Вчера во 11.55 часот во ОВР Крушево било пријавено дека на ул.„Никола Карев“ во Крушево се случила сообраќајна несреќа во која патничко моторно возило „форд” со крушевски регистарски ознаки, управувано од В.Д.(61) од Крушево, удрило во паркирано „ауди” со крушевски регистарски ознаки.

В.Д. со возило на Итна медицинска помош Крушево била пренесена во Градска болница Прилеп, каде и биле констатирани тешки телесни повреди. Увидот го извршила увидната екипа на ОВР Крушево.

The post Возејќи „форд” удрила во паркирано „ауди”, завршила во болница со тешки повреди appeared first on Република.

Министерот за култура и туризам, Зоран Љутков, вчеравечер се обрати на отворањето на манифестацијата „Десет дена Крушевска Република“, во херојскиот град кој е израз на македонскиот непокор и ризница на македонската култура и традиција.

Пред големиот аудиториум, во духот на идејата за слобода на својата држава на хероите од Илинденското востание и од Народноослободителната борба, министерот Љутков рече: „ Денеска, во пресрет на Илинден, повторно му кажуваме на светот дека Македонија не беше и не ќе биде јалова грутка, за да ја поткршува кој најде и кој ќе стигне. Денеска, на страниците на светското паметење, со гордост запишуваме дека пред сто дваесет и една и пред точно осумдесет години, ние ги избравме и ги испративме најдобрите синови први да ги огрее сонцето на слободата“.

Тој говореше за храброста и за визионерството на војводите и на партизаните додавајќи дека тие, кои биле благословени од Свети Илија, „силно удрија по темнината за да се разбистри погледот пред вечноста и да се види до каде е Македонија“.

„Хероите од Мечкин Камен и од Слива, ни покажаа како се чува слободата, тој најскап идеал на човекот, а ние сме онаа генерација на која ѝ е оставен аманетот – со убавината на сопствената култура и традиција, да ги дочуваме својот идентитет и вековната посебност, како скапоцен влог во мозаикот на светската цивилизација“, рече Љутков, споменувајќи ги сите културни институции што градот Крушево ги има како одек на минатото и потврда за непроценливото богатство на нашата држава.

Честитајќи го Денот на Републиката, министерот Љутков порача: „Силно верувам дека предвидената програма на манифестацијата ’Десет дена Крушевска Република‘ ќе биде нов културен светилник на Балканот, за кој долго ќе се зборува и по кој светот ќе нè препознава, како град и земја што задолжително и со восхит треба да бидат посетени“.

Свеченото отворање на манифестацијата започна традиционално со формирање поворка и доаѓање на коњицата пред столбот на Крушевската Република. Свежо цвеќе беше положено пред бистата на Веле Марков, како и на вечните почивалишта на Питу Гули и на Тоше Проески, пред споменикот на партизанските гробишта и пред Криптата на илинденските востаници.

По церемонијата на читање на Крушевскиот манифест и подигнување на бајракот на Крушевската Република, по свечените обраќања на министерот Љутков, градоначалникот Томе Христоски и пукањето со црешово топче, вечерта продолжи со настапите на „Танец“ и на „Некст тајм“.

Централните настани за празнување на 2 Август се денеска на Мечкин Камен, а манифестацијата „Десет дена Крушевска Република“ ќе трае до 10 август со програма која опфаќа содржини за сите возрасти – претстави и концерти за најмладите, изложби, поетско читање, драмска и филмска програма, концерти од сите жанрови, како и научна конференција со учесници од Институтот за национална историја.

The post Љутков од Крушево: Со култура и традиција го чуваме аманетот за слободна и демократска држава appeared first on Република.

Со подигнување на бајракот на Републиката, со симболично испукување на црешовото топче и со читањето на Крушевскиот манифест, синоќа на Гумење во Крушево свечено беа отворени научно-културните средби „10 дена Крушевска Република“ со што и започна чествувањата за големиот Илинден и 121 година од Илинденското востание и Крушевската Република. На чествувањето покрај повеќе гости присуствуваше и претседателот на владата Христијан Мицкоски.

Потенцирајќи дека заедничкото живеење на сите националности во илинденско Крушево е пример за целокупното живеење во Македонија, крушевскиот градоначалник и претседател на манифестацијата „10 дена Крушевска Република“, Томе Христоским нагласи дека Илинден е голем светилник што го покажува правецот кон сигурната иднина.

Илинден е победа за сите кои движат напред. Денес живееме во држава втемелена на Крушевскиот манифест и Манифестот на АСНОМ. Идеите и вредностите запишани во овие безвременски документи од нашата историја денеска се наша реалност. Илинден е и ќе биде нашата сила за светла, европска иднина за сите граѓани на Македонија. Историјата ги памети тие што се издигнуваат, преземаат, му даваат сила на својот глас, и се решени да донесат одлука. Тие пишуваат историја, историјата ги запишува нив. Илинден е симбол за нашата борба за слобода и човечки правдини - рече Христоски на отворањето на Манифестацијата.

Според министерот за култура и туризам, Зоран Љутков, во пресрет на Илинден, повторно му кажуваме на светот дека Македонија не беше и не ќе биде јалова грутка, за да ја поткршува кој најде и кој ќе стигне.

