Министерството за здравство остро реагира на соопштението на ВМРО-ДПМНЕ преку кое партијата шири несигурност и паника меѓу граѓаните како и меѓу здравствените работници.

Министерството за здрвство и сите здравствени иституции навремено и професионално одговорија на појавувањето на треската. Секојдневно транспарентно ја информираме јавноста за состојбата со пациентите и за изолираните контакти кои се под лекарски надзор. Лага е дека надлежните не ги преземаат сите мерки како би се спречило ширење на заразата како и дека се шири треската. Нашите здравствени работници го даваат максимумот да одговорат на потребите на пациентите, се вели во реакцијата на МЗ.

https://republika.mk/vesti/makedonija/dodeka-vlasta-se-odmara-se-shiri-treska-koja-ja-prenesuvaat-krlezhi/

ВМРО-ДПМНЕ да престане со празни, неосновани соопштенија да се обидуваат да шират страв меѓу граѓаните. Тоа е неодговорно и ниско ниво на политичка манипулација на чувствителни теми, додаваат од МЗ во реакцијата.

The post Министерството за здрaвство и сите здравствени иституции навремено и професионално одговорија на појавувањето на треската appeared first on Република.

Седма година од власта предводена од ДУИ и СДС и нула грижа за граѓаните. Здравствените власти евентуално го вклучуваат алармот само ако има починато лице. Срамно! Почина лице од конго кримска хемогарична треска и вообичаена реакција од надлежните се е под контрола. Се зарази вработена на Инфективната клиника. И повторно се е под контрола. Или 40 лица се под здравствен надзор кои имале контакт со заразената, oбвинува ВМРО-ДПМНЕ.

И се така во круг. Ништо не сопира, ништо не кнтролираат. Секојдневно сме сведоци само на лаги!Зошто? Затоа што информациите велат дека сите кои биле во контакт со вработената на Инфективна клиника одат на работа.Комисијата за интра хоспитални инфекции на Клиниката е на одмор, на Клиниката нема директор, никој не знае каде е. Државниот санитарен и здравствен инспекторат едвај покажува знаци на живот. Заклучок. Вообичаено ништо не функционира, Владата на ДУИ и СДС реагира само на местење тендери, за крадење на народот, длабоко е во корупција и криминал. Човечкиот живот за нив не вреди. Ова може да го сопрат само граѓаните! Само избори се спас!

The post Додека власта се одмара се шири треска која ја пренесуваат крлежи appeared first on Република.

Шест години откако беше откриен во Кина, вирусот Алонгшан (ALSV) кој го носат крлежи сега се шири низ поголемиот дел од Европа, соопштија германски експерти.

Како што пренесе ДПА, вирусот, кој не е поврзан со никакви сериозни болести кај луѓето, е пронајден кај крлежи во Финска, Франција, Русија, Швајцарија и сега во Германија, потврди Центарот за медицина на патување(ЦРМ) во Дизелдорф.

Истражувачите од Универзитетот за ветеринарна медицина (ТИХО) во северниот германски град Хановер пронајдоа докази за пренос на ALSV преку крлежи на диви животни, односно елени во северозападната германска покраина Долна Саксонија.

Научниот директор на ЦРМ Томас Јелинек изјави дека неодамнешните благи зими и потоплите лета им одат во корист на инстектите.

Сепак, ALSV во моментов не е поврзан со ништо полошо од симптоми слични на грип.

Најчеста болест која се пренесува преку крлежи во Европа е Лајмската болест, која може да се лекува со антибиотици во раните фази. Раниот летен менингоенцефалитис (ФСМЕ) е исто така особено распространет во многу области, но може да се вакцинира против него.

The post Низ Европа се шири новооткриен вирус кој го пренесува крлеж appeared first on Република.

Вирусот што ја зафаќа Европа, Африка и Блискиот Исток и се стравува дека е најголемата нова закана за јавното здравје, Кримско-конгонската хеморагична треска (CCHF) избувна во Ирак и Намибија, а смртни случаи досега се пријавени во Шпанија. Експертите стравуваат дека е на дофат на Велика Британија. Поради ова, тие издадоа итно здравствено предупредување во таа земја, се стравува дека на ширењето на вирусот дополнително ќе влијаат климатските промени.

Болеста се шири сод крлежи, предизвикана од наировирусот и, според Светската здравствена организација (СЗО), има стапка на смртност меѓу 10 и 40 проценти. Џејмс Вуд, шеф на ветеринарниот оддел на Универзитетот во Кембриџ, рече дека CCHF може да го најде својот пат до ОК со помош на крлежи. Постои страв дека болеста забрзано се шири, потпомогната од климатските промени. Најистакнатите симптоми на вирусот се главоболки, висока температура, болки во грбот и зглобовите, абдоминална болка и повраќање. Често се појавуваат и црвени очи, црвенило на лицето, црвено грло и црвени дамки, т.н. петехии, на непцето.

Како што болеста напредува, може да се забележат големи модринки, сериозно крварење од носот и неконтролирано крварење на местата на каснување, а овие симптоми започнуваат околу четвртиот ден од болеста и траат околу две недели. Во досега потврдените случаи на инфекција со CCHF, стапките на смртност кај хоспитализираните пациенти се движеа од девет проценти до дури 50 проценти. Долгорочните ефекти на CCHF инфекцијата не се доволно добро проучени кај преживеаните за да се утврди дали постојат специфични компликации. Сепак, веќе е јасно дека закрепнувањето оди бавно.

Според СЗО, преносот од човек на човек може да се случи преку крвта, секретите и другите телесни течности на заразените лица.

Она што загрижува е фактот што во моментов нема достапна вакцина ниту за луѓето, ниту за животните заразени со оваа болест. CCHF се пренесува на луѓето преку каснување од крлеж или контакт со заразена животинска крв или ткиво веднаш по колењето. Домаќините на овој вирус вклучуваат широк спектар на диви и домашни животни како говеда, овци и кози.

The post Се пренесува од крлежи: Нов смртоносен вирус „хара“ низ Европа, еволуираше со климатските промени appeared first on Република.