Голем пожар избувна попладнево во близина на местото Платаниа кај градот Ханиа во североисточниот дел на грчкиот остров Крит, а од бројот за итно случаи 112 беше испратена порака за евакуација до сите што се во непосредна близина, јави дописничката на МИА од Атина.

Според локалните медиуми од островот, пожарот што гори ниска вегетација и брзо се шири поради ветерот е во близина на хотелски комплекси и евакуирани биле најмалку еден хотел, голем, супермаркет, како и туристички објекти.

-Доколку сте на плоштадот Платаниа кај Ханиа и западно, придвижете се на запад кон Герани преку стариот автопат. Следете ги упатствата на властите, пишува во пораката испратена од бројот 112 до сите оние што се во непосредна близина на пожарот. 

Интервенираат копнени и воздушни сили на противпожарната служба на Грција, а според државната телевизија ЕРТ градоначалникот на Платаниа од министерот за цивилна заштита побарал уште еден дополнителен хеликоптер.

The post Пожар на грчкиот остров Крит – превентивно евакуирани жители и туристи appeared first on Република.

Крајбрежната служба на Грција спасила 52 бегалци и мигранти кои со гумен чамец пловеле во близина на грчкиот остров Крит и побарале помош, јави дописничката на МИА од Атина.

Спасените, 42 мажи и десет малолетни лица, биле пренесени на пристаништето во градот Ираклио на Крит.

Тројца од групата, на возраст од 16, 18 и 20 години биле идентификувани како криумчари и биле уапсени.

Според она што го кажале спасените, како што соопштија од грчката крајбрежна служба, мигрантите тргнале од либиското крајбрежје кон Грција, при што за превоз платиле по околу 2.000 американски долари.

The post Спасени 52 мигранти во близина на грчкиот остров Крит и уапсени тројца криумчари appeared first on Република.

Земјотрес со јачина од 5,2 степени е регистриран изутринава во близина на брегот на грчкиот остров Крит, соопшти Европско-медитеранскиот сеизмолошки центар.

Според неговите податоци, епицентарот на земјотресот бил на 170 километри југозападно од градот Ираклион, каде живеат околу 137.000 луѓе.

Нема информации за повредени или причинета материјална штета.

The post Земјотрес од 5,2 степени регистриран во близина на брегот на грчкиот остров Крит appeared first on Република.

Земјотрес со јачина од 3,8 степени според Рихтеровата скала го погоди Крит.

Земјотресот бил на длабочина од пет километри, а епицентарот на 73 километри од Ираклион.

Засега нема информации за жртви и материјална штета

The post Земјотрес го погоди Крит appeared first on Република.

Големиот шумски пожар што вчера избувна во близина на градот Иерапетра во југоисточниот дел на грчкиот остров Крит, денека е локализиран, откако пожарникарите и во текот на ноќта продолжија со гаснењето, јави дописничката на МИА од Атина.

Како што соопштија од противпожарната служба на Грција, интервенираат 186 пожарникари со 12 пешадиски тима, 38 возила и четири хеликоптери, од кои еден е за координација, а доцна синоќа на островот пристигнаа и 17 пожарникари од Атина.

Во текот на вчерашниот ден превентивно беа евакуирани жителите на четири населени места, а повредени беа три лица, од кои 74-годишен маж е хоспитализиран со сериозни изгореници.

Од Министерството за климатски кризи и цивилна заштита на Грција соопштија дека вчера, за 12 часа, односно од 6 до 18 часот во земјата избувнал 71 шумски пожар, а надлежниот министер Василис Кикиљас одржа состанок со тимот метеоролози и со Координативното тело со учество на сите инволвирани поради прогнозите за силен ветер во следните денови во различни региони на Грција, што резултира со опасност од истовремени пожари.

Паралелно, според противпожарната служба на Грција, во текот на вчерашниот ден биле уапсени три лица за предизвикување пожари во различни делови на земјата и им била изречена парична казна во висина од 500 евра.

The post Локализиран пожарот на грчкиот остров Крит appeared first on Република.

Голем шумски пожар избувна утрово во близина на градот Иерапетра во југоисточниот дел на грчкиот остров Крит, а превентивно беа евакуирани жителите на четири населени места, јави дописничката на МИА од Атина.

