Камиони со струмички таблички преполни со шверц на брендирана роба и скапи делови за коли секоја среда и петок се истоваарат на пазарот во Шутка, пред камерата на Алфа открива поранешниот полицаец Никола Бучков.

Тој е еден од групата полицајци што во ноември 2020 стопираа сомнителен камион со струмички таблички за којшто не постоле документи од царина, но како што вели, под притисок на претпоставените, шоферот не бил задржан во станица и пуштен да си тера со камионот.

Бучков тврди дека во моментот кога го проверувале камионот ги провериле и регистерските таблички и тие се воделе на фирма регистрирана на кумот на Вице Заев.

Оваа изјава е дадена пред неколку месеци, но поради активна истрага на МВР, дури сега ја објавуваме. МВР веќе спроведе акција во која според последните информации уапсени се 35 цариници од Струмица и Гевгелија. Пред четири години во Шуто Оризари, Бучков заедно со полициската група по забележување на камионот инсистирале да го проверат шоферот и документацијата од царина. Веднаш по нивното пријавување, следувале притисоци од претпоставените, сведочи Бучков, пренесе Алфа.

Бучков бил даден на дисциплинска постапка бидејќи, според претпоставените, од полициска станица Шутка незаконски го проверувал струмичкиот камион. Исто така тој сведочи дека поради одмазда, МВР му мести ситуација дека не дозволил постапување на полициски службеници на улица, а лично министерот Спасовски му потпишал отказ. Добил клоци и тупаници од колегите од крим техника кои според него не може случајно да се нашле на лице место на улица во Струмица.

Бучков е убеден дека тогашната власт го штитела криминалот на кумот на братот на поранешниот премиер Зоран Заев, а тој случајно го затекнал камионот, па поминал пекол и агонија што му ја направиле, како што тврди, неговите шефови.

Инаку, БЈБ на МВР, Министерство за финансии, УЈП и Јавното обвинителство пред еден месец влегоа во фирмите на струмичкиот бизнисмен Ристо Крмзов. Тој се сомничи за перење пари, двојни плаќања, незаконско постапување и даночни затајувања.

https://www.youtube.com/watch?v=Zs6PH7O8y2I

The post Сведоштво на полицаец избркан од работа откако го фатил во криминал кумот на Заеви appeared first on Република.

Државните институции започнаа офанзива против криминалната империја и дали со тоа ќе бидеме конечно сведоци на нејзиниот крах, која нанесе големо зло на македонските граѓани. Според непотврдени информации во тек се заеднички активности на повеќе институции меѓу кои на полицијата и Управата за јавни приходи, кои вршат претреси на повеќе локации во фирми и домови во Струмица, Скопје и Гостивар.

Засега она што се знае е дека се одзема огромна документација, но и други предмети кои се наоѓаат при самите претреси. На полициски разговор се повикани десетина управители, адвокати, нотари кои се поврзани со работењето на струмичките и скопските фирми кои функционираат во систем на криминална пирамида која сигурно излегува и преку државните граници.

Она што исто така се знае е дека целата акција на институциите на државата е поврзана со докажување на повеќе кривични дела даночно затајување, перење пари, незаконски поврат на ДДВ со што е оштетен буџетот на граѓаните од неколку десетици милиони евра. На неколку локации можело да се забележи и присуството на лица за кои се мислеше дека и понатаму ќе бидат недопирливи за институциите на државата.

„Коцката е веќе фрлена“

Неофицијално станува збор за удар на полицијата на струмичката империја составена од блиски луѓе на поранешниот премиер Заев.

Се работи за афера тешка неколку десетици милиони евра, а акцијата е насочена кон Крмзов кој е близок до семејството Заеви. Сомнежите се за милионско даночно затајување, перење пари, прикривање докази. Под полициска опсада е и позната Вила парк-Струмица.

Во овој случај се очекува и расплеткување на клопчето со проневерите на Еуростандард банка. Акцијата е во тек, а институциите кои ја координираат акцијата се Министерство за финансии, ОЈО и МВР.

The post Криминалната империја под опсада на државните институции appeared first on Република.

Тие кои имаат интерес да ја дестабилизираат државата се највешти и најсилни кога има нестабилност. Демократијата подразбира стабилни институции и ќе сториме се да ги заштитиме институциите, порача денеска премиерот Христијан Мицкоски, прашан дали се уште стои на ставот што го изнесе претходно дека има лица, кои работат на дестабилизација на државата.

- За дестабилизацијата информациите се такви какви што се. Сите што од голтари станаа милионери и владееја со Македонија изминатите седум години, сите оние кои што дивееја по улиците и тука во главниот град град и ширум целата држава имаат интерес да ја дестабилизираат затоа што тие се највешти и најсилни кога има нестабилност. Но, ние како држава и како Влада ќе се бориме за стабилна држава и стабилни институции, затоа што демократијата подразбира стабилни институции и ние се ќе сториме да ги заштитиме институциите, рече Мицкоски по посетата на ЈП за државни патишта.

Премиерот дополни дека законот мора да важи секаде и за секого. Тука, потенцираше, работиме заедно со нашите партнери и јас сум благодарен за тоа.

