Посебна комисија на швајцарскиот Парламент ќе го испита пропаѓањето на банката „Кредит Свис“, како и договорот според кој пропаднатата банка ја презеде конкурентот УБС, соопшти канцеларијата на Горниот дом на парламентот.

Одлуката е продолжение на поддршката од две парламентарни поткомисии за продлабочување на истрагите за активностите на владата, Централната банка и регулаторите на финансискиот пазар пред итната финансиска помош за „Кредит Свис“.

Посебна комисија ќе биде формирана само петти пат во поновата швајцарска историја. Првата е основана во 1961 година за да го испита процесот на пуштање во употреба на борбените авиони „Мираж“, забележуваат британските медиуми.

Со оглед на размерите на настанот, канцеларијата констатира дека формирањето собраниска комисија е оправдано. Мандатот на истрагата и членовите на комисијата ќе го определат двата дома на парламентот на седниците што почнуваат на 30 мај. Со оглед на размерите на тие настани и нивните финансиски последици, канцеларијата заклучува дека формирањето собраниска комисија е оправдано. Канцеларијата се залага за широка дефиниција на истражниот мандат... и расветлување на настаните од изминатите години кои доведоа до итно спојување“, се вели во соопштението.

Според договорот за спас на банката, склучен од владата во текот на март, УБС се согласи да го купи „Кредит Свис“ за три милијарди швајцарски франци во акции и да преземе до пет милијарди франци очекувани загуби од затворањето на дел од бизнисот.

Тоа е прв случај на спасување на една глобална банка од финансиската криза во 2008 година, забележуваат британските медиуми.

Пријавата на регулаторот во САД покажа дека УБС побрза да го купи Креди Свис во договорот што не го посакуваше. Тие, исто така, посочија дека преземањето за нив може да значи и загуби од десетици милијарди долари.

Примената на законите за вонредни состојби заради полесно преземање под раководство на државата би можела да заземе видно место во дискусиите на собраниската комисија. Преземањето на проблематичната банка од страна на УБС беше поддржано од владата со 200 милијарди швајцарски франци (225 милијарди долари), бидејќи имаше за цел да спречи колапс на „Кредит Свис“ што би предизвикало поширока криза во глобалниот финансиски систем.

Преземањето на „Кредит Свис“ од страна на УБС предизвика многу критики во јавноста, особено за заобиколувањето на парламентот, кој минатиот месец не даде поддршка за договорот. Потегот на парламентот беше во голема мера симболичен и преземањето треба да се спроведе, а УБС очекува да го заврши во наредните недели.

Меѓутоа, сослушувањата на комисијата би можеле да дадат нови сознанија за самиот процес што резултираше со „најскапиот“ спас на банките од глобалната финансиска криза во 2008 година, забележуваат британските медиуми.

The post Швајцарскиот парламент ќе ги истражува владата и централната банка за пропаѓањето и преземањето на банката „Кредит Свис“ appeared first on Република.

Комисијата за буџет на Сенатот на САД спровела истрага, при што дознала дека швајцарската банка „Кредит Свис“, која неодамна беше спасена од колапс, држела активни речиси 100 досега непознати сметки поврзани со службеници на нацистичка Германија, а кои по Втората светска војна се криеле од законот во Аргентина.

Некои од овие сметки биле активни сè до 2020 година.

Сенатот објави два извештаи од кои се дознава дека „Кредит Свис“ држела сметки на 99 лица кои биле чиновници на високи функции во национал-социјалистичка Германија и на членови поврзани со групи на нацистите во Аргентина. Притоа, 70 аргентински сметки биле отворени во банката по 1945 година, а 14 биле активни од неодамна.

Така на пример, сметка во сопственост на нацист осуден за време на судскиот процес во Нирнберг била активна до 2002 година, а банката, сепак, до ден денес не разгласува информации за активите на таа сметка.

Банката за ова ангажирала судско-експертска компанија која под контрола на независен адвокат, Нил Барофски, вршела внатрешна истрага, адвокатот напишал извештај за тоа но претходно бил отпуштен без објаснување, а внатрешната истрага била ограничена.

