Управата на црногорската полиција вечерва соопшти дека во авионот на полската авиокомпанија ЛОТ, по извршен увид не била пронајдена експлозивна направа.

Како што соопштија, екипажот на летот Варшава – Подгорица ги известил службениците на Полициската управа дека во авионот била поставена експлозивна направа.

„Имено, за време на летот над Унгарија, екипажот бил информиран од вработените на аеродромот во Варшава дека добиле дојава дека во наведениот авион е поставена експлозивна направа, со која информација екипажот ја известил црногорската полиција при слетувањето на аеродромот“, соопшти полицијата.

Авион на полската компанија ЛОТ денеска принудно слета на аеродромот во Подгорица откако капетанот пријавил дека има дојава за бомба, јавува РТЦГ, наведувајќи дека првичните информации укажуваат дека се работи за лажна дојава.

Имено, една полска државјанка пријавила дека нејзиниот сопруг имал бомба во авионот, откако таа наводно останала на аеродромот, па сакала да се одмазди, пренесува РТЦГ.

Дојавата била примена околу17 часот, по што авионот бил изолиран а надлежните од аеродромот во Црна Гора изјавија дека патниците се безбедни а контролата се врши според пропишаните процедури во синхронизирана акција на Полициската управа, аеродромот и другите служби.

За време на летот над Унгарија, екипажот бил информиран од вработените на аеродромот во Варшава дека добиле дојава дека во тој авион била поставена експлозивна направа, за што по слетувањето на аеродромот екипажот ја известил црногорската полиција, велат од Управата на полицијата.

Полицијата наведува дека аеродромот во Подгорица не бил затворен во текот на безбедносните процедури.

The post Лажна била тревогата за бомба во полскиот авион кој принудно слета во Подгорица appeared first on Република.

Министерството за внатрешни работи ја известува јавноста дека e лажна пријавата за наводно поставена бомба во зградата на Народна банка на Македонија во Скопје.

Благодарение на воспоставените протоколи за безбедност од изминатата година за институциите а кои и НБРСМ ги имплементира, безбедноста е загарантирана со висок степен.

Денеска (13.01.2024) по добиена пријава за наводно поставена бомба, од страна на Единицата за антитероризам при Бирото за јавна безбедност се направени потребните проверки и утврдено е дека станува збор за лажна пријава.

Апелираме до граѓаните да не се вознемируваат. Институциите имаат обврска да ги следат и имплементираат мерките на Владата во целост и на тој начин да ја засилат безбедноста на своите објекти“, велат од МВР.

 

The post Лажна е дојавата за бомба во Народна банка appeared first on Република.