Поскапе белиот и полубелиот леб. Дел од компаниите ставија нови, повисоки цени за 10 до 15%. Па така, лебот што се продаваше за 29 денари, сега чини 33. Некои од пекарите веќе ги поскапеа и белите печива како ѓеврекот, переците и кифлите.

„Последиците на покачувањето се зголемените цени на суровините, поготово на пченицата во изминатите 45-50 дена на светските берзи со што автоматски се зголемени цените на брашното, како во светот, така и во регионот. Тоа е една од причините што се зголемија за 10-ина проценти, затоа што во меѓувреме тие цени се намалуваат пред жетвата, се надевам ќе се стабилизираат и затоа компаниите така одлучиле“ – Горан Малишиќ, претседател на Групација за мелничко-пекарска индустрија

Пред околу еден месец од агро-бизнис комората рекоа дека лебот нема да поскапи летово, а потоа ќе се прават анализи со оглед на руско-украинскиот конфликт и турбуленциите на Блискиот Исток. Но, и покрај таквите најави, цените порано почнаа да одат нагоре.

„Изјавите кога беа дадени од пекарите, во тој период тогаш почнаа да се зголемуваат цените, драстично се зголемија за 25% со што се создаде овој проблем. Очекувам во екот на жетвата, ќе се стабилизираат цените. Со тек на време, во пазарно опкружување ќе се врати, тоа се очекува да се стабилизираат цените и да дојдеме до некоја нормала“ – Горан Малишиќ, претседател на Групација за мелничко-пекарска индустрија

Според државна статистика, трошоците за живот во мај биле зголемени за речиси 1 процент. Синдикатот, пак, ја пресмета вредноста на синдикалната минимална кошница за истиот месец на 60.090 денари.

The post Поскапе лебот: Повисоки цени за 10 до 15% appeared first on Република.

Одредени компании го поскапеа лебот за 10 отсто, велат мелничарите. Тоа, според нив, е импликација на зголемените цени на пченицата на светските берзи и регионалните пазари во мај за исто толку проценти.

Како што вели за МИА претседателот на Групацијата на мелничко-пекарската индустрија при Стопанската комора Горан Малишиќ, во наредниот период, со почетокот на жетвата, се очекува цената да се стабилизира и да се намали, односно да се врати на истото ниво како што беше досега.

– Одредени компании го поскапеа лебот за 10 отсто зашто цените на брашното се зголемија за десетина проценти. Останатие пекарски производи остануваат на истото ниво. Очекуваме цената на лебот да се стабилизира со почетокот на жетвата, изјави Малишиќ.

Тој напомена дека се уште не се знае каков ќе биде квалитетот и квантитетот на пченицата.

-Тоа ќе се дознае со почетокот на жетвата. Како Групација очекуваме владата да остане на ланските мерки за субвенционирање на земјоделците во однос на пченицата и јачменот – три денара за килограм предадена пченица и 100 евра по хектар за принос од најмалку три тона јачмен, истакна Малишиќ.

Минатиот месец некои од пекарите тврдеа дека лебот нема да поскапи следните два месеца, како и дека неговата цена е стабилна.

– Има промени во цените на житото на светските берзи, но засега, барем најмалку 1,5 до два месеца, цената на лебот и на останатите основни прехрабени производи во земјава нема да се промени. По месец-два повторно ќе се прави анализа со оглед на руско-украинскиот конфликт и турбуленциите на Блискиот Исток, како и поради поскапувањето на нафтата кое може да значи потенцијална повисока цена на суровините во прехранбената и општо, во целата индустрија. Стигнаа информации од големите производители како Украина и Русија дека таму не се знае како ќе се одвиваат жетвите поради воените дејства, што влијае врз берзата. ФАО истакна некој процент на зголемување на цената на житото. Тоа, сепак, е незначително и ние, како Агробизнис комора, тврдиме дека во наредниот период ќе има стабилност на цената на прехранбените производи, барем во сегментот на основни производи како житото и пекарските производи, реќе тогаш Горан Ѓорѓиевски од Агро-бизнис комората на Сојузот на стопански комори (ССК).

The post Поскапе лебот во Македонија: Со почетокот на жетвата, се очекува цената да се стабилизира appeared first on Република.

Речиси секое семејство денес користи леб, но мораме да ви откриеме една тајна: комбинацијата на шеќер и квасец, која се користи за приготвување на речиси секој леб и пециво, е отровен.

Што има во квасецот
Тестовите потврдија дека белилото што се додава во прашокот за пециво било тестирано со многу сомнителни методи за да се направи бело и брашнесто. За жал, прашокот за пециво третиран на овој начин може да доведе до развој на разни болести, пишува „Econet.ru“.

Дури и да земете чист пекарски квасец, нема да направите многу за вашето здравје, а еве зошто: штом квасецот влезе во телото, процесот на ферментација започнува во цревата, здравата микрофлора умира, имунитетот се намалува, во цревата се формира кандидијаза и може да се појави дисбактериоза.

