Фудбалерот на Ал Наср, Кристијано Роналдо викендот постигна еден гол на натпреварот од 6. коло на шампионатот на Саудиска Арабија против Ал-Оруба (3:0).

Според Меѓународната федерација за фудбалска историја и статистика (IFFHS), овој гол за 39-годишниот напаѓач беше 600-ти во кариерата на највисоко ниво (во врвните дивизии на првенствата на земјите во кои играше играчот).

Роналдо е првиот фудбалер во историјата кој стигна до 600 погодоци.

Второто место по бројот на голови на највисоко ниво во историјата го зазема напаѓачот на Интер Мајами, Лионел Меси (556).

The post Роналдо е првиот играч во историјата кој постигнал 600 голови на врвно ниво appeared first on Република.

Кристијано Роналдо има синџир хотели „Pestana CR7“.Вработените таму велат дека тој е скржав како газда. Па така за менаџер платата била 2.300 евра месечно, а на  келнерите 1.300 евра.

Покрај платата, вработените имаат покриено здравствено осигурување, бесплатни оброци во ресторанот, попусти за престој во хотел и многу други поволности.Газдата им дава и  одмор од 30 дена и  20 слободни денови.

The post Скржав како газда: Роналдо на келнерите во својот хотел им дава плата од само 1300 евра appeared first on Република.

Кристијано Роналдо отворено го критикуваше својот поранешен тренер. Португалскиот репрезентативец гостуваше во подкастот на Рио Фердинанд и искрено кажа што мисли.

Поранешните соиграчи од Манчестер Јунајтед проговорија за моменталната ситуација во „црвените ѓаволи“.

Ситуацијата секако не е добра. „Црвените ѓаволи“ се на 14. место, со два порази и една победа.

-Манчестер мора да почне да обновува сè. Мислам дека на сите им е јасно. Ќе биде потребно време бидејќи се уште е еден од најголемите клубови во светот, но им требаат огромни промени. Тоа е единствениот начин да се вратиме на врвот како клуб и луѓето од клубот го знаат тоа. Тренерот вели дека не можат да се борат за првото место во Лигата на шампионите. Како менаџер на Манчестер, не можете да го кажете тоа. Мора да се борите, кажа Роналдо.

Општо познато е дека Кристијано Роналдо не беше миленик на Тен Хаг, а сето тоа заврши со прилично грозен раскин на договорот во 2022 година.

Тоа беше втор период на Роналдо на „Олд Трафорд“. Првиот пат беше од 2003 до 2009 година, кога постигна 145 гола на 346 натпревари.

Играше и за Спортинг, Јувентус и Реал Мадрид, додека денеска настапува за Ал-Наср

The post Роналдо за Тен Хаг: Манчестер Јунатед мора да почне да обновува сè appeared first on Република.

Напаѓачот на Ал-Наср и Португалија, Кристијано Роналдо ги именуваше своите фаворити за „Златната топка“ во наредните сезони.

Триесет и девет годишниот Португалец ги сподели своите размислувања во разговор со поранешниот соиграч од Манчестер Јунајтед, Рио Фердинанд на неговиот канал на Јутјуб.

-Мбапе би можел да ја освои „Златната топка“ во следните неколку години. Веројатно Халанд и Белингем исто така. Ламине Јамал исто, рече Роналдо.

Роналдо е петкратен добитник на „Златната топка“. По бројот на награди, пред него е само напаѓачот на Интер Мајами, Лионел Меси, кој има рекордни осум Златни топки.

„Франс Фудбал“ на 4 септември објави листа од 30 номинирани за „Златната топка“ за сезоната 2023/24, а за прв пат од 2003 година ги нема двајцата великани на модерниот фудбал - Роналдо и Меси

The post Oва се фаворитите на Роналдо за „Златната топка“ appeared first on Република.

Португалецот Кристијано Роналдо во јануари ќе наполни 40 години, но сепак тврди дека има голема мотивација да игра за репрезентацијата на својата земја.

