Деветмина мигранти, од кои четворица малолетни, се пронајдени синоќа од полицијата во патничко моторно возило „БМВ“ со скопски регистерски ознаки во близина на село Табановце. Петмина мигранти од Сирија се пронајдени и во селото Речица.

На 23.11.2024 околу 20.30 часот на автопат „Пријателство" во близина на с.Табановце од страна на Мобилната единица за компензаторни мерки при Одделот за гранични работи и миграции, запрено е патничко моторно возило „бмв“ со скопски регистерски ознаки, сопственост на Ј.Р. од с. Студеничани, во кое се превезувале мигранти. Возачот се дал во бегство, а во возилото се пронајдени девет лица- мигранти, од кои четири малолетни, се наведува во соопштението од полицијата.

Шестмина од мигрантите биле од Сирија, и по еден од Иран, Ирак и Палестина. Тие се пренесени во Транзитен центар Табановце, а се преземаат мерки за пронаоѓање на возачот и целосно расчистување на случајот.

Во полицискиот билтен се наведува дека синоќа во 20.15 часот во село Речица, кумановско, полициски службеници од СВР Куманово пронашле пет лица-мигранти од Сирија. Лицата биле пренесени во Транзитен центар „Табановце“ за понатамошна постапка.

The post Пронајдени 14 мигранти во Кумановско, од кои четворица малолетни appeared first on Република.

Во периодот од 14-17.10.2024 година во Охрид, Министерството за внатрешни работи, во со-организација со Регионалниот ИПА проект ЕУ4ФАСТ и Меѓународната организација за миграции спроведува „Симулациска вежба за размена на информации во реално време за криумчарење мигранти и трговија со луѓе долж Источно-медитеранска рута“.

Преку симулирана размена на информации за прекугранични случаи на криумчарење мигранти и трговија со луѓе со однапред подготвени сценарија е се со цел да се идентификуваат добрите практики на земјите учеснички од регионот, да се посочат увидените предизвици и заеднички да се дадат препораки за надминување на истите.
Активноста е од особено значење за согледување на состојбата на национално ниво од аспект полициско-обвинителска соработка, како и понатамошно зголемување на нашата соработка со сите држави кои се дел од Источно-медитеранската рута.

Само со интензивна соработка и меѓусебна, брза, ефикасна и непосредна размена на информации, можеме да се справиме со предизвиците со кои се соочуваме на национално, регионално, како и на меѓународно ниво.

The post Симулациска вежба за размена на информации во реално време за криумчарење мигранти и трговија со луѓе дол appeared first on Република.

Регионалниот центар за гранични работи Југ до ОЈО за гонење на организиран криминал и корупција Скопје поднесе кривична пријава против Д.П.(25) од с.Вранештица, кичевско, поради постоење основи на сомнение за сторено кривично дело „криумчарење мигранти“.

Имено, на 04.10.2024 околу 08 часот од страна на полициски службеници од Полициската станица за граничен надзор и граничен премин „Богородица” Д.П. бил затекнат, на место во близина на граничен камен 61/3, додека во својство на водич, пренесувал илегални мигранти од Кина, од грчка на македонска страна.

Две женски лица од Кина се предадени во прифатно-транзитен центар за понатамошна постапка.

The post Носел мигранти од Кина преку Грција – кривична пријава за криумчарење appeared first on Република.

Судот ги прифати предлозите на Јавното обвинителство за изрекување на 30-дневен притвор на седумчлената организирана криминална група која се сомничи дека на територијата на државата извршувала кривични дела криумчарење на мигранти.

Како што соопштуваат од Јавното обвинителство, акцијата со кодно име „Кипер“ е резултат на предистражна постапка што се спроведувала од септември 2023 година до месец јуни годинава, во која од слобода се лишени пет лица, едно лице е веќе на издржување мерка притвор во КПУ Затвор Скопје за сторено кривично дело „криумчарење мигранти“, додека на другото лице кое е во бегство му е определена мерката притвор во отсуство во друг кривично-правен настан. При извршените претреси биле пронајдени и одземени патничко моторно возило, прашкаста материја, вага и мобилни телефонски апарати што лицата ги користеле за извршување на кривичното дело.

