Мандатарот Димитар Ковачевски најави на Фејсбук дека ќе го преиспита тендерот за набавка на нов прибор во владината кујна.

Тендерот кој беше предмет на јавна дискусија, а поврзан со набавка нов прибор во владината кујна ќе го ревидирам по моето стапување на функција. Доколку набавката е во обем и во постапка којашто не е соодветна на потребите, истата ќе ја поништам, напиша Ковачевски на Фејсбук.

Јавноста реагираше откако беше објавено дека Службата за општи и заеднички работи ја подновувава владината кујна за новиот премиер со нов прибор за јадење со највисок квалитет - порцелан со позлата, инокс и кристал. За прибор за угостителство Владата е подготвена да плати над 17.000 евра. Само еден вид чинии за главно јадење владата ќе плати по 4.588 денари без ДДВ, или една чинија со ДДВ ќе ја чини над 5.400 денари или неверојатни 88 евра по чинија.

https://republika.mk/vesti/makedonija/chinii-so-zlatna-linija-88-evra-parche-noz-od-10-evra-vladata-ja-podnovuva-kujnata-za-noviot-premier/

The post Прва работна задача на премиерот Ковачевски ќе бидат чиниите од 88 евра appeared first on Република.

Службата за општи и заеднички работи ја подновувава владината кујна за новиот премиер, кој во Владата ќе биде дочекан со нов прибор за угостителство - бела техника, нови прибори за јадење, со највисок квалитет, порцелан, инокс и кристал.

Договорот вреден над  37.000 евра го добија три фирми -„Еурефи Инжинеринг“, „ДЛ Конкорд“ и „Дидакс“ сите од Скопје. Тие треба да достават до владината сужба, висококвалитетна бела техника- софистицирани електрична и плинска скара, витрина, шок фрижидер од инокс, фрижидер за замрзнување храна, апарат за пеглање, стик правосмукалка, машина за пакување храна…Но, и повеќе комплети на најразлични прибори за јадење за владината кујна.

Така чиниите во најразлични форми по 30 и 60 парчиња треба да бидат изработени од тврд поцелан со висок сјак кој е отпорен на гребење и да бидат бели со златна линија. Ножевите, вилушките и лажиците, пак, исто по 30 или 100 парчиња треба да бидат изработени од високоотпорен нерѓосувачки инокс. А чашите од по 30 парчиња треба да бидат кристални.

За прибор за угостителство ќе плати над 17.000 евра. Така за само еден вид чинии за главно јадење владата ќе плати по 4.588 денари без ДДВ, или една чинија со ДДВ ќе ја чини над 5.400 денари или неверојатни 88 евра по чинија. Бидејќи бара 30 парчиња само за нив ќе плати околу 2.650 евра. Останатите чинии чинат по околу 50 евра за парче, или од 1.144 денари тие за десерт, до над 3.700 денари парче за други за главно јадење. Еден нож од инокс за главно јадење чини неверојатни 639 денари  или 10,4 евра за парче.

Повеќе на ММС

The post Чинии со златна линија 88 евра парче, нож од 10 евра – Владата ја подновува кујната за новиот премиер appeared first on Република.