Денеска, на страниците на светското паметење, со гордост запишуваме дека пред 121 и пред точно 80 години, ние ги избравме и ги испративме најдобрите синови први да ги огрее сонцето на слободата. Хероите од Мечкин Камен и Слива, ни покажаа како се чува слободата, тој најскап идеал на човекот, а ние сме онаа генерација на која ѝ е оставен аманетот – со убавината на сопствената култура и традиција, да ги дочуваме својот идентитет и вековната посебност, како скапоцен влог во мозаикот на светската цивилизација - рече Љутков.

Да се зборува за Крушево значи да се зборува за сопствената историја, традиција и култура. За град музеј, кој изобилува со историски зданија како одек од минатото и потврда за непроценливото културно наследство на нашата држава.

Силно верувам дека предвидената програма на манифестацијата „Десет дена Крушевска Република“ ќе биде нов културен светилник на Балканот, за кој долго ќе се зборува и по кој светот ќе нè препознава, како град и земја што задолжително и со восхит треба да бидат посетени, нагласи министерот за култура и туризам Зоран Љутков со што ја прогласи за отворене, сега веќе националната манифестација „10 дена Крушевска Република“.

На Гумење во предвечерието на празникот се одржаа богата културно-уметничка програма и огномет.

Денес на празникот од 11,30 часот е централното чествување на Мечкин Камен каде ќе се обрати претседателот на владата, Христијан Мицкоски.

The post Отворена манифестацијата „10 дена Крушевска Република“: Илинден е голем светилник, да ги дочуваме својот идентитет и вековната посебност appeared first on Република.

Министерот за култура и туризам, Зоран Љутков, вчеравечер се обрати на отворањето на манифестацијата „Десет дена Крушевска Република“, во херојскиот град кој е израз на македонскиот непокор и ризница на македонската култура и традиција.

Пред големиот аудиториум, во духот на идејата за слобода на својата држава на хероите од Илинденското востание и од Народноослободителната борба, министерот Љутков рече: „ Денеска, во пресрет на Илинден, повторно му кажуваме на светот дека Македонија не беше и не ќе биде јалова грутка, за да ја поткршува кој најде и кој ќе стигне. Денеска, на страниците на светското паметење, со гордост запишуваме дека пред сто дваесет и една и пред точно осумдесет години, ние ги избравме и ги испративме најдобрите синови први да ги огрее сонцето на слободата“.

Тој говореше за храброста и за визионерството на војводите и на партизаните додавајќи дека тие, кои биле благословени од Свети Илија, „силно удрија по темнината за да се разбистри погледот пред вечноста и да се види до каде е Македонија“.

Хероите од Мечкин Камен и од Слива, ни покажаа како се чува слободата, тој најскап идеал на човекот, а ние сме онаа генерација на која ѝ е оставен аманетот – со убавината на сопствената култура и традиција, да ги дочуваме својот идентитет и вековната посебност, како скапоцен влог во мозаикот на светската цивилизација - рече Љутков, споменувајќи ги сите културни институции што градот Крушево ги има како одек на минатото и потврда за непроценливото богатство на нашата држава.

Честитајќи го Денот на Републиката, министерот Љутков порача: Силно верувам дека предвидената програма на манифестацијата ’Десет дена Крушевска Република‘ ќе биде нов културен светилник на Балканот, за кој долго ќе се зборува и по кој светот ќе нè препознава, како град и земја што задолжително и со восхит треба да бидат посетени.

Свеченото отворање на манифестацијата започна традиционално со формирање поворка и доаѓање на коњицата пред столбот на Крушевската Република. Свежо цвеќе беше положено пред бистата на Веле Марков, како и на вечните почивалишта на Питу Гули и на Тоше Проески, пред споменикот на партизанските гробишта и пред Криптата на илинденските востаници.

По церемонијата на читање на Крушевскиот манифест и подигнување на бајракот на Крушевската Република, по свечените обраќања на министерот Љутков, градоначалникот Томе Христоски и пукањето со црешово топче, вечерта продолжи со настапите на „Танец“ и на „Некст тајм“.

Централните настани за празнување на 2 Август се денеска на Мечкин Камен, а манифестацијата „Десет дена Крушевска Република“ ќе трае до 10 август со програма која опфаќа содржини за сите возрасти – претстави и концерти за најмладите, изложби, поетско читање, драмска и филмска програма, концерти од сите жанрови, како и научна конференција со учесници од Институтот за национална историја.

The post Љутков од Крушево: Со култура и традиција го чуваме аманетот за слободна и демократска држава appeared first on Република.

Министерството за внатрешни работи по повод прославата на државниот празник 2-ри Август - Илинден, кој традиционално се одбележува во Крушево, ги известува граѓаните дека поради изведување градежни работи за санација на регионалниот пат Р-1306, делница Прилеп - Крушево, патот е затворен за сообраќај во делот од село Горно Коњари до село Кривогаштани.

За доаѓање на манифестација во Крушево денеска треба да се користат патните правци: Прилеп - Битола - по регионален пат Р1305 до Демир Хисар кон Крушево, и Кичево по регионален пат Р1305 до клучка Сладуево (Демир Хисар) по регионален пат Р1306 до Крушево, посочуваат од МВР,

The post За Илинден до Крушево да се користат патните правци преку Битола и Кичево appeared first on Република.

Директорот на Бирото за јавна безбедност, Александар Јанев денеска заедно со тимот од оперативниот штаб извршиле скенирање на клучните локации во Крушево.

Јанев се сретнал со колегите на терен задолжени за редот и безбедноста, а по повод чествувањето на нациoналниот празник Илинден.