По Европското првенство во Германија се појави информација дека тоа ќе биде негов последен настап во дресот со националниот амблем, но тој во интервју за медиумите во својата земја тоа остро го демантираше.

- Во медиумите се појавија шпекулации дека повеќе нема да играм за репрезентацијата, но тоа не дојде од мене, бидејќи не ни помислував на тоа. Се уште имам голема мотивација да настапувам за мојата земја и едвај чекам повторно да го облечам дресот на Португалија, рече еден од најдобрите фудбалери во историјата.

https://republika.mk/sport/fudbal/ronaldo-go-proveri-zadnikot-na-georgina/

Првотимецот на Ал-Наср истакна дека неговите амбиции се секогаш највисоки и дека моментално сака да ја освои Лигата на нации со португалската репрезентација.

-Често се повторувам по ова прашање, но морам да кажам дека никогаш не правам долгорочни планови. Секогаш се трудам целосно да се фокусирам на првото нешто што ми следи, а тоа е во моментов Лигата на нации. Португалија има одличен тим и нашата главна цел е да го освоиме ова натпреварување. Веќе успеавме во тоа, па сакаме да го направиме тоа повторно, изјави Роналдо.

За потсетување, Португалија е во групата 1 од А-Дивизијата на Лигата на нациите, каде за ривали ќе и бидат селекциите на Хрватска, Шкотска и Полска

The post Уште има мотив: Роналдо не се откажува од репрезентацијата appeared first on Република.

Најдобриот стрелец на сите времиња во меѓународниот фудбал, Кристијано Роналдо е повикан во тимот на Португалија за нивните претстојни натпревари во Лигата на нации против Хрватска и Шкотска.

Триесет и девет годишниот напаѓач, кој има 130 гола за својата земја, беше повикан од селекторот Роберто Мартинез за домашните натпревари на 5 и 8 септември.

По елиминацијата од Франција од четвртфиналето на ЕП 2024, селекторот Мартинез објави дека започнува нов циклус на градење на тимот за Светското првенство во 2026 година во Мексико, САД и Канада, и се чини дека Роналдо е во неговите планови, иако во тоа време тој ќе има 41 година.

Во 25-члениот тим повикан од Мартинез, дефанзивниот играч за врска на Челси, Ренато Веига и десното крило на Спортинг Лисабон, Џовани Кенда се меѓу ретките нови лица во тимот.

The post Роналдо не се откажува од репрезентацијата appeared first on Република.

Фудбалерот на Ал Наср и Португалија, Кристијано Роналдо ја објави својата намера да постигне 1.000 голови во кариерата.

Тој смета дека целта може да ја достигне на околу 41 година.

- Сакам да стигнам до границата од 1.000 голови. Ако немам никакви повреди, тоа ми е најважно, тоа го сакам. За мене најдобрата оценка што можам да ја постигнам во фудбалот е првично да стигнам до 900 гола. После тоа целта ми е да стигнам до бројката од 1000 голови.
Сите голови што ги постигнав се документирани на видео. Видете, ги почитувам сите претходни врвни стрелци како (Пеле и Ди Стефано). И ако сакам повеќе голови, можам уште во овој момент броејќи ги тие на тренинзите. И ќе им докажам на луѓето подоцна. Тие претпочитаат овој или оној играч, да го нарекуваат најдобар. Не ми е грижа, рече Роналдо во новото видео на неговиот канал на Јутјуб.

Триесет и деветгодишниот Португалец во моментов има 899 постигнати голови во неговата сениорска кариера за клуб и репрезентација

The post Ќе стигне ли Роналдо до 1000 голови во кариерата? appeared first on Република.

Кристијано Роналдо постави рекорд за најбрз број на претплатници. Напаѓачот на Ал-Наср и Португалија е вклучен во Гинисовата книга на рекорди како личност со најмногу претплатници на YouTube за 24 часа - 19.729.827.

Шест дена по лансирањето на каналот на Роналдо, повеќе од 48 милиони луѓе се претплатија на него.

Роналдо е еден од најдобрите фудбалери во историјата. Неговата популарност не се намалува и на 39-годишна возраст.

