Коалицијата ВЛЕН ја поздравува доцната, но неопходна одлука на скопското обвинителство за поднесување жалба против неприфатливо ниската и скандалозна казна изречена за случајот Ласкарци. Ние силно ја поддржуваме барањето за построги казни за сите други одговорни лица инволвирани во ова трагедија. Овој страшен настан, кој се обиде да се релативизира и минимизира од претходниот режим со корумпираните кадри на ДУИ, бара целосна и непристрасна правда - стои во соопштението испратено до медиумите.

Потоа додаваат:

Но, прашањата што се поставуваат се неизбежни. Дали ова е уште еден случај во кој мувлосаниот кадар на ДУИ го спречува заслуженото казнување на виновниците и откривањето на вистината? Каква улога одигра Валдет Џафери, поранешен директор на Бирото за судска експертиза, во намерното одложување на експертизата на случајот Ласкарци?

Исто така, треба да се дознае дали сопствениците на „Дурмо Турс“ се блиски со ДУИ, како што често се зборува во јавноста, и дали се соработници на Талат Џафери. Зошто сите институции вклучени во овој случај не успеале да донесат праведна и навремена пресуда? Кои се тие што се кријат зад овие постапки и се обидуваат да ги заштитат своите тесни политички интереси, попречувајќи ја правдата за жртвите и нивните семејства?

Коалицијата ВЛЕН бара целосна транспарентност и конкретни дејствија од сите институции за да се обезбеди правда за жртвите и за сите граѓани.

The post ВЛЕН: Корумпираната ДУИ е пречка за вистинската правда во случајот „Ласкарци“ appeared first on Република.

 Во Основниот кривичен суд Скопје денеска треба да биде објавена пресудата за случајот „Ласкарци“ што се однесува на автобуската несреќа којашто се случи во 2019 година, а во која животот го загубија 16 патници, а над 30 беа повредени.

Во случајот се обвинети сопственикот на компанијата „Дурмо турс“, одговорниот за транспорт во фирмата Ремзи Мифтари и возачот на автобусот Маноил Трифуновски, кои се товарат за сторени тешки дела против безбедноста на луѓето и имотот во сообраќајот, како и тројцата вработени во станицата за технички преглед Игор Ѓорѓиевски, Горан Дуковски и Јане Бобаровски, кои се товарат за соучество во истото дело.

Според членот 300 став 2 од Кривичниот законик, за кој се товарат обвинетите, казната затвор изнесува најмалку четири години.

Во доказната постапка од процесот беа изведени повеќе вербални и материјални докази, а беше направено вештачење и супервештачење.

Одбраната на обвинетите во завршните зборови потенцираше дека во доказната постапка не се докажал товарот што им се става на товар на секој од обвинетите посебно и побараа ослободителна пресуда.

Јавниот обвинител Дарко Јакимовски, од друга страна, во своите завршни зборови побара најстрога казна, бидејќи, според него, кај сите обвинети постоела безобѕирност во постапувањето и било прашање на време само по која основа, како што рече „хаосот на работењето може да резултира со вакви или слични последици“.

Најстрога казна тогаш побараа и оштетени, родители и роднини на загинати во сообраќајната несреќа.

Процесот го води судијката Диана Груевска Илиевска. Пресудата треба да биде објавена во 12 часот.

The post Дочекавме: Денеска пресуда за трагедијата кај Ласкарци со автобусот на „Дурмо“ appeared first on Република.

На 19.01.2024 во 23.00 часот во атарот за село Ласкарци, скопско, полициски службеници од Полициското одделение Сарај го привеле Б.А.(19) од селото.

Тој бил затекнат како со патничко возило „форд ескорт“, со скопски регистарски ознаки, превезува огревно дрво без документација. Возилото и дрвата биле одземени, а лицето било приведено во Полициското одделение Сарај. По целосно документирање на случајот, против него ќе биде поднесена соодветна пријава.

The post Тинејџер од Ласкарци превезувал украдени дрва appeared first on Република.

Пресудата за случајот „Ласкарци“ ќе биде објавена на 25 јануари, откако денеска во Основен кривичен суд Скопје, се изведоа последните завршни зборови од постапката која започна во 2019 година.

Во случајот кој се однесува на автобуската несреќа што се случи на 13 февруари 2019 година во која животот го загубија 16 патници, а над 30 беа повредени се обвинети Белули, сопственик на компанијата „Дурмо турс“, одговорниот за транспорт во фирмата, Ремзи Мифтари и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Како и тројцата вработени во станицата за технички преглед, Игор Ѓорѓиевски, Горан Дуковски и Јане Боварски, кои се товарат за соучество во истото дело.

Според членот 300 став 2 од Кривичниот законик, за кој се товарат обвинетите, казната затвор изнесува најмалку четири години.

Во доказната постапка беа изведени повеќе вербални и материјални докази, а беше направено вештачење и супервештачење.

