Буџетот за 2025 година, предложен од Владата на ВМРО-ДПМНЕ е развоен и има за цел да генерира засилен економски раст.

Со Буџетот се предвидуваат рекордни 50,5 милијарди денари за капитални инвестиции. Овде се вклучени проекти како патната инфраструктура за Коридорите 8 и 10д, експресни патишта, железници, изградба на објекти. Ова се капитални инвестиции кои ќе бидат направени од сите министерства и ќе донесат и ќе започнат економска трансформација на државата.

Додека Владата е насочена кон развој се гледа и од основниот податок за зголемување на буџетските средства во Министерството за транспорт за 69,4% или приближно 7 милијарди денари повеќе. Имено покрај новата потпрограма за инфраструктурни проекти во општините, која изнесува 2,8 милијарди денари, во новиот буџетски план за следната година има зголемување за 3,9 милијарди денари повеќе во потпрограмата Инвестиции во патната инфраструктура и тоа за 95,1% повеќе од буџетскиот документ за 2024 година.

Расходите на Министерството за транспорт се зголемени за 69.4% или за 6.7 милијарди денари и се во вкупен износ од 16.3 милијарди денари. Најголем дел од проектираните расходи се планирани за капиталните проекти кои укажуваат на зголемување од 77.3%.

Македонија во 2025 година ќе биде едно големо градилиште на инфраструктура, училишта, болници, градинки и други јавни објекти.

Владата на ВМРО-ДПМНЕ ја става државата на брза трака напред.

https://www.youtube.com/watch?v=pr0W68I83EM&embeds_referring_euri=https%3A%2F%2Fmia.mk%2F&source_ve_path=MjM4NTE

The post Лефков: Владата на ВМРО-ДПМНЕ ја става државата на брза трака за развој, 50.5 милијарди денари за капитални инвестиции appeared first on Република.

Судскиот совет и Советот на јавни обвинители продолжуваат да преземаат чекори и да делуваат кон намалување на довербата на народот во правосудството. Советот на судии дрско изврши упад во Академијата за судии и јавни обвинители, и наместо да назначи судии за членови на УО на Академијата, тој назначи свој член на таа позиција, истакна Миле Лефков, пратеник и член на ИК на ВМРО-ДПМНЕ.

– На 24 октомври Судскиот совет ја назначи Антоанета Димовска, која е член на Судскиот совет за член на УО на Академијата. Членот 44 од Законот за спречување на корупција и судир на интереси забранува избрано или именувано лице истовремено да врши функција на член на орган на управување во јавно претпријатие, јавна установа или друго правно лице кое располага со државен капитал. Членовите на Судскиот совет и Советот на јавни обвинители се избрани и именувани лица, и не можат да вршат функција во органи на управување како што е Управниот одбор на Академијата за судии и јавни обвинители  – рече Лефков.

Антоанета Димовска покрај тоа што е именуван функционер е и сестра на пратеничката од СДСМ, Снежана Калевска Ванчева.

– Законот е јасен. Антоанета Димовска не може да биде член на УО на Академијата за судии и јавни обвинители.  Дали нејзината роднинска врска со пратеник од СДСМ го мотивирала Судскиот совет да ја назначи за член на УО на Академијата, иако не смеел тоа да го направи? СДСМ треба да кажат која е нивната вмешаност во изборот?Димовска треба да си даде оставка од позицијата, а Судскиот совет колективно да ја понесе одговорноста за овој упад во системот – побара Лефков.

The post Лефков: Сестра на пратеничката Калевска Ванева од СДСМ иако е член на Судскиот совет, е назначена во УО на Академијата за судии и јавни обвинители appeared first on Република.

Бисера Антоанета призна дека изнајмила луксузен трособен стан во Виена за четири ноќи, за 1200 евра со поглед на виенскиот парк. Плаќањето преку апликацијата Букинг го објавивме вчера, а денес објавуваме кој го резервирал станот за Антоанета и на чие име е резервацијата, истакна на прес-конференција Миле Лефков од ВМРО-ДПМНЕ.

