КСП Центар – Јадро објавува конкурс за изработка на мурал на фасадата на центарот кој треба да биде реализиран до крајот септември 2024 година.

Зошто мурал?
Со овој отворен конкурс, Центар – Јадро ја продолжува иницијативата за изработка на темпорални мурали кои ќе бидат изработувани на фасадата на центарот преку кои ќе се промовира уметноста во јавен простор а менувањетото на изгледот на фасадата ќе го истакне и промовира отворениот модел на инстиуцијата како простор во којшто постои плуралност на идеи и изрази.

Насоки за конкурсот:
КСП ЦЕНТАР – ЈАДРО е прв пример на модел на јавно-цивилно партнерство во земјава преку кој сакаме да покажеме дека се можни и поинакви начини на дејствување, содружништво и поврзување. Оваа институција претставува пример на концепт за создавање професионална креативна заедница. Ваквиот вид установи на нов начин му пристапуваат на просторот и на начинот на неговото управување, користење и програмско осмислување, разноликост и инклузивност.

Тематски конкурост е отворен, а идејните решенија за муралот треба да ги отсликуваат основните начела/цели врз којшто се темели КСП Центар – Јадро.

Технички податоци:
На конкурсот право на учество имаат сите уметници кои се државјани или резиденти во Р Македонија. Уметниците можат да се пријават индивидуално или како групи/колективи. КСП Центар – Јадро обезбедува средства за материјали за изработка на муралот како и авторски хонорар. Димензиите на ѕидот се 14х3,5 метри а во прилог ви доставуваме технички цртеж и фотографија од фасадата. Планиран период за изработка на муралот е во периодот од 1 до 26 септември 2024 година.

За изборот ќе одлучува жири-комисија составена од истакнати професионалци од областа на културата.

Авторот/ите треба да приложат скици за муралот, краток опис за концептот како и кратка биографија во PDF документ со максимална големина од 5 MB на мејл адресата centar.jadro@gmail.com, најдоцна до 26 август 2024г. со назнака Конкурс за изработка на мурал и податоци за авторот/ите (име, презиме, телефонски број).

За повеќе информации околу конкурсот заинтерисираните автори можат да не исконтактираат на на мејл адресата: centar.jadro@gmail.com.

The post КСП Центар – Јадро објавува конкурс за изработка на мурал на фасадата appeared first on Република.

Вечерва во КСП Центар -Јадро во Скопје, со почеток во 20:00 часот ќе биде отворена изложбата на скулптури создадени во склоп на партиципативниот проект „Преосмислување на урбаните простори: проект за јавни тоалети во Скопје“ на уметникот Озбек Ајваз.

На изложбата ќе може да ги погледнете слики и описи за скулптурите што беа поставени на повеќе јавни локации во Скопје придружени со документација од целиот процес на реализираните акции.

Скулптурите беа создадени со цел да се подигне свеста и да се информираат граѓаните за секојдневната опасност од патогените бактерии кои се појавуваат во места каде што не постојат јавни тоалети.

Недостигот од пристап на основни хигиенски услови ги изложува луѓето на ризик од контакт со различни патогени бактерии кои можат сериозно да му наштетат на човековото здравје. Недостигот на пристап до чиста вода, хигиенски средства и други санитарни хигиенски услови може да го зголеми ширењето на бактерии како клебсиела и протеус мирабилис да резултира со зголемен број на здравствени проблеми во заедницата.

За подобра заштита, есенцијално е да се обезбедат пристојни јавни тоалети, особено на јавни места како паркови, улици и трговски центри. Проширувањето на пристапот до хигиенски услови не само што го подобрува здравствениот статус на заедницата, туку и спречува ширење на заболувања и компромитирање на квалитетот на јавното здравје.

Овој проект се реализира од месец јануари до мај во рамки на програмата Артс Хаб, на КСП Центар- Јадро, а се остварува со финансика поддршка на Фондацијата Отворено општество – Македонија.

The post Изложба на скулптури создадени во склоп на проектот „Преосмислување на урбаните простори: проект за јавни тоалети во Скопје“ на уметникот Озбек Ајваз appeared first on Република.

„Вештини за оживување“ е партиципативен уметнички проект и метод чија авторка е Клелија Живковиќ, кој се занимава со оживувањето како вродена карактеристика која нѐ обединува нас луѓето со остатокот од живиот свет. Во сегашноста натежната од неправди, насилство и експлоатација, нашата цел е да го истражиме потенцијалот на овие вештини за оживување како избори кои може секој да ги адаптира на своите можности и потреби и, спротиставувајќи им се на насилните и опресивните системи, да ги преземе како чекор кон светот кој оживува.

Учесници и ко-автори на овој проект се Никола Игновски, Христина Крстевска, Крсто Глигорјадис и Магдалена Таневска. Во периодот од три месеци, петчлениот тим го истражуваше сопственото и колективното оживување преку работилници базирани на методи инспирирани од изведувачките уметности. Секој од членовите на тимот дефинираше своја „вештина за оживување“ - одлука, избор или дозвола да ја напушти состојбата на преживување и целосно и бунтовно да оживее. Отфрлајќи ја заблудата дека, да бидеме живи значи да се чувствуваме добро, се поддржуваме едни со други и си овозможуваме да чувствуваме сѐ, згрижени во нашата безбедна заедница.

Како краен исход од овој процес произлезе уметничкото видео „Вештини за оживување“ кое премиерно ќе биде прикажано во КСП Центар Јадро в четврток, со почеток во 20:00 часот. Тимот кој работеше на видеото го сочинуваат Гоце Лалковски (директор на фотографија и камера), Дијана Димитриевска и Дарко Степиќ (музика) и Бисера Михајловска (монтажа).

Овој проект е дел од Артс Хаб програмата на КСП Центар Јадро, поддржана од Фондацијата Отворено Општество во Македонија.

The post Во КСП Центар Јадро премиерно ќе се прикаже уметничкото видео „Вештини за оживување“ на Клелија Живковиќ appeared first on Република.

Денеска со почеток во 19.30 часот во КСП центар Јадри ќе бидат промовирани шест книги од Стефан Симиќ.

Стефан Симиќ е млад поет, писател кој твори од почетокот на своите студентски денови. Тој пишува за хуманизмот, љубовта кон човештвото и сè она околу нас кое ја покрева целата суштина за убавината на животот. Стефан е роден на 12 февруари 1989 година во Параќин, а живее и твори во Белград од своите студентски денови каде борбата за успех и живот во поголем град е голем предизвик за него. Тој преку своите кабаре настапи, како што тој умее да ги нарече, заедно со неговата публика читатели, слушатели и обожаватели ширум сите  ex-YU простори, а и пошироко, заедно емотино ги отвараат душите низ разговори од темите на животот кои се преточени во неговите дела.

Ве покануваме во КСП Центар - Јадро на промоција и презентација на неговите досега шест книги и тоа: „Након свега слобода - Почетак“, „Генерацијама које расту без поезије“, „Повратак човеку - Живети живот“, „Одјеци људског“, „Рекох и олакшах душу - моје је да кажем“ и „Пркос бесмислу - живот се наставља“, велат организаторите.

The post Промоција на шест книги на Стефан Симиќ во КСП Центар јадро appeared first on Република.

