Експлозии од подметнати бомби во Стокхолм се слушаат веќе четири ноќи по ред, откако по три месеци релативно затишје, повторно ескалираше насилството меѓу криминалните банди во Шведска.

Во овие експлозии нема жртви, а причинета е само помала материјална штета бидејќи тие првенствено биле темпирани како предупредување до луѓето од криминалното подземје. Сите експлозивни направи биле поставени пред влезовите на станбени згради и куќи во кои биле регистрирани познати членови на кланот Фокстрот или членови на нивните семејства. Локалните медиуми посочуваат дека мета главно биле адресите на кои живееле уапсени или осудени членови на кланот Фокстрот, што се толкува како порака дека нема да можат да се чувствуваат безбедно ниту во затвор.

Интензитетот на насилството се движи во бранови и ситуацијата може брзо да се промени во која било насока. Во последната недела, конфликтите се забрзаа, изјави Томи Густафсон, полициски службеник од одделот за организиран криминал, за дневниот весник Aftonbladet.

Додава дека се чини дека има внатрешен конфликт во самиот Фокстрот, а исто така „во тек е и конфликт помеѓу Фокстрот и мрежата Дејлен“.

Бројот на насилни злосторства се намалува, но ако го погледнеме криминалот во овие мрежи, тој е главно континуиран. Гоневме многумина и тоа беа ефективни мерки против симптомите, но иницијаторите на ова кривично дело сè уште се исто толку активни, вели за „Дагенс“ Хана Паради од полицискиот штаб во Стокхолм, зборувајќи за минатонеделните две убиства во Гетеборг, за кои се уште нема уапсени.

Според Паради ќе требаат години за да го решат овој проблем, можеби дури и децении.

Не смееме да мислиме дека насилството во криминалните кланови исчезна само затоа што јануари беше помирен. Проблемот сè уште постои, криминалот е главно континуиран, а иницијаторите на криминалот се подеднакво активни, рече таа.

Во центарот на конфликтот со организираниот криминал во Шведска во последниве години е 38-годишниот Рава Маџид, шведски и турски државјанин со курдско потекло и водач на, до неодамна моќниот, клан Фокстрот, за кој се верува дека се крие во Блискиот Исток. Маџид, познат и како Курдска Лисица, е обвинет за септемврискиот бран насилство во околината на Стокхолм во кој беа убиени десет членови на криминалното подземје, како и двајца случајни минувачи.

Полицијата проценува дека во моментов во Шведска дејствуваат 9.000 членови на криминални кланови, на кои им помагаат околу 30.000 поврзани лица. Само во Стокхолм има околу 50 активни кланови, од кои многу сега се во судир со Фокстрот, неодамна ослабен со серија апсења и полициски акции низ Европа поради нелегалниот пазар на дрога.

The post Шведска гори, криминалните банди почнаа да се пресметуваат и со бомби appeared first on Република.

Во неделното интервју за Радио Слободна Европа, министерот за внатрешни работи Оливер Спасовски на прашање за пресметките кои во минатиот период се случија во Скопје,  потенцираше дека конечно има разврска со сите нив, имајќи предвид дека тие банди и криминални групи се градени 30 години.

„Се отвори конечно едеш широк фронт на борба од страна на МВР против овие структури и за тоа постојат конкретни факти и докази и арументи. Ако ги погледнете криминалните структури, борбата со трговијата со дрога, борбата со трговијата на оружје, кои се лицата коишто се уапсени, кои се тие коишто се наоѓаат на издржување на казни затвор, тоа се структури кои потекнуваат од тие криминални структури коишто биле во Скопје или државата. Не постојат тешки и лесни кривични дела, нема мали и големи криминалци. Криминалците се криминалци. Во водењето на истрагите за кривичните дела, обезбедувањето на доказите се клучната работа којашто ја имаме, така да воопшто не е важно дали е уапсен за едно кривично дело или второ, важно е да се докаже кривичното дело и да имаме неселективна отворена борба која што впрочем се случуваше во изминатите години. Сами бевте сведоци минатата недела на апсење на еден криминалец на една од тие структури од Грчец, којшто беше уапсен на јавно место во центарот на Скопје“, потенцираше министерот Спасовски.

Министерот Спасовски истакна дека интензивната борба со крииналот во последниот период резултираше со намалување на севкупниот криминалитет во државата за 11% во 2023 споредено со 2022 година и со зголемување на ефикасност и откривачката дејност на полицијата за 4%.

„Ако погледнете процентуално ќе видите колку е висок процентот на расветлувањето на кривичните дела. Перцепцијата мораме да ја градиме на факти и аргументи. За жал градењето на тие криминални групи и структури трае 30 години. Факт е сега дека отворивме една сериозна битка којашто допринесе да го имате најголемиот дел од тие криминални групи зад решетки, без разлика за какви кривични дела се таму. Интензивно работиме на расчистувањето на овие дела меѓутоа важно е да се приберат доказите. Не може да правиме перцепција за расчистени кривични дела, само за да се задоволи јавноста, без притоа да имаме обезбедени докази“, потенцираше дополнителни статистички показатели министерот Спасовски.

The post Спасовски: Најголем дел од криминалците се веќе зад решетки appeared first on Република.

Власта на СДС и ДУИ дозволи нарко мафијата да владее по улиците. Структури во полицијата на Спасовски стана нивен заштитник. Акциите беа пробивани, а лицата кои евентуално беа откривани беа експресно ослободувани, посочуваат од ВМРО-ДПМНЕ.

-Последица на ваквиот раст на криминалот се убиствата како ова кое се случи завчера. Ваквите гангстерски пресметки на кланови станаа секојдневие. Безбедноста на граѓаните е доведена во прашање. Во држава во која мафијата е во коалиција со власта животот на секој човек е загрозен. Што уште треба да се случи Оливер Спасовски да си поднесе оставка? Неговите статистички гимнастики веќе не му поминуваат ниту во штабовите на СДС, велат од партијата.

„Едноставно е, ако полицијата не гони криминалци, на хартија криминалитетот ќе опаѓа, а во реалноста бандите ќе владеат со државата.

Беззаконието од времето на транзицијата се врати на голема врата. Прашањето е каква политичка или лична корист имаат функционерите од власта кои тоа го дозволуваат“ – велат од партијата.

The post ВМРО-ДПМНЕ: Полицијата на Спасовски не ги гони нарко-картелите, затоа се случуваат убиства во реалноста дури тој прави статистички гимнастики appeared first on Република.