Министерот за надворешни работи и надворешна трговија, Тимчо Муцунски, денеска оствари средба со амбасадорката на Украина, Лариса Дир.

На средбата министерот Муцунски ја реафирмираше поддршката за Украина која ќе продолжи и во иднина, додавајќи дека како земја-членка на НАТО остануваме посветени за натамошна силна политичка и практична помош за Украина додека земјата продолжува да ја брани својата независност, како и територијалниот суверенитет.

Во рамки на средбата тој ја информираше амбасадорката Дир за Одлуката на македонската влада, за продолжување на привремената заштита за Украинците кои престојуваат на територијата на нашата држава.

Соговорниците разговараа и за други актуелни билатерални прашања и изразија уверување дека добрата соработка помеѓу двете земји ќе продолжи и во наредниот период.

The post Муцунски вети дека поддршката за Украина ќе продолжи appeared first on Република.

Министерот за надворешни работи и надворешна трговија, Тимчо Муцунски, денеска оствари средба со украинската амбасадорка, Лариса Дир на која ја реафирмирал поддршката за Украина која ќе продолжи и во иднина. Како што соопшти МНР, на средбата министерот Муцунски додал дека како земја-членка на НАТО остануваме посветени за натамошна силна политичка и практична помош за Украина додека земјата продолжува да ја брани својата независност, како и територијалниот суверенитет.

-Во рамки на средбата тој ја информираше амбасадорката Дир за одлуката на македонската влада, за продолжување на привремената заштита за Украинците кои престојуваат на територијата на нашата држава, стои во соопштението.

Соговорниците разговарале и за други актуелни билатерални прашања и изразиле уверување дека добрата соработка помеѓу двете земји ќе продолжи и во наредниот период, наведуваат од МНР.

The post Продолжуваа привремената заштита за Украинците кои живеат во Македонија appeared first on Република.

Денеска во Министерството за внатрешни работи се одржа работна средба помеѓу министерот Панче Тошковски и амбасадорката на Украина Лариса Дир.

Како што соопштуваат од МВР, од страна на амбасадорката Дир беа упатени честитки до министерот Тошковски за изборот да раководи со Министерството за внатрешни работи, изразувајќи надеж дека соработката помеѓу двете полиции ќе се интензивира во наредниот период.

Меѓу другото беше побарано да се зајакне билатералната соработка во делот на кризниот менаџмент. Амбасадорката, притоа изрази голема благодарност за украинските граѓани кои се под привремена заштита во нашата земја, со надеж дека нивната заштита ќе продолжи онолку колку што е потребно.
Министерот Тошковски изрази уверување дека привремената заштита ќе продолжи, најавувајќи интензивирање на соработката помеѓу двете министерства преку сите меѓународни и регионални канали на полициска соработка, велат од МВР.

На средбата двете страни изразија задоволство од долгогодишната одлична соработка, со акцент на партнерството помеѓу двете министерства, особено во делот на осовременување на капацитетите, како и размената на информации, сознанија преку Интерпол.

The post Украинската амбасадорка се заблагодари за украинските граѓани кои се под привремена заштита во Македонија appeared first on Република.

Целосна поддршка за одбрана на суверенитетот и територијалниот интегритет на Украина и украинскиот народ, порача министерот за одбрана Владо Мисајловски на денешната средба со амбасадорката на Украина, Лариса Дир и одбранбеното аташе, полковникот Серхии Кацуба.

Покрај политичката поддршка која безрезервно ја имате, ќе вложиме дополнителни напори да помогнеме во вашата борба. Оваа војна мора да запре веднаш и на дипломатски начин да се реши, потенцирал Мисајловски.

Како што информираат од Министерството за одбрана, на средбата министерот Мисајловски нагласил дека ќе се заложи за интензивирање на соработката помеѓу двете министерства за одбрана, зајакнување на комуникацијата, а успешната соработката со амбасадата на Украина ќе продолжи да се одвива по нагорна линија.

Амбасадорката Дир упатила благодарност до министерот Мисајловски, Армијата и граѓаните за сета досегашна помош и поддршка која нашата земја и ја даде на Украина и украинскиот народ.

The post Средба Мисајловски – Дир: Нашата безрезервна поддршка за Украина и украинските граѓани уште еднаш ќе ја потврдиме на Самитот на НАТО appeared first on Република.

Претседателката Гордана Силјановска Давкова денеска ги прими амбасадорката на Украина во Македонија, Лариса Дир и амбасадорот на Обединетото Кралство на Велика Британија и Северна Ирска, Метју Лосон.

Како што се наведува во соопштението, на средбата со Дир било изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласила нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.

Двете соговорнички, како што се посочува, размениле мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Силјановска Давкова ја нагласила македонската поддршка за Украина на нејзиниот пат кон Европската Унија и НАТО.

Амбасадорката Дир, упатувајќи честитки за изборот на претседателката Силјановска Давкова ѝ посакалс успешно извршување на функцијата.

На средбата со Лосон, како што информира Кабинетот на претседателката, беа разменети мислења за севкупните билатерални односи меѓу двете држави. Силјановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата.

Претседателката посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.

Како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит, се вели во соопштението од претседателскиот кабинет.

Амбасадорот Лосон на претседателката Силјановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.

Уверен сум дека ќе го вложите целиот Ваш капацитет за време на Вашиот мандат како претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како претседател односите, кои се веќе толку блиски, уште повеќе ќе се продлабочат, се вели во честитката од кралот Чарлс Трети.

The post Амбасадорите на Обединетото Кралство и Украина на прием кај претседателката Силјановска Давкова appeared first on Република.