Поради силниот ветер отежнато е гаснењето на пожарот, а интервенираат 120 пожарникари со шест пешадиски тима, 27 возила и два хеликоптера.

Преку европскиот број за итни случаи 112 до жителите на четири населени места во близина на пожарот утрово беа испратени пораки за евакуација.

Според локалните медиуми од островот, пожарот зафатил и домови и повредено е едно лице.

Градоначалникот на Иерапетра Манолис Фрагулис за грчката телевизија ЕРТ објасни дека пожарот е високо на планината, на непроодно место, а „најлошото е што ветерот е многу силен“.

The post Голем шумски пожар на грчкиот остров Крит, превентивно евакуирани населени места appeared first on Република.

32-годишна туристка од Србија починала во хотел на Крит, јавуваат грчките медиуми.

Според нивните информации, девојката, која летувала заедно со другарки, во саботата вечерим кажала дека се чувствува лошо и дека повеќе би сакала да остане во хотелската соба и да се одмори, наместо да излезе со нив. Нејзините пријатели излегле на пијачка, а кога се вратиле во хотелската соба околу 22 часот ја нашле девојката мртва!

Веднаш била повикана брза помош, но за несреќната девојка веќе било доцна.

The post Туристка од Србија пронајдена мртва во хотел на Крит appeared first on Република.

Мерка притвор им е одреден на четворица од осумтемина уапсени на грчкиот остров Крит за криминалната организација која злоупотребувала жени како донори на јајце клетки или сурогат мајки, за измами на пациенти преку лажни ин витро и за посредување при нелегални посвојувања на бебиња, јави дописничката на МИА од Атина.

Криминалната организација беше разбиена минатата седмица, а уапсените вчера беа изведени пред истражен судија на Крит.

Според грчката новинска агенција АНА-МПА, меѓу притворените е и лекарот, сопственик на приватната клинка за асистирана репродукција.

Како што објави МИА минатата седмица, од грчката полиција соопштија дека од декември 2022 година, биле евидентирани најмалку 182 случаи на експлоатација на жени со отстранување на јајце клетки и сурогат мајчинство, а биле откриени над 400 случаи на измами преку лажни ин витро.

Криминалната организација дејствувала преку регрутирање жени од Крит , Солун, но и од странство, кои имале улога на посреднички и биле задолжени за пронаоѓање жени, странски државјанки кои се во ранливи положби за да ги користат како донори на јајце клетки или сурогат мајки за „клиентите“ на организацијата од целиот свет, односно парови кои не можат да имаат деца или истополови парови кои законски не ги исполнуваат условите за посвојување

The post Криминалната организација на Крит тргувала со бебиња и нелегални посвојувања, притворени 4 лица appeared first on Република.

По лизгање на земјиштето и пад на карпи предизвикани од земјотресот од 4,9 степени повреден е турист во кањонот Самариа на грчкиот остров Крит и со хеликоптер е пренесен во болница каде што ќе биде опериран, јави дописничката на МИА од Атина.

Според Противпожарната служба на Грција, за време на земјотресот што беше регистриран кусо пред 11 часот утрово, во кањонот имало голем број посетители, а по пад на карпа бил сериозно повреден маж кој од вработените во кањонот, во соработка со претставници на противпожарната служба бил пренесен до хелиодромот во селото, а оттаму, со хеликоптер и спасувачки тим бил префрлен во болницата во Ханиа, каде ќе му биде извршена операција.

Дел од грчките медиуми објавија дека на туристот од Шпанија му е ампутирана ногата, меѓутоа засега не постои официјална потврда.

Веднаш по земјотресот од бројот за итни случаи 112 беше испратена порака до сите оние кои се јужно од градот Ханиа да избегнуваат опасни подрачја како што се карпи, кањони, поради опасност од лизгање на земјиштето.

Со оглед на тоа дека во кањонот имало туристи, од Противпожарната служба на Грција соопштија дека во тек е процесот на евакуација.

The post Во земјотресот на Крит сериозно повреден турист appeared first on Република.

Силен земјотрес утрово е регистриран на грчкиот остров Крит. Споре првичните инфромации на ЕМСЦ, во 9 часот и 49 минути по макеоднско време, 10:49 по грчко време регистриран е земјотес со јачина од 5 степени по Рихтер.