Неодамна Португалецот изјави дека кариерата најверојатно ќе ја заврши во неговиот сегашен клуб, саудиска Ал-Наср.

The post Роналдо руши рекорди со својот Јутуб канал appeared first on Република.

Фудбалерот на Ал-Наср и репрезентацијата на Португалија, Кристијано Роналдо не планира да оди во друг клуб пред завршување на кариерата.

Договорот на 39-годишниот играч со саудискиот клуб е до летото 2025 година.

- Не знам дали ќе се пензионирам наскоро или за две или три години, но веројатно ќе го сторам тоа во Ал-Наср. Среќен сум овде. Ми се допаѓа да играм на ова првенство, сакам да продолжам да го правам тоа, го цитира Роналдо новинарот Фабрицио Романо.

Во новата сезона 39-годишниот Роналдо на три натпревари за Ал-Наср постигна три гола и една асистенција

The post Роналдо ќе се пензионира во Саудиска Арабија appeared first on Република.

Поранешниот играч за врска на Реал Мадрид и на репрезентацијата на Германија, Тони Крос ги коментираше одлуките на Лионел Меси и Кристијано Роналдо да ја продолжат својата кариера.

Меси (37) игра за Интер Мајами во американската МЛС, додека Роналдо (39) игра за Ал-Наср во Саудиска Арабија.

- Тие се зависни од успехот во текот на нивната кариера. Не можат да запрат. И тие решија да не заминат на врвот на нивните кариери - како 95 проценти од сите играчи - туку да уживаат во фудбалот уште малку, и ова е нивна одлука. Ако се задоволни со ова, тогаш се е во ред. Но, исто така е очигледно дека, на пример, Кристијано никогаш не е ист како кога играше во Реал Мадрид. Сигурен сум дека тој самиот го знае ова, ја цитира Билд изјавата на Крос.

Крос (34) се пензионираше ова лето. Неговиот последен натпревар беше четвртфиналето на ЕП 2024 Германија - Шпанија (1:2).

The post Зошто Меси и Роналдо не се повлекоа кога беа на врвот? appeared first on Република.

Двајцата највозрасни играчи на овогодинешното Европско првенство во Германија доаѓаат од Португалија.

Пепе, кој на 26 февруари наполни 41 година, ќе игра за шампионите на Стариот континент од 2016 година. Дефанзивецот на Порто повторно го најде своето место во националниот тим.

Второто место на листата на најстари му припаѓа на колегата Кристијано Роналдо, кој на 2 мај го прослави својот 39-ти роденден. За Роналдо ова е шесто последователно континентално првенство на кое настапува.

Лука Модриќ е нешто помлад од Роналдо. Хрватскиот репрезентативец на 9 септември ќе наполни 39 години.

На листата на десет најстари се и: Шпанецот Хесус Навас (роден 21/11/1985), Грузиецот Џорџи Лорија (27/01/1986), Германецот Мануел Нојер (27/03/1986), Французинот Оливие Жиру (30/09/ 1986), Словакот Петер Пекарик (30/10/1986), Данецот Каспер Шмајхел (11/05/1986) и Словакот Јурај Куцка (26/02/1987).

The post Пепе, Модриќ и Роналдо најстари играчи на ЕП appeared first on Република.

Фудбалерите на Интер Мајами го совладаа Орландо (5-0) во рамки на 2. коло во американската МЛС лига во натпревар во кој Лионел Меси придонесе со два гола и влезе во фудбалската историја.

Аргентинскиот фудбалер сега дојде до бројката од 500 прволигашки голови кои ги постигна на 587 натпревари, истиснувајќи од првото место на оваа листа Португалецот Кристијано Роналдо кому му беа потребни 654 натпревари за да постигне 500 голови.

Меси зад своето име има 474 голови во дресот на Барселона, 22 во дресот на ПСЖ, а уште четири постигна откако е член на Интер Мајами.

Паралелно со ова, Меси на дуелот против Орландо го постигна својот 15 гол во сите натпреварувања откако му се приклучи на Интер Мајами, а воедно дојде до вкупна бројка од 824 голови на клупски и репрезентативен план.

