Полициски службеници од Единицата за недозволена трговија при СВР Скопје, вчера извршиле претреси на две локации во Скопје, при што откриле оружје и муниција, а на осомничените им е одреден притвор.

Како што информира Министерството за внатрешни работи, при претрес во дом на А.М во Скопје биле пронајдени пет куршуми.

При претрес на дом кај Г. М. во Скопје, пак пронајдени биле 409 куршуми, една автоматска пушка со две рамки за неа, еден револвер, три пиштоли и една ловна пушка.

По завршување на претресите лицата се лишени од слобода, а  по комплетирање на целокупната документација СВР Скопје- ЕНТ поднесе кривична пријава до ОЈО, а судија на претходна постапка на двајцата им одреди по 30 дена притвор, соопштија од МВР.

The post Претреси во Скопје, на неколку локации пронајдени оружје и муниција appeared first on Република.

На 27.09.2024 околу 15.00 часот во Полициската станица Гостивар било пријавено дека во дворот на средно училиште во Гостивар биле пронајдени два куршуми, соопшти МВР.

Увид извршила екипа од ОВР Гостивар и куршумите биле подигнати за понатамошна постапка.

The post Пронајдени куршуми во двор на гостиварско училиште appeared first on Република.

Како резултат на заеднички преземени мерки и активности на полициски службеници од Одделот за криминалистичка полиција, Сектор за недозволена трговија со дрога оружје и опасни материи и ОВР Неготино, уапсени се Ќ.С.(28)  и И.С.(23) од село Корешница, Демиркаписко.

Како што соопштија од МВР, при претрес во дом и помошни простории кај лицата извршен врз основа на наредба од судија на претходна постапка од Основен суд Кавадарци биле  пронајдени и одземени 586 куршуми калибар 7,62х39, 50 боеви куршуми со различен калибар, две рачни бомби, еден топовски удар, запалка за рачна граната, два ловни патрони кал.16 мм, три кутии со барут, две кутии со сачми, алат и други предмети за изработка на муниција и марихуана.

По документирање на случајот против приведените ќе биде поднесена соодветна кривична пријава.

The post Откриен арсенал во Демиркаписко: Запленети куршуми, рачни бомби, барут, алат за изработка на муниција appeared first on Република.

Основното јавно обвинителство Скопје донесе наредба за спроведување истражна постапка против две лица, осомничени за кривично дело недозволено изработување, држење, посредување и тргување со оружје или распрскувачки материи од член 396 став 2 во врска со став 1 од Кривичниот законик.

На 16 мај, во автомобил БМВ со скопски регистарски ознаки, осомничените на возраст од 35 и 34 години, заеднички неовластено држеле поголемо количество оружје и муниција – три пиштоли марка „Црвена застава М57“ со соодветни рамки и 21 куршум, соопштија од Јавното обвинителство.

Во соопштението се наведува дека оружјето и муницијата биле пронајдени при претрес на автомобилот на улицата „Кичевска“, во кеса пред предното совозачко седиште. Надлежниот јавен обвинител до судијата на претходна постапка доставил предлог за определување мерка притвор за двајцата осомничени, оценувајќи дека во целост се исполнети законските основи.

The post Во кеса пред совазачкото седиште на БМВ држеле три пиштоли и рамки муниција appeared first on Република.

75-годишен жител на Скопје ќе одговара за недозволено држење оружје, откако полицијата во неговиот дом открила цел арсенал: пушка „Збројовка“ и три пиштоли, соопшти полицијата.

СВР Скопје поднесе кривична пријава против В.С.(75) од Скопје, поради постоење основи на сомнение за сторено кривично дело „недозволено изработување, држење, посредување и тргување со оружје или распрскувачки материи”.

„Пријавениот неовластено набавил и држел во својот дом малокалибарска пушка „Збројовка Брно модел 2“, калибар 22 ЛР, пиштол „Пиетро Берета” калибар 7,65 мм, пиштол „Црвена Застава” калибар 7,65 мм, пиштол „Валтер” калибар 9мм и 329 куршуми различен калибар, кои биле пронајдени при претрес“, се вели во полициското соопштение.

The post Уапсен 75-годишен скопјанец, без дозвола дома чувал пушка, три пиштоли и 329 куршуми appeared first on Република.

При претрес во домот на 33-годишен жител на Крушопек, полицијата пронашла 962 грама наркотична дрога – марихуана, како и 19 куршуми со калибар 7,62×39 мм.

Од Основното јавно обвинителство информираат дека јавниот обвинител донел Наредба за спроведување истражна постапка и за ова лице за кое постои основано сомнение дека сторило кривични дела – Неовластено производство и пуштање во промет наркотични дроги, психотропни супстанции и прекурсори од член 215 став 1, како и Неовластено изработување, држење, посредување и тргување со оружје или распрскувачки материи согласно член 396 став 1 од Кривичниот законик.

До судијата на претходна постапка од Основниот кривичен суд Скопје јавниот обвинител достави предлог за определување мерка притвор за осомниченото лице. Со решенија на надлежниот суд на двајцата осомничени им е определена мерка куќен притвор.

The post Жител на Крушопек дома чувал марихуана и куршуми appeared first on Република.

Полициски службеници од Единицата за недозволена трговија при СВР Скопје, вчера (6 март), го лишиле од слобода Ј.И.(28) од Скопје, информираат од МВР и појаснуваат дека при претрес извршен по наредба добиена од Основен кривичен суд Скопје, во домот кај Ј.И. на подрачјето на Бит Пазар, биле пронајдени кокаин, две дигитални ваги и четири куршуми.

Лицето е приведено во полициска станица и по документирање на случајот против него ќе биде поднесена соодветна кривична пријава, велат од МВР.

The post Уапсен дилер на Бит Пазар, запленети кокаин и куршуми appeared first on Република.