Како дел од европската турнеја ,,Blue Electric Light” и промоција на истоимениот албум, рок-ѕвездата Лени Кравиц го донесе своето спектакуларно шоу во Охрид на 4 – ти август на СРЦ Билјанини извори.

Кравиц настапуваше на финалето на Лига на Шампиони, што само по себе кажува за неговиот актуелен статус во светот на entertainment-от. Настапот е во рамките на годинешното издание на музичкиот фестивал Охрид колинг.

Продукцијата на концертот е најголема и најобемна досега во Македонија.

На 4-ти август на СРЦ Билјанини Извори со реално досега најголемата продукција видена во Македонија! Камионите пристигнаа во Охрид, објави организаторот Авалон со фотографија на која се гледа рок’н’рол конвојот од најмалку 6 камиони.

Концертот на Лени Кравиц на 3 август 2008 година во Охрид се вбројува во најпосетените концерти во историјата на градот Охрид и стадионот Билјанини извори, тој синоќа повторно уживеше во атмосферата и вети дека повторно ќе дојде.

Во моментов Кравиц е една од најголемите и најактуелни ѕвезди на денешнинава, чија летна светска турнеја е една од 10те "must see" концертни турнеи ова лето на светско ниво, а листата на песни никого не остави рамнодушен.

Тој дојде повторно Македонија бидејќи како што рече ја сака, а публиката му возврати со прекрасна енергија. Се пееја во еден глас неговите хитови, а на „Let love rule“ Кравиц слезе меѓу публиката и ја поздрави. Оние што имаа малку повеќе среќа успеаја да ги фатат пешкирот кој го користеше за време на концертот, како и трзалицата на гитаристот.

The post Лени Кравиц со спектакуларен концерт во Охрид, вети дека ќе дојде повторно appeared first on Република.

Најавениот концерт на музичката ѕвезда Лени Кравиц во Охрид ќе го отвори младата Девон Рос, инди, рок и панк артистка, која е и ќерка на Крег Рос, главниот гитарист на Кравиц.

Гитаристот Рос, исто така, е еден од авторите на повеќе хитови на Лени.
Девон пак, е позната по специфичниот вокал, но и по способноста со модерен пристап да ја евоцира енергијата на раните години на панкот. На концертите таа настапува со својата Фендер Мустанг гитара.

Уникатен глас кој го пробудува духот од раните години на панкот, но со дистинктивен модерен призвук, Devon Ross претставува модерна комбинација на
Siouxsie And The Banshees, Patti Smith и Sonic Youth, порачуваат од Авалон Продукција, во чија организација е концертот кој ќе се одржи на 4-ти август на СРЦ Билјанини извори.

The post Концертот на Лени Кравиц во Охрид ќе го отвори младата Девон Рос, ќерка на Крег Рос, главниот гитарист на Кравиц appeared first on Република.

Зошто Lenny Kravitz во моментов е поголема ѕвезда од било кога до сега? 

1. Бидејќи и ова лето има хитови на ниво на "Low" и "The Chamber" - "TK421" и "Human".

2. Бидејќи неговата летна турнеја "Blue Electric Light" е влезена во 10те "must see" концертни турнеи ова лето на светско ниво.

3. Бидејќи настапуваше на финалето на Лига на Шампиони, што само по себе кажува за неговиот актуелен статус во светот на entertainment-от.

4. Бидејќи најверојатно 9 годишниот целибат прави да изгледа подобро од било кога.

5. Бидејќи во Охрид ќе може да видите live show какво до сега немате видено, благодарение на напредната техника и продукција која Lenny Kravitz ја носи со себе.

Се гледаме со Lenny Kravitz на 4ти август на СРЦ Билјанини Извори во Охрид!

The post Лени Кравиц најавува live show во Охрид какво што досега не сме виделе appeared first on Република.

Музичката легенда Лени Кравиц доби ѕвезда на Булеварот на славните во Холивуд.

Пејачот, познат по неговите хитови „Fly Away“, „It Ain’t Over ‘Til It’s Over“ и „American Woman“, беше одликуван за време на церемонијата пред култната кула на Capitol Records. За да го поддржи во одбележувањето на значајниот настан, неговата ќерка Зои го почести со емотивна порака.

„Лени Кравиц, имам задоволство да те познавам долго време“, го започнала својот говор.

„И морам да кажам дека тоа што сум твоја ќерка е една од најголемите авантури во мојот живот. Од кога си млад кога се родив, на многу начини пораснавме заедно. Поминавме низ многу. Видовме многу заедно. Видов како се менуваш на најубави можни начини, видов и како остануваш истата личност поради најважните причини. Ја видов твојата неверојатна посветеност на уметноста. Сè што правиш е израз на љубов. Твојата музика, твоите текстови, твоите настапи во живо, љубовта кон храната, семејството, добрите разговори, глупавите шеги, забавите, танцувањето, доцните ноќни кујнски муабети – ти си личност која апсолутно го голта животот. Ја јадеш секоја трошка и ја лижеш чинијата. Животот е твојата најголема уметност и затоа музиката ти е толку инспиративна и важна. Честитки, ти си ѕвезда“, заклучи Зои.

Оскаровецот Дензел Вашингтон, исто така, се качи на сцената за да му оддаде почит на легендарниот музичар. „Тој е повеќе од пријател, повеќе од брат. Ние сме близнаци, едноставно ние сме слични. Имаме блиски братски односи 30 години. Бог го благослови со неверојатен талент, но и уште повеќе, со неверојатно срце“.

На церемонијата присуствуваа и пејачката и актерка Марла Гибс, актерот Хал Вилијамс, готвачот Волфганг Пак, актерот Ченинг Тејтум, музичарот на Earth, Wind & Fire Вердин Вајт и актерот и музичар Еван Рос.

Кога дојде редот да зборува, Лени Кравиц ја нарече својата ѕвезда „неверојатна чест“ и призна дека тоа што неговата ќерка и Дензел се таму, му значело многу.
„Како тинејџер поминав многу време шетајќи по булеварот Холивуд и гледајќи ги имињата на сите мои идоли“, рече Лени. „Никогаш не сонував да бидам ѕвезда. Обично барав место за да ја поминам ноќта. Но сонував да ја правам музиката што ја сакав и да се занимавам со сопствена работа. Да го видам моето име, Лени Кравиц, трајно врежано на истата улица, по која некогаш сум одел е надреално, неописливо чувство“.

The post Лени Кравиц доби ѕвезда на Булеварот на славните во Холивуд appeared first on Република.