-Секој  кој работи во насока на силни и стабилни институции  за мене е родољуб човек кој си ја сака државата за мене е човек кој го охрабрувам и секогаш ќе го поддржувам, рече Мицкоски.

Тој претходно изјави дека имаат индиции за лица, кои располагаат со милионски суми, а дел од нив биле високи функционери во поранешни влади, кои се обидуваат да мобилизираат луѓе на терен со цел да се дестабилизира меѓуетничката хармонија во земјава.

-Имаме индиции за елементи, кои што располагаат со огромни милионски суми на пари, дел од нив се високи функционери во поранешни влади и кои што се обидуваат да мобилизираат луѓе на терен, во најголем дел да манипулираат и она што мене особено ме загрижува е тоа што се обидуваат да провоцираат етнички конфликт, односно да ја дестабилизираат меѓуетничката хармонија во Македонија. Тоа е она кое што најмногу ме вознемирува бидејќи сфаќаат дека на друг начин тие не може да мобилизираат луѓе и сега единствениот начин е да испровоцираат ваков тип на конфликт. Тоа нема да го дозволиме. Апелирам и до јавноста и до медиумите  и до граѓаните да се воздржат од какви било провокации, да ги игнорираат, изјави Мицкоски на 15. месецов.

Претседателката Гордана Сиљановска Давкова, пак, по изјавата на Мицкоски, во одовор на новинарско прашање, рече дека не планира да го свика националниот Совет за безбедност во врска со наводите за постоење индиции за дестабилизација на државата.

- Индиции за дестабилизација се едно, закани за дестабилизација се друго, но реалноста е поинаква. Реков дека нема да го свикам Советот зашто мислам дека во ова време неверем кога треба да се справуваме со пожарите како стихија, ние се соочуваме и со други закани под наводници. Не гледам дека тие закани се реалност во моментов, изјави Сиљановска Давкова, најавувајќи дека може да го свика Советот за  безбедност по неговото доекипирање

The post Законот мора да важи секаде и за секого, ќе сториме се да ги заштитиме институциите appeared first on Република.

Царинската управа е значаен сегмент и многу важен столб за стабилноста и борбата против криминалот, корупцијата и недозволената трговија. И затоа, ќе ја имаат мојата поддршка, но, очекувам исклучително сериозни резултати. Ако некој мисли дека ќе биде како досега, сериозно се лаже. Тоа треба сите да го знаат. И тоа важи за сите службеници на Царинската управа, било да се на граничните премини, мобилните тимови или во управната зграда, изјави денеска премиерот Христијан Мицкоски по посетата на Царинската управа.

- Ако мислат дека имаат право да работат надвор од законот, само затоа што се дел од овој систем, се лажат. Жестоко ќе бидат казнети. Ќе бидат фатени, изведени пред лицето на правдата и жестоко казнети. И тука нема ниту политичка, ниту етничка, ниту верска припадност. На сите треба да им биде јасно. Додека јас ја предводам владата, ова е принципот на работа. Тој ден кога јас нема да ја предводам владата, можат да работат како што мислат дека треба. Доколку на некој не му се допаѓа овој принцип, слободно може да си побара друга работа или да си бара друго чаре што би рекле наште поискусни, рече Мицкоски на прес-конференција со директорот на Царинската управа, Бобан Николовски.

Тој посочи дека законот мора да важи за секого.

- И повторувам, нема политичка, етничка или верска припадност. Законот мора да важи на целата територија за секој. Секој кој ќе биде фатен, без разлика дали е од Дебар или Делчево, Куманово или Гевгелија, јас лично ви гарантирам, дека ќе биде изведен пред лицето на правдата. Никој нема право да го краде народот, додаде премиерот.

Мицкоски кажа и дека очекува да се случува рекордна борба и безусловна борба со криминалот.

- Сакам да кажам дека преку таа борба и резултатите со таа борба, ние практично очекуваме поголеми приливи во самиот буџет. Преку тие приливи во буџетот, ќе можеме да одвоиме повеќе средства за капитални инвестиции и за сите реформи што ги планираме да ги работиме, додаде премиерот.

Николовски рече дека во Царинската управа затекнале состојба, што тој ја опиша како „крајно разочарувачка“.  Царинските службеници биле демотивирани и неефикасни, при што резултатите биле крајно поразителни.

- Слаба контрола, а откривачки функции сведени на минимум. За само еден месец, во јули наплативме рекордни близу 12 милијарди денари или 16.6 проценти повеќе од минатата година истиот период што претставува историска наплата на приходи во еден месец. Анализата покажа дека зголемената наплата се должи на поголема количина пријавен увоз на цигари или за 127 проценти повеќе од јули минатата година, рече тој меѓу другото.

The post Мицкоски: Жестоко ќе бидат казнети сите царински службеници што ќе работат надвор од законот appeared first on Република.

Одговорност ќе има и се работи на сите случаи. И јавноста знае за точките на корупција од 14 милиони евра долг отпишани од МЕПСО на синот на Муса Џафери и ним блиски фирми, преку внуците на Ахмети и купувањето на Соравија, криминалот со Лотарија и нелегалните коцкарници, до секој еден криминал, рече Миле Лефков, пратеник и член на ИК на ВМРО-ДПМНЕ одговарајќи на новинарско прашање во врска со најавите дека ќе има одговорност за сите за кои ќе се докаже дека сториле казнени дела.

