Во средата во 18.20 часот во СВР Скопје од КПУ Затвор-Идризово било пријавено дека околу 17.00 часот во канцеларија на полуотворено одделение во установата осудените лица В.К.(20) од Дебар, А.З.(21) од Скопје и А.А.(27) од с.Сарај,скопско, со тврди предмети искршиле дел од инвентарот.

Од МВР велат дека се работи на расчистување на случајот.

The post Затвореници дивееле и кршеле во канцеларија на „Идризово“ appeared first on Република.

Вчера во 09.55 часот во Тетово на градскиот плоштад, полициски службеници од СВР Тетово ги лишиле од слобода Х.Џ.(34), М.Џ.(33) и Ѓ.К.(41), трите од с. Пирок, тетовско.

Тие во СВР Тетово биле пријавени од М.Ф.(54) и З.Ф.(70) од с. Мала Речица дека околу 09:00
часот, додека биле во нивниот угостителски објект агресивно се однесувале кон нив и физички ги нападнале, користејќи и тврд предмет, а го оштетиле и инвентарот на угостителскиот објект.

Трите жени биле задржани во полициска станица и по документирање на случајот ќе следува соодветен поднесок, информираат од СВР Тетово.

The post Три жени кршеле во угостителски објект, ги нападнале и газдите appeared first on Република.

Ноќва во 02.00 часот, полициски службеници од СВР Куманово го лишиле од слобода Д.А.(25) од Куманово.

Тој бил затекнат на булеварот „Трета македонска ударна бригада“ како врши оштетување на паркирано патничко возило, велат од МВР.

Додаваат дека по целосно документирање на случајот против Д.А. ќе следува соодветна пријава.

The post Кумановец фатен на дело како крши паркирано возило appeared first on Република.

Пуштени се од притвор двајцата општински службеници во Благоевград и нивните сопруги кои го вандализираа македонскиот клуб во градот. Притоа не е поднесена пријава, јавува бугарската телевизија Нова.

Јас сум иницијаторка за тоа што се случи. Ова не е вандалски чин. Ја покажавме нашата длабока огорченост и незадоволство од случувањата на бугарско-македонската граница. Нашата држава беше понижена од РМ – изјавила за телевизијата Људмила Костадинова, една од сторителите.

Костадинова била кандидатка за градоначалничка на Благоевград на последните два циклуси локални избори.

Двајцата мажи пак, вработени во јавното претпријатие „Озеленување“ во општината Благоевград велат дека го делат мислењето на иницијаторката Костадинова и дека се приклучиле на чинот.

Требаше да се покаже дека сè уште има будни Бугари кои се заинтересирани за нашата земја – рекол Николај Иванов, еден од нив.

Вчера градоначалникот на Благоевград изјави дека ќе ги казни сторителите за вандализирањето кога ќе бидат казнети цариниците во Македонија, кои, според него, „предизвикале ментално и физичко насилство врз многу Бугари“.

The post Уште се силат: Пуштени од притвор, нема ни пријава за лицата кои го искршија македонскиот клуб во Бугарија appeared first on Република.

Момче од Скопје правело проблеми во угостителски објект во Центар, поради што било приведено во полициска станица.

На 13 јануари 2023 во 19.50 часот, полициски службеници од Единицата за интервентна полиција при СВР Скопје го привеле М.Ж.(23) од Скопје затоа што во угостителски објект на ул.„Пролет“ се однесувал агресивно и оштетил дел од инвентарот. Притоа, кај него биле пронајдени два боксирачи, информираат од МВР.

Оттаму додаваат дека лицето било задржано во полициска станица и по целосно документирање на случајот, против него ќе биде поднесен соодветен поднесок.

The post Со боксирачи кршел во угостителски објект: Уапсено 23-годишно момче од Скопје appeared first on Република.

Ноќва во 01.20 часот во Трговски центар на улица „Илинденска“ во Гостивар, полициски службеници од ОВР Гостивар ја лишиле од слобода
М.О.(37) од Скопје затоа што го нарушила јавниот ред и мир со оштетување инвентар во угостителски објект.

Како што соопшти СВР Тетово, таа била задржана во Полициска станица за понатамошна постапка, по што ќе следи и соодветен поднесок.

The post Уапсена жена што ноќва кршела и дивеела во клуб appeared first on Република.