Под кој камен беше сокриен Венко Филипче во септември 2023 година, прашува адвокатот Јанаки Митровски, реагирајќи на изјавата на лидерот на СДСМ Венко Филипче, дека тогашната власт предводена од неговата партија погреши кога ги гласаше измените на Кривичниот законик, коишто доведоа до намалување или застарување на казните на голем број функционери обвинети за злоупотреби.

https://republika.mk/vesti/makedonija/filipche-prizna-zgreshivme-so-izmenite-na-krivichniot-zakonik/

Секако да се запраша човек каде беше Венко Филипче во септември 2023 година? Под кој камен беше сокриен? Во состојба на хибернација ли беше? Онеме ли, па некој го спречи да крене глас тогаш од позиција на член на владеачка партија кога тоа ќе вредеше многу повеќе, отколку сега како претседател на грогираниот СДСМ? Не сметаше ли тогаш дека измените во Кривичниот законик кои значат амнестија за државните криминалци е грешка?!, прашува Митровски.

The post Митровски: Под кој камен беше сокриен Венко Филипче во септември 2023 година?  appeared first on Република.

Признанието дека сте погрешиле со Кривичниот закон, кој така жолчно го браневте и сите ги правевте будали, е ко да признаете дека 30 години сте нè убиле од крадење, му порача активистот Ивор Мицковски на лидерот на СДСМ Венко Филипче, кој на денешната прес-конференција призна дека минатата влада предводена од неговата партија погрешила со изгласувањето на измените на Кривичниот законик.

https://republika.mk/vesti/makedonija/filipche-prizna-zgreshivme-so-izmenite-na-krivichniot-zakonik/

Тоа нема да го признаете ама исти курац, и со ваше признание и без ваше признание, направивте непоправливи катастрофи кои не можат да се сменат, подобрат или оправат.
Сега, нема перење, како и народот, ќе си живеете со последиците, кои ете во најмала рака, нема да ви бидат кривични, му порача Мицковски.

The post Мицковски до Филипче: Ко да признавте дека 30 години сте нè убиле од крадење appeared first on Република.

Премиерот Христијан Мицкоски денеска му одговори на лидерот на опозициската СДСМ, Венко Филипче во врска со барањето за носење нов Кривичен законик, нагласаувајќи оти нов КЗ ќе се донесе, но по европски стандарди, а не по нечии потреби.

https://republika.mk/vesti/makedonija/filipche-prizna-zgreshivme-so-izmenite-na-krivichniot-zakonik/

Мицкоски одговарајќи на новинарски прашања на настанот на одбележаа 102 години постоење на Стопанската комора нагласи дека не е против нов Кривичен законик, но го праша Филипче што ќе се прави со овие дела кои застареле и за кои граѓаните бараат отштета.

Велат сработиле нов Кривичен, но што правиме со оние дела кои застареа и за кои граѓаните плаќаат отштета, за тие дела што застареле ќе вратат ли од украдените пари, бидејќи сега имате дела кои застареа и врз основа на тоа тие бараат отштета и добиваат од буџетот на државата. Тоа се милиони евра, тоа се ваши пари. Еве нека извадат од џеб и нека продадат дел од својот имот, а Бога ми го имаат, голем е имотот на поранешните функционери од СДСМ и нека врата во буџетот. Студент од прва година Правен факултет знае дека секое лице кое што ќе биде процесуирано ќе го користи оној закон, кој што во времето на сторување на делото е апликативен. Сега донесоа закон за да ги амнестираат своите криминали и на оние политичари, кои од минатото им беа потребни за да им застарат дел од делата, а сега ќе носиме нов закон, рече Мицкоски.

Додаде дека тие немаат проблем да носат нов закон, но тој закон ќе биде согласно европските закони, а не „како некому што му треба“.

И затоа и се чудам што и професори учествуваат позади овие изјави, се чудам зошто упорно не ја научија лекцијата и грешките кои ги правеа во минатото, но во ред тие си имаат свој начин на политика, мислат дека вака, со ваков фолклор ќе привлечат внимание. Може понекогаш човек не треба да ги коментира, но сепак се опозициска партија, рече Мицкоски, кој рече оти жали што СДСМ од некогаш државотворна партија се претвориле во малска група, која во јавноста на дневна основа смислувала некои тези.

Мицкоски нагласува дека Министерството за правда нема таков закон, како што претходно изјави Филипче.

The post Мицкоски му врати на Филипче: Ќе донесеме нов Кривичен законик, но согласно европските стандарди, а не според нечии потреби appeared first on Република.

Претседателот на СДСМ, Венко Филипче денеска упати апел до Владата до го стави на јавна расправа новиот Кривичен законик, кој како што посочи е изготвен и се наоѓа во Министерството за правда. Во однос на тоа зошто сега има промена на ставот, со оглед на тоа што со претходните измени застареа голем број предмети, предизвикаа реакции во јавноста и беа оправдувани од претходната влада, рече дека тоа го прави како нов претседател на сега опозициската партија откако ги увидел негативните реакции на граѓаните, но и на стручната фела.