Одбраната на обвинетите, секоја засебно, во завршните зборови потенцираше дека во доказната постапка не се докажал товарот што им се става на товар на секој од обвинетите посебно и побараа ослободителна пресуда.

Јавниот обвинител Дарко Јакимовски, од друга страна, во своите завршни зборови побара најстрога казна, бидејќи, според него, кај сите обвинети постоела безобѕирност во постапувањето и било прашање на време само по која основа, како што рече „хаосот на работењето може да резултира со вакви или слични последици“.

Најстрога казна тогаш побараа и оштетени, родители и роднини на загинати во сообраќајната несреќа.

Процесот го води судијката Диана Груевска Илиевска. Пресудата на 25 јануари е закажано за во 12 часот.

The post Пресудата за „Ласкарци“ ќе биде објавена на 25 јануари appeared first on Република.

Ева Таво, ќерка на Ванѓел Таво, поранешен пратеник и поранешен министер за здравство во Албанија, загина во несреќа во Македонија. Веста на социјалните мрежи ја потврди и самиот Таво. Таво вели дека „ова се најтешките зборови што ги напишал во животот“.

„Ова се најтешките зборови што сум ги напишал во животот. Мојата најстара ќерка Ева почина во цутот на младоста, во најубавата возраст, каква што беше и самата. Погребот ќе се изврши во четврток на 30 ноември во 11:00 часот во Јоргукат, Ѓирокастро“, напиша Ванѓел Таво.

Веста ја потврдија и од МВР. Несреќата се случила во реонот на селото Ласкарце, на патот од Тетово кон Скопје.

„На 28.11.2023 година во 14:00 часот во СВР-Скопје било пријавено дека на автопатот „Мајка Тереза“ во правец од Тетово кон Скопје, во реонот на с.Лласкарце, патничко возило „Ауди“ со Албански регистерски таблички, кој го управувал албанскиот државјанин В.М.(40), излетал од патот. Од здобиените повреди во незгодата на лице место починала сопатничката Е.Т.(24) од Р.Албанија, додека лекар од Итна медицинска помош констатирала смрт. Во меѓувреме, возачот на В.М е тешко повреден“, соопшти македонското МВР.

The post Ќерка на поранешен министер во Албанија e загинатата во сообраќајната несреќа кај Ласкарци appeared first on Република.

Полицијата информира дека вчера во 14.00 часот во СВР Скопје било пријавено дека на автопатот „Мајка Тереза“ во насока од Тетово кон Скопје, во атар на с. Ласкарци, Скопско, патничко моторно возило „ауди“ со албански национални ознаки, управувано од В.М.(40) од Република Албанија, излетало од коловозот.

Од здобиените повреди во несреќата на местото починала сопатничката Е.Т.(24) од Република Албанија, а лекар од Итна медицинска помош констатирал смрт. Со тешки телесни повреди се здобил возачот В.М. констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post Млада албанска државјанка загина во сообраќајка кај Ласкарци appeared first on Република.

Во Основниот Кривичен суд Скопје денеска заврши доказната постапка за случајот „Ласкарци“ што се однесува на автобуската несреќа во која загинаа 16 лица и околу 30 беа повредени. Завршните зборови на Јавниот обвинител се закажани за 14 декември. Завршни зборови потоа ќе треба да даде и одбраната на обвинетите, по што Судот ќе треба да закаже објава на пресуда.

На денешната расправа Јавниот обвинител, Дарко Јакимовски, изврши прецизирање на обвинението при што рече дека нема измена на квалификацијата на делото за ниту еден од обвинетите.

Прецизирањето, според обвинителот, е направено врз основа на доказите изведени во текот на главната расправа и во тој дел е конкретизиран описот во поглед на хронолошкиот тек и пропустите кои стојат на страна на обвинетите.

Обвинети во случајот за несреќата кај Ласкарци, што се случи на 13 февруари 2019 се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Додека, тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело.

Судењето започна во 2019 година и трае четири години. Изминатава година расправите се однесуваа на супервештачењето што Судот го нарача во декември 2021 година, а кое беше одбиено од факултетите од државава, со објаснување дека нивните вешти лица веќе учествувале во претходното вештачење, или не се компетентни за истото, со што Бирото за судски вештачења потоа формира тим лиценцирани вешти лица кои изготвија супервештачење кое во Кривичен пристигна по една година, во декември 2022.

Бранителот на обвинетиот Игор Дуковски, адвокатот Сашо Дукоски, во изјава за медиуми по денешната расправа изјави дека супервештачењето, како што рече, претставуваше врв на доказната постапка.

– Супервештачењето претставуваше врв на доказната постапка и се утврди тоа што ние го тврдиме од самиот почеток, дека оваа сообраќајна несреќа е склучена исклучиво и само поради вина и поради недоволно внимание од страна на шоферот, рече тој.

Од друга страна, бранителот на дел од оштетените, адвокатот Владимир Николоски од Гостивар, рече дека смета дека работите се разјаснети уште со првите вештачења.