Епицентарот на земјотесот е на длабочина од 24 километри.

Грчкиот остров е пополарно турисичко место во текот на летото. Во моментов нема информации дали има штети или евентуално повредени лица.

The post 5 степени по Рихтер, страшен земјотрес утрово на Крит во Грција appeared first on Република.

Злоупотреба на жени во ранливи категории кои ги користеле како донори на јајце клетки или сурогат мајки, измами на пациенти преку лажни ин витро, посредување при нелегални посвојувања, се делата за кои се уапсени осум лица, членови на криминална организација на грчкиот остров Крит за вршење трговија со луѓе и нелегални посвојувања, јави дописничката на МИА од Атина.

Од грчката полиција соопштија дека од декември 2022 година, биле евидентирани најмалку 182 случаи на експлоатација на жени со отстранување на јајце клетки и сурогат мајчинство, а биле откриени над 400 случаи на измами преку лажни ин витро.

Меѓу уапсените осум лица, две имале водечка улога од кои едниот е 73-годишен лекар и сопственик на приватна клиника, кој ја координирал и водел криминалната организација.

Функционирале преку регрутирање жени од Крит, Солун, но и од странство, кои имале улога на посреднички и биле задолжени за пронаоѓање жени, странски државјанки кои се во ранливи положби за да ги искористат како донори на јајце клетки или сурогат мајки за „клиентите“ на организацијата од целиот свет, односно парови кои не можат да имаат деца или истополови парови кои законски не ги исполнуваат условите за посвојување.

Од досегашната истрага на полицијата од декември 2022 година биле регистрирани: 71 жена – донатори на јајце клетки, 98 жени – жртви на трговија со луѓе, кои биле експлоатирани како сурогат мајки, 13 случаи на незаконски процедури за добивање дете преку програма за сурогат мајчинство, четири случаи на незаконски посвојувања, 400 случаи на измама или предизвикување физичка повреда на пациентите преку лажните ин витро во 2021, 2022 и 2023 година.

Според полицијата, придобивката за криминалната организација за секоја програма за сурогат мајчинство вообичаено се движела од 70.000 до 100.000 евра, од кои 70 отсто е нето добивка.

Во рамките на полициската акција биле откриени 30 жени, странски државјанки, кои или биле донори на јајце клетки или се трудници во процес на сурогат мајчинство.

The post Злоупотребувале жени, правеле лажно ин витро и нелегални посвојувања: На Крит разбиена криминална организација appeared first on Република.

Земјотрес со интензитет од 5,2 степени според Рихтеровата скала е регистриран денеска западно од брегот на Крит, соопшти Националната опсерваторија на Атина.

Епицентарот на земјотресот, кој се случи во 18:36 часот по локално време, бил на 98 километри југозападно од островот Китера во Јонското Море, пренесува „Екатимерини“.

Длабочината е проценета на 14 километри.

The post Силен земјотрес кај Крит appeared first on Република.

Во морскиот дел меѓу островите Касос и Крит, час и половина по полноќ беше регистриран земјотрес со јачина од 5,5 степени, што бил почувствуван во повеќе делови на земјата, а нема информации за повредени или материјална штета, јави дописничката на МИА од Атина.

Според Геодинамичкиот институт на Националната опсерваторија во Атина, епицентарот на земјотресот бил 62 километри северозападно од Касос, додека пак Евро- медитеранскиот сеизмолошки центар издал предупредување за цунами.

Сеизмологот Ефтимиос Лекас за грчката телевизија ЕРТ објасни дека предупредување е веќе поништено и дека не постои причина за загриженост.

The post Силен земјотрес во Грција, во близина на Крит, нема информации за повредени appeared first on Република.

Во морскиот дел меѓу островите Касос и Крит, час и половина по полноќ беше регистриран земјотрес со јачина од 5,5 степени, што бил почувствуван во повеќе делови на земјата, а нема информации за повредени или материјална штета, јави дописничката на МИА од Атина.

Според Геодинамичкиот институт на Националната опсерваторија во Атина, епицентарот на земјотресот бил 62 километри северозападно од Касос, додека пак Евро- медитеранскиот сеизмолошки центар издал предупредување за цунами.

Сеизмологот Ефтимиос Лекас за грчката телевизија ЕРТ објасни дека предупредување е веќе поништено и дека не постои причина за загриженост.

