Шест тематски работилници за развој на креативноста кај децата ќе се рeализираат летово во Музејот на Град Скопје.

Концептот се состои од шест работилници на посебни теми при што секоја активност ќе биде прилагодена според возраста за која е наменета. Дел од темите на работилниците се: „Создаваме ритам за танцување“, „Мозаик што раскажува ѕвездени приказни“, „Халки фото авантура“, „Хартијата што зборува“.

„Халки шарено лето“ ќе се реализира во попладневните часови, во текот на летото, почнувајки од следната среда, 28 јуни. Времетраeњето на една работилница е два часа, а децата ќе бидат водени од врвни професионалци во областа. Работилниците се реализираат во соработка со Центарот за визуелна комуникација „Ефектива“.

Летниот распуст е одлична можност, дел од слободното време, децата да го искористат за да направат мозаик, да креираат свои сликовници, да работат сценографија, модерни танци, да се запознаат со тајните на фотографијата и магијата на хартијата. Можеби најважно, да се дружат со своите врсници и да заборават на таблетите и мобилните телефони.

Сите работилници ќе се објавуваат на официјалната Фејсбук страница на Халки детско штедење, каде што родителите ќе можат да ги пријават своите деца за учество, бидејќи бројот на учесници ќе биде ограничен.

The post Kрeативни работилници за деца за време на летниот распуст во Музејот на Град Скопје appeared first on Република.

Посебно основно училиште „Иднина“-Скопје кое е трансформирано во Основно училиште со ресурсен центар, преку низа активности и работилници се приклучува на одбележувањето на Меѓународниот ден на лицата со Даунов синдром и на Денот на пролетта и екологијата – 21 Март.

Од училиштето соопшуваат дека денеска го одбележуваат и патронат на училиштето - 50 години од постоењето и вршење на воспитно-образовна дејност со ученици со посебни образовни потреби како и една година основно училиште со ресурсен центар за поддршка на инклузивното образование.

Со цел да ја зголемиме свесноста за учениците со попреченост и нивна поголема вклученост во општетсвото, реализиравме креативна работилница под мотото „Нашето виножито“ во која учествуваа учениците вклучени во редовна настава со образовни асистенти во вкупно 78 основни училишта од Скопскиот и Североисточниот регион. Исто така, учениците учествуваа и во изработка на уметнички дела како дел од проектот „Students with special needs are smiling with art therapy“, финансиски поддржан од Турската национална агенција за спроведување Еразмус проекти, велат од ОУ „Иднина“.

Овој прокет по повод одбележувањето на денот на патрониот празник се спроведува во партнерство со три основни училишта од Романија, Португалија и Турција и едно посебно училиште од Литванија.

Основното училиште со Ресурсен центар „Иднина“- Скопје продолжува посветено да се развива и да работи во својата воспитно-образовна дејност во насока да обезбеди подеднаков пристап до образование на секое дете. Сето ова го правиме како поддршка на инклузивното образование преку обезбедување услуги во редовните основни училишта како што се образовна асистенција, индивидуална поддршка на ученици со специфични методи и техники на работа, но и поддршка на заедницата во вклучување на децата со потешкотии во секојдневните активности.

Отворен ден на ресурсниот центар со изложба од изработките од креативните работилници по повод патрониот празник ќе се организира под мотото „Разбери...прифати...сакај...“

The post Со креативни работилници ОУ „Иднина“ ќе ги одбележи Денот на лицата со Даунов синдром и Денот на пролетта appeared first on Република.