Предметниот јавен обвинител донесе Наредба за спроведување на истражна постапка против шест македонски и еден српски државјанин. Постои основано сомнение дека првосомничениот како организатор на криминалната група е сторител на кривичните дела „Организирање на група и потикнување на извршување на делата трговија со луѓе, трговија со дете и криумчарење на мигранти“ од член 418-в и „Криумчарење на мигранти“ по член 418-б, петмина од останатите сомничени се товарат дека се сторители на истите кривични дела како членови на групата, додека на седмоосомничениот му се става на товар дека помагал во извршување на кривичното дело „Организирање на група и потикнување на извршување на делата трговија со луѓе, трговија со дете и криумчарење на мигранти, се наведува во соопштението.

Според обезбедените докази од предистражната постапка во текот на 2023 година и 2024 година, додаваат од Обвинителството, првоосомничениот заедно со две лица – странски државјани и тоа едно идентификувано лице по потекло од Пакистан и Н.Н лице државјанин на Република Србија се здружиле и организирале меѓународна криминална група во земјава.

Оваа група, од Јавното обвинителство велат дека била дел од меѓународна криминална мрежа, која заради стекнување имотна корист со однапред определени задачи извршувала кривични дела криумчарење на мигранти. Во временскиот период од месец септември 2023 година до месец јуни годинава осомничените организирале илегално пренесување на групи мигранти државјани од Сирија и други земји од блискиот и далечниот исток и земји од Африка – Ирак, Конго и Нигерија преку илегални премини на т.н. „зелена граница“.

Првоосомничениот на организиран и претходно договорен и воспоставен начин на телефонска комуникација, користејќи телефонски броеви од српски мобилни оператори и интернет комуникација, заедно со останатите двајца организатори на криминалната група го планирал и договарал бројот на мигрантите кои ќе бидат пренесени на територија на Р.Македонија, притоа договарајќи ги локациите каде ќе бидат пренесени, времето и местото – точната локација каде се наоѓале мигрантите подготвени за прифаќање и натамошно превезување кон кумановско -липковскиот регион. Со помош на водичи т.н. „качаци“, мигрантите координирано биле водени на претходно утврдени и договорени локации, од каде „качаците“ им ја испраќале локацијата на организаторите. Првоосомничениот ги известувал останатите припадници на групата и им давал задачи за обезбедување на товарни возила и изработување на импровизирани бункери во нив за прифаќање и превезување на мигрантите, а на седмоосомничениот припадник на групата му давал задача да ги прими и подигне паричните средства исплатени за успешно извршеното криумчарење на мигрантите преку територијата на Р.Македонија. Откако илегалните мигранти биле превезени до претходно договорените локации, првоосомничениот во договор со организаторот Н.Н лице од Република Србија го организирал понатамошно прифаќање и криумчарење од Р.Македонија во Р.Србија, се наведува во соопштението на Јавното обвинителство.

Петмината осомничени денеска беа изведени пред судија на претходна постапка при Основниот кривичен суд – Скопје. Едно лице е веќе на издржување мерка притвор во КПУ Затвор Скопје за сторено кривично дела „криумчарење мигранти“, а за другото лице, кое е во бегство е определена мерката притвор во отсуство во друг кривично-правен настан.

Од МВР денеска информираа дека во координирана полициска акција сузбиена е организирана криминална група инволвирана во криумчарење поголем број мигранти, најголем број по потекло од Сирија, дел од Конго и Ирак. Како што информира МВР, извршени се претреси кај пет лица во вкупно пет објекти, лоцирани на подрачје на Штип, Злетово, Пробиштип и Велес. Организатор на криминалната група е 39-годишен жител на Штип, кој работел заедно со уште петмина македонски државјани, како и 50-годишен жител на Србија и уште едно засега непознато лице, исто така од Србија. Во криумчарењето соработувало уште едно лице со потекло од Пакистан.

Лишени од слобода се вкупно пет лица, по едно лице се трага, а едно лице - член на криминалната група веќе издржува мерка притвор во КПУ Затвор Скопје. за сторено кривично дела „криумчарење мигранти“.  ОСОСК до ОЈО за ГОКК поднесе кривична пријава против седум лица.

