Македонското друштво „Илинден“-Тирана и македонската партија Македонска алијанса за европска интеграција (МАЕИ) упатија честитка по повод Курбан бајрам, еден од најголемите муслимански празници.

Почитувани верници со исламска вероисповед во Република Албанија, во Република Македонија и во целиот свет, честит Курбан бајрам со желби за добро здравје и благосостојба во сечиј дом. Ваквите големи празници нè потсетуваат дека без разлика на тешкотиите кои ни се издигнуваат како животни препреки, секогаш треба да чекориме по вистинскиот пат, стои во честитката потпишана од претседателот на Друштвото, Никола Ѓурѓај, и од огранокот за Голо Брдо, Фатри Фетаху.

Се посакува меѓу луѓето „постојано да владее слога и почитување без разлика на религиската, верската, или каква било друга определба“.

Драги верници од исламска вероисповед, од мое лично име и од име на партијата Македонска алијанса за европска интеграција, МАЕИ, ви го честитам големиот празник Курбан бајрам, кој претставува симбол на солидарноста, и ви посакувам здравје, љубов, среќа и хармонија во вашите семејства. Од сè срце ви посакувам празничните денови, да ги поминете во добро расположение, покажувајќи ја солидарноста, меѓусебното помагање и почитување што се вредности на овој празник, стои меѓу другото во честитката на МАЕИ, потпишана од претседателот Васил Стерјовски.

The post Честитка од МД „Илинден“ и МАЕИ по повод празникот Курбан бајрам appeared first on Република.

Муслиманскиот свет денеска го слави верскиот празник Курбан бајрам. Празникот се слави во текот на четири дена.

Поглаварот на Исламската верска зедница Реис ул улема ефенди Шаќир Фетаху упати порака по повод празникот Курбан бајрам. Фетаху во пораката вели дека празникот Курбан бајрам со сите негови вредности и морални елементи го покажува концептот на воздигнување на општествата и нè учи дека нема големи дела без големи жртви.

„Курбан бајрам, празник кој вклучува три важни настани кои го одведоа светот и човештвото на вистинскиот пат: Во овие денови заврши објавувањето на Чесниот Куран, со кој еднаш засекогаш беа дадени божествените концепти за Алах, човекот и општеството. Во овие денови се извршува петтиот услов – хаџ во благородната Мека, во Каба, Арафат, Мина, Муздалифа и многу други обврски. Верниците на исламот ширум светот ја извршуваат обврската за колење курбан инспирирајќи се од Ибрахим а.с. и Мухаммед а.с. Сите овие божествени заповеди од Големиот Алах му даваат висока вредност на големиот празник Курбан бајрам. Оваа голема прослава на Курбан бајрам му зборува на современиот човек дека, покрај развојот во различни сфери, треба да им се врати на душата, моралот, здравото семејство, благородното општество кое ќе придонесе за зближување меѓу народите, за помагање меѓу луѓето, за запирање на убиствата, војните, масакрите, геноцидите и избегнување на опасните аномалии во општеството кои го уништуваат човечкиот морал“ – посочува Фетаху.

Тој во пораката упатува честитки до граѓаните од муслиманска вероисповед со желба за мир, милост и благослов.

Имам особена чест, во име на ИВЗ и Република Македонија, на сите верници во земјата и во странство, да им упатам најсрдечни честитки по повод големиот празник Курбан бајрам, молејќи се на Семоќниот Алах да ја прифати нашата молитва, нашата садака, нашата жртва, а особено му се молиме на Алах да го прифати Аџилакот на сите аџии од наша земја кои се молат моментално на светите места. Честитки и нека е благословен празникот Курбан бајрам. Мир, милост и благослов на Големиот Алах нека биде врз вас, вели во видео пораката поглаварот на ИВЗ, Шаќир Фетаху.

Првиот ден на Курбан бајрам, денеска, е неработен ден за граѓаните од муслиманската вероисповед во државава.

Според традицијата, празникот Курбан бајрам се слави во текот на четири дена и курбанот, жртвеното животно, купено со алал пари се коле со мисла да се простат гревовите.

Еден дел од месото на курбанот се остава на домаќините, еден дел им се раздава на сиромашните и соседите, а еден дел се одвојува за гостите кои ќе дојдат на посета за време на Бајрам. За време на Курбан бајрам се посетуваат возрасните, роднините, пријателите и соседите, се помируваат скараните, на децата им се подаруваат пари и бонбони и се посетуваат гробовите на починатите.

The post Поглаварот на ИВЗ испрати порака за мир, милост и благослов по повод Курбан Бајрам appeared first on Република.

