Русија предупреди дека ќе изврши „разорувачки одмазднички напад“ доколку Украина, со поддршка на Западот, го нападне Крим или Кримскиот мост што го поврзува полуостровот на Црното Море со јужниот дел на Русија, кој Киев веќе двапати се обиде да го урне.

Официјална Москва соопшти дека верува оти Украина, која неодамна од САД доби системи за наведувачки ракети со долг дострел АТАКМС, планира да го нападне мостот на 9 мај или пред денот кога Русија ќе ја одбележи победата на Советскиот Сојуз над нацистичка Германија во Втората светска војна.

https://republika.mk/vesti/svet/sholts-faten-na-delo-eve-kako-germanija-planirala-da-go-srushi-krimskiot-most/

Крим стана дел од Русија во 2014 година. Официјален Киев претходно соопшти дека ја смета за нелегална изградбата на патно-железничкиот мост од Русија до Крим и вели дека сака да го врати Крим.

Портпаролката на руското Министерство за надворешни работи, Марија Захарова, ги наведе изјавите и објавите на официјални претставници на Украина и на Европската Унија на социјалните мрежи, кои најавуваат дека мостот е на нишан на украинските сили.

https://republika.mk/vesti/svet/eksplozii-na-krimskiot-most-zagina-brachen-par-nivnata-kerka-povredena/

Подготовките да се нападне сега се спроведуваат отворено, со наметлива храброст и апсолутна директна и бесрамна поддршка на колективниот Запад. Би сакала да ги предупредам Вашингтон и Брисел дека секоја агресивна акција против Крим не е само осудена на пропаст, туку ќе наиде на разорен одмазднички напад, рече таа.

Захарова истакна дека британскиот министер за надворешни работи, Дејвид Камерон изјави дека Украина има право да користи оружје што и го праќа Велика Британија за да гаѓа цели во Русија, што го нарече доказ дека Западот води хибридна војна против Руската Федерација.

https://republika.mk/vesti/svet/ja-isprobuvashe-negovata-izdrzlivost-putin-so-mercedes-se-vozeshe-po-napadnatiot-krimski-most/

The post Русија најави разорна одмазда доколку Украина го нападне Кримскиот мост appeared first on Република.

Гувернерот на Севастопол на Крим, назначен од Москва, Михаил Развозаев, вечерва објави воздушна тревога во градот, објавија британските медиуми, пренесе БТА..

Сообраќајот на мостот што го поврзува руското копно со полуостровот Крим е привремено прекинат.

На 22 септември најмалку една украинска ракета го погоди седиштето на руската Црноморска флота во Севастопол.

-За време на воздушната тревога, морскиот и копнениот јавен превоз престануваат со движење, пренесоа руските медиуми.

Гувернерот на Телеграм објави дека руските сили за воздушна одбрана собориле проектил во близина на аеродромот Белбек.

-Според прелиминарните податоци, силите за воздушна одбрана собориле еден проектил во областа на аеродромот Белбек. Работата продолжува, напиша тој.

The post Објавена воздушна тревога, сообраќајот на Кримскиот мост е запрен appeared first on Република.

Русија накратко го затвори Кримскиот мост, кој го поврзуваше полуостровот Крим, анектиран од руските сили во 2014 година, со континентална Русија, објавија британските медиуми. Целиот сообраќај на стратешкиот мост е во прекин.

Ова го објави локалната администрација на мостот назначена од Кремљ на Телеграм, но не се соопштуваат детали за причината за прекинот на сообраќајот.

Како што е соопштено, Русија ја зајакна одбраната на мостот со барикада од делумно потопени бродови преку 160 метри како мерка против нападите со украински беспилотни летала.

Извор: МИА

The post Русија накратко го затвори Кримскиот мост appeared first on Република.

Украинските безбедносни служби (СБУ) му доставиле на Си-Ен-Ен ексклузивни снимки на кои се гледа моментот кога користеле експериментален дрон за напад на рускиот мост кон анектираниот Крим во јули. Ова е прв пат СБУ отворено да преземе одговорност за операцијата.

Нападот на 17 јули ги оштетил лентите на мостот и, според руските власти, биле убиени двајца цивили. Тоа беше втор напад на виталниот премин и покажа колку е тешко да се одбрани единствената независна врска на Русија со полуостровот.