Координирана полициска операција со цел расчистување на кривични дела што се однесуваат на организирање на група за вршење на кривични дела криумчарење мигранти, спроведе денеска Националната единица за сузбивање на криумчарење мигранти и трговија со луѓе при Сектор за криминалистички истраги, Оддел за сузбивање на организиран и сериозен криминал во содејство со Одделот за специјални и посебни операции, под раководство на јавен обвинител од ОЈО за ГОКК, информира Министерството за внатрешни работи.

Операцијата, како што информираат од МВР, е во рамките на криминалистичка истрага „Кипер“.

Криминалистичката истрага се спроведуваше од септември 2023 година до јуни 2024 година над организираната седумчлена криминална група, која делуваше на тeриторија на Република Македонија. Имено, организаторот на криминалната група В.С. (39) од Штип, со умисла и од користољубие, а со цел стекнување на противправна имотна и материјална корист, заедно со Д.Н. (28) од Злетово, Г.А. (52) од Пробиштип, В.Д. (50) од Р.Србија, Д.Л. (46) од Велес, И.Л. (23) од Велес и С.П. (29) од Велес, во соработка со У.Н., лице по потекло од Пакистан и засега непознато лице од Р.Србија, организирале криминална група во Република Македонија, која извршила криумчарење на поголем број мигранти, при што се стекнале со значителна противправна имотна корист, се вели во соопштението од МВР.

Организаторот на криминалната група, В.С., како што се наведува во соопштениет од МВР, со У.Н. од Пакистан преку телефонска и интернет комуникација ja договарале локацијата и бројот на илегални мигранти за транспорт, а потоа членовите на организираната криминална група ги прифаќале илегалните мигранти на локации во околината на Гевгелија и Дојран, ги сместувале во специјално изработени импровизирани бункери, во делот за товар на товарните возила и ги превезувале до договорените локации во кумановско-липковскиот регион. По пристигнување, илегалните мигранти во организација на В.С. и засега непознато лице од Р.Србија, биле времено сместувани и засолнувани во објекти на членови, соработници и помагачи на криминалната група, а потоа криумчарени преку територијата на Р.Србија кон државите на ЕУ.

Оваа организирана криминална група за време на своето делување организирала криумчарење на поголем број мигранти, најголем број по потекло од Сирија, дел од Конго и Ирак, кои претходно веќе пристигнале и одреден временски период престојувале на територијата Р.Грција. При реализацијата на оваа криминалистичка истрага беа вклучени полициски службеници од Одделот за сузбивање на организиран и сериозен криминал, Одделот за специјални полициски операции и Одделот за форензички испитувања, при што претреси беа извршени кај пет лица во вкупно пет објекти, лоцирани на подрачје на Штип, Злетово, Пробиштип и Велес, информираат од МВР.

При извршените претреси пронајдени и одземени се: патничко моторно возило, прашкаста материја, вага, мобилни телефонски апарати кои лицата ги користеле за извршување на кривичното дело, СИМ картички итн. Во соработка со КПУ Затвор Скопје, извршени се прегледи кај лицето кое е во притвор, при што пронајден е мобилен телефон.

ОСОСК до ОЈО за ГОКК поднесе кривична пријава против седум лица и тоа против В.С. за сторени кривични дела „организирање на група и потикнување на извршување на делата трговија со луѓе, трговија со дете и криумчарење на мигранти“ предвидено и казниво по член 418-в став 1, како и “криумчарење на мигранти“ предвидени и казниви по член 418-б став 4 во врска со став 2 од КЗ, против Д.Н., Г.А., В.Д., Д.Л. и С.П. заради постоење на основано сомнение дека сториле кривично дело „организирање на група и потикнување на извршување на делата трговија со луѓе, трговија со дете и криумчарење на мигранти“ предвидено и казниво по член 418-в став 2, како и “криумчарење на мигранти“ предвидени и казниви по член 418-б став 4 во врска со став 2 од КЗ, против И.Л. за сторено кривично дело „организирање на група и потикнување на извршување на делата трговија со луѓе, трговија со дете и криумчарење на мигранти“ предвидено и казниво по член 418-в став 2, во врска со член 24 „помагање“ од КЗ.

Пријавениот В.Д., како што информираат од МВР, од 19.03.2024 издржува мерка притвор во КПУ Скопје, а против него е поднесена кривична пријава за сторено кривично дело по член 418-б „криумчарење на мигранти“. предвидено и казниво во КЗ.

