The post Латас: Шилегов за тревникот на плоштад плати 500.000 евра, пред локални избори даде 700.000 евра да се ‘озелени’ Мавровка… ништо од тоа денес нема appeared first on Република.

Во Основниот кривичен суд, новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“ денеска изјавија дека не се чувствуваат виновни за делото што им се става на товар.

Латас пред Судот рече дека не се чувствува виновен и дека обвинението е тенденциозно.

Не се чувствувам виновен за поднесеното обвинение бидејќи сметам дека е тенденциозно, под притисок на мала група луѓе кои себе се дефинираат како јавност, во соработка со директорот на јавната полиција, односно Бирото за јавна безбедност и премиерот Димитар Ковачевски кој заедно со претходно спомнатите, однапред, и пред да се донесе обвинението, обвинија и јавно пресудија, рече Латас.

Не се смета за виновен бидејќи, како што рече, во самото обвинението се цитира реченицата во која е нагласен мотивот за да се напушти средината со такви појави.

Исто така, не се сметам за виновен, бидејќи ниту во самата емисија, која раскажува животен пат на момче од сиромашна средина, до ниво на познат и признат новинар, постојат разни фази, случки и мотиви да се напушти таа средина и оствари нешто ново. На крај, токму реченицата која се цитира во обвинението е нагласен мотивот за да се напушти средината со такви појави и се премине на нешто друго, друг живот, рече тој.

Обвинетиот Стефан Лазаров, исто така, изјави дека не се чувствува виновен.

Самите две минути, според мене, се извадени од контекст. Сметам дека треба да се помине целата емисија за да се увиди мотивот на гостинот. Искажан став не значи и искажана ситуација која што се случила некогаш во неговиот живот, а моето смеење на истата не значи дека оправдувам и промовирам насилство врз жени, рече тој.

Рочиштето продолжи со изведување на докази од Обвинителството при што беше изведен делот од подкастот на кој обвинителството го темели обвинението.

Според обвинетиот Латас, овој доказ не е целосен бидејќи недостасува целата емисија во која се состои контекстот.

Како што рече, обвинителот не може да оценува и проценува што е смеење.

Какво е тоа смеење и кои се целите на тоа смеење, што спаѓа во рамки на друга струка за која вообичаено и во процеси на клевета, се бара мислење од стручно лице психолог или психијатар кој оценува дали и какви смеење има, вели тој, нагласувајќи дека тоналитетот на неговото смеење бил ист низ целата емисија, како и во конкретниот дел изведен од обвинителството.

На ова обвинителот одговори дека при изведувањето не извршил проценка на нивното смеење, туку само навел дека тие се смеат.

Според обвинението, двајцата обвинети, преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста.

Првообвинетиот, гостувајќи во интервју објавено на 14 февруари како поткаст на Јутјуб канал на второобвинетиот, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување. Второобвинетиот, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан, стои во соопштението на обвинителството.

На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап.

Според Кривичниот законик, тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на раса, боја на кожа, национално или етничко потекло, како и верско уверување, ќе се казни со затвор од една до пет години.

Процесот го води судијката Диана Груевска Илиевска, а застапник на обвинението е обвинителот Даниел Коцев.

The post Латас и Лазаров не се чувствуваат виновни appeared first on Република.

Такви сцени не доликуваат ни на слава, ни на свадба, ни на автобуска станица, ни во канцеларија, па камо ли на луѓе кои со наши пари сме ги избрале да не претставуваат во одреден дел. Ние не видовме ништо ново. ДУИ е насилна партија, таа е произлезена од УЧК, нивната политика е насилна, изјави новинарот Драган Павловиќ Латас во „Само вистина“ на Канал 5, коментирајќи го вчерашното насилно однесување на пратеникот Арбр Адеми во Собранието.

Латас потенцираше дека ние го видовме претседателот од Собрание, кој е од ДУИ како ги навредува, провоцира и навредува вработените во Собранието, како ја заклучува салата да не може да влезе опозицијата и тоа пак го видовме тоа вчера.

Од една страна имаш вербално обраќање на пратеници од опозицијата, од друга страна имаш насилно обраќање со фрлање на предмети врз пратеници од опозицијата на човек кој треба да го преставува Собранието и што е најлошо води комисија за европски прашања. Од ДУИ партија и политика не бива. ДУИ не се заинтересирани ниту за политика, ниту за било што освен за тендери, кеш, контрола на судство и полиција и нарко дилерите. Тоа што го видовме вчера е само сублимат на нивното сфаќање на политиката. Секогаш во парламентот ДУИ е тој што ги малтретирал Македонците, што покажувал сила врз пратениците од македонскиот блок, изјави Латас.

Латас исто така потсети и дека два дена претходно го гледаме советникот од ДУИ кој е ослободен од одговорност заради тоа што тепал човек, видео снимки се презентирани, а заради него УНЕСКО покрена постапка за одземање на статусот заштитен град, но на советникот не му фали ништо.

Тој е ослободен затоа што е од ДУИ. Државен секретар од ДУИ се закануваше дека ќе крши раце и нозе. Се случува перманентно насилство секаде во општеството на СДСМ и ДУИ, судство, невладин сектор, во парламент, секаде. Антонијо Милошоски е политички бард за овој човек од ДУИ кој залутал во политика. Не можеш на Антонијо Милошоски кој политиката ја има во малиот прст и има стаж и знаење да му се обраќаш со пцуење и закани и да фрлаш со предмети кон него. Насилно настапуваат СДСМ и ДУИ по секоја точка која е битна, рече Латас.

The post Латас: ДУИ е насилна партија, тоа што го видовме вчера е сублимат на нивното сфаќање на политиката appeared first on Република.