Квасецот може да го „закисели“ телото, што придонесува за акумулација на токсини и можност за рак. Квасецот не умира на високи температури и ја покажува својата најлоша страна само во човечкото тело. Многумина од нас кои месат леб и колачи знаат дека квасецот се активира со помош на шеќер. Квасецот се храни со шеќер. Од ова произлегува „зависноста од слатки“ од која страдаат се повеќе луѓе во современото општество.

Колку повеќе колачи јадеме, толку повеќе сакаме да ги јадеме. Со текот на времето се дебелееме, кожата старее, телото се влошува… Последицата од конзумирањето на оваа формула: квасец+шеќер=тесто и слатки, доведува до замор, промени во расположението, проблеми со цревата (надуеност, запек, гасови, дијареа) , алергии, колитис итн.

Лебот може да се направи без употреба на квасец. Важно е да се напомене дека постои вистински, оригинален квасец кој не ги содржи сите овие дополнителни компоненти кои ги има квасецот кој ни е достапен секојдневно. За да одредите дали имате слатка зависност – предизвикана од комбинација на квасец и шеќер – проверете ја оваа листа:

– хронично блокиран нос;

– синдром на нервозно дебело црево (надуеност, гасови, дијареа, запек);

– хроничен замор;

– чести габични инфекции;

– честа кашлица;

– мозолчиња;

– алергии на храна.

Доколку имате барем два од седумте понудени одговори, можете да се сметате за личност која претера со внесувањето на квасецот во организмот. Веројатно јадете премногу слатки, колачи и пекарски производи. Значи, бидејќи квасецот се храни со шеќер, за да се ослободите од слатката зависност, треба да постите најмалку 21 ден.

Што значи? Имено, во текот на 21 ден не смеете да јадете слатки, колачи, леб со квасец, ниту било каква преработена храна. Кога ќе го исфрлите квасецот од вашето тело, имунитетот значително ќе се подобри, а за поддршка на имунитетот, се препорачува да пиете повеќе чај со лимон и ѓумбир.

Како да престанеме да јадеме производи од квасец и шеќер.

1. Јадете бесквасен леб (старомоден бесквасен леб и колачи).

2. Обидете се да не внесувате шеќер во организмот 21 ден за да се ослободите од зависноста од слатки.

3. Гледајте како вашата кожа се подобрува, како буквално станувате помлади од ден на ден и тоа нека ви биде мотив да престанете да ја внесувате оваа нездрава комбинација во вашето тело.

The post Лебот содржи отрови, нашето здравје е во опасност! appeared first on Република.

Има промени во цените на житото на светските берзи, но засега, барем најмалку 1,5 до два месеца, цената на лебот и на останатите основни прехрабени производи во земјава нема да се промени, велат пекарите. Според нив, по месец-два повторно ќе се прави анализа со оглед на руско-украинскиот конфликт и турбуленциите на Блискиот Исток, како и поради поскапувањето на нафтата кое може да значи потенцијална повисока цена на суровините во прехранбената и општо, во целата индустрија.

Како што оценува Агро-бизнис комората на Сојузот на стопански комори (ССК), многу поголем проблем од цената на лебот во моментов е ликвидноста на компаниите и одливот на работна сила во секторот.

Стигнаа информации од големите производители како Украина и Русија дека таму не се знае како ќе се одвиваат жетвите поради воените дејства, што влијае врз берзата. ФАО истакна некој процент на зголемување на цената на житото. Тоа, сепак, е незначително и ние, како Агробизнис комора, тврдиме дека во наредниот период ќе има стабилност на цената на прехранбените производи, барем во сегментот на основни производи како житото, пекарските производи. Големиот притисок што го имаме е од друга природа и трае најмалку една година. Се работи за големиот одлив на човечките ресурси во западните и туристичките земји како Грција и Хрватска. Проблем е и ликвидноста на компаниите кои се соочуваат со недостиг на финансии, истакна Горан Ѓорѓиевски од Агро-бизнис комората, одговорајќи на новинарски прашања пред тркалезна маса за зелени иновации.

Тој укажа и на високите каматни стапки. Банките, рече, тешко одобруваат кредити и тешко овозможуваат пристап до финансии со соодветно ниска цена.

Тука би ги насочил проблемите. Повеќе притисок се чувствува од страна на недостигот на човечки ресурси, имавме и покачување на минималната плата. Сето тоа се одразува таму, компаниите да имаат повеќе трошоци за тоа, отколку во однос на цените на суровините кои во овој момент имаат стабилна вредност, напомена Ѓорѓиевски.

И на 23 април, на друг настан што го организираше ССК, Ѓорѓиевски тврдеше дека лебот нема да поскапи и дека неговата цена е стабилна.

The post Лебот нема да поскапи следните два месеца, но компаниите се жалат на проблеми со ликвидноста и со одлив на кадри appeared first on Република.

Бугарска фабрика за леб и бели пецива „Симид“ која извезува свои производи и во Македонија, нашата држава е наречена „Западна Бугарија“. Во декларацијата на земји каде што се се продаваат производите се наоѓа и Македонија но со навредливо и непостоечко име.