The post Ги ставале во посебни бункери, ги криеле по пријатели – притвор за криумчарите на мигранти фатени во големата акција „Кипер“ appeared first on Република.

На автопатот А1, Неготино – Градско, во близина на клучка Неготино, синоќа во 20 часот полициски службеници од Мобилната единица за компезаторни мерки во Одделот за гранични работи и миграции во Биро за јавна безбедност, лишиле од слобода малолетник од село Студеничани, скопско. При контрола во патничко возило „фиат стило“ со скопски регистарски ознаки, кое го управувал, биле пронајдени осум лица мигранти од Сирија, од кои еден малолетник, соопшти МВР.

Во 20:05 часот на автопат А1, во близина на локалитет „Стоби“, друг тим на Мобилната единица ги привела 30 годишниот Е.Д. и 46-годишната Е.Ш., двајцата од Скопје. Тие се сомничат дека со патничко возило „фолксваген голф “ со скопски регистарски ознаки, кое го управувал Е.Д., биле претходница на возилото „фиат“ во кое се превезувале мигранти.

Лицата бил приведени во полициска станица, а мигрантите биле спроведени во прифатнo-транзитен центар за понатамошна постапка.

Од МВР најавија дека по целосно документирање на случајот, во координација со јавен обвинител, против лицата ќе бидат поднесени соодветни пријави.

The post Фатени неколку криумчари на мигранти appeared first on Република.

Криумчар на мигранти бил дел од несреќата во која синоќа загина маж по судир на четири автомобили на патот Гевгелија - Богданци.

Како што соопштува МВР, во 19.30 часот во Полициската станица Гевгелија било пријавено дека на патот Гевгелија – Богданци, на мостот на реката Вардар, се случила сообраќајна несреќа помеѓу патничко возило „мерцедес“ со регистарски таблички од друго возило, управувано од Б.М.(48) од Македонска Каменица, во кое превезувал и криумчарел седум лица мигранти од Сирија, патничко возило „опел корса“ со гевгелиски регистарски ознаки, управувано од Б.Ј.(63) од с.Богородица, гевгелиско, патничко возило „хјундаи“ со гевгелиски регистарски ознаки, управувано од Д.Т.(42) од Гевгелија и патничко возило „мерцедес“ со гевгелиски регистарски ознаки, управувано од Ѓ.Ќ.(37) од с.Стојаково.

Во несреќата, од здобиените повреди починал Б.Ј., а смрт констатирал лекар од Итна медицинска помош. Со тешки телесни повреди се здобиле возачот Б.М. и Е.Ј.(63), сопатничка во возилото „опел корса“, додека со телесни повреди се здобиле мигрантите, констатирани во болницата во Гевгелија, соопшти МВР.

Увид на местото извршиле екипа на Полициската станица Гевгелија и јавен обвинител, по чија наредба телото на починатиот било дадено на обдукција.

The post Криумчар на мигранти со нелегален „мерцедес“ дел од несреќата во која загина возач од Богородица appeared first on Република.

Триесетгодишен жител на село Градошорци, општина Василево, И.М., вчеравечер околу 19.40 часот во струмичкото село Костурино бил приведен од полиција, осомничен за сторено кривично дело „криумчарење мигранти“.

Во неговото возило биле откриени седум мигранти од Сирија. И.М. го лишиле полициски службеници од Полициската станица за граничен надзор и гранични проверки Стар Дојран при Регионалниот центар за гранични работи Исток.

Околу 19.30 часот на регионалниот пат P-1401, на место викано Валандовско брдо, полициски службеници дале знак за запирање на две патнички возила „бмв“, со битолски и со штипски регистарски ознаки, но возилата не застанале, по што во село Костурино возилото „бмв“ со штипски регистарски ознаки, кое го управувал И.М., било запрено, а при преглед во него биле пронајдени седум лица мигранти од Сирија, соопшти Министерството за внатрешни работи.

За настанот бил известен јавен обвинител и по негово целосно расчистување и документирање ќе биде поднесена соодветна пријава.

The post Пронајдени седум мигранти од Сирија, криумчарот приведен appeared first on Република.