-Им дадов до знаење дека заедничка задача е да обезбедиме достоинствена прослава по повод 121-та годишнина од формирањето на Крушевската Република и Илинденското востание, кога се постави темелот на борбата за независност, објави директорот на БЈБ.

Полицијата во служба на граѓаните, заедно во славењето на нашата историја и во градењето на нашата иднина.

The post Јанев на терен во Крушево: Да обезбедиме достоинствена прослава по повод 121-та годишнина од Крушевската Република и Илинденското востание appeared first on Република.

Министерството за внатрешни работи по повод прославата на државниот празник 2-ри Август, кој традиционално се одбележува во Крушево ги известува граѓаните дека поради изведување на градежни работи за санација на регионалниот пат Р-1306, делница: Прилеп - Крушево, истиот е затворен за сообраќај во делот од село Горно Коњари до село Кривогаштани.

За доаѓање на манифестација во Крушево на ден 01 и 02.08.2024 година треба да се користат патните правци: Прилеп - Битола - по регионален пат Р1305 до Демир Хисар кон Крушево, и Кичево по регионален пат Р1305 до клучка Сладуево (Демир Хисар) по регионален пат Р1306 до Крушево.

The post Известување од МВР доколку за Илинден патувате кон Крушево, има затворени патишта appeared first on Република.

Министерството за внатрешни работи по повод прославата на државниот празник 2-ри Август, кој традиционално се одбележува во Крушево испрати важно известување до граѓаните.

Поради изведување на градежни работи за санација на регионалниот пат Р-1306, делница: Прилеп – Крушево, поради што истиот е затворен за сообраќај во делот од село Горно Коњари до село Кривогаштани, за доаѓање на манифестација во Крушево на ден 01 и 02.08.2024 година треба да се користат патните правци: Прилеп – Битола – по регионален пат Р1305 до Демир Хисар кон Крушево, и Кичево по регионален пат Р1305 до клучка Сладуево (Демир Хисар) по регионален пат Р1306 до Крушево.

The post МВР со известување за сите граѓани кои за Илинден ќе одат во Крушево appeared first on Република.

Единствениот планински град во Македонија, Крушево, осма година по ред ќе го надополни летното уживање со фестивал кој на едно место обединува хуманост, музика, спорт и култура! Оваа година When in Krusevo ќе трае од 5 до 7 јули, а организаторите ветуваат позитивна атмосфера, адреналин, одлична забава и многу љубов.

Целта на фестивалот, како што најавуваат од Организацискиот одбор, е промовирање на крушевскиот живопис полн со природни убавини и спортски актракции, будење на адреналинот и желбата за дружење, промоција на уметноста, историјата, живите традиции на градот и гостопримството кои и тоа како создаваат чувство на топлина, а од оваа година во фокус ќе е инклузијата на социјално ранливите категории на граѓани во Крушево.

Фестивалот започнува во предвечерието на 5 јули, со пријавување и подигање на пакет со маичка, дизајнирана од Зоран Кардула со посвета на најранливите, и производи од спонзорите. Официјалното отварање започнува истиот ден со забава во Градскиот парк со BABURA JUNIOR, додека наредните денови музичката програма ќе ја надополнат ДНК, CYRILLIC, DJ Bapchu, ESTEPHANO, Totsilly, BONO. Целоснота програма може да се погледне на веб страната www.wheninkrusevo.com.mk.

Имаќи предвид дека Крушево го има еден од најдобрите светски параглајдинг терени и е топ светска дестинација за овој вид на адреналински и активен туризам, во фестивалот е вклучено и атрактивното тандем параглајдинг летање од Мечкин Камен.

Меѓу другите адреналински спортови, фестивалот ќе понуди искачување на вештачка карпа, адреналински парк, јавање на коњи, кајак и SUP. За љубителите на планинскиот велосипедизам има тура од 20 километри и планинска велосипедска трка, додека за истражувачите на планинските убавини планинарска тура од 10 километри. Гурманите пак, ќе може да уживаат во дегустацијата на локалните специјалитети на саемот за храна и пијалоци кој ќе се одржи во недела, во склоп на инклузивниот настан за подигање на свеста за социјално ранливите категории кој ќе се одржи благодарение на новите поддржувачи на фестивалот, оние со големо срце и душа кои несебично застанаа позади нашата идеја.

-Бидејќи овој фестивал е од отворен карактер и нема возрасна граница, но има љубов и интересни содржини за секој посетител, истиот претставува силен магнет како за професиналните спортисти и љубителите на адреналински спортови така за уживателите на забави. Но, со се она што го нуди може да го окарактеризираме и како семеен фестивал. Затоа, не ги заборавивме и најмладите и за нив подготвивме детско катче на Крушевското езеро и во Градскиот парк со денска забава, јога и многу детски игр, посочуваат органиозаторите.

Како и секоја година обезбедена е камп зона на Крушевското езеро со сите потребни услови, додека оние кои ќе се одлучат за приватните и хотелските сместувачки капацитети, понудата од соработниците на манифестацијата може да ја погледнат на веб страната www.wheninkrusevo.mk.

Со секоја купена карта се добива попуст до 50 проценти на спортските активности, воедно се обезбедени влезници за Спомен куќата на Тоше Проески, Македониумот како и Галеријата „Никола Мартиновски“. Оваа година фестивалот има и хуманитарен карактер, и од секоја продадена онлајн карта ќе бидат одвоени 100 денари за најмалку едно социјално ранливо семејство од градот.