Претседателот Стево Пендаровски ги прими акредитивните писма на новоименуваната амбасадорка на Украина во Република Македонија, Лариса Дир.

-Да се биде амбасадор на Украина во овие тешки времиња за земјата, која е жртва на брутална агресија од страна на Руската Федерација, е исклучителна задача. Доаѓате во пријателска држава која секојдневно сочувствува со Вас и затоа Ве уверувам дека ќе ја имате нашата целосна поддршка, а сите наши институции ќе го олеснуваат Вашето работење и ќе се обидат да помогнат на сите можни начини, истакна претседателот Пендаровски во обраќањето на церемонијата на предавање на акредитивните писма од страна на амбасадорката Дир.

Претседателот Пендаровски, како што соопшти неговиот Кабинет, посочи дека Република Македонија целосно и недвосмислено го поддржува територијалниот интегритет и суверенитетот на Украина во нејзините граници до 2014 година.

-Нашата земја досега пружи различни видови помош на пријателскиот украински народ и бидете уверени дека тоа ќе го правиме се додека биде потребно. Отворено ја поддржавме Вашата земја при добивањето кандидатски статус за членство во ЕУ. Можеме само да му посакаме на пријателскиот украински народ, периодот до почетокот на преговорите со ЕУ да биде со помалку пречки и пократок од оној кој ние го изодевме, порача во обраќањето претседателот Пендаровски.

The post Oва е новата амбасaдорка на Украина во Македонија appeared first on Република.

Претседателот Стево Пендаровски ги прими акредитивните писма на новоименуваната амбасадорка на Украина во Република Македонија, Лариса Дир.

„Да се биде амбасадор на Украина во овие тешки времиња за земјата, која е жртва на брутална агресија од страна на Руската Федерација, е исклучителна задача. Доаѓате во пријателска држава која секојдневно сочувствува со Вас и затоа Ве уверувам дека ќе ја имате нашата целосна поддршка, а сите наши институции ќе го олеснуваат Вашето работење и ќе се обидат да помогнат на сите можни начини“, истакна претседателот Пендаровски во обраќањето на церемонијата на предавање на акредитивните писма од страна на амбасадорката Дир.

Претседателот посочи дека Република Македонија целосно и недвосмислено го поддржува територијалниот интегритет и суверенитетот на Украина во нејзините граници до 2014 година.

„Нашата земја досега пружи различни видови помош на пријателскиот украински народ и бидете уверени дека тоа ќе го правиме се додека биде потребно. Отворено ја поддржавме Вашата земја при добивањето кандидатски статус за членство во ЕУ. Можеме само да му посакаме на пријателскиот украински народ, периодот до почетокот на преговорите со ЕУ да биде со помалку пречки и пократок од оној кој ние го изодевме“, порача во обраќањето претседателот Пендаровски.

Тој искажа уверување дека Македонија и Украина ќе продолжат со позитивниот развоен тренд на односите и соработката во сите области и го потенцираше интересот на нашата земја за јакнење на економските врски за кои изрази надеж дека ќе помогнат во обновата на Украина.

Амбасадорката на Украина се заблагодари за помошта што Македонија ѝ ја дава на Украина, како и за поддршката на меѓународна иницијатива „Платформа за Крим“.

„Помошта од надлежните институции, загрижените граѓани и претприемачите е многу активна. Македонија веќе има доставено повеќе од 230 тони хуманитарна помош во Украина, а дополнително и ја обезбеди на Украина потребната материјална и техничка помош во воено-техничката област. Македонија е на вистинската страна на историјата: самоуверено се движи кон членство во Европската Унија, одобрува важни одлуки во НАТО, се приклучува кон витално важните безбедносни резолуции во ОН. Цврсто верувам дека Вашата земја, која ќе претседава со ОБСЕ следната година, заедно со Украина, секогаш ќе ги брани нашите заеднички цивилизациски вредности“, истакна во говорот амбасадорката Дир, додавајќи дека само заеднички ќе успееме да изградиме нова и поефикасна безбедносна архитектура во Европа.

Украинската амбасадорка изрази уверување дека пријателските билатерални односи меѓу двете земји ќе продолжат да се продлабочуваат и дека тоа ќе им помогне на нашите народи да станат уште поблиски и повеќе да ја вреднуваат меѓусебната поддршка.

„Демократијата, хуманизмот, европските вредности се токму она што ги обединува нашите земји и нашите граѓани. Затоа, мораме да станеме дел од нашата заедничка европска иднина врз основа на принципите на меѓусебно почитување и силно пријателство“, рече амбасадорката Дир.

Претседателот Пендаровски на амбасадорката Дир ѝ посака успешно извршување на значајната дипломатска мисија.

The post Пристигна новоименуваната украинска амбасадорка Лариса Дир appeared first on Република.

Министерот за надворешни работи, Бујар Османи, се сретна со Лариса Дир, новоименуваната амбасадорка на Украина во земјава по повод предавањето на копиите од акредитивните писма.

Ѝ посакав успех во дипломатската мисија, со уверување дека со своето искуство и лични заложби ќе придонесе за понатамошно зајакнување на билатералните односи - објави Османи на неговиот официјален фејсбук профил.

Шефот на дипломатијата воедно ја реафирмирал поддршката од нашата земја за суверенитетот и територијалниот интегритет на Украина.

Македонија со силна поддршка за суверенитетот и територијалниот интегритет на Украина, како и готовност за понатамошна помош во соочувањето со предизвиците од руската воена агресија - се наведува на фејсбук статусот на министерот Османи.

The post Османи ја прими новата украинска амбасадорка во земјава appeared first on Република.