По претходно добиени оперативни сознанија, на 10.01.2024 во 13.45 часот на автопатот "Пријателство" во близина на с. Марвинци од страна на полициски службеници од Регионалниот центар за гранични работи Југ- ПС за ГН Михајлово било запрено патничко возило "ауди" со скопски регистерски таблички, управувано од Т. П. (38), а во возилото се пронајдени четири лица, мигранти од Кина.

Како што соопшти МВР, било сопрено и возило "голф" управувано од Т.О. (40) од Скопје, под сомнение дека било претходница на возилото "ауди". Т.О. и Т.П. се лишени од слобода.

Известен е јавен обвинител од ОЈО за Гонење организиран криминал и корупција и по документирање на случајот, ќе биде поднесена кривична пријава, наведуваат од МВР.

The post Приведени две лица за криумчарење мигранти од Кина appeared first on Република.

Во просториите на Одделението за прекуграничен криминал, миграции, странци и реадмисија Гевгелија вчера бил извршен службен разговор со А.Н.(33) од Скопје и Д.Т.(31) од Гевгелија осомничени за сторено кривично дело „криумчарење на мигранти“, соопштија денеска од МВР.

Околу 11.10 часот на регионалниот пат 1102, во правец Смоквица – Прдејци, полициски службеници од Полициската станица за гранични проверки и граничен надзор Богородица забележале патничко возило „ауди“ со гевгелиски регистарски ознаки и патничко возило „мерцедес“ со скопски регистарски ознаки, во кои се превезувале лица мигранти.
Во Гевгелија било пронајдено возилото „ауди“ и во него биле затекнати двете лица, по што била извршена контрола во дворното место на Д.Т., каде што било пронајдено возилото „мерцедес“ со пет лица мигранти од Кина во него, се појаснува во соопштението.

Во дворот на Д.Т., исто така, било пронајдено и патничко возило „фолксваген пасат“ со регистарски таблички од друго возило.

Мигрантите и возилата биле сместени во прифатно – транзитен центар за понатамошна постапка, а за настанот бил запознаен јавен обвинител. По целосно документирање на случајот, против лицата ќе биде поднесена соодветна пријава.

The post Кривична за уште двајца криумчари на мигранти appeared first on Република.

Националната единица за сузбивање на криумчарење мигранти и трговија со луѓе при Секторот за криминалистички истраги во Одделот за сузбивање на организиран и сериозен криминал до ОЈО за ГОКК поднесе кривична пријава против шест лица за сторено кривично дело „Организирање на група и поттикнување на извршување на делата трговија со луѓе, трговија со дете и криумчарење на мигранти“ предвидено и казниво по член 418-в став 2 на територија на Р.Бугарија и Р.Унгарија, соопштија денеска од МВР.

Кривична пријава е поднесена против Ц.Н. (23), А.М. (23), И.Б. (20), тројцата од Охрид, како и против А.С. (23), Ф.З. (21), двајцата од Кратово и Б.Д. (25) од Куманово.

Во временски период од август 2021 година до мај 2023 година, со цел стекнување на противправна имотна и материјална корист, сега кривично пријавените, како дел од меѓународна криминална група организирана од лица за кои веќе е поднесена кривична пријава, биле ангажирани во улога на лица кои го вршеле прифаќањето и превезувањето на лицата- илегални мигранти на територија на Р.Бугарија и Р.Унгарија. На кривично пријавените за успешно извршено криумчарење на мигранти им била исплаќана парична надокнада во висина од 1000-3000 евра, во зависност од земјата во која требало да го вршат прифаќањето и превезувањето на илегалните мигранти, се појаснува во соопштението од МВР.

The post Земале до 3.000 евра од тура: Кривична пријава за криумчарење мигранти против шест лица appeared first on Република.

Дванаесет мигранти од Непал вчера се пронајдени на патот Табановце-Куманово во возило „фолксваген пасат“, управувано од српски државјанин.

Вчера околу 17:50 часот на автопатот „Пријателство“, делница Табановце-Куманово, полициски службеници од Полициската станица за граничен надзор Сопот го лишиле од слобода М.М.(34) од Република Србија, информираат денека од МВР.

Мигрантите биле во возилото „фолксваген пасат“ со регистарски ознаки на друго возило.

М.М. бил предаден на полициски службеници од Полициската станица Куманово и по целосно документирање на случајот против него ќе биде поднесена соодветна пријава.