Лефков јасно укажа дека „прибегнувањето на ДУИ кон насилни методи и заканите со дестабилизација нема да не поколебаат“.

Според Лефков не може да се остават оние за кои сториле криминал без разлика на припадност.

„Доста ги злоупотребуваа и Албанците и Македонците. Додека тие 7 години се богатат и трупаат милиони еднакво се иселуваат и од Тетово и Дебар и од Штип и Кочани. Тоа веќе нема да го дозволиме наместо народот да се иселува, треба да почнат тие да одговараат за криминалот“, кажа Лефков.

The post Лефков: Додека 7 години се богатат и трупаат милиони еднакво се иселуваат и од Тетово и Дебар и од Штип и Кочани, треба да почнат да одговараат за криминалот appeared first on Република.

The post Јовановски: Нешто мора суштински да се менува во начинот на кој се казнуваат оние што го прекршиле законот, на прво место парите, а на второ затворска казна appeared first on Република.

Директорот на Царинската управа Бобан Николовски остварил работна средба со директорот на Бирото за јавна безбедност (БЈБ) Александар Јанев, на која ја потенцирале својата посветеност во заедничка борба со организираниот криминал и корупцијата, како и за безбедност на граничните премини.

Како што соопшти Царинската управа, тоа ќе бидат главните постулати на соработката помеѓу Царинската управа и македонската полиција.

На средбата беше договорено во периодот кој следува да се интензивира соработката на оперативно ниво со дефинирање контакт точки помеѓу двете служби со цел спроведување успешни заеднички акции. Истакната беше потребата од заеднички пристап во надградбата на електронските системи и размената на податоци помеѓу двете институции, како и можностите за системско поврзување на системот за видеонадзор и препознавање регистарски таблички на граничните премини, што за цел ќе овозможи побрз проток на патници и стоки на границите, а воедно ќе овозможи поефикасни контроли и секако подобри резултати во откривачките функции на институциите, наведува Царинската управа.

Директорот на БЈБ, Јанев, изразил подготвеност за размена на искуства, знаење и најдобри практики за успешно функционирање на неодамна формираниот сектор во Царинската управа за посебни истражни мерки.

Двете служби ќе соработуваат за воспоставување системско решение за континуирано идентификување и спроведување заеднички обуки, кои ќе вклучат развој на превентивни мерки за намалување на криминалот, криумчарење и нелегална трговија, потенцирал Јанев.

Николовски истакнал дека ќе работат заедно на дефинирање на точките на заедничко делување, но и разграничување на надлежностите на двете служби.

При што ќе се овозможи хомогено дејствување и подобри заеднички резултати во интерес на безбедноста на граѓаните и поддршка на легалната трговија, истакна директоротна Царинската управа.

The post Царината и БЈБ ќе ја засилат соработката во борба со организираниот криминал appeared first on Република.

The post Николоски: Почнуваме со гонење на криминалот! Одговорност ќе има! appeared first on Република.

На митингот во Прилеп, носителот на листата за Четвртата изборна единица на коалицијата Твоја Македонија, Александар Николоски ги искоментира нервозните пораки кои ги изнесе лидерот на ДУИ, Али Ахмети, од митингот во Скопје. Според Николоски настапот на Ахмети има зад себе две пораки, една скриена, а втората отворена.

Али Ахмети одржа митинг на скопскиот плоштад Македонија, пред споменикот на Александар Македонски, на тој начин сакајќи да покаже кој е газда во Македонија. Митингот на Ахмети само го демонстрираше тоа што ние го кажуваме цело време, а тоа дека газда на Македонија е Али Ахмети и дека СДСМ му дозволува да газдува со Македонија. Во ист ден имаа митинг, СДСМ отиде пред Рамстор, овие отидоа на плоштад- рече Николоски.

-Втората работа ја слушнавте сите, тоа беа заканите упатени кон нашиот претседател, Христијан Мицкоски. Тие закани се акт на нервоза, но и закани кои многу кажуваат за структурата на Али Ахмети. Секогаш кога ќе ги фатите со криминал се повикуваат на УЧК. Секогаш кога ќе ги фатите за корупција повикуваат на војна. Секогаш кога ќе им кажете дека ќе одговараат велат дека ќе се случела беља. Да им порачам од овде ова не е 2001, ова е 2024, прво. Второ, ова раководство на ВМРО-ДПМНЕ не е исто како тоа од 2001 година и ние нити ви се плашиме, нити ќе ви попуштиме, нити ќе седнеме на иста маса со вас да преговараме, камо ли да се договориме- потенцираше Николоски.

На крајот Николоски порача дека ќе има одговорност од прв дио последен за целиот криминал кој е направен и во Македонија нема да има нити беља, нити конфликт, туку ќе има само редовно одење во затвор.

The post Николоски со порака до Ахмети: Кога сте фатени во криминал се повикувате на УЧК, во Македонија нема да има нити беља, нити конфликт, туку редовно одење во затвор appeared first on Република.

