Погледнете како за влакни е избегнат судир на два брода ма Лефкада.

 

View this post on Instagram

 

A post shared by Nikana.gr🔹Letovanje u Grčkoj (@nikana.gr)

The post За влакно избегнат судир на два брода во Лефкада appeared first on Република.

Невообичаена метеоролошки феномен ги вознемири, но и ги заинтригира туристите на плажа на Лефкада.

На социјалните мрежи е објавено видео на кое се гледа како целата плажа и нејзината околина е покриена од густ, темен облак, за кој никој немаше објаснување.

Како што коментираат туристите, кои биле сведоци на оваа појава, не станувало збор за чад од пожар, ниту, пак, за магла, затоа што целиот ден дувало ветер и имало бранови. Според нив, најверојатно станува збор за некое испарување на сол од морската вода кое добро влијаело на дишењето.

Тие додаваат дека феноменот траел околу половина час.

Видеото може да го погледнете на скедниот ЛИНК.

The post Чудна густа магла ги прекри плажите на Лефкада, туристите велат добро им влијаела на дишењето appeared first on Република.

Британскиот „Which?“ спроведе истражување анализирајќи повеќе од 4.500 аранжмани кои сè уште се достапни за резервација ова лето преку нивните туристички агенции. За нив трите најевтини дестинации за одмор во Грција се островите Калимнос, Тасос и Лефкада.

Просечната цена на најевтиниот пакет аранжман во Калимнос е околу 927 евра по лице за 7 ноќевања.

На второ место е Тасос со 1006 евра по лице и Лефкада со околу 1091 евро по лице.

Овие аранжамни за британските туристи вклучуваат превоз и престој.

За македонските граѓани, пак, пакет-аранжманите во агенциите за Тасос и Лефкада, кои се едни од омилените дестинации во Грција, се со далеку попристапни цени поради нивната близина до Македонија.

Калимнос за нас е помалку познато одморалиште, најмногу поради неговата далечина. Овој мал остров е еден од најважните во групата Додеканези во источна Грција и е полн со затскриени заливи, сафирно море, планини и шармантни гратчиња. До Калимнос се стига со 40-минутно возење со брод од Кос, најблискиот грчки остров на кој има аеродром.

The post Трите најевтини грчки острови летово, два се достапни за нас appeared first on Република.

Многумина сметаат дека септември во Грција, кога гужвите и жештините стивнуваат, е најдобро време за вистински одмор и уживање. Оние што редовно го одбираат овој месец за летување, како најдобар избор ја издвојуваат Лефкада. Еве зошто:

Морето на Лефкада е најтопло во септември

Иако првата грижа поврзана со одморот во овој период е температурата на морето, водата на островот е всушност потопла во септември отколку во јули и во август. Обично е околу 28 степени. Ова значи дека, ако и онака планирате одмор надвор од главната сезона, септември е многу подобра опција од јуни. Според искуствата на туристите споделени со „Грчка инфо“, морето може да биде прилично студено во јуни.

Пријатно време

Температурата на воздухот во текот на септември во Лефкада се движи од 25 до 30 степени, што е идеално за многумина. Сè уште можете да пливате, да се сончате и да уживате во сите летни и морски активности, но без жештината што ја носи шпицот на сезоната. Исто така, ноќите се посвежи, па спиењето е многу попријатно.

Пријатното време дополнително го олеснува и истражувањето на Лефкада и нејзините плажи, особено што некои од најубавите плажи на островот имаат малку потежок пристап. Благодарение на пониските температури можете цел ден да го помините на плажа, што е голема предност во Лефкада.

Помалку туристи - помалку гужви

Гужвите знаат да бидат неподносливи и да го расипат патувачкото искуство и уживањето на плажите и атракциите, но од друга страна и летување во целосна пустелија не е најдобро.

Лефкада во септември има совршен баланс - има помалку туристи отколку во јули и август, што многумина ги радува и им го подобрува престојот, но островот е сè уште жив и посетен. Кога сакате да бидете малку осамени и да имате целосна приватност, има бројни заштитени плажи и заливи каде никој нема да ви пречи.

Полесно движење околу островот

Потребно е возило за да се доживее Лефкада во полн сјај. Неговите најубави плажи и атракции се расфрлани низ островот, па повеќето луѓе поминуваат дел од денот возејќи. Секако, со помал број на туристи, има и помалку возила во оптек, така што полесно и побрзо се доаѓа до вашата дестинација и поминувате помалку време во автомобилот.

Не треба да се занемари ниту патот до Лефкада од Македонија, па без гужви на патиштата и на границите многу полесно ќе се помине.

Пониски цени

Една од важните предности на летувањето во вонсезона се попристапните цени за сместување и сите други содржини. Искуството покажало дека дури и цените во продавниците, сувенирниците и другите продавници наменети за туристи се значително поевтини.

Сместување

Со пониски цени полесно е да се избере и добра сместувачка база во септември. Иако во нашите туристички понуди предничат аранжманите за Нидри, токму поради поповолното сместување во однос на другите одморалишта на Лефкада, сепак, туристите кои биле таму главно се согласуваат дека Нидри не е најдобриот избор, пред сè затоа што се наоѓа на помалку атрактивната источна страна на островот, каде и морето и околината се полоши.