The post За бугарска фабрика за леб сме „Западна Бугарија“ appeared first on Република.

Просечен Палестинец во Газа живее од две парчиња арапски леб направен од брашното што Обединетите нации (ОН) го складираа во регионот, но главниот крик што сега се слуша на улиците е „Вода, вода“, вели директорот на агенцијата на ОН за палестинските бегалци, Tомас Вајт.

Вајт, кој рече дека патувал во Газа во последните неколку недели, го опиша местото како „сцена на смрт и уништување“ и додаде дека сега ниту едно место не е безбедно, а оти луѓето се плашат за своите животи, за својата иднина и за нивната способност да ги прехранат своите семејства.

The post ОН: Просечен Палестинец во Газа живее од две парчиња леб дневно appeared first on Република.

Пекарите на Балканот во време на криза печат сè помали векни леб, а помалку за истите пари е најдобриот опис на трендот на прикривање на поскапувањата преку намалување на количината на производите и амбалажата, но не и цената, пишува германскиот весник „Штутгартер цајтунг“.

Со комбинирање на англискиот збор „шринк“ (shrink), што значи собирање/намалување, и зборот инфлација, економистите ја смислија кованицата

Пекарите на Балканот во време на криза печат сè помали векни леб, а помалку за истите пари е најдобриот опис на трендот на прикривање на поскапувањата преку намалување на количината на производите и амбалажата, но не и цената, пишува германскиот весник „Штутгартер цајтунг“.

Со комбинирање на англискиот збор „шринк“ (shrink), што значи собирање/намалување, и зборот инфлација, економистите ја смислија кованицата „шринкфлација“ за оваа појава.

Ваквата практика, пишува весникот, се повеќе им предизвикува главоболки на земјите со слаб систем за заштита на потрошувачите, како што се кандидатите за членство во ЕУ од Западен Балкан.

„Штутгартер цајтунг“ пишува дека една од најпопуларните пекари во Белград се вика „Леб и кифли“, но дека треба да се вика „Како лебот станува кифла“, бидејќи „сите пекарски производи стануваат сè помали и помали“ - ја пренесува весникот изјавата на една лута жена од пред таа пекара во Белград.

Помалку за истите пари е принципот на скриени поскапувања со намалување на количината на производите, пишува весникот.

„Прво имаме експлозија на цените. Потоа, не само лебови, туку и чоколади, ролни тоалетна хартија, чаши јогурт или кеси чипс се видно зафатени од намалената количина, што потрошувачите на почетокот едвај го регистрираат - со помали количини од своите производи, пред се, компаниите од прехранбената индустрија се обидуваат навидум да ги задржат цените и покрај инфлацијата“, пишува весникот.

Без разлика дали станува збор за чоколадо што е намалено на 80 грама, јогурт во шишиња од 950 грама или пакувања од 112,5 грама бисквити – трендот оди кон пакувања кои е сè потешко да се споредуваат“, пишува весникот.

„Штутгартер цајтунг“ сепак признава дека „смалувањето“ како тренд не е ограничено само на Балканот, туку дека на ваквата практика се жалат и застапниците на потрошувачите во Германија.

“ за оваа појава.

Ваквата практика, пишува весникот, се повеќе им предизвикува главоболки на земјите со слаб систем за заштита на потрошувачите, како што се кандидатите за членство во ЕУ од Западен Балкан.

„Штутгартер цајтунг“ пишува дека една од најпопуларните пекари во Белград се вика „Леб и кифли“, но дека треба да се вика „Како лебот станува кифла“, бидејќи „сите пекарски производи стануваат сè помали и помали“ - ја пренесува весникот изјавата на една лута жена од пред таа пекара во Белград.

Помалку за истите пари е принципот на скриени поскапувања со намалување на количината на производите, пишува весникот.

„Прво имаме експлозија на цените. Потоа, не само лебови, туку и чоколади, ролни тоалетна хартија, чаши јогурт или кеси чипс се видно зафатени од намалената количина, што потрошувачите на почетокот едвај го регистрираат - со помали количини од своите производи, пред се, компаниите од прехранбената индустрија се обидуваат навидум да ги задржат цените и покрај инфлацијата“, пишува весникот.

Без разлика дали станува збор за чоколадо што е намалено на 80 грама, јогурт во шишиња од 950 грама или пакувања од 112,5 грама бисквити – трендот оди кон пакувања кои е сè потешко да се споредуваат“, пишува весникот.

„Штутгартер цајтунг“ сепак признава дека „смалувањето“ како тренд не е ограничено само на Балканот, туку дека на ваквата практика се жалат и застапниците на потрошувачите во Германија.

The post Дали знаете што е „шринкфлација: За исти пари добивате помал леб или јогурт appeared first on Република.

Цените на житото годинава се преполовени. Мелничарите се снабдија со суровина по цена од 11 денари, а не по цена од 20 денари. Затоа, треба да одговорат кои се аргументите, зошто некој би барал поскапување на лебот на грбот на граѓаните, рече денеска  министерот за земјоделство, шумарство и водостопанство Љупчо Николовски.