Откако вчера министерот за труд и социјална политика, Ѓоко Велковски, обзнани дека 2.252 незаконски исплаќања биле направени на сметките на корисници на средства за гарантирана минимална помош, со што е направен милионски криминал во МТСП преку злоупотреба на системот за социјална заштита и незаконско и противправно исплаќање на овие средства, пристигнаа низа на реакции, прво од поранешната министерка Јованка Тренчевска, а денеска и од директорите на Центрите за социјална работа.

https://republika.mk/vesti/makedonija/ministerot-velkovski-otkri-milionski-kriminal-vo-mtsp-so-sotsijalnata-pomosh/

Навредите на еден министер кон сите вработени и повредата на достоинството на директорите е неприфатливо однесување за предводник кој треба да влева доверба и сигурност кај граѓаните!

Како директори јавно го искажуваме своето незадоволство од непромислените изјави на техничкиот министер, Велковски на вчерашната прес-конференција. За еден професионалец да работи во социјална заштита потребна е посветеност, толеранција и емпатија, чиста професионалност и информираност, а пред се знаење. Министер што не ги проверува информациите пред да ги каже во јавност а притоа ги навредува сите вработени во институцијата каде моментално тој е на чело е целосно неприфатливо.

Бараме извинување за нарушување на интегритетот на нашите вработени, како директори го цениме трудот на вработените и никакви политички игри не смеат да ја навредат нивната професионалност!

Човек што не ги почитува вработените, не може да води едно од најголемите министерства во државата!, се вели во нивната реакција.

Од МТСП, пак, порачаа дека овој „оркестриран напад на вчерашните објави за сторен криминал од страна на раководни лица во ЦСР“ нема да ги поколеба јавноста да ја дознае вистината за тоа како се исплаќала социјална помош и социјални пензии.

Овој атак има име и презиме а јавноста многу добро знае кое е тоа. После вчерашната прес-конференција на повидок излезе грубата партизација на Министерството од изминатите министри. Од вчера сме сведоци и на притисоци кон вработени и инспектори да не се доставуваат податоци за откриените злоупотреби.

Директорите на центрите за социјална работа, кои се поставени од претходните министри на СДСМ, откривањето на противправни исплати на социјална помош го престават како навреда кон вработените.

Во прес-конференцијата во ниеден момент не се потенцира кои се одговорни лица вмешани во овие злоупотреби, туку се посочуваат дека во ова се вклучени повеќе лица кои понатамошните постапки ќе ја утврдат одговорноста.

Почитувани директори на центрите за социјална работа, Доколку се докаже дека по откривањето на овој скандал направите макар еден прекин на социјална помош по основот кој го наведовме дали ќе ја преземете комплетната одговорност за злоупотреба на исплата на средства на лица кои не исполнувале законски услови со месеци или години назад?, велат од МТСП.

The post МТСП: Јавноста мора знае криминалите од директорите на СДСМ со исплаќањето на социјална помош appeared first on Република.

Може да зборуваме за катаклизма во буџетот, за банкрот затоа што навистина состојбата е алармантна. Дојдовме до ситуација од 1% раст на БДП, а се фалеа дека се грижеле во континуитет за инвестициите, дека растат инвестициите, изјави потпретседателката на ВМРО-ДПМНЕ, Гордана Димитриеска Кочоска за „360 степени“ на МТВ.

Димитриеска Кочоска истакна дека ако ги гледаме податоците ние имаме 62,1% јавен долг и веќе се надмина оној дозволен, според фискални правила во Законот за буџет каде стои дека се дозволува нивото на јавниот долг да оди до 60% од БДП, а сега сме 62,1%. 3% ќе биде буџетскиот дефицит, и тоа покажува дека состојбата е алармантна.

Има потрошено над 700 милиони евра пари кои не дале никаков резултат, а на тоа мислам на капиталните расходи. Прашањето е за што се потрошиле парите. Ако се потрошиле наменски за капитални инвестиции, немаше БДП да биде 1% туку повисок. Реалноста е дека многу мал дел од овие средства отидоа за капитални инвестиции, сето останато се најразлични трансфери кои се даваат по претпријатијата. Последните 3 години има 360 милиони евра трансфери дадени на ЕСМ, а со тие пари ќе направеа огромна централа. Тоа се пари да се покријат криминалите и корупцијата, а не да се субвенционира струја. Криминалот и корупцијата ги изедоа парите. Дојде да не може плати да се исплатат, потенцираше таа.

Димитриеска Кочоска истакна дека нема оправдувања дека било криза затоа што претходно за време на владата на ВМРО-ДПМНЕ за време на кризите во 2009 и 2012 кои беа огромни финансиски, тогаш бевме лидери во справување со кризата во земјите од Западен Балкан сега сме на дното.

236 милиони евра има аванси за коридорите 8 и 10 дадени за работа која не е ни почната. Доколку тие пари беа искористени за нешто што реално ќе се направеше ќе имаше поголем раст на БДП. Да се вратиме во 2020 година и да не заборавиме дека воопшто немаше никакви мерки за штедење, јас бев во техничката влада во 2020 година кога не внимаваа на ниту еден трошок. Голем дел од компаниите беа затворени, а не се преземаше ништо расходната страна да се скрати и се однесуваа како да нема криза. Државниот завод за ревизија имаше еден куп забелешки како беа потрошени парите и тој кажува дека се давани пари на компании за кои немало контрола како се потрошени, а требало да бидат вратени. Давани се пари на компании кои не исполнувале критериуми и услови. Се трошело без усул, нагласи Димитриеска Кочоска.

