Леканемаб, лек за кој е откриено дека ја забавува Алцхајмеровата болест, денеска треба да добие зелено светло за употреба во Велика Британија, пишува Телеграф, а пренесува 24сата.

Тоа е првиот лек за кој е откриено дека го забавува когнитивниот пад до 27 отсто, а во четврток британскиот регулатор треба да даде дозвола тој да се користи во раниот третман на болеста.

Експертите се надеваат дека ова ќе биде огромен чекор во запирање на болеста.

Инаку, ЕМА, Европската агенција за лекови, минатиот месец одби да даде лиценца за лекот.

Утврдиле дека потенцијалните несакани ефекти (вклучувајќи потенцијално крварење во мозокот) ги надминуваат ефектите на лекот, пишува Би-Би-Си.

Леканемаб го произведува јапонската компанија Еисаи, а лекот се зема на секои две недели преку интравенско капнување.

The post Лек кој ја успорува Алцхајмеровата болест денеска ќе добие зелено светло во Британија appeared first on Република.

Антивирусниот лек „Tecovirimat“ не го намалува времетраењето на лезиите кај децата и возрасните инфицирани со тип 1 мпокс во Демократска Република Конго (ДР Конго), открија истражувачите од ДР Конго и САД.

Типот 1 претставува поопасен тип на мпокс во споредба со тип 2, кој предизвика епидемија во 2022 година и е поврзан со потешки форми на болеста и повисоки стапки на смртност.

Мпокс 1 несразмерно ги погодува децата, што не беше случај за време на избувнувањето во 2022 година, што ја поттикна Светската здравствена организација да прогласи глобална вонредна состојба.

-Овие резултати се разочарувачки, но ни даваат клучни информации и ја нагласуваат потребата да се најдат други терапевтски кандидати за лекување на мпокс додека продолжуваме со истражувањето, рече за Политико, Жана Марацо, директорка на Националниот институт за алергија и заразни болести (НИАИД).

Студијата поддржана од НИАИД покажа дека смртните случаи може да се избегнат кога пациентите со мпокс се лекуваат во болница. Истражувачите вклучиле 597 пациенти, хоспитализирани најмалку 14 дена. Стапката на смртност, вклучувајќи ги и оние кои примиле плацебо, била 1,7 проценти, во споредба со најмалку 3,6 проценти меѓу сите случаи во ДР Конго, велат тие.

-Ова покажува дека подобри резултати кај луѓето со мпокс може да се постигнат кога тие се хоспитализирани и им се дава висококвалитетна помошна нега, се вели во соопштението на Националниот институт за здравје.

The post Лекот против мпокс не е ефикасен, вирусот брзо се шири appeared first on Република.

Лекот за дијабетес „Оземпик“ (Ozempik), којшто многу жени го користат и за губење килограми, има уште еден „неочекуван ефект“ - бременост, објави „Пипл“ (People).

Дека сè ова не е случајност, се чини, укажува тоа што на интернет сè почесто се појавуваат приказни за жени кои забремениле поради „Оземпик“... Се покажа дека тој лек некако „ги неутрализира“ контрацептивните средства коишто корисничката ги зема во истовреме... А пак, други си се сметале за неплодни, па бременоста ги изненадила. Така, една жена раскажува дека не можела да забремени неколку години, па со партнерот им успеало откако таа два месеци редовно земала „Оземпик“ заради слабеење. И, родила здраво дете.

Се испостави дека самото губењето тежина, всушност, влијае врз плодноста и општото хормонално ниво.

- Дури и ако се работи за само неколку килограми, тоа веќе може да доведе до продолжување на овулацијата кај жената и таа ќе може да забремени. Нашите масни клетки произведуваат естроген, којшто може да има негативен ефект врз нашите јајници и овулацијата. Тоа може негативно да влијае и на слузницата на ендометриумот, вели акушер-гинекологот Иман Салех.

Покрај тоа, „Оземпик“ со својата формула го намалува и ефектот на контрацептивни лекови, што бара дополнително внимавање додека се зема овој лек.

Сепак, лекарите забрануваат земање на лекот само заради бременост - тоа е премногу опасно и за мајката, а потоа и за детето.

„Испитувањата на стаорци, зајаци и мајмуни покажуваат дека лековите за слабеење може да предизвикаат и спонтан абортус и вродени деформитети ако се земаат за време на бременоста. Сè уште нема студии за луѓе. Жената, исто така, треба да престане да зема лек за слабеење најмалку две недели пред бременоста“, препорачува компанијата-производител на лекови, „Ново Нордиск“.

Опасностите се, сепак, преголеми за да се експериментира на себе, според лекарите.

The post Ќе ослабнете, ама ќе забремените: Лек за слабеење кој ја зголемува плодноста кај жената appeared first on Република.

Министерот за здравство Илир Демири денеска посети две пациентки со цистична фиброза кои во примија лекот Трикафта на Клиниката за детски болести, информира Министерството за здравство.

Стефанија (13) и Хатиџе (15) се две млади пациентки со цистична фиброза кои во четвртокот го примија лекот Трикафта. Ме информираа дека сега животот им е поубав. Пет дена по примањето на лекот белодробната функција им е подобрена, модуларната терапија дава брз ефект. Подобро дишат, имаат зголемен апетит и задоволни се што почнаа да го примаат лекот кој живот значи. Среќен сум што ги враќаме насмевките кај пациентките, но и кај нивните родители. Чест ми е што денеска имав можност да ги запознаам и да поразговарам со Стефанија и Хатиџе. И државата и Министерството за здравство се грижат за пациентите со цистична фиброза“, вели Демири.

[caption id="attachment_745716" align="alignnone" width="504"] фото: Министерство за здравство[/caption]

Досега, 32 пациенти имаат примено Трикафта кои етапно се вклучуваат на терапија.