The post Meси и Роналдо бркаат рекорди по постигнати голови appeared first on Република.

Напаѓачот на Ал-Наср, Кристијано Роналдо е дисквалификуван поради непристоен гест кон навивачите, пишува „L'Equipe“.

Според францускиот медиум, 39-годишниот Португалец е дисквалификуван на еден натпревар поради срамниот гест што го направи на натпреварот од 21. коло на шампионатот на Саудиска Арабија против Ал Шабаб (3:2).

Самиот Роналдо се правдаше дека овој знак „изразува сила и победа“, а во Европа „навикнати се на тоа“.

Оваа сезона Роналдо одигра 29 натпревари за Ал-Наср во сите натпреварувања, постигна 28 гола и даде 11 асистенции.

The post За покажување на меѓуножјето Роналдо суспендиран appeared first on Република.

Фудбалерот на Ал Наср, Кристијано Роналдо вчеравечер го постигна победничкиот гол во првиот осминафинален натпревар од азиската Лига на шампиони против Ал Феиха (1:0). За португалскиот фудбалер овој натпревар беше јубилеен - 1.000-ти на клупско ниво.

Триесет и деветгодишниот Роналдо има 31 натпревар за Спортинг, 346 за Манчестер јунајтед, 438 за Реал Мадрид, 134 за Јувентус и 51 за Ал Наср.

Во текот на својата клупска кариера, фудбалерот постигна 746 гола, од кои 45 за Ал Наср.

Кристијано Роналдо е петкратен добитник на Златна топка. На клупско ниво, тој стана шампион на Англија три пати и ги освои првенствата на Шпанија и Италија по два пати, а пет пати ја освои и Лигата на шампионите.

The post Руши рекорди: Роналдо постигна 1000 голови во клубски натпреварувања appeared first on Република.

 Кристијано Роналдо стана најплатениот спортист во 2023 година, објави списанието „Sportico“.

Напаѓачот на Ал-Наср и португалски репрезентативец го зазеде првото место, со заработка од 275 милиони долари (215 милиони од фудбалот и 60 милиони долари од спонзорски договори).

Топ 10 рангирањето изгледа вака:

1. Кристијано Роналдо (фудбал) – 275 милиони (215+60)

2. Џон Рам (голф) – 203 милиони (181+22)

3. Лионел Меси (фудбал) – 130 милиони (65+65)

4. Леброн Џејмс (кошарка) – 125,7 милиони (45,7+80)

5. Килијан Мбапе (фудбал) – 125 милиони (100+25)

6. Нејмар (фудбал) – 121 милиони (86+35)

7. Стеф Кари (кошарка) – 98,9 милиони (48,9+50)

8. Јанис Адетокунбо (кошарка) – 88,4 милиони (43,4+45)

9. Кевин Дурант (кошарка) – 86,9 милиони (44,9+42)

10. Патрик Махомес (американски фудбал) – 84,3 милиони (59,3+25).

Најголем дел од топ 100 се кошаркари (40), потоа фудбалери (16) и безбол играчи (13). Во него има и играчи од американски фудбалери (11), голфери (10), боксери (6), возачи на тркачки автомобили и тенисери (по 2).

The post Роналдо е најплатен спортист, по него е голфер appeared first on Република.

Реал Мадрид може да одигра пријателски натпревар против Ал-Наср, пренесува арапскиот новинар Сауд Ал-Сарами.

Според новинарот, шпанскиот фудбалски великан го покани Ал-Наср да игра на реновираниот стадион „Сантијаго Бернабеу“ во чест на завршувањето на реконструкцијата на стадионот, што треба да се случи на крајот на оваа или почетокот на следната година.

Поранешниот напаѓач на Реал Мадрид, Кристијано Роналдо, настапува за Ал-Наср од јануари минатата година. Португалецот играше за Лос Бланкос од 2009 до 2018 година и стана најдобар стрелец во историјата на тимот

The post Роналдо се враќа на „Бернабеу“ appeared first on Република.