Според родител на еден од загинатите, Судот, како што рече, „си купуваше време“ со супервештачењето.

– Да не беа нашите притисоци, од родителите и оштетените, тоа немаше никогаш да се случи. Судот само купуваше време и не се покажа ништо ново или дополнителни докази од супервештачењето, рече родителот.

Според него, супервештачењето тежнеело кон тоа да се префрли вината на возачот.

Процесот го води судијката Диана Груевска Илиевска.

The post Заврши доказната постапка за „Ласкарци“, завршни зборови на обвинителство на 14 декември appeared first on Република.

Во основниот кривичен суд Скопје во врска со автобуската несреќа кај селот Ласкарци денеска беше испитувано вештото лице Љупчо Постолов, дел од тимот што го изготви сообраќајното супервештачење за несреќата во која загинаа 16 лица и околу 30 беа повредени.

Адвокатот Љупчо Мицевски, бранител на шестообвинетиот - возачот на автобусот, денеска продолжи да го испитува вештото лице Љупчо Постолов.

Прашан дали 1,67 секунди не се доволни за сопирање, но е доволно за реакција на воланот и насочување на воланот кон десно, тој одговори дека неколку пати нагласиле дека од возачот на автобусот немало никаква реакција.

Во врска со тоа дека воланот по незгодата е најден завртен во десно, прашан дали во предметот сретнале фотографија каде што воланот е фотографиран во позиција за движење право, тој одговори дека во крајната положба воланот е во деформирана состојба.

- Таква фотографија нема, но објаснив дека сите фотографии каде што е воланот свртен кон десно може да биле од многу други причини и деформации, рече вештакот.

Прашан дали АБС системот на овој автобус бил исправен на денот на незгодата, тој одговори не.

- Според машинските согледувања, АБС системот не бил исправен, односно била пресечена жицата што е поврзана со уредите, одговори тој.

На прашањето дали таа неисправност на АБС системот била кај едно од тркалата, или кај сите тркала, тој одговори кај сите.

Прашан дали со ваков неисправен АБС систем за кочење, овој автобус смеел да биде пуштен во сообраќај и да превезува патници на ден 13.2.2019 година од страна на одговорните лица на превозникот Дурмо Турс, тој одговори дека не би требало.

- Сметам дека не би требало, бидејќи секоја неисправност која би се утврдила на техничкиот преглед, пред да биде пуштен автобусот во сообраќаен промет, требало да биде отстранета, рече вештакот.

[caption id="attachment_27823" align="alignnone" width="571"] (фото: МИА)[/caption]

Прашан дали при ваков неисправен АБС систем, при максимално кочење со ножната кочница, може да дојде до тоа предните тркала на автобусот да не се управуваат, тој одговори дека АБС системот немал никакво влијание ниту е во причинска врска за случување на сообраќајната незгода.

Сослушувањето на супервештаците се одвива веќе подолго време. На последните рочишта бранителот на шестообвинетиот - возач на автобусот, постави повеќе прашања во однос на настанувањето на несреќата и техничката неисправност на автобусот, на кои на најголем дел имаше приговори од страна на бранителите на останатите обвинети, според кои, прашањата се повторуваат.

Обвинителот на денешното рочиште рече дека стратегијата на бранителите на останатите обвинети е да ја префрлат одговорноста на возачот, на што, тие одговорија дека е недозволиво јавен обвинител, изјавувајќи такво нешто, да се става во улога на бранител на обвинет.

Покрај Постолов, во тимот вештаци кои го изготвија сообраќајното супервештачење се и вештаците Јакуп Мамути и Невзат Зеќири

Супервештачењето што Судот го нарача во декември 2021 година беше одбиено од факултетите од државава, со објаснување дека нивните вешти лица веќе учествувале во претходното вештачење, или не се компетентни за истото. Откако факултетите одбија, предметот беше испратен во Бирото за судски вештачења, кое има можност да формира тим од лиценцирани вешти лица кои ќе направат супервештачење. Супервештачењето пристигна во Кривичен во декември. Потоа настапи формално отпочнување на процесот по кое се започна со сослушување на вештите лица кои го изготвија машинското супервештачење, а во моментов и на вештите лица кои го изготвија сообраќајното супервештачење.

Обвинети во случајот за несреќата кај Ласкарци, што се случи на 13 февруари 2019 се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Додека, тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело.

Судскиот процес за несреќата започна во септември 2019 година и го води судијката Диана Груевска Илиевска, а застапник на обвинението е јавниот обвинител, Дарко Јакимовски. Судењето продолжува на 31 октомври.

The post Се сеќавате на Ласкарци и „Дурмо турс“?: Судењето уште трае appeared first on Република.

Судењето за автобуската несреќа кај Ласкарци продолжува на 8 јуни откако во Основниот кривичен суд Скопје денеска беше сослушан сведокот Јакуп Мамути, дел од тимот што го изготви сообраќајното супервештачење.