The post Земјотрес со јачина од 5,5 степени во близина на грчкиот остров Крит appeared first on Република.

Во големото невреме што ги зафати северниот и североисточниот дел на грчкиот остров Крит, едно лице го загуби животот, спасувачките екипи трагаат по исчезната жена, а над 30 лица биле спасени, според последните информации од портпаролот на противпожарната служба на Грција Јоанис Артопиос, јави дописничката на МИА од Атина.

Невремето ги погоди регионите Ираклио и Ласити, а во приморското место и туристичка дестинација Агиа Пелагиа од автомобил заглавен во надојдените води било извлечено безживотното тело на 50-годишен маж, а живи биле пронајдени две жени.

Според Артопиос, во делот на Агиа Пелагиа во тек е потрагата по исчезната жена, а не постојат пријави за други исчезнати.

За само еден час центарот за операции на противпожарната служба примила 453 повици за помош, додека пак спасувачки екипи на безбедно место префриле вкупно 30 лица, од кои девет биле во археолошкиот локалитет Ситиа, меѓу кои и две деца.

Портпаролот на противпожарната служба на Грција рече дека вечерва невремето се префрлило во источниот дел на Крит, а обилни врнежи има и на островите Карпатос и Касос.

Токму до жителите на овие два острови, како и до оние што се на Родос, Кастелоризо и Халки од бројот за итни случаи 112 попладнево беше испратена порака за можни опасни временски појави во следните 24 часа и со препорака да се избегнуваат непотребни движења.

The post Eден загинат, исчезната жена во невидено невреме на грчкиот остров Крит appeared first on Република.

Земјотрес со јачина од 5,2 степени според Рихтеровата скала денеска наутро го потресе источниот дел на грчкиот остров Крит, јавува „Катимерини“.

Засега нема информации за повредени или за оштетување на објекти.

Земјотресот се случил во 7:13 часот по локално време. Епицентарот бил во морето на 30 километри од градот Закрос, а со длабочина од 4,7 километри.

Тој се почувствувал во многу области на источниот дел од Крит, но и на главниот град на округот, Хераклион.

The post Силен земјотрес од 5,2 степени го стресе Крит appeared first on Република.

70-годишен Британец е обвинет дека ја силувал својата 34-годишна ќерка додека бил на одмор на грчкиот остров Крит.

Првично не се објавува идентитетот на човекот, кој бил уапсен во саботата, откако неговата ќерка два дена претходно пријавила во полиција дека била нападната во градот Малиja.

Жртвата, која била на одмор, признала дека била пијана и рекла дека не се сеќава на ништо за нејзиниот напаѓач, освен дека тој носел целосно бела облека.

Полицајците кои ја прегледале снимката од видео надзор изјавиле дека парот пиел заедно во еден бар кога таткото направил непристојни гестови, ја удрил ќерка си во лицето, ја пратил на улица и потоа ја силувал на напуштена плажа.

Полицијата вели дека нејзиниот татко на сликите од безбедносните камери носел целосно бела облека.

Медицинските инспектори за локалниот весник Неакрити изјавиле дека жената била „покриена“ со повреди кои биле во согласност со камења и гранки пронајдени на плажата.

Инспекторите додале дека таа имала и повреди во врска со силувањето и дека биле собрани примероци од ДНК.

Полицијата го уапсила нејзиниот татко во саботата и го ставила со лисици во локалната судска канцеларија каде што е обвинет за кривични дела силување, сексуална злоупотреба и семејно насилство.

Мажот се изјасни за невин и остро ги отфрлил сите обвиненија.

Ќерката наводно била во неверување и тврди дека не е можно да била нападната од нејзиниот татко, кој ќе остане во притвор до вторник, кога му истекува рокот јавно да се извини за стореното дело, пишува „Дејли Мејл“.

Грчкиот закон дозволува намалени казни за оние кои ќе ја признаат вината и ќе се извинат, а таа мерка им е достапна и на обвинетите за силување.

Портпаролот на Форин Офисот изјави дека обезбедуваат конзуларна поддршка на Британката во Грција.

The post Хорор на Крит: 70-годишен Британец ја силувал сопствената ќерка на напуштена плажа appeared first on Република.