски јазик и потенцираше дека на тој начин нема да го заборават нивниот мајчин јазик и корењата од каде потекнуваат.

Нас ни е задоволство што овие деца можат да учат македонски јазик и да не го заборават да се сетат за нивните корени и да знаат од каде потекнуваат, кој се и што се, но и секако во иднина да продолжат да ја почитуваат државата во која живеат, а тоа е секако Република Србија, но да не заборават дека нивната татковина е Македонија - истакна Мицкоски.

Мицкоски се заблагодари на градоначалникот на општина Лесковац за одличното гостопримство и кажа дека продолжува со посетата и со средба на македонската заедница во населеното место Јабука, во општина Панчево.

Голема благодарност за нашиот домаќин градоначалникот во општината Лесковац, голема благодарност за македонската заедница овде во Лесковац. Ние денеска продолжуваме со посета и во Јабука, во општина Панчево таму повторно ќе се сретнеме со Македонците кои живеат овде во Србија - рече тој.

На крај Мицкоски упати порака дека Македонците и Србите треба да продолжат да живеат и да се почитуваат, како и дека се надева на одлична соработка со сестринската партија на ВМРО-ДПМНЕ, Српската напредна странка која што е владејачка партија во Србија.

Мојата порака е дека двата братски народи македонскиот и српскиот треба да продолжат да живеат заедно, да се почитуваат и да се негуваат релациите меѓу двете држави Србија и Македонија, а ние како политичка партија ВМРО-ДПМНЕ и идна влада се надеваме на одлична соработка со нашата сестринска партија тоа е Српска напредна странка, која е владејачка партија овде во Србија - заклучи Мицкоски.

The post Мицкоски во посета на Србија: Македонците кои живеат овде се чесни и домаќини луѓе appeared first on Република.

Погледнете го новиот стадион во Лесковац кој го отвори претседателот Александар Вучиќ.Стадионот е наречен српски „Олд Трафорд“.

Секоја чест

View this post on Instagram

 

A post shared by Александар Вучић (@avucic)

The post Погледнете каков стадион изгради Вучиќ во Лесковац appeared first on Република.

Лесковац доби модерен стадион по сите стандарди на УЕФА. Ова здание беше личен проект на претседателот Вучиќ со намера и помалите градови во Србија да имаат стадиони на кои ќе може да игра српската репрезентација.

The post Погледнете каков стадион изгради Вучиќ во Лесковац appeared first on Република.

Во Лесковац се одржа меѓународен фестивал на кој настапија културно-уметнички друштва од Србија и светот. Но, најмногу се зборува за настапот на акробатската група ‘USB’ и девојката која на сцената излезе во танга со стол како единствен реквизит.

Во публиката имаше многу деца, па се огласи туристичкиот одбор на Лесковац и се извини, пишува 24сата.хр.

„Акробатската група ’УСБ’ од Ниш петти пат по ред учествуваше на овој фестивал. Во четирите претходни претстави публиката беше воодушевена, па ги донесовме по петти пат.

Но, овој контроверзен танцов перформанс за прв пат беше дел од нивниот настап и бевме многу изненадени бидејќи не знаевме за тоа. Размислувавме да го прекинеме настапот, но мислевме дека со прекин ќе предизвикаме уште поголема забуна“, соопштија од туристичкиот одбор на Лесковац, пренесуваат српските медиуми.

Тие им се извинија на граѓаните и побараа разбирање, додавајќи дека никогаш повеќе нема да ја поканат споменатата акробатска група на карневалот.

Погледнете го видеото од овој настан.

https://twitter.com/ilijax99/status/1678917164579864577?ref_src=twsrc%5Etfw%7Ctwcamp%5Etweetembed%7Ctwterm%5E1678917164579864577%7Ctwgr%5E87e1d4b1e275019583d32f151231c1f5030888da%7Ctwcon%5Es1_&ref_url=https%3A%2F%2Fmk.tv21.tv%2Fvideo-skandal-vo-leskovats-na-festival-poln-so-detsa-nastapi-imashe-i-striptizerka%2F

The post На фестивал во Лесковац полн со деца настап имаше и стриптизерка appeared first on Република.

Саша И.(46) од Лесковац, е уапсен под сомнение дека брутално ја убил својата партнерка Гордана Д.(56).