Шефот на СБУ, Васил Маљук изјавил за Си-Ен-Ен дека користениот дрон, наречен „Sea baby“, е резултат на неколкумесечниот развој што започнал непосредно по инвазијата.

Морските беспилотни летала се уникатен изум на Службата за безбедност на Украина. Ниту една приватна компанија не е вклучена. Со помош на овие беспилотни летала неодамна успешно го погодивме Кримскиот мост, големиот брод Оленгорскиј Горњак и танкерот SIG, рекол тој, пренесува хрватски „Индекс“.

Работиме на голем број нови интересни операции, вклучително и водите на Црното Море. Ви ветувам, ќе биде возбудливо, особено за нашите непријатели - додал Маљук.

Обелоденил дека нападот со беспилотно летало во јули бил производ на повеќемесечна подготовка и заедничка операција со украинската морнарица, која ја водел заедно со морнаричкиот адмирал Олексиј Неизпап.

The post Снимка од последниот напад на Кримскиот мост: Ќе биде возбудливо, особено за непријателите appeared first on Република.

Украинскиот претседател Володимир Зеленски изјави дека мостот „Керч“, што го поврзува полуостровот Крим со Русија „носи војна, а не мир“ и затоа е воена цел.

Во експлозиите во понеделникот на мостот загинаа двајца цивили и онеспособен е дел од коловозот по него, што неодамна се врати во целосна функција откако беше тешко оштетен во сличен напад во октомври.

Украина го поздрави нападот од понеделникот, но властите директно не ја презедоа одговорноста.

Крим беше анектиран од Русија во 2014 година и Киев го сака назад бидејќи се бори против руската инвазија стара 17 месеци.

Патничкиот и железнички мост, што е изградени од Русија и отворен за сообраќај во 2018 година „не е само логистички пат“, кажа Зеленски, обраќајќи се на безбедносна конференција во Аспен, САД, преку видео врска.

Тоа е рута што се користи за хранење на војната со муниција и тоа се прави секој ден. И го милитаризира полуостровот Крим. За нас тоа е разбирливо непријателски објект изграден надвор од меѓународните закони и сите важечки норми. Значи, разбирливо, тоа е цел за нас. И целта што носи војна, а не мир, мора да биде неутрализирана, посочи украинскиот претседател.

Одговарајќи на прашања од модераторот, Зеленски негираше каква било поврзаност меѓу нападот и повлекувањето на Русија, неделава, од договорот за извоз на жито од украинските пристаништа.

Русија, рече тој, од самиот почеток го блокира коридорот за жито.

Подоцна тие се повика на оваа ситуација околу Кримскиот мост. Да не беше Кримскиот мост, ќе најдеа друг пример, друга причина, додаде тој.

The post Зеленски: Кримскиот мост е непријателски објект за нас, разбирливо е да е воена цел appeared first on Република.

Маж и жена загинаа, а нивната 14-годишна ќерка е повредена во експлозиите на Кримскиот мост што ја поврзува Русија со јужниот украински полуостров Крим, кој Москва го анектираше во 2014 година.

Мостот е затворен, а траектниот сообраќај е во прекин. Се уште не е познато што точно се случило.

Руските власти не го нарекоа инцидентот напад, но според непотврдени извори, експлозии се слушнале рано наутро во понеделникот.

Мостот беше отворен во 2018 година и овозможува патно и железничко патување меѓу Русија и Крим, кој е под руска управа од 2014 година. Русија ги нарекува украинските територии што ги анектираше минатата година – Керсон, Запорожје, Луганск и Доњецк – нови региони.

Руското Министерство за транспорт соопшти дека од експлозијата не се оштетени потпорите на мостот и дека е зафатена само површината на патот. Во октомври минатата година беше делумно затворен поради голема експлозија, а од февруари годинава е целосно во функција.

И денеска не се знае која била точната причина за експлозијата во октомври минатата година. На видеата објавени тогаш се гледа голема експлозија додека на мостот имало голем број возила.

Во месеците пред инцидентот, украинските власти постојано најавуваа дека ќе го таргетираат мостот. Сепак, Киев не ја презеде одговорноста за експлозијата.

The post Експлозии на Кримскиот мост загина брачен пар, нивната ќерка повредена appeared first on Република.

Претседателот на Украина, Володимир Зеленски, изјави дека Киев, колку што тој е запознаен, не го наредил терористичкиот напад на мостот на Крим.