Во првиот дел, јавниот обвинител, Дарко Јакимовски, го испрашуваше вештото лице Јакуп Мамути во однос на супервештачењето, за кое, вештото лице изјави дека го работеле помалку од една година. По паузата, се продолжи со испитување на истото вешто лице на прашања кои беа во голем дел одбиени од Судот, а се однесуваа на лиценцата на вештакот Мамути.

Покрај Јакуп Мамути и Љупчо Постолов, дел од тимот што го изготви сообраќајното супервештачење е и вештакот Незат Зеќир.

Супервештачењето што Судот го нарача во декември 2021 година беше одбиено од факултетите од државава, со објаснување дека нивните вешти лица веќе учествувале во претходното вештачење, или не се компетентни за истото. Откако факултетите одбија, предметот беше испратен во Бирото за судски вештачења, кое има можност да формира тим од лиценцирани вешти лица кои ќе направат супервештачење. Супервештачењето пристигна во Кривичен во декември. Потоа настапи формално отпочнување на процесот по кое се започна со сослушување на вештите лица кои го изготвија машинското супервештачење, кое, според вештаците утврдило дека автобуската несреќа не е од машинска природа.

Обвинети во случајот за несреќата кај Ласкарци, што се случи на 13 февруари 2019 година се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Тројцата вработени во станицата за технички преглед, пак, Игор Ѓорѓиевски, Горан Дуковски и Јане Боварски, се товарат за соучество во истото дело.

Судскиот процес за несреќата којшто започна во септември 2019 година, го води судијката Диана Груевска Илиевска, а застапник на обвинението е јавниот обвинител, Дарко Јакимовски

The post Уште се суди за автобусот на „Дурмо турс“ appeared first on Република.

Судењето за случајот „Ласкарци“ продолжува на 25 април откако во Основниот кривичен суд денеска беа испрашувани вештаците кои го изготвија машинското супервештачење за автобуската несреќа кај Ласкарци, во која загинаа 16 лица и околу 30 беа повредени.

На денешното рочиште, бранителот на шестообвинетиот го испрашуваше вештото лице Зекирија Зекири со прашања за системот на еластично потпирање на автобусот, ретардер, како и правичноста на техничките прегледи на автобусот.

На поголемиот дел од прашањата имаше приговори од бранителите на останатите обвинети, а на голем дел, исто така, вештото лице одговори дека веќе е одговорено.

Прашан дали се согласува дека доколку се погледнат фотографиите од местото на незгодата изготвени од МВР и Машинскиот факултет, дека рачката за вклучување на ретардерот е во нулта позиција и истиот не бил активиран, дали тоа можело да се види од фотографиите, тој одговори дека сѐ што сметале дека е важно е наведено во вештачењето.

– Тоа што сметавме дека се важни фотографии и наводи, сите се посочени на страна 60 и 61 од вештачењето, рече тој.

Кон испрашување на вештото лице Зекирија Зекири потоа пристапи и полномошникот на оштетените.

Прашан дали ваков автобус со ваква техничка неисправност може да се пушти во сообраќај на редовна линија Гостивар-Скопје-Гостивар, вештото лице одговори дека не се компетентни да одговорат.

– Ние само дадовме мислење, заклучок дека автобусот бил технички неисправен, но, по однос дали треба или не да се пушти во сообраќај, не сме компетентни да кажеме да или не, рече тој.

Обвинителот, потоа праша дека, со оглед дека заклучиле дека автобусот не би технички исправен,како што рече, „дали во правилникот кој што вие го цитирате е предвидено што понатаму со тој автобус”, вештото лице одговори дека не можат со сигурност да посочат.

– Ние само констатиравме дека техничкиот преглед не е извршен согласно одредбите, но, од доказите не можевме со сигурност да посочиме дека возилото, после тој технички преглед било технички неисправно, одговори вештакот Дамјан Мирчевски.

Супервештачењето што Судот го нарача во декември 2021 година беше одбиено од факултетите од државава, со објаснување дека нивните вешти лица веќе учествувале во претходното вештачење, или не се компетентни за истото. Откако факултетите одбија, предметот беше испратен во Бирото за судски вештачења кое има можност да формира тим од лиценцирани вешти лица кои ќе направат супервештачење. Супервештачењето пристигна во Кривичен во декември. Потоа настапи формално отпочнување на процесот по кое се започна со сослушување на вештите лица кои го изготвиле супервештачењето и тоа сѐ уште трае.

Обвинети во случајот за несреќата кај Ласкарци, што се случи на 13 февруари 2019 се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари, и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Додека, тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело.

Судскиот процес за несреќата што започна во септември 2019 година го води судијката Диана Груевска Илиевска, а застапник на обвинението е јавниот обвинител, Дарко Јакимовски.

The post Испрашани вештаци за „Ласкарци“, судењето продолжува на 25 април appeared first on Република.