Има изготвен нов Кривичен законик, кој што е почнат во 2017 година од министерката Дескоска, тој е готов, завршен. Апелирам Владата да го стави на јавна расправа. Тој е нов кривичен закон, направен е целосно во координација со меѓународни институции по терк, примерок на Кривичниот законик на Германија и сметам дека што поскоро треба да биде на јавна расправа, треба да го разгледаат експерти, да го кажат своето мислење, да се вклучи стручната фела и заедно со консензус да донесеме еден таков нов, како што доликува Кривичен законик. Не е доволно да кажеме дека сме згрешиле што сме донеле таков закон, еве одиме чекор понатаму таа грешка да ја исправиме на овој начин, рече Филипче и нагласи овој чекор е и поради тоа што граѓаните го манифестирале кон СДСМ за време на изборите во смисла на освоените гласови.

Нагласи дека предлагаат едно солидно решение за продолжување по патот на соработката со меѓународните институции, кои не поддржувале изминатиот период, како и поединечни земји како Холандија, САД, кои направиле огромни инвестиции во реформирање на судството.

Сите предложени закони се со прифатените забелешки на оценската мисија и тоа сметам дека треба да се земе предвид. Значи, имаме сосем солидни решенија. Апелирам да Владата да го стави на јавна расправа заедно да го донесеме тој закон, истакна Филипче и додаде дека згрешиле со измената во Кривичниот законик.

Нагласи дека сега тој како претседател на партијата не би затворил очи пред критиката, доколку е издржана и апелираше до Владата заеднички да го поддржат носењето на веќе подготвениот Кривичен законик.

Дозволете да кажам дека го користам правото како нов претседател на партијата да иницирам одредени работи коишто треба да се прават. Не ја префрлам вината на никој друг. Јас сум претседател на партијата и се што било во партијата апсолутно не можам да кажам дека не сум дел во тоа. Но, како нов претседател ова се работите коишто ги иницирам. Не се тие забелешки без потреба. Тие забелешки имаат причина коишто доаѓаат од ЕК во извештајот. Ајде да не затвораме очи, ајде да ги имплементираме. Очигледно тоа е патот напред, рече Филипче.

Лидерот на опозицијата досега не разговарал со премиерот Мицкоски за ова прашање, рече дека ова е прва негова иницијатива во јавноста и согласно одговорот ќе ги преземе следните чекори.

Моите очекувања се да видиме кој ќе биде одговорот поради тоа што Владата е таа која што треба да го стави законот на јавна расправа. Да видиме што ќе одговорат и што ќе кажат и согласно тоа да ги направиме следните чекори, додаде Филипче.

Во однос на целосното распуштање на сегашните состави на Судскиот совет и Советот на јавни обвинители, што е содржано во програмата на ВМРО-ДПМНЕ, Филипче смета дека тоа не е добар знак, дека тоа не наидува на одобрување од меѓународната заедница и додаде дека сите реформи во правосудниот систем треба да се прават со меѓународна поддршка. Кажа и дека има неофицијална информација дека Владата испратила писмо во Брисел во однос на реформската агенда и побара од неа да каже што стои во тоа писмо и дали од Брисел се бара промена на реформската агенда.

Во однос на обвинувањата од ВМРО-ДПМНЕ за милионската хациенда на Водно, за поврзаноста со семејството Пановски и случајот Онкологија, вели неговата работа била чесна отсекогаш и оти обвинувањата не се издржани ниту за хациенда, ниту за возилата...

Не можам да објаснувам потекло на пари за нешто што немам, немам ниту хациенда, ниту луксузно возило, рече Филипче и додаде дека тие се на таткото на неговата сопруга и тој воопшто не го ни посетил тој имот.

Во однос на евроинетрациите Филипче смета дека процесот е вратен десет години наназад и дека е отворен проблем, кој е целосно затворен, а тоа е проблемот со Грција.

Мицкоски немаше ниту една конкретна средба со ниту една делегација или премиер на земја стратешки партнер за да се испорачаат нашите барања. Напротив, гледаме само сојузништво со Орбан и нејасна перспектива. ВМРО-ДПМНЕ треба да излезе и јасно да каже каде ја води државата, кој е планот, и во која временска рамка планира тоа да го направи, потенцира Филипче.

Нагласи дека ВМРО-ДПМНЕ и Мицкоски ветиле подобри услови во преговорите и промена на преговарачката рамка и дека тоа граѓаните го очекуваат од нив.

И СДСМ го чека ова и ќе го поддржи секој напор за подобри услови и гаранции кои ќе ги обезбеди ВМРО-ДПМНЕ. Но, нема да поддржиме блокада на процесот и отворање на нови конфликти, рече Филипче.

The post Филипче призна: Згрешивме со измените на Кривичниот законик appeared first on Република.

The post ЕК: Измените на Кривичниот законик негативно влијаат на справувањето со корупцијата на високо ниво appeared first on Република.

Поранешниот министер и политички аналитичар Џевдет Хајредини потсетува дека претходните власти по скратена постапка и контра сите препораки ги изгласаа измените на Кривичниот законик, со кои се донесоа доста олеснителни околности за сите функционери и нивните криминалии.

Со криминалци на слобода, кои, за самите да се спасат од затвор, го изменија Кривичниот Законик, да не се залажуваме, борбата против криминалот и корупцијата на високо ниво, не е можна, вели тој.

The post Хајредини: Да не се залажуваме, борбата против криминалот и корупцијата на високо ниво не е можна со криминалци на слобода appeared first on Република.

Осакатување на женските гениталии, принудните брак, споделувањето интимни фотографии без согласност и онлајн демнењето, вознемирувањето и поттикнувањето на омраза или насилство ќе станат кривични дела во Европската Унија по усвојувањето на директивата за спречување на насилството врз жените и семејното насилство, за чија содржина е постигнат договор меѓу белгиското претседателство со Советот на ЕУ и Европскиот парламент.