Претседателот на ВМРО-ДПМНЕ Христијан Мицкоски по повод празникот Курбан Бајрам лично и во име на членовите на ВМРО-ДПМНЕ на сите припадници на исламската вероисповед им го честита големиот верски празник Курбан Бајрам.

На сите што го празнувате овој голем празник, вели тој во честитката, ви посакувам многу здравје, среќа и нека празничните мигови ви поминат во спокој, љубов и радост со најблиските. Курбан Бајрам, се додава, да го поминете во духот на дарежливоста, помагањето и споделувањето на оние кои им е потребна помош истакнувајќи ја човечката хуманост и грижливост во овие прaзнични денови. Овој голем празник, се подвлекува во честитката упатена од Мицкоски, е потсетник на човечкото постоење, како и на големото значење на меѓусебната доверба, разбирање и толеранција како суштински услови за соживот и мир.

Затоа ве повикувам сите заедно да започнеме, надминувајќи ги заеднички сите проблеми, да ја градиме Македонија врз европски вредности и принципи. Дојде време заеднички да изградиме поцврсти темели за подобар животен стандард за секој еден граѓанин без разлика на неговата етничка или верска припадност, темели за развој и просперитет на нашата држава. Сите обединети сплотени да изградиме држава каде што ќе има хармонија и напредок, економски просперитетна Македонија, стои во честитката упатена од претседателот на ВМРО-ДПМНЕ Христијан Мицкоски по повод празникот Курбан Бајрам.

The post Дојде време заеднички да изградиме поцврсти темели за подобар животен стандард за секој граѓанин, вели Мицкоски во честитката по повод Курбан Бајрам appeared first on Република.

Верниците од исламска вероисповед денеска го слават празникот Курбан Бајрам, вториот најголем празник на муслиманите по Фитр Бајрам. На првиот ден од празникот се изведува молитвата за Бајрам – Бајрам намаз, со која верниците бараат милост од Алах.

Карактеристично за овој празник е принесувањето жртва – курбан, која има симболика на приближување кон Бога. Како курбан најчесто се принесуваат овни или телиња. Обичајот го изведуваат сите кои имаат можност, а тие кои принеле жртва, потоа им раздаваат од месото на сиромашните, соседите и на роднините. Курбан Бајрам трае три дена. Со овој празник се крунисува аџилакот, кој важи за петти темел на исламот.

Првиот ден од Курбан Бајрам, 16 јуни, е неработен ден за граѓаните од муслиманската вероисповед во Република Македонија.

The post Муслиманите денеска го слават Курбан Бајрам appeared first on Република.

Техничкиот премиер Талат Џафери, упати честитка за празникот Курбан Бајрам до поглаварот на Исламската верска заедница, Реисул Улема Х. Хфз. Шаќир еф. Фетаи, како и до членовите на Ријасетот, муфтиите и до верниците од исламска вероисповед, во која истакна:

„Задоволство ми е во име на Владата на Република Македонија и во мое лично име, да упатам искрени честитки по повод големиот муслимански празник, Курбан Бајрам, и да ја изразам радоста што овој свет ден го дочекуваме живи и здрави.

Ви посакувам лично Вам, на членовите на Ријасетот, муфтиите, припадниците на Исламската верска заедница, како и на сите верници од муслиманска вероисповед, над сѐ добро здравје, широкоградост, солидарност и правење добри дела кои ќе им ја облагородат душата и ќе му дадат вредност, мотив и квалитет на вашиот живот.

Во исто време, посакувам аџиите кои актуелно се молат и ја оддаваат потребната почит на светиот пат на аџилакот, да упатат молитви и за сите граѓани и за Република Македонија, нашата заедничка држава, за успешна година, во мир, во благосостојба и виден напредок во секое поле од општествениот и меѓународниот живот. Покрај молитвите, сите заедно да го направиме тоа што можеме за да осигуриме мир, благосостојба, и сигурен живот за оние што во ова време се засегнати од војни, болести и природни несреќи, затоа што животот е свет и сите треба да му се радуваат подеднакво.

Курбан Бајрам нека биде причина за собирање околу семејното огниште, за споделување на радостите, успесите, меѓутоа и грижите и проблемите, затоа што семејството е суштинското јадро и клетка од која почнува и се гради здраво општество со позитивни вредности и стандарди. Нека е честит и за многу години празникот Курбан Бајрам!“, напиша премиерот Џафери во честитката до поглаварот на ИВЗ, Фетаи.

The post Џафери во чест на Курбан Бајрам: Солидарноста ја облагородува душата и му дава вредност на животот appeared first on Република.