Лекот Трикафта е безбеден лек, одобрен од Европската медицинска агенција и ефектот од терапијата е брз, значителен и одржлив.

The post 13-годишната Стефанија и 15-годишната Хатиџе примија „трикафта“ appeared first on Република.

Русија е се поблиску до создавање вакцина против рак, изјави денеска рускиот претседател Владимир Путин. Тој додаде дека може да се смета на рана примена на нивната вакцина во индивидуална терапија.

Се приближивме до создавање на т.н. онковакцина или вакцина против рак и нови генерации имуномодулаторни лекови. Очекувам дека наскоро тие ќе бидат ефикасно користени како методи за индивидуакна терапија - вели Путин.

Засега Путин не прецизираше за кои типови на рак ќе бидат наменети вакцините.

Тој додаде дека новите откритија во областа на медицината треба да бидат достапни за луѓето и широко применети во примарната здравствена заштита.

Новите откритија во областа на медицината, методите на превенција, лекување, новите лекови и опремата сами по себе не значат многу. Тие се осмислени за да го сочуваат здравјето на нашите граѓани и нашироко да се користат во примарната заштита - вели Путин.

Путин најави и зголемување на инвестициите во иновации во медицината и фармакологијата.

The post Револуционерна најава: Русија создаде вакцина против рак? appeared first on Република.

Ново научно откритие нуди надеж за лекување дијабетес со регенерирани клетки коишто произведуваат инсулин, имитирајќи ги природните функции.

Луѓето кои страдаат од дијабетес имаат проблем со неправилно функционирање на панкреасот. Затоа, за да се регулира неговата работа, односно нивото на инсулин во крвта, најчесто мора да консумираат вештачки замени во облик на таблети или инјекции. Но, неодамнешните испитувања покажаа напредок во обновувањето на клетките што создаваат инсулин во панкреасот. Предводени од научниците од австралискиот Институт за срце и дијабетес „Бејкер“, во истражувањето се користени лекови одобрени од американската Федерална администрација за лекови (ФДА) коишто се насочуваат кон ензимот ЕЗХ-2 за да ги стимулира прогениторните дуктални клетки на панкреасот.

Поттикнувањето на ЕЗХ-2 е од суштинско значење за потенцијалот за регенерација на бета-клетките, според авторите. Научниот труд е објавен во списанието „Сигнал трансдакшн енд таргетед терапи“ (Signal Transduction and Targeted Therapy).

Дукталните клетки одговорни за обложување на каналите на панкреасот, при испитувањата биле поттикнати да ја имитираат функцијата на дефицитарните бета-клетки кај луѓе со дијабетес тип 1. А пак, ГСК-126 и Таземетостат - два инхибитори на мали молекули коишто веќе се одобрени за третман на рак, биле клучни за ублажување на ограничувањето што го наметнува ензимот ЕЗХ-2, дозволувајќи им на дукталните клетки да развијат функции слични на оние на бета-клетките.

Овој иновативен пристап се однесува на автоимуното уништување на бета-клетките кај дијабетес тип 1, каде што управувањето со инсулинот и гликозата се потпира на редовни инјекции. Важно - регенерираните клетки покажаа способност да чувствуваат гликоза, прилагодувајќи го лачењето инсулин.

Тестовите, кои користеа примероци од ткиво од 56-годишници без дијабетес и луѓе од најразлична возраст со дијабетес тип 1, открија конзистентни резултати. Охрабрувачки, нормалното лачење инсулин продолжи во рок од 48 часа по стимулацијата.

Се проценува дека околу 422 милиони луѓе во светот имаат дијабетес, па ваков и слични лекови би можеле многу да им го олеснат животот. Иако клиничките испитувања допрва треба да се спроведат, гореспоменатото истражување претставува потенцијален начин за обновување на телесните функции погодени од дијабетесот.

The post Лек што го обновува лачењето инсулин до 48 часа кај лица со дијабетес 1 appeared first on Република.

Австралиската Влада денеска официјално им се извини на жртвите на талидомид, лекот што предизвика деформитети кај илјадници деца ширум светот од 1950-тите до 1960-тите.

Продажбата на тој лек без рецепт за утринска мачнина кај трудници и за несоница се претвори во најголемата трагедија предизвикана од производите на фармацевтската индустрија.

„Им должиме извинување на Австралијците, жртвите на талидомид, и Австралија денеска конечно се извинува за едно од најтемните поглавја во нејзината историја“, рече премиерот Ентони Албанес во Парламентот, по повод 62-годишнината од повлекувањето на лекот од пазарот.

Околу 150 преживеани во Австралија добиваат владина поддршка. Откако беше најавен како „чудесен лек“, талидомидот се препишуваше од 1956 година како седатив за ублажување гадење кај трудниците.

Од 1957 до 1961 година, лекот го користеле околу пет милиони жени во околу 50 земји.

Неколку десетици илјади новороденчиња починаа поради различни метаболички нарушувања. Не е познат бројот на абортуси што мајките ги правеле во страв и паника. Во Австралија, гинекологот Вилијам Мекбрајд бил првиот што го вклучил алармот во 1961 година, откако забележал заостанат развој и деформации на фетусот кај трудниците кои го земале лекот.

The post Австралија им се извини на жртвите на лекот талидомид од кој настрадаа илјадници деца appeared first on Република.

Владата на Република Македонија ја разгледа и ја усвои Информацијата од Министерството за здравство за давање согласност за преземање обврски, за чие плаќање е потребно користење буџетски средства за набавка на комбинирана терапија со лекот„кафтрио“  и лекот „калидеко“, за пациентите со цистична фиброза во државата.

Владата даде согласност за преземање обврски во програмите опфатени со развојниот дел од буџетот, за чие плаќање е потребно користење буџетски средства во 2024 и 2025 година на Министерството за здравство, за набавка на ваквата комбинирана терапија, во вкупна вредност од 854.549.942,40 денари.