„Ова е првата страна од копијата од резервацијата која лично Антоанета ја поднела во Министерството за култура со цел да ги оправда потрошени пари од службената картичка. А на резервацијата се гледа дека е направена од Марија Магдалена Петковска Микаровска, професорка по англиски јазик од Битола, другарка на Бисера Антоанета.
Се поставува прашањето дали Бисера Антоанета изнајмила луксузен трособен стан во Виена за четири ноќи наместо хотел кој е далеку поевтин, за со неа да ја шета и нејзината другарка со народни пари?“, прашува пратеникот.

„Зошто Бисера Антоанета службената картичка си ја користела за приватни прошетки и забава?

Кој се патувал со Бисера Антоанета на државен трошок во Виена и кој се спиел во луксузниот трособен стан?“, додава Лефков.

Утре, како што најави, продолжуваат со нови детали за „патувањето на Антоанета во Виена и трошењето народни пари“.

The post Дали Бисера Антоанета ја водела и другарката на државен трошок на шетање, прашува Лефков appeared first on Република.

Да учела Бисера Антоанета од Македонските народни мудрости, кои се дел од поголемата културна оставштина на народот низ годините ќе знаела дека на лагата и се кратки нозете. Очигледно не знае, па тука сме да и го кажеме тоа, рече на денешната прес-конференција пратеникот Миле Лефков.

– Бисера Антоанета лаже кога вели дека купувала куфери, мечиња, хулахопки и чорапи од приватна картичка. Вистината е дека Бисера Антоанета купила куфери, мечиња, хулахопки и чорапи со државни пари. Ова е месечниот извештај за Виза бизнис картичката сопственост на Министерството за култура, издадена на име на Бисера Антоанета. Од овој извештај јасно се гледа дека Бисера Антоанета на 26.10.2023 година со народни пари, од државната картичка си купила куфер Samsonite за 219 фунти. Од овој извештај јасно се гледа дека Бисера Антоанета потрошила 89 фунти во Gift Galore London, од каде ги купила и плишаното мече и фудбалската топка. Бисера Антоанета потрошила и 146 фунти во Gift Box London, од каде како што веќе објавивме не доставила никакви сметки и не знаеме какви подароци си купила. Чорапите, хулахопките и помалиот куфер од 59 фунти Антоанета ги купувала со државни, службени пари во кеш, за што доставила сметки до сметководството со цел правдање на готовината која ја има подигнато. Потенцираме, ова е извештај од банка доставен за клиентот Министерство за култура, Бисера Антоанета, за службена картичка. Овој извештај е доставен архивиран во министерството за култура, а го доставила лично Антоанета. Бисера Антоанета фатена си инфлагранти, како со државни пари си купувала куфери, мечиња, хулахопки и чорапи. За 4 дена за оваа намена се потрошени 700 фунти, истакна Лефков.

Напоменуваме, ова не е се. Ова е само првиот дел од серијалот скандали Бисера Антоанета. Утре продолжуваме со нов случај, и фрапантни докази како раскошно живееле Антоанета додека народот едвај врзувал крај со крај, додава Лефков.

The post Лефков: Извештајот од банката потврдува дека Бисера Антоанета со службена картичка купувала хулахопки, чорапи и мечиња во Лондон appeared first on Република.

Правдата доаѓа. Потврден е поткуп во случајот со Врховниот судија и поранешен член на судскиот совет Наќе Георгиев од Струмица, близок човек на Зоран Заев, менторот на Венко Филипче, изјави пратеникот од ВМРО-ДПМНЕ, Миле Лефков.

https://www.youtube.com/watch?v=oVWThJ87GOk&embeds_referring_euri=https%3A%2F%2Fopserver.mk%2F&source_ve_path=MjM4NTE

„Наќе Георгиев преку спогодба со Јавен обвинител признал дека направил криминал. Георгиев признал дека земал поткуп од 10.000 евра за да издејствува поблага затворска казна за Боро Марлборо.

Признание дека Наќе Георгиев ги земал парите како награда за поблагата казна изречена на Боро Марлборо, покрај самиот тој, дал и Иџет Мемети, потпретседател на Советот на јавни обвинители. Тие заедно како што кажал Мемети помогнале Боро Марлборо да добие поблага казна.

Наќе Георгиев и Иџет Мемети се пример за корумпираното судство и обвинителство на СДС и ДУИ.

Наќе Георгиев и Иџет Мемети се пример зошто судството и обвинителството имаат 2% доверба кај народот.