Како што јави дописникот на МИА од Брисел, овој прв посебен закон за оваа проблематика на ниво на ЕУ утврдува минимални правила во врска со дефинирањето на конкретни кривични дела и казни за справување со овие форми на насилство, а, исто така, ги регулира и правата на жртвите и предвидува нивна заштита.

Белгискиот вицепремиер и министер за правда и Северно Море, Пол Ван Тигхелт, чија земја е актуелен претседавач со Советот на ЕУ, по постигнувањето на договорот за директивата изјави дека сексуалното и семејното насилство, уличното вознемирување или онлајн злоупотребите се секојдневни закани со кои се соочуваат многу жени во Европа.

Освен тоа, според него, жените премногу често плаќаат со своите животи за раскинување на врските, а дури и присилните бракови и гениталното осакатување не се целосно искоренети од европското општество.

- Мораме да ставиме крај на ова. Со новата директива, земјите членки преземаат важни чекори за колективно да се спротивстават на овие тешки злосторства, со акцент на превенцијата и доследното казнување, изјави Ван Тигхелт.

Според белгиската државна секретарка за родова еднаквост Мари-Колин Лероа, договорот претставува голем чекор напред за подобра заштита на жените и девојчињата од насилство во нивните домови, на работа, на улица, офлајн или онлајн.

- Директивата има важно поглавје за превенција за да се дејствува против основните модели на принуда, моќ и контрола и да се преземат конкретни мерки за спречување на силувањето. Земјите членки испраќаат силна порака: повеќе не прифаќаме дека сте повеќе изложени на ризик ако сте жена, отколку ако сте маж, изјави Лероа.

Покрај воведувањето заеднички правила на ниво на ЕУ за дефинирање на кривичните дела поврзани со семејното и насилството врз жените и казните за нив, директивата предвидува и „отежнувачки околности“, како што се повторување на делото, вршење насилство врз ранлива личност или дете или употреба на екстремен степен на насилство.

Со новиот закон на жртвите на овие форми на насилство им се овозможува полесен пристап до правдата и се обврзуваат земјите членки да обезбедат соодветно ниво на специјализирана заштита и поддршка.

Кога жртви на вакви форми на насилство се малолетници, се предвидува пружање помош од професионалци обучени да работат со деца. Доколку извршител на чинот на насилство е родител или старател, пред да го информираат за пријавувањето, властите ќе треба да преземат мерки за заштита на детето-жртва.

За да се заштити приватноста на жртвите и да се спречи нивна повторна виктимизација, законот предвидува доказите поврзани со сексуалното однесување на жртвата во минатото да може да бидат презентирани во кривичната постапка само ако тоа е релевантно и неопходно.

Директивата, исто така, на жртвите на насилството им гарантира право да бараат целосна компензација од сторителите.

Со договор, специјализираните центри за помош се обврзани да им бидат достапни на жртвите за совет и поддршка, да им дадат информации за пристап до правно советување и да им обезбедат помош за наоѓање засолниште и медицинска нега. Во тој контекст, секоја земја членка е обврзана да воведе бесплатна телефонска линија за помош на национално ниво, која ќе им биде достапна на жртвите на насилство 24 часа во текот на денот.

Дополнително, земјите на ЕУ мора да покренат кампањи за подигање на свеста за спречување на семејното и насилството врз жените, како и за разбивање на штетните родови стереотипи и за промовирање на родовата еднаквост и меѓусебно почитување.

- Насилството врз жените и девојчињата е едно од најсистематските и најчестите прекршувања на човековите права на глобално ниво. Директивата за која се согласија претседателството и Европскиот парламент ќе биде првиот правен инструмент кој конкретно го таргетира насилството врз жените и семејното насилство на ниво на ЕУ, посочува Европскиот совет

The post Aко демнете некого на интернет во ЕУ ќе бидете кривично гонети appeared first on Република.

Се случи тоа што го кажав, ги предвидов овие работи, кажав дека измените во Кривичниот законик се однесуваат на поранешните генерални секретари на владата Драги Рашковски и Мухамед Зекири и гледаме дека или поминуваат полесно или се на слобода, изјави потпретседателот на ВМРО-ДПМНЕ, Александар Николоски во „За или против“ на Алфа телевизија.

Тој нагласи дека измените во КЗ се однесуваат на министрите од првата влада на Заев кои повеќе не може да бидат повикани на одговорност како и на самиот Зоран Заев.

Така што јасно е дека овие измени се донесоа во корист на власта и тоа важи и за политичарите од ДУИ. СДС и ДУИ свесно влегоа во овој процес и имаа спремни медиумски кампањи, а законот го пуштија со европско знаменце за комплетно да заврши за три дена. Тука лицето си го покажа и Стево Пендаровски кој стави потпис откако се изгласа законот, што значи имаше добра координација на власта и јасна медиумска кампања за напад на ВМРО-ДПМНЕ за да се создаде перцепција дека сите се исти и создавање на проблеми во партијата. А резултатот на тоа уништен правен систем во Македонија. И затоа сега местење на тендер веќе не е кривично дело, се избриша тој став и тие што местат тендери се слободни граѓани, истакна Николоски.

