Маја Андоновска-Илиевски, директорка на Центарот за култура во Битола на денешната средба со новинарите ги претстави настаните кои ќе се одржат во месец септември во оваа битолска културна установа.

На почеток на оваа прес-конференција би сакала да се заблагодарам за поддршката која ја добив за фестивалот “Илинденски денови“ за кој можам да кажам дека беше фестивал за кој што долго ќе се зборува. На 7 септември ќе се одржи концерт на битолчанецот Крсте Роџевски, македонски пејач, гитарист и композитор, човек кој повеќе од 20 години живее во Њујорк, активен во анангардбата сцена таму. Тој има соработувано со Дуке Бојаџиев, со Милчо Манчевски, во Столе Попов, и мене ми е мило што тој по подолго време ќе има солистички концерт во Битола, и со него симболично ќе започнат нашите есенски активности во Центарот за култура, рече Маја Андоновска-Илиевски.

Наредната недела на 14 септември ќе изведен концерт посветен на “Ем-ти-ви“ со изведни на песни од времето на 80-тите и 90-тите години, за што Маја Андоновска-Илиевски рече:

Овој концерт кој ќе се одржи во Центарот за култура ќе се потсети на “златното време“ на овој светски музички канал “Ем-ти-ви“ и прекрасните звуци на песните од тој период, бидејќи тоа не беше само музички канал, туку и ера која што ја трасира и иднината на музиката. Сите ќе имаме шанса да ги доживееме тие историски моменти со звуците на Камерниот оркестар на Битола, кога музиката беше израз на револуција, култура и совршенство.

Од 23 до 29 септември Центарот за култура ги отвора широко вратите за Филмскиот фестивал “Браќа Манаки“ кој е оваа година својата главна програма ќе ја има во Големата сала, по завршувањето на овој Фестивал тука ќе се одржи и уште еден фестивал, “Интерфест“ кој ќе започне со голем концерт, со светска атракција, кој ќе го најават организаторите.

Октомври и ноември се активни месеци за култура во Битола и во Центарот, а Маја Андоновска-Илиевски ја најави Неделата на јапонски филм, тука се изложбите на Драган Најдовски и Димитар Кочевски – Мичо, е се разбира тука е 15. по ред фестивал на музика од светот.

Веќе е потпишан договор за бенд кој на светската мапа на бендови е запишан од 80-тите години, бил предмет на контроверзии, а потоа се докажал дека се најголемите “индустријал“ уметници на сите времиња. Ние влегуваме во нивната есенска, светска турнеа, и се наоѓаме на мапата на нивната турнеа, покрај 20 други градови, покрај Лондон, Амстердам, Малме, Прага… Станува збор за бендот “Лајбах“ кои ги поканивме во Битола по мои контакти, и веќе е потпишан договорот за настапот во Битола, а ќе биде голем целовечерен концерт. Тие веќе на нивниот спот за турнеата, ја најавија Битола, а за останатата програма од фестивалот ќе се сретнеме повторно.

The post „Лајбах“ доаѓа во Битола на целовечерен концерт на 15. издание на „Музика од светот“ appeared first on Република.

Неверојатна забава со одлична музика, голема сцена со визуелни и светлечки ефекти, а тука беше и дождот, кој само даде дополнителна димензија на впечатокот дека тие што беа на „Скопје колинг“ присуствуваа на фестивалско музичко доживување од светски калибар.

Музичката авантура почна со доаѓањето на ноќта, кога славниот словенечки бенд „Лајбах“ ја презеде бината со препознатливиот силен и строг звук, проследен со илуминации и лајт-шоу на сцената. Во целата нивна атмосфера, совршено се вклопи, на моменти, интензивниот дожд, кој придонесе да се зацврсти мистичноста на доживувањето „Лајбах“.

Забавата продолжи со една од најоригиналите и најсвои уметници на балканската музичка сцена - Констракта. Српската претставничка на Евровизија во 2022 година, со весел ритам, на моменти со примеси на реге, но и со својот специфичен сценски настап и единствени текстови, на вистински начин ја разигра публиката. Констракта, во ниту еден момент не го криеше своето добро располежение, а тоа го потврди и со неколкуте подароци што сосема спонтано ги подели на неколкумина во публиката. Со тоа уште еднаш докажа дека целосно владее со уметноста на одличната комуникација и однос со публиката.