The post Кај Куманово фатен Србин со 12 мигранти appeared first on Република.

Во кумановското село Орашец, полициски службеници од Мобилната единица за компезаторни мерки при Одделот за гранични работи и миграции денеска го лишиле од слобода И.И.(19) од село Слупчане, липковско, бидејќи во возилото „фолскваген транспортер“ со скопски регистарски ознаки, кое го управувал, биле пронајдени 12 лица мигранти од Непал.

Околу 02.20 часот на автопатот „Пријателство“, делница Табановце – Куманово, полициските службеници дале знак за запирање на возилото, но возачот не застанал и продолжил со движење, се исклучил од автопатот на регионалниот пат Куманово – Свети Николе и откако влегол во село Орашец навлегол во нива, по што излегол од возилото и се обидел да побегне. Набргу бил фатен, а во возилото биле пронајдени мигрантите, појаснија од МВР.

Лицето било задржано во полициска станица и по целосно документирање на случајот против него ќе биде поднесена соодветна пријава.

The post Слупчанец фатен со 12 мигранти appeared first on Република.

На влез во гевгелиското село Прдејци, рано утрово околу 01:30 часот, полициски службеници од Полициската станица за граничен премин и граничен надзор Богородица ги лишиле од слобода З.Г. (20) и Д.М.(19), двајцата од Косово бидејќи во возилото со кое се превезувале биле пронајдени мигранти.

При контрола во возилото „фолксваген туран“ со косовска национална ознака, кое го управува З.Г., а сопатник бил Д.М., биле пронајдени седум лица мигранти од Сирија, соопштија денеска од МВР.

Тие биле задржани во Полициската станица Гевгелија и по целосно документирање на случајот, во координација со јавен обвинител, против нив ќе биде поднесена соодветна пријава.

The post Двајца косовски криумчари фатени кај Гевгелија appeared first on Република.

Дваесет и едногодишен жител на Гевгелија вчеравечер бил приведен од полицијата бидејќи превезувал 13 мигранти од Сирија.

Како што соопшти МВР, М.Г. (21) бил проведен вчера околу 19.30 часот во село Давидово од полициски службеници од РЦГР Југ- Полициска станица за ГП и ГН Богородица.

Со патничко моторно возило „фолксваген туарег" превезувал 13 мигранти од Сирија, од кои две малолетни лица. Известен е јавен обвинител од ОЈО за ГОКК и по документирање на случајот ќе биде поднесена соодветна кривична пријава, информира Министерството за внатрешни работи.

The post Приведен 21-годишен гевгеличанец фатен со 13 мигранти во автомобилот appeared first on Република.

На железничкиот премин на регионалниот пат село Миравци-село Давидово, Гевгелиско, вчера околу 17.00 часот полициски службеници од Полициската станица за граничен премин и граничен надзор Богородица при Регионалниот центар за гранични работи Југ, го лишиле од слобода П.Р.(40) од Скопје затоа што во возило „опел вектра“ со скопски регистарски ознаки превезувал шест лица мигранти од Сирија.

Претходно, на клучка Гевгелија на автопатот А1, полициски службеници дале знак за запирање, но, како што денеска информираа од МВР, возилото продолжило со движење и се исклучило на регионалниот пат с.Миравци-с.Давидово, каде што удрило во столб, по што застанало. При преглед во возилото биле пронајдени мигрантите, а возачот П.Р. бил фатен и лишен од слобода.

Лицето било задржано во полициска станица, а мигрантите биле предадени во Прифатниот центар за странци во Скопје. За настанот, информираа од МВР, бил известен јавен обвинител и по целосно документирање на случајот, против П.Р. ќе биде поднесена соодветна пријава.

The post Приведен уште еден криумчар на мигранти appeared first on Република.

Ноќеска во 03:25 часот на автопатот Гевгелија – Скопје, кај клучка Демир Капија, во координирана акција на полициски службеници од Полициската станица за граничен надзор Михајлово и Полициската станица за граничен премин и граничен надзор Богородица, при Регионален центар за гранични работи Југ, од слобода биле лишени Р.О.(21), Б.Ц.(26) и К.Ф.(26), сите од Косово.