Претседателот на ВМРО-ДПМНЕ Христијан Мицкоски денеска упати честитка до граѓаните од исламска вероисповест по повод празникот Курбан Бајрам.

Дозволете ми од мое лично име и од името на ВМРО-ДПМНЕ на сите граѓани од исламската вероисповест да им го честитам големиот муслимански празник Курбан Бајрам. Посакувам овие празнични денови да Ви донесат среќа, мир, спокојство, хармонија и здравје, стои во честитката.

Празникот Курбан Бајрам, како што наведува, е празник кој потсетува на хуманоста и солидарноста кои се основните човечки вредности. Според него, да се помогне и да се подаде рака на оној на којшто му е потребна е израз на човечноста.

Македонија многу пати досега докажала дека луѓето од различна вера или етничка припадност многу пати досега си подале рака и се подржувале во предизвиците со кои се соочувале. Проблемите со кои се соочуваме ги делиме сите, затоа сметам дека само работа, сплотеност и заеднички труд можат да не исправат пред сите неправди и заедно да ги помине предизвици и премрежјата. Мораме напорно да работиме и да создаваме државата во која главна водилка ќе ни биде сплотеноста и толеранцијата и која ќе обезбеди иднина подеднакво за сите граѓани, се вели во честитката од Мицкоски.

The post Само работа, сплотеност и заеднички труд можат да не исправат пред сите неправди, вели Мицкоски во честитката за Курбан Бајрам appeared first on Република.

Претседателот Стево Пендаровски, по повод големиот муслимански празник Курбан Бајрам, упати честитка до поглаварот на Исламската верска заедница, реис-ул-улема хаџи хфз. Шаќир ефенди Фетаху и до сите граѓани од исламска вероисповед во државата.

Дозволете ми на сите граѓани од исламска вероисповед во Република Македонија да упатам најсрдечни честитки по повод празникот Курбан Бајрам. Ви посакувам празничните денови да ги поминете во слога, хармонија и благосостојба помагајќи им на сите на кои им е потребна помош, поткрепа и разбирање. Курбан Бајрам, празникот кој се темели на солидарноста и дарежливоста, нека биде поттик на сите граѓани за заедничко надминување на предизвици во нашето мултиетничко општество. Во духот на празникот Курбан Бајрам, да продолжиме да ја градиме нашата држава на темелите на разбирањето, соживотот и грижата за другиот, порача претседателот.

The post Пендаровски: Курбан Бајрам нека биде поттик на граѓаните за заедничко надминување на предизвици appeared first on Република.

Од име на пратениците во Собранието, како и од негово, собранискиот претседател Талат Џафери на сите припадници на исламската вероисповед им изрази честитки по повод големиот муслимански празник - Курбан Бајрам, со надеж дека празникот ќе ги најде во добро здравје, душевен мир и семејна топлина, каде и да се празнува.

- Курбан Бајрам e празник на солидарноста и сочувството, празник на широкоградоста и простувањето, празник на споделувањето и себе - вложувањето, на разбирањето и почитувањето меѓу луѓето. И оваа година Курбан Бајрам нека ги облее срцата на сите луѓе и нека ги исполни со радоста што ја носи со себе. На овој голем ден да ја споделиме трпезата, да го споделиме она што го имаме со блиските или далечните, познатите или непознатите, со оние кои имаат повеќе и со оние кои имаат помалку. Во ова време на премрежија низ кое поминува и целото човештво и нашата држава, да не дозволиме сами и осамени да поминуваме низ сопствените и туѓите битки и предизвици; да се обединиме за надминување на секоја пречка или тешкотија што се појавува пред нас. Да го славиме заедно животот и да ја градиме заедничката иднина, затоа што сите сме неотуѓив дел од ова тло. Честит Курбан Бајрам и многу години да го празнуваме, се наведува во честитката на Џафери.

The post Џафери: Курбан Бајрам e празник на солидарноста и сочувството appeared first on Република.

Првиот ден од Курбан Бајрам, 28 јуни (среда) е неработен ден за граѓаните од муслиманската вероисповед, соопшти Министерството за труд и социјална политика.

Од Министерството, на граѓаните од муслиманската вероисповед во Република Македонија им го честита празникот Курбан Бајрам.

The post Курбан Бајрам – 28 јуни, неработен ден за граѓаните од муслиманската вероисповед appeared first on Република.

Премиерот Димитар Ковачевски им го честита празникот Курбан Бајрам на сите граѓани од исламска вероисповед.

Ковачевски порачува дека сите неволји можеме заеднички да ги совладаме во духот на вековната традиција на соживот.