Со пониски цени, местата како Василики и Агиос Никитас и други кои се поблиску до западната страна, каде што можете да најдете речиси сè за што доаѓате во Лефкада се попристапни.

The post Со најтопло море и најниски цени ова е најдобро место за одмор во септември во Грција appeared first on Република.

Триесетгодишен турист од Крагуевац, Србија, се удавил на плажа на Лефкада додека пливал со пријателите. Според локалната полиција, тој бил извлечен на брегот и веднаш пренесен во болница, но лекарите можеле само да констатираат смрт.

Телото е пренесено во Одделот за судска медицина во Патрас со цел да се изврши обдукција.

Како што пренесуваат српските медиумит, тој бил на море со својата девојка и двајца пријатели.

Грчкиот остров е познат по плажите на кои има огромни бранови, кои често знаат да бидат кобни.

The post 30-годишен турист се удавил на Лефкада appeared first on Република.

Возило на македонски турист и две на српски туристи целосно изгореле во Грција. Српски Курир објави дека инцидентот се случил во приватна вила на островот Лефкада. Според изјавата на сопственик на едно од возилата, триесетиосум годишниот Марко Тодорчевиќ од Белград, пожарот бил подметнат. Трите возила биле паркирани едно до друго.

„Дојдовме на Лефкада на 31 јули и сѐ беше одлично. Но на 9 август не разбуди сопственикот на вилата во која престојувавме. Го видовме пожарот и беше страшно“, вели Тодорчевиќ за српски Курир.

Сопствениците на опожарените автомобили дале изјава во полициска станица и веќе со автобус се вратени во нивните земји.

- Страшно е ова што се случи и се сомневаме дека пожарот е подметнат. Но, за жал, немаме на кого да се обратиме. Нивната полиција ни рече дека такви работи се случуваат. Рекоа дека пожарот настанал поради неисправна спојка, што после 15 саати стоење под зенка на ладно е невозможно - коментира Србинот кој додава дека се исплашиле за нивната безбедност и се сомнева дека тоа се се случило само затоа што се Срби.

ВИДЕО ОД ВОЗИЛАТА

The post Изгореа две возила на српски туристи и едно на Македонец на Лефкада appeared first on Република.

Српски турист на околу 30-годишна возраст е тешко повреден вчера на Лефкада.

Несреќата се случила во немирното море кога туристот влегол во водите и покрај издадените предупредувања.

Србинот ги игнорирал повиците на спасувачите до капачите да не се приближуваат до разбрануваното море, пишува ilefkada.gr.

Брановите го совладале туристот и тој се повредил. Несреќата резултирала со тешка скршеница на колкот, по што следела долга операција во болница во Лефкада.

The post Српски турист тешко повреден на Лефкада, ги игнорирал предупредувањата на спасувачите appeared first on Република.

Во последен момент е спасен капач од водите во Порто Кацики во западниот дел на Лефкада, откако спасувачите кон крајот на смената почнале да ги пакуваат своите работи, подготвени да си заминат дома, кога капачите ги пресретнале и пријавиле дека турист се дави во морето.

Како што пренесуваат тамошните медиуми, тие го спасиле италијанскиот државјанин од големите бранови, кои се честа појава на познатата плажа.

Без ниту еден збор и двајцата се нурнаа и успеаја да го извлечат италијанскиот турист жив и здрав, известија сведоците кои со аплауз ги пречекаа спасувачите.

Инаку, оваа плажа има само по еден спасител по смена, но втор дојде поради претходно најавената плима.

https://youtu.be/UAxkEIiBbk8?si=fLKLSqnM3qNGAqW8

The post Во последен момент спасен пливач на плажата Порто Кацики на Лефкада appeared first on Република.

Земјотрес со јачина од 4,3 степени според Рихтеровата скала го погоди островот Лефкада во Грција во вторникот наутро. Засега нема информации за штети и повредени.

Епицентарот на земјотресот бил во морето, на 16,5 километри од градот Василики, соопшти Националната опсерваторија од Атина.

Претходно Европскиот медитерански сеизмолошки центар (EMSC) соопшти дека епицентарот бил многу плиток, на само два километри, со јачина од 5,2 степени.

The post Земјотрес во популарно грчко летувалиште appeared first on Република.

По трагедијата која ја потресе Македонија за трите исчезнати момчиња во водите кај Посиди, Халкидики осамна уште една објава дека е исчезнато момче на плажата Милос на Лефкада.

На Фејсбук групата Грчка Инфо синоќа е објавен статус дека момче на возраст од околу 25 години исчезна во водите на Јонското море на плажата Милос на Лефкада.

Тажен залез на сонцето на Милос плажата…Во водата исчезна момче од околу 25 години, просто само исчезна, а барновите воопшто не беа големи. Како да го проголта морето, потрагат на плажата траеше цело попладне заедно со полицијата и нуркачка спасувачка служба, но на крајот на денот ништо…ако некој има информации нека напише, пс струјата беше малку посилна отколку претходните денови – пишуваше во објавата на Фејсбук групата Грчка Инфо.

The post Уште едно момче исчезна на Лефкада appeared first on Република.