Денес со почеток во 18:00 часот во КСП Центар -Јадро во Скопје, како дел од проектот „Кадри на ранливост“, ќе се одржи работилница со Експресивна Арт Терапија насловена „Маски во движење“. Фасилитаторка на работилницата ќе биде Ана Тодоровска, психолог, а учеството е бесплатно.

„Маски во движење“ е динамична работилница на која преку експресивна арт терапија и комбинација на ликовна уметност, движење и драма, учесниците ќе се впуштат во изработка на сопствена маска од различни материјали.

Маската како објект е присутна низ различни култури илјадници години и со различни намени – таа може да сокрива или да открива. Во античкиот римски театар, терминот „персона“ се однесува на маска што ја носат актерите за да прикажуваат различни ликови во театарските претстави. Оттаму, во својата теорија позната како аналитичка психологија, швајцарскиот психијатар Карл Густав Јунг, под „персона“ подразбира социјална маска, начинот на кој се претставуваме пред светот со цел да оставиме одреден впечаток.

На ова три часовно искуство, преку учество во мала група, учесниците ќе:

– Создадат своја маска од различни материјали
– Ќе ја запознаат и истражат својата социјална маска преку индивидуални и групни вежби
– Ќе се вклучат во интерактивни сценарија и раскажување приказни
– Ќе учествуваат во групен процес на креативно самоистражување во сигурна и поддржувачка средина

Работилницата ќе се одвива во четири фази: ориентација, креација, активација, интеграција. Препорачуваме да дојдете во удобна облека која нема да го попречува вашето движење и за која нема да се грижите да ја извалкате.

Претходно искуство и талент за цртање / изведување не се потребни, бидејќи се фокусираме на процесот на создавање, наместо на естетиката на делото. Доволно е само да сте љубопитни и отворени за истражување нови аспекти од себе. Материјалите се обезбедени од организаторот, но секој учесник е добредојден да ја збогати колекцијата со материјали кои веќе не му се потребни (монистри, скршен стар накит и сл.).

The post Работилница со Експресивна Арт Терапија „Маски во движење“ со психологот Ана Тодоровска appeared first on Република.

Воведно предавање за читачка група за феминизам и студии на животните на Катерина Шекутковска
14 мај (вторник) | 20.00 часот

Првата средба на овогодинешната читачка група на КСП Центар-Јадро. Со воведното предавање, насловено: „Интимни фамилијарности, сплотени разлики“, започнуваме со четвртиот циклус средби кој оваа година ќе го истражува продуктивниот и возбудлив пресек помеѓу феминизмот и студии за животните. Овој интерсекциски пристап нуди согледби на мноштво интересни паралели помеѓу видовите кои поттикнуваат да се преиспитаат наметнатите разлики, да се реобмислат често опозициски поставените категории човек/животно, како и да се имагинира една нова етика која ќе ги вклучува правата на сите видови.

Токму сличностите и разликите меѓу видовите, но и дефинирањето на нивната заедничка борба стојат во фокусот на воведното предавање: „Интимни фамилијарности, сплотени разлики“. Разгледувајќи ги епистемолошките, родовите (перформативно-идентитетските), етичките и трудово-правните аспекти на односот и соодносот на човекот (односно жената) и животното. Во рамки на предавањето ќе бидат претставени темите, авторите/ките и текстовите кои ќе бидат обработени и дискутирани за време на осумте средби на читачката група. Сродноста во доживувањето на жената и животното како ‘друг’, но и меѓусебната зависност и поврзаност на категориите во начинот на кој размислуваме за анималноста и родот, претставуваат еднакво важни теми за читачката група, како и важноста за реконцептуализација на човековиот однос со нечовечки суштества и постојните динамики на моќ.

Токму низ преиспитување на наводната привилегија на човекот над животното и сличностите во феминистичката борба и борбата за правата на животните, се отвора простор за градење на нова еко-феминистичка етика и практика, која неретко го наоѓа својот израз и во уметностите. Во последниот дел од предавањето ќе се осврнеме и кон неколку примери во кои јасно се гледа третманот на овие прашања и теми во уметноста, особено во книжевноста. Покрај содржинскиот дел, во рамки на предавањето ќе биде презентирана и целосната програма на средбите, термините како и можностите за учество.

Реализацијата на четвртиот циклус од Читачката група е дел од годишната програма КСП Центар-Јадро, поддржана од Минстерството за култура на Република Македонија.

Катерина Шекутковска (Скопје, 1988) го стекнува додипломското образование на Филолошкиот факултет „Блаже Конески“ во Скопје при катедрата за германски јазик и книжевност. По едносеместралниот престој на Универзитетот во Констанц (Германија) таа ги започнува своите постдипломски студии на катедрата за германска книжевност и медијација на книжевноста на Универзитетот во Бамберг (Германија). По завршување на практичниот дел од докторските студии (посетување на предавања, колоквиуми и конференции) како и по неколку годишната соработка како научен истражувач и предавач на Универзитетот во Бамберг, таа моментално работи на својата докторска дисертација како и на преведувачки и истражувачки проекти. Во 2022 година таа ја основа издавачката куќа „Илика“ каде фигурира како главна и одговорна уредничка. Во фокусот на нејзината работа стои интердисциплинарноста која произлегува од повеќегодишното академско искуство и практичната работа во полето на издаваштвото и театарот. За време на тригодишната работа како претставничка на докторадите на школата за книжевност, култура и медиуми при Универзитетот во Бамберг таа организирала читачки кружок за теориска литература и салонски дискусии во чии рамки се тематизирале феномени и проблематики кои произлегуваат од пресекот помеѓу теоријата и уметностите. За својата работа како академска истражувачка и преведувачка таа е добитничка на повеќе стипендии (двократно стипендистка на ДААД, истражувачка стипендија „РАДИАЛ“ за преведувачи, резеденцијална стипендија од ЛЦБ Берлин итн.).

The post Предавање „Интимни фамилијарности, сплотени разлики“ на Катерина Шекутковска денеска во КСП Центар- Јадро appeared first on Република.

Проекција на документарниот филм „Беласица“ (2023) на режисерката Марија Апчевска и трибина на тема менталното здравје во 21виот век на која ќе учествуваат:

• Ѓорѓе Хаџи-Анѓелковски, психијатар кој промовира нови решенија за третман на менталните растројства и промотор на процесите за де-инстуционализација.

• Анче Каевска - професор, гешталт терапевт и долгогодишен реализатор на гешталт работилници.

• Јасмина Лукановска, специјален едукатор и рехабилитатор, Арт окупационен терапевт со долгогодишно искуство во работа со деца со попреченост.

Филмот „Беласица“ го следи и го доловува богатото секојдневие на живеењето во заедница, за луѓето кои го поминале најголемиот дел од својот живот во институции.

Овој проект се реализира од месец јануари до мај во рамки на програмата Артс Хаб, на КСП Центар- Јадро, а се остварува со финансика поддршка на Фондацијата Отворено општество - Македонија.

The post Проекција на документарниот филм „Беласица“ од Марија Апчевска и трибина на тема: „Процеси, терапевтски практики и грижа во и вон институциите за ментално здравје“ во КСП Центар Јадро appeared first on Република.

КСП Центар-Јадро и Контрапункт во рамките на деветтото издание на КРИК – фестивал за критичка култура, платформа која ја покрена во 2016 година, со радост ве поканува на промоција на македонското издание на книгата „Партиципациска уметност: парадигматски пресврт од објекти кон субјекти“ од Сузана Милевска, една од нашите најзначајни теоретичарки на визуелна култура и кураторка.