Денешниот голем муслимански празник Курбан Бајрам нè потсетува на нашата најважна човечка мисија – во духот на трпението, несебичноста и пожртвуваноста да се погрижиме за најблиските и сите оние на кои им е потребна подадена рака и да ги сочуваме великодушноста, сочувството и солидарноста кои сега ни се потребни повеќе од било кога. Величественоста на Курбан Бајрам Бајрам едновремено нè потсетува дека сите неволји можеме заеднички да ги совладаме како и досега – во духот на вековната традиција на соживот, наведува Ковачевски.

Со желби за добро здравје, мир благосостојба, премиерот на сите верници од исламска вероисповед им посакува празничните денови да ги поминат во духовна радост и верба во подобрите времиња кои, како што пишува, заеднички ќе ги славиме во нашата заедничка татковина.

The post Ковачевски: Сите неволји можеме заеднички да ги совладаме во духот на вековната традиција на соживот appeared first on Република.

Претседателот на ВМРО-ДПМНЕ од негово лично и од името на партијата на сите граѓани од исламска вероисповед им го честиташе големиот муслимански празник Курбан Бајрам.

Нека овие празнични денови вам и на вашите најблиски ви донесат среќа, радост, хармонија, внатрешен мир и добро здравје.
Курбан Бајрам ја истакнува човечката хуманост, грижливост и дарување и токму поради тоа ве повикувам овој празник да го поминете во духот на споделувањето и помагањето на сите оние на кои им е потребна помош.
Воедно, во овие одлучувачки моменти во кои се наоѓа Македонија, потребно е да си подадеме рака за да ги надминеме предизвиците, да не се наседнува на смислените провокации кои внесуваат поделби на етничка или верска основа кои се само параван за остварување на некакви други лични интереси.
Цврсто верувам дека таквите вештачки поделби се предавство на вредностите во кои веруваме без разлика на етничка, врска или политичка припадност. Проблемите се исти, желбата за иднина е заедничка.
Потребно е сите заедно да работиме за меѓусебно почитување, взаемна толеранција и разбирање, бидејќи само на тој начин можеме да успееме да изградиме држава во која сите ќе се чувствуваме слободни и рамноправни.
Само сплотени, одлучни, мотивирани и храбри ќе успееме да создадеме подобра иднина и подобар животен стандард за нашите граѓани во Македонија.
Нека е честит Курбан Бајрам, порача Мицкоски.

The post Мицкоски: Да не се наседнува на смислените провокации кои внесуваат поделби на етничка или верска основа appeared first on Република.

Претседателот Стево Пендаровски денеска, по повод големиот муслимански празник Курбан Бајрам, упати честитка до поглаварот на Исламската верска заедница, реис-ул-улема хаџи хфз. Шаќир ефенди Фетаху и до сите граѓани од исламска вероисповед во Македонија.

Во честитката, Пендаровски испраќа порака да бидеме сплотени и да ја градиме републиката како наш единствен заеднички дом.

Посакувајќи многу здравје, радост и бериќет, дозволете да споделам две согледувања за улогата на овој значаен празник. Пред се, Курбан Бајрам е празник на солидарноста и негувањето на добрите навики на милосрдието, дарежливоста и човечноста кон ранливите кои имаат насушна потреба од поткрепа. Важноста на празникот најмногу доаѓа до израз токму во периоди на економски предизвици со кои се соочува нашата држава и поголемиот дел од светот. Истовремено, Курбан Бајрам е нераздвоен дел од вековниот соживот во македонското мултирелигиско и мултиетничко општество. Празничните денови се можност за продлабочување на заемното почитување преку запознавање со традициите на различните од нас, наведува Пендаровски и упатува најискрени желби за добро здравје, радост и благосостојба.

Претседателот во честитката изразува уверување дека „солидарноста кон ранливите и соживотот на различните во овие празнични денови, но и преку целата година, ќе ни помогнат сплотени да ги надминуваме предизвиците со кои се соочуваме на личен и колективен план“.

The post Пендаровски: Да ја градиме Cеверна Македонија како наш единствен заеднички дом appeared first on Република.

Претседателот на Собранието, Талат Џафери денеска упати честитка до припадниците на исламската вероисповед по повод празникот Курбан Бајрам.

Џафери во честитката испраќа порака за обединување со цел, како што наведува, надминување на сите пречки или тешкотии.