Николоски потенцираше дека од владата се правдаа дека ова се времени измени, гледаме дека нема никаква работна група и лажеа дека ова германски модел па дури и Европската комисија кажа дека ова е злоупотреба на европското знаменце, така што јасно е дека законот е за спасување

На владата криминалот и правење брзи пари им се врвен приоритет, а не заштита на националните интереси. Не може да очекувате ништо од луѓе кои ја создаваат корупцијата, тие се нејзини автори, тие ја создаваат и го уништуваат системот. На нив ќе работи новата влада на ВМРО-ДПМНЕ, одговорност ќе има, ќе има враќање на украдените средства и тоа ќе биде еден од првите приоритети. Мора да се знае кои се бандити, а кои не се, ваква влада не смее да ни се повтори. Во вакви услови да го крадете народот е понижување, мора да има одговорност, изјави Николоски.

The post Николоски: Со измените на КЗ ни Заев ни неговите министри не може да сносат одговорност appeared first on Република.

Прво да го видиме предложениот закон. Искуството досега покажува дека во Собранието стигнуваат предлози изработени во партиските штабови на СДС наместо од работните групи, истакна за време на денешната изјава, портпаролот на ВМРО-ДПМНЕ, Наум Стоилковски одговарајќи на прашање дали ВМРО-ДПМНЕ би дало поддршка во Собранието за новиот Кривичен законик кој што е во фаза на подготовка и за којшто академик Камбовски изјави казните за злосторничко здружување се по стариот терк, како што беа пред да бидат донесени новите измени во сегашниот Кривичен законик.

Стоилковски исто така додаде дека не верува дека СДС ќе се откаже од амнестијата што си ја донесе во Собранието.

„Се сомневам дека СДС ќе се откаже од онаа лична амнестија која што си ја донесе во Собранието“, заклучи Стоилковски.

The post ВМРО-ДПМНЕ за новиот Кривичен законик: Се сомнeваме дека СДСМ ќе се откаже од амнестијата што си ја донесе во Собранието appeared first on Република.

Ако се водите од логиката на Артан Груби и информациите кои тој ги лиферува, стручњакот за игри на среќа и тендери, да оставиме тој да ги толкува, но најодговорно кажувам кворумот не беше направен од страна на ВМРО-ДПМНЕ, а власта треба да си ја преземе одговорноста за она што го направи, а не да лиферува такви лажни вести, изјави пратеникот и член на ИК на ВМРО-ДПМНЕ, Миле Лефков за „Само вистина“ на Канал 5 во врска со измените од Кривичен законик.

Ако имаме еден закон кој во Собрание стигна со европско знаменце и злоупотреба на европските процедури, експресно се најде на комисија за европски прашања, нашата одлука беше да ги кажеме нашите аргументи против овој закон и секако да гласаме против, рече тој.

Лефков потенцираше дека останува фактот дека самото донесување на овој Кривичен законик, начинот, постапката, целите и последиците претставуваат најнов облик на висока корупција.

Тоа што се случува во државата и со донесувањето на Кривичниот законик е висока корупција, во која се вклучени и владата и претставници во законодавниот дом, нагласи Лефков.

Лефков посочи дека тоа што власта не сака да се зборува дека со овие измени на КЗ нема да може да се гонат криминали направени од оваа власт.

Во изминатиот период за време на владата на СДС и ДУИ практично со овие измени на Кривичниот законик бришење на став 5 од член 353 кој е однесува на јавни набавки, бришење на членот 394 кој се однесува на злосторничко здружување и намалување на затворските казни до 3 години, се предизвикува кривичните дела направени од страна на оваа власт да застаруваат следната година кога ќе се промени власта, рече тој.

Лефков потсети дека не може да бидат гонети ниту преиспитувани набавките на Васко Ковачевски за РЕК Битола, спорните набавки на јаглен, не може бидат испитувани набавките на вакцини, одлуките на Онкологија кога бил ставен надвор од употреба КАТО системот.

Тоа е еден скриен бенефит кој не се говори во јавноста. Со овие измени се оневозможува гонење и водење на кривични постапки и кога Заев беше премиер, изјави Лефков.

The post Лефков: Измените во Кривичен законик се облик на висока корупција, власта направи да не може да се гонат нивни криминали appeared first on Република.

Пендаровски можеше да спречи измени на КЗ, но тој потрча да ги потпише и да им се додвори на Ковачевски и Ахмети.Пендаровски експресно ги потпиша измените на КЗ, по налог на Ковачевски и Ахмети со цел криминалците од власта да не одговараат,обвинува ВМРО-ДПМНЕ.

Пендаровски можеше да го врати законот на повторно разгледување, но тој реши слепо да ги исполмува командите на Ковачевски и Ахмети.Со потпис на измените на КЗ Пендаровски буквално ги аболицираше сите функционери од СДС и ДУИ кои изминатиов период ја злоупотребувале службената положба и овластување.Пендаровски е директно виновен за хаосот во државата и деградирањето на правото.

The post Пендаровски не ги спречи измените на Кривичниот законик за да им се додвори на Ковачевски и Ахмети appeared first on Република.

Групата на граѓански организации за реформи во правосудството, Блупринт, денеска на прес-конференција соопштија дека се повлекуваат од процесот за изработка на новиот Кривичен законик. Александра Цветановска од Македонското здружение на млади правници изјави дека клучната причина за нивното повлекување од од процесот се последните измени на Кривичниот законик од 6 Септември 2023 година, што беа предложени од страна на Владата.