The post Димитриеска Кочоска: Криминалот и корупцијата на власта ги изедоа парите, се трошело без усул appeared first on Република.

Министрите за внатрешни работи на германските сојузни покраини стравуваат дека легализацијата на канабисот ќе го зголеми опсегот на организираниот криминал.

Во писмото од конференцијата на министрите за внатрешни работи до германската Влада (СПД, Зелените и ФДП), се наведува дека „нацрт-законот масовно ја олеснува нелегалната трговија со канабис“.

Министрите се загрижени дека повеќе луѓе ќе користат канабис откако тој ќе стане легален. Тие стравуваат, повикувајќи се на оценката на експертите од криминалистичката полиција, дека тоа ќе го направи пазарот поголем и уште попривлечен за криминалците, бидејќи веќе има силна нелегална трговија со канабис.

Главното студио на јавниот сервис АРД имало пристап до тоа писмо, кое претходно го објави и „Франкфуртер алгемајне цајтунг“.

The post Властите во Германија стравуваат дека легализацијата на канабисот ќе го зголеми криминалот appeared first on Република.

Се спрема епски криминал на бегање, повеќе од 140 милиони евра тендери се подготвуваат во РЕК Битола, околу 6 милијарди денари за увоз на јаглен и околу 3 милијарди денари со вклучен ДДВ за ископ на јаглен и јаловина во РЕК Битола. Однапред ќе ви кажам дека тие две јавни набавки ќе ги добијат фирми кои ги знаете и кои се омилени фирми на неколкумина од власта, предводени од ДУИ и СДС, изјави претседателот на ВМРО-ДПМНЕ, Христијан Мицкоски денеска од Кавадарци одговарајќи на новинарско прашање.

Мицкоски појасни дека власта на бегање ќе распише тендер за набавка и увоз на јаглен од 6 милијарди денари што еднакво на 100 милиони евра и ќе доделат тендер за ископ на јаглен и јаловина на омилената фирма на еден конзул на една источна земја.

Бидејќи се европски фронт ама не им смета да доделуваат вакви јавни набавки на конзули на источни земји кои имаат санкции од ЕУ во вредност од 40 милиони евра или со се ДДВ близу 50 милиони евра. Апелирам луѓето кои се во ЕЛЕМ, генералниот директор и вработените и во рудникот и во термоелектраната, лично за неколку месеци од денеска ќе се занимавам со овие две јавни набавки и јас им ветувам дека секој кој ќе стави потпис на оваа јавна набавка ќе биде изведен пред лицето на правдата и ќе одговара за тоа што го пљачка народот за да ги полни џебовите на малкумина кои се спремаат да бегаат после 8 мај, рече Мицкоки.

Мицкоски потенцира дека има големо искуство и знаење во делот на енергетиката и точно знае што прават од власта и што подготвуваат да направат, како и тоа дека нема да им дозволи овој сиромашен народ дополнително да биде пљачкан од овие политички криминалци кои се во заминување.

Апелирам и ги предупредувам раководните лица на АД ЕСМ, поранешно ЕЛЕМ и раководните лица на РЕК и сите оние кои ќе стават потпис на овие јавни набавки дека ќе одговараат за соучество. Да не дозволите малкумина кои ги полнат торбите со милиони народни пари и се подготвуваат за бегање после 8 мај, да ве стават вас и вашите семејства во проблем. Ова не е закана, ова е предупредување и ако се случи лично ќе се занимавам, изјави Мицкоски.

The post Мицкоски: СДС и ДУИ на бегање подготвуваат епски криминал од 140 милиони евра во РЕК Битола, после избори лично ќе се занимавам со ова appeared first on Република.

Димитар Ковачевски е тотално одлепен од реалноста. Нека го информира некој од СДС Ковачевски дека Македонија се уште нема започнато преговори со Европската унија, а за тоа е виновен токму тој и владата на СДС и ДУИ кои изминатите 7 години водат попустлива и понижувачка меѓународната политика, велат од ВМРО-ДПМНЕ.

Македонија е единствена земја во светот која билатералниот спор со Бугарија стана услов за започнување на преговорите со ЕУ.

Македонија е единствената земја во светот која е условена да го промени уставот без да започне преговори со ЕУ, а сето тоа го направија токму Ковачевски, Османи и Маричиќ кои наместо да ги бранат националните и државни интереси, тие ги распродаваат.

Во однос на криминалот и корупцијата во државата, подобро е Ковачевски да не ја отвора устата, бидејќи пола од владините функционери му се наоѓаат на црната листа на САД, а американската амбасадорка Агилер вели дека во Македонија има епидемија од корупција, додека холандскиот амбасадор Коп вели дека земјата нема никаков напредок во борбата со корупцијата.

За тоа колку платите се “високи“ со што се фали Ковачевски најдобро говорат податоците кои покажуваат дека над 600.000 наши сограѓани живеат на работ на сиромаштијата. Нема реално зголемување на платите на граѓаните, бидејќи инфлацијата им ја јаде куповната моќ.

Димитар Ковачевски никако не може да се помири со фактот дека тој не е премиер, па затоа го советуваме да посвети повеќе време за да прочита што се случува во Македонија, бидејќи очигледно е дека живее во некој паралелен свет.