Наќе Георгиев е човек од најголема доверба на Заев и Филипче. Тој експресно напредува со власта на СДС, и од судија станува судија во Врховниот суд и член на Судскиот совет.

Корумпираниот Георгиев со години одлучувал и делел правда, бирал судии, унапредувал или казнувал.

Какви кадри извадил Наќе Георгиев, но и колку пресуди ублажил или спречил со земање мито? Колку криминал не е санкциониран заради Наќе Георгиев?

Последиците кои СДС ги остави се трајни, но одговорност за сите ќе има“, рече Лефков.

The post Лефков: Колку криминал не е санкциониран заради Наќе Георгиев кој сега признал дека земал поткуп од 10.000 евра appeared first on Република.

Одговорност ќе има и се работи на сите случаи. И јавноста знае за точките на корупција од 14 милиони евра долг отпишани од МЕПСО на синот на Муса Џафери и ним блиски фирми, преку внуците на Ахмети и купувањето на Соравија, криминалот со Лотарија и нелегалните коцкарници, до секој еден криминал, рече Миле Лефков, пратеник и член на ИК на ВМРО-ДПМНЕ одговарајќи на новинарско прашање во врска со најавите дека ќе има одговорност за сите за кои ќе се докаже дека сториле казнени дела.

Лефков јасно укажа дека „прибегнувањето на ДУИ кон насилни методи и заканите со дестабилизација нема да не поколебаат“.

Според Лефков не може да се остават оние за кои сториле криминал без разлика на припадност.

„Доста ги злоупотребуваа и Албанците и Македонците. Додека тие 7 години се богатат и трупаат милиони еднакво се иселуваат и од Тетово и Дебар и од Штип и Кочани. Тоа веќе нема да го дозволиме наместо народот да се иселува, треба да почнат тие да одговараат за криминалот“, кажа Лефков.

The post Лефков: Додека 7 години се богатат и трупаат милиони еднакво се иселуваат и од Тетово и Дебар и од Штип и Кочани, треба да почнат да одговараат за криминалот appeared first on Република.

Пендаровски да се договори со Стево дали поддржува или не лустрација и генерален реизбор на судии и обвинители, рече на денешната прес-конференција Миле Лефков.

Пендаровски првин тврдеше дека ја поддржал идејата на ЕУ во 2017-тата да нема генерален реизбор на судии и обвинители, а од митинзи повикуваше на генерален реизбор. Да се потсетиме што зборуваше Пендаровски.

Стево Пендаровски е директно виновен за состојбата во судството. Пендаровски се однесува политички опортуно, без да ја има в предвид реалната состојба. Еднаш кажува дека ја поддржал одлуката на ЕУ, да нема генерален реизбор, а кога СДС требаше да прави политички прогон, ги заплашуваше со генерален реизбор судиите и обвинителите за да ги впрегнат во јаремот на СДС за политички прогон.

Епилогот 7 години потоа се гледа. 2% доверба во судството, политички монтирани случаи и граѓани кои ја напуштаат државата и поради немањето систем.

И додека вршеа политички прогон, ова судство и обвинителство ги аболираше сите нивни функционери. Од Ден Дончев кој избега, преку Драги Рашковски и Катица Јанева кои повеќе се надвор отколку во затвор до сите криминалци блиски до нив.

Со право народот вели дека немаме држава. Време е да ја вратиме.

https://www.youtube.com/watch?v=Eh2cS-V1jhI

The post Лефков: Стево контра Пендаровски – еднаш велеше дека е за реизбор на судии, друг пат вели дека бил против appeared first on Република.

„Оваа Влада со нивно седумгодишно владеење само го дуплираа јавниот долг, а шајка не заковаа, нема ниту еден видлив проект кој што тие го започнале, го испланирале и го проектирале. Се базираат само на лажни соопштенија и измислени километражи на патишта и ја оставаат државата во навистина незавидна положба од било кој аспект, било тоа да е од правдата, од аспект на здравство или пак образование“, истакна Миле Лефков, пратеник и член на ИК на ВМРО-ДПМНЕ во емисијата „За или против“ на Алфа телевизија.