Промоцијата ќе се одвива во дијалошки формат помеѓу Сузана Милевска и Артан Садику, политички филозоф. Воведни зборови ќе има Искра Гешоска, теоретичарка на културата и културна работничка, а свои интревенции ќе има Тијана Ана Спасовска, историчарка на уметноста. Промоцијата е замислена како отворен дискурзивен и партиципациски настан што ќе вклучи и сесија со прашања и одговори од присутните.

„Партиципациска уметност: парадигматски пресврт од објекти кон субјекти“ е избор од петнаесет есеи за париципациската уметност со фокус на уметноста во Југоисточна и Централна Европа. Милевска ги напишала и објавувала овие текстови на англиски во текот на повеќе од петнаесет години. За првпат, овие есеи се објавуваат заедно во оваа збирка, почнувајќи со првиот есеј напишан на оваа тема во 2006 година. Сите есеи се преведени на македонски јазик и уредени од Ана Димишковска, деканка на Институтот за филозофија и професорка по логика и филозофија, при Универзитетот “Св. Кирил и Методиј“, Скопје.

Сузана Милевска ги артикулира и интерпретира плуралните, отворени, променливи форми во уметноста кои, сепак, претставуваат кохерентно единство, структура која потенцира и репрезентира одреден свет на релации помеѓу поединечните општествени и човечки и интимни наративи, помеѓу политичкото и уметничкото. Зошто е од исклучително значење книгата со теориски артикулации и размислувања на Сузана Милевска – заради нејзината важна интервенција во етичко-политичката организација на промислувањето на партиципациската уметност, и заради нејзиното храбро и предизвикувачко отворање/поставување прашања преку чии можни одговори може одново да се освои изгубениот политички и уметнички простор, разбиен со безмилосните напади на глобалниот неолиберализам. Милевска освен што во една повеќегодишна епистемолошка перспектива нуди огромен спектар на предностите и замките кои со себе ги носи партиципациската уметност, таа едновремено, нѐ воведува во една поинаква перспектива низ која ги согледуваме и институционалните лавиринти, и постколонијалните спирали, а сето тоа, се разбира, со исклучително внимателно инсистирање на контекстите во кои се одвиваат ваквите динамики.

Книгата на Милевска Контрапункт ја објави и на англиски јазик, а промоцијата на англиското издание беше во март 2024 година, во Њујорк.

Сузана Милевска е кураторка и теоретичарка на визуелните уметности и култура. Нејзините теориски и кураторски интереси се свртени кон постколонијалната критика на хегемонските режими на моќта во претставувањето, родовите разлики во визуелната култура, и феминистичките, партиципациските и колаборативните уметнички практики. Милевска била Главен истражувач на проектот на Хоризонт во 2020 насловен како ТРАГИ на Политехничкиот Универзитет Милано, а во 2019 година таа ја курирала завршната изложба Спорни објекти/Засрамени субјекти. Во 2013 година, таа била назначена за прв поддржан професор за историја на уметностите од Централна и Југоисточна Европа на Уметничката Акдемија во Виена (2013-2015). Милевска докторирала визуелна култура на Голдсмит Колеџ, при Лондонскиот Универзитет. Во 2004 година била Фулбрајтов стипендист како виш истражувач во Конгресната библиотека во Вашингтон. Таа има курирано бројни меѓународни изложби, го има иницирано проектот Повикај го сведокото – Рома павилјон на Венециското биенале (2010-2011). Нејзините текстови се преведени на бугарски, хрватски, англиски, француски, унгарски, германски, италијански, јапонски, руски, српски, словенечки, шпански, шведски, турски, итн. Таа е автор и уредник на многу книги, меѓу кои Gender Difference in the Balkans, 2010, The Renaming Machine: The Book, 2010, и On Productive Shame, Reconciliation, и Agency, SternbergPress, 2016 година. Во 2012 ја добива наградата Игор Забел за култура и теорија.

Оваа книга е објавена како дел од проектот Peripheral Visions – towards a trans(l)national publishing culture, кој си поставува за цел да развие меѓународна размена меѓу малите културни и лингвистички контексти на полуперифериите на Европа со меѓусебна поддршка преку ко-продукции, ко-креации, трансфер на знаења и споделување на ресурси. Преку мултилингвално издаваштво, трансдисциплинирана културна продукција, алтернативна дистрибуција, размена на знаење, дигитални содржини, отворени дигитални технологии, и нови формати на игри, проектот создава меѓународен простор за создавање и експериментирање во издавачкиот процес. Peripheral Visions е заеднички проект на Културтрегер, Маска од Љубљана, eipcp – European Institute for Progressive Cultural Policies, kuda.org, Контрапункт и Мултимедијалниот Институт со здружените партнери Kulturföreningen Glänta и EUROZINE.

Изданието е финансиски поддржано од Министерството за култура на Република Македонија и програмата Креативна Европа на Европската Комисија, финансирана од Европската Унија. Но гледиштата и мислењата што се изразени во неа се сепак само на авторот(ите) и не нужно ги одразуваат оние на Европската Унија или на Европската агенција за образование и (EACEA). Ниту Европската Унија ниту доделувачот на грантот не можат да се сметаат за одговорни за нив.

The post Промоција на книга на Сузана Милевска appeared first on Република.

Во рамки на проектот “СИОТ СВЕТ Е СЦЕНА - имерзивен театар како алатка за адресирање на општествени прашања и предизвици” на Здружението на уметници Културен центар Медиа Артес, ќе се одржи 3-дневна интензивна работилница за имерзивен театар. Работилницата ќе се одржува во просторот на КСП Центар-Јадро.

Работилницата ќе се одржи на следниве датуми и термини:
петок, 22.03.2024 од 17:00-21:00 ч.
сабота, 23.03.2024, од 10:00-17:00 ч.
недела, 24.03.2023, од 10:00-17:00 ч.

Работилницата за имерзивен театар е наменета за професионални уметници од различни дисциплини (актери, танчери, вокални изведувачи и музичари, ликовни уметници итн) со различен степен на искуство, како и за студенти по уметности. Особено важно е учесниците да имаат ентузијазам, желба и волја да учат, работат и да се надградуваат во областа на имерзивниот театар.

Преку пракична работа и презентација на студии на случаи, работилницата има за цел учесниците да ги запознае со одредени пристапи и алатки за создавање имерзивни театарски искуства за публиката и заедницата. Во таа смисла 3-дневната интензивна работилница конкретно ќе се фокусира на практична демонстрација на алатките и уметничките пристапи кои ќе се користат во процесот на претстојното уметничко истражување и продукција на интердисциплинарниот перформанс со работен наслов РИТУАЛОТ ВО СОВРЕМЕНОТО ОПШТЕСТВО.

Работилницата ќе ја водат Јелена Вуксановиќ (Србија) и Јасмина Билаловиќ (Македонија), а во рамки на работилницата свои предавања и презентации на конкретни студии на случаи ќе имаат и Алесандро Ола (Италија/Шпанија), Атила Антал (Србија/Унгарија) и Вишња Жугиќ (Србија).

