Новата кула на париската катедрала Нотр Дам има крст и златен петел на врвот, дизајниран да личи на феникс со запалени пердуви, што го симболизира издигнувањето на средновековната зграда од пепелта.

Скелињата околу кулата вчера се отстранети речиси пет години по пожарот, а се претпоставува дека преостанатиот процес на отстранување на сите скелиња би можел да потрае со недели, ако не и месеци, пренесува Еуроњуз.

Новата кула на катедралата, со својот златен петел и крст, беше заштитена со околу 70.000 парчиња скелиња, тешки вкупно 600 тони, пренесува Си-Би-Ес њуз.

Отворањето на катедралата е најавено за 8 декември 2024 година, што значи дека нема да биде отворена за јавноста за време на Летните олимписки игри кои оваа година се одржуваат во јули и август во Париз.

Scaffolding on the summit of Paris' Notre Dame has been removed after nearly five years of reconstruction. The cathedral has been closed to the public since a fire tore through the roof and spire in April 2019

Full photos of the restoration 🔔➡️ https://t.co/X15fzPvXoV pic.twitter.com/Xi7pMDVGhd

— Sky News (@SkyNews) February 13, 2024

The post Новата кула на париската катедрала Нотр Дам има крст и златен петел на врвот appeared first on Република.

Кулата „Генекс“, односно Западната порта на Белград, е понудена на продажба по почетна цена од две милијарди динари, соопшти денеска стечајниот управник на „Генералекспорт“.

Кулата се состои од 14.943 метри квадратни во 28 посебни делови од зградата, деловен простор во непријавена сопственост од 1.450 м2 и деловни и гаражни простори како посебен дел од објектот на површина од 6.445 метри квадратни.

Јавниот тендер за западната порта Генекс во Белград е закажан за 23 мај, пренесе Танјуг.
„Генералекспорт“ е во стечај од 2015 година, а во 2017 година е донесена одлука за банкрот.

Како холдинг компанија со статус на општествено претпријатие се занимавала со меѓународна и домашна трговија, хотелиерство, угостителство и воздушен транспорт.

Агенцијата јавува дека на продажба е „Застава камиони“ која се нуди на продажба како правно лице по почетна цена од 71,7 милиони динари, соопшти денеска стечајниот управник.

Продажниот пакет вклучува неколку згради од металопреработувачката индустрија со вкупна површина од околу 6.800 метри квадратни.

Првата продажба ќе биде на јавно наддавање закажано за 24 мај.

Оваа компанија која се занимава со производство на комерцијални возила е во стечај од септември 2018 година.

The post Се продава кулата „Генекс“, еден од белезите на Белград appeared first on Република.