„Во седум години ги имаат рекордно највисоките буџети и велеа дека капиталните инвестиции ќе бидат поголеми од задолжувањето. И со тоа златно правило се правдаа. И секогаш тоа златно правило им пропаѓаше кога доаѓаше ред за ребалансот. Самите ревизорски извештаи покажуваат дека нема реализација на капитални инвестиции“, појасни тој.

Лефков потсети дека трошењата за ископ на јаглен, за набавка на енергенси во енергетската криза власта го заведуваше како капитална инвестиција.

Лефков во текот на емисијата се осврна и на проблемот со пасошите при што посочи дека власта создаде хаос.

„Од ветувањата на власта дека ќе бидеме дел од Европа, почнаа да ни ги намалуваат очекувањата со „Отворен Балкан“ и стигнавме до тоа да буквално бидеме затворени како во кафез или како во конзерва. Не само што не затворија нас внатре во државата туку ги затворија и нашите иселеници кои што работат во странство“, нагласи Лефков.

„Тоа е катастрофално однесување, целосна неодговорност на власта. И евидентно е дека хаосот е буквално во секој сектор, хаосот кој што го остави оваа власт. Во моментов е евидентен хаосот со пасошите, возачките, личните карти. Вакви проблеми има буквално во секој сектор. Зошто? Заради нивната неспособност, неодговорност, ароганција, а можеби позади тоа се кријат и финансиски лукративни цели“, заклучи тој.

Лефков додаде дека и Народниот правобранител излезе со податок дека ваквата замена на документи ќе ги чини граѓаните годишно околу 30-тина милиони евра. И тоа воопшто не е за потценување.

The post Лефков: Неспособноста на власта со издавање на пасоши граѓаните ги затвори во државата appeared first on Република.

Во вечерашната емисија „За или против“ на Алфа ТВ гостуваше пратеникот од ВМРО-ДПМНЕ, Миле Лефков кој што истакна дека 7 години РЕК „Битола“ е непресушен извор за олигарсите на СДСМ и ДУИ, а изминативе години има премногу скандали и сомнителни тендери поврзани со врхушката на власта.

Повторно, 46 милиони евра тендер за РЕК Битола, и тоа со распишани избори кога треба да излезете на избори, меѓутоа еве 7 години РЕК „Битола“ за жал е непресушен извор за олигарсите на СДСМ и ДУИ. 7 години имаше и претходно скандали што поврзуваа со нивни олигарси кои што ги земаа тендерите за ископ ова е веќе последниот скандал кој што ја прелива чашата, гледаме како од три компании е избрана токму онаа компанија кој што некако е поврзана токму со врхушката на СДСМ, се наметнува прашањето за кого ќе оди разликата во цената ако се има во предвид според документите кои што ги имаме дека од трите понуди прифатена е понудата на „Марковски компани“ која што изнесува 129, 7 денари по гига џул а постојат информации дека е дадена понуда од 100 денари односно 30 % разлика во прифатена цена, 30 % на 46 милиона евра останува прашање како е договорена оваа разлика и зошто е земен овој тендер. Меѓутоа рековме 7 години непресушен извор РЕК „Битола“ а дојдоа на власт со ветувања дека ќе биде набавена механизација и дека ќе бидат намалени трошоците на ископ а стотици милиони евра завршија за ископ и во сомнителни тендери за ископ на јаглен – истакна Лефков.

Лефков посочи дека има многу прашања и многу небулози во врска со законите кои што пристигнуваат во собрание и кои што се однесуваат на стратешките инвестиции.

Многу прашања и многу небулози во врска со законите кои што стигаат во собрание и кои што се однесуваат на овие стратешки инвестиции. За да добиете статус стратешки инвестициони проект тоа е регулирано со законот за стратешки инвестиции постојат определени критериуми. Постојат многу небулози најпрво компанијата која што се споменува „Метилинеос“ е друштво со ограничена одговорност која е регистрирана на 10 05 2022 и само за 16 дена се јавува на јавниот повик. Членот 3 од законот за стратешки инвестиции познава подружница на странска компанија а комисијата која што треба да одлучи дали ќе добие статус на стратешка инвестиција е составена од премиерот, заменик премиер 6 министри односно една висока владина постава. Тие според член 11 треба да го проверат портфолието бонитетот потенцијалот изминатото искуство а како ќе проверите изминато искуство на ново формирано, ново регистрирано друштво со ограничена одговорност на едно лице како што е „Метелинеос“ да не спомнуваме дека ќе добијат државна помош од 50 милиони евра. Да не спомнуваме дека имаат загарантиран откуп од страна на државата и тие ќе кажат без срам јавно на ТВ дека цената била конкурентна а е повисока од пазарната цена. Еден катастрофален проект од која страна и да го погледнете – истакна Лефков.