3-дневната интензивна работилница ќе биде и еден вид на аудиција-селекција преку која од учесниците во работилницата ќе бидат избрани 8 домашни уметници кои ќе бидат поканети да се приклучат на уметничкиот тим и да соработуваат во претстојниот процес на уметничко истражување и продукција.

На тој начин, работилницата го означува почетокот на работата на перформансот “Ритуалот во современото општество”, кој ќе се одвива во неколку фази и локации, и тоа:

– 22ри-28ти МАРТ 2024, Скопје (почетна фаза)
– 17ти-24ти МАЈ 2024, Скопје (втора фаза)
– 20ти-28ми ЈУНИ 2024, Вевчани (финална фаза и изведба на перформансот)

The post Работилница за имерзивен театар во просторот на КСП Центар-Јадро appeared first on Република.

На 1, 2 и 3 март ве чекаме на Куп Скопје 2024 - Изложба на макети, диорами и минијатури. Потоа дојдете да ја проследите изложбата snapshots, изложба на фотографии на Иво Дамјановски на 8 март. На 21 март ќе го прославиме интернационалниот ден на пролета со ОМАЖ ЗА ПЕТРЕ М.АНДРЕЕВСКИ - Расветлување на неговиот животопис и творечки опус. Mесецот ќе го завршиме со „ЛИЛИТ“, танцов перформанс на актерката Јасмина Билаловиќ кој ќе се одржи на 29 март во 20 часот.

Во рамките на проектот „Артс Хаб“ свои работилници во просториите на КСП Центар Јадро ќе имаат проектите:

„Одржливи заедници / Sustainable communities“
Автор - Никола Узуновски

Во рамки на програмата на КСП Центар Јадро, во период од 6ти март до 31ви мaj 2024 година, ќе се одржи работилница за современа уметност која ги опфаќа темите на екологија, климатски промени и одржлив развој водена од уметникот Никола Узуновски.

„Вештини за ожививање / Resurgence.juicy“
Автор - Клелија Живковиќ

Тримесечната работилница во склоп на проектот „Вештини за оживување“, е дел од програмата на КСП Центар Јадро и овој месец. Проектот се обидува да се даде одговор на современото прашање: „Дека постои поубав и пожив свет кој можеме да го создадеме?“

“РИТУАЛОТ ВО СОВРЕМЕНОТО ОПШТЕСТВО - имерсивен, мултидисциплинарен перформанс”
Во периодот од 22ри до 28ми март , Здружението на уметници „Културен центар Медиа Артес“ ќе  одржи работилница во рамки на  нивниот проект  “РИТУАЛОТ ВО СОВРЕМЕНОТО ОПШТЕСТВО-имерсивен, мултидисциплинарен перформанс”.

snapshots

Изложба на фотографии на Иво Дамјановски

8 март (петок) | 19.00 часот

„snapshots“, е прва изложба на фотографии на филм и прослава на преминување 5 години зад објективот на Иво Дамјановски.
Секоја фотографија е доказ за наоѓање убавина во неочекуваното и тивките приказни кои траат во невиденото. Позајмувајќи го описот на Зарковски за истоименото фотографско движење, „snapshots“ е мој обид „не да го реформирам [секојдневниот] живот, туку да го спознаам“, вели Иво.
„snapshots“ е покана за пауза, рефлексија и размислување за (не толку обичните) обични пејсажи, напуштените излози и останатите глетки што нé опкружуваат.
Изложбата се отвора на 8-ви март во 19ч и трае до 15-ти март, отворена во работни дениви, од 10 до 16 часот.

ОМАЖ ЗА ПЕТРЕ М.АНДРЕЕВСКИ - Расветлување на неговиот животопис и творечки опус

За Денот на поезијата - 21 март, Општина Центар-Скопје ќе реализира проект посветен на пишаниот збор и ќе му го посвети на Петре М. Андреевски.
Оваа година се навршуваат 90 години од неговото раѓање и во негова чест во рамките на проектот ќе биде презентиран видео-запис што ќе го потенцира големото значење и трајната вредност на делото на Петре М. Андреевски, а присутните гости ќе имаат можност и да се потсетат на дел од неговиот творечки опус.

„ЛИЛИТ“, танцов перформанс
на актерката Јасмина Билаловиќ

29 март (петок) | 20.00 часот

Лилит“ е првата фаза од театарското истражување насловено „Notebook of Silence“, соработка помеѓу Алесандро Ола, Јасмина Билаловиќ и Јелена Вуксановиќ.

Проектот е замислен во различни фази кои оживуваат, во различни контексти, простори и кои вклучуваат различни соработници низ целиот тек на истражувањето.

Првата фаза од реализацијата е базирана на текстот на Ришард Ниечим и неговото повеќедецениско искуство на соработка со неговиот некогашен учител Гротовски, како во театарската работа (со професионални актери), така и во паратеатарската работа во која Гротовски и неговите соработници тежнеат да пресечат со ексклузивноста на театарските истражувања и да ги отворат за нови групи учесници од различни професии и позадини.
Актерката Јасмина Билаловиќ го заснова своето истражување на нејзиниот повеќегодишнен тренинг со Ришард Ниечим, базиран на звучење (Sounding).

Звучење (Sounding) е наутички термин кој се користи за истражување на длабочините на сликите во јазикот и човечкото тело, во движење и одмор; поконкретно, sounding значи да се прозвучат длабочините на сликите во енергетските центри на човечкото тело и да се истражуваат архетипските длабочини на мистериозното несвесно.

Драмскиот текст е искористен на минималистички начин, каде ликот на Лилит се користи како основа за градење на архетипот на женска фигура отфрлена од општеството поради тоа што ги одбива и преиспитува традиционалните, конзервативни вредности. Таа е заробена во вечен простор, сè уште верна на својата бескрајно бунтовна природа, но на моменти обремента од судовите на светот. Ние набљудуваме и сме сведоци на различните фази кои водат до нејзиното прифаќање на себе си во тоталитет, без да се стишува или да се моделира според она што се очекува од неа. Таа на крај го прифаќа тоа што е, а со тоа се прифаќаа себе си и конечно може да ја напушти старата, зададена, улога, ослободена од товарот на срам и вина.

По текстови на Ришард Ниечим

Драматургија и режија: Јелена Вуксановиќ

Асистент: Симона Димковска

Игра: Јасмина Билаловиќ

Композитори: Алесандро Ола, Маја Стајнберг

сценографија: Мартин Манев

костими: Павел Маслов

АРТС ХАБ Работилница

„Одржливи заедници / Sustainable communities“
Автор - Никола Узуновски

Во рамки на програмата Артс Хаб, на КСП Центар Јадро, во период од 6ти март до 31ви мaj 2024 година, ќе се одржи работилница за современа уметност која ги опфаќа темите на екологија, климатски промени и одржлив развој водена од уметникот Никола Узуновски.

Работилницата е наменета за студентите од факултетите за уметност, дизајн и архитектура, но е отворена за сите оние кои се заинтересирани да партиципираат.
Работилницата e поделена на 3 дела, еден теоретски и два практични, (едниот од практичните ќе се одржи на Преспанското езеро)

Во склоп на првиот, теоретски дел, кој ќе се одржи во март 2024 година ќе следат серија предавања:

Среда 6 март од 20 до 21.30 часот
- Вовед во работилницата и презентација на најзначајните 100тина уметнички дела / проекти кои ги обработиле и нагласиле темите екологија, оджливот развој и климатски промени.