Картата за ова тридневно авантуристичко дружење во Крушево е 600 денари и може да се купи на продажната мрежа на MK Tickets. Сите подетални информации за фестивалот можете да ги следите на Facebook страна на фестивалот.

The post Фестивалот When In Krusevo – синоним за хуманост и летна адреналинска авантура во највисокиот планински град на Балканот appeared first on Република.

Во 7 часот се отворени четирите избирачки места, по две во општина Долнени и две во општина Крушево каде се прегласува за парламентарните избори во петтата изборна единица. Гласањето почна непречено и без проблеми, потврдуваат од општинските изборни комисии.

Во Крушево се прегласува на по едно избирачко место во населените места Јакреново и Бучин: во Јакреново е избирачкото место 1202, а во Бучин 1194. На двете избирачки места вкупно се запишани 767 жители со право на глас.

Вчера своето право на глас имаа можност да го искористат 26 болни и изнемоштени лица.

Во Долнени се прегласува на две избирачки места (1470 и 1470/1) каде вкупно се запишани 1290 гласачи. Двете избирачки места се во населеното место Дебреште. Вчера беше спроведено гласањето за 9 болни лица.

The post Прегласувањето во Крушево и во Долнени почна навреме и без проблеми appeared first on Република.

Државната изборна комисија го поништи гласањето на уште три избирачки места. Станува збор за избирачкото место 1272 во општина Охрид, и за избирачките места 1194 и 1202, двете во Крушево, по поднесен групен приговор од Коалицијата „Твоја Македонија“, предводена од ВМРО-ДПМНЕ.

Како што посочи претседателот на ДИК Александар Даштевски по извршеното пребројување за избирачкото место 1272 во Охрид, утврдено е дека записникот не е правилно пополнет, има и корекција во делот на гласачи внесени со рачен внес.

Приговорот беше усвоен со еден глас против. „Против“ гласаше потпретседателката на ДИК Дитмире Шеху која укажа дека бројката на гласачи се совпаѓа со бројот на потписи. Таа појасни дека забелешката за резултатите од ова гласачко место всушност се однесува на записникот 16 во делот 4 кој е погрешно пополнет, а тоа е, вели, грешка која ја има речиси кај сите избирачки одбори.

Во Крушево, приговорите за двете избирачки места се усвоени поради несовпаѓање на бројките од записникот со оние од уредот за биометриска идентификација.

ДИК продолжува со разгледување на пристигнатите приговори.

Досега беа разгледани приговорите од Коалицијата „Вреди“ при што беше усвоен еден приговор за избирачкото место 2102 во Желино.

За изборните резултати до ДИК беа поднесени 27 приговори - девет од Коалицијата Вреди, осум од ВМРО-ДПМНЕ, пет од СДСМ и четири од Левица. Претседателот на ДИК Даштевски на седница на ДИК посочи дека станува збор за групни приговори со опфатени повеќе избирачки места.

Според првичните официјални резултати за парламентарите избори што ги објави ДИК, Коалицијата Твоја Македонија предводена од ВМРО-ДПМНЕ има освоено 58 пратенички мандати, по што следуваат Коалицијата Европски фронт предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата ВЛЕН со 13, а Движење ЗНАМ за наша Македонија и Левица по шест пратенички мандати.

The post Ќе се прегласува во Охрид и во Крушево, ДИК усвои приговори за уште три избирачки места appeared first on Република.

Од трите општини во Прилепско – крушевскиот регион до 13 часот најголема излезност има во Крушево каде за претседателските избори гласале 34,78, а за парламентарните 35,69 проценти од запишаните избирачи.

Во општина Кривогаштани процентот на излезност до 13 часот е 25,24 и за претседателските и за парламентарните избори, а во Долнени до 13 часот за претседателските избори правото на глас го искористиле 12,57, а за парламентарните 17,24 проценти од жителите со право на глас.

Изборите во трите општини се одвиваат непречено и без поголеми проблеми, информираат од општинските изборни комисии.

The post Во Крушево до 13 часот излезноста е над 34 проценти, а во Долнени двојно помала appeared first on Република.

Претседателот на Социјалдемократскиот сојуз, Димитар Ковачевски, на вечерашниот митинг во Крушево порача дека ако идејата за независна македонска држава првпат била реализирана во Крушево, тогаш и идејата за Европска Македонија ќе почне токму од таму благодарение на Македонци, Власи и сите други заедници кои живеат во нашата држава.

– Замислете асномците при првата пречка да се откажеле од својата идеја за македонска држава. Замислете нашите претходници во 90-тите да се откажеа од идејата за независна Македонија. Тоа би било исто како ние да се откажеме од идејата за нашата цел, за европска Македонија, рече Ковачевски.

Според него, тоа значи откажување од идејата за подобар живот.

– Затоа СДСМ секогаш била и секогаш ќе биде најсилната партија во Македонија. Партија која не се откажува кога е најтешко, партија која не потклекнува кога се очекуваат тешки одлуки. Сите оние кои мислеле дека ќе не скршат завршиле заборавени од историјата. И затоа никој не треба да помисли ниту на сон дека сега ќе се откажеме, дополни тој.

Ковачевски рече дека се свесни, за, како што наведе „казната во првиот круг на изборите“ и кажа дека пораката е примена.

– Треба да седнеме, да поразговараме за проблемите прво меѓу себе, како што тоа го правиме исто и со граѓаните. И само така ќе можеме да ги оправиме сите грешки и заедно да градиме подобра и по просперитетна иднина за граѓаните, рече тој.