Судењето за случајот „Ласкарци“ продолжува на 30 март, откако во Основниот кривичен суд Скопје денеска беше испитуван вештакот Зекирија Зекири, дел од тимот што го изготви машинското супервештачење за несреќата во која загинаа 16 лица, а околу 30 беа повредени.

Вториот ден од денешната расправа продолжи со испрашување во врска со сведочењето на сведокот кој со возило се возел зад автобусот како и за други наводи наведени во супервештачењето. На овие прашања имаше повеќе приговори од страна на бранителите на останатите обвинети, со што со одлука на судот на поголем дел од нив не беше одговорено.

Прашан дали еден доказите од кои може да се утврди дали во критичниот момент овој автобус бил сопиран или не, односно дали било кочено од возачот, или не, е тахографската лента на автобусот, вештото лице Зекири одговори дека тоа не е од неговата област на вештачење.

Не било наша работа и не можам да ви одговорам за тахографската лента, бидејќи не е од машинската област, рече тој.

Прашан дали со 30% сила може да остави трага на сопирање, тој одговори дека коефициентот на ефикасност на кочење во теорија не постои.

Во теорија нема 30-40%, никаде нема точно наведено дека со толку проценти може да остави траги автобусот, рече тој.

Испитувањето продолжи со прашања од страна на бранителот на шестообвинетиот кој инсистираше одговор на истите да даде само конкретното вешто лице, додека, бранителите на останатите обвинети приговараа на прашањата. Потоа, поради замор и истекување на работното време на судот, судечкиот совет реши да ја прекине расправата.

Супервештачењето што Судот го нарача во декември 2021 година беше одбиено од факултетите од државава, со објаснување дека нивните вешти лица веќе учествувале во претходното вештачење, или не се компетентни за истото. Откако факултетите одбија, предметот беше испратен во Бирото за судски вештачења кое има можност да формира тим од лиценцирани вешти лица кои ќе направат супервештачење. Супервештачењето пристигна во Кривичен во декември. Потоа настапи формално отпочнување на процесот по кое се започна со сослушување на вештите лица кои го изготвиле супервештачењето и тоа сѐ уште трае.

Обвинети во случајот за несреќата кај Ласкарци, што се случи на 13 февруари 2019 година се Дурмиш Белули, сопственик на компанијата Дурмо турс, одговорниот за транспорт во фирмата, Ремзи Мифтари, и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело.

Судскиот процес за несреќата започна во септември 2019 година и го води судијката Диана Груевска-Илиевска, а застапник на обвинението е јавниот обвинител Дарко Јакимовски.

The post Судењето за „Ласкарци“ продолжува на 30 март appeared first on Република.

Со испитување на вештакот Зекирија Зекири во Основниот кривичен суд Скопје денеска продолжи судењето за автобуската несреќа кај Ласкарци, во која загинаа 16 лица и околу 30 беа повредени.

Супервештачењето што Судот го нарача во декември 2021 година беше одбиено од факултетите од државава, со објаснување дека нивните вешти лица веќе учествувале во претходното вештачење, или не се компетентни за истото. Откако факултетите одбија, предметот беше испратен во Бирото за судски вештачења кое има можност да формира тим од лиценцирани вешти лица кои ќе направат супервештачење. Супервештачењето пристигна во Кривичен во декември. Потоа настапи формално отпочнување на процесот по кое се започна со сослушување на вештите лица кои го изготвиле супервештачењето и тоа сѐ уште трае.

Обвинети во случајот за несреќата кај Ласкарци, што се случи на 13 февруари 2019 година се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари, и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело.

Судскиот процес за несреќата што започна во септември 2019 година го води судијката Диана Груевска Илиевска, а застапник на обвинението е јавниот обвинител, Дарко Јакимовски.

The post Продолжува судењето за „Ласкарци“ appeared first on Република.

Македонија тоне во насилен криминал и хаос затоа што институциите шуруваат со криминалот!. Ова е Самед Мисини од Ласкарци, во Јули 2022 година, кога испукува најмалку една цела рамка од огнено оружје! Ова пукањето е кривично дело член 396 став 2, обзнани портпаролот на ВМРО-ДПМНЕ Наум Стоилковски.

https://www.youtube.com/watch?v=SLpQWU_CDa4

Покрај пукањето, Мисини се поврзува и со насилство против изборите за бркање на гласачи и набљудувачи во Ласкарци, како и со напад и тепање на бизнисмен во кабинетот на Шилегов веднаш по локалните избори, кога при полициска интервенција пронајдено е и оружје. Секако, нема казна за Мисини

Мисини е бизнисмен, градежник, добитник на тендери од Скопје под Шилегов, а до сега иако има повеќе документи за дела во полицијата, никогаш ништо не е реализирано.