Среда 13 март од 20 до 21.30 часот
- Презентација на проектите на уметникот Никола Узуновски, во кои спаѓаат и проектот Соларни Кујни, и Провремени пловечки живеалишта на кои учесниците ќе можат да одлучат да се приклучат.

Среда 20 март од 20 до 21.30 часот
- За разработка на проектот соларни кујни, Јана Клопчевска, професор на технолошко-металуршкиот факултет, од насоката за прехрамбена технологија и биотехнологија, ќе ги објасни главните хемиски процеси кој се случуваат при готвењето или обработка на храна, а експерт од полето на Астрофизиката, кој ќе ги објасни сите аспекти од физиката потреби за реализација на соларни кујна.

Среда 27 март 20 – 21.30 часот (можни промени)
- За разработка на проектот Привремени пловечки живеалишта, Методија Велевски од Македонско еколошко друштво ќе ги објасни еколошките проблеми на преспанското езеро, посебно хабитатот на птиците и некои од можните начини на справување, како креирањето на привремени живеалишта.

Практичен дел

Во вториот дел од работилницата ќе се одржи практичниот дел, каде учесниците ќе можат заеднички со менторот да учествуваат во реализацијата на проектите - Соларни кујни и Привремени пловечки живеалишта, или да реализираат свои проекти обработувајќи ги темите екологија, климатски промени и одржлив развој.
Последниот ден од работилницата ќе има презентација на проектите и настан со готвење на соларна кујна.

Април - Мај (Датите ќе до одредат заедно со учесниците)
- Истражување, дизајн, развој, и продукција на соларни кујни во Скопје
- Истражување, дизајн, развој, и продукција на пловечки острови во Преспанското езеро
- Презентација на истражувањата и решенијата на учесниците на работилницата
- Корекции и развој на решенијата на учесниците на работилницата

Заинтересираните можат да се пријават со пополнување на формуларот достапен на линкот и преку страната најдоцна до 1.03.2022. Настаните ќе се одвиваат во просториите на КСП Центар Јадро, и на Преспанското езеро.

Никола Узуновски (Земун, Белград, 1979) е интердисциплинарен уметник и професор по дизајн и уметност. Предавал на Кралскиот технички универзитет во Стокхолм, Академијата за Дизајн во Талин,Вишиот институт за дизајн во Фиренца, Академија Италиана во Бангкок. Во 2005 година учествува на 51. Биенале во Венеција во проектот “Floating Sites“, а во 2007 ја освојува наградата „Млад европски уметник“. Почнува да работи на неговиот проект “My Sunshine“ на Trieste Contemporanea кој го продолжува и за време на престојот во Полинарија, Абруци во 2008 година. Понатаму го развива проектот за македонскиот павилјон на 53. Биенале во Венеција (2009). Од самостојните изложби се издвојуваат “Snow“ и “My Sunshine“ во галеријата „Федерико Лугер“ во Милано, додека од групните изложувања се издвојуваат “Greenwashing“ во Fondazione Sandretto Re Rebaudengo (Торино, Италија, 2008), “Green Platform“ во Fondazione Strozzi (Фиренца, Италија, 2009), “Spaceship Earth“ во Centre of Contemporary Art Znaki Czasu (Торун, Полска, 2011).

Повеќе информации за менторот на nikolauzunovski.studio
За повеќе информации, контакт: Никола Узуновски, е-маил nikolauzunovski@gmail.com или на тел: 078505619

АРТС ХАБ Работилница

„Вештини за ожививање / Resurgence.juicy“
Автор - Клелија Живковиќ

За оживувањето не е лесно да се зборува. Веќе некое време се обидувам да ги најдам вистинските зборови да го опишам тоа што го чувствувам: дека би можела подлабоко и послободно да дишам. Дека би можела поискрено да се поврзам со светот. Дека имам пристап до заедница и поддршка, ако ја побарам. Дека постои поубав и пожив свет кој можеме да го создадеме.
Одбивам да отрпнувам, да ги потиснувам своите чувства и желби, да ја скротувам мојата радост или да го пригушувам мојот гнев. Наместо тоа, одбирам да оживеам.

Доколку ова буди нешто во тебе, се надевам дека ќе ми се придружиш на проектот „Вештини за оживување“, каде заедно ќе се обидеме да ги разбереме одлуките, дозволите, границите и изборите кои ги правиме во служба на нашата оживеаност.
Работилницата ќе се одржи во следниве термини:

17-феб-2024    11-14 ч.
24-феб-2024    11-14 ч.
9-март-2024    11-14 ч.
16-март-2024    11-14 ч.
30-Март-2024    11-14 ч.
6-Април-2024    11-14 ч.

Клелија Живковиќ (1989) е трансдисциплинарна дизајнерка од Скопје. Таа ја истражува улогата на дизајнот во обликувањето на општествената и еколошката реалност преку применување на прототипирањето како истражувачки и продукциски формат. Нејзиниот последен проект „Прототипирање на нежноста: личен запис од светот во изумирање“, уметничка книга и изложба поддржани од Студио Приватен Принт, го документира нејзиниот увид во нежноста како квалитет на граница помеѓу две битија, битие и опкружувањето итн. Во 2022 година АИКА Македонија ѝ ја додели наградата „Ладислав Баришиќ“, за нејзиниот истражувачки проект „Дизајн за оживување“, кој ги мапира современите дизајн практики и интерсекционалната екологија кон развивање на дизајн методологија која се занимава со светот обликуван од широката потрошувачка и исцрпувачка на ресурси.

The post Многу забава, многу настани во март во КСП Центар Јадро appeared first on Република.

Во петок, 23 февруари 2024 година во 14:00 часот во КСП Центар Јадро ќе биде отворена изложбата „Архитектонска изложба на студентски проекти | Центар за техничка култура, Општина Центар“ на Архитектонското (интегративно) студио 9, Архитектонски факултет – Скопје.

Интегративно студио 9, семестар 2022 / 2023 год.
Тема: Центар за техничка култура, Општина Центар

Тим: Проф. д-р Михајло Зиноски, раководител, асист. м-р Јана Брсакоска, д-р Велика Ивковска, Котларовски Игор диа., Наташа Тодоровска Пренк диа., Оливера Ќоќоровска Митиќ диа.

Учесници: Марина Митрова, Елеонора Решковска; Енис Бекири, Икра Зули; Деспина Дишлиоска, Викторија Блажеска, Мартин Крстески; Мартина Шајноска, Дион Алими; Јована Божиноска, Цвете Божиноска; Марија Србиновска, Елена Пренџова; Андреа Алтипармакова, Лара Герасимовкса; Андреј Савиќ, Давид Џолев; Александра Андоновска, Ива Хрситовска; Тамара Ѓамовска, Маја Вукадиновиќ; Јована Спасовска Стаменковска; Милена Доневска, Анѓела Стоилковска; Драгана Ѓорѓиева, Ајла Мехмедовиќ; Сара Димовска, Сара Павловска; Катерина Цветковска.

Изложбата ќе биде отворена од 23 до 29 февруари 2024 година.

The post „Архитектонска изложба на студентски проекти – Центар за техничка култура, Општина Центар“ во КСП Центар Јадро appeared first on Република.