Според Николовски, новите три мерки што ги донесе Владата на денешната седница и кои ќе се реализираат преку Интервентната програма, се насочени кон земјоделците зашто тие, како што напомена, се најпогодени.

-Мелничката индустрија оваа година се снабди со суровина која е преполовена и фер и коректно е да не се шпекулира и шпекулативно да не се создаваат цени. Ова е специфична година во која цената на житото на светските берзи беше преполовена, но и нашата мелничка индустрија се снабди со суровина која што е по цена од 11 денари, не по цена од 20 денари. Електричната енергија за разлика од минатата година исто така е стабилизиран пазарот и цените. Треба да одговорат кои се аргументите, зошто некој би барал покачување на цената на лебот на грбот на граѓаните кога мелничката индустрија се снабди со драстично поевтина суровина оваа година. И токму затоа нашата поддршка е со дополнителна поддршка на тие коишто го произведуваат житото, а тоа се земјоделците, потенцира министерот.

Според него, цените на светските берзи на житото оваа година се преполовени и затоа државната поддршка преку Интервентната програма, напомена, е насочена кон производителите.

-Ние и минатата година немавме поддршка од дополнителен еден, два или три денари за пченицата за откупот. Зошто? Затоа што цената откупна на пченицата беше и 20 и 22 денари зависно од квалитетот. Дури ни такво барање не беше воспоставено. Се сеќавам дека дури и тогаш немаше зголемување на цената на лебот, а камоли сега кога зборуваме за преполовени откупни цени на пченицата. Нашата цел е државната поддршка да ја насочиме кон оние што беа најпогодени. Тоа не е мелничката индустрија. Тоа се производителите и нашата цел е да го задржиме и стабилизираме домашното производство на пченица и на долг рок да станеме увозно независна, на среден и на долг рок, подвлече Николовски кој претходно ги објасни трите нови мерки за финансиска поддршка на производителите на пченица, семенски материјал и градинарски култури.

Новите три мерки што ги донесе Владата денеска се: три денари по килограм поддршка за остварено и предадено или складирано производство на пченица, за произведен домашен сертифициран семенски материјал од прва и втора генерација на пченица и јачмен, како и поддршка за домат и краставица.

The post Николовски: Мелничарите да ги кажат аргументите за поскапувањето на лебот, купија суровина за 11, а не за 20 денари appeared first on Република.

Во време на криза не треба шпекулативно да се зголемуваат цените. Владата е подготвена да разговара со мелничката индустрија и да реагира соодветно за да ги заштити граѓаните. Но, секој носи дел од одговорноста, рече денеска министерот за финансии Фатмир Бесими во врска со најавите во медиумите за поскапување на лебот.

Според Бесими, најавите за поскапувањата само влијаат врз очекувањата на пазарот и дополнително ги оптоваруваат и загреваат очекувањата за цените. Медиумските укажувања на работи кои влијаат врз очекувањата на стопанството, вели Бесими, не помагаат во економијата, туку дополнително создаваат очекувања за зголемување на трошоците.

Цената на белиот леб, нагласи Бесими, е 33 денари и тука нема поскапувања. Како што најави, можно е уште денеска министерот за земјоделство, шумарство и водостопанство Љупчо Николовски на владина седница да излезе со нова предлог-мерка.

Ги прочитав сите најави од мелничката индустрија. Дали откупната цена на пченицата е повисока во однос на минатата година? Не. Дали електричната енергија е поскапа? Не. Што во меѓувреме се случило за да најават поскапување на лебот? Во постојана комуникација сум со двајцата министри, за економија и за земјоделство, како и со премиерот. Ние сме отворени да разговараме за која било тема, но најавите за поскапувањата само влијаат врз очекувањата на пазарот и дополнително ги оптоваруваат и загреваат очекувањата за цените. Ќе се разговара со нив и ќе излеземе во пресрет на секоја ситуација во однос на овие ситуации што може да влијаат од аспект на ценовната криза. Сите ние, ресорните министри, ќе разговараме со нив и во секоја фаза сме подготвени да реагираме со мерки - истакна Бесими, одговорајќи на новинарски прашања по потпишувањето на Договорот за заем од ЕБОР.

Министерот уште еднаш напомена дека Владата е подготвена да разговара за секое прашање.

Секој си носи дел од својата одговорвност. Во време на криза не треба шпекулативно да се зголемуваат цените. Не прејудицирам дека тука има шпекулации, но сакам да кажам дека за кое било такво прашање сме подготвени да разговараме, зашто медиумски укажувања на работи кои влијаат врз очекувањата на стопанството не помагаат во економијата, туку дополнтелно создаваат очекувања за зголемување на трошоците - рече Бесими.

The post Белиот леб е 33 денари, во време на криза да не се шпекулира со поскапувања, апелира Бесими appeared first on Република.

Од септември ново поскапување на лебот – ако не помогне државата. Високите цени на пченицата на светските берзи, по излегување на Русија од Договорот за извоз на украинско жито, притискаат за пораст на цената, велат од пекарската индустрија. Затоа бараат државата да ги заштити граѓаните од нови поскапувања и да го помогне бизнисот.