Злосторството се случило навечер околу 21 часот во близина на Лесковац, во куќата каде жртвата и осомничениот му помагале на сопственикот, кој е тешко болен.

Осомничениот,по расправија зел кујнски нож и голем број пати ја избодел жртвата по целото тело.

По злосторството, повикал полиција и сам се пријавил, а несреќната жена им подлегнала на повредите.

The post Жител на Лесковац брутално ја избодел партнерката со кујнски нож, па мирно повикал полиција appeared first on Република.

Уапсен е возачот на автобусот кој вчера рано утрината се преврте на автопатот Ниш – Лесковац, при што една жена го загуби животот, а 33 патници беа повредени.

https://republika.mk/vesti/balkan/imashe-34-godini-nina-zagina-vo-avtobusot-kaj-leskovac/

Како што потврдија од Полициското одделение Лесковац, по наредба на Основното јавно обвинителство во овој град му е одредена мерка притвор до 48 часа за сторено тешко кривично дело против безбедноста на јавниот сообраќај, по што со кривична пријава ќе биде изведен пред обвинител.

До несреќата дошло кога автобусот со сомборски регистерски таблички, кој превезувал патници од летување во Грција, од засега непознати причини излегол од коловозот, неколку стотини метри се движел по тревната површина, а потоа се превртел на страна.

Водач на патот, туристички водич Н.Н. починала на лице место, а повредените патници во зависност од тежината на повредите се пренесени во Универзитетскиот клинички центар Ниш и Општата болница во Лесковац.

Меѓу патниците имало и деца, но никој од нив не е тешко повреден.

The post Уапсен возачот на автобусот од несреќата кај Лесковац, во која загина 34-годишната водачка appeared first on Република.

И покрај тоа што граѓаните на Лесковац собираа пари Јелена Карлеуша да не пее на позната „роштиљијада“ сепак таа ќе настапи. ЈК ќе пее за хонорар од 20.000 евра.

На фестивалот на скарата ќе пее и Рибља Чорба за хонорар од 5,500 евра и фолк пејачката Весна Змијанац за 6000 евра.

The post Џабе собирањето пари: Јелена Карлеуша ќе пее во Лесковац за 20.000 евра appeared first on Република.

Припадници на МВР во Лесковац ќе поднесат кривична пријава против 26-годишен државјанин на Македонија поради сомнение дека сторил кривично дело против безбедноста на јавниот сообраќај, соопштуваат српските медиуми.

Како што се сомневаат, младиот маж од Македонија вчера попладне на автопатот кај Мала Копашница управувајќи „пасат“ се судрил со камион поради несоодветна брзина, пренесе „Танјуг“.

Во таа прилика тој и уште тројца сопатници во двете возила се повредени, соопшти СВР Лесковац.

Потоа, по пристигнувањето на екипата на Брзата помош, дошло до нова сообраќајна несреќа, кога белграѓанин управувајќи „туксон“ удрил во задниот дел на амбулантната кола, исто така поради несоодветна брзина.

Во таа сообраќајна несреќа три лица се здобиле со полесни повреди.

Сите повредени од двете сообраќајни незгоди се пренесени и укажана им е помош во Општата болница во Лесковац.

The post Македонец кој возел пребрзо предизвикал тешка сообраќајка во Србија appeared first on Република.

Полицијата во Лесковец објави дека истражувајќи го самоубиството на 38-годишна жена од Велики Трњан кај Лесковац, открила тело на маж забетонирано во столб на куќата.

Телото е дадено обдукција и истрагата е во тек, но медиумите јавуваат дека неофицијално се работи за сопругот на сега починатата жена, за кого се верувало дека е на работа во странство.

Сомневањата се дека таа го убила заедно со својот љубовник пред три години и го забетонирала.

Многу успешно ги излажа семејството и децата дека отишол да работи некаде во странство и дека ќе разговара со него. Откако, се самоубила, љубовникот отишол во полиција и признал се, наведува за Нова.рс извор близок до истрагата.

Телото на 38-годишната жена вчера било пронајдено во помошен објект во дворот од нејзината куќа, а нејзиното исчезнување семејството го пријавило пред неколку дена.

Наредена е и обдукција на нејзиното тело за да се утврдат причините за смртта, но сомневањата се дека извршила самоубиство.

The post Во Лесковац е пронајдено тело на маж забетонирано во столб на куќа,го убила сопругата со љубовникот, а сега се самоубила appeared first on Република.