На 22.02.2024, со почеток во 20:00 часот во КСП ЦЕНТАР ЈАДРО, ќе се одржи проектот „Лилит“, кој е првата фаза од театарското истражување насловено „Notebook of Silence“, соработка помеѓу Алесандро Ола, Јасмина Билаловиќ и Јелена Вуксановиќ.

Проектот е замислен во различни фази кои оживуваат, во различни контексти, простори и кои вклучуваат различни соработници низ целиот тек на истражувањето.

Првата фаза од реализацијата е базирана на текстот на Ришард Ниечим и неговото повеќедецениско искуство на соработка со неговиот некогашен учител Гротовски, како во театарската работа (со професионални актери), така и во паратеатарската работа во која Гротовски и неговите соработници тежнеат да пресечат со ексклузивноста на театарските истражувања и да ги отворат за нови групи учесници од различни професии и позадини.

Актерката Јасмина Билаловиќ го заснова своето истражување на нејзиниот повеќегодишнен тренинг со Ришард Ниечим, базиран на звучење (Sounding).
Звучење (Sounding) е наутички термин кој се користи за истражување на длабочините на сликите во јазикот и човечкото тело, во движење и одмор; поконкретно, sounding значи да се прозвучат длабочините на сликите во енергетските центри на човечкото тело и да се истражуваат архетипските длабочини на мистериозното несвесно.

The post Театарскиот перформанс „Лилит“ во КСП Центар-Јадро appeared first on Република.

The post КСП Центар Јадро ќе ги развесели и разигра скопските маалски улици со Маалски фестивал appeared first on Република.

The post „26 Јули, 1963“ – изложба на фотографии, видео проекција и други меморабилии за Скопје во КСП Центар- Јадро appeared first on Република.

Во КСП Центар-Јадро на отвoрањето на самостојната изложба „Panta rei“ на Наташа Гелева, на 18.04.2023 (вторник) , со почеток од 20:00 часот.

The post „Panta rei“, самостојна изложба на Наташа Гелева appeared first on Република.

Вторник (14.02.2023), во 20ч., отворање на изложбата на уметничкиот проект „Човеколики неволји“. Човеколки неволји е партиципативен уметнички проект инициран од Ивана Мирчевска, во коj учествуваат Ангела Манчевска, Дијана Велковска, Ивана Самандова, Ивана Јовановска, Јован Гаковски, Кристијан Стефановски, Риџет Ферати и Христина Крстеска.

Препознавјќи го пејзажот и неговите сочинители како активни посредувачи во креирањето на условите за живот, проектот се повикува на локалните еколошки предизвици, истражувајќи ги проблематичните граници меѓу формите создадени од човекот и нечовечките нешта.„Човеколкиувањето“, или, антропоморфизирањето, претставува културна и визуелна практика на припишување човечки карактеристики на околината, најчесто женски атрибути, однесувања и појави. Всушност, човечкиот лик е отелотворен и во денешниот дискурс кој ја објаснува тековната планетарна состојба преку поимот на „Антропоцен“ (ера во која човечкото влијание доминира врз природниот тек на процесите на природата).

Проектот поаѓа од интеракцијата на учесниците со нивните не-човечки алтер-ега: водени тела, воздух, обликоменувач, мицелиумска мрежа, почва, коски и желка. Истражувајќи форми на меѓутелесна комуникација, вмрежување и заедништво, помеѓу учесниците и алтер-егата, како и помеѓу алтер-егата кога делуваат заедно, проектот обработува разни форми на уметнички процес и продукција, проследени со посета на локални индустриски урнатини (поранешната фабрика „Стаклара“ и населбата „Керамидница“), антропогените шуми како Гази Баба и Марково Крувче, неолитската населба Tумба Маџари, базенот на Езерото Треска и пермакултурната градина Бостание.

На алтер-eгата им приоѓаме како човеколики неволји. Како објекти со антропоморфни карактеристики кои произлегуваат од проблематичната интеракција помеѓу луѓето и околината. Kако поглед или средба манифестирана во неможноста за меѓусебно разбирање, во препознавањето на едни со други, разменувајќи истовремено чувства на непријатност и задоволство.

Преку користење на текст, објекти, телесни движења и гестови, инстаграм филтри и звучна медитација, како и преку препознавањето на нашето ограничено разбирање за алтер-егата, тие самите ја трансформираат нашата желба за припишување човеколики карактеристики. Создадените алтер ега нѐ покануваат да ги прифатиме човековите сетилни и технолошки граници, во пресрет на заедничката прекаријатна еколошка сегашност.

Изложбата ќе се затвори во четврток (16.02.2023), во 20ч., со презентација и разговор за проектот.

The post „Човеколики неволји “- Изложба на партиципативен уметнички проект во КСП Центар Јадро appeared first on Република.

Почитувани, во рамките на новиот проект Arts Hub кој ќе го реализираме во периодот 2023/24 година, продолжуваме со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски) ќе ги претстават своите веќе реализирани проекти и ќе ги споделат искуствата и лекциите научени од праксата во специфичниот локален контекст. Проследени со прашања и одговори , овие презентации и разговори, меѓу другото, ќе ги пренесат искуствата и ќе помогнат во освестување на битните аспекти поврзани со подготовката и реализацијата на проекти и акции базирани на социјално ангажираната уметност.

„Преку проектот „Домашна работа“ наша цел беше да развиеме експериментални и колаборативни форми на уметничка пракса, каде што фокусот беше насочен кон процесот и можностите што произлегуваат од тој процес. Нашата почетна точка на онлајн работилниците беше разгледувањето на дела од автори чиј главен фокус е социјалниот ангажман. Потоа го користевме ова искуство како средство за отворање на дискусија, правење паралели со личните животи, мобилизирање на идеи и иницирање акција. Младите учесници беа охрабрени да го препознаат потенцијалот што уметноста може да го има во обликувањето на нашата социјална реалност. Тие беа охрабрени да создадат и свои уметнички дела со различни достапни материјали со цел да посочат на социјалните теми и проблеми од нивната локална заедница, притоа носејќи ја уметноста на неочекувани јавни простори. Создавањето на пињати пред КСП Центар - Јадро не однесе во друга форма на учеството на публиката. Креиравме настани за дружење со соседите и случајните минувачи и заеднички изработувавме предмети потребни за изложбата. Пињатите се направени од донирани, непотребни хартии од домашни задачи кои потоа беа персонализирани со текстови, напишани и собрани од младите учесници на онлајн работилниците. Кршењето на пињатите на отворањето на изложбата ќе биде метафоричка „катарза“, симбол на личното и колективно дејствување на разбивање на несаканата реалност и „пишување“ и замислување на нова иднина со поголема емпатија, сочувство и разбирање.“ - истакнува Божурска во својот текст за целите и фазите на проектот.

Божурска го развиваше својот проект во периодот март-јули 2021 година во кој свое активно учество земаа Јана Иванова, Јована Лалчевска, Грегор Пешевски, Благица Стојанова, Ивона Здравева, Денис Денчиќ, Софија Краљевска, Исидора Божиновска и Лукас Картер.

На следниов ЛИНК можете да ја погледнете дигиталната верзија на публикацијата 👉 https://drive.google.com/.../199ej9TJ7wfS.../view...