 Кристијано Роналдо може да не игра против Интер Мајами на Меси поради повреда.

Како што објави „Arabic Sports“, учеството на 38-годишниот напаѓач на пријателскиот натпревар против американскиот клуб за кој настапува Лионел Меси е доведено во прашање поради повреда.

Ал Наср не објави детали за повредата на Роналдо. Според „Arabic Sports“ Португалецот има повреда на мускулот на потколеницата за чие лекување ќе бидат потребни најмалку неколку недели.

Забележано е дека поради повреда, Кристијано може да ја пропушти и турнејата на Ал-Наср низ Кина, за време на која неговиот тим ќе игра со Шангај Шенхуа и Хангжу Гринтаун (28 јануари).

Натпреварот со Интер Мајами ќе се одигра на 1 февруари. Интер Мајами очекува Меси да настапи на претстојниот натпревар.

The post Печатница за пари: Роналдо и Меси ќе одиграат пријателски меч appeared first on Република.

Познатите фудбалери кои играа во Шпанија во последните години често беа мета на разбојници.Нивните куќи биле ограбувани обично додека биле на натпревари. Шпанската полиција долго време не можеше да ги фати криминалците, а потоа топката почна да се одмотува. Се испостави дека се Албанци од Косово Еден од нив, „ел капо“ или газдата, зборувашр за шпанскиот весник „Ел Еспањол“.

Во серијалот на овој весник „Мафија што ограбува познати личности“, шефот на албанската мафија од Косово се претставувал како Алберто.

Тој ја ограбил куќата на Кристијано Роналдо во неговата родна Мадеира. Исто така, неговиот втор тим успеал да влезе во замокот на Лионел Меси во населбата на Барселона наречена Кастелдефелс, но разбојниците не одзеле ништо.

Алберто го оправда овој чин со тоа што Меси е неговиот омилен фудбалер и дека го поштедил својот дом од почит.

„Неодамна, пред околу една година влеговме во куќата. Меси тогаш веќе беше во Париз, а неговите родители живееја таму. Добро ја познавам таа област, можев, но не сакав од почит кон Меси. Го сакам и тоа е тоа. Неколку пати дури и запирав луѓе кои сакаа да упаднат во куќата на Меси“.

The post Албанската мафија крaдела од домот на Роналдо, Меси го поштедиле appeared first on Република.

Португалецот Кристијано Роналдо беше стрелец и двоен асистент во вчерашната победа на Ал Наср над Ал Хазема од 5-1 во саудиската Про Лига, а со постигнатиот гол стана првиот фудбалер во историјата, кој постигнал 850 официјални голови во кариерата.

-850 голови во кариерата и одиме понатаму!, напиша 38-годишниот Роналдо на социјалните мрежи.

Роналдо сезонава во саудиското првенство е водечки стрелец во моментот со шест голови, еден повеќе од поранешниот напаѓач на Ливерпул, Садио Мане.

Откако Ал Наср ги загуби своите први два дуели во оваа сезона, тимот предводен од Роналдо сега заостанува само четири бодови зад водечкиот Ал Хилал

The post Роналдо во Ал Наср го постигна 850-от гол во кариерата appeared first on Република.

Англиските медиуми на големо пишуваат за Георгијала, инфлуенсер кој тврди дека имала афера со еден од најдобрите светски фудбалери Кристијано Роналдо.

Славниот фудбалер преноќил со својата девојка во хотелот „Вила Нова де Гаја“, на северот на Португалија додека Роналдо и репрезентацијата се подготвуваа за Светското првенство во Катар.

„Кога ја прочитав пораката, помислив дека само ќе разговараме, ќе се запознаеме малку подобро, за да ја искористам можноста да направам уште неколку фотографии со него.
Не мислев дека ќе се случи, но едноставно се случи. Иако се согласив на тоа, чувствувам дека бев изманипулиран од неговата моќ и слава“.

The post Инфлуенсерката Георгијала не знаела дека Роналдо ја вика во соба за секс appeared first on Република.