Потенцираше дека резултатот од изборите, не е, како што рече, оној од пред четири дена, туку на 8 мај.

– Знам дека голем број граѓани сѐ уште немаат одлучено кому да му го дадат својот глас. Затоа ги повикувам убаво да размислат кој заслужува да ја води државата. Убаво да размислат дали сакаат да гласаат за или сакаат да гласаат против. Гласањето против не ѝ носи добро на Македонија. Само ако гласаме за, може да одиме напред и да изградиме подобра држава за нашите деца, држава во која и тие ќе сакаат да живеат, рече Ковачевски, повикувајќи ги граѓаните да гласаат за кандидатот за претседател Стево Пендаровски и Коалицијата За европска иднина на Парламентарните избори.

Јован Митрески, носител на кандидатската листа на СДСМ и коалицијата во ИЕ 5, рече дека не се откажуваат од иднината затоа што мнозинството граѓани, како што кажа, сакаат да ја видат Македонија модерна, развиена, без поделби и без меѓуетнички тензии.

-Не смееме да дозволиме младите да бидат жртва на политичари кои сакаат да нѐ вратат 30 години наназад, да не дозволиме поделеноста на етничка основа да биде наша тема во наредните години, рече тој.

Кандидатите нагласија дека ја сфатиле пораката на граѓаните од првиот изборен круг и посочија дека имаат одговорност за иднината на државата.

Ко-носителката и министерка за култура, Бисера Костадиновска Стојческа, истакна дека само СДСМ е партијата која се темели на вистинската социјалдемократска идеја и мисла.

– Сите други само манипулираат со социјалдемократските вредности и уште сега се спремни да ги продадат кај десничарската конзерваторска идеологија. Таму другари нема ништо социјалдемократско, туку само желба да се приберат гласовите од вистинските социјалдемократи и тоа не смееме да им го дозволиме, рече таа.

Кандидатот за пратеник, Митко Трајчулески, од Крушево порача дека СДСМ ќе се бори, како што рече, за најважната битка, да создаде Европска држава.

– Знам дека сѐ уште има граѓани кои се соочуваат со многу проблеми, но, морам и сакам да бидам искрен дека токму обврската да понудиме повеќе и подобро е тоа што нѐ води напред, да продолжиме во вистинскиот правец, рече тој.

The post Ковачевски: Гласањето против не ѝ носи добро на Македонија, само ако гласаме „за“, може да одиме напред appeared first on Република.

Денеска, 26 април, проф. д-р Гордана Сиљановска-Давкова во рамките на кампањата за вториот изборен круг од претседателските избори беше во Крушево.

Во своето обраќање пред граѓаните на Крушево, проф. д-р Гордана Сиљановска-Давкова порача:

Морам да кажам дека тука во Крушево има куќи кои се бисер на македонската архитектура, доказ за нашата историја, тие сведочат дека во нив илинденците мислеле, правеле планови за Македонија. Крушево треба да биде метропола на културата.

Вие Крушевчани има на што да сте горди и вие заслужувате самопочит! Не заборавјате, ако не се самопочитуваме никој нема да не почитува. Мора да го вратиме животот во Крушево, тука има шанси за опстанок.

Ви ветувам дека ќе се опкружам со луѓе од знаење. Но и ви ветувам дека секогаш ќе бидам блиску до вас. Како? Преку народните канцеларии. Народните канцеларии за првпат ги примени поранешниот претседател, господинот Иванов. Мислам дека требаше да останат. Токму преку народните канцеларии јас ќе имам можност честопати да доаѓам овде, да ве видам и да видам на што сте се покажлиле, што сте предложиле. Понатаму, во зависност од тоа дали сметаат граѓаните дека треба нешто да се промени ќе правам список на приоритети кои ќе ги реализирам. Ќе покажам и ќе докажам дека сум тука поради вас, не поради себе.

Крушево е жив културен споменик. Искористете ги луѓето кои уште во меморијата го имаат она што ние го забораваме. Кога ќе се грижиме за споменот на Тоше, кога ќе им оддаваме почит на партизаните, кога нема да ги заборавиме Карев, Питу и останатите, тогаш ќе бидеме горди на Македонија!

Во рамките на денешните активности, професорката Гордана Сиљановска-Давкова на Гумење оддаде почит на гробовите на Питу Гули и партизаните, како и на гробот Тоше Проески, а исто така ја посети и Спомен куќата посветена на него и споменикот Македониум. Во текот на денот, професорката имаше можност и да ги види изложените ракотворби изработени од здруженијата на жени на Крушево, а исто така и да оствари повеќе средби со граѓаните.

The post Сиљановска Давкова од Крушево порача: Крушевчани имаат на што да бидат горди! Ќе покажам и ќе докажам дека сум тука поради граѓаните, не поради себе! appeared first on Република.

Кандидатот на СДСМ за претседател на Македонија, Стево Пендаровски, по големиот пораз во средата, денеска ја продолжи кампањата со средба со жителите на Крушево.

„Борбата почнува од нула, како да немало прв круг“, рече Пендаровски пред крушевчани негирајќи ги обвинувањата на опозицијата дека ќе го бојкотира вториот круг од претседателските избори.