The post Лефков: Седум години РЕК „Битола“ е непресушен извор за олигарсите на СДСМ и ДУИ appeared first on Република.

Изборите се уставна категорија, не е за нешто за кое што одлучува Бујар Османи. Бујар Османи како министер е избран од страна на пратениците и тој е избран со одредена цел, односно да остварува одредени обврски, задачи во рамките на неговото министерување. Не е негова работа да се пазари, и ова не е прв обид за пазарење и влијаење на пратениците. Ќе потсетам дека согласно Уставот пратениците, односно секој претставник на народот го претставува по свое сопствено убедување така да недолично е да се пазариме, особено не со нешто што претставува уставна категорија, а тоа се изборите, истакна Миле Лефков, пратеник и член на ИК на ВМРО-ДПМНЕ во утринската емисија на 24 телевизија.

Лефков додаде дека преку изборите се изразува волјата на народот.

Катастрофално е тоа што СДС се фали со тоа што обезбедиле односно што го истраеле тој мандат до крај. Тоа го споменуваат како едно од предизборните ветувања. Замислете на крајот од вашиот мандат да имате порази на секое поле, да имате најмал раст на БДП, да имате најмал економски раст во регионот, да имате порази на секое поле, на полето на правдата, на полето на образованието, на здравството, и вие да се фалите со тоа дека сте успеале да издвојувате еден повеќе за да останете на власт, рече Лефков.

Тој посочи дека прашањето до СДС е што добиваат граѓаните од мандатот кој што го истерале до крај.

Јасно е дека за одредени политичари се тендери, влијание, законот за игри на среќа, и други придобивки. Но, меѓутоа прашањето е што добиваат граѓаните од оваа Влада, запраша пратеникот.

Кога ние баравме предвремени парламентарни избори секогаш ќе кажеа дека Македонија нема пари за расфрлање и потребно е да се штеди затоа што нели изборите претставуваат одреден трошок. Тие чинат некаде околу десетина милиони евра. И сега кога доаѓа до процес кога имаме два изборни циклуси кои што се разделечени практично со недели се одвоени едни од други, кога зборуваме за спојување, за власта одеднаш парите станаа неважни. Моето прашање е барем дали еден од СДС направил функционална анализа што значи таквото спроведување на раздвоени избори, појасни Лефков.

The post Лефков: Што граѓаните добија со целосниот истеран мандат на Владата на СДС – ДУИ, освен најмал раст на БДП во регионот и порази на секое поле appeared first on Република.

The post Лефков: Османи лаже дека преговарачката рамка за Македонија е иста како за другите држави appeared first on Република.

Во рамките на акцијата „Ова е Македонија за сите” имаме предвидено повеќе населени места. Сега се наоаме во Јакимово, продолжуваме Калиманци, Лески, Липец. И во овие населени места се случува она што и се случува на цела Македонија, иселување и сиромаштија поради неспособноста на Владата на СДСМ и ДУИ кои што воопшто не се грижат за луѓето во овој крај, истакна пратеникот Миле Лефков.

Лефков додаде дека граѓаните највеќе ги боли неправдата и влијанието на власта врз судскиот систем.

„А, токму денеска една пресуда од Стразбур за Елена Доцевска Божиновска докажа дека во Македонија судовите се заробени од СДСМ и ДУИ и дека во Македонија за жал денеска постојат политички затвореници. За 211 години затвор за притворените за 27 април, видовме дека Владата на СДСМ и ДУИ украде над две милијарди евра. За секоја година затвор украдени од една до десет милиони евра. Тие го трупаат своето богатство , а невини луѓе лежат во македонските затвори. Време е да ставиме крај на неправдите, време е за избори и време е за поразување на Владата на СДСМ и ДУИ. Време е да заминат во историја, а оние кои што работеа за нивните интереси, време е да излезат пред лицето на правдата”, порача Лефков.