Постапката во која беа донесени и содржината на овие измени во делот на трите клучни дела за борба против корупција се целосно спротивни на владеењето на правото. Измените во трите спорни кривични дела беа донесени со заобиколување на работната група која работи на нов Кривичен законик, без нејзино консултирање, без соодветно консултирање на стручната јавност, како и без претходно анализирање и проценување на потребата од истото, истакна Цветановска.

Во ваква ситуација и состојба, додаде таа, сведоци сме на дрска злоупотреба на т.н. европско знаменце, европско право и казнени политики во овие рамки.

Успешниот обид за измени и намалување на казните на трите клучни дела за борба против висок криминал и корупција озакони хронично неказнување на високи функционери и вршители на јавни функции. Новата политика наместо да ја врати довербата на граѓаните во законодавна и извршна власт, уште повеќе влијае кон нејзино поткопување, со недвосмислено праќање порака до обичниот граѓанин дека „плаќа дупло“, посочи Цветановска.

Таа исто така нагласи дека и нивната одлука за неодамнешното повлекување од работната група за изработка на нацрт предлогот за Закон за конфискација на имот во граѓанска постапка е тесно поврзано со нивниот став за повлекување од процесот за изработка на нов Кривичен законик.

Неспорно е дека и Кривичниот законик и Законот за конфискација на имот во граѓанска постапка се суштински и тематски поврзани во борбата против криминалот и корупцијата. Оттука, доколку постои намера преку намалените казни во Кривичниот законик да дојде до застареност на кривичното гонење, а преку Законот за конфискација во граѓанска постапка да се создаде привид дека ќе се одземе нелегално стекнатиот имот, тогаш се работи за пристап со кој суштински и концептуално не се согласуваме, додаде Цветановска.

На новинарско прашање поврзано со излезот од оваа ситуација и дали може нешто да се смени во однос на Кривичниот законик, Ивана Петковска од Коалицијата „Сите за правично судење“ рече дека со измените коишто веќе се донесени и стапени на сила, последиците ќе ги трпат и граѓаните и владеењето на правото.

Враќање назад од таа ситуација нема, односно застарувањето на предметите каде што се опфатени со овој Кривичен законик, дополнително со новиот Кривичен законик додадени се измени во поглед на тоа да се додаде повторно враќање на кривичното дело за јавни набавки, меѓутоа тоа ќе биде закон којшто ќе биде во иднина. Во овој момент за актуелните процеси ќе се применува овој закон, односно овие измени затоа што станува збор за закон којшто е поповолен за граѓаните, рече Петковска.

Додека на прашањето дали може во скоро време да се очекува донесување на новиот Кривичен закон, Жарко Хаџизафиров од Центарот за правни истражувања и анализи истакна дека по затворање на текстот тој ќе биде предаден на Министерството за правда, од таму во Владата и дека за помалку од месец дена, во октомври се очекува финализирање на текстот.

Во однос на прашањето поврзано со укинатото кривично дело „злоупотреба при јавни набавки“ и што ќе се случи со тие што во моментов ги злоупотребуваат јавните набавки и дали има членови по кои обвинителството може нив да ги гони, одговорот беше дека обвинителството може да постапува по член 353, меѓутоа казните што се пропишани се значително пониски, се водат по скратена постапка, не се водат истрагите во обвинителство, суди судија поединец и станува збор за едно лесно кривично дело за разлика од претходно.

The post Блупринт групата се повлекува од процесот на изработка на новиот Кривичен законик appeared first on Република.

Првиот вицепремиер, Артан Груби, во интервју за ТВ Канал 5 изјави дека доколку не се усвојат уставните измени парламентарните избори ќе се одржат во редовниот термин и ќе се примени одлуката за 100 дена Албанец премиер, а кој ќе биде таков премиер ќе одлучи лидерот на ДУИ Али Ахмети, чии одлуки, како што истакна Груби, биле најдобри за граѓаните што е докажано многупати досега.

Засега остануваме на ставот за 100 дена премиер Албанец, освен ако ВМРО-ДПМНЕ не ги гласа уставните измени, тогаш ќе се откажеме. Во договорот за коалицирање со СДСМ стои дека кандидатот за премиер Албанец траба да биде предложен од страна на ДУИ, од страна на господинот Ахмети. Неговите одлуки за државата секогаш биле добри и сите граѓани виделе добро од нив, рече Груби .

Тој нагласи дека најдоброто нешто за земјава во овој момент е премиерот Димитар Ковачевски и додаде дека не е точно оти ДУИ ги држи „сите конци“ во Владата.

Не е точно дека ДУИ ги држи сите конци во Владата. Димитар Ковачевски во овој момент е најдоброто нешто за оваа држава, нема никакви предрасуди и сметам дека би бил многу добар да ја повлече Република Македонија кон Брисел, посочи Груби.

За Бугарија, Груби вели дека може да има нови барања за земјава во пристапниот процес само во однос на преговарачката рамка, но не и по основ на историјата.

Тој истакна дека во ДУИ имаат црвени линии за коалицирање со оние што не го почитуваат Охридскиот рамковен договор и што се против евроатлансктие интеграции на земјава. Не ја исклучува можноста да коалицираат со ВМРО-ДПМНЕ доколку ги прифатат уставните измени пред изборите или веднаш по изборите.

Од ВМРО-ДПМНЕ велат дека ќе ги гласаат уставните измени по изборите, но ниту еден од нашите стратешки партнери не верува во тоа. Да бидам брутално искрен освен нас никој од стратешките партнери не верува дека доколку има избори ВМРО-ДПМНЕ ќе гласа за уставни измени, рече Груби.