Ние дефинитивно не нарачавме такво нешто, колку што знам - изјави Зеленски во интервју за канадската ТВ мрежа ЦТВ.

Утрото на 8 октомври одекна експлозија на Кримскиот мост, односно експлодира камион по што се запалија седум цистерни со гориво од воз што се движеше по железничкиот дел од мостот.

Како последица на тоа делумно се урнаа два коловози, но носачите не беа оштетени.

Во инцидентот загинаа четири лица, а рускиот претседател Владимир Путин изјави дека зад нападот стојат украински специјални служби.

Директорот на рускиот истражен комитет, Александар Бастрикин, инцидентот на Кримскиот мост го нарече терористички напад, нагласувајќи дека зад него стојат украинските разузнавачки агенции.

The post Зеленски демантира: Киев не го нареди нападот на мостот на Крим, колку што јас знам appeared first on Република.

Автобускиот сообраќај повторно се одвива преку мостот на Крим, кој до денеска беше отворен само за автомобили, соопшти руското министерство за транспорт.

Утринава беа обновени автобуските линии во двете насоки. Претходно автобусите користеа траекти. Сега патниците можат да го минуваат Кримскиот мост со автомобил, воз, но и со автобус, соопшти Министерството, пренесува ТАСС.

Утрото на 8 октомври одекна експлозија на мостот на Крим – беше разнесен камион, по што се запалија седум цистерни со гориво од воз што се движеше по железничкиот дел од мостот.

The post Автобускиот сообраќај повторно функционира преку Кримскиот мост appeared first on Република.

Експлозивот употребен на мостот на Крим бил испратен од Одеса преку Бугарија, Грузија и Ерменија, тврди руската Федерална служба за безбедност, пренесе БТА.

Како организатор на експлозијата, посочен е шефот на украинското воено разузнавање Кирил Буданов.

Петмина државјани на Русија, тројца државјани на Украина и на Ерменија се приведени поради учество во експлозијата, која Москва ја окарактеризира како терористички чин, информира Интерфакс

The post Москва: Експлозивот употребен на мостот на Крим бил испратен од Одеса преку Бугарија, Грузија и Ерменија appeared first on Република.

Извршниот одбор на Бугарската социјалистичка партија го повика претседателот Румен Радев да даде јасен одговор зошто Бугарија е споменувана во информациите, изнесени од руска страна, за експлозијата на Кримскиот мост.

Како што јави дописникот на МИА од Софија, раководството на БСП го повикува претседателот на државата итно да им ја довери на специјалните служби истрагата за случајот со камионот што тргнал од Бургас.

Социјалистите инсистираат на тоа дека во оваа растечка конфронтација треба да се даде брз и јасен одговор и да не се дозволи Бугарија на кој било начин да биде вовлечена во конфликтот.

Како потсетување, шефот на рускиот Истражен комитет, Александар Бастрикин, вчера изјави дека камионот што се разнесе на Кримскиот мост се движел по маршрута која ја вклучувала Бугарија.

Според лидерот на ГЕРБ, Бојко Борисов, не може да се зборува за бугарска трага во случајот со камионот што ја предизвика експлозијата на Кримскиот мост. Според него, за време на војна секој гледа тензијата да ја исфрли надвор. Камион подолго време се движел низ пет земји, а според него, јасно е дека експлозивот не бил натоварен во Бугарија, бидејќи не би можел да ги мине границите и можел и да се саморазнесе некаде на оваа маршрута.

The post Радев да објасни зошто Бугарија е замешана во експлозијата на Кримскиот мост appeared first on Република.

Рускиот претседател Владимир Путин денеска изјави дека експлозијата на клучниот мост што го поврзува Крим со Русија е терористички чин, планиран од украинските специјални служби.

„Нема сомнеж. Ова е терористички акт чија цел е уништување на критично важна цивилна инфраструктура“, рече Путин во видеото на каналот Телеграм на Кремљ, пренесе Ројтерс.

Според него, тој бил дизајниран, имплементиран и нарачан од украинските специјални служби.

Путин претходно на состанокот со претседателот на Истражниот комитет Александар Бастрикин изјави дека извршители и нарачатели на експлозијата на мостот на Крим биле специјалните служби на Украина, пренесе РИА Новости.