The post Лефков: Пресуда од Стразбур за Доцевска Божиновска докажа дека во Македонија судовите се заробени од СДСМ и ДУИ appeared first on Република.

Додека оди по маркети и замрзнува цени на јајца и зеленчук, кои никако да замрзнат, семејството Ковачевски го зголемува своето богатство преку влез во доходовни бизниси, рече на прес конференција Миле Лефков.

За да се стекне со голем и вреден имот, сопругата на Ковачевски влегува во односи со Владата, со која управува нејзиниот сопруг Димитар Ковачевски.

Со оваа одлука се отуѓува градежно земјиште сопственост на Република Македонија на друштвото за производство и продажба СОЛ ГРУП 5 ДОО Скопје. Со овие зборови почнува Одлуката со која Владата и продава 1.119м2 државно земјиште на фирмата на сопругата на Ковачевски.

Оваа Одлука е објавена во Службен весник од 21 март оваа година, а донесена 7 дена претходно односно на 14 март, на седница на Влада. Еве ја Одлуката на Владата, а еве го и потписот на Артан Груби, кој се јавува како потписник во име на Владата.

Во време кога Ковачевски е претседател на Влада, неговата сопруга добива државно земјиште од истата таа влада, за бизнис за производство на струја од фотоволтаици.

Токму Ковачевски е основач и на Пиксел груп, фирма за производство на фотоволтаични панели, сега во посед на неговиот кум Горан Паунов. Фирма која е основана и забрзано се шири со доаѓањето на СДС на власт.

Бизнисот од кој Ковачевски тврдеше дека излегол, сега гледаме дека влегла неговата сопруга, а за помош добива земјиште и од Владата.

Одлуката на Влада со која сопругата на Ковачевски добива државно земјиште додека Ковачевски е премиер е доказ колку власта е забегана и дека не ја интересира ништо освен сопствениот интерес и интересот на нивните семејства кои шират бизнис додека тие се на власт. Ова е доказ дека оваа власт на СДС и ДУИ мора да си замине, зошто државата не смее да биде алатка за богатење на неколку семејства во врвот на власта. Потребни се промени.

The post Лефков: Со Одлука на влада Груби отуѓува државно земјиште на фирмата на сопругата на Ковачевски за изградба на фотоволтаици appeared first on Република.

Денес објавуваме нови детали од случајот со купувањето на дуќанот на улица „Македонија“ од страна на братот на Артан Груби, кои потврдуваат дека истиот е купен под реалната цена, а се доволна индиција за ЈО да не чека ниту ден и да отвори истрага“, вели Миле Лефков, пратеник и член на ИК на ВМРО-ДПМНЕ.

https://www.youtube.com/watch?v=HIsCTPE47Sg

The post Лефков: ЈО да испита како Груби купил дуќан неколкукратно поевтино од реалната цена, дури и банката го проценила двојно поскап appeared first on Република.

Лефков денеска обвини дека братот на вицепремиероот Артан Груби од ДУИ купил деловен објект на улица Македонија во вредност од половина милион евра. Од ЕТЦ Травел објаснуваат дека компанијата во моментот изнајмува деловен простор и затоа, поради економска исплатеност, пристапиле кон обезбедување на сопствен деловен простор кој би ги намалил трошоците

ЕТЦ Травел, е компанија која што работи согласно законите и правилата во Република Македонија повеќе години па се до денес и придонесува во буџетот на земјата, плаќа плати на неколку вработени и транспарентно постојано ја гради својата репутација, а за квалитетот на нашите услуги најдобар показател се нашите клиенти, реагираат од компанијата по денешната прес-конференција на пратеникот Миле Лефков од ВМРО-ДПМНЕ.

Лефков денеска обвини дека братот на вицепремиероот Артан Груби од ДУИ купил деловен објект на улица Македонија во вредност од половина милион евра. Објектот со површина од 127 квадратни метри, додаде Лефков, е купен во време кога Груби е вицепремиер во Владата.

Од ЕТЦ Травел објаснуваат дека компанијата во моментот изнајмува деловен простор и затоа, поради економска исплатеност, пристапиле кон обезбедување на сопствен деловен простор кој би ги намалил трошоците.

