Хрватскиот портал „24 сата“ објави вознемирувачко видео од тепачка во ноќниот клуб „Оникс“ на Крк.

Се вели дека снимката морала да се скрати поради бруталноста, но на неа се гледа како обезбедувачите тепаат четворица млади момчиња од Словенија, а еден од нив лежи онесвесте во локва крв додека некој го врти за да не се задуши.

Во позадина се гледа лице од обезбедувањето кое нокаутира млад човек во бела кошула со два удари.

Страшно е тоа што им го направија. Тепајќи ги така… Па, му го отворија черепот на момчето. Тие треба да ги заштитат луѓето и на крајот да ги исфрлат оние што предизвикуваат неред, а не ова – изјави шокирана читателка за тој портал.

Друг читател кој исто така случајно се нашол во тој ноќен клуб вели дека „младите момчиња ги однела брзата помош“ и дека „лицата им биле деформирани од ударите што ги добиле“.

Биле тепани и додека биле во несвест. Се надевам дека ќе одговораат за ова – додаде тој читател на хрватскиот портал „24 сата“, кој тврди дека обезбедувањето не било пронајдено во клубот кога дошла полицијата таму.

Од полициската станица Крк го потврдија инцидентот во „Оникс“ што се случи ноќта меѓу петокот и саботата.

Од полицијата во Риека за порталот Индекс изјавиле дека „четворица странски државјани, Словенци, се повредени и пренесени во КБЦ Риека“.

Тие во меѓувреме се пуштени од болница, но сѐ уште трае кривичната истрага за да се утврдат сите околности на овој настан – потврдиле од полицијата во Риека за хрватскиот портал.

https://www.youtube.com/watch?v=X4zzE6lB0kI&t=3s

The post Обезбедување крвнички претепа четворица Словенци во клуб во Крк: „Му го отворија черепот“ appeared first on Република.

На комуналното претпријатие на хрватскиот остров Крк „Вецла“ му е овозможено да воведе систем за наплата на тушевите на јавните плажи, пренесува „Нови лист“. На овонеделната седница членовите на Градскиот совет на градот Крк расправале за предлогот на Одлуката за давање согласност на Општите услови за давање на услугата користење на јавни туш кабини на градските плажи.

Таа одлука и овозможи на компанијата „Вецла“ да воведе систем за наплата на тушеви на јавните плажи, по цена од 20 центи за половина минута туширање, пренесува хрватски „Индекс“.

Како што изјави пред советниците директорот на „Вецла“ Данко Милониќ, летово во колекторските системи ќе бидат вклучени шест тушеви на градските базени. Како единствена и ексклузивна причина за враќање на наплатата, тој го наведе големиот скок на потрошувачката на вода.

Туш кабините сега ќе бидат опремени со уреди кои секоја нивна употреба ја регистрираат кај надлежните институции, а наплатата нема финансиски или профитабилен мотив, туку само желба да се намали непотребната и неконтролирана потрошувачка на вода, а со тоа и да се загрози животната средина, рече Милониќ.

The post На оваа плажа ќе се наплаќа 12 денари за туширање од пола минута appeared first on Република.

Според првите информации од ЕМСЦ, земјотресот бил со јачина од 5,2 степени.
Земјотресот е регистриран на длабочина од 10 километри на островот Крк во 9 часот и 47 минути.

Тресењето на земјата се почувствувало низ целата земја, вклучително и во Загреб, каде се нишаа зградите. Иако според ЕМСЦ земјотресот бил 5,2 хрватските сеизмолози наведуваат дека земјотресот бил со јачина од 4,8 степени.

Да потсетиме, во декември 2020 година, разорен земјотрес со јачина од 6,4 степени според Рихтеровата скала ја уништи Петриња.

The post Земјотрес со јачина од 5,2 степени на островот Крк во Хрватска appeared first on Република.

Поранешниот американски кошаркар и ѕвезда на НБА-клубовите Орландо, Л.А. лејкерс и Мајами хит, Шекил О'Нил популарниот диџеј Дизел на 14 јули доаѓа на хрватскиот остров Крк и ќе гостува во новиот клуб „Дијамант“.

Шек има издадено и неколку рап-албуми паралелно со неговата спортска и филмска кариера, а првиот, насловен „Шек Дизел“, објавен 2003 година, е продаден во над милион примероци и го достигна 25-то место на „Билборд топ-листата“.

Билетите за настапот на диџеј Дизел следниов месец, се достапни и на интернет.

The post Шекил О‘Нил ќе пушта музика на хрватскиот остров Крк appeared first on Република.