„Дали е логично да дојдам јас во Крушево, ако мислам да бојкотирам? Јас мислам со сите вас да победам! Кој сака нека бојкотира, ниту сум бојкотирал 2014-та, ни 2019-та, ни 2016-та, ни оваа 2024-та нема да бојкотирам. Тие нека му ја мислат за крајниот резултат. Ние сите го знаеме и наместо бојкот ние ќе прославуваме’, истакна Пендаровски.

The post Пендаровски во Крушево: Не мислам да бојкотирам туку да победам appeared first on Република.

Уапсен 73-годишен крушевчанец во чиј дом полициски службеници завчера пронашле оружје и дрога. Тој бил приведен во полициската станица Прилеп и против него ќе бидат поднесени соодветни пријави, информираат од МВР.

На 15.04.2024, полициски службеници од ОВР Крушево го лишиле од слобода крушевчанецот В.Ц.(73). При претрес во неговиот дом во с.Кошино, општина Долнени, извршен со судска наредба, биле пронајдени и одземени при што одземени пиштол, рамка со куршуми, марихуана, грутчеста материја, пари во различни апоени и други предмети за кои постои сомнение дека потекнуваат од кривични дела, соопштуваат од полицијата.

Лицето било приведено во Полициската станица Прилеп и по целосно документирање на случајот, против него ќе следуваат соодветни пријави.

The post Уапсен 73-годишен од Крушево, во неговиот дом пронјадени оружје и дрога appeared first on Република.

„Од очите на луѓето заклучив дека има многу желба, многу емоција, мобилизација што е многу важно и свесност за моментот кој што е пред нас и предизвикот кој што е пред нас бидејќи ова не се обични избори“, истакна претседателот на ВМРО-ДПМНЕ, Христијан Мицкоски од митингот во Крушево.

Кога велам дека се ова многу значајни избори навистина мислам. Многу значајни избори за иднината на Македонија како држава, онаква каква што сакавме да биде, појасни тој.

Мицкоски додаде дека го дава својот збор пред граѓаните дека треба само во едно да бидат сигурни, а тоа е дека нема во Македонија да биде како до сега.

За да не биде како до сега каде што Македонија е украдена од страна на една мала група луѓе, петмина дел од раководството на ДУИ, и неколкумина нивни измеќари од СДСМ. Ова го потенцирам свесен дека уште кратко време ќе биде градоначалник од СДСМ овдека во Крушево и очекувам во 2025-та година да настане таква промена и да се случи. Се обидувам на сите настани да се обратам и до оние кои што во минатото го дале својот глас и на СДСМ или на оние малкумина кои што се уште се дел од структурата на СДСМ или ги поддржуваат политиките на СДСМ. На овие избори јасен е победникот, на овие избори победникот ќе биде Коалицијата предводена од ВМРО-ДПМНЕ „Твоја Македонија“. А, следниот претседател ќе биде професорката Гордана Силјановска Давкова“, нагласи Мицкоски.

Тој посочи дека на овие избори покрај оваа основна цел, другата задача и цел ќе биде конечно Али Ахмети и ДУИ да се испратат во политичка пензија.

Многумина од раководството на ДУИ ме обвинуваат дека сум бил анти Албанец, дека сум бил ксенофоб. Зошто? Затоа што сум зборувал гласно за криминалот на овие луѓе. И не зборам за сите членови и симпатизери на ДУИ туку зборувам за неколкумина кои што се дел од раководството и кои што изминативе повеќе од две децении се дел од власта во Македонија и ја ограбуваат, засрамуваат и понижуваат Македонија“, рече лидерот на ВМРО-ДПМНЕ.

„Ајде да зборуваме за реалноста, дали тие луѓе имаат привилегија, ако го нападнеме криминалот кој што го прават овие две децении па и повеќе, дека тие имаат монопол врз албанската етничка заедница. Криминалот нема етничка припадност, или си криминалец или не си. Ајде да ги прашам гласно од овде од Крушево дали кога гореа оние невини луѓе во модуларната болница, гореа и Македонци и Албанци, гореа за тоа што јас гласно зборувам за криминалот на ДУИ или заради неспособноста на тие перјаници на ДУИ кои што директно кумуваа на тоа да се случи“, праша Мицкоски.

Тој запраша дали оние кои што умираа во Ласкарци и од „Беса транс“ во близина на Софија имаа етничка припадност, па едните умираа, а другите не. „Не, сите за жал го загубија животот затоа што системот каде што има раководни лица од ДУИ не функционираа“.

За жал, функционира системот на мито, кеш, и евро повеќе народни пари во џебот. Дали парите во буџетот имаат етничка припадност кои што ги крадат па ајде сега ќе крадеме малку од Македонците, па сега ќе крадеме малку од Турците, па малку од Власи итн. Не, кога се краде се краде од сите. И затоа денеска се полнат автобусите и во Гостивар, и во Тетово, и во Кичево, исто како во Скопје, во Прилеп, во Струмица, во Гевгелија, со млади луѓе кои што ја напуштија Македонија затоа што нема перспектива, затоа што не донесоа живот и општество за сите, затоа што не ја говореа вистината и манипулираа со граѓаните во Македонија“, рече Мицкоски.

Тој нагласи дека по изборите доаѓа ново утро каде што Македонија ќе биде повторно горда со претседателка Гордана Силјановска Давкова и влада предводена од ВМРО-ДПМНЕ.

The post Мицкоски: Од ДУИ ме нарекуваат анти Албанец и ксенофоб затоа што гласно говорам за нивниот криминал appeared first on Република.

Кандидатот за претседател Стево Пендаровски во првиот ден од кампањата се сретна со граѓаните на општините Кривогаштани и Крушево.