Тој очекува на следните избори да победи проевропскиот фронт без разлика дали ќе одат со СДСМ со заеднички листи или не и додаде дека очекува победа на ДУИ во албанскиот блок.

За поранешниот премиер Никола Груевски, Груби вели дека може да се врати во земјава само за да одлежи затвор и додава дека не го познава многу и немал многу контакти со него.

Никогаш во животот не сум бил во Будимпешта и не сум се сретнал таму со Груевски. Никакви УСБ-иња од него не добиле Ахмети и Џафери и измените на Кривичниот законик не се по негов диктат. Ако се по негов диктат веќе се донесени и стапени на сила и зошто не доаѓа во земјава. Новите законски измени нема да го спасат од затвор зашто против него се водеа повеќе постапки, рече Груби.

Тој посочи дека уште од 2016 година се разговарало за измените на Кривичниот законик и за членот 353 и нагласи дека во тоа не учествувал актуелниот министер за правда, па затоа не го ни потпишал предлог-законот.

Не е точно дека преку неговото донесување се обидувавме да ги донесеме уставните измени. Има пратеници од ВМРО-ДПМНЕ кои и сега сакаат да гласаат за уставни измени, но се под притисок од раководството, порача Груби и додаде дека не се потребни притисоци, туку лидерство.

Тој истакна дека за изготвување нов Кривичен законик се разговарало и со СДСМ и со ВМРО-ДПМНЕ и додаде дека тој се подготвува толку долго време што не верува дека ќе биде донесен до крајот на мандатот на оваа владејачко мнозинство, а можеби и на наредното.

The post Груби: Остануваме на ставот за 100 дена премиер Албанец, освен ако ВМРО-ДПМНЕ не ги гласа уставните измени appeared first on Република.

Попусти им се гимнастиките со измените во Кривичниот законик, јас ви гарантирам дека одговорност ќе има за сето она кое беше направено, изјави претседателот на ВМРО-ДПМНЕ, Христијан Мицкоски во рамки кампањата „Важно е! Од тебе зависат промените“ на средба со граѓаните во Пештани.

Мицкоски истакна дека додека економијата ни е на колена, земјоделците мака мачат, учениците немаат учебници, пензионерите протестираат, а власта заработува на мака на народот и мисли дека ќе се спаси од одговорност.

Овие од власта една мала група заработува на име на смртта, кога зборувам на тоа мислам на оној последен скандал кој се случи на клиниката за Онкологија. Поминаа месеци и гледате дека нема ниту истрага ниту одговорност за тоа што се случува, потенцираше Мицкоски.

Мицкоски додаде дека затоа е важно денеска сите за се обединиме и да застанеме позади ВМРО-ДПМНЕ и коалицијата која ја предводи.

Зборувам за сите протестни гласови кои не се случуваат со денешната реалност. Да не дозволиме преку игри, егзибиции и политички гимнастики политички маргиналци да не разделат. На тој начин добивка ќе имаат само овие политички измамници и криминалци во владата и тоа е нивната цел Имаат цел да создадат прокси опозиционери кои ќе кажуваат тоа што сакаат да слушнете. Единствената опција која знае како е ВМРО-ДПМНЕ и коалицијата, рече Мицкоски.

Тој посочи дека затоа не е сеедно дали победата ќе биде со 53, 55 или 61 пратеник.

Тоа е важно затоа што колку е победата поубедлива, толку повеќе ќе имаме можност за реализација на проекти. Поддршката ќе ја добијат ВМРО-ДПМНЕ и коалицијата јас и ВМРО-ДПМНЕ ќе ви вратиме со храбра, чесна и достоинствена работа, изјави Мицкоски.

The post Мицкоски: Попусти им се гимнастиките со измените во Кривичниот законик, одговорност ќе има за сè што е направено appeared first on Република.

Билјана Ивановска, претседателката на Државната комисија за спречување на корупција, во денешното интервју за Гласот на Америка открива дека работната група која ги изготвувала шокантните измени на кривичниот законик не го дочекала мислењето за содржината од Антикорупциска, пред да бидат изгласани набрзина во Собранието.

За Ивановска најчудно е тоа што во испратената содржина за која се барало мислење од ДКСК воопшто ги немало спорните членови со кои се намалуваат казните за функционерите и службените лица.

„Ние веднаш реагиравме на донесувањето на тој закон. Од повеќе причини беше предизвикана нашата реакција, пред се порани начинот на носење. Се донесе по скратена постапка, со европско знаменце, односно се донесе на начин кој не овозможува јавна расправа и не овозможува мислењето на експертите да дојде до израз и уште повеќе да се направи проценка на штетите кои би ги направиле тие законски решенија. Тоа за нас беше клучно зошто сметавме дека таквиот начин на донесување без сите овие пропратни елементи само ја подгрева корупцијата во државата и придонесува за партиски пазарења и за трговија со влијанија, едни од клучните фактори, кои ја зголемуваат корупцијата.

Од министерството за правда имавме добиено нацрт верзија на 30 август за кое требаше да дадеме наше мислење до 20-ти септември, а во таа нацрт верзија не беа содржани овие спорни членови. Ние го пишувавме мислењето за таа верзија и наеднаш се случува нешто друго и во Собранието се изгласуваат измени на кривичниот законик, што беше многу изненадувачки за нас. Во исто време се изјасни и Врховниот суд, Советот на обвинители.