Сенатот побарал извештајот да биде достапен. И по истрагата на Комисијата за буџет, отчетите на банката за сметките на нацистичките службеници станале јавни.

„Кредит Свис“ вети дека ќе продолжи и ќе ја прошири внатрешната истрага, и се согласи да учествува во исплата на дел од судски тужби на преживеаните од Холокаустот вредна 1,25 милијарди долари.

The post Швајцарската банка „Кредит Свис“ дури до 2020 година водела сметки на високи службеници на нацистичка Германија appeared first on Република.

Долниот дом на швајцарскиот Парламент синоќа не ја поддржа државната гаранција со што би се обезбедило продажба на пропаднатата банка „Кредит Свис“ (Credit Suisse) на конкурентот УБС.

Пратениците со симболичното гласање негодуваат за огромната владина поддршка за трансакцијата.

Владата на Швајцарија на 19 март донесе уредба за државна гаранција врз основа на кризни овластувања, а истата беше одобрена од комисиите за финансиска политика во двата дома на Парламентот, така што, од правна перспектива, одбивањето од претставниците во Долниот дом е само симболичен чин.

За исходот од гласањето сепак ќе биде потребна процедура за помирување, што ќе започне во текот на денот.

Владата вети 109 милијарди швајцарски франци во случај пропаднатата банка да не може да ги исполни своите обврски.

Голем број парламентарци побараа усвојување на нови прописи за да се намалат ризиците што приватните, системски важни банки ги претставуваат за федералниот буџет и економијата.

Парламентот, исто така, ја повика Владата да испита дали врвните менаџери би можеле да бидат одговорни за ситуацијата во која се најде банката.

„Кредит Свис“ ја загуби довербата на клиентите и инвеститорите по години ризичен бизнис и огромни загуби од милијарди франци. Банката УБС ја презеде „Кредит Свис“ само три милијарди франци, со државни гаранции.

The post Долниот дом на швајцарскиот Парламент против државните гаранции за „Кредит Свис“ appeared first on Република.

„Credit Suisse“ зема 50 милијарди франци за ликвидност, по хаосот од САД кој полека се прелева на остатокот од светот.

Акциите на банката вчера паднаа за 24 отсто, откако беше објавено дека нашле „слабост“ во финансиското известување

Проблемите во банкарскиот сектор се појавија минатата недела, кога банката на Силиконската долина, 16-та по големина банка во земјата, пропадна во САД.

Швајцарската национална банка, која е централна банка на Швајцарија, и швајцарската управа за надзор на финансискиот пазар се обидоа да ги смират стравувањата на инвеститорите, велејќи дека се подготвени да и помогнат на Credit Suisse доколку е потребно.

Швајцарските финансиски институции подлежат на строги правила за „да се обезбеди нивната стабилност“, а „Credit Suisse“ ги исполнува барањата за банките кои се сметаат за системски важни, велат регулаторите

The post Најголемата швајцарска банка во паника: „Кредит свис“ позајми 54 милијарди долари за да ги осигура своите финансии appeared first on Република.

Во Швајцарија денеска почнува судски процес против банката „Кредит Свис“ (Credit Suisse), обвинета за перење пари на бугарска криминална група за шверц со кокаин. Според обвинението, банката испрала милиони евра стекнати со криминална активност, од кои дел биле донесени во куфери.

Според Обвинителство, втората по големина банка во Швајцарија и еден од нејзините поранешни вработени не ги презеле неопходните мерки за да ги спречат бугарските шверцери на дрога да скријат и да исперат речиси 55 милиони во периодот од 2004 и 2008 година.

Швајцарските медиуми наведуваат дека огромните суми биле платени лично од Евелин Банев, водачот на групата, а истрагата почнала пред 14 години. Обвинението е на повеќе од 500 страници и се фокусира на поврзаноста на поранешна вработена во банката со Банев и неколку негови соработници, од кои двајца се обвинети.

Второто обвинение е против поранешната вработена во банката, која овозможила перење на парите. Според швајцарските медиуми, таа била родена во Бугарија.

The post Испрале 55 милиони евра за бугарски нарко картел: Почнува судски процес против банката „Кредит свис“ appeared first on Република.