„Согласно тоа, со купопродажен договор и кредит обезбеден од Халкбанка на 11.11.2022, со ставање во целосна хипотека на деловниот простор кој што ќе се исплаќа на месечни рати во рок од 20 год., е обезбеден деловен простор за нашите потреби согласно сите законски процедури и на најтранспарентен начин, преку банкарска трансакција помеѓу купувачот и продавачот“, велат од компанијата.

Оттаму ги повикуваат политичките партии и медиумите за коректност кон македонските компании „и да не ги користат домашните фирми за дневно политичко препукување“.

 

https://republika.mk/vesti/makedonija/lefkov-bratot-na-grubi-kupil-deloven-objekt-na-ulitsa-makedonija-od-127m2-vreden-polovina-milion-evra-dodeka-artan-e-vitsepremier/

 

 

 

 

The post ЕТЦ Травел со реакција до Лефков: Објектот го купивме со кредит кој ќе го отплаќаме 20 години appeared first on Република.

Пратеникот и член на ИК на ВМРО-ДПМНЕ, Миле Лефков во неговото денешно гостување во „Утрински печат” зборуваше за одржување на предвремени парламентарни избори и потенцираше дека кога и да се одржат избори ВМРО-ДПМНЕ ќе има историски најголема победа до сега.

„Од она што го гледаме еве и од последната анкета на ИРИ и од она што го гледаме по теренот, ние како политичари мораме да имаме редовни средби со граѓаните, поради начинот на работењето и владеењето на ДУИ и СДСМ, ВМРО-ДПМНЕ ќе има победа која што би рекол историски најголема победа. СДСМ после ова ќе замине во историјата“, рече Лефков.

Пратеникот Лефков во текот на своето гостување укажа на пример од источниот регион каде потенцираше дека земјоделците од овој дел се целосно понижени.

Јас доаѓам од истокот, земјоделците се целосно понижени. Ќе ве потсетам кога стануваше збор за замрзнување на цените. Прво што беше замрзнато беше цената на оризот иако една многу значајна култура за целиот исток, нашите предлози да стане стратешка култура, владата тоа експресно го одби, ни достави едно мислење од Артан Груби од влада во кој што Артан Груби кажува дека не треба да биде стратешка култура. Ќе ве потсетам цел свет има закана од прехранбена криза, така да од владата слушавме само декларативни заложби дека ќе се избореле со недостатоците на храна. Ова ми беше еден пример од истокот да ви кажам дека има огромно незадоволство, да ја казни оваа влада и нивното работење“, кажа тој.

Пратеникот Лефков на крај порача дека тоа што се одложуваат изборите е на штета на сите граѓани кои живеат во Македонија.

И затоа ве уверувам дека ќе има голема победа на следните избори и тоа што се одложуваат е на штета на сите кои што живееме во Македонија“, наведе Лефков.

The post Лефков: Тоа што се одложуваат изборите е на штета на сите граѓани appeared first on Република.

Аферата „Броило“ раѓа нови факти. Соларниот картел сконцентриран околу дезертерот Ковачевски, кој е фатен како врти 26 милиони евра, ги открива и длабоките корени, кои овој картел ги има во самата СДС, рече на денешната прес конференција Миле Лефков.

Имено Горанчо Паунов, освен што е кум на Ковачевски, освен што е основач на КМГ ЕОЛ Квазар, освен што е коосновач на „Пиксел груп“ заедно со Ковачевски е и партиски пиун во СДС.

Во 2005-та година Горанчо Паунов, тогаш е актуелен претседател на општинската организација на СДС во Гази Баба, и на локалните избори во 2005-та година, СДС го става на листата за советници во општинскиот Совет. Практично кумот на Ковачевски е советник во Советот на Општина Гази Баба во мандат од 2005-та до 2009-та година. Согласно актуелните случувања и кривичната пријава, која Горанчо Паунов ја има за извршен надзор на проектот за поставување на улични лед светилки и бандери во Гази Баба. Кој што криминал е тежок над 11 милиони денари покажува дека Горанчо Паунов уште во далечната 2005-та година, ги поставува корените, за сега само од позиција на бизнисмен СДС да го ангажира него и неговата фирма за вршење на надзорот каде Финансиската полиција утврдува дека се ставани потписи за нешто што воопшто не постои.

Длабоките конекции на Паунов со СДС и функциите во партијата сега му овозможуваат да заработува.