Се работи за лек што e одобрен од Европската медицинска агенција, а ефектот од терапијата, според информацијата од Министерството за здравство е брз, значителен и одржлив и се користи како стандардна терапија за третман на пациенти со цистична фиброза на возраст над 6 години.

Задолжено е Министерството за здравство да достави до Владата Предлог Програма за обезбедување терапија за пациенти со цистична фиброза, за 2024 година.

Ова се дополнителни пари, на веќе одобрените од Министерство за здравство, а кои ќе се користат од март 2024, како посебна програма за пациентите со цистична фиброза.

Претходно, пред два дена, на 22 ноември, Министерството соопшти дека одобрило дополнителни 100 милиони денари за обезбедување на лекот „кафтрио“ („трикафта“) во комбинација со „калидеко“ за дополнителни пациенти со цистична фиброза. Со тие пари што веќе се одобрени за Детската клиника, ќе се обезбеди лекот за до март 2024, а со денешните одобрени од Владата, за следните две години.

https://republika.mk/zivot/zdravje/pokraj-12-bolni-koi-primaat-trikafta-ke-ima-lek-i-za-dopolnitelni-patsienti-otkako-se-odobrija-100-milioni-denari-na-nabavka-na-lekot/

The post Владата одобри 854 милиони денари за лекот „трикафта“ за болните од цистична фиброза во следните две години appeared first on Република.

Нема точен датум кога нови пациенти болни од цистична фиброза ќе почнат да примаат „трикафта“, а проблемот со недостигот од лекот „креон“, кој овие лица го земаат секојдневно со храната, ќе бил разгледан. Ова им било соопштено на пациентите со цистична фиброза на денешниот состанок со министерот за здравство Фатмир Меџити.

Од МЗ им кажале дека бирократски процедури биле пречка за лекот „трикафта“ да го добијат и други пациенти со цистична фиброза, покрај 12 кои веќе го примаат.

Претседателот на Асоцијацијата за цистична фиброза, Фики Гаспар кажа дека на состанокот се разговарало за нивното барање, модуларна терапија да има за сите пациенти.

Самата Влада спомна дека сто милиони денари се овозможени и дека се работи за дополнителни 55 пациенти со цистична фиброза да почнат со примање „трикафта“. Денеска ни беше кажано дека финансиите се одобрени и префрлени, но, согласно преговорите со фирмата од која ќе се набавува, не можат да кажат бројка, затоа што се надеваат дека ќе биде и поголем број пациенти. Се зборуваше и за недостигот од лекот „креон“, што го користат пациентите секојдневно во својата исхрана. Лекот е дефицитарен и многу често мораше да се купува од други места, да се позајмува меѓу пациенти коишто имаат залиха. Ни беше ветено дека овој проблем ќе биде разгледан, се надеваме ќе биде решен, изјави Гаспар по состанокот во Министерството за здравство.

Тој информираше дека не добиле точен датум, кога би почнале новиот број пациенти да примаат „трикафта“. Овие 12 пациенти кои примаат „трикфта“ имаат терапија до крајот на годината и за нив не би требало да има застој.

Како што кажа Гаспас по средбата, се зборувало и за нивната жалба на тоа дека имало протокол каде пациентите од 12 години нагоре, ќе ја примаат модулаторната терапија, што не било пракса во други држави што веќе ја користат и веќе имаат, како што беше истакнато, многу позитивни ефекти од самата.

Тој информираше дека на Детската клиника, условите за пациентите со цистична фиброза се одлични, а тие како здружение, со донатори помогнале да се опреми клиниката.

Останува проблемот за возрасните пациенти, на Пулмологија нема доволно голем капацитет, кога се случува влошување на повеќе од два или три пациенти во исто време, рече Гаспар.

Портпаролката на Министерството за здравство, Берна Шерифовска за најавениот нов центар за лица со оваа ретка болест, соопшти дека обезбедени се средствата преку донација и се очекува во краток период, да се започнат процедурите за опремување, за целосна реконструкција на објектот во „Козле“. Станува збор за современ објект, изграден според европски стандарди. Пациентите ќе бидат на едно место, каде што ќе ги лекуваат лекари - специјалисти, експерти за ова заболување.

Таа информираше дека во четвртокот добиле допис од Фондот, каде што се одобрени средства за набавка на модулаторната терапија.

Ние како Министерство постапивме до крај, сега останува на Бирото за јавни набавки да го припреми модулот и според тоа кога тој ќе биде готов, ние веднаш ќе го објавиме тендерот и ќе се оди согласно процедурата, рече Шерифовска, појаснувајќи дека станува збор за различен тип модул, потребен за ваков тип на јавна набавка.

The post Нема точен датум кога нови пациенти болни од цистична фиброза ќе почнат да примаат „трикафта“ appeared first on Република.

Под итно да се набави лекот „фезго“, јавно побара денеска Елизабета Ристовска, пациентка со канцер од Скопје.

Терапијата „фезго“ што ја примаме на 21 ден, минатата недела ја немаше, денеска ми е термин да го примам лекот, до десет часот имало, од десет часот веќе нема од лекот и не враќаат, реагираше таа.

Ова се случува, нагласи таа, иако се тврдело дека „нема доцнење на лековите, дека сите онколошки пациенти се навремено снабдени и сите пациенти со канцер се подмирени со лекови“.

Побара итно решавање на проблемот, за, како што подвлече, пациентите да не трпат последици поради немање лекови.

Од Клиниката за онкологија, рекоа за МИА дека станувало збор само за неколкучасовен недостиг, дека е направена нарачка, очекуваат да стигне во секој момент, најкасно до утре.