Со СДС и ДУИ во Македонија никогаш не било полошо, додаваат од партијата.

The post Ковачевски подобро да не отвора уста за криминал, бидејќи пола владини функционери му се на црната листа на САД и има епидемија од корупција appeared first on Република.

Владата го искористи и Самитот на ОБСЕ за криминал, смета опозицискиот лидер Христијан Мицкоски.

Па, и од еден ваков настан кој што би требало да значи можност еве странски високи дипломати да ги видат убавините на Македонија и главниот град, тие успеаја да отворат сомнеж за криминал со цените кои што ги прикажуваат тие. Дури не можат да им конкурираат ниту најбогатите светски држави бидејќи се неколкукратно повисоки и од оние кои што таму на пазарот можат да се најдат“, истакна претседателот на ВМРО-ДПМНЕ, при посета на општина Ресен што е во рамки на кампањата „Важно е! Од тебе зависат промените, говорејќи за тоа што МНР за самитот на ОБСЕ ќе потроши еден милион евра за изнајмување на возила.

Мицкоски додаде дека жали што и во последните моменти од мандатот актуелната власт докажува дека се обични криминалци.

Жалам што и во последните моменти од овој мандат тие покажуваат и докажуваат дека се само обични криминалци. Ништо повеќе од обични криминалци. И навистина е за секаква осуда ваквото однесување, нагласи претседателот на ВМРО-ДПМНЕ, Мицкоски.

The post Владата го искористи и Самитот на ОБСЕ за криминал, вели Мицкоски appeared first on Република.

Христијан Мицкоски, претседател на ВМРО-ДПМНЕ во рамки на акцијата „Важно е! Од тебе зависат промените“ беше во посета во општина Зелениково и запрашан за коментар на германскиот ФАЦ кој ја критикува владата истакна дека овој весник до срж практично ја разголе пирамидата на криминалот која што функционира во Македонија.

Германскиот реномиран весник ФАЦ до срж практично ја разголе пирамидата на криминалот која што функционира во Македонија и кога ние алармираме 6 години дека ова се случува, за жал и од страна на одредени европски политичари тоа наидува на игнорирање - потенцираше Мицкоски.

Претседателот Мицкоски во врска со ова овој проблем укажа дека тој треба да се реши, а тоа ќе биде преку промени кои што ќе донесат една нова иднина, политичари со план и визија како да ја развиваат Македонија.

Овдека проблемот станува се подлабок и потежок за решавање и тоа е наш проблем и треба ние да си го решиме. Како ќе го решиме? Се знае со промени. Затоа е важно за неколку месеци од денес да направиме промени кои што ќе донесат една нова иднина, политичари со план и визија како да ја развиваат Македонија. Во спротивно ќе продолжиме да тонеме во криминал и политичка корупција која што ја гледаме 6 години и од ден во ден станува се поакутна и би рекол алармантна, се доведува под знак прашање непостоењето на системот, тука постоењето на државата - додаде Мицкоски.

https://republika.mk/vesti/makedonija/germanski-fats-so-naslovna-za-makedonija-koruptsija-na-vladata-vo-ime-na-eu/

The post Мицкоски: Германски ФАЦ до срж ја разголе пирамидата на криминалот кој што функционира во Македонија appeared first on Република.

Претседателот на ВМРО-ДПМНЕ Христијан Мицкоски при вчерашната посета во Велес во рамки на акцијата „Важно е! Од тебе зависат промените“ беше запрашан дали актуелната влада ќе одговора за криминалите кои што ги направи изминатите години.

Едно прашање за криминалиите на оваа власт, дали ќе одговараат, беше прашан претседателот од еден од присутните граѓани.

За секој криминал што ќе го докажеме ќе има одговорност и ќе одговараат. Бидејќи ќе нема пардон, рече Мицкоски.

Значи 10 милијарди евра земаа, а ништо не направија, а парите ги нема, дали ги земаа дали ги украдоа, на што ги потрошија, додаде еден од присутните граѓани, на што претседателот Мицкоски порача дека ќе нема пардон за криминалот и во тоа никој да нема дилема.

Апсолутно, нема дилема за тоа. Ниту пак некој има дилема за тоа. Ќе одговараат за сето она што ќе биде докажано, а има основано сомневање за многу криминали. Ги амнестираат криминалците и мислат дека амнестирајќи ги криминалците, нагласи Мицкоски на што доби одговор од граѓанинот дека власта сака да избегне одговорност за сторениот криминал.

Значи со помали казни, а со поголеми пари да лежат помалку во затвор, додаде граѓанин Тоа е едно и второ сега со новиот закон за амнестија мислат ќе ги амнестираат криминалите и тие ќе им помогнат на изборите со насилство да останат на власт, смета Мицкоси.

Исто како минатиот пат што направија кога ги ослободија криминалците, рече еден граѓанин.

Е тоа им е целта, заклучи Мицкоски.

The post Мицкоски: Да нема дилема, за секој криминал кој ќе се докаже, ќе има одговорност appeared first on Република.