Вториот факт за поврзаноста на Паунов, не само со Ковачевски, туку и со СДС е неговото именување за кандидат за советник во Советот во Град Скопје во 2009-та година. Функциите во СДС продолжуваат и во 2013-тата година, кога кумот на Ковачевски е избран за претседател на Советот за инвестиции и инфраструктура, партиска позиција во рамки на СДС.

По доаѓањето на СДС на власт, во 2017-та година, почнува бумот на соларниот картел.

Ковачевски и неговиот кум преку фирмите од аферата „Броило“, која зазема милионски димензии земаат државни тендери во вредност од 2 милиони евра, и склучуваат договор со ЕВН исто во износ од 2 милиони евра.

Аферата „Броило“ откри дека кумот и кумашинот работат за личен, но и партиски бизнис интерес.

Ние продолжуваме со објавување на детали од соларниот картел, за кој одговорност мора да има.

https://www.youtube.com/watch?v=4DSBTnLXado

The post Лефков: Соларниот картел има длабоки врски во СДС, Паунов, кум на Ковачевски, е поранешен функционер во СДС, советник во Град Скопје и претседател на партиски совет appeared first on Република.

Денеска обвинителството за гонење на организиран криминал и корупција поднесе кривична пријава до кумот на Ковачевски затоа што не се извршени работите за надзор при поставување на улично осветлување во Општина Гази Баба, рече членот на ИК и пратеник од редовите на ВМРО-ДПМНЕ, Миле Лефков во вечерашното гостување во дебатната емисија „Топ Тема“ на Телма Телевизија.

На 31.05.2021 година добиле 48 илјади евра е поднесена кривична пријава затоа што комисијата утврдила дека не се извршени соодветните работи кои биле превземени, мислам дека за тоа станува збор за надзор“, рече Лефков.

Лефков посочи дека во етичкиот кодекс се вели дека врвен интерес треба да биде јавниот интерес а на интерес за себе или за свои лични блиски лица.

Замислете било кој премиер во Европа да има вакви исплати на државна помош на фирмата на својот кум и на фирма која сам ја основал замислете тоа каков скандал ќе биде“, кажа Лефков.

Тој чувствува дека се узурпирани институциите. Аферата „Броило“ ќе биде тест за институциите.

Ако вие имате кум и вашиот кум има одредена фирма и таа фирма користи државна помош во време кога ни затвараат 6,500-тини фирми, па ќе го видите министерот за финансии како не убедува дека тој бил природен процес“, изјави Лефков.

Тој посочи дека откако ќе се соберат сите околности ќе се отиде до обвинителство и ќе се тестираат институциите.

Сакаме најпрвин на јавноста на серија прес-конференции да ги изнесеме сите околности кои ги имаме околу овој случај, а тие се многу на крајот кога ќе ги собереме сите ќе отидеме во обвинителство и ќе ги тестираме институциите“, потенцираше Лефков.

The post Институциите се узурпирани, аферата „Броило“ ќе биде тест за институциите appeared first on Република.

The post Лефков: Нови детали од аферата броило – Фирмата на Ковачевски и кумот заработила 2 милиони евра само од државни тендери appeared first on Република.

Узурпирани ни се институциите целосно. Ликот на Ковачевски е лице на премиер кој што узурпира. Ликот на Талат Џафери кој што го узурпира Собранието. Една граѓанска иницијатива тој ја одбива затоа што не можело да се толкува, вели пратеникот на ВМРО-ДПМНЕ, Миле Лефков како одговор на прашањето зошто неговата партија не поднесе кривична пријава против претседателот на Собранието, Талат Џафери, иако претходно тврдеа дека ја прекршил процедурата.

Според него, „кога ќе се спомнат имињата на Талат Џафери и Али Ахмети, тоа е тригер за пратениците од ДУИ“.

 

 

Џафери е узурпатор, а со узурпатори не се преговара. Ќе дојде време кога истите ќе бидат поднесени и ќе одговараат во момент кога ќе бидат ослободени институциите. Многу брзо ќе дојде промената на власта, рече Лефков во емисијата „24 анализа“.

The post Лефков откри зошто ВМРО-ДПМНЕ не поднесе кривична пријава против Џафери appeared first on Република.