Полициски службеници од Оперативен тим потраги при СВР Скопје, Единицата за интервентна полиција при СВР Скопје и Одделението за криминалистички работи при ЕВР Ѓорче Петров, денеска на улица „Ѓорче Петров“ во Скопје го лишиле од слобода лицето О.Е.(26) од село Крушопек, скопско, врз кое имале потерница за извршување на затворска казна.

Од Министерството за внатрешни работи известуваат дека лицето било барано по централна потерница врз основа на наредба на Основен кривичен суд Скопје за издржување казна затвор од шест години за сторено кривично дело Неовластено производство и пуштање во промет на наркотични дроги, психотропни супстанци и прекурсори по член 215 од Кривичниот законик.

Како што нагласија, осомничениот ќе биде спроведен во надлежната казнено – поправна установа за издржување на казната

The post Уапсен маж од Крушопек баран со потерница appeared first on Република.

При претрес во домот на 33-годишен жител на Крушопек, полицијата пронашла 962 грама наркотична дрога – марихуана, како и 19 куршуми со калибар 7,62×39 мм.

Од Основното јавно обвинителство информираат дека јавниот обвинител донел Наредба за спроведување истражна постапка и за ова лице за кое постои основано сомнение дека сторило кривични дела – Неовластено производство и пуштање во промет наркотични дроги, психотропни супстанции и прекурсори од член 215 став 1, како и Неовластено изработување, држење, посредување и тргување со оружје или распрскувачки материи согласно член 396 став 1 од Кривичниот законик.

До судијата на претходна постапка од Основниот кривичен суд Скопје јавниот обвинител достави предлог за определување мерка притвор за осомниченото лице. Со решенија на надлежниот суд на двајцата осомничени им е определена мерка куќен притвор.

The post Жител на Крушопек дома чувал марихуана и куршуми appeared first on Република.