Пациентите никако нема да останат без лек. Воопшто нема проблем. Генерално, ги имаме сите лекови, да не се прави паника за неколкучасовен недостаток, нагласија од Клиниката.

Оттаму додадоа дека засега имало проблем само со еден друг лек, но проблемот бил кај производителот и се надеваат дека во најскоро можно време и тој проблем ќе се надмине. Се правеле напори да се земе од друг производител.

На новинарско прашање околу тоа дека онколошки пациенти со рак на дојка денеска иако поминале стотици километри не добиле биолошка терапија и биле вратени, министерот Фатмир Меџити рече дека има дефицит на биолошка терапија, дека се случува во одредени времиња да има дефицит на таква скапа терапија.

За жал, расте бројот на такви пациенти и кога се прават набавки со условен буџет, некогаш не можат да се предвидат и се случува да има недостаток од неколку дена, појасни министерот.

Тој нагласи дека работат на случајот и проблемот во брзо време ќе биде решен.

The post Пацинетка алармира дека остана без лек, од Онкологија ѝ вратија да не крева паника appeared first on Република.

Три деца кои боледуваат од ретката болест Ахондроплазија добија лек, објави на својот профил на фејсбук министерот за здравство Фатмир Меџити.

Со големо задоволство можам да информирам дека три храбри дечиња со ретка болест го добија потребниот лек кој ќе влијае на подобрување на нивниот квалитет на живот. Првпат со јавна набавка за обезбедување на лекови за ретки болести за 2023 година, набавен е лек за пациентите со ретка болест Ахондроплазија, објави Меџити.

Меџити информираше дека лекот Vosoritide е испорачан на Универзитетската клиника за детски болести и е обезбеден за три пациенти, како што било побарано од самата клиника.

За набавка на лекот Vosoritide обезбедени се дополнителни 50 милиони денари во буџетот на Програмата за лекување на лица со ретки болести.

Лекот е клучен за третманот на болеста и влијае на поттикнување на развојот на пациентите со Ахондроплазија, болест која се манифестира со џуџест раст, веднаш по раѓањето.

The post Првпат три деца кои боледуваат од ретката болест Ахондроплазија добија лек appeared first on Република.

Веќе неколку месеци, пациентите со цистична фиброза се оставени без лекот „креон 25.000“, кој помага полесно да се апсорбира храната во телото. МИА веќе пишуваше за овој проблем со кој се соочуваат лицата со оваа ретка болест, а од Министерството за здравство ни беше кажано дека од понеделник (7 август) ќе го има лекот во аптеките.

Согласно информацијата од дистрибутерот на лекот „креон 25.000“, во тек е дистрибуцијата во аптеките и веќе од понеделник ќе биде достапен за сите пациенти. Станува збор за лек од биолошко потекло, кој е во ограничено производство на светско ниво и оттука се појави краткотраен дефицит со увозот на овој лек, кој е веќе надминат, се наведуваше во писмениот одговор од Министерството за здравство минатиот петок.

Но, веќе четврти ден, пациенти велат дека лекот сѐ уште го нема низ аптеките. Од дистрибутерот на овој лек ни беше кажано дека стигнат е лекот и е испорачан во веледрогерии, но, не знаат во кои аптеки испорачуваат тие, а „директно во аптеки не испорачуваме“. МИА и денеска се вклучи во „потрагата“ по овој лек, а во аптеките каде се јавивме и таму каде што лично отидовме во главниот град и се распрашавме, ни беше кажано дека го нема и не се знае кога ќе пристигне.

Согласно добиени последни информации од производителот - дистрибуцијата на „креон 25.000“ е сѐ уште во тек. Лекот не го држи секоја аптека, се доставува на барање на аптеката, во зависност од потребите за лекот. Увезените количини се ограничени, како и во други земји од регионот заради недостиг на активната компонента. Во периодов, во промет континуирано е достапен и „креон 10.000“, рекоа денеска од Министерството за здравство за МИА.

Дека има недостиг од овој лек, потврди и пациентката со цистична фиброза, Ивана Атанасоска.

Пациенти од Тетово, Куманово, Охрид, Прилеп и од Штип велат дека го нема лекот „креон 25.000“, за МИА изјави Атанасоска.

Бидејќи нема „креон 25.000“, односно лек наменет за возрасни, тие се принудени да земаат од лекот наменет за деца, „креон 10.000“.

Панкреасните ензими неколку месеци ги нема или на месечно ниво пациентите наоѓаат само по една до три кутии, а во зависност од внесувањето на храна, лица земаат до седум кутии во еден месец, вели Атанасоска.

Претседателот на Асоцијацијата за цистична фиброза, Фики Гаспар во изјава за МИА вели дека смета оти не е соодветно да има застој во набавка на лекарства неопходни за кој било пациент.

Не смее да има застој. Сметам дека одговорните лица кои ги набавуваат, треба со време да планираат кога треба да дојде до нова залиха, кога ќе се потроши веќе набавената, подвлече Гаспар, апелирајќи за соодветна дистрибуција на лекарства, без дефицит.

Пациентите со цистична фиброза велат дека со примањето на „трикафта“, лек што исто така им е потребен, се враќа здивот, полесно се дише, доколку не се земе „креон“, храната не се апсорбира во телото.

Ставаш нешто во уста, џвакаш, но, не чувствуваш како да јадеш. Но, тоа не е најголемиот проблем. Имаш болки во стомакот, грчеви, а храната си останува несварена и тоа носи еден куп други проблеми, вели пациент со цистична фиброза, кога го прашавме што ќе се случи, доколку не се земе „креон“ пред оброк.

Неможноста да се дојде до „креон 25.000“ претставува само еден од низата проблеми со кои се соочуваат лицата со оваа ретка болест.

The post Пациентите со цистична фиброза оставени на цедило, го нема лекот „креон 25.000“ appeared first on Република.