Претседателот на Истражниот комитет најави поведување на кривична постапка по член „тероризам“. Тој го информирал Путин и за идентитетот на осомничените кои учествувале во подготовката на бомбашкиот напад.

Утрото на 8 октомври одекна експлозија на мостот на Крим – беше разнесен камион, по што се запалија седум цистерни со гориво од воз што се движеше по железничкиот дел на преминот. Како резултат на тоа, двете патни делници на Кримскиот мост делумно се урнаа, но лачните носачи не беа оштетени.

Прексиноќа сообраќајот на мостот беше обновен, но во наизменичен режим и само за автомобили. Подоцна железничкиот сообраќај беше обновен и сега возовите сообраќаат според распоредот. Камионите и автобусите мора да го користат траектот. Истражниот комитет на Русија покрена кривична постапка. Инспекторите утврдиле дека камионот што експлодирал бил сопственост на жител на Краснодарската територија.

Според првичните информации, во експлозијата загинале три лица – патници на патнички автомобил кој бил покрај камионот.

The post Путин: Експлозијата на мостот на Крим е терористички чин appeared first on Република.

Разорувањето на Кримскиот мост кој ја поврзува Русија со Крим, претставува стратешки удар за московските трупи, смета д-р Самуел Рамани, автор на книгата „Војната на Путин против Украина“.

„Имаат повеќе од 20.000 сили кои моментно се заглавени во Херсон. Изгубија пристап до мостовите, се потпираат на понтонските траекти и очајнички им треба муниција, храна и резерви од Крим“ – вели Рамани во својата анализа.

Русија стратешки е во полоша ситуација од она што беше на почетокот на неделата, посочува аналитичарот додавајќи дека загубата на Харкив беше голем морален и логистички удар за Русија, а загубата на Лиман пресече уште една логистичка рута што на Русите им зададе сериозен удар.

„Сeкогаш кога Русија ќе се обидеше да ги рашири своите сили, секогаш успеваше, но Украина успеа да ја одржи офанзивата на Лугансј, Доњецк и на Херсон во исто време. Можеби сега отвора нова на Запорожје. Тоа е голема грижа за Русија бидејќи сега Украина би можела да има повеќе територија отколку што имаше во февруари, до моментот кога 20.000 руски војници ќе стигнат на боиштето “ – истакнува Рамани.

The post Експлозијата на Кримскиот мост е стратешки удар за Русија appeared first on Република.

Руското Министерство за транспорт соопшти дека веќе е укинато ограничувањето за движење на автомобили и автобуси по коловозните ленти на мостот на Крим кои не беа погодени од експлозијата рано утринава.

Во соопштението се наведува дека сообраќајот засега ќе биде ограничен само на преминување на делот меѓу Крим и полуостровот Таман.

Гувернерот на Крим Сергеј Аксјонов на социјалните мрежи изјави дека тешките товарни возила ќе поминуваат со траекти.

Експлозијата урна два сегменти од една од двете коловозни ленти и предизвика голем пожар на железничкиот дел од објектот. Според првичните податоци има тројца загинати.

Првично сообраќајот на мостот беше целосно запрен, но до 16 часот по локално време повторно беше отворен за автомобили и автобуси. Се очекува возовите да продолжат вечерва.

The post Кримскиот мост оспособен за употреба appeared first on Република.

На Кримскиот мост што го спојува полуостровот со Русија утрово експлодира камион, при што се запалиле седум цистерни со гориво во воз што во тој момент минувал таму, соопшти рускиот национален антитерористички комитет.

Камион што доаѓал од полуостровот експлодирал денеска во 6 часот и 7 минути на патниот дел од мостот Крим, при што се запалиле резервоарите со гориво во возот што сообраќал во правец кон полуостровот Крим - се наведува во соопштението.

Од експлозијата на камионот се урнале два патни делници од мостот на Крим.

Во исто време медиумите во Украина јавија за експлозија. Според нив, експлозијата одекнала околу 6 часот по локално време. Сообраќајот на патниот и железничкиот мост што го поврзува Крим со руската транспортна мрежа е во прекин.

Рускиот претседател Владимир Путин го отвори мостот во 2018 година, откако Крим се припои кон Русија во 2014 година, што пак доведе до санкции и влошување на односите со Западот.

The post Урнати две патни делници: Експлодира камион на Кримскиот мост во момент кога минувал воз со гориво appeared first on Република.