Кршење на пињатите на вечерта на отворањето на изложбата 👉 https://fb.watch/iy3dW_gNt6/

Kратко видео од втората работилница од партиципативниот проект "Домашна работа" на Кристина Божурска  👉  https://fb.watch/iy3gJeFc3W/

Кратко виодео од првата работилница од партиципативниот проект "Домашна работа" на Кристина Божурска 👉 https://fb.watch/iy3i8DMjxZ/

-------------------------------------------
Кристина Божурска дипломирала сликарство на Факултетот за ликовни уметности во Скопје во 2008 година, a во 2017 магистрира на Институтот за културолошки студии, Скопје, фокусирајќи се во своето истражување на социјалните практики во уметноста. Во своите дела користи мноштво техники и материјали, вклучувајќи готови предмети, сликарство, цртеж, текст и видео. Суштина на нејзината практика е социо-политичкиот контекст каде преку изборот на материјали и визуелни референци директно ги коментира актуелните проблеми.Честопати трга од отфрленото, непотребното, заборавеното, во обид да го помести фокусот на опсервација и да го преиспита доминантниот консензус. Имала самостојни изложби во галерија Уна во Бјаред, Шведска; Мала Станица, МКЦ и СИА Галерија, Скопје, Прима галерија Берлин и Куманово и учествува на бројни групни изложби и видео-фестивали во земјата и надвор.
Остварила студиски престој во ISCP New York и добива стипендија за учество во работилницата Arte Utile на Тања Бругера, на Летната Уметничка Академија во Салзбург во 2013. Има освоено неколку награди: Универзитетска награда за најдобар дипломиран студент (2007/2008), Најдобар видео во категоријата "Нано минута" на Меѓународниот видео фестивал во Бразил (2008); (YVAA) "Денес", наградата за млад уметник за 2010 година и во 2019 BuzArt награда на уметничката резиденција “Togetherness” во Тирана, доделена од Швајцарската фондација за култура во Албанија и галерија Кало. Предава ликовна уметност во интернационалното училиште QSI, Скопје.

The post Презентацијана проектот„Домашна работа“ на Кристина Божурска во рамките на Arts Hub во КСП Центар- Јадро appeared first on Република.

Во рамките на новиот проект Arts Hub кој ќе го реализираме во приодот 2023/24 година, продолжуваме со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски)  ќе ги претстават своите веќе реализирани  проекти и ќе ги споделат искуствата и лекциите научени од праксата во специфичниот локален контекст. Проследени со прашања и одговори , овие презентации и разговори, меѓу другото, ќе ги пренесат искуствата и ќе помогнат во  освестување на битните аспекти поврзани со подготовката и реализацијата на проекти и акции базирани на социјално ангажираната уметност

Серијата на презентации ја продолжуваме  со презентацијата на проектот  „ Создаваме град, градиме иднина!“ на Културно Ехо  на  8 февруари, 20 часот во КСП Центар- Јадро

Проектот „Создаваме град, градиме иднина!“ имаше за цел да ја зголеми транспарентноста и партиципативноста во процесот на урбанистичкото планирање на градот, преку серија јавни настани од мултимедијален карактер, чија основна цел беше да поттикнат критичко размислување и да иницираат вклучување на локалната заедница во процесот на планирањето на просторот.

Тема на проектот беше новиот генералeн урбанистички план за Скопје (ГУП за период од 2023 до 2032 година) кој е најважниот документ за планирањето на иднината на градот. Во рамки на проектот беа  реализирани 3 настани во 3 општини во Скопје.

Содржина на настаните  штп се реализираа во рамките на проектот:

1. Интерактивен документарен филм кој  обработува повеќе локации од важечкиот ГУП (од 2012 до 2022 година) што веќе се предмет на дебата во јавниот дискурс.

Тимот кој го изработи документарниот филм и перформансот:
Режија: Андреј Георгиев и Драгана Гунин
Актер: Симона Димковска
Кинематограф: Кристијан Караџовски
Монтажа: Дејан Смилевски и Андреј Ристески
Наратор: Мартин Манев
Гласови: Наталија Теодосиева, Илија Волчески, Јанка Лефкова и Благојчо Стојанов

2. Работилница на тема: Што претставува ГУП и зашто е важен? Инволвирање на граѓаните и интеракција за нови идеи и предлози во насока на планирањето на градот.

3. Дебата на тема „Нов ГУП, нова можност за Скопје?“

Проектот „Создаваме град, градиме иднина!“ го реализира Меѓународно здружение на граѓани Културно Ехо-Скопје во соработка со здружението Ситископ - Скопје во рамки на проектот „Места на дарежливост - трансформативни станици“ на КСП Центар Јадро.

Проектот Arts Hub е место за  спојување, креативно истражување и изразување, каде што уметниците и сите оние што се заинтересирани да го искусат креативниот процес ќе можат  да ги развијат и надградат своите интереси, знаења и вештини. На овој начин учесниците  ќе имаат прилика да ги споделат и надградат своите заеднички интереси, како што се визуелнитe уметности, музиката и изведувачките уметности итн.

Главна цел  на проектот  е да се  мотивираат уметниците кои што работат во  различни уметнички дисциплини да ги зголемат своите знаења и вештини во областа на социјално ангажираната уметност, специфичните форми на театар, аудио продукцијата и аудио подкаст, фотографија и видео,  и  како и тоа да се поттикнат, користејќи го стекнатото искуство низ едукативниот процес  да создадат свои  партиципативни проекти  преку кои ќе имаат импакт во заедницата и ќе делуваат во подигање на свеста за разни социјални  и политички теми и проблеми.

Следствено, проектот ќе ги задоволи потребите за комуникација на проблемите со публиките и  јавноста  преку уметничките проекти во насока на подигнувањето на свеста за проблемите;  мобилизација на уметничката сцена која во соработка со активното граѓанството  ќе создаде партнерства и воспостави отворени врски со групите засегнати од проблематиките што проектите ги таргетираат; охрабрување на разни целни групи  во иднина сами да се борат за каузите во кои веруваат и делуваат, како и да се поттикнат и да започнат да размислуваат како самоиницијативно можат да го подобрат квалитетот на животот во нивните заедници.

Овој проект ќе се стреми кон напуштање на класичните формати на продукција и презентација на уметнички проекти што подразбира активна работа со креативци од повеќе уметнички дисциплини, партиципативност, активно учество на граѓаните и публиката.

The post Презентацијата на проектот „Создаваме град, градиме иднина!“ на Културно Ехо  денеска во КСП Центар- Јадро appeared first on Република.

Во рамките на новиот проект Arts Hub кој ќе го реализираме во приодот 2023/24 година, продолжуваме со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски) ќе можат на своите колеги, пред се помлади и помалку искусни, но и на заинтересираните граѓани од локалната заедница, да им ги претстават своите веќереализирани  проекти и да ги споделат искуствата и лекциите научени од праксата во специфичниот локален контекст. Проследени со прашања и одговори од публиката, овие презентации и разговори, меѓу другото, ќе ги пренесат искуствата и ќе помогнат во  освестување на битните аспекти поврзани со подготовката и реализацијата на проекти и акции базирани на социјално ангажираната уметност

Серијата на презентации ја продолжуваме  со презентацијата на проектот  „ Создаваме град, градиме иднина!“ на Културно Ехо 

Проектот „Создаваме град, градиме иднина!“ имаше за цел да ја зголеми транспарентноста и партиципативноста во процесот на урбанистичкото планирање на градот, преку серија јавни настани од мултимедијален карактер, чија основна цел беше да поттикнат критичко размислување и да иницираат вклучување на локалната заедница во процесот на планирањето на просторот.