Од крајот на јули по излегување на Русија од Договорот за извоз на украинско жито, цените на берзите се зголемија за 10 до 15%. Исто така и покачувањето на млечните и месни производи има удел, затоа што и овие продукти партиципираат во пекарската индустрија. Внимателно се следи ситуацијата и секој производител утврдува дали ќе ги покачи цените или ќе продава по исти цени - изјави за Сител, Горан Ѓоргиевски, претседател на Агро бизнис комората.

Оваа недела по нови повисоки цени се продаваат дел од млечните производи. Поскапи и месото, а по одмрзнатите маржи по повиоски цени се продаваат и овошјето и зеленчукот. Бизнисот апелира – економија, а не политиката да биде фокус на власта.

Државата мора да има сценарија за помош. До сега не беа направени квалитетни мерки за заштита на потрошувачите и бизнисот. Крајно сме изложени на влијанието на берзите. Сепак, мислам дека има простор за квалитетни одлуки во периодот кој доаѓа - додава Ѓорѓиевски.

Повисоки цена од следниот месец ќе имаат и околу 1,000 производи кои државата ги смета за луксуз. Кои се тие – се уште не се открива. Но, министерот за економија вети дека ако има потреба – власта со нов пакет мерки ќе им помогне на граѓаните. Дали ќе има замрзнати цени или замрзнати маржи, не се открива.

Извор: Сител

The post Владата молчи: Лебот повторно поскапува? appeared first on Република.

Одлична идеја за брзи појадок или вечера, спремни за само 10 минути, пишува „Ствар укуса“. Потребни ви се неколку состојки и имате одличен оброк, кој може да го послужите со сувомеснато, домати или јогурт.

Потребно:

• 360гр леб
• 360мл млеко
• 400гр сирење
• 20гр црн сусам
• 5 јајца

Подготовка:

Издробете го лебот и прелијте го со млеко. Потоа со вилушка направете густа смеса во која ќе ги додадете јајцата, сирењето, сусамот и солта.

Од соединетата смеса обликувајте плескавици, кои ќе ги пржете во загреана тава со малку масло.

https://youtu.be/3QxaVa5631M

The post Малку поинакви плескавици – од леб! appeared first on Република.

Тиквичките се здрави и богати со витамините Б и Ц, како и калиум, а тие се и многу вкусни. Може да се подготват на многу начини, но од нив може да се направи и многу вкусен леб, што може да биде одлична замена за обичниот леб.

Ова е рецепт за брза подсготовка леб со тиквички.

Потребни состојки:

2 поголеми тиквички

2 јајца

350 гр. брашно

150 гр. масло

150 гр. фета сирење

1 мала лажичка прашок за пециво

сол и бибер

Начин на подготовка:

Излупете ги и изрендајте ги тиквиците и оставете да отстојат малку, а потоа добро исцедете ги. Ставете ги во сад, а потоа додадете ги останатите состојки. Прво јајцата, а потоа брашното и маслото, фета сирењето и прашокот за пециво.

На крајот, додадете малку сол и бибер и измешајте добро.

Ставете ја смесата во калап за печење леб, а одозгора наросете сусам или ленено семе. Печете на 180 степени, околу 40 минути, додека не добие убава, златна боја.

Оставете го лебот да се олади, а потоа можете да уживате во дегустацијата.

The post Лесен и брз рецепт за леб од тиквички, здрава замена за обичниот леб appeared first on Република.

 Владата на денешната седница, на предлог на Министерството за економија, донесе одлука за продолжување на рокот на траење на мерката за ограничување на маржата на основните прехранбени производи до 30 јуни 2023 година.

Со оваа Одлука, највисоката трговска маржа за белиот леб - сечен на парчиња или цел, белиот шеќер и сончогледово масло за јадење, со исклучок на ладно цедено, се утврдува во висина до 5 отсто во трговијата на големо и на мало.

Највисоката трговска маржа за брашно од пченица тип 400 и тип 500, макароните и шпагетите од тврда пченица, македонскиот ориз бел, трајното кравјо млеко со масленост од 2,8, 3,2 и 3,5 отсто, јајцата од кокошка, урдата, кравјото и мешаното бело сирење, кашкавал, кисело млеко, павлака и јогурт се утврдува во висина до 10 проценти во трговијата на големо и на мало.

- Имајќи предвид дека со оваа Одлука се ограничува растот на цените преку утврдување на висината на трговската маржа, која треба да влијае на растот на цените на мало на основните прехранбени производи, а состојбата на пазарот укажува дека цените се уште не се стабилизирани, се наметна потребата да се предложи измена на Одлуката, со која рокот на примената се продолжува за следните два месеци од оваа година, односно од 30 април до 30 јуни 2023 година, се наведува во соопштението

The post До крајот на јуни ќе јадеме евтини макарони, леб, зејтин и ориз appeared first on Република.

Дирекоторот на Пазарната инспекција, Горан Трајковски излезе со официјални информации за извршени инспекциски надзори после одлуката на Владата за замрзнување на цената на лебот.