Инфективната клиника го доби лекот рипавирин наменет за тешка форма на конго кримска хеморагична треска, а од утрово го прима заболената болничарка од истата клиника.

Директорката на клиниката, Милена Стевановиќ истакна дека случаите со болничарката и пациентката од Штип која почина од конго-кримска хеморагична треска се различни и дека лекот рипавирин немало да ја спаси.

Пациентката од Штип беше дијагностицирана и почината во неколку часа и не можела да биде спасена со лекот. Ниту една држава нема ваков тип на лек во залиха, освен колегите инфектолози и организациите кои работат во ендемски подрачја каде што има вакви вакви ендемски трески. Досега ние не сме имале пациент со конго-кримска треска. Болничкарката која е хоспитализирана е стабилна, влегува во фазата во која се очекува крварење. Денеска одлучивме дека треба да почне да го прима лекот кој стигна во нашата земја. Се држиме до искуството до оние кои имаат најмногу прегледано пациенти во светот и сметам дека сме на добар пат. Овој лек е еден сегмент од лекувањето. За жал, никаде не е изразено како процент колкав е процентот на преживување со давањето на овој лек. Целта е да се помине кризата во развојот на болеста, овој лек е антивирусен и целта е да с спречи размножувањето на вирусот и да се намали неговата моќ. Овој лек може да има несакани ефекти и затоа во нашето лекување се вклучени хематолог и трансфузиолог – рече Стевановиќ.

Сите медицински работници кои се под надзор поради контакт со болничарката од Инфективна, колегите епидемиолози континуирано ги следат до 14-от ден од надзорот.

48-годишната болничарка е хоспитализирана на Инфективна. Заразата ја доби од младата жена од Штипско која почина по убод од крлеж. Двата потврдени случаи на конго-кримска хеморагична треска ставија под надзор 39 лица.

The post Стевановиќ: Болничарката од Инфективна од денеска го прима лекот против конго-кримска треска appeared first on Република.

Лекот кој е единствена на располагање во тешки клинички форми на болест е пристигнат во држвата во текот на вчерашниот ден, а пацинтката која е заразена со конго-кримска хеморагична треска е стабилна, со повремено покачена температура, информираат од Клиниката за инфкетивни болсти.

Пациентката, која се инфицираше во тек на својата работа, е стабилна со повремено покачена температура, без други симптоми на болест. Лабораториските анализи на крвта се следат дневно и се ординира терапија. Во наредните неколку дена, според можниот развој на болеста, очекуваме фаза во која може да се случи влошување на состојбата, велат од Инфективната клиника.

Оттаму додаваат дека лекот кој е единствен на располагање во тешки клинички форми на болест е пристигнат во државата во тек на вчерашниот ден.

Вчера беа реализирани и веб конзилијарни состаноци со колеги кои ја следат оваа болест во светот и имаат огромно искуство, велат од Клиниката.

Од вработените на Клиниката за инфективни болести кои беа под медицински надзор ниту еден до сега нема пријавено симптоми на болест.

На 30 јули почина жена од Штипско, по убод од крлеж. Од неа се зарази болничарка, која моментално е на Инфкетивната клиника. Државниот здравствен и санитарен инспекторат (ДСЗИ) издаде решенија за изолација за 29 контакти, а само болничарката пројави симптоми. Контактите од првиот позитивен случај се под надзор до 10 август.

Од контактот со болничарката, издадени се решенија за изолација за уште 11 контакти, 10 членови на нејзиното семејство и колешка од Инфективната клиника. Тие ќе бидат 14 дена под надзор.

The post Пристигна лекот за конго-кримска хеморагична треска, пациентката која е инфицирана е стабилна, информираат од Инфективната клиника appeared first on Република.

Американската Агенција за храна и лекови (ФДА) го одобри првиот орален лек за третман на постпородилна депресија, под назив „Зурзува“ (Zurzuvae).

Ова е воедно и единствен орален третман за постпородилна депресија, којшто се зема еднаш дневно, за 14 дена и може да доведе до брзо подобрување. Досега, лекувањето на постпородилната депресија во САД беше можно само преку интравенска интервенција на лекот во здравствените установи. Според компанијата производител, лекот би требало да биде достапен во последното тримесечје од 2023 година.

Постпородилната депресија обично се јавува по пораѓањето, но може да почне и при крајот од бременоста. Исто како и другите видови депресија, и тука симптомите вклучуваат долготрајна тага, губење енергија, самоубиствени мисли и намалена способност за доживување задоволство. Се проценува дека една од седум жени искусуваат симптоми на постпородилна депресија само во САД, известува ФДА.

- Постпородилната депресија е можно опасна состојба по живот кога жената чувствува тага, вина, безвредност - во потешки случаи, може и да си наштети себеси или на бебето. И, бидејќи постпородилната депресија може да го наруши односот мајка - дете, може да има последици и врз физичкиот и емоционалниот развој на детето. Пристапот до орални лекови ќе биде корисен за многу жени кои се справуваат со екстремни и понекогаш опасни по живот чувства, појасни Тифани Фарчионе, психијатарка во Центарот за евалуација на лекови на ФДА.

Клиничките испитувања покажаа дека пилулата значително ги намалува симптомите на депресија во рок од три дена. Ефектот на лекот трае четири недели по последната доза, соопшти ФДА.

The post САД го одобри првиот орален лек за постпородилна депресија appeared first on Република.

Американската агенција за храна и лекови (ФДА) го одобри првиот орален лек за третман на постпородилна депресија, објавија Sage Therapeutics и Biogen. Zurzuvae е првиот и единствен орален третман за постпородилна депресија, кој се зема еднаш дневно во тек на 14 дена и може да доведе до брзо подобрување, објавија компаниите.