Дозволете ми, од име на пратениците во Собранието на Република Македонија и од мое лично име, на сите припадници на исламската вероисповед во земјава и каде и да се сте надвор од неа да Ви изразам честитки по повод големиот муслимански празник – Курбан Бајрам, со надеж дека празникот ќе ве најде во добро здравје, душевен мир и семејна топлина. Курбан Бајрам, како празник на солидарноста и сочувството, празник на широкоградоста и простувањето, разбирањето и меѓусебната почит помеѓу луѓето, без оглед дали се блиски или далечни, познати или непознати, нека ги облее срцата на сите луѓе и нека ги исполни со радоста што ја носи овој голем ден, Нека биде причина плус за заедничко собирање околу семејната трпеза, за споделување на тоа што го имаме и тоа што го немаме, колку и да е тоа многу или малку, со тие што имаат помалку среќа и благосостојба, наведува Џафери.

Според Џафери, човештвото поминува низ тмурен период на постоење, кога е во прашање безбедноста на животот, економската егзистенција и здравствената благосостојба и граѓаните на Македонија не се исклучок.

Иако имаме напредна технологија и глобализацијата се чувствува во секој агол, повторно сме далечни и страни. Повторно сме осамени и сами ги биеме нашите интер-персонални и интра-персонални битки. Да не дозволиме барем за суштинските прашања да бидеме сами туку, да се обединиме за надминување на секаква пречка или тешкотија што се појавува пред нас. Да го славиме заедно животот и да ја градиме заедничката иднина. Сите сме неотуѓив дел од ова тло и грижата и чувањето на истото е обврска на сите нас, пишува претседателот на Собранието, Џафери.

The post Џафери: Да се обединиме за суштинските прашања appeared first on Република.

Првиот вицепремиер и министер за политички систем и односи меѓу заедниците Артан Груби денеска упати честитка до верниците од исламска вероисповед по повод Курбан Бајрам.

Почитувани верници, со моите најсрдечни желби за здравје, просперитет и просперитет во вашите семејства, ви посакувам среќен Бајрам. Патот до среќата лежи во освежувањето на душата во духот на мирот, солидарноста и почитта еден кон друг, доблестите над тежината на која нè учи овој празник, напиша Груби во честитката, која е објавена на неговиот фејсбук профил.

Нека ни биде секојдневна намера да практикуваме добри дела, порача Груби, и да се потрудиме да станеме причина за меѓусебна среќа.

The post Груби: Солидарност и почит еден кон друг appeared first on Република.

Верниците од исламска вероисповед денеска го слават празникот Курбан Бајрам, вториот најголем празник на муслиманите по Фитр Бајрам.

На првиот ден од празникот се изведува молитвата за Бајрам – Бајрам намаз, со која верниците бараат милост од Алах. Карактеристично за овој празник е принесувањето жртва – курбан, која има симболика на приближување кон Бога. Како курбан најчесто се принесуваат овни или телиња. Обичајот го изведуваат сите кои имаат можност, а тие кои принеле жртва, потоа им раздаваат од месото на сиромашните, соседите и на роднините.

Курбан Бајрам трае три дена, а прославата почнува 70 дена по првиот Бајрам во годината, Фитр Бајрам, и го обележува денот кога е комплетиран светиот Куран. Со овој празник се крунисува аџилакот, кој важи за петти темел на исламот, кој е доказ за солидарност и благосостојба.

The post Верниците од исламска вероисповед го слават Курбан Бајрам appeared first on Република.

Општина Гази Баба со помош од општествено одговорни луѓе и компании, вчера и денес реализира голема хуманитарна акција во рамки на која се делат 300 хуманитарни пакети на семејства од муслиманска веросиповед, а по повод муслиманскиот празник Курбан Бајрам.

Градоначалникот Бобан Стефковски лично посети дел од семејствата.

За хуманитарната акција, градоначалникот Стефковски објави на својата официјална фејсбук страна на која напиша:

Поделени 300 хуманитарни пакети во голема хуманитарна акција по повод Курбан Бајрам.

По повод муслиманскиот празник Курбан Бајрам, општина Гази Баба во соработка со општествено одговорни луѓе и компании вчера и денес реализира голема хуманитарна акција во рамки на која ќе се поделат 300 хуманитарни пакети со храна на семејства од муслиманска вероисповед.

Гази Баба е мултиетничка општина во која сложно живеат Македонци, Албанци, Турци, Роми, Власи, Бошњаци и сите останати.

Заедно живееме и се почитуваме.

Изминатиот период за време на велигденските празници поделивме 200 хуманитарни оброци, а за време на новогодишните празници поделивме над 500 хуманитарни пакети.

Хуманоста е наша одлика и така ќе продолжиме и во иднина, напиша Стефковски.

The post Стефковски: Поделивме 300 хуманитарни пакети за Курбан Бајрам appeared first on Република.