По Одлуката на Владата за замрзнување на цената на лебот до 33 денари и Одлуката за определување обврска на трговците да прибавуваат и продаваат определени видови и количества на стоки извршени се над 300 надзори и издадени се прекршочни платни налози во вредност од 960.000 денари (околу 15.595 евра), информира Трајковски.

Директорот на ДПИ исто така посочи во периодот од 27 февруари до 5 март извршени се над 750 надзори на цела територија на Македонија и издадени се над 65 прекршочни платни налози со вредност од над 3 милиони денари.

Со одлуката на Владата од 2-ри март се определува обврска за трговците што претставуваат правни и физички лица, кои се регистрирани за вршење трговска дејност во соодветен регистар согласно закон, како и трговците што претставуваат правни и физички лица регистрирани за вршење производство, кои своите производи ги продаваат на пазарот во сопствени продавници или на други трговци на големо и мало со прехранбени производи, да прибавуваат и/или да продаваат леб бел и полубел (сечен на парчиња или цел).

The post Над 15.000 евра ќе платат трговците кои не ја замрзнале цената на лебот appeared first on Република.

На ден 04.03.2023 година (сабота), пазарниот инспекторат изврши над 250 надзори и контроли на територија на цела Македонија. Она што е утврдено од надзорите и контролите е дека поголем број од трговците ги почитуваат Одлуките на Владата. Леб се продава од 28 до 33 денари, зависно од грамажата и градот во кој се вршени надзорите и контролите, a трговците на големо и мало со прехранбени производи, генерално ја почитуваат обврската да го произведуваат и да го ставаат во промет лебот опфатен со Одлуката на Владата, во количина од најмалку 80% од производството на овој леб во месец декември 2022 година, информираат од инспекторатот.

Онаму каде што се констатирани прекршувања издадени се вкупно 6 прекршочни платни налози и тоа во висина од над 960.000 денари.

Државниот пазарен инспекторат и понатаму интензивно ќе спроведува контроли и надзори по Одлуките на Владата. Нема да има отстапувања и ќе биде казнет секој оној кој пробал на било каков начин да изврши прекршување на овие Одлуки.

Апелираме трговците да ја адаптираат цената и доставата на лебот во согласност со Одлуките, бидејќи во спротивно ќе се соочат со казни кои се многу високи, и изнесуваат од 800 до 10.000 евра, во зависност од големината на економскиот субјект, а во надлежност со Законот за трговија, нагласуваат од ДПИ.

The post Над 960 илјади денари казни за 6 компании кои не ја почитувале одлуката за замрзна цена на лебот appeared first on Република.

Лицемерието на Ковачевски кон граѓаните е класичен пример за целокупното негово владеење. Донесе мерка која ни самите во владата не ја почитуваат, притоа претставувајќи се за спасител, во ситуација кога дозволи се да поскапе во Македонија, велат од ВМРО-ДПМНЕ.

-Ковачевски во Влада набавува леб поскап за 30 до 100% повеќе од цената која самиот ја пропишува, односно плаќа 41,4 денари за 450 грама за белиот леб, а за белиот леб со продолжен рок плаќа нешто под 80 ден.

ВМРО-ДПМНЕ уште пред една година апелираше дека ќе дојде до оваа ситуација, но Ковачевски не сакаше да го заштити стандардот на граѓаните со соодветни мерки. Со нашите предложени мерки ќе ги наполнеше и зголемеше стоковите резерви, ќе им помогнеше на производителите и ќе спречеше ценовен шок за граѓаните.

Наместо тоа, Ковачевски реши да ја поскапи струјата и дозволи цените вртоглаво да растат, стои во партиското соопштение и се додава:

„Ковачевски ако се грижеше за граѓаните немаше да дозволи инфлација од 20% во Македонија, стандардот на граѓаните да падне, а во исто време се живо да поскапе.

Затоа провидна е глумата и лицемерието на власта. Кога ВМРО ДПМНЕ ќе ја предводи следната Влада, ќе ги направи сите напори да го подигне стандардот на граѓаните, преку одржливи мерки, кои нема да бидат од денес за утре“.

The post Владата на Ковачевски додека се прикажува за лажен спасител на цената на лебот, за министрите набавува леб од 80 ден appeared first on Република.

Директорот на пазарниот инспекторат, Горан Трајковски, на својот Фејсбук профил напиша дека леб има и се продава по 33 денари. Тој нагласи дека инспекторите се на терен и додаде дека дополнително ќе се замрзнуваат цени и на други производи.

Неодамна тој исто така напиша дека ако се утврди прекршување на Одлуките ќе следат казни во согласност со Законот за трговија!

Казните се високи и изнесуваат од 800 до 10.000 евра, затоа апелирам да се почитуваат Одлуките, а ние како институција и понатаму сме на терен да ја следиме состојбата и да постапиме при евентуални прекршувања на законските одредби!  Граѓаните не смеат да трпат заради туѓи лични интереси! Мерките се насочени кон тоа да им се олесни состојбата на граѓаните во ваков кризен период и нивната злоупотреба е апсолутно недозволива. Кризата не е време за мислење само на себе и на профит, туку потребно е да имаме разбирање едни кон други, да помагаме и да бидеме солидарни - напиша тој.

