Пред речиси една година светот беше шокиран од веста дека еден од најдобрите акциони херои се повлекува од филмскиот свет. На Брус Вилис првично му беше дијагностицирана афазија, болест која предизвикува губење на способноста за зборување, за подоцна да му биде дијагностицирана и ретка форма на деменција.

Сепак, странските медиуми пренесуваат дека славниот актер наскоро би можел да се најде на филмското платно, што ги израдува неговите многубројни обожаватели. Според пишувањата, познатиот режисер Квентин Тарантино наводно сака да му даде улога на Брус Вилис во неговото ново дело. Тарантино веќе добро се подготвува за новиот филм „Филмски критичар“, а Брус ќе има помала улога во оваа продукција.

Иако Тарантино, наводно, сè уште не го контактирал семејството на актерот, тој планира да ја почитува нивната одлука доколку кажат дека Вилис е премногу лошо за да учествува во филмот. Во тој случај, во филмот ќе вметнат снимки од некои претходни дела на Вилис.

Неодамна неговата поранешна девојка Марија Браво проговори за состојбата на Вилис:

„Се влошува и се влошува. Не е добро. Зборував со неговата сопруга Ема и за жал, тоа е прогресивна болест. Му испраќам многу позитивна енергија и љубов“, изјави Марија.

The post Тарантино сака да му даде улога на Брус Вилис во неговиот нов филм „Филмски критичар“ appeared first on Република.

Американскиот режисер Квентин Тарантино, 2-3 дена по својот 60-ти роденден, објави дека има намера наесен да го снима својот 10-ти филм, којшто би бил и последен во неговата кариера.

Го завршив сценариото за мојот последен филм. Претпоставувам, веројатно ќе го снимам наесен“, изјави ексцентричниот режисер интервјуиран во Париз, отфрлајќи ги сите гласини што се шират за овој филм. Дејството на филмот под работен наслов „Филмски критичар“ е сместено 1977 година, додаде тој.

Но, според Тарантино, тоа не е посветено на некој новинар или конкретен филмски критичар и не е „биографски филм за Полина Каел“, култниот лик од „Њујорк“, која почина во 2001 година.

Тарантино повеќе од еднаш најави крај на кариерата откако сними девет филма, сметајќи ги двата дела на „Убиј го Бил“ како едно остварување. Но, се чини, сега повторно ги подгреа очекувањата на обожавателите - за нов филм.

The post Тарантино ќе го снима својот 10-ти филм, и веројатно последен appeared first on Република.