За кривичното дело, што го видовте, има оперативен извештај до Единица за недозволена трговија, но не се преземени никакви оперативни мерки. Нема претрес, нема барање на оружјето, нема казна.Причина за неказнувањето е што главен гостин и сведок на пукањето, во случајот свадба кај Мисини, е директорот на БЈБ Сашо Тасевски со семејството.

Почитувани, нема јасна поделба помеѓу тој што треба да го гони криминалот  и да биде ортак со него! Оттука, Оливер Спасовски и Сашо Тасевски, мора да одговорат:

Дали е нормално наместо Мисини за случајот да бидат казнети полицајци?
Дали е нормално вакво пукање да се случува пред очи на директор на БЈБ?
Дали е нормално директор на БЈБ да биде во блиски пријателски семејни врски со човек којшто пука, тепа, и насилно попречува изборен процес?
Дали неказнивоста на овој човек се спроведува преку началникот на крим полиција Музафер Каришиќ?

Колку пати Мисини бил гостин во полицијата во кабинетот на Тасевски?
Но, и кога Тасевски ќе го пријави до ДКСК станот во којшто живее од пред нова година, стан во една од зградите изградени од Мисини?Почитувани, наместо да се гони криминалот, институциите со СДС и ДУИ шуруваат со него. Оној што треба да го гони криминалот влегува во ортачки однос со него!Скопје и Македонија се претворени во држава каде што царува криминал, насилства, убиства и мафијашки пресметки.Се додека оние што шуруваат со криминалот се на власт, Македонија ќе продолжи да тоне!

The post Oва е Самед Мисини – револверашот од Ласкарци кој пукал во присуство на директорот на БЈБ appeared first on Република.

Четири години по автобуската несреќа кај Ласкарци во која животот го загубија 16 лица, со отсуство на најмала емпатија кон жртвите и нивните семејства, ДУИ продолжува да ја саботира кривичната постапка која се води против компанијата блиска до ДУИ, „Дурмо турс“ и нејзините сопственици.

Ова е ставот на партијата Левица, која реагира на повеќегодишното развлекување на судската постапка. Левица предочуваат дека повеќе од една година не е завршено супер вештачењето, кое треба да го изработи Бирото за судско вештачење, раководено од претседателот на огранокот на ДУИ во Гостивар, Валдет Џафери.

Еден од вештаците определени да го изработат вештачењето, исто така член на ДУИ, денес повторно не се појави на судењето и не достави документација за оправдување на таквото отсуство. Со ваквото бескрупулозно однесување, ДУИ уште еднаш докажува дека нивна единствена грижа се бизнис партнерите, криминалите и финансиерите, а животот на обичниот Албанец го множи со нула! Додека елитите на ДУИ се недопирливи и приграбуваат милиони, западна Македонија масовно се иселува, а граѓаните сé почесто ги губат своите најблиски во трагедии предизвикани од неказнивоста и корумпираноста на компании блиски до ДУИ, како што се озлогласените Беса Транс и Дурмо Турс, велат од Левица.

Левица се залага за беспоштедна и неселективна борба против корупцијата и подобар живот за сите работници во Македонија, без разлика на националната или етничка припадност или религија. Ги повикуваме граѓаните да се спротистават на две децениското кирминално владеење на ДУИ, кои заедно со нивните коалициони партнери СДС и ДПМНЕ целосно ја имаат заробено државата!

The post ДУИ ја саботира судската постапка за трагедијата кај Ласкарци appeared first on Република.

Судскиот процес за несреќата што започна во септември 2019 година го води судијката Диана Груевска Илиевска, а застапник на обвинението е јавниот обвинител, Дарко Јакимовски

The post Се сеќавате на „Ласкарци“: Дојде до супервештачење appeared first on Република.

На рочиштето за супервештачењето за случајот „Ласарци“ денеска во Кривичниот суд во Скопје, четворица вештаци околу пет часа одговараа на прашања од јавниот обвинител Дарко Јакимовски, кои беа проследени со реакции и негодувања од бранителите на обвинетите. Судијката Диана Груевска Илиевска, денешното рочиштето го прекина, поради, како што рече „немање соодветни услови за работа и начин на комуникација кој не е соодветен за во судница“.

Прашањата на јавниот обвинител за вештаците кои го изготвија супервештачењето, нарачано од Судот во декември 2021 година, во првиот дел се однесуваа на нивната стручност и компетентност, потоа во насока на тоа дали при вештачењето биле земени предвид претходните вештачења, како и сите претходни искази и докази за да се изврши супервештачењето, а завршија со прашања кои се однесуваа на исправноста на возилото пред несреќата, техничките прегледи, механичарските зафати, како и белешките во однос на тие поправки и менување на делови.

Јакимовски, укажа дека голем дел вештиот наод се состои од транскрипти и оти само на седум страници од околу 70 се содржани заклучоците од супервештачењето. Тој, најмногу се задржа на системот за кочење на автобусот, за кој детално го испитуваше вештакот во однос на начинот на кој тој работи, со што се потенцираше, дека за разлика од хидрауличниот, кај овој систем силата на допирот на педалата за кочење е многу помала и тоа помага за побрза реакција во случај на незгода.