The post Директорот на пазарниот инспекторат, Горан Трајковски: Леб има и се продава по 33 денари, дополнително ќе се замрзнуваат цени и на други производи appeared first on Република.

Тоа е ад-хок решение кое што практично е од денеска за утре, тоа не е решение на долг рок кое што може да обезбеди цена која што е прифатлива за граѓаните. Инаку, сите ние треба да се обединиме и да помогнеме, граѓаните овие основни производи да ги добијат по најниска можна цена, вели претседателот на ВМРО-ДПМНЕ Христијан Мицкоски.

Мицкоски ова го истакна, запрашан од новинарите дали владината одлука за замрзнување на цените на производите е економски потег, при што додаде дека за да се овозможат услови за граѓаните основните производи да ги набавуваат по најниски цени, владата ќе мора да ги поддржи производителите на тие производи.

Додаде дека нема мерки од страна на владата за намалување на инфлацијата која руши рекорди, нема ниту некаква економска политика и дека владата на СДСМ и ДУИ Македонија ја доведе во состојба да зборува за тоа дали македонските граѓани ќе имаат леб за да се прехранат, наместо да се зборува за инвестиции во напредни технологии.

Владата треба да ги поддржи сите оние кои што го произведуваат овој основен производ за да можат граѓаните да платат најниска цена. Ние денеска, за жал, рушиме рекорди по инфлација, двојно поголема од онаа што ја има во Европската унија, немаме никаква економска политика, прават гол ПИ-АР сликајќи се по маркети со две векни леб во раката премиерот и останатите министри наместо да го решаваат проблемот. Едно дно, сеопшто дно, едно општествено дно во која што ја втурнаа Македонија. И денеска ние во 21 век, наместо да зборуваме за вештачка интелигенција, да зборуваме за тоа како ќе инвестираме во напредни технологии, ние зборуваме дали ќе имаме леб. Ете, до таму не дотера оваа Влада на СДСМ и ДУИ - истакна Мицкоски.

Во однос на обвинувањата дека ВМРО-ДПМНЕ е против ниската цена на лебот, Мицкоски посочи дека тоа е лага и дека такво нешто и таква изјава не постои, туку напротив, ВМРО-ДПМНЕ е партија која што се залага за намалување на сите трошоци на македонските граѓани, особено намалување на трошоците за основните прехранбени производи и за таа цел, тој прв предложи намалување или укинување на ДДВ-то за овие производи.

Таква изјава не постои. Јас би сакал ако можеме ние како држава во овие тешки моменти, комплетно да можеме основните артикли да ги сведеме на минимум цената за чинење и трошоците на граѓаните. А впрочем, јас бев првиот кој што зборуваше за намалување на ДДВ-то или укинување на ДДВ-то за основните прехранбени производи. Така што, не ме чуди, оваа Влада е склона само на две работи, а тоа се крадење и лажење. Така што, они ќе си продолжат да крадат и да лажат уште неколку месеци од денес, а потоа треба и да одговараат за тоа - истакна Мицкоски.

The post Мицкоски: Владата на СДСМ-ДУИ не донесе во ситуација да зборуваме дали ќе имаме леб appeared first on Република.

Владата на Ковачевски самата не ги почитува прописите кои ги пропишува, обвинуваат од ВМРО-ДПМНЕ, потенцирајќи дека додека Владата зборува за замрзнати цени на лебот, таа самата набавува леб по цена 30 до 100% повисока од таа која самата ја пропишала.

Службата за општи и заеднички работи при Влада во втората половина од минатата година склучила договор за набавка на бел леб по цена од 41,4 денари за 450 грама. Очигледно кога се работи за народните пари власта не знае да штеди и да пресметува па дава и колку што треба и колку што не треба. Уште поеклатантен е примерот со белиот леб со продолжен рок кој што го плаќа за 75,6 денари за 450 грама. Од Владата молчат за ваквите цени. Кога ги трошат народните пари немаат ограничувања. Според кои пресметки на Владата е логично да се набавува леб по овие цени кои се 30 до 100% повисоки од цените кои ги пропишува Владата? Зарем Владата набавува леб по цена која ги крши прописите на Владата и со тоа самите стануваат соучесници? Ковачевски и неговата Влада се клучните одговорни за „лебната криза“ во Македонија, бидејќи со своите политики доведоа до целосен колапс и хаос на пазарот, којшто граѓаните го плаќаат. Токму народот со оваа Влада доживува највисока инфлација на цените, особено на прехранбените и основните производи, доживува празни рафтови, доживува беспарица и други дежа ву состојби од транзицијата. Ова мора да престане. Оваа криминална и неспособна власт на ДУИ поддржана од СДС мора да замине, велат од ВМРО-ДПМНЕ.

The post Владата набавува леб по цени од 30 до 100% повисоки од цените кои ги пропишува appeared first on Република.

