Кремот за сончање е неопходен за да ја заштитиме кожата од штетните сончеви зраци. На пакувањето на производите за заштита од сонце стои број на фактор на заштита од сонце (СПФ) со кој се означува нивото на заштита од УВБ-зраци. Мора и да се наведе дали производот поминал тест од широк спектар против ултравиолетово (УВА) зрачење на сонцето.

Што е заштитниот фактор СПФ?

Кога поминуваме време на сонце, изложени сме на два потенцијално штетни видови зраци: УВА и УВБ. Факторот на заштита од сонце (СПФ) е број кој покажува колкава заштита нуди производот од УВБ-светлина. Производот со повисок СПФ нуди поголема заштита.

Факторите под 15 нудат ниска заштита, оние од 15 до 29 нудат средна заштита, оние од 30 до 49 нудат висока заштита, а факторот над 50 нуди многу висока заштита.

СПФ дава претстава за тоа колку е помал ризикот од оштетување на кожата доколку се користи кремот. Тој се фокусира на времето што им е потребно на УВБ-зраците да поминат низ кремот за сончање и да предизвикаат црвенило, во однос на времето кога нема крем за сончање.

Факторот се пресметува така што дозата на сончево зрачење која е потребна за да предизвика црвенило се дели со дозата потребна да предизвика црвенило без крем за сончање. Ако е потребно 15 пати повеќе време кожата да поцрвени со крем за сончање отколку без него, СПФ е 15. Во теорија, ако незаштитената кожа станува црвена за 10 минути, кремот за сончање со СПФ 30 треба да го спречи црвенилото за 300 минути, односно 5 часа, што е 30 пати подолго од времето без крем.

Меѓутоа, погрешно е да се мисли дека кремовите со повисок фактор овозможуваат безбедно долго седење на сонце бидејќи во појавата на црвенилото играат улога и временските услови, периодот од денот, типот на кожата и начинот на нанесување на кремот.

The post Како да одредите со колкав заштитен фактор треба да се мачкате appeared first on Република.

Користењето крем за сончање е неопходно за употреба во овие денови кога сончевите знаци безмилосно може да ви ја изгорат кожата, дури и ако не сте на плажа, туку морате секојдневно да се движите низ град за да ги завршите своите обврски.

За жал, понекогаш, кремот за сончање може да се растопи и да ви направи мрсни дамки на облеката, но не очајувајте. Има начин таквите дамки да се третираат и да бе останат никакви последици од нив.

Една од најважните работи кога се справувате со дамките, вклучувајќи ги и дамките од кремот за сончање, е брзото дејствување. Штом забележите дамка, било да е тоа од лосион или спреј за сончање, веднаш погрижете се за неа. Колку подолго чекате, толку е потешко да се отстрани дамката.

Нежно избришете ја дамката со чиста крпа за да го отстраните вишокот крем за сончање пред да преминете на процесот на чистење.

Пред-третманот на дамката пред перење може значително да ги подобри вашите шанси за успех.

Постојат неколку опции за пред-третман на дамки од сончање. Еден ефикасен метод е да нанесете мала количина течен детергент или детергент за садови директно на обоената површина.

Нежно втријте го детергентот во ткаенината со помош на прстите или мека четка и оставете го да отстои неколку минути. Ова помага да се разградат маслата во кремот за сончање, што го олеснува отстранувањето за време на процесот на перење.

Други совети как да се справите со дамките

Изберете го вистинскиот детергент

Изборот на соодветен детергент игра клучна улога во постигнувањето чиста облека. Кога се справувате со дамки од крем за сончање, одлучете се за детергент кој содржи ензими.

Внимателно прочитајте ги етикетите и побарајте детергенти специјално формулирани за отстранување на дамки. Следете ги упатствата на пакувањето на детергентот за да обезбедите правилна употреба и доза.

Користете студена вода

Кога перете облека со дамки од крем за сончање, најдобро е да користите студена вода.

Топлата вода може да предизвика дамката дополнително да се вметне во ткаенината, што го отежнува отстранувањето. Студената вода помага да се спречи ова и му овозможува на детергентот да работи ефикасно.

Отстранување на дамки од крем за сончање со паста

Еден од ефикасните методи е да се направи паста користејќи сода бикарбона и вода.

Нанесете ја пастата директно на дамката, нежно втријте ја и оставете ја да отстои околу 15 минути. Потоа, исплакнете ја облеката со студена вода и перете како и обично.

Доколку е потребно, повторете ја постапката додека дамката не исчезне.

The post Како брзо и лесно да ги отстраните дамките од крем за сончање на облеката appeared first on Република.