Околу 03:05 часот во близина на Гевгелија, при преземање службени дејствија, полициски службеници забележале како во комбе „форд“ со косовски национални ознаки, кое го управувал Р.О., влегуваат повеќе лица мигранти. На даден знак за запирање, возилото продолжило со движење и при преземањето на дополнителни мерки за негово сопирање, патничко возило „фолксваген тигуан“ со косовски национални ознаки, во кое биле Б.Ц. и К.Ф., на автопатот ги попречувало службените полициски возила. По тунелот Јаворица од возилото „форд“ излегле лица мигранти, а возилата продолжиле со движење, информираат од МВР.

Од страна на полициски службеници на местото биле затекнати девет мигранти од Сирија, кои потоа се пренесени во Прифатен центар за странци во Скопје, а набргу, кај клучка Демир Капија, двете возила биле запрени и лицата во нив биле приведени и задржани во полициска станица. По целосно документирање на случајот против нив ќе биде поднесена соодветна пријава.

The post Косовари шверцале мигранти низ Македонија appeared first on Република.

Одделението за прекуграничен криминал, миграции, странци и реадмисија Куманово поднесе кривична пријава против Д.С.(27) од Велес, поради постоење основи на сомнение за сторено кривично дело „криумчарење мигранти“.

На 20 - ти минатиот месец, на регионалниот пат Старо Нагоричане - Пелинце, општина Старо Нагоричане, полициски службеници извршиле контрола на товарно возило „ман’’, управувано од пријавениот, при што било констатирано дека превезува 44 илегални мигранти, соопштија од МВР.

The post Кривична за велешанец фатен со 44 мигранти во неговиот камион appeared first on Република.

На булеварот „Гевгелија“, на излезот од Гевгелија, утрово во 07.40 часот, полициски службеници од Полициска станица за граничен премин и граничен надзор „Богородица“ го лишиле од слобода К.В. (22) од Лесковац, Србија, поради сомнение дека сторил кривично дело „криумчарење мигранти“.

Според МВР, К.В. управувал патничко возило „опел сигнум“, со српска национална ознака, кое учествувало во сообраќајна незгода, а во него биле затекнати осум лица илегални мигранти од Сирија.

К.В. е приведен во полициска станица и во координација со јавен обвинител од Основното јавно обвинителство за гонење организиран криминал и корупција, по документирање на случајот, против него ќе биде поднесена кривична пријава, а мигрантите ќе бидат пренесени во прифатно-транзитен центар во Гевгелија.

The post Во Гевгелија приведен криумчар од Србија, пронајдени осум мигранти од Сирија appeared first on Република.

 Во Стар Дојран, полициски службеници од Полициската станица за граничен надзор и гранични проверки Стар Дојран го лишиле од слобода И.Х.(22) од Египет.

Како што објавија од МВР, околу 07.30 часот тој бил затекнат со група од 25 лица мигранти (меѓу кои пет малолетници), сите од Сирија и по преземени мерки било утврдено дека тој ги организирал и им помогнал илегално пеш да ја поминат државната граница од Грција во Македонија.

Мигрантите биле сместени во прифатно – транзитен центар во Гевгелија, а И.Х. бил задржан во полициска станица. По целосно документирање на случајот, во координација со јавен обвинител, против него ќе биде поднесена соодветна пријава.

The post Египјанин фатен во Стар Дојран како криумчари мигранти appeared first on Република.

Рано утрово во 5 часот во с.Трновац, на место викано Златановци, кратовско, полициски службеници го лишиле од слобода Х.Д.(19) од велешко, поради постоење основи на сомнение за сторено кривично дело „криумчарење мигранти“.

Имено, вчеравечер во 20.30 часот на автопат Куманово-Табановце полициски службеници забележале патничко возило „мерцедес мл 320“ со велешки регистарски ознаки, кое не застанало и кај место викано „Поповски рид“ пред с.Страцин излетало од коловозот, а возачот и мигрантите се дале во бегство.

По преземени мерки биле пронајдени 9 лица мигранти од Сирија, кои биле пренесени во Транзитниот центар „Табановце“, а по преземени дополнителни активности бил пронајден и Х.Д., кој со возилото ги превезувал мигрантите.

По целосно документирање на случајот против него ќе биде поднесен соодветен поднесок.

The post Возило излета од пат откако полиција побарала да застане, и возачот и мигрантите се дале во бегство appeared first on Република.