По Констракта, сцената ја презедоа нејзините сонародници, дуото „Буч Кесиди“ од Панчево. Лука на гитара и Зоран на тапани, кои од самиот старт покажаа дека се дојдени во Скопје да имаат енергичен рокенрол настап и во ниту еден момент не го криеја своето задоволство и возбуда што свират на „Скопје колинг“. Емоцијата и енергјата со која тие двајца настапија се покажа и со тоа што на Лука, дури во три наврати му пукна жица на гитарата, што, како што обелодени неговито колега, им е рекорд.

Со веќе поминат полноќ, журката продолжи со хрватското електро-поп дуо „Нипл пипл“. Облечени во свите препознатливи костими, со звуци во кои провејуваше и електро-диско, како и со мистериозното танцување на женската половина од ова загрепско дуо, расположението на публиката се движеше кон екстаза.

Врвот на вечерта, особено за помладата публика, дојде на крајот, односно со последната музичка ѕвезда што излезе на сцената. А, за Нина Кравиц и не може да се каже ништо друго освен дека е вистинска светска ѕвезда, која со право заслужува да биде наречена кралица на електронската музиката. Русинката се претстави со моќен сет кој ги предизвикуваше и мамеше присутните на стадионот на АРМ да танцуваат во тој ритам до раните утрински часови.

The post Целовечерна музичка авантура: „Скопје колинг“ почна со дожд, заврши со еуфорија appeared first on Република.

Словенечкиот бенд „Лајбах“ го откажа концерт во украинската престолнина, кој требаше да се одржи кон крајот на март во рамките на специјалната евровизиска програма. Меѓу другото се наведува дека најавата предизвикала премногу полемики и дека сега не е вистинскиот момент за концертот, пишува N1 Словенија.

 

View this post on Instagram

 

A post shared by Laibach (@laibachofficial)

Алтернативен рок-бенд денеска за агенцијата СТА потврди дека организаторот одлучил да го откаже нивниот настап бидејќи изјавата на „Лајбах“ предизвикала премногу полемики во Украина.

Во соопштението на оваа словенечка рок-група се наведува дека биле соочени со категорично барање експлицитно да наведат дека „сите Руси се лоши и оти целата руска уметност е безвредна“, на што, како што велат, не можеле да се согласат.

„Да нема забуна, ние ги сакаме руската литература, музика и уметност. Но, во оваа бесмислена војна меѓу Русија и Украина ние од сè срце сме на страната на Украина и нејзиниот народ, кој како во старата библиска приказна за Давид и Голијат – се бори достоинствено против посилниот непријател“, објави, меѓу другото, бендот „Лајбах“, додавајќи дека со концертот во Киев го следеле повикот на срцето, а не на умот.

Локалниот организатор на концертот на социјалните мрежи објави дека концертот е откажан поради жестока полемика за ставовите на групата за причините за војната во Украина.

„Со цел да се спречи непотребната поделба на Украинците во различни табори и да се елиминира причината за раздорот, решивме да го откажеме концертот“, објави организаторот на Фејсбук.

Продажбата на билети за концертот е прекината и на веб-страницата. Најавениот концерт на Лајбах во Киев претходно предизвика многу контроверзии на Фејсбук поради ставовите на бендот за причините за војната во Украина.

„Иако бендот покажа поддршка за Украина и Украинците и го осуди рускиот режим, голем дел од публиката категорично се спротивстави на доаѓањето на Лајбах“, објави Бел Етаџ мјузик хол во неделата на Фејсбук. Како што напишаа и тие, сега не е вистинско време за концерт.

Украинците ги споделија тврдењата на групата Лајбах дека актуелната војна е геополитички конфликт меѓу Русија и САД на украинска територија. Конфликтот е „цинична прокси војна за геостратешките интереси на суперсилите и финансискиот капитал (воената индустрија итн.)“, објасни групата за британски Гардијан при најавата за концертот во главниот град на Украина.

The post Откажан концертот на „Лајбах“ во Киев откако од нив било побарано категорично да наведат дека „сите Руси се лоши и оти целата руска уметност е безвредна“ appeared first on Република.