Гледаме како неизбраниот премиер се обидува да се пазари со се дури и нешто што претставува уставна категорија како што тоа се изборите. Во нормална држава треба да има среден Изборен законик, веќе треба да бидат усогласени и прифатени забелешките од ОБСЕ, треба да бидат и известени во ОБСЕ, а во државата немаме ниту најава на тие процеси, а во момент кога се бара да отпочнат легитимно и во интерес на демократијата, власта се обидува да влезе во процес на непринципиелно пазарење, изјави пратеникот од ВМРО-ДПМНЕ, Миле Лефков за „За или против“ на Алфа.

Лефков истакна дека треба Ковачевски конечно да се појави на избори, затоа што неизбран дојде.

- Гледаме секој ден како е од лошо полошо во државата, Ковачевски да се одважи да седне да се усогласат измените во Изборен закони, да се усогласат процесите и конечно да отидеме на легитимни избори и конечно да се обнови легитимитетот на владата да дојдеме до влада која ќе работи во интерес на граѓаните, потенцираше Лефков.

Лефков нагласи дека треба да има лидерска средба за овие важни процеси кои поврзани со изборите, а не за непринципиелно пазарење на Ковачевски.

Во однос на уставните измени Лефков истакна дека власта со месеци манипулира и тоа им се удри од глава на седницата на 18 август кога видоа како сите 44 пратеници од ВМРО-ДПМНЕ беа заедно во сала и дека ставот на ВМРО-ДПМНЕ го делат над 80% од граѓаните.

- Џафери не го стави на гласање предлогот и Артан Груби сака да наметне немир кај народот со лажни и манипулативни теми. На очиглед на целата јавност не може да се утврди датум за избори, и сега сакаат само да си купат ден повеќе. Во исто време шират лажни вести се со една цел да се вознемират граѓаните. Факт е дека ВМРО-ДПМНЕ и коалицијата се единствени за ставот за уставни измени под бугарски диктат и така сметаат над 80% од граѓаните. Таа нивна кампања за немир кај граѓаните и донесе обратен ефект на власта, нагласи Лефков.

The post Лефков: Ковачевски да се одважи и да се појави на лидерска за изборните процеси и важни теми за граѓаните appeared first on Република.

Бујар Османи преку МНР, ќе и исплати на фирмата Еуровиа ДООЕЛ 1,8 милиони евра, пари на граѓаните, за преадаптирање на Спортскиот центар „Борис Трајковски“ за конференција на министерскиот совет на ОБСЕ, која истовремено е и најголем донатор на ДУИ.

Истата фирма Еуровиа, која е на Елмедин Адеми, внук на поранешниот министер на ДУИ, Абдулаќим Адеми, добила два милиони евра, за изградба на новата полициска станица во Аеродром, како и тендерот за реконструкција и пренамена на објекти за Универзитетот „Мајка Тереза“, реагираат од најголемата опозициска партија ВМРО ДПМНЕ.

Сопственик на Еуровиа ДООЕЛ е фирмата „Еуровиа Холдинг“, во која освен Елмедин, како сопственик се води и Елдин Адеми, главен човек, на огранокот на ДУИ, во Јегуновце.

ДУИ од страна на Елмедин Адеми како донација добила 2.509.200 денари, што е три пати над законскиот лимит за донација од физичко лице, а воедно „Еуровиа“ како правно лице, има донирано 1.845.000 денари, во 2022-ра година.

Ова класичен пример, до која мера во ДУИ се влезени во криминали и крадење на парите на граѓаните, со цел нивно лично богатење.

Одговорност ќе има, во тоа да бидат сигурни, секој кој направил криминал, ќе го стигне правдата, се вели во соопштението на ВМРО ДПМНЕ.

 

The post Криминалите на ДУИ немаат крај, Бујар Османи поклонува 1.8 милиони евра на најголемиот донатор на партијата appeared first on Република.

Околу 40 здруженија на станари од реонот околу Централната железничка станица во Брисел во белгиските медиуми објавија отворено писмо до политичарите, барајќи од нив да преземат мерки против тенденција на раст на криминалот и употребата на дроги во тој дел на главниот град на Белгија.

Писмото на загрижените жители на овој реон, следи откако минатат недела извршната директорка на белгиската железничка компанија СНЦБ, Софи Дутордоар упати апел за помош за справување со „драматичната ситуација“ на Централната железничка станица во Брисел.

Во писмо упатено до претседателот на Регионалната влада на Брисел, Руди Верворт, до белгиските федерални министри за внатрешни работи и за мобилност, Анелис Верлинден и Жорж Гилкине и до градоначалниците општините Сен Жил (во која се наоѓа станицата) и соседната Андерлехт, Жан Спинет и Фабрис Камп, Дутордоар бара да направат повеќе за решавање на проблемите на станицата, почнувајќи од хигиената, па до нејзината безбедност.

Според податоците што ги објави министерката Верлинден, во реонот околу Централната железничка станица во Брисел во текот на 2021 година полицијата регистрирала 3.320 кривични дела, најчесто кражби и изнуди, во 2020 - 3.447, во 2019 дури 4.205, а во 2018 – 2.815. За 2022 година податоците не се целосни, но во првите девет месеци се забележани 2.204 вакви кривични дела.

Според белгискиот дневен весник „Стандард“, само во областа околу централната бриселска станица се регистирна толкав број на кривични дела колку во реоните околу главните станици во 13 градови во Фландрија заедно.

