Состојбата во светската економија и понатаму е тешка, но можеме да кажеме дека е помалку лоша отколку пред неколку месеци, изјави директорката на Меѓународниот монетарен фонд Кристалина Георгиева во интервју за Си-Би-Ес.

„Фондот очекува големото зло од минатата година - инфлацијата да почне постепено да паѓа од 8,8 отсто во 2022 година на нешто повеќе од 4 отсто во 2024 година“, рече таа, додавајќи дека ММФ смета дека е неопходно Бордот на Федералните резерви да продолжи да ги зголемува каматните стапки додека инфлацијата беше целосно контролирана.

Според Георгиева, важно е ММФ да не почне предвреме да ја олабавува својата монетарна политика.

„Американската економија веројатно ќе го постигне посакуваното 'меко приземјување' и дополнително ќе забави во текот на годината, но ќе успее да избегне рецесија“, рече Георгиева.

ММФ смета дека американскиот пазар на труд ќе ослаби до крајот на годината, но голем бран на невработеност е многу малку веројатен

The post Кристалина Георгиева: Состојбата во светската економија и понатаму е тешка appeared first on Република.

Силната зима може да доведе до социјални немири во Европа, каде руската инвазија на Украина веќе доведе до страшни економски последици, поради што постои страв од рецесија, изјави шефицата на Меѓународниот монетарен фонд (ММФ), Кристалина Георгиева.

Георгиева рече дека Европската централна банка, поради актуелната ситуација, мора внимателно да ја балансира борбата против инфлацијата, имајќи ја предвид „неопходноста од зајакнување на економијата“.

„Во некои земји секако постои страв од рецесија, а и да не се случи, изгледа дека ќе се случи оваа зима“, рече Георгиева.

„Ако мајката природа одлучи дека не сака да соработува, а зимата биде остра, може да дојде до социјални немири“, рече таа.

The post Георгиева: Силната зима може да доведе до социјални немири во Европа appeared first on Република.

И покрај тоа што глобалното економско окружување носи крупни предизвици, носителите на економските политики преземаат силни мерки и политики, беше заклучено од страна на директорката на Меѓународниот монетарен фонд (ММФ), Кристалина Георгиева, на онлајн средбата со гувернерката на Народната банка, Анита Ангеловска-Бежоска, премиерот Димитар Ковачевски и министерот за финансии, Фатмир Бесими. Нејзиното видување за соодветните економски политики, првата жена на ММФ го истакна и на нејзиниот твитер профил.

Како што е наведено во соопштението од Народната банка, доказ за соодветноста на политиките е и можноста за пристап до Инструментот за претпазливост и ликвидност (ПЛЛ), преку кој ММФ ќе обезбеди дополнителна ликвидност за нашата земја за надминување на тековните предизвици, што всушност беше и тема на средбата. Имено, овој инструмент се доделува на земји кои имаат здрави економски фундаменти, практикуваат и се очекува и понатаму да практикуваат здрави економски политики и имаат макроекономска стабилност. При процесот на одобрувањето на ПЛЛ, се оценува соодветноста на монетарната политика, стабилноста и супервизијата на финансискиот сектор, како и соодветноста на статистичките податоци. Подготвеноста на Фондот за одобрување на инструментот, говори дека Народната банка успешно одговара на предизвиците во сите овие домени на нејзина надлежност.

-Во однос на политиките кои ги спроведува Народната банка, примарна цел и фокус и натаму останува одржување на стабилноста. Народната банка започна  со процесот на постепено нормализирање на монетарната политика со цел одржување на среднорочната ценовна стабилност. Како резултат на повисокиот раст на примарните производи и пренесените ефекти кај поголемиот дел од производите и услугите, вклучително и растот на инфлациските очекувања, на три наврати досега, беше реагирано кај основната камата. Во контиунитет, Народната банка делува и на девизниот пазар за оптимално управување со ликвидноста. Во оваа насока, два пати се реагираше и кај задолжнителната резерва во насока на поттикнување на денаризацијата, се наведува во соопштението од Народна банка

The post Oнлајн средба на Бежоска и Ковачевски со првиот човек на ММФ: Се преземаат силни политики и мерки за справување со кризата appeared first on Република.

Меѓународниот монетарен фонд (ММФ) повеќе не смета дека е невозможно Русија да престане да ги плаќа долговите, но тоа не треба да предизвика глобална финансиска криза, пренесуваат агенциите.

Веќе не сметаме дека е неверојатно дека ќе има суспензија на плаќањата на Русија. Поради санкциите воведени како резултат на инвазијата на Украина, Русија сега е во опасност да влезе во „длабока рецесија“ - изјави шефицата на ММФ, Кристалина Георгиева во интервју за американската телевизија „ЦБС“.

Георгиева додава дека девалвацијата на националната валута, рубљата, веќе значително ја намалила куповната моќ на руското население. Девизните резерви на меѓународната централна банка на Русија се во голема мера блокирани како резултат на санкциите, што ѝ отежнува на Русија да го стабилизира курсот на рубљата.

Русија има пари да го сервисира својот долг, но не може да пристапи до нив - вели Георгиева.

Дополнително, сервисирањето на државниот долг во странски валути како што се американскиот долар или еврото станува сè покомплицирано.

https://republika.mk/vesti/svet/polovna-od-vkupniot-iznos-rusija-objavi-kolku-od-zlatnite-rezervi-i-se-zapleneti-na-zapad/

На прашањето дали таквото неисполнување на плаќањата може да предизвика финансиска криза низ светот, таа одговора: „Сè уште не“.

Вкупната изложеност на банките во Русија изнесуваше околу 120 милијарди долари, сума која иако не е безначајна, „не е систематски релевантна“ - вели Георгиева.

https://twitter.com/KGeorgieva/status/1503048576502583297?ref_src=twsrc%5Egoogle%7Ctwcamp%5Eserp%7Ctwgr%5Etweet

Георгиева минатата недела изјави дека ММФ ќе ја намали претходната прогноза за глобален економски раст од 4,4 проценти во 2022 година како резултат на војната, но рече дека целокупната насока е сè уште позитивна.

Растот остана силен во земји како Соединетите држави, кои брзо се опоравија од пандемијата на Ковид-19 - вели таа за „ЦБС“.

Георгиева додава дека влијанието ќе биде најтешко во однос на зголемувањето на цените на суровините и инфлацијата, што потенцијално може да доведе до глад и несигурност во снабдувањето со храна во делови од Африка.

The post ММФ предвидува можен банкрот на Русија appeared first on Република.

Директорката на Меѓународниот монетарен фонд Кристалина Георгиева изрази очекувања за послабо закрепнување и повеќе ризици за светската економија.

Според неа, тоа се должи на забавувањето на економиите на САД и Кина, но и на oмикрон варијантата на коронавирусот. Овие процеси имаат влијание врз инфлацијата и долговите.

Се предвидува дека инфлацијата во САД ќе се намали во вториот квартал од годината, благодарение на премостувањето на ограничувањата во синџирот на снабдување, пренесува БГНЕС.

Би сакала да имам пооптимистична перспектива на почетокот на годината. Но, реалноста е дека гледаме послаб моментум на закрепнување и поголема неизвесност, повеќе ризици во 2022 година. Од аспект на Фондот, на крајот на претходната година бевме загрижени дека закрепнувањето слабее. Зошто? Бидејќи двата главни двигатели на светската економија, САД и Кина, се забавија во споредба со летните прогнози. И сега го имаме oмикрон, објасни Кристалина Георгиева.

The post ММФ: САД, Кина и oмикрон го забавуваат економското закрепнување appeared first on Република.