Вештаците, одговарајќи на прашањата во врска со исправноста на возилото, наведоа дека тие во супервештачењето ги имаат посочено недостатоците и неисправноста на автобусот со кој се случи несреќата, како и дека констатирале дека постои недоследност во техничкиот преглед.

Во текот на целото рочиште, адвокатите на обвинетите реагираа на начинот на кој обвинителот Јакимовски ги поставува и формулира прашањата, укажувајќи дека станува збор за слични прашања кои доведуваат до ист одговор, а за кои вештаците веќе одговориле дека „не се надлежни и дека за таквите прашања одговор треба да имаат правниците и Судот“.

Следното рочиште продолжува со прашања на обинителот за вештаците.

Супервештачењето што Судот го нарача во декември 2021 година беше одбиено од факултетите од државава, со објаснување дека нивните вешти лица веќе учествувале во претходното вештачење, а Техничкиот факултет во Битола, своевремено, дополнително извести и дека го вратиле предметот бидејќи нивните лиценцирани вештаци за машинство се стручни само за енергетика и не можат да вештачат моторни возила. Од Кривичен, потоа, информираа дека контактирале со Универзитетот во Штип и Машинскиот факултет во Скопје, од каде што биле известени дека тие немаат доволно лиценцирани вешти лица за сообраќајни возила кои не учествувале во претходните вештачења. Откако факултетите одбија, предметот беше испратен во Бирото за судски вештачења кое има можност да формира тим од лиценцирани вешти лица кои ќе направат супервештачење.

Обвинети во случајот за несреќата кај Ласкарци, што се случи на 13 февруари 2019 година, а во која загинаа 16 лица и над 30 беа тешко повредени, се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари, и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот, додека, тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело.

Судскиот процес за несреќата започна во септември 2019 година.

The post Со многу дофрлања и приговори почна денешното рочиште за супервештачењето за случајот „Ласкарци“ appeared first on Република.

Претседателот на судечкиот совет кој го води предметот со К.бр. 1407/19, поврзан со автобуската несреќа која се случи кај селото Ласкарци и претседателот на Кривичниот суд, денеска остварија средба со претставници и роднини на оштетените лица во случајот.

Надлежниот судија и претседателот, како што информираат од Основниот кривичен суд, се согласни со претставниците на оштетените дека постои застој во постапувањето по конкретниот предмет, кој застој не е по вина на судот.

Заради тоа, оштетените беа детално и со сите писмени известија и ургенции, запознаени за сите дејствија кои судот ги има преземено изминатава година за навремено добивање на супервештачењето од надлежното Биро за судски вештачења, кое е неопходно за завршување на доказната постапка и донесување на првостепена пресуда, се вели во соопштението од Кривичен.

Од Судот, посочуваат дека до овој момент судот има доставено 10 писмени ургенции до Бирото и пред
секоја насрочена расправа телефонски го контактира директорот на Бирото со барање супервештачењето да биде завршено во најкус можен рок и предметот да биде вратен за да продолжи главната расправа.

За ургенциите, но и причините за застојот во постапувањето, судот го има известено и Судскиот совет на РМ, а на неодамнешната средба во судот, на новинарско прашање, свој став околу супервештачењето даде и Министерот за правда. Заради недозволеното одолговлекување на супервештачењето, Судот денеска писмено се обрати до Бирото со напомена дека доколку до 05.12.2022 година предметот со сите списи и со изготвни вешт наод и мислење на биде вратен во судот или доколку од страна на вештите лица не се достави образложен извештај со причини зошто вештиот наод сеуште не е изготвен, судот ќе биде приморан да ја искористи Законската можност за парични казни на Бирото за судски вештачења, согласно член 237 ст.3 од ЗКП, како последен инструмент кој му стои на располагање, се вели во сопштението од Кривичен.

Судот уште еднаш ја известува јавноста, дека ги има преземено сите мерки за судење во разумен рок, дослено почитување на правата на странките и првостепено завршување на предметот.

Заради сензибилноста на случајот, се вели во сопштението од Кривичен, предметот се водеше со забрзано темпо во услови на Ковид ограничувања и беше испратен на супервештачење, заради две претходни спротиставени наоди, како што налага ЗКП, а со цел да не се направи суштинска повреда во првостепената постапка

The post Судот му даде рок до 5 декември на Бирото за супервештачењето за Ласкарци appeared first on Република.

Трагедијата во Ласкарци којашто ги одзеде животите на 16 лица, а над 30 беа повредени, од кои огромно мнозинство од Гостивар, не добива судски епилог и вистината за овој случај се крие од членовите на семејството, велат во партиското соопштение од Алијанса на лбанците.