Досега, лекувањето на постпородилната депресија во САД беше можно само преку интравенска администрација на лекот во здравствените установи. Според компанијата, Zurzuvae би требало да биде достапен во последниот квартал од 2023 година.

Постпарталната депресија е значајна депресивна епизода која обично се јавува по раѓањето на детето, но може да започне и во подоцнежните фази од бременоста.

Исто како и другите видови на депресија, симптомите на постпородилна депресија вклучуваат тага, губење на енергија, самоубиствени мисли и намалена способност за доживување задоволство, според ФДА. Се проценува дека една од седум жени искусуваат симптоми на постпородилна депресија само во САД.

„Постпородилната депресија е потенцијално опасна по живот состојба во која жената чувствува тага, вина, безвредност – во потешки случаи, мисли да си наштети себеси или на бебето“, рече Тифани Фарчионе, шеф на психијатрија во Центарот за евалуација на лекови на ФДА и Истражување.

„Бидејќи постпородилната депресија може да го наруши односот мајка-дете, може да има последици и врз физичкиот и емоционалниот развој на детето.

Пристапот до орални лекови ќе биде корисен за многу жени „кои се справуваат со екстремни и понекогаш опасни по живот чувства“, додаде таа.

Клиничките испитувања покажаа дека пилулата значително ги намалува симптомите на депресија во рок од три дена. Ефектот на лекот трае четири недели по последната доза, соопшти ФДА.

The post САД го одобрија првиот орален лек за постпородилна депресија appeared first on Република.

Покрај недостигот од „трикафта“ за лицата со цистична фиброза, веќе неколку месеци пациентите се оставени и без лекот „креон“ кој помага полесно да се апсорбира храната во телото. МИА контактираше неколку аптеки кои потврдија дека лекот го нема веќе подолго време, а стапи во контакт и со увозникот на лекот, од каде информираа дека лекот го нема од јуни и дека не знаат кога ќе стигне.

МИА побара став и од Министерството за здравство. Оттаму соопштија дека веќе од понеделник лекот ќе биде достапен во аптеките.

Согласно информацијата од дистрибутерот на лекот „креон 25.000“, во тек е дистрибуцијата во аптеките и веќе од понеделник ќе биде достапен за сите пациенти. Станува збор за лек од биолошко потекло, кој е во ограничено производство на светско ниво и оттука се појави краткотраен дефицит со увозот на овој лек, кој е веќе надминат, се наведува во писмениот одговор од Министерството за здравство.

Претседателката на Асоцијацијата за цистична фиброза, Ивана Атанасоска потврди за МИА дека пациенти се жалат на недостиг од овие капсули. Бидејќи нема „креон 25.000“, односно лек наменет за возрасни, тие се принудени да земаат од лекот наменет за деца, „креон 10.000“.

Панкреасните ензими неколку месеци ги нема или на месечно ниво пациентите наоѓаат само по една до три кутии, а во зависност од внесувањето на храна, лица земаат до седум кутии во еден месец, вели Атанасоска.

Пациентите со цистична фиброза велат дека со примањето на „трикафта“ се враќа здивот, полесно се дише, но дека доколку не се земе „креон“, храната не се апсорбира во телото.

Ставаш нешто во уста, џвакаш, но, не чувствуваш како да јадеш. Но, тоа не е најголемиот проблем. Имаш болки во стомакот, грчеви, а храната си останува несварена и тоа носи еден куп други проблеми, вели пациент со цистична фиброза, кога го прашавме што ќе се случи, доколку не се земе „креон“ пред оброк, појаснуваат пациентите со цистична фиброза.

Александар Стамболиски, пациент со цистична фиброза, за МИА вели дека проблемот трае изминатите три месеци.

Сѐ уште немаме никаква информација ниту од Министерството за здравство, ниту од добавувачот, кога би се решил тој проблем и кога повторно би почнале да го набавуваме без проблем од аптеките. „Креонот“ ни е навистина потребен, бидејќи без него не можеме да имаме ниту еден оброк, затоа што тој ни помага во варењето на храната и го консумираме пред секој оброк, нагласува Стамболиски.

Како 26-годишен пациент, тој ги плаќа сите потребни лекарства од сопствениот џеб, иако Асоцијацијата бара начин да го тргне овој товар од грбот на пациентите.

Во Собранието во јуни не помина предлогот за ослободување од партиципација од медицински услуги и лекови на пациенти со цистична фиброза над 26 години. Подоцна, тие биле информирани оти се ослободени од партиципација уште во 2019 година. Но, очигледно тоа стои само на хартија, бидејќи искуството на оние со кои разговаравме, го потврдува спротивното.

Што се однесува до трошоците на месечно ниво, Стамболиски вели дека тие изнесуваат од 6.000 до 7.000 денари.

Но, овие трошоци знаат да бидат и многу поголеми во зависност од здравствената состојба на пациентот и компликациите што тој ги има, бидејќи цистичната фиброза е мултикомплексна болест и со тек на годините таа сѐ повеќе прогресира и развива други здравствени компликации, појаснува Стамболиски.

Вели дека сѐ уште не прима трикафта, лек кој во моментот го примаат само 12 пациенти.

Во моментот, лекот одговара на околу 80 пациенти, а ние добивме ветување од министерот за здравство дека лекот ќе се набави за уште околу 30 пациенти до крајот на годината, што е долг период. Како пациенти со цистична фиброза бараме системско решение со кое ќе се набави трикафта, кафтрио, за сите пациенти. Единствен услов за тоа да биде пациентот да има цистична фиброза, бидејќи сите пациенти сме приоритетни, вели Стамболиски за МИА.

И Атанасоска нагласува дека Асоцијацијата бара „трикафта“ да добијат сите на кои им е потребен овој лек.

