На 09.11.2024 во 22.50 часот полициски службеници од Полициската станица за граничен премин и граничен надзор Богородица, го лишиле од слобода Ф.Р.(20) од Р.Турција поради тоа што околу 22 часот на локалниот пат Стојаково-Богданци при извршен преглед во патничко возило „пежо“ со скопски регистарски ознаки, кое тој го управувал, биле пронајдени девет лица-мигранти, од кои седум од Ирак и двајца од Сирија.

Известен е јавен обвинител и по документирање на случајот ќе биде поднесен соодветен поднесок, а мигрантите биле пренесени во Прифатно-транзитен центар „Винојуг“-Гевгелија.

The post Лишен од слобода криумчар на мигранти appeared first on Република.

Полициски службеници од ПС за граничен надзор Сопот при РЦГР Север синоќа околу 23 часот го лишиле од слобода Ф.А.(21) од Тирана, Р.Албанија поради основано сомнение за сторено кривично дело „криумчарење на мигранти“, предвидено по член 418-б од КЗ на РСМ.

МВР денеска соопшти дека околу 23 часот на место викано „Костурник“, кумановско, полициските службеници забележале патничко возило „ауди А3“ со косовски национални ознаки, управувано од пријавениот, во кое имало мигранти.

Од страна на полициските службеници бил даден знак возилото да застане, но тоа продолжило со движење во правец на место викано „Езера“-с.Речица, по што излетало од патот. Ф.А. е лишен од слобода, а пронајден е и еден мигрант С.Р.(29) од Непал, а се преземаат мерки за пронаоѓање на другите лица. По целосно документирање на случајот ќе следува соодветен поднесок, се појаснув во соопштението од МВР.

The post Бегајќи од полиција криумчар излета од пат appeared first on Република.

На автопатот Граничен премин Табановце- Куманово, синоќа во 19.50 часот полициски службеници од Полициската станица за граничен надзор Сопот при Регионалниот центар за гранични работи Север го лишиле од слобода Д.С.(23) од Гевгелија.

При преглед во патничко возило „мерцедес“ со скопски регистарски ознаки, кое го управувал, информираа денеска од МВР, биле пронајдени четири лица мигранти од Непал.

По целосно документирање на случајот, во координација со јавен обвинител, ќе биде поднесена соодветна пријава.

The post На Табановце приведен криумчар на мигранти appeared first on Република.

Тројца мигранти од вкупно 16 се повредени откако С.М. (23) од БиХ, со привремен престој во Скопје, бегајќи од полициска патрола најпрвин удрил во рампа на наплатната станица Смоквица, а откако продолжил со движење удрил во столб во селото Негорци.

Како што информираа од СВР Струмица, вчера околу 19:45 часот на автопатот Скопје-Гевгелија тој не застанал на знак за запирање даден од полициски службеници и со патничко возило „ауди“ со скопски регистарски ознаки, кое го управувал, превезувајќи 16 мигранти.

Повредените мигранти биле пренесени во болницата во Гевгелија, а увид на местото извршила екипа на полицијата.

С.М. бил задржан во Полициската станица Гевгелија, а за настанот бил запознаен Јавен обвинител од Основното јавно обвинителство за гонење на организиран криминал и корупција-Скопје.

The post Криумчар удри во патарина, па во столб кај Негорци appeared first on Република.

Полицијата од ОВР Неготино вчера во 20 часот пред влез во Неготино, на регионалниот пат Демир Капија - Неготино, го лишила од слобода дваесетгодишниот О.Р. од скопското село Студеничани, осомничен за кривично дело „криумчарење мигранти“.

Како што информира Министерството за внатрешни работи, околу 15.15 часот на автопатот А1, на делницата Демир Капија - Неготино, во близина на место викано Острово, полициски службеници од Полициската станица за граничен надзор Михајлово забележале патничко возило „волво“ со скопски регистарски таблички од друго возило, кое излетало од патот, а возачот го напуштил местото.

Во близина на возилото биле пронајдени десет лица мигранти од Сирија. По преземени мерки и активности на полициски службеници од Полициската станица за граничен надзор Михајлово и полициски службеници од ОВР Неготино, малку подоцна, возачот бил пронајден и лишен од слобода. Тој бил задржан во полициска станица, а мигрантите биле сместени во прифатно-транзитен центар во Гевгелија, наведува МВР.

Министерството информира дека против О.Р. денеска ќе биде поднесена соодветна кривична пријава.

The post Криумчар од Студеничани со 10 мигранти излетал од пат, па избегал од местото на несреќата appeared first on Република.

Четириесет и двегодишен кавадарчанец е приведен ноќеска на излез од Гевгелија бидејќи во возилото кое го управувал пронајдени се осум мигранти.

Министерството за внатрешни работи денеска соопшти дека околу 01:15 часот на местото викано „Македонија пат“ на излез од Гевгелија приведен е М.К. од Кавадарци. Во возилото марка „мазда 6“ со германски таблички најдени се осум мигранти од кои пет од Сирија, две од Авганистан и едно од Пакистан.

М.К. е приведен во полициска станица и во координација со јавен обвинител, по целосно документирање на случајот, против него ќе биде поднесен соодветна пријава.

The post Приведен криумчар, пронајдени осум мигранти appeared first on Република.