Но, и покрај обидите да се пролонгира правдата, дел од вистината сама излегува на виделина, додека кругот на тие коишто можеби се одговорни се повеќе се проширува. Деновиве дознаваме една голема и многу горчлива вистина за жителите на Гостивар. Според истражувањето на организацијата „Коалиција за правично судење“, произлегува дека овој случај и вистината со години ги влече владејачката албанска партија ДУИ преку еден нејзин функционер кој доаѓа од градот Гостивар.

По првото вештачење што беше направено за овој предмет, Судот наместо да излезе со правосилна пресуда, на 11 ноември 2021 година даде наредба за супер вештачење. Истото било побарано и од машинско-техничките факултети во земјава и сите, изненадувачки, одбиле, понекогаш велејќи дека немаат стручњаци, а понекогаш дека немаат што да понудат повеќе од првото вештачење. На крајот предметот завршува во Бирото за правни вештачења и таму се држи веќе 315 дена.

На иронија на судбината, директорот на Бирото за правни вештачења е Валдет Џафери, Претседател на огранокот на ДУИ во Гостивар. По толку долго одложување, таквите кадри ќе требаше да бидат казнети и суспендирани од функцијата, но во овој случај Валдет Џафери беше награден со уште едно место, тоа на претседател на огранокот на ДУИ. Се прашуваме, на кого толку добро му послужи одолговлекувањето на вештачењето за да оваа личност заслужи вакво унапредување и награди!? Кој стои зад оваа трагедија што не дозволува казнување на вистинските виновници и се плаши тие да не издадат други имиња?, стои во соопштението.

The post Алијанса за Албанците: Трагедијата во Ласкарци не добива судски епилог appeared first on Република.

Супервештачењето за автобуската несреќа кај Ласкарци трае 315 дена, додека, за случајот „Тендери“, во кој обвинета е поранешната министерка Елизабета Канческа-Милевска, трае 110 дена, објави Коалиција сите за правично судење.

За автобуската несреќа кај Ласкарци, што се случи на 13 февруари 2019 година, а во која загинаа 16 лица и над 30 беа тешко повредени, Судот издаде наредба за супервештачење на 11 ноември 2021 година, додека, за „Тендери, наредбата беше издадена на 6 април 2021 година.

Обвинети во случајот за несреќата кај Ласкарци се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари, и возачот на автобусот Маноил Трифуновски, кои се товарат за сторени тешки дела против безбедноста на луѓето и имотот во сообраќајот, додека тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело. Судскиот процес за несреќата започна во септември 2019 година.

Супервештачењето кое го нарача Судот во декември 2021 година беше одбиено од факултетите од државава, со објаснување дека нивните вешти лица веќе учествувале во претходното вештачење, а Техничкиот факултет во Битола своевремено дополнително извести и дека го вратиле предметот бидејќи нивните лиценцирани вештачи за машинство се стручни само за енергетика и не можат да вештачат моторни возила. Од Кривичен потоа информираа дека контактирале со Универзитетот во Штип и Машинскиот факултет во Скопје, од каде што биле известени дека тие немаат доволно лиценцирани вешти лица за сообраќајни возила кои не учествувале во претходните вештачења. Откако факултетите одбија, предметот беше испратен во Бирото за судски вештачења кое има можност да формира тим од лиценцирани вешти лица кои ќе направат супервештачење.

Според обвинението поднесено од поранешното СЈО, пак, за случајот „Тендери“ во временскиот период од јуни 2011 година до 05.08.2011 година, во Скопје, првообвинетата Елизабета Канческа Милеска, како службено лице министер и вработените во Министерството – службените лица второобвинетата Л.Л.Ц. како член на Комисија за јавни набавки и третообвинетата Ј.У. како претседател на Комисијата за јавни набавки, со искористување на своите службени положби и овластувања, при вршење на јавни набавки, како соизвршители прибавиле за економскиот оператор ГТД Б. Ш. АД Ш. корист што се состои од незаконско повластување – фаворизирање за изведување на завршни градежни и градежно-занаетски работи на објектот Музеј на македонската борба за државност и самостојност – „Музеј на внатрешната македонска револуционерна организација и Музеј на жртвите на комунистичкиот режим”

The post Супервештачењето за Канчевска Милевска и за Ласкарци трае една година appeared first on Република.

Полициски службеници од одделот за криминалистичка полиција – Сектор за недозволена трговија со дрога, оружје и опасни материи при МВР во координација со полициски службеници од СВР Скопје – Единица за недозволена трговија во скопското село Ласкарци го лишиле од слобода С.Б. (34) од тоа село, соопшти Министерството за внатрешни работи.

При претрес во неговиот дом, извршен со судска наредба, како што се посочува, биле пронајдени и одземени една пушка- карабин и повеќе куршуми за него и една ловечка пушка.

Тој бил приведен во полициска станица и по целосно документирање на случајот против него ќе биде поднесена соодветна пријава, информираат од МВР.

The post Претрес во Ласкарци, пронајдено оружје, приведено едно лице appeared first on Република.