На средбата во Кривогаштани, Пендаровски посочи дека во последните пет години државата оди напред и дека мора така да продолжи и во следниот период, затоа што само така ќе успееме како држава да ги задржиме младите дома.

Пендаровски пред присутните потсети дека во изминатиот период по ниедна основа ги нема делено граѓаните и дека така ќе продолжи и во иднина.

„Никогаш не сум ги делел луѓето на наши и ваши, сите сте мои сограѓани. Во првиот мандат бев претседател за сите и на сите граѓани. Во вториот мандат ќе бидам повторно претседател кој не дели, туку обединува“ порача Пендаровски.

Во Крушево, пред бројните граѓани, Пендаровски порача дека во последните пет години се исполнува аманетот од Крушевскиот манифест заеднички да ја градиме државата како модерна европска држава.

„Крушево е столбот на државата, коренот на државата. Овде е направена Крушевската Република, оттука тргнува идејата за заедништво. Крушевскиот манифест ден денеска е модел по кој сите ние се носиме и немаме намера да менуваме, освен неколкумина од опозицијата“ порача Пендаровски додавајќи дека во главната опозициска партија нема никаква промена, дека таму се уште се истите ликови, истата матрица.

Пендаровски, првиот ден од кампањата го заокружува со централен настан во Прилеп.

The post Пендаровски со граѓаните на Кривогаштани и Крушево appeared first on Република.

Со Манифест за Македонија Максим Димитриевски ќе ја бара поддршката и довербата од граѓаните на претстојните претседателски избори.

Тој денеска пред Македониумот во Крушево ја промовираше претседателската програма насловена како МАНИФЕСТ ЗА МАКЕДОНИЈА.

Истовремено беше промовиран и слоганот на неговата кампања „МАКСИМУМ ЗА МАКЕДОНИЈА“.

Не случајно почетокот на мојата кампања за претседател на Македонија почнува од Крушево, кој како град има исклучително историско значење за нас како народ и држава. Движењето ЗНАМ – За наша Македонија е формирано и почива токму на темелите на Крушевската Република и АСНОМ. Затоа Програмата со којашто ќе настапам ја нарековме Манифест за Македонија, како континуитет на Крушевскиот Манифест – рече Димитриевски пред мнобројните граѓани.

Само со МАКСИМУМ напори, макотрпна работа и остварување на целите, од сите нас заедно и секој поединечно, со ум и со разум, додаде тој, Македонија може да стане држава каква што посакуваме.

Со личен пример ќе мотивирам, поттикнувам и придонесувам секој граѓанин да го даде својот МАКСИМУМ. Македонија е пред раскрсница. Македонија е пред клучна одлука, Македонија мора да биде земја на среќни и задоволни граѓани Македонија, мора да гради пат кон иднината. Јас го ЗНАМ вистинскиот пат. Затоа ги повикувам граѓаните по Илинден и АСНОМ да се вклучат во Изборното востание. Би сакал да Ви презентирам дел од мојта програма за Претседателските избори – рече Димитриевски.

Таа е, како што додаде, базирана на пет стратешки начела и на пет, приоритети во првите 200 дена од преземањето на претседателската функција:

Начело број 1 – Единствени во надворешната политика

– Ќе ја зајакнам улогата на претседателот во надворешните односи, кој, согласно Уставот, ја претставува државата

– Ќе ја претставувам државата достоинствено и доследно;

– За мене најважни се националните интереси, како основа на надворешната политика

– Во ЕУ да. Но со заштита и почитување на националните интереси т.р гордо и достоинствено.

– Ќе придонесувам, низ дијалог и аргументи, за постигнување висока согласност за стратегија за надворешната политика и пристапувањето во ЕУ.

– Ќе ги продлабочувам односите со ЕУ, НАТО и странските партнери, засновани на јасната гео-политичка ориентација;

– Целосно ќе се ангажирам, во дијалог со државите членки на ЕУ за отстранување на блокадите во евроинтеграцискиот процес, преку градење доверба заснована на кредибилни, реални и видливи реформи дома

– Ќе ги развивам односите со сите соседни држави и со државите од регионот, засновани на спроведување на договорите на база на реципроцитет со добра волја од сите страни;

– Ќе поднесувам иницијативи за заеднички настап на државите од регионот за членство во ЕУ и пристап до европските фондови

– Ќе работам на интензивирање и зајакнување на улогата на Македонија на глобалната сцена, која брзо се менува.

Начело број 2 – Глас на разумот и обединувањето

– Ќе поттикнувам и одржувам редовен, конструктивен и аргументиран дијалог со политичките субјекти за да постигнеме разбирање и согласност за клучните цели на државата – во надворешната и внатрешната политика;

– Ќе развивам дијалог со граѓанскиот сектор и НВО

– Ќе работам на суштествен развој на меѓуетничките односи и реален соживот во Македонија

– Постојано ќе го поттикнувам унапредувањето на темелните вредности во општество, кои се вредностите и на ЕУ

– Ќе се залагам за солидарно општество,со почитување на слободите и правата, без дискриминација, со развиена демократија и владеење на правото

– Ќе работам на вклучување на сите интелектуални и независни сили во македонското општество за нивен плодотворен придонес во развојот.

– Почитувајќи го и придонесувајќи за принципот на рамнотежа на властите, ќе имам активни односи и соработка со Собранието и Владата.