Значи има и други институции од каде е побарано мислење, тие не стасале да го дадат мислењето, а законот е веќе донесен со други членови. И што е најголем парадокс не знаела ниту работната група, што две години го пишува кривичниот законик. Сите овие околности фрлаат една грда слика за нашето општество, бидејќи го поткопуваат правниот систем и создаваат правна несигурност кај граѓаните. Да се менуваат казните тоа е цела наука. Треба статистички податоци колку често се појавува такво дело, кај кој вид на популација, да се направи една целосна анализа, па потоа да се каже ова често ни се случува треба да ставиме повисока казна, или не ни се случува често, треба да ставиме пониска казна, а не вака набрзина и преку ноќ“, открива Ивановска на едно од прашањата во интервјуто.

The post Власта „заборавила“ да ја праша Антикорупциска за измените на Кривичниот законик appeared first on Република.

Претседателката на Уставниот суд, Добрила Кацарска, зборувајќи за измените во Кривичниот законик во вечерашното интервју за ТВ21, рече дека судот може да оформи предмет ако има сомнеж во уставноста на одреден закон или друг акт.

За Уставниот суд да оформи предмет, треба да има сомнеж во уставноста во некој Закон или друг акт. Мора да цени јавноста дека имаме ограничена надлежност. Не би можела сега однапред да коментирам, во смисла дали е уставен или има нешто спротивно на Уставот. Имаме две иницијативи токму за овој закон, и несериозно би било од моја страна ако го кажам мојот став или размислување, од аспект на Уставниот суд дали е овој закон уставен или не, рече Кацарска.

The post Кацарска: Не можам да коментирам дали измените на КЗ се спротивни на Устав, ќе оформиме предмет appeared first on Република.

Законот за амнестија за помали кривични дела се очекува утре да се најде на седница на Влада, најави денеска претседателот на Владата, Димитар Ковачевски кој одговараше на прашања за законите за амнестија и Кривичниот законик. Ковачевски истакна дека претходно Законот за амнестија за помали кривични дела е презентиран на Владина седница, но заради технички усогласувања со секторот законодавство даден е период до утрешната седница на Влада.

И како таков откако е усогласен, односно откако ќе биде усогласен ќе биде поднесен до Собранието, потоа од пратениците зависи дали ќе биде донесен, во која форма ќе биде донесен и кога ќе биде донесен, рече Ковачевски.

Прашан зошто на Кривичниот законик не е потпишан министерот за правда, Лога,туку заменик министерот за правда, Ковачевски со одговор дека согласно Законот за Влада може да биде потпишан или од министер или заменик министер, а во зависно од тоа кој бил вклучен во процесот.

Јас не можам да зборам во име на други, но таа одлука е донесена едногласно на Влада и е помината во Собрание и е усогласено со законодавтсво на Европска Унија. Еве земете го германското законодавство, јас многу добро го знам германското законодавство и ќе видете какви членови има и ќе видете дали има такви членови кои кај нас ги има, потоа земете ја висината на казните во Словенија, бидејќи ние за некои работи сакаме да се повикуваме на Германија, сакаме да се повикуваме на Словенија, ама некогаш сакаме да не се повикуваме ниту на Германија, ниту на Словенија. Туку ако може да се повикаме на Азербеџајн, Казахстан, знаете тоа некако ми изгледа со двојни аршини, вели Ковачевски.

Ковачевски истакна дека се е сработено согласно Закон и согласно со процедурите и какошто вели не гледа ништо спорно во тоа и има изјави од екпсерти коишто потврдија дека усогласувањето е направено согласно законите.

The post Законот за амнестија за помали кривични дела се очекува утре да се најде на седница на Влада appeared first on Република.

Постојат повеќе нивоа на проверка на усогласеност на законите, вклучувајќи ги и тие преку Европската Унија, а Македонија треба да се погрижи нејзините законите да бидат усогласени со европските стандарди и очекувања, порача заменикот помошник државен секретар на САД за европски и евроазиски прашања и специјален претставник за Западен Балкан, Габриел Ескобар во интервју за Радио Слободна Европа, во врска со измените во Кривичниот законик.

Што се однесува до конкретните информации за измените во Кривичниот законик, се што можам да кажам е дека постојат повеќе нивоа на проверка на усогласеноста на законите, вклчувајќи и преку ЕУ. Тоа би значело дека земјата треба да се погрижи нејзините закони да не бидат само во согласност со Уставот, туку и со европските очекувања и стандарди, вели Ескобар во интервјуто.

На прашањето дали САД се задоволни од борбата против корупцијата во Македонија во контекст на измените во Кривичниот, со кои се намалуваат казните за злоупотреба на службената должност, Ескобар нагласува дека корупцијата е најголем проблем за сите земји од Западен Балкан.

За почеток би кажал дека корупцијата е најголем проблем за државите од Западен Балкан и мислам дека сите земји можат да направат повеќе (во борбата против корупцијата), вклучувајќи ја и вашата земја. И тоа е една од причините зошто доследно се залагаме за тоа државата да ги спроведува реформите кои ЕУ ги бара од неа, изјави Ескобар.

Тој вчера во интервју за Гласот на Америка истакна дека Македонија игра многу важна улога во процесите во регионот. Исто така изрази загриженост поради тоа што Западниот Балкан се развива во „две брзини“.