Тема на проектот беше новиот генералeн урбанистички план за Скопје (ГУП за период од 2023 до 2032 година) кој е најважниот документ за планирањето на иднината на градот. Во рамки на проектот беа  реализирани 3 настани во 3 општини во Скопје.

Содржина на настаните:

1. Проекција на интерактивен документарен филм кој ги обработува повеќе локации од важечкиот ГУП (од 2012 до 2022 година) што веќе се предмет на дебата во јавниот дискурс.

Тимот кој го изработи документарниот филм и перформансот:
Режија: Андреј Георгиев и Драгана Гунин
Актер: Симона Димковска
Кинематограф: Кристијан Караџовски
Монтажа: Дејан Смилевски и Андреј Ристески
Наратор: Мартин Манев
Гласови: Наталија Теодосиева, Илија Волчески, Јанка Лефкова и Благојчо Стојанов

 2. Работилница на тема: Што претставува ГУП и зашто е важен? Инволвирање на граѓаните и интеракција за нови идеи и предлози во насока на планирањето на градот.

3. Дебата на тема „Нов ГУП, нова можност за Скопје?“

Проектот „Создаваме град, градиме иднина!“ го реализира Меѓународно здружение на граѓани Културно Ехо-Скопје во соработка со здружението Ситископ - Скопје во рамки на проектот „Места на дарежливост - трансформативни станици“ на КСП Центар Јадро.

 Проектот Arts Hub е место за  спојување, креативно истражување и изразување, каде што уметниците и сите оние што се заинтересирани да го искусат креативниот процес ќе можат  да ги развијат и надградат своите интереси, знаења и вештини. Arts Hub ќе обезбеди достапен простор за собирање и континуирана работа. На овој начин учесниците  ќе имаат прилика да ги споделат и надградат своите заеднички интереси, како што се визуелнитe уметности, музиката и изведувачките уметности итн.

Главна цел  на проектот  е да се  мотивираат уметниците кои што работат во  различни уметнички дисциплини да ги зголемат своите знаења и вештини во областа на социјално ангажираната уметност, специфичните форми на театар, аудио продукцијата и аудио подкаст, фотографија и видео и  како и тоа да се поттикнат, користејќи го стекнатото искуство низ едукативниот процес  да создадат свои  партиципативни проекти  преку кои ќе имаат импакт во заедницата и ќе делуваат во подигање на свеста за разни социјални  и политички теми и проблеми.

Следствено, проектот ќе ги задоволи потребите за комуникација на проблемите со публиките и  јавноста  преку уметничките проекти во насока на подигнувањето на свеста за проблемите;  мобилизација на уметничката сцена која во соработка со активното граѓанството  ќе создаде партнерства и воспостави отворени врски со групите засегнати од проблематиките што проектите ги таргетираат; охрабрување на разни целни групи  во иднина сами да се борат за каузите во кои веруваат и делуваат, како и да се поттикнат и да започнат да размислуваат како самоиницијативно можат да го подобрат квалитетот на животот во нивните заедници.

Овој проект ќе се стреми кон напуштање на класичните формати на продукција и презентација на уметнички проекти што подразбира активна работа со креативци од повеќе уметнички дисциплини, партиципативност, активно учество на граѓаните и публиката.

The post Презентацијата на проектот  „ Создаваме град, градиме иднина!“ на Културно Ехо  appeared first on Република.

КСП Центар Јадро во рамките на новиот проект Arts Hub, кој ќе го реализираме во приодот 2023/24 година, започнува со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски) ќе можат на своите колеги, пред се помлади и помалку искусни, но и на заинтересираните граѓани од локалната заедница, да им ги претстават своите веќереализирани  проекти и да ги споделат искуствата и лекциите научени од праксата во специфичниот локален контекст. Проследени со прашања и одговори од публиката, овие презентации и разговори, меѓу другото, ќе ги пренесат искуствата и ќе помогнат во  освестување на битните аспекти поврзани со подготовката и реализацијата на проекти и акции базирани на социјално ангажираната уметност

Серијата напрезентации ја започнуваме со презентацијата на проектот „Добро. Подобро, чисто!„ на ЛидијаПајевиќ и Крунислав Стојановски.

“Добро.подобро.ЧИСТО!” е едукативно-уметнички проект кој се реализираше во рамките на проектот „Места на дарежливост -трансформативни станици“. Проектот има за цел да го подигне нивото на јавна свест за еколошките прашања во урбаната средина на градот Скопје и да се поддржи проактивниот однос на поединецот кон општествените предизвици со кои се соочуваме денес.

Преку креативна употреба на фотографскиот медиум и арт - терапија проектот ги охрабрува учесниците не само да го набљудуваат светот околу себе, туку и да култивираат однос на самоистражување заради јакнење на чувството на лична моќ.

Вака осмислен, проектот се реализираше во периодот септември - октомври 2022 преку провеќе активности: фотографирање во екстериер, работилница за цијанотипии, работилница со арт терапија и изложби. Активностите ги спроведуваа Лидија Пајевиќ и Крунислав Стојановски во соработка со гиманзиите “Никола Карев” и “Јосип Броз Тито”.

Проектот Arts Hub е место за  спојување, креативно истражување и изразување, каде што уметниците и сите оние што се заинтересирани да го искусат креативниот процес ќе можат  да ги развијат и надградат своите интереси, знаења и вештини. Arts Hub ќе обезбеди достапен простор за собирање и континуирана работа. На овој начин учесниците  ќе имаат прилика да ги споделат и надградат своите заеднички интереси, како што се визуелнитe уметности, музиката и изведувачките уметности итн.

Главна цел  на проектот  е да се  мотивираат уметниците кои што работат во различни уметнички дисциплини да ги зголемат своите знаења и вештини во областа на социјално ангажираната уметност, специфичните форми на театар, аудио продукцијата и аудио подкаст, фотографија и видео и  како и тоа да се поттикнат, користејќи го стекнатото искуство низ едукативниот процес  да создадат свои  партиципативни проекти  преку кои ќе имаат импакт во заедницата и ќе делуваат во подигање на свеста за разни социјални  и политички теми и проблеми.

Следствено, проектот ќе ги задоволи потребите за комуникација на проблемите со публиките и  јавноста  преку уметничките проекти во насока на подигнувањето на свеста за проблемите;  мобилизација на уметничката сцена која во соработка со активното граѓанството  ќе создаде партнерства и воспостави отворени врски со групите засегнати од проблематиките што проектите ги таргетираат; охрабрување на разни целни групи  во иднина сами да се борат за каузите во кои веруваат и делуваат, како и да се поттикнат и да започнат да размислуваат како самоиницијативно можат да го подобрат квалитетот на животот во нивните заедници.

Овој проект ќе се стреми кон напуштање на класичните формати на продукција и презентација на уметнички проекти што подразбира активна работа со креативци од повеќе уметнички дисциплини, партиципативност, активно учество на граѓаните и публиката.

The post Презентација на проектот „Добро. Подобро, чисто! на Лидија Пајевиќ и Крунислав Стојановски во КСП Центар Јадро appeared first on Република.