Лидерот на Луганска Народна Република (ЛНР), Леонид Пасечник, истакна дека во моментов нема подготовки за одржување референдум за присоединување на ЛНР кон Русија.

Пасечник посочи дека само негово лично мислење е дека е можен ваков референдум.

Дадов таква изјава, но би сакал да биде јасно: тоа е мое лично мислење. Во моментов ништо не се презема за да се организира таков референдум - изјави Пасечник за новинарите.

Тој посочи дека во моментов клучна цел е прекин на борбите.

Претходно во текот на денот, Пасечник изјави дека на територијата на самопрогласената Луганска Народна Република е можно да се одржи референдум за припојување кон Русија.

Мислам дека во блиска иднина на територијата на Републиката ќе се одржи референдум на кој народот ќе го искористи своето апсолутно уставно право и ќе го каже своето мислење за приклучување кон Руската Федерација - порача Пасечник на средба со странските новинари.

https://republika.mk/vesti/svet/proruskite-separatisti-vo-ukraina-mozno-e-da-organiziraat-referendum-za-prikluchuvanje-kon-rusija/

The post Лидерот на Луганската Народна Република: Нема подготовки за референдум за спојување со Русија appeared first on Република.