Во Европа се дава на пациенти од над шест години, а во Америка границата ја симнаа од над две години. Кај нас, за жал, направија да биде над 12 години и сѐ она што зборувавме и се залагавме дека најважно е да биде како превентива за малите деца да не дојдат до потешка клиничка слика, е игнорирано. Сѐ уште немаме официјални информации кога другите пациенти би почнале со примање на „трикафта“. Немаме план за динамиката со што би одела набавката и исто така, стравуваме дали ќе продолжи, бидејќи се порачува за една година. Ние, 12 кои почнавме со „трикафта“, слушнавме дека нема да има за цела година, туку само до декември. Но, сѐ тоа се шпекулации, никој не нѐ информира директно, вели Атанасоска за МИА.

Другиот претседател на Асоцијацијата за цистична фиброза, Фики Гаспар за МИА посочува дека Асоцијацијата е подготвена да оди на протести, доколку не се решат нивните проблеми.

Најавен нов модерен центар за лицата со цистична фиброза

Министерот за здравство Фатмир Меџити деновиве на прес-конференција најави модерен центар за лицата со цистична фиброза, каде би имало посебни оддели за возрасни пациенти и за деца. Како што посочи тој, се обезбедуваат средства - еден дел ќе биде преку донации, а другиот дел ќе се обезбеди од буџетот.

Пациентите го очекуваат новиот центар кој се надеваат дека ќе биде по европски стандарди за лекување.

Сите пациенти не одговараат за „трикафта“ според мутацијата и има пациенти на кои и понатаму често ќе им требаат хоспитализации. Во моментов, возрасните се на Клиниката за пулмологија, каде има само една соба на располагање и таа е за еден пациент. И двајца може да примаат терапија во текот на денот, доколку се од Скопје да доаѓаат двапати на ден. Тоа е голем проблем со оглед на влошувањата што можат да им се случат на пациентите, а да нема можност да се хоспитализираат соодветно, посочува Атанасоска.

Таа информира дека со помош на спонзори се реновира и одделот за цистична фиброза на Детската клиника и пред да биде готов, од Министерството за здравство излегле со информација дека во Козле ќе ги префрлат и децата и возрасните.

За да исполнува услови оддел за цистична фиброза, мора да е терцијарна здравствена установа, да има тим од различни области. Тоа, во моментов, не е исполнето. Најважно е тоа што мора да се донесе решение што нема да се менува на неколку месеци како досега затоа што, една третина од животот, пациентите поминуваат во болница и се приврзуваат и со доктори и со сестри. Кога се води состојбата, треба да се води во континуитет, а не да се менува, порачува Атанасоска.

Извор: МИА

The post Со месеци го нема ни лекот „креон“ за лицата со цистична фиброза, од МЗ ветуваат „од понеделник“ appeared first on Република.

Нов лек за Алцхајмеровата болест е оценет како „пресвртница во борбата“ против тоа нарушување, откако беше откриено и научно потврдено дека ја забавува неговата прогресија.

Истражувачите поделиле 1.800 учесници во две еднакви групи. Притоа, првите испитаници 18 месеци примале месечна инфузија на лекот „Донанемаб“, а вторите земале плацебо. Се утврди дека „Донанемаб“ го прави „клиничкото опаѓање“ побавно до 35 отсто, што значи дека луѓето со оваа болест сè уште можат да вршат секојдневни активности, како купување, домаќинство, управување со финансии и земање други лекови. Околу 47 отсто од луѓето кои го земале лекот, а ја имале болеста во рана фаза, имале ниски или умерени нивоа на тау-протеинот, и една година немале прогресија на болеста.

Здружението за истражувања на Алцхајмеровата болест во Обединетото Кралство вели дека се влегува во нова ера кога заболувањето „може да стане излечиво“, се наведува во написот објавен и во „Журналот“ на Американското медицинско здружение.

Здружението забележува дека лековите како „Донанемаб“ еден ден може да доведат до тоа – Алцхајмеровата болест да се спореди со хронични болести како што се астма или дијабетес.

Лекот е произведен од „Ели Лили и компани“. Регулаторите за здравствени трошоци во Англија веќе проценува дали лекот може да се користи во дел од англискиот јавен здравствен систем.

Научниот труд претходно беше претставен и на Меѓународната конференција на здруженијата против Алцхајмеровата болест во Амстердам, Холандија.

The post Пресвртница во борбата: Откриено дека нов лек ја забавува прогресијата на Алцхајмеровата болест appeared first on Република.

Асоцијацијата за цистична фиброза ја поддржаа иницијативата за предлог законски измени за ослободување од партиципација од медицински услуги и лекови на пациенти со оваа болест постари од 26 години и ослободување од плаќање на патарини и патни такси. Ова денеска беше соопштено на прес-конференција организирана од Асоцијацијата.

Жоржета Илиеска од Велес, родител на пациент со цистична фиброза, рече дека 21 година се наоѓаат во голгота.

Ова е дел од нашата долгогодишна борба. Бараме и очекуваме поддршка од сите политички партии и пратеници во Собранието на Македонија за прифаќање и брза реализација на законските измени. Во исто време, пациентите и родителите на пациентите, потсетуваат на добиеното ветување за достапност на модулаторна терапија за сите пациенти со цистична фиброза и се надеваат дека ова ветување ќе биде реализирано во најкус можен рок, нагласи таа.

На новинарско прашање околу обезбедување на финансиски средства за терапија за сите пациенти со оваа ретка болест, а не само за тие 12 што добија терапија за цела година, Елмир Сејфулаи одговори дека последниот пат кога биле во Министерството за финансии, им било речено дека чекаат одлука од Влада. Требало Министерството за здравство да направи комисија и буџетски план и рокови, за обезбедување на лекот „трикафта“ за сите пациенти, па да го достави до Влада, а Влада да одговори кон министерствата за здравство и финансии. Тој нагласи дека лекот е многу потребен за сите пациенти, дека од Министерството за финансии им рекле дека нема да има потреба од ребаланс на буџетот, за обезбедување на потребните финансиски средства.