Од една страна има членки на Северноатлантската алијанса кои се многу посветени на својот НАТО и европски пат. Тука се и преостанатите три кои се борат со потешкотии. За време на моите средби со нив, доследно им пренесував дека САД го поддржуваат нивниот евроатлантски пат. Би сакале и сакаме сите тие да ги решат внатрешните и регионалните разлики што ги спречуваат да напредуваат, потенцира соговорникот на Гласот на Америка.

Прецизирајќи го одговорот, тој укажа на, како што истакна, важната улога на Македонија во актуелните процеси.

Ние сме им благодарни за нивното регионално лидерство, и за нивното проевропско предводништво. Како претседавач со Организацијата за безбедност и соработка во Европа (ОБСЕ), мислам дека Македонија постојано се докажува како одличен партнер. Во оваа смисла, би сакале да ја видиме и во Европската Унија. Албанија имаше одличен пристап кон членството во Советот за безбедност, во билатералните односи, како и со НАТО, појасни Ескобар.

The post Ескобар: Македонските закони не треба да бидат усогласени само со Уставот, туку и со ЕУ appeared first on Република.

Пратеникот и член на ИК на ВМРО-ДПМНЕ, Антонијо Милошоски, за „Тема на денот“ во дневникот на Сител, изјави дека ВМРО-ДПМНЕ не била пообединета од тоа што е денес, затоа што и раководството и претседателот и пратеничката група се на една иста позиција, а главната тема е да се издржи и да се опстои на позицијата против менувањето на уставот под бугарски диктат.

Милошоски потенцираше дека сите работи кои странично се развиваат, вклучително и преписката со Груевски, се дел од тоа да се обзнани тоа што се дознава кои актери на политичката сцена во Македонија или надвор се обидуваат да удрат на ВМРО-ДПМНЕ, а направат фрагментација се со цел да се овозможат уставни измени

Сакаме да порачаме дека тоа нема да се случи без разлика кого ќе вклучат во оваа игра, истакна Милошоски.

Тој посочи дека целта на СДС, ДУИ и оние нивни високи функционери кои имале во изминативе 8 месеци директна или индиректна комуникација со Груевски била двојна.

Прво да се овозможи измена на Кривичниот законик со европско знаменце за да се олеснат одредени предмети каде што тој е засегнат, и второ за возврат тој да им овозможи внатре во ВМРО-ДПМНЕ а направи одредена фрагментација, а со тоа и да привлече да убеди пратеници да му помогнат на СДС и ДУИ за уставни измени. Затоа ВМРО-ДПМНЕ и претседателот Мицкоски одлучија да стават крај на оваа неколку месечна соработка на релација Ковачевски, Ахмети Будимпешта, изјави тој.

Милошоски нагласи дека целта на ВМРО-ДПМНЕ е да се победи оваа власт и да се издржи на ставот против уставни измени под бугарски диктат.

Во однос на тоа што претседателот Мицкоски го соопшти, Милошоски изјави дека е врз основа на сериозно сознанија и документи кои ги имале СДС, ДУИ и Груевски.

Да се фокусираме на тоа да ја поразиме власта и да кажеме дека и со Груевски и без него уставните измени нема да поминат. ВМРО-ДПМНЕ беше против носењето на вакви измени. Прво, по однос на процедурата. Ваквите измени се носат со европско знаменце, во ниедна европска земја Кривичен законик не се менува за два дена“, истакна Милошоски.

Тој додаде дека со овие измени на Кривичен законик се увидело дека на ДКСК и Врховниот суд им биле дадени лажни или нецелосни измени на Кривичниот законик. Тие што ги добиле ДКСК и Врховниот суд биле различни од оние што се изгласаа во Собранието.

На крајот кога видовме што се случува, говоревме ПРОТИВ и гласавме ПРОТИВ. Сите од ВМРО-ДПМНЕ гласавме ПРОТИВ. Сите кои што бевме присутни видовме дека парламентарното мнозинство има кворум, 63 пратеници беа во салата од владејачкото мнозинство, и ние кои што бевме присутни тука со исклучок на оние кои што беа на службен пат, сите пратеници на ВМРО-ДПМНЕ гласаа ПРОТИВ“, рече Милошоски.

Тој посочи дека ВМРО-ДПМНЕ нема да поддржи таков закон за амнестија каков што го најавува власта.

Го немаме се уште добиено законот затоа што во самата Влада има одредени несогласувања. Гледаме дека на различна линија се премиерот и министерот за правда, како што беа на различна линија и за измените на Кривичниот законик. Но, ние не би поддржале таков закон затоа што сметаме дека овој закон таргетира една целна група која што им е битна на владејачките партии и да им бидат тркачи на следните избори во кампањата“, појасни тој.

The post Милошоски: Кривичен законик не се менува за два дена, нема да го поддржиме законот за амнестија appeared first on Република.

Која перверзија и најдобар аргумент колку измените на КЗ се антиправни, антидржавни и антиевропски, вели Ивор Мицковски споделувајќи ја листата на кривични предмети кои најверојатно ќе поминат неказнети поради измените на Кривичниот законик спроведени од власта, со кои драстично се намалуваат казните за корупција на функционерите.

Со измените се загрозени случаи кои се бават со проневера на пари од ЕУ фондови и ИПА проект.
Вие не сте Европа, Вие сте криминалци, им порача Мицковски.

The post Со измените на КЗ се загрозени случаи кои се бават со проневера на пари од ЕУ фондови и ИПА проект appeared first on Република.