Пекарската индустрија најави дека од денеска ќе почне да испорачува бел и полубел леб по цена од 33 денари, но ќе поведе и правна постапка за наплата на штетата по владината одлука за замрзнувањето на цената заклучно со 31 мај годинава.

Битката со Владата продолжува на правна основа. Одлуките што таа ги донесе на месечно ниво ни прават штета од преку 1,5 милиони евра. Поради наметнатите загуби, принудени сме да се прилагодиме и да ги намалиме загубите со одредени видови леб, но и да намалиме од бројот на вработени. Во наредните три месеци ќе бараме начин да опстанеме, а од утре ќе почнеме да испорачуваме леб за да им излеземе во пресрет на граѓаните, рече вчера на прес-конференција претседателот на Групацијата на мелничко-пекарската индустрија Горан Малишиќ.

Според него, компаниите максимално ги почитувале мерките за поддршка, а Владата донела неуставна и незаконска одлука со која ќе им нанесе штета од над 4,5 милиони евра. Владата, вели Малишиќ, воопшто нема чувство за новонастанатата ситуација и ниту е свесна, како што рече, дека со ваквите популистички мерки уништува една од стратешките индустрии во земјата.

По одлуката што Владата ја донесе на 28 февруари за замрзнување на цената на лебот, како одговор дека и покрај субвенционираната струја за прехранбениот сектор не се намалени цените, пекарите одговорија со прекин на производството и полиците во големите маркети беа празни. По ова, Владата завчера интервенираше со дополнителна одлука со која ги обврза пекарите да го произведуваат и ставаат во промет белиот и полубелиот леб, а трговците да го прибавуваат и продаваат. Надзорот на Државниот пазарен инспекторат, како што обарзложија од Владата, утврдил сериозно нарушување на домашниот пазар во Скопје и Тетово, поради недостиг на леб и полубел леб, чија цена е замрзната.

Премиерот Димитар Ковачевски и вчера порача дека Владата нема да дозволи никој да прави екстра профит на грбот на граѓаните.

Тој најави дека во блиска иднина е можно да бидат замрзнат цените и на некои други прехранбени производи, за што калкулациите веќе се прават.

Цената на лебот е замрзната за да се заштитат граѓаните, рече Ковачевски и изрази разочарување од некои производители кои, како што рече, според објавуваните сметки, продавале бел и полубел леб во вечерните часови по цена од 50 денари.

Според премиерот, Владата нема да дозволи некој да прави екстра профит на грбот на граѓаните.

Не држи објаснувањето дека мала пекараница може да произведе поевтин леб од голема пекарница. Компаниите кои во моментов не сакаат да произведуваат ваков тип леб се тие што го добија најголемиот дел од субвенциите за електрична енергија што никаде не можете да најдете на пазарот во време на криза. Тие треба да покажат одговорност, да го испорачаат она за што исто така за оваа цена имаат маржа, зашто калкулацијата беше правена од пекарската индустрија. Да се заработува на грбот на граѓаните кога треба да покажеме солидарност, е нешто најлошо што може да направи една компанија. Од друга страна, има одговорни комапнии и на нив сакам да им се заблагодарам, изјави Ковачевски.

Министерот за економија Крешник Бектеши, вчера рече дека Министерството за економија речиси ги заврши анализите за замрзнување на цените на дел од производите, особено за тестенините и млечните производи.

До крајот на неделата или наредната недела ќе се носат одлуките, најави Бектеши, во гостувањето на Тема на денот на телевизија Сител, посочувајќи дека ќе се анализираат сите производи наведени во одлуката на Владата за замрзнување на трговската маржа.

Според претседателот на ВМРО-ДПМНЕ, Христијан Мицкоски, пак, „лошите политики на Владата довеле до празни рафтови за леб“.

Граѓаните треба да добијат леб, како основен прехранбен производ, по најниска цена што треба да ја има, рече Мицкоски, одговарајќи на новинарско прашање по отворањето на спортската сала во скопско Стајковци.

Државниот пазарен инспекторат вчера информираше дека при надзорите за претходните два дена во над 460 економски субјекти е утврдено дека цената на белиот леб се движи од 25 до 33 денари.

Дури на некои места, леб со поголема грамажа од предвидената во Одлуката се продава по 33 денари. Генерално се почитува владината Одлука за замрзнување на цената на лебот до 33 денари, но имаше и такви трговци кои ја прекршиле оваа Одлука, за што беа изречени казни во висина од над 300.000 денари, информираше ДПИ.

Ако се утврди прекршување на одлуките ќе следат казни кои произлегуваат од Законот за трговија, кои изнесуваат од 800 до 10. 000 евра, во зависност од големината и видот на економскиот оператор.

Со одлуката на Владата за замрзнување на цената на лебот истовремено беше укината и мерката за субвенционирана струја за прехранбениот сектор што беше во сила од декември минатата година.

The post Од денеска бел леб за 33 денари, но и тужби од пекарите, се размислува за замрзнување на цени и за други производи appeared first on Република.