Мислам дека во 21. век не треба да има толку бирократија, а посебно ако е лекот толку многу потребен и е животоспасувачки, нагласи тој, како родител на дете со цистична фиброза.

Тој појасни дека со новиот план, треба да бидат опфатени триесет пациенти до крајот на годината. А потоа, да се работи и за 130 - 140 пациенти, од кои не сите може да го земаат лекот. Околу 120 од нив, може да го примат лекот, од 12 години нагоре. Иако во Америка веќе било одобрено да се прима од шестгодишна возраст, па нагоре. Се очекувало до крај на година и во Европа да се одобри по шест години возраст, па и кај нас, за да се спречи прогресот на болеста. На новинарско прашање, одговори дека нивен член засега не бил повикан на седница на комисија за решавање на овој проблем, со обезбедување на лекот за сите пациенти.

Александар Стамболиски кој има 26 години, се осврна на трошоците околу терапијата за оваа болест, во просек месечно околу седум илјади денари за пациент со цистична фиброза. Ако има компликации, потребни се повеќе финансиски средства.

Со оваа терапија што сега ја имаме, не можеме да ја спречиме болеста, ние делуваме само на симптомите, рече тој, нагласувајќи дека состојбата би се подобрила со „трикафта“, рече Стамболиски.

The post Асоцијацијата за цистична фиброза поддржува ослободување од партиципација за пациенти над 26 години appeared first on Република.

Во Македонија, бројот на новодијагностицирани пациенти со мултипла склероза (МЦ) постојано расте, бидејќи секоја година се дијагностицираат нови 90-120 пациенти. Околу 60 пациенти се на листата на чекање за примање на високоефикасна терапија. Овие лица се млади, работоспособни кои сѐ уште можат да го дадат својот придонес во општетсвото, но ако и понатаму останат без терапија, постои ризик за прогресија и појава на неповратен инвалидитет. Тоа ќе се рефлектира со значителен товар врз самиот пациент и неговото семејство, а претставува и сериозна импликација и негативен економски импакт врз социјалниот, здравствениот и пензискиот фонд во подолг временски период”, вели Ана Карајанова - Димитрушева, претседателка на Националното здружение за МС.

Денес, Националното здружение за помош и поддршка на лица со мултипла склероза го одбележа Светскиот ден на мултипла склероза во хотел Панорамика во Скопје.
На настанот говореа Димитрушева, претседателка на Националното здружение за МС, сопругата на претседателот на Македонија проф. Д-р Елизабета Ѓоргиевска, д-р Фатмир Меџити министер за здравство, заменик министер за труд и социјална политика, Енвер Хусејин, директор на Универзитетска Клиника за неврологија Скопје, д-р Висар Мифтари.

За поздравување се заложбите на здравствените власти во соработка со тимот од Универзитетска Клиника за Неврологија, за зголемување на бројот на лица со МС кои примаат ефикасна терапија во изминатите години, но и покрај тоа соочени сме со недостапност на оваа терапија за голем број пациенти со МС кои веќе се поставени на терапија. Во слична ситуација се и оние кои чекаат со месеци да добијат современ третман. Причините за оваа состојба може да се бараат во недоволниот буџет доделен на Клиниката за лековите за МС, што резултира со немање доволно средства за набавка на лекови и за постоечките пациенти кои веќе се на третман неколку години, рече Карајанова Димитрушева во своето излагање.

Мотото на годинешното одбележување на Светскиот ден е MS Connestions - „МС Поврзувања" коe годинава е околу поврзувањата на лицата со МС во заедницата и во општеството.

Сето ова е со цел да се подигне свеста за невидливите симптоми на МС и нивното негативно влијание врз квалитетот на живот на лицата кои се соочуваат со оваа болест, да ги предизвикаат општите заблуди и да им помогнат на луѓето да размислат како да им понудат соодветна поддршка. На тој начин општата јавност ќе се запознае со големиот број на исцрпувачки симптоми со кои секојдневно се соочуваат лицата со МС, а општата јавност не ги гледа.

И покрај евидентниот напредок кој е направен изминативе години, сѐ уште има потреба од унапредување на грижата за лицата со мултипла склероза, како на пример навремена дијагностика, адекватен и современ третман преку зголемување на достапноста на високоефикасните и иновативни лекови, велат од Националното здружение.

Мултипла склероза (МС) е една од најчестите невролошки нарушувања и причини за инвалидитет кај младите возрасни лица. Тоа е хронична, прогресивна, имунолошки посредувана, воспалителна и дегенеративна болест на централниот нервен систем. Настанува кога имуниот систем ја напаѓа обвивката на нервните клетки (миелин) во мозокот, ’рбетниот мозок и оптичките нерви, предизвикувајќи воспаление и последователна дегенерација, што води до прекин на невротрансмисијата на сигналот од една нервна клетка до друга.

Во Македонија од МС боледуваат околу 1.500 лица додека во светот има повеќе од 2,3 милиони лица. Многу е веројатно дека стотици илјади лица остануваат недијагностицирани и многу животи се индиректно зафатени. Повеќето лица со МС се дијагностицираат на возраст од 20 до 40 години, и околу два-три пати почесто се дијагностицираат жени наспроти мажи.

Причината за МС сѐ уште не е позната и до сега не постои лек, но постојат лекови кои можат да им помогнат на лицата со МС да ја стават болеста под контрола и постојат многу опции за подобрување и управување со симптомите.

The post Во Македонија годишно се дијагностицираат меѓу 90 и 120 нови пациенти со мултипла склероза, а 60 се на листата за чекање на примање високоефикасна терапија appeared first on Република.