Начело број 3 – Поцврсти во одбраната и безбедноста

Можеби ќе ве интересира
„МАКСИМУМ ЗА МАКЕДОНИЈА“ Кампањата на ЗНАМ започнува утре…

– Како врховен командант, ќе работам на зајакнување на капацитетите на македонската армија;

– Ќе ги вложам сите напори за да се валоризира нашето членство во НАТО и да се унапредува нашата улога;

– Во време на зајакнати хибридни закани и предизвици во глобални рамки, ќе ја јакнам улогата на Агенцијата за разузнавање во заштитата на националната безбедност на државата;

– Советот за безбедност под мое раководство ќе биде активен субјект во одбраната и во превенирањето на заканите кон безбедноста на државата.

Начело број 4 – Силни институции за заштита на граѓанинот и државата

– Неопходен е пресврт во нашиот однос кон институциите, нивно ослободување од политиката, комплетна департизација

т.е ќе се залагам за интегритет, стручност и професионалност на институциите.

– Ќе именувам и ќе давам предлози согласно моите уставни и законски надлежности, само врз основа на заслуги, стручност и интегритет;

– Моите предлози за членови на Уставниот суд и на Судскиот совет ќе бидат издржани со личности со реноме во фелата и јавноста;

– Ќе ја поддржувам независноста и развивањето на капацитетот на независните и регулаторните тела.

Начело број 5 – Вклученост и одговорност

-За одредени прашања,одлуките ќе ги донесувам по консултација со експерти и граѓанската заедница;

– Ќе обезбедам транспарентност и јавност на своето дејствување како Претседател на Републиката;

– Ќе се залагам за отчетност и одговорност на носителите на јавните функции, како основа за искоренувањето на корупцијата;

– Ќе инсистирам на одговорност на носителите на јавни функции, односно ќе се држам до начелото дека правдата мора да е еднаква за сите.

– Дозволете ми да Ви ги соопштам и моите пет приоритети и активности во првите двесте дена од преземањето на функцијата Претседател на Македонија – додаде Димитриевски.

Приоритет број 1

Во првите 100 дена, во интерес на побрза европска интеграција, ќе инсистираме на формирање специјален експертски ЕУ тим кој ќе започне преговарачки процес за адаптација на преговарачката рамка во согласност со реалните внатрешни општествени околности во врска со историските прашања кои ги оспорува нашиот источен сосед, а се директно поврзани со генезата на македонскиот национален идентитет.

Приоритет број 2

Во првите 100 дена ќе инсистираме на формирање специјален правен тим кој ќе се посвети на основните европски модалитети за спроведување на меѓународното право преку имплементација на пресудите на Европскиот суд за човекови права од Стразбур, кои се однесуваат на неправедните одлуки на властите во Република Бугарија кон македонските организации, а кои се од суштинска важност за одржување добрососедски односи.

Приоритет број 3

Во интерес на зајакнување на меѓусебната доверба и унапредување на билатералните односи со соседна Република Бугарија, во првите 200 дена ќе предложиме уставни измени за внесување на Хрватите, Црногорците и Бугарите во преамбулата, со одложена правна важност, кои ќе стапат на сила во истиот момент кога Република Македонија ќе стане полноправна членка на Европската Унија.

Приоритет број 4

Отворање на дијалог за евентуални предлози за уставни измени кои би се однесувале на бришење на формулацијата „јазикот кој го говорат 20 %“ и менувањето на сегашниот начин на избор на Претседател на Републиката, за мене се неприфатливи бидејќи ги подриваат фундаментите на кои почива Охридскиот рамковен договор за кој сметам дека е 100 посто реализиран.

Приоритет број 5

Во првите 100 дена ќе предложиме Национална Стратегија за борба против корупцијата. Во таа насока изразувам подготвеност да дискутираме за правните модалитети за промена на Уставот во насока да се спречи апсолутната застареност на кривични дела сторени од избрани и именувани функционери во законодавната, извршната и локалната власт.

Сметам дека е неопходно, заради обезбедување на правна сигурност, еднаквост пред законите и неселективна правда, во следниот парламентарен состав да се отвори прашањето за законски промени за избор на Јавен обвинител на Република Македонија. Наместо на предлог на Владата, истиот да се избира со двотретинско мнозинство на предлог на опозицијата, со мандат од 6 години – рече Димитриевски.

The post Максим Димитриевски ја почна кампањата од Крушево каде што го промовираше „Манифестот за Македонија“ appeared first on Република.

Најниска температура од -5 степени Целзиусови утрово е измерена во Крушево. Следат Маврови Анови и Струмица со -4 степени, -3 Берово, Демир Капија, -2 Битола, Прилеп, Претор, -1 Охрид, Штип, Крива Паланка, 0 Скопје-Петровец, Виница, Кавадарци, Гевгелија, 1 Тетово, Дебар, Куманово, 2 Скопје-Зајчев Рид, Дојран и 3 степени Велес.

Висината на снежната покривка во 7 часот изнесува 10 сантиментри во Маврови Анови, 6 Крушево, 4 Попова Шапка, Дебар и 2 сантиметри во Тополчани.

Времето денеска променливо облачно со сончеви периоди. Ќе дува умерен, а наместа долж Повардарието повремено засилен ветер од северен правец. Максималната температура ќе биде во интервал од 2 до 11 степени.

Во Скопје променливо облачно со умерен до засилен ветер од северен правец. Максималната температура ќе достигне 8 степени.

The post Најстудено утрово во Крушево appeared first on Република.