Податоците на полицијата укажуваат и на раст на кривични дела поврзани со илегалната употреба на дроги во последните години. Така, во реонот околу Централната станица во Брисел во 2021 година се регистрирани 372 прекршоци поврзани со дрога, што претставува околу 10 проценти од вкупниот број такви прекршоци во цела Белгија во текот на годината. Во 2020 се пријавени 266 прекршоци повразни со злоупотреби на дроги, во 2019 – 172, а во 2018 - 67.

Покрај растот на употребата на кокаин и амфетамин во последните години, според податоците на локалниот центар за помош и згрижување на зависниците од дрога и алкохол „Транзит“, во Брисел најконзумирана супстанца во 2022 година од страна на корисниците на тешки дроги бил крекот, кој го користеле 67 отсто од испитаниците опфатени со истражувањето на центарот.

Крек е дрога што се добива со комбинирање на кокаин во прав со сода бикарбона или амонијак и не само што полесно се конзумира од кокаинот, тука е и поевтин - едно „пакетче“ крек чини помеѓу 10 и 20 евра, што придонесе за негова зголемена популарност во последниве години.

Карим Х'Дидуан, кој две години работи како рецепционер во хотел покрај бриселската централна станица, вели дека во областа е видлив зголем број на дилери на дрога, насилство и кражби.

Во ниту еден момент не е безбедно, изјави Х'Дидуан за „Политико“, додавајќи дека дилерите на дрога кои „работат“ во областа често се обидуваат да резервираат соби во хотелот за да може да продаваат или да користат наркотици.

Тој посочува дека дури и ако повикаат полиција, полицајците доаѓаат по три или четири часа. - Се чувствуваме како да сме оставени сами, вели Х'Дидуан.

Неговиот колега од друг хотел во истиот реон, Мостафа Абделазим вели дека во последните пет години џепчии петпати му го украле паричникот.

Тоа не е најдобрата слика за странските патници што пристигнуваат на станицата. Некои од нив кога ќе пристигнат (во хотелот) кажуваат дека некој ми ја украл чантата или дека биле нападнати, изјави Абделазим.

Преку ден, брислеската Централна станица, која е главниот железнички центар на Белгија за домашни и меѓународни патувања, изгледа доволно безбедна – полна со туристи кои брзаат да стигнат до своите возови, со локални жители кои одат до метрото или постројките за автобуси и трамваи и со трговците на мало кои продаваат се - од храна, преку украси, до фалсификати на скапи марки. Но, ноќе, како што сведочат локалните рецепционери, сликата драстично се менува - обиени автомобилот, џепчиски кражби, украдени велосипеди, тепачки предизвикани од алкохолизирани или дрогирани лица...

Со цел да се справи со порастот на илегалната трговија со дрога и насилството поврзано со продажбата и конзумирање наркотици, белгиската Влада промовираше нов План за борба против насилството, кој вклучиува засилено полициско присуство во пристаништата и околу станиците, зголемена контрола на стоката што пристигнува во земјата, проверка на криминалните досиеја и финансиската состојба на сите пристанишни работници и зголемување на казните за корисниците на кокаин. Дополнително, Ине Ван Вимерш беше именувана за прв комесар за борба против дрогата, задолжена за справување со криминалот поврзан со наркотиците.

Покрај ова, во соработка со центарот „Транзит“ во близина на Централната железничка станица во Брисел беше отворено и прифатилиште каде зависниците можат безбедно да конзумираат дрога или да се консулираат за нивното здравје со медицински сестри и социјални работници.

Но, според Бруно Валкенерс од „Транзит“, „војната против дрогата“ едноставно не функционира, бидејќи забраната и криминализацијата на наркотиците не влијание врз степенот на достапност до нив.

Корисниците на дроги секако не се одговорни за трговијата со наркотици, бидејќи тоа би значело оти побарувачката ја условува понудата. Но, тоа очигледно не е така, бидејќи дрогата се нуди во изобилство, а тоа ја условува побарувачката, вели Валкенерс.

Белгискиот пратеник од редовите на конзервативната Нова фламанска алијанса (Н-ВА), Томас Рогеман, смета дека Владата се бори со последиците на проблемот, а не со неговите причини.

Брисел има многу мека политика за дрогата. Потребен ни е построг став кон дрогата, треба да ги санкционираме и корисниците и шверцерите на наркотици, изјави Рогеман.

Но, случувањата околу Централната станица во Брисел не ја загрозуваат само безбедноста на вработените, туку и репутацијата на областа, што има влијае и врз бизнисот.

Салим Најани, менаџер на еден од хотелите покрај станицата, вели дека бројот на гости во хотелот во изминативе три години е намален за 25 отсто, како и дека многу туристи се жалат на безбедноста во областа и се решаваат да се сместуваат во објекти поблиску до центарот на градот.

Во таква атмосфера, претседателот на Владата на Регионот Брисел, Верворт најави дека следниот петок ќе се сретне со делегација на здруженијата на станари кои со отвореното писмо побараа справување со криминалот и дрогата во реонот на бриселската Централна железничка станица.

The post Централната железничка станица во Брисел е дувло на криминалот и дрогата appeared first on Република.