Шест каратистки од Дебар денеска постигнаа одлични резултати на Купот на Македонија што се одржа во Охрид, со што се здобија со право да учествуваат на  балкански шампионат.

- Денеска во Охрид се одржа Купот на Македонија, кој имаше  селекторски карактер за Светското првенство во Венеција, Италија и Балканското првенство во Сараево, Босна и Херцеговина. Карате клубот „Дибра“ се претстави со осум натпреварувачи, од кои шест се пласираа на балканското првенство, додека следната недела ќе се натпреваруваме во плеј-офот каде ќе се изберат најдобрите кои ќе патуваат на Светското првенство, објави Дурим Пачуку, тренер на КК „Дибра“, воедно тренер на македонската карате репрезентација.

Додава дека Ера Коџа и Блина Горенца се закитија со златен медал, Сара Дука и Буна Сеља со сребрен, додека бронза освоиле Гента Сеља и Влера Сеља.

- Сакам да му се заблагодарам на градоначалникот на општината Хекуран Дука, кој преку проектот за поддршка на спортските клубови ни овозможи да ги покриеме сите трошоци. Благодарност до „Unik Turs“ кој е со нас секогаш, посочува Пачуку.

The post Две дебарски каратистки се закитија со златен медал на Купот на Македонија во Охрид appeared first on Република.

Кадетите на фудбалскиот клуб Вардар се победници на Купот на Македонија во соодветната конкуренција. „Црвено – црниот“ состав во финалниот дуел беше подобар од тимот на Шкендија до 4-1, и на тој начин дојде до драгоцениот трофеј.

Со гол на Горјан Цветков во 21. минута Вардар го отвори резултатот. Цветков погоди од пенал, откако во противничкиот шеснаесетник фаулиран беше Бундалески, по што главниот судија покажа на белата точка. Шкендија израмни на 1-1 во 32. минута.
Во 43.минута Ѓорѓи Дошев со еврогол од 25 метри ја погоди мрежата на Шкендија за предност на Вардар од 2-1 на полувреме. Во 72. минута во добра шанса се најде Бундалески кој со глава биеше крај голот. После неколку прилики, беше прашање на време кога ќе го зголемиме водството. Тоа се случи во 76.минута кога после центар шут од десната страна на Фидановски, кој влезе во игра, Филип Јовановски беше играчот кој успеа да ни донесе предност од 3:1. Во 90.минута „печат“ на големата победа да стави Зоран Фидановски за конечни 4:1 во ова финале на Купот.
Вардар: Филевски Никола , Кулуковски Влатко, Ајетовиќ Нуман, Здравковски Симеон, Стојилевски Марко (К), Спасиќ Тино, Јовановски Филип, Цветков Горјан, Дошев Ѓорѓи, Радевски Филип и Бундалески Максим.
Играа уште и Леонид Илиевски, Зоран Фидановски, Лука Јакимовски, Никола Уневски, Михаил Кузмановски, Матеј Митревски и Виктор Стефановиќ.

The post Кадетите на Вардар го освоија фудбалскиот Куп